ﺋﺎﻛﯩﺴﻰ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺗﻪﺭﯨﭙﯩﺪﯨﻦ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻥ ﺑﯩﺮ ﻳﺎﺵ ﺑﯩﻠﻪﻥ ﺳﯚﻫﺒﻪﺕ
2007-12-21
ﺩﯗﻧﻴﺎﺩﺍ ﻛﯚﭘﯩﻨﭽﻪ ﺩﯙﻟﻪﺗﻠﻪﺭﺩﻩ ﺳﯩﻴﺎﺳﯩﻲ ﺟﯩﻨﺎﻳﻪﺗﭽﯩﻠﻪﺭﻧﻰ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﺶ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ ﺑﻮﻟﺴﯩﻤﯘ، ﺑﯘ ﻣﻪﺳﯩﻠﻪ ﺧﯩﺘﺎﻳﺪﺍ ﻳﻪﻧﯩﻼ ﺋﯧﻐﯩﺮ ﺩﻩﺭﯨﺠﯩﺪﻩ ﺩﺍﯞﺍﻡ ﻗﯩﻠﻤﺎﻗﺘﺎ. ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺋﯘﻳﻐﯘﺭ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﯩﻠﻪﺭﻧﻰ ﺑﺎﺳﺘﯘﺭﯗﺵ ﺋﯜﭼﯜﻥ ﺋﯚﻟﯜﻡ ﺟﺎﺯﺍﺳﯩﻨﻰ ﻛﯚﭘﻠﻪﭖ ﺋﯩﺠﺮﺍ ﻗﯩﻠﯩﭗ ﻛﻪﻟﻤﻪﻛﺘﻪ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﺩﯨﻜﺘﺎﺗﻮﺭ ﺗﯜﺯﯛﻣﯩﺪﯨﻦ ﻗﯘﺗﯘﻟﯘﺵ ﻣﻪﻗﺴﯩﺘﯩﺪﻩ ﺋﻪﺭﻛﯩﻨﻠﯩﻚ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﯩﻠﯩﺮﯨﮕﻪ ﻫﻪﺭ ﺧﯩﻞ ﺗﯜﺭﺩﯨﻜﻰ ﺋﯧﻐﯩﺮ ﺟﯩﻨﺎﻳﻪﺗﻠﻪﺭﻧﻰ ﺋﺎﺭﺗﯩﭗ، ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﭗ، ﺩﯗﻧﻴﺎﻧﯩﯔ ﻛﯚﺯ ﺋﺎﻟﺪﯨﺪﺍ ﺋﺎﺷﻜﺎﺭﺍ ﯞﻩ ﻣﻪﺧﭙﯩﻲ ﻫﺎﻟﺪﺍ ﻗﻮﺭﺍﻝ ﺑﯩﻠﻪﻥ ﺋﯧﺘﯩﭗ ﺋﯩﺠﺮﺍ ﻗﯩﻠﻤﺎﻗﺘﺎ.
ﻣﺎﻧﺎ ﺷﯘﻻﺭﺩﯨﻦ ﺑﯩﺮﻯ ﻫﺎﻣﯘﺕ ﺩﺍﯞﯗﺕ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﯩﭗ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﻗﻮﺭﺍﻝ ﺑﯩﻠﻪﻥ ﺋﯧﺘﯩﭗ ﺋﯩﺠﺮﺍ ﻗﯩﻠﯩﻨﻐﺎﻥ ﻳﺎﺷﻼﺭﻧﯩﯔ ﺑﯩﺮﻯ.
ﻫﺎﻣﯘﺕ ﺩﺍﯞﯗﺕ 1960 - ﻳﯩﻠﻰ ﺧﻮﺗﻪﻥ ﯞﯨﻼﻳﯩﺘﯩﻨﯩﯔ ﮔﯘﻣﺎ ﻧﺎﻫﯩﻴﯩﺴﯩﺪﻩ ﺗﯩﺠﺎﺭﻩﺗﭽﻰ ﺋﺎﺋﯩﻠﯩﺪﻩ ﺩﯗﻧﻴﺎﻏﺎ ﻛﻪﻟﮕﻪﻥ. 1982 - ﻳﯩﻠﺪﯨﻦ ﺑﺎﺷﻼﭖ ﺧﯩﺘﺎﻳﻨﯩﯔ ﺋﯚﻟﻜﯩﻠﯩﺮﯨﺪﻩ ﺗﯩﺠﺎﺭﻩﺕ ﻛﻪﺳﭙﻰ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ. ﺧﯩﺘﺎﻱ ﺯﯗﻟﯘﻣﯩﺪﯨﻦ ﻗﯧﭽﯩﭗ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻛﻪﻟﮕﻪﻥ ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﻫﯩﻤﺎﻳﻪ ﺋﺎﺳﺘﯩﻐﺎ ﺋﯧﻠﯩﭗ ﭘﺎﻧﺎﻫﻠﯩﻖ ﺑﻪﺭﮔﻪﻥ، ﻣﺎﺩﺩﯨﻲ ﯞﻩ ﻣﻪﻧﯩﯟﯨﻲ ﺟﻪﻫﻪﺗﺘﯩﻦ ﻳﺎﺭ - ﻳﯚﻟﻪﻛﺘﻪ ﺑﻮﻟﻐﺎﻥ.
ﻫﺎﻣﯘﺕ ﺩﺍﯞﯗﺕ 2000 - ﻳﯩﻠﻰ 11 - ﺋﺎﻳﻨﯩﯔ 16 - ﻛﯜﻧﻰ ﻟﻪﻧﺠﯘ ﺷﻪﻫﯩﺮﯨﺪﻩ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﻗﻮﻟﻐﺎ ﺋﯧﻠﯩﻨﻐﺎﻥ. 2002 - ﻳﯩﻠﻰ 7 - ﺋﺎﻳﻨﯩﯔ 18 - ﻛﯜﻧﻰ ﮔﯘﻣﺎ ﻧﺎﻫﯩﻴﯩﻠﯩﻚ ﺋﻮﺗﺘﯘﺭﺍ ﺳﻮﺕ ﻣﻪﻫﻜﯩﻤﯩﺴﻰ ﻫﺎﻣﯘﺕ ﺩﺍﯞﯗﺗﻘﺎ ﺋﻮﭼﯘﻕ ﺳﻮﺕ ﺋﯧﭽﯩﭗ، "ﻣﯩﻠﻠﻰ ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﯩﺘﻰ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ"، "ﯞﻩﺗﻪﻧﻨﻰ ﭘﺎﺭﭼﯩﻼﺷﻘﺎ ﺋﯘﺭﯗﻧﻐﺎﻥ"، "ﻳﺎﺷﻼﺭﻧﻰ ﻏﺎﺯﺍﺕ ﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﺸﻘﺎ ﻳﯧﺘﻪﻛﻠﯩﮕﻪﻥ"، "ﺗﯘﺗﯘﺵ ﺑﯘﻳﺮﯗﻗﻰ ﭼﯩﻘﯩﺮﯨﻠﻐﺎﻥ ﺟﯩﻨﺎﻳﻪﺗﭽﯩﻠﻪﺭﻧﻰ ﻫﯩﻤﺎﻳﻪ ﻗﯩﻠﯩﭗ، ﻳﻮﺷﯘﺭﯗﭖ ﻗﻮﻳﻐﺎﻥ" ﺩﯦﮕﻪﻧﺪﻩﻙ ﺟﯩﻨﺎﻳﻪﺗﻠﻪﺭﻧﻰ ﺋﺎﺭﺗﯩﭗ، ﺋﯚﻟﯜﻣﮕﻪ ﻫﯚﻛﯜﻡ ﻗﯩﻠﻐﺎﻥ ﻫﻪﻣﺪﻩ ﺷﯘ ﻛﯜﻧﻰ ﻗﻮﺭﺍﻝ ﺑﯩﻠﻪﻥ ﺋﯧﺘﯩﭗ ﺋﯩﺠﺮﺍ ﻗﯩﻠﻐﺎﻥ.
ﻫﺎﻣﯘﺕ ﺩﺍﯞﯗﺗﻨﯩﯔ ﺟﻪﺳﯩﺪﯨﻨﻰ ﺋﺎﺋﯩﻠﯩﺴﯩﮕﻪ ﺑﻪﺭﻣﯩﮕﻪﻥ، ﺋﺎﺋﯩﻠﯩﺴﻰ ﺟﻪﺳﻪﺗﻨﻰ ﻗﺎﻳﺘﯘﺭﯗﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻧﺪﺍ، ﺟﯩﻨﺎﺯﺍ ﻧﺎﻣﯩﺰﯨﻐﺎ ﺳﯩﺮﺗﺘﯩﻦ ﺋﺎﺩﻩﻡ ﻗﺎﺗﻨﺎﺷﺘﯘﺭﻣﺎﺳﻠﯩﻖ، ﺟﯩﻨﺎﺯﺍ ﻧﺎﻣﯩﺰﯨﻨﻰ ﭘﻪﻗﻪﺕ ﺋﯘﺭﯗﻕ - ﺗﯘﻏﻘﺎﻧﻠﯩﺮﯨﻼ ﺋﻮﻗﯘﺵ ﺷﻪﺭﺗﻰ ﺑﯩﻠﻪﻥ ﺟﻪﺳﻪﺗﻨﻰ ﺑﻪﺭﮔﻪﻥ ﻫﻪﻣﺪﻩ ﺧﯩﺘﺎﻱ ﺳﺎﻗﭽﯩﻠﯩﺮﻯ ﻧﺎﺯﺍﺭﻩﺕ ﻗﯩﻠﯩﭗ، ﺳﯩﺮﺗﺘﯩﻦ ﺟﯩﻨﺎﺯﺍ ﻧﺎﻣﯩﺰﯨﻐﺎ ﻛﻪﻟﮕﻪﻧﻠﻪﺭﻧﻰ ﺗﻮﺳﯘﭖ ﻗﺎﺗﻨﺎﺷﺘﯘﺭﻣﯩﻐﺎﻥ. ﻣﻪﺭﻫﯘﻡ ﻫﺎﻣﯘﺕ ﺩﺍﯞﯗﺗﻨﯩﯔ ﺟﻪﺳﯩﺘﻰ ﺩﻩﭘﻨﻪ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﺧﯩﺘﺎﻱ ﺳﺎﻗﭽﯩﻠﯩﺮﻯ ﻗﻪﺑﺮﻩ ﺑﯧﺸﯩﺪﺍ 3 ﺋﺎﻱ ﻧﺎﺯﺍﺭﻩﺗﭽﯩﻠﯩﻚ ﻗﯩﻠﯩﭗ ﺯﯨﻴﺎﺭﻩﺗﻜﻪ ﻛﻪﻟﮕﻪﻧﻠﻪﺭﻧﻰ ﻳﯧﻘﯩﻦ ﻳﻮﻻﺗﻤﯩﻐﺎﻥ. ﺋﯩﮕﯩﻠﯩﻨﯩﺸﯩﭽﻪ، ﻫﺎﻣﯘﺕ ﺩﺍﯞﯗﺗﻨﯩﯔ ﺋﺎﺩﯞﻭﻛﺎﺕ ﺗﯘﺗﯘﭖ ﺋﯚﺯﯨﻨﻰ ﺋﺎﻗﻠﯩﺸﯩﻐﺎ ﺧﯩﺘﺎﻱ ﺳﻮﺗﭽﯩﻠﯩﺮﻯ ﭘﯘﺭﺳﻪﺕ ﺑﻪﺭﻣﯩﮕﻪﻥ.
ﺑﯩﺰ ﺑﯘ ﻫﻪﻗﺘﻪ ﺗﻮﻟﯘﻕ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻫﺎﻣﯘﺕ ﺩﺍﯞﯗﺗﻨﯩﯔ ﭼﻪﺗﺌﻪﻟﺪﻩ ﻳﺎﺷﺎﯞﺍﺗﻘﺎﻥ ﺋﯩﻨﯩﺴﻰ ﻫﯜﺳﻪﻳﯩﻨﺠﺎﻥ ﺩﺍﯞﯛﺗﻨﻰ ﺯﯨﻴﺎﺭﻩﺕ ﻗﯩﻠﺪﯗﻕ. (ﺋﺎﺭﺳﻼﻥ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺏ ﺩ ﺕ ﻳﯩﻐﯩﻨﯩﺪﺍ، ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﺗﻪﻛﻠﯩﭗ ﻻﻳﯩﻬﯩﺴﻰ ﻛﯚﭖ ﺳﺎﻧﻠﯩﻖ ﺋﺎﯞﺍﺯ ﺑﯩﻠﻪﻥ ﻣﺎﻗﯘﻟﻠﯘﻗﺘﯩﻦ ﺋﯚﺗﺘﻰ
- ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺋﻮﻣﯘﻣﯩﻲ ﻳﯩﻐﯩﻨﯩﺪﺍ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﻫﻪﻗﻘﯩﺪﯨﻜﻰ ﺗﻪﻛﻠﯩﭗ ﻣﺎﻗﯘﻟﻼﻧﺪﻯ
- ﺳﯩﺮ ﺗﯘﺗﯘﻟﻐﺎﻥ ﺗﻮﻗﯘﻧﯘﺵ -- ﺷﺎﻳﺎﺭ ﯞﻩﻗﻪﺳﻰ
- ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ، ﺋﺎﯞﺳﺘﺮﺍﻟﯩﻴﻪ ﺑﺎﺵ ﻣﯩﻨﯩﺴﺘﯩﺮﯨﻨﻰ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺸﻜﻪ ﭼﺎﻗﯩﺮﺩﻯ
- ﺋﯩﻨﺴﺎﻥ ﻫﻪﻗﻠﯩﺮﻯ ﻛﯜﻧﯩﺪﻩ ﺋﯩﻨﺴﺎﻧﻠﯩﻖ ﺗﺮﺍﮔﯧﺪﯨﻴﯩﺴﻰ
- ﺋﺎﻟﻤﺎﺗﺎﺩﺍ ﺋﯘﻳﻐﯘﺭﻻﺭ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﯩﻨﻰ ﺧﺎﺗﯩﺮﯨﻠﯩﺪﻯ
- ﻛﺎﻧﺎﺩﺍﺩﺍ ﺋﯘﻳﻐﯘﺭﻻﺭ ﺳﯜﻛﯜﺗﺘﻪ ﺗﯘﺭﯗﭖ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﯩﻨﻰ ﺧﺎﺗﯩﺮﯨﻠﯩﺪﻯ
- ﺋﯘﻳﻐﯘﺭﻻﺭ ﺩﯗﻧﻴﺎ ﺋﯩﻨﺴﺎﻥ ﻫﻪﻗﻠﯩﺮﻯ ﻛﯜﻧﯩﻨﻰ ﺋﻪﻧﻘﻪﺭﻩ ﺷﻪﻫﻪﺭ ﻣﻪﺭﻛﯩﺰﯨﺪﻩ ﺧﺎﺗﯩﺮﻟﯩﺪﻯ
- ﺋﯘﻳﻐﯘﺭﻻﺭ ﺩﯗﻧﻴﺎ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﯩﻨﻰ ﯞﺍﺷﯩﻨﮕﺘﻮﻧﺪﯨﻜﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﺧﺎﺗﯩﺮﯨﻠﯩﺪﻯ
- ﮔﻮﻟﻼﻧﺪﯨﻴﯩﺪﻩ " ﺋﯘﻳﻐﯘﺭﻻﺭﻧﯩﯔ ﻫﻪﺝ ﭘﺎﺋﺎﻟﯩﻴﯩﺘﯩﮕﻪ ﺋﻪﺭﻛﯩﻨﻠﯩﻚ" ﺩﯦﮕﻪﻥ ﺷﯘﺋﺎﺭ ﺋﺎﺳﺘﯩﺪﺍ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ ﺋﯚﺗﻜﯜﺯﯛﻟﺪﻯ
- ﺩﯦﻤﻮﻛﺮﺍﺗﯩﻴﯩﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﯨﮕﻪ ﺑﻮﻟﻐﺎﻥ ﺗﻪﺳﯩﺮﻯ
- ﺧﻪﻟﻘﺌﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺷﯩﯟﯦﺘﺴﯩﻴﯩﺪﻩ ﻧﺎﻣﺎﻳﯩﺶ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
