ﻣﻪﻛﺘﻪﭘﻠﻪﺭﺩﯨﻜﻰ ﻗﺎﻻﻳﻤﯩﻘﺎﻥ ﭘﯘﻝ ﻳﯩﻐﯩﺶ ﺋﻪﻫﯟﺍﻟﻰ ﺩﺍﯞﺍﻣﻠﯩﻖ ﺋﯧﻐﯩﺮ ﺑﻮﻟﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﭘﻪﺭﯨﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯧﻴﺠﯩﯖﺪﺍ ﭼﯩﻘﯩﺪﯨﻐﺎﻥ "ﺷﯩﻨﺠﯩﯔ ﮔﯧﺰﯨﺘﻰ" ﺩﻩ ﭼﺎﺭﺷﻪﻧﺒﻪ ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﭘﺎﺭﭼﻪ ﻣﺎﻗﺎﻟﯩﺪﺍ، ﺧﯩﺘﺎﻳﺪﺍ ﻣﻪﻛﺘﻪﭘﻜﻪ ﻛﯩﺮﯨﺶ ﺗﻪﺱ ﺑﻮﻟﯘﺵ ﯞﻩ ﻣﻪﻛﺘﻪﭖ ﻫﻪﻗﻘﻰ ﻗﯩﻤﻤﻪﺕ ﺑﻮﻟﯘﺵ ﺋﻪﻫﯟﺍﻟﻠﯩﺮﯨﻨﻰ ﺋﺎﺳﺎﺳﻠﯩﻘﻰ ﻫﯚﻛﯜﻣﻪﺗﻨﯩﯔ ﻣﺎﺋﺎﺭﯨﭙﻘﺎ ﺳﺎﻟﻐﺎﻥ ﻣﻪﺑﻠﯩﻐﯩﻨﯩﯔ ﻳﯧﺘﻪﺭﻟﯩﻚ ﺑﻮﻟﻤﺎﺳﻠﯩﻘﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ. 1993‏- ﻳﯩﻠﻰ ﻳﻮﻟﻐﺎ ﻗﻮﻳﯘﻟﻐﺎﻥ " ﺧﯩﺘﺎﻳﻨﯩﯔ ﻣﺎﺋﺎﺭﯨﭗ ﺋﯩﺴﻼﻫﺎﺕ ﯞﻩ ﺗﻪﺭﻩﻗﻘﯩﻴﺎﺕ ﺗﯧﺰﯨﺴﻰ" ﺩﺍ، 20‏- ﺋﻪﺳﯩﺮﻧﯩﯔ ﺋﺎﺧﯩﺮﻟﯩﺮﯨﻐﯩﭽﻪ ﺩﯙﻟﻪﺗﻨﯩﯔ ﻣﺎﻟﯩﻴﻪ ﺧﺎﺭﺍﻛﺘﯧﺮﯨﺪﯨﻜﻰ ﻣﺎﺋﺎﺭﯨﭗ ﺧﯩﺮﺍﺟﯩﺘﯩﻨﻰ ﺧﯩﺘﺎﻳﻨﯩﯔ ﺩﯙﻟﻪﺕ ﺋﯩﭽﻰ ﺋﯩﺸﻠﻪﭘﭽﯩﻘﯩﺮﯨﺶ ﺋﻮﻣﯘﻣﯩﻲ ﻗﯩﻤﻤﯩﺘﯩﻨﯩﯔ 4% ﺋﯩﮕﻪ ﻳﻪﺗﻜﯜﺯﯛﺵ ﻧﯩﺸﺎﻧﻼﻧﻐﺎﻥ. ﺋﻪﻣﻤﺎ 2004‏- ﻳﯩﻠﯩﻐﺎ ﻗﻪﺩﻩﺭ، ﺧﯩﺘﺎﻱ ﻣﺎﻟﯩﻴﻪﺳﯩﺪﯨﻜﻰ ﻣﺎﺋﺎﺭﯨﭗ ﺧﺎﻣﭽﻮﺗﻰ ﺋﯩﺸﻠﻪﭘﭽﯩﻘﯩﺮﯨﺶ ﺋﻮﻣﯘﻣﯩﻲ ﻗﯩﻤﻤﯩﺘﯩﻨﯩﯔ ﺋﺎﺭﺍﻥ 2.9% ﺋﯩﻨﻰ ﺗﻪﺷﻜﯩﻞ ﻗﯩﻠﻐﺎﻥ. ﺋﻪﻟﯟﻩﺗﺘﻪ ﺑﯘ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻧﻘﻰ ﺧﯩﺘﺎﻱ ﻣﺎﺋﺎﺭﯨﭗ ﻛﯚﻟﯩﻤﯩﻨﯩﯔ ﺗﯧﺰ ﻛﯧﯖﯩﻴﯩﺶ ﻗﻪﺩﯨﻤﯩﮕﻪ ﻣﺎﺱ ﻛﻪﻟﻤﯩﮕﻪﻥ. ﺑﻮﻟﯘﭘﻤﯘ ﭘﯜﺗﯜﻥ ﻣﺎﺋﺎﺭﯨﭗ ﻣﻪﺑﻠﯩﻐﯩﻨﯩﯔ ﺋﺎﺭﯨﺴﯩﺪﺍ، ﻳﯧﺰﺍ ﻣﺎﺋﺎﺭﯨﭙﯩﻐﺎ ﺳﯧﻠﯩﻨﻐﺎﻥ ﻣﻪﺑﻠﻪﻍ ﺋﯧﻐﯩﺮ ﺩﻩﺭﯨﺠﯩﺪﻩ ﺋﺎﺯ ﺑﻮﻟﻐﺎﻥ.

ﻣﺎﺋﺎﺭﯨﭙﻨﻰ ﺳﺎﻧﺎﺋﻪﺗﻠﻪﺷﺘﯜﺭﮔﯩﻠﻰ ﺑﻮﻟﻤﺎﻳﺪﯗ

"ﺷﯩﻨﺠﯩﯔ ﮔﯧﺰﯨﺘﻰ" ﺩﻩ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﺪﺍ ﻳﻪﻧﻪ، ﻣﺎﺋﺎﺭﯨﭗ ﺑﺎﻳﻠﯩﻐﻰ ﺗﺎﺭﻗﯩﻠﯩﺸﯩﻨﯩﯔ ﺗﻪﻛﺸﻰ ﺑﻮﻟﻤﺎﺳﻠﯩﻘﯩﻤﯘ، ﺋﻮﻗﯘﻏﯘﭼﯩﻼﺭ ﺋﺎﺭﯨﺴﯩﺪﺍ ﻣﻪﻛﺘﻪﭖ ﺗﺎﻟﻼﺵ ﯞﻩﺯﯨﻴﯩﺘﯩﻨﻰ ﺷﻪﻛﯩﻠﻠﻪﻧﺪﯛﺭﯛﭖ ﻗﻮﻳﻐﺎﻥ. ﻧﻪﺗﯩﺠﯩﺪﻩ، ﻧﯘﻗﺘﯩﻠﯩﻖ ﻣﻪﻛﺘﻪﭘﻠﻪﺭﻧﯩﯔ ﺋﻮﻗﯘﺵ ﭘﯘﻟﻰ ﻫﻪﺩﺩﯨﺪﯨﻦ ﺯﯨﻴﺎﺩﻩ ﻳﯘﻗﯩﺮﻯ ﺑﻮﻟﯘﭖ، ﻫﻪﺗﺘﺎ ﺋﻮﻗﯘﻏﯘﭼﯩﻼﺭ ﺋﺎﻟﺪﯨﻨﺌﺎﻻ ﻧﻪﭼﭽﻪ ﺋﻮﻥ ﻣﯩﯔ ﻳﯜﻩﻥ ﺗﺎﭘﺸﯘﺭﯗﭖ ﺋﺎﻧﺪﯨﻦ ﺋﺎﺭﺍﻥ ﺑﯘ ﻣﻪﻛﺘﻪﭘﻠﻪﺭﮔﻪ ﻛﯩﺮﯨﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﯩﺪﯨﻐﺎﻥ ﺋﻪﻫﯟﺍﻟﻼﺭ ﻛﯧﻠﯩﭗ ﭼﯩﻘﻘﺎﻥ. ﺷﯘ ﺳﻪﯞﻩﭘﺘﯩﻦ ﺑﯘ، ﺋﺎﺗﺎ-ﺋﺎﻧﯩﻼﺭﻧﯩﯔ ﻳﯜﻛﯩﻨﻰ ﺗﯧﺨﯩﻤﯘ ﺋﯧﻐﯩﺮﻟﯩﺘﯩﭗ، ﻣﻪﻛﺘﻪﭘﻠﻪﺭﺩﯨﻜﻰ ﭼﯩﺮﯨﻜﻠﯩﻚ ﯞﻩﺯﯨﻴﯩﺘﯩﻨﯩﯔ ﺷﻪﻛﯩﻠﻠﯩﻨﯩﺸﯩﮕﻪ ﺳﻪﯞﻩﭖ ﺑﻮﻟﻐﺎﻥ. ﺋﺎﻣﯧﺮﯨﻜﺎ ﺋﯩﻨﺘﯧﺮﻧﯧﺖ ﮊﻭﺭﻧﯩﻠﻰ ﺑﻮﻟﻐﺎﻥ "ﺧﯩﺘﺎﻱ ﺋﯩﺸﻠﯩﺮﻯ" ﺗﻮﺭ ﺑﯧﺘﯩﻨﯩﯔ ﺑﺎﺵ ﻣﯘﻫﻪﺭﺭﯨﺮﻯ ﯞﯗ ﻓﻪﻥ، ﺧﯩﺘﺎﻱ ﻣﺎﺋﺎﺭﯨﭗ ﺳﯧﺴﺘﯩﻤﯩﺴﯩﺪﯨﻜﻰ ﺳﺎﻧﺎﺋﻪﺗﻠﯩﺸﯩﺶ ﺋﻪﻫﯟﺍﻟﯩﺪﺍ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯦﺪﻯ:

" ﻣﺎﺋﺎﺭﯨﭙﻨﻰ ﺳﺎﻧﺎﺋﻪﺗﻠﻪﺷﺘﯜﺭﮔﯩﻠﻰ ﺑﻮﻟﻤﺎﻳﺪﯗ. ﻣﺎﺋﺎﺭﯨﭙﻨﻰ ﺳﺎﻧﺎﺋﻪﺕ ﻳﺎﻛﻰ ﭘﯘﻝ ﺗﺎﭘﯩﺪﯨﻐﺎﻥ ﻳﻮﻝ ﺩﻩﭖ ﻗﺎﺭﺍﺷﻘﺎ ﺑﻮﻟﻤﺎﻳﺪﯗ. ﺑﯘ ﻣﯘﺗﻠﻪﻕ ﺧﺎﺗﺎ ﺑﯩﺮ ﺋﯩﺶ. ﻣﺎﺋﺎﺭﯨﭗ ﭘﯜﺗﯜﻥ ﺩﯙﻟﻪﺗﻜﻪ، ﺟﻪﻣﺌﯩﻴﻪﺗﻜﻪ ﯞﻩ ﺧﻪﻟﻘﻘﻪ ﺋﯩﻘﺘﯩﺴﺎﺱ ﺋﯩﮕﯩﻠﯩﺮﯨﻨﻰ ﯞﻩ ﻳﯧﯖﻰ ﺋﯩﺸﻠﻪﭘﭽﯩﻘﯩﺮﯨﺶ ﻛﯜﭼﻠﯩﺮﯨﻨﻰ ﻳﺎﺭﯨﺘﯩﺪﯨﻐﺎﻥ ﺑﯩﺮ ﺋﻮﺭﯗﻥ. ﺋﻪﮔﻪﺭ ﻫﯚﻛﯜﻣﻪﺕ ﺑﯘﻧﯩﯖﻐﺎ ﻣﻪﺑﻠﻪﻍ ﺳﺎﻟﻤﺎﻱ، ﭘﻪﻗﻪﺕ ﺋﺎﺩﻩﺗﺘﯩﻜﻰ ﭘﯘﻗﺮﺍﻻﺭﻧﯩﯖﻼ ﺩﻩﺳﻤﺎﻳﯩﺴﯩﮕﻪ ﻗﺎﺭﺍﭖ ﺋﻮﻟﺘﯘﺭﺳﺎ، ﺋﯘ ﭼﺎﻏﺪﺍ ﻣﺎﺋﺎﺭﯨﭙﻨﯩﯔ ﻳﯘﻗﯩﺮﯨﺪﯨﻜﻰ ﻣﻪﻗﺴﯩﺪﯨﮕﻪ ﻳﻪﺗﻜﯩﻠﻰ ﺑﻮﻟﻤﺎﻳﺪﯗ

ﺧﯩﺘﺎﻱ ﻣﺎﺋﺎﺭﯨﭗ ﺧﯩﺮﺍﺟﯩﺘﯩﻨﯩﯔ 90% ﺋﯩﺪﯨﻦ ﻛﯚﭘﻰ ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭﺩﯨﻦ ﻛﯧﻠﯩﺪﯗ

ﺋﯘ ﺳﯚﺯﯨﺪﻩ ﻳﻪﻧﻪ، ﺋﯩﺴﻼﻫﺎﺕ ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺸﺘﯩﻦ ﺑﯘﺭﯗﻥ، ﺋﻮﺗﺘﯘﺭﺍ-ﺑﺎﺷﻼﻧﻐﯘﭺ ﯞﻩ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﺗﯘﺷﯩﻨﯩﯔ ﺋﺎﺳﺎﺳﯩﻲ ﺟﻪﻫﻪﺗﺘﯩﻦ ﻫﻪﻗﺴﯩﺰ ﺑﻮﻟﻐﺎﻧﻠﯩﻘﯩﻨﻰ، ﻟﯧﻜﯩﻦ 90‏- ﻳﯩﻠﻼﺭﺩﯨﻦ ﻛﯧﻴﯩﻦ، ﻳﻪﻧﻰ ﺟﯘ ﺭﻭﯕﺠﻰ ﺩﻩﯞﺭﯨﺪﯨﻦ ﺑﺎﺷﻼﭖ ﺳﺎﻧﺎﺋﻪﺗﻠﯩﺸﯩﺶ ﻳﻮﻟﯩﻐﺎ ﻛﯩﺮﮔﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺷﯘ ﺳﻪﯞﻩﭘﺘﯩﻦ ﺑﯩﺮ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﯩﻐﺎ ﺋﺎﺯ ﺩﯦﮕﻪﻧﺪﻩ 100 ﻣﯩﯖﺪﯨﻦ 500 ﻣﯩﯔ ﻳﯜﻩﻧﮕﯩﭽﻪ ﭘﯘﻝ ﻛﯧﺘﯩﺪﯨﻐﺎﻥ ﺑﻮﻟﻐﺎﻥ. ﮔﻪﺭﭼﻪ ﻫﺎﻝ ﺋﻮﻗﯩﺘﻰ ﻳﺎﺧﺸﯩﺮﺍﻕ ﺋﺎﺋﯩﻠﯩﻠﻪﺭ ﺑﯘﻧﻰ ﻛﯚﺗﯜﺭﻩﻟﯩﮕﻪﻥ ﺑﯩﻠﻪﻥ، ﭼﻪﺕ-ﻳﯧﺰﺍ ﺭﺍﻳﻮﻧﻼﺭﺩﯨﻜﻰ ﻛﻪﻣﺒﻪﻏﻪﻝ ﺋﻮﻗﯘﻏﯘﭼﯩﻼﺭ ﻣﻪﻛﺘﻪﭖ ﭘﯘﻟﯩﻨﻰ ﺗﺎﭘﺸﯘﺭﺍﻟﻤﺎﻱ، ﺋﺎﺭﺯﯗ ﻗﯩﻠﻐﺎﻥ ﻣﻪﻛﺘﻪﭘﻠﯩﺮﯨﮕﻪ ﺑﺎﺭﺍﻟﻤﺎﻳﺪﯨﻐﺎﻥ ﺋﻪﻫﯟﺍﻟﻼﺭ ﻛﯧﻠﯩﭗ ﭼﯩﻘﻘﺎﻥ. ﺋﻮﻗﯘﺵ ﭘﯘﻟﯩﺪﯨﻦ ﺳﯩﺮﺕ، ﻳﺎﺗﺎﻕ ﯞﻩ ﺗﯘﺭﻣﯘﺵ ﭘﯘﻟﻠﯩﺮﻯ ﻗﻮﺷﯘﻟﯘﭖ، ﻫﻪﺗﺘﺎ ﺷﻪﻫﻪﺭﻟﯩﻜﻠﻪﺭﻧﯩﯖﻤﯘ ﺑﺎﻟﯩﻠﯩﺮﯨﻨﻰ ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﺗﯘﺷﻰ ﺗﻪﺳﻜﻪ ﺗﻮﺧﺘﯩﻐﺎﻥ. ﺋﺎﻣﯧﺮﯨﻜﺎ ﻧﻴﯘ-ﻳﻮﺭﻙ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺧﯩﺘﺎﻱ ﺟﻪﻣﺌﯩﻴﻪﺕ ﻣﻪﺳﯩﻠﯩﻠﯩﺮﻯ ﻣﯘﺗﻪﺧﻪﺳﺴﯩﺴﻰ ﭘﺮﻭﻓﯧﺴﺴﻮﺭ ﺷﻴﺎ ﻣﯩﯔ ﺑﯘ ﻫﻪﻗﺘﻪ ﺋﯚﺯ ﻗﺎﺭﺍﺷﻠﯩﺮﯨﻨﻰ ﻛﯚﺭﺳﯩﺘﯩﭗ ﻣﯘﻧﺪﺍﻕ ﺩﯦﺪﻯ:

"ﺧﯩﺘﺎﻳﻨﯩﯔ ﻗﺎﻧﯘﻧﺪﺍ ﺑﻪﻟﮕﯩﻠﻪﻧﮕﻪﻥ 9 ﻳﯩﻠﻠﯩﻖ ﻣﻪﺟﺒﯘﺭﯨﻲ ﻣﺎﺋﺎﺭﯨﭗ ﺗﯜﺯﯛﻣﻰ ﺑﺎﺭ. ﺑﺎﺷﻼﻧﻐﯘﭺ ﯞﻩ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﻠﯩﺮﻯ ﺧﯩﺘﺎﻳﻨﯩﯔ ﺋﺎﺳﺎﺳﯩﻲ ﻗﺎﻧﯘﻥ ﯞﻩ ﻣﺎﺋﺎﺭﯨﭗ ﻗﺎﻧﯘﻧﻠﯩﺮﻯ ﺑﻮﻳﯩﭽﻪ ﻫﻪﻗﺴﯩﺰ ﺑﻮﻟﯩﺸﻰ ﻛﯧﺮﻩﻙ. ﻟﯧﻜﯩﻦ ﻣﻪﺟﺒﯘﺭﯨﻲ ﻣﺎﺋﺎﺭﯨﭙﻨﯩﯔ ﻛﺎﭘﺎﻟﯩﺘﻰ ﺋﻪﻣﻪﻟﯩﻴﻪﺗﺘﻪ ﻳﻪﺭﻟﯩﻚ ﺋﻮﺭﯗﻧﻼﺭﻧﯩﯔ ﻣﺎﻟﯩﻴﯩﺴﯩﮕﻪ ﺗﺎﻳﺎﻧﻐﺎﻥ ﺑﻮﻟﯩﺪﯗ. ﺧﯩﺘﺎﻱ ﻣﺎﺋﺎﺭﯨﭗ ﺧﯩﺮﺍﺟﯩﺘﯩﻨﯩﯔ 90% ﺋﯩﺪﯨﻦ ﻛﯚﭘﻰ ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭﺩﯨﻦ ﻛﯧﻠﯩﺪﯗ" .

ﺋﻮﻗﯘﺗﻘﯘﭼﯩﻼﺭ ﻫﻪﺗﺘﺎ ﻣﺎﺋﺎﺷﯩﻨﯩﻤﯘ ﯞﺍﻗﺘﯩﺪﺍ ﺋﺎﻻﻟﻤﺎﻳﺪﯗ

ﺷﻴﺎ ﻣﯩﯔ ﺳﯚﺯﯨﺪﻩ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﺎﺋﺎﺭﯨﭙﻘﺎ ﺳﺎﻟﻐﺎﻥ ﻣﻪﺑﻠﯩﻐﯩﻨﯩﯔ ﺋﺎﺳﺎﺳﯩﻲ ﺟﻪﻫﻪﺗﺘﯩﻦ ﺋﺎﻟﯩﻲ ﻣﻪﻛﺘﻪﭖ ﯞﻩ ﺩﯙﻟﻪﺗﻠﯩﻚ ﻧﯘﻗﺘﯩﻠﯩﻖ ﭼﻮﯓ ﻣﻪﻛﺘﻪﭘﻠﻪﺭﮔﻪ ﻗﺎﺭﯨﺘﯩﻠﻐﺎﻧﻠﯩﻘﯩﻨﻰ، ﺷﯘ ﺳﻪﯞﻩﭘﺘﯩﻦ ﺋﯩﻘﺘﯩﺴﺎﺩﯨﻲ ﻳﺎﺧﺸﯩﺮﺍﻕ ﺭﺍﻳﻮﻧﻼﺭ ﻫﻪﻗﺴﯩﺰ ﻣﻪﺟﺒﯘﺭﯨﻲ ﻣﺎﺋﺎﺭﯨﭙﻨﻰ ﺋﯧﻠﯩﭗ ﻛﯧﺘﻪﻟﯩﮕﻪﻥ ﺑﯩﻠﻪﻥ، ﺷﯩﻨﺠﺎﯓ ﯞﻩ ﮔﻪﻧﺴﯘﻏﺎ ﺋﻮﺧﺸﺎﺵ ﻧﺎﻣﺮﺍﺗﺮﺍﻕ ﺟﺎﻳﻼﺭﻧﯩﯔ ﺋﻮﻗﯘﻏﯘﭼﯩﻼﺭﻧﯩﯔ ﺋﻮﻗﯘﺵ ﭘﯘﻟﻰ ﺋﯘ ﻳﺎﻗﺘﺎ ﺗﯘﺭﺳﯘﻥ، ﻫﻪﺗﺘﺎ ﺋﻮﻗﯘﺗﻘﯘﭼﯩﻼﺭﻧﯩﯔ ﻣﺎﺋﺎﺷﯩﻨﯩﻤﯘ ﺗﻮﻟﯘﻕ ﺑﯧﺮﯨﭗ ﺑﻮﻻﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺋﯩﻠﮕﯩﺮﻯ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﻰ ﺭﺍﻳﻮﻧﯩﺪﯨﻦ ﺭﺍﺩﯨﺌﻮﻣﯩﺰﻏﺎ ﺗﯧﻠﯧﻔﻮﻥ ﻗﯩﻠﻐﺎﻥ ﺑﯩﺮ ﺋﯘﻳﻐﯘﺭ ﺋﻮﻗﯘﺗﻘﯘﭼﻰ، ﺋﯚﺯﻯ ﻗﺎﺭﺍﺷﻠﯩﻖ ﺑﯩﺮ ﺋﻮﺗﺘﯘﺭﺍ ﻣﻪﻛﺘﻪﭘﻨﯩﯔ ﺑﯩﺮ ﻳﯩﻠﺪﯨﻦ ﺑﯘﻳﺎﻥ ﺋﯘﻧﯩﯖﻐﺎ 3 ﺋﺎﻳﻠﯩﻖ ﻣﺎﺋﺎﺷﯩﻨﯩﻤﯘ ﺑﯧﺮﯨﭗ ﺑﻮﻻﻟﻤﯩﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ ﺋﯩﺪﻯ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﻪﻛﺘﻪﭘﻠﻪﺭﻧﯩﯔ ﻗﺎﻻﻳﻤﯩﻘﺎﻥ ﻫﻪﻕ ﺋﯧﻠﯩﺶ ﻣﻪﺳﯩﻠﯩﺴﻰ ﺧﯧﻠﯩﺪﯨﻦ ﺑﯧﺮﻯ ﺟﻪﻣﺌﯩﻴﻪﺗﺘﻪ ﻛﯜﭼﻠﯜﻙ ﻧﺎﺭﺍﺯﯨﻠﯩﻖ ﻗﻮﺯﻏﺎﭖ ﻛﻪﻟﮕﻪﻥ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﻯ ﺑﻮﻟﯘﭖ، ﺧﯩﺘﺎﻱ ﺧﻪﯞﻩﺭ ﺋﺎﮔﯧﻨﺘﻠﯩﻘﯩﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﻫﻪﺗﺘﺎ ﻳﯧﻘﯩﻨﺪﺍ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺳﻮﺩﺍ-ﺳﺎﻧﺎﺋﻪﺕ ﺋﯩﺪﺍﺭﯨﺴﻰ ﺋﯜﺭﯛﻣﭽﯩﺪﯨﻜﻰ 21 ﻣﻪﻛﺘﻪﭘﻨﯩﯔ ﺳﻮﺩﺍ ﺧﯩﻴﺎﻧﻪﺗﭽﯩﻠﯩﻚ ﺩﯦﻠﻮﺳﯩﻐﺎ ﭼﯧﺘﯩﻠﻐﺎﻧﻠﯩﻘﯩﻨﻰ ﭘﺎﺵ ﻗﯩﻠﻐﺎﻥ. ﺑﯘ ﻣﻪﻛﺘﻪﭘﻠﻪﺭﺩﯨﻜﻰ ﺋﻮﻣﯘﻣﯩﻲ ﺧﯩﻴﺎﻧﻪﺕ ﺳﻮﻣﻤﯩﺴﻰ 100 ﻣﯩﻠﻴﻮﻥ ﻳﯜﻩﻧﺪﯨﻦ ﺋﺎﺷﻘﺎﻥ. (ﭘﻪﺭﯨﺪﻩ)