ﺧﯩﺘﺎﻳﺪﯨﻜﻰ ﻳﯧﺰﯨﻼﺭﺩﺍ 60% ﺋﻮﻗﯘﻏﯘﭼﻰ ﺗﻮﻟﯘﻕ ﺋﻮﺗﺘﯘﺭﺍ ﯞﻩ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﺋﻮﻗﯘﻳﺎﻟﻤﺎﻳﺪﯗ

• ﻣﯘﺧﺒﯩﺮﯨﻤﯩﺰ ﭘﻪﺭﯨﺪﻩﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﯘ ﻳﯩﻞ 5‏-ﺋﺎﻳﺪﺍ ﺋﯧﻼﻥ ﻗﯩﻠﻐﺎﻥ "‏2005‏- ﻳﯩﻠﻠﯩﻖ ﻣﻪﻣﻠﯩﻜﻪﺗﻠﯩﻚ ﻣﺎﺋﺎﺭﯨﭗ ﺋﯩﺸﻠﯩﺮﻯ ﺗﻪﺭﻩﻗﻘﯩﻴﺎﺕ ﺳﯩﺘﺎﺗﯩﺴﺘﯩﻜﺎ ﺩﻭﻛﻼﺗﻰ" ﺩﺍ ﻛﯚﺭﺳﯩﺘﯩﻠﯩﺸﯩﭽﻪ، 2005‏- ﻳﯩﻠﯩﺪﯨﻜﻰ ﺗﻮﻟﯘﻕ ﺋﻮﺗﺘﯘﺭﺍ ﯞﻩ ﺋﻮﺗﺘﯘﺭﺍ ﺗﯧﺨﻨﯩﻜﻮﻡ ﻣﻪﻛﺘﻪﭘﻠﯩﺮﯨﮕﻪ ﻛﯩﺮﯨﺶ ﻧﯩﺴﺒﯩﺘﻰ 53% ﺋﻪﺗﺮﺍﭘﯩﺪﺍ ﺑﻮﻟﻐﺎﻥ. ﺷﯘﻧﺪﺍﻕ ﺑﻮﻟﻐﺎﻧﺪﺍ ﭘﯜﺗﯜﻥ ﺧﯩﺘﺎﻱ ﺑﻮﻳﯩﭽﻪ 35 ﻣﯩﻠﻴﻮﻥ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﻰ ﺟﻪﻣﺌﯩﻴﻪﺗﻜﻪ ﻳﯜﺯﻟﻪﻧﮕﻪﻥ ﺷﯘﻧﺪﺍﻗﻼ ﺑﯘﻻﺭﻧﯩﯔ ﻛﯚﭘﯜﻧﭽﯩﺴﻰ ﻳﯧﺰﺍ ﻧﻮﭘﯘﺳﻰ ﺋﯩﻜﻪﻥ.

ﺋﺎﺳﺎﺳﻠﯩﻖ ﺳﻪﯞﻩﺑﻠﻪﺭ

ﺋﻮﻗﯘﻏﯘﭼﯩﻼﺭﻧﯩﯔ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﻨﻰ ﭘﯜﺗﺘﯜﺭﯛﭘﻼ ﺟﻪﻣﺌﯩﻴﻪﺗﻜﻪ ﻳﯜﺯﻟﯩﻨﯩﺸﯩﺪﯨﻜﻰ ﺳﻪﯞﻩﭘﻠﻪﺭ ﺗﻮﻏﺮﯨﺴﯩﺪﺍ ﺗﯜﺭﻟﯜﻙ ﻗﺎﺭﺍﺷﻼﺭ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺋﺎﺳﺎﺳﻠﯩﻘﻰ 2 ﺧﯩﻞ ﺋﺎﻣﯩﻠﻐﺎ ﻣﻪﺭﻛﻪﺯﻟﻪﺷﻜﻪﻥ. ﺑﯩﺮﻯ، ﻧﯘﺭﻏﯘﻥ ﺋﻮﻗﯘﻏﯘﭼﯩﻼﺭﺩﺍ ﺗﻮﻟﯘﻕ ﺋﻮﺗﺘﯘﺭﺍ ﻳﺎﻛﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﻰ ﺋﻮﻗﯩﺴﯩﻤﯘ ﺑﻪﺭﯨﺒﯩﺮ ﺋﯩﺸﺴﯩﺰ ﻗﺎﻟﯩﺪﯨﻜﻪﻧﻐﯘ ﺩﻩﻳﺪﯨﻐﺎﻥ ﻗﺎﺭﺍﺵ ﺑﺎﺭ. ﻳﻪﻧﻪ ﺑﯩﺮﻯ ﺑﻮﻟﺴﺎ، ﻳﯧﺰﺍ ﺋﻮﻗﯘﻏﯘﭼﯩﻠﯩﺮﻯ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﻗﯩﻴﻨﺎﻟﻐﺎﭼﻘﺎ ﺋﻮﻗﯘﺵ ﻫﻪﻗﻘﯩﻨﻰ ﻛﯚﺗﯜﺭﯛﭖ ﻛﯧﺘﻪﻟﻤﻪﻱ ﻳﯧﺮﯨﻢ ﻳﻮﻟﺪﺍ ﺋﻮﻗﯘﺵ ﺗﻮﺧﺘﯘﺗﯘﭖ ﻗﻮﻳﯩﺪﯨﻐﺎﻥ ﺋﻪﻫﯟﺍﻝ ﻛﯚﭖ ﻛﯚﺭﯛﻟﮕﻪﻥ.

ﺋﯩﻠﮕﯩﺮﻯ ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺧﻮﺗﻪﻧﻨﯩﯔ ﻣﻪﻟﯘﻡ ﺑﯩﺮ ﻳﯧﺰﯨﺴﯩﺪﯨﻜﻰ ﺋﯘﻳﻐﯘﺭ ﺋﻮﻗﯘﺗﻘﯘﭼﻰ، ﻧﺎﻣﺮﺍﺕ ﺭﺍﻳﻮﻧﻼﺭﺩﯨﻜﻰ ﺋﻮﻗﯘﻏﯘﭼﯩﻼﺭﻧﯩﯔ ﻣﻪﻛﺘﻪﭖ ﻛﯩﺮﯨﺶ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻫﻪﻗﯩﻘﻪﺗﻪﻥ ﻳﯘﻗﯩﺮﯨﺪﺍ ﺋﯧﻴﺘﯩﻠﯩﭗ ﺋﯚﺗﻜﻪﻥ ﺳﻪﯞﻩﭘﻠﻪﺭﻧﯩﯔ ﺋﻮﻗﯘﻏﯘﭼﯩﻼﺭﻧﯩﯔ ﺋﻮﻗﯘﺷﻨﻰ ﺩﺍﯞﺍﻣﻼﺷﺘﯘﺭﯨﺸﯩﻐﺎ ﺗﻮﺳﺎﻟﻐﯘ ﺑﻮﻟﻐﺎﻥ ﺋﺎﺳﺎﺳﻠﯩﻖ ﺋﺎﻣﯩﻞ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ ﺋﯩﺪﻯ.

ﺋﺎﻣﯧﺮﯨﻜﯩﺪﯨﻜﻰ ﺋﺎﻣﻤﯩﯟﯨﻲ ﺗﻪﺷﻜﯩﻼﺕ ﺑﻮﻟﻐﺎﻥ "ﺧﯩﺘﺎﻱ ﺋﯘﭼﯘﺭ ﻣﻪﺭﻛﯩﺰﻯ" ﻧﯩﯔ ﻣﯘﺗﻪﺧﻪﺳﺴﯩﺴﻰ ﻣﻴﯘ ﺗﻴﻪﻧﭽﻰ ﺧﺎﻧﯩﻢ ﺑﯘ ﻫﻪﻗﺘﻪ ﺋﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﻫﯚﻛﯜﻣﻪﺗﻨﯩﯔ ﻳﯧﺰﺍ ﻣﺎﺋﺎﺭﯨﭙﯩﻐﺎ ﺋﺎﺟﺮﯨﺘﯩﺪﯨﻐﺎﻥ ﻣﻪﺑﻠﯩﻐﯩﻨﯩﯔ ﻳﯧﺘﻪﺭﻟﯩﻚ ﺑﻮﻟﻤﺎﺳﻠﯩﻘﯩﻤﯘ، ﻳﯧﺰﯨﻼﺭﺩﯨﻜﻰ ﺋﻮﻗﯘﻏﯘﭼﯩﻼﺭﻧﯩﯔ ﺋﻮﻗﯘﺷﻨﻰ ﺩﺍﯞﺍﻣﻼﺷﺘﯘﺭﺍﻟﻤﺎﺳﻠﯩﻘﯩﻐﺎ ﭼﻮﯓ ﺗﻪﺳﯩﺮ ﻛﯚﺭﺳﯩﺘﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ:

" ﺋﻪﻟﯟﻩﺗﺘﻪ ﻫﯚﻛﯜﻣﻪﺗﻨﯩﯔ ﻳﯧﺰﯨﻼﺭﺩﯨﻜﻰ ﺋﻮﺗﺘﯘﺭﺍ-ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﮔﻪ ﺋﺎﺟﺮﺍﺗﻘﺎﻥ ﺧﯩﺮﺍﺟﯩﺘﻰ ﺑﯩﻠﻪﻧﻤﯘ ﭼﻮﯓ ﺑﺎﻏﻠﯩﻨﯩﺸﻠﯩﻘﻰ ﺑﺎﺭ. ﻧﯘﺭﻏﯘﻥ ﺭﺍﻳﻮﻧﻼﺭﺩﺍ ﺑﯘ ﺧﯩﻠﺪﯨﻜﻰ ﻣﻪﺑﻠﻪﻍ ﻛﯚﭘﻪﻳﺘﯩﻠﻤﻪﺳﺘﯩﻦ، ﺋﻪﻛﺴﯩﭽﻪ ﺋﺎﺯﯨﻴﯩﭗ ﻛﯧﺘﯩﯟﺍﺗﯩﺪﯗ. ﺑﯘ ﺋﯩﻨﺘﺎﻳﯩﻦ ﺋﯧﻐﯩﺮ ﺑﯩﺮ ﺋﻪﻫﯟﺍﻝ" .

ﺧﯩﺘﺎﻱ ﺩﯗﭺ ﻛﯧﻠﯩﯟﺍﺗﻘﺎﻥ ﺑﯩﺮ ﻛﯩﺮﯨﺰﯨﺲ

ﻧﯚﯞﻩﺗﺘﻪ ﻳﻪﻧﻪ ﺑﯩﺮ ﻗﯩﺴﯩﻢ ﻣﺎﺋﺎﺭﯨﭙﭽﯩﻼﺭ ﺧﯩﺘﺎﻳﻨﯩﯔ ﻣﺎﺋﺎﺭﯨﭗ ﺳﺎﻫﻪﺳﯩﺪﻩ ﻣﻪﯞﺟﯘﺕ ﺑﻮﻟﯩﯟﺍﺗﻘﺎﻥ 3 ﺧﯩﻞ ﻣﻪﺳﯩﻠﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﺘﺎ. ﺑﯩﺮﻯ، 9 ﻳﯩﻠﻠﯩﻖ ﻣﻪﺟﺒﯘﺭﯨﻲ ﻣﺎﺋﺎﺭﯨﭗ ﻫﻪﻗﯩﻘﯩﻲ ﺋﻪﻣﻪﻟﯩﻴﻠﻪﺷﻤﯩﮕﻪﻥ. ﺋﯩﻜﻜﯩﻨﭽﯩﺴﻰ، ﺋﺎﻟﯩﻲ ﻣﺎﺋﺎﺭﯨﭗ ﺗﻪﺭﻩﻗﻘﯩﻴﺎﺗﻰ ﻏﻪﻳﺮﻯ ﻧﻮﺭﻣﺎﻝ ﺑﻮﻟﻐﺎﻥ. ﺋﯜﭼﯩﻨﭽﯩﺴﻰ، ﺋﺎﺋﯩﻠﯩﻠﻪﺭﻧﯩﯔ ﻣﺎﺋﺎﺭﯨﭗ ﺧﯩﺮﺍﺟﯩﺘﻰ ﻫﻪﺩﺩﯨﺪﯨﻦ ﺯﯨﻴﺎﺩﻩ ﻳﯘﻗﯩﺮﻯ ﺑﻮﻟﯘﭖ، ﻳﯧﺰﯨﻼﺭﺩﺍ ﻛﯩﺮﯨﻢ ﻧﺎﻫﺎﻳﯩﺘﻰ ﺋﺎﺯ ﺑﻮﻟﻐﺎﭼﻘﺎ ﻳﯧﺰﺍ ﺋﺎﻫﺎﻟﯩﻠﯩﺮﻯ ﺑﺎﻟﯩﻠﯩﺮﯨﻨﯩﯔ ﺋﻮﻗﯘﺵ ﺧﯩﺮﺍﺟﯩﺘﯩﻨﻰ ﻛﯚﺗﯜﺭﻩﻟﻤﻪﻳﺪﯗ.

ﺋﺎﻣﯧﺮﯨﻜﺎ ﻧﻴﻮ-ﻳﻮﺭﻙ ﺋﯘﻧﯩﯟﯦﺮﺳﯩﺘﯧﺘﻰ ﭘﺮﻭﻓﯧﺴﺴﻮﺭﻯ ﺷﻴﺎ ﻣﯩﯔ، ﻳﯧﺰﯨﻼﺭﺩﯨﻜﻰ ﻛﯚﭖ ﻗﯩﺴﯩﻢ ﺑﺎﻟﯩﻼﺭﻧﯩﯔ ﺋﻮﻗﯘﺷﻨﻰ ﺩﺍﯞﺍﻡ ﻗﯩﻠﺪﯗﺭﺍﻟﻤﺎﺳﻠﯩﻘﯩﻨﯩﯔ ﺟﻪﻣﺌﯩﻴﻪﺗﻜﻪ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻟﯩﺮﻯ ﺋﯜﺳﺘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯦﺪﻯ:

" ﺋﻪﯓ ﻳﺎﻣﺎﻥ ﺗﻪﺳﯩﺮﻯ ﻧﯧﻤﻪ ﺑﻮﻟﯩﺪﯗ ﺩﯦﮕﻪﻧﺪﻩ، ﻣﻪﺟﺒﯘﺭﯨﻲ ﻣﺎﺋﺎﺭﯨﭗ ﺋﻪﻣﻪﻟﮕﻪ ﺋﺎﺷﯘﺭﯗﻟﻤﺎﻱ، ﺋﯘﻧﯩﯖﻐﺎ ﻗﻮﺷﯘﻟﯘﭖ ﺋﺎﻟﯩﻲ ﻣﺎﺋﺎﺭﯨﭙﻨﯩﯔ ﺑﺎﺯﺍﺭﻟﯩﺸﯩﭗ ﻛﯧﺘﯩﺸﻰ، ﺋﺎﺋﯩﻠﯩﺴﯩﻨﯩﯔ ﻛﯩﺮﯨﻤﻰ ﺗﯚﯞﻩﻥ ﺑﻮﻟﻐﺎﻥ ﻳﯧﺰﺍ ﺑﺎﻟﯩﻠﯩﺮﯨﻨﯩﯔ ﺟﻪﻣﺌﯩﻴﻪﺕ ﯞﻩ ﻛﻪﻟﮕﯜﺳﯩﮕﻪ ﺑﻮﻟﻐﺎﻥ ﺋﺎﺭﺯﯗ-ﺋﯜﻣﯩﺪﻟﯩﺮﯨﻨﻰ ﻛﯚﭘﯜﻛﻜﻪ ﺋﺎﻳﻼﻧﺪﯗﺭﯨﺪﯗ. ﺷﯘﻧﯩﯔ ﺑﯩﻠﻪﻥ ﺟﻪﻣﺌﯩﻴﻪﺗﺘﯩﻜﻰ ﺑﯘ ﺋﺎﺟﯩﺰ ﺗﯩﭙﯩﺪﯨﻜﻰ ﻛﯩﺸﯩﻠﻪﺭ ﻫﯧﭽﻘﺎﻧﺪﺍﻕ ﻳﺎﺭﺩﻩﻣﮕﻪ ﺋﯧﺮﯨﺸﻪﻟﻤﯩﮕﻪﻧﺪﯨﻦ ﻛﯧﻴﯩﻦ، ﺑﺎﺭﺍ-ﺑﺎﺭﺍ ﻧﺎﭼﺎﺭ ﺗﯩﭙﺘﯩﻜﻰ ﻛﯩﺸﯩﻠﻪﺭﮔﻪ ﺋﯚﺯﮔﯩﺮﯨﺪﯗ".

ﺋﯘ ﻣﺎﻧﺎ ﺑﯘ ﺋﻪﻫﯟﺍﻟﻨﯩﯔ ﻧﯚﯞﻩﺗﺘﻪ ﺧﯩﺘﺎﻱ ﺩﯗﭺ ﻛﯧﻠﯩﯟﺍﺗﻘﺎﻥ ﺑﯩﺮ ﻛﯩﺮﯨﺰﯨﺲ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﻫﺎﺯﯨﺮ ﺑﺎﺭﻏﺎﻧﺴﯧﺮﻯ ﺗﯧﺨﯩﻤﯘ ﻛﯚﭖ ﺳﺎﻧﺪﯨﻜﻰ ﻣﺎﺋﺎﺭﯨﭙﭽﯩﻼﺭ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﻣﺎﺋﺎﺭﯨﭙﻘﺎ ﺑﻮﻟﯘﭘﻤﯘ ﻳﯧﺰﺍ ﻣﺎﺋﺎﺭﯨﭙﯩﻐﺎ ﻛﯚﭖ ﻛﯜﭺ ﭼﯩﻘﯩﺮﯨﺸﻘﺎ ﺋﯜﻧﺪﯨﻤﻪﻛﺘﻪ. (ﭘﻪﺭﯨﺪﻩ)