ﺧﯩﺘﺎﻱ ﻫﯚﻛﯜﻣﯩﺘﻰ 2007 ‏- ﻳﯩﻠﯩﺪﯨﻦ ﺑﺎﺷﻼﭖ ﻳﯧﺰﺍ ﻣﻪﺟﺒﯘﺭﯨﻲ ﻣﺎﺋﺎﺭﯨﭙﯩﺪﺍ ﺋﻮﻗﯘﺵ ﭘﯘﻟﯩﻨﻰ ﺑﯩﻜﺎﺭ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﺪﺍ 2007 ‏- ﻳﯩﻠﻰ 1 ‏- ﺋﺎﻳﻨﯩﯔ 1‏- ﻛﯜﻧﯩﺪﯨﻦ ﺑﺎﺷﻼﭖ، ﻣﻪﻣﻠﯩﻜﻪﺕ ﺋﯩﭽﯩﺪﯨﻜﻰ ﺑﺎﺭﻟﯩﻖ ﻳﯧﺰﯨﻼﺭﺩﺍ، ﻣﻪﺟﺒﯘﺭﯨﻲ ﻣﺎﺋﺎﺭﯨﭗ ﺋﻮﻗﯘﺵ ﻫﻪﻗﻘﯩﻨﻰ ﭘﯜﺗﯜﻧﻠﻪﻱ ﺑﯩﻜﺎﺭ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻳﻪﻧﻰ ﻳﯧﺰﺍ ﺑﺎﺷﻼﻧﻐﯘﭺ ﻣﻪﻛﺘﻪﭖ ﯞﻩ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﻠﯩﺮﯨﺪﯨﻜﻰ 150 ﻣﯩﻠﻴﻮﻥ ﺋﻮﻗﯘﻏﯘﭼﯩﺪﯨﻦ ﺋﻮﻗﯘﺵ ﭘﯘﻟﻰ ﯞﻩ ﻛﯩﺘﺎﺏ ﭘﯘﻟﻰ ﻗﺎﺗﺎﺭﻟﯩﻘﻼﺭﻧﻰ ﺋﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﺎﺷﻠﯩﻘﻰ ﺟﯘ ﭼﻰ "ﻫﯚﻛﯜﻣﻪﺕ ﺑﯘ ﻗﯧﺘﯩﻢ ﻳﯧﺰﺍ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺋﻮﻗﯘﺵ ﯞﻩ ﻛﯩﺘﺎﺏ ﭘﯘﻟﻰ ﻗﺎﺗﺎﺭﻟﯩﻘﻼﺭﻧﻰ ﻛﯚﺗﯜﺭﯛﯞﻩﺗﻜﻪﻧﺪﯨﻦ ﻛﯧﻴﯩﻦ، ﺋﻮﺗﺘﯘﺭﺍ ﻫﯧﺴﺎﺑﺘﺎ، ﻫﻪﺭ ﺑﯩﺮ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﻰ 140 ﻳﯜﻩﻥ، ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﻰ 180 ﻳﯜﻩﻥ، ﻧﺎﻣﺮﺍﺕ ﺋﻮﻗﯘﻏﯘﭼﯩﻼﺭ 150 ﻳﯜﻩﻥ ﻳﺎﺗﺎﻕ ﭘﯘﻟﻰ ﺗﺎﭘﺸﯘﺭﯗﺷﺘﯩﻦ ﺧﺎﻟﻰ ﺑﻮﻟﯩﺪﯗ. ﺑﯘ ﻫﯚﻛﯜﻣﻪﺗﻨﯩﯔ ﺩﯦﻬﻘﺎﻧﻼﺭﻏﺎ ﻏﻪﻣﺨﻮﺭﻟﯘﻕ ﻗﯩﻠﯩﭗ، ﺋﯘﻻﺭﻧﯩﯔ ﻳﯜﻛﯩﻨﻰ ﻳﯧﻨﯩﻜﻠﻪﺗﻜﻪﻧﻠﯩﻜﻰ" ﺩﻩﭖ ﺑﯩﻠﺪﯛﺭﺩﻯ.

ﺋﻮﻗﯘﺵ ﭘﯘﻟﻰ ﻛﯚﺭﺗﯜﺭﯛﯞﯦﺘﯩﻠﮕﯩﻨﻰ ﺑﯩﻠﻪﻥ، ﺋﺎﻟﯩﺪﯨﻐﺎﻥ ﺑﺎﺷﻘﺎ ﭘﯘﻟﻼﺭ ﻛﯚﭖ

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﺪﯨﻦ ﺋﯩﻠﮕﯩﺮﻯ ﻳﻪﻧﻰ ﺑﯘ ﻳﯩﻞ ﺑﯧﺸﯩﺪﺍ، ﻏﻪﺭﺑﯩﻲ ﺭﺍﻳﻮﻧﺪﯨﻜﻰ ﺑﯩﺮ ﻗﯩﺴﯩﻢ ﻧﺎﻣﺮﺍﺕ ﺟﺎﻳﻼﺭﺩﺍ، ﺋﻮﻗﯘﻏﯘﭼﯩﻼﺭﻧﯩﯔ ﺋﻮﻗﯘﺵ ﯞﻩ ﻛﯩﺘﺎﺏ ﭘﯘﻟﻰ ﻗﺎﺗﺎﺭﻟﯩﻘﻼﺭﻧﻰ ﺑﯩﻜﺎﺭ ﻗﯩﻠﯩﯟﯨﺘﯩﺶ ﻫﻪﻗﻘﯩﺪﻩ ﻣﻪﺧﺴﯘﺱ ﻗﺎﺭﺍﺭ ﭼﯜﺷﯜﺭﮔﻪﻥ. ﻟﯧﻜﯩﻦ ﻣﻪﺯﻛﯘﺭ ﻗﺎﺭﺍﺭﻧﯩﯔ ﺑﯘ ﺟﺎﻳﻼﺭﺩﺍ ﺋﯩﺠﺮﺍ ﻗﯩﻠﯩﻨﯩﺶ ﺋﻪﻫﯟﺍﻟﻰ ﻣﻪﻳﻠﻰ ﺧﯩﺘﺎﻱ ﻳﯧﺰﯨﻠﯩﺮﯨﺪﺍ ﺑﻮﻟﺴﯘﻥ ﻳﺎﻛﻰ ﺋﯘﻳﻐﯘﺭ ﻳﯧﺰﯨﻠﯩﺮﯨﺪﺍ ﺑﻮﻟﺴﯘﻥ ﺋﯩﻨﺘﺎﻳﯩﻦ ﻧﺎﭼﺎﺭ ﺑﻮﻟﻐﺎﻥ. ﻣﻪﺳﯩﻠﻪﻥ، ﺋﻮﻗﯘﺵ ﭘﯘﻟﯩﻨﻰ ﺑﯩﻜﺎﺭ ﻗﯩﻠﺪﯗﻕ ﺩﯦﮕﯩﻨﻰ ﺑﯩﻠﻪﻥ، ﺋﻮﻗﯘﻏﯘﭼﯩﻼﺭﻏﺎ "ﺗﺎﭘﺸﯘﺭﯗﻕ ﭘﯘﻟﻰ، ﺳﯩﻨﯩﭗ ﭘﯘﻟﻰ" ﺩﻩﭖ ﺳﯧﻠﯩﻖ ﺳﺎﻟﯩﺪﯨﻐﺎﻥ ﺋﻪﻫﯟﺍﻝ ﻳﻪﻧﯩﻼ ﻧﺎﻫﺎﻳﯩﺘﻰ ﺋﯧﻐﯩﺮ ﺑﻮﻟﻐﺎﻥ. ﺑﯘ ﻫﻪﻗﺘﻪ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﻐﺎﻥ ﺑﯩﺮ ﺧﯩﺘﺎﻱ ﺩﯦﻬﻘﺎﻥ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﯦﺪﻯ:

"ﻗﺎﺭﯨﻤﺎﻗﻘﺎ، ﺩﯦﻬﻘﺎﻧﻼﺭﻧﯩﯔ ﻳﯜﻛﯩﻨﻰ ﻳﯧﻨﯩﻜﻠﯩﺘﯩﯟﺍﺗﯩﻤﯩﺰ، ﺩﻩﭖ ﻳﯧﺰﺍ ﺑﺎﻟﯩﻠﯩﺮﯨﻨﯩﯔ ﺋﻮﻗﯘﺵ ﭘﯘﻟﯩﻨﻰ ﻛﯚﺗﯜﺭﯛﯞﻩﺗﻜﯩﻨﻰ ﺑﯩﻠﻪﻥ، ﺋﻪﻣﻪﻟﯩﻴﻪﺗﺘﻪ ﻳﻪﻧﯩﻼ ﻫﯧﭽﻘﺎﻧﺪﺍﻕ ﭼﻮﯓ ﭘﻪﺭﻕ ﻳﻮﻕ. ﻳﯧﺰﺍ ﻣﻪﻛﺘﻪﭖ ﺋﻮﺭﯗﻧﻠﯩﺮﯨﻨﯩﯔ ﻗﺎﻻﻳﻤﯩﻘﺎﻥ ﭘﯘﻝ ﻳﯩﻐﯩﺶ ﺋﻪﻫﯟﺍﻟﻰ ﺑﻪﻛﻤﯘ ﺋﯧﻐﯩﺮ. ﺩﯦﻬﻘﺎﻧﻼﺭ ﺑﯘﻧﯩﯖﺪﯨﻦ ﻗﺎﺗﺘﯩﻖ ﻧﺎﺭﺍﺯﻯ. ﻣﻪﺳﯩﻠﻪﻥ، ﺋﯘﻗﯘﺵ ﭘﯘﻟﻰ ﺋﺎﻟﻤﯩﺪﯗﻕ ﺩﻩﭖ، ﺑﺎﺷﻘﺎ ﭼﯩﻘﯩﻤﻼﺭﻧﻰ ﻛﯚﭘﻪﻳﺘﻤﻪﻛﺘﻪ. ﺋﻮﻗﯘﺗﻘﯘﭼﯩﻼﺭ ﺑﯜﮔﯜﻧﻰ ﺑﺎﻟﯩﻼﺭﻏﺎ 10 ﻛﻮﻱ ﺋﻪﻛﯩﻠﯩﯖﻼﺭ ﺩﯦﺴﻪ، ﺋﻪﺗﯩﺴﻰ 50 ﻛﻮﻱ ﺋﻪﻛﯩﻠﯩﯖﻼﺭ-ﺩﻩﭖ، ﭘﻪﻗﻪﺗﻼ ﺋﺎﺭﺍﻡ ﺑﻪﺭﻣﻪﻳﺪﯗ. ﺑﯩﺮﺩﻩﻡ ﺳﯩﻨﯩﭗ ﭘﯘﻟﻰ ﺩﻩﯞﺍﺗﻘﺎﻥ، ﺑﯩﺮﺩﻩﻡ ﭘﺎﺋﺎﻟﯩﻴﻪﺕ ﺋﯚﺗﻜﯜﺯﯛﺵ ﭘﯘﻟﻰ ﺩﻩﯞﺍﺗﻘﺎﻥ، ﺋﯩﺸﻘﯩﻠﯩﭗ، ﻧﯧﻤﻪ ﻗﯩﻼﺭﯨﻤﯩﺰﻧﻰ ﺑﯩﻠﻤﻪﻳﻼ ﻗﯧﻠﯩﯟﺍﺗﯩﻤﯩﺰ".

ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻮﻗﯘﻏﯘﭼﯩﻼﺭ ﻫﺎﺯﯨﺮﻏﯩﭽﻪ ﻫﺎﺷﺎﺭﻏﺎ ﺋﻪﯞﻩﺗﯩﻠﯩﺪﯗ

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻳﯩﻠﺪﯨﻦ ﺑﺎﺷﻼﭖ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﯧﺰﺍ ﻣﻪﺟﺒﯘﺭﯨﻲ ﻣﺎﺋﺎﺭﯨﭙﯩﻨﻰ ﻳﻪﻧﻰ ﺑﺎﺷﻼﻧﻐﯘﭺ ﯞﻩ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺋﻮﻗﯘﺵ ﭘﯘﻟﻰ ﯞﻩ ﻛﯩﺘﺎﺏ ﭘﯘﻟﻰ ﻗﺎﺗﺎﺭﻟﯩﻘﻼﺭﻧﻰ ﺑﯩﻜﺎﺭ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﻟﯧﻜﯩﻦ ﺑﯘ ﺧﯩﻞ ﻫﻪﻗﺴﯩﺰ ﻣﺎﺋﺎﺭﯨﭗ ﭘﻪﻗﻪﺕ ﺋﯩﻨﺘﺎﻳﯩﻦ ﻧﺎﻣﺮﺍﺕ ﺑﻮﻟﻐﺎﻥ ﺭﺍﻳﻮﻧﻼﺭ ﺑﯩﻠﻪﻥ ﭼﻪﻛﻠﯩﻨﯩﭗ ﻗﺎﻟﻐﺎﻥ.

ﺯﯨﻴﺎﺭﯨﺘﯩﻤﯩﺰﻧﯩﯔ ﻗﻮﺑﯘﻝ ﻗﯩﻠﻐﺎﻥ ﺋﯘﻳﻐﯘﺭ ﺋﯧﻠﯩﻨﯩﯔ ﻏﯘﻟﺠﺎ ﺭﺍﻳﻮﻧﯩﺪﯨﻜﻰ ﺑﯩﺮ ﺩﯦﻬﻘﺎﻥ ﺋﺎﻳﺎﻝ ﻣﻪﺯﻛﯘﺭ ﺟﺎﻳﺪﯨﻜﻰ ﻣﻪﻛﺘﻪﭘﺘﻪ، ﺋﻮﻗﯘﺵ ﭘﯘﻟﻰ ﯞﻩ ﻛﯩﺘﺎﺏ ﭘﯘﻟﻰ ﺩﯦﮕﻪﻧﺪﻩﻛﻠﻪﺭﻧﯩﯔ ﺗﯧﺨﻰ ﺑﯘ ﻳﯩﻞ 9 ‏- ﺋﺎﻳﺪﯨﻦ ﺑﺎﺷﻼﭖ ﻫﻪﻗﺴﯩﺰ ﻗﯩﻠﯩﻨﻐﺎﻧﻠﯩﻘﯩﻨﻰ، ﻟﯧﻜﯩﻦ ﺷﯘﻧﺪﺍﻗﺘﯩﻤﯘ، ﻣﻪﻛﺘﻪﭖ ﺋﻮﻗﯘﻏﯘﭼﯩﻼﺭﻏﺎ ﻳﺎﺭﺩﻩﻣﭽﻰ ﺋﻮﻗﯘﺵ ﻣﺎﺗﯧﺮﯨﻴﺎﻟﻰ ﺩﻩﭖ ﻛﯩﺘﺎﺏ ﺳﯧﺘﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﺪﻯ.

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯘ ﺩﯦﻬﻘﺎﻥ ﺋﺎﻳﺎﻝ ﻣﻪﺯﻛﯘﺭ ﻣﻪﻛﺘﻪﭘﻨﯩﯔ ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻜﻰ ﻗﯩﻴﯩﻨﭽﯩﻠﯩﻘﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ، ﺗﺎ ﻫﺎﺯﯨﺮﻏﯩﭽﻪ ﻫﻪﺭ ﻳﯩﻠﻰ ﺩﯦﮕﯩﺪﻩﻙ ﺋﻮﻗﯘﻏﯘﭼﯩﻼﺭﻧﻰ ﺑﯩﯖﺘﯘﺋﻪﻥ ﺋﻮﺭﯗﻧﻠﯩﺮﯨﻐﺎ ﭘﺎﺧﺘﺎ ﺗﯧﺮﯨﺸﻘﺎ ﺋﻪﯞﻩﺗﯩﯟﺍﺗﻘﺎﻧﻠﯩﻘﯩﻨﻰ، ﻫﻪﺗﺘﺎ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﻤﯘ ﺑﯩﻜﺎﺭ ﻗﻮﻳﻤﺎﻱ ﺋﺎﺯ ﺩﯦﮕﻪﻧﺪﻩ 20 ﻛﯜﻥ ﭘﺎﺧﺘﺎ ﺗﯧﺮﯨﺸﻘﺎ ﺋﻪﯞﻩﺗﯩﭗ، ﭘﺎﺧﺘﯩﺪﯨﻦ ﻛﯩﺮﮔﻪﻥ ﻛﯩﺮﯨﻤﻨﻰ ﭘﯜﺗﯜﻧﻠﻪﻱ ﻣﻪﻛﺘﻪﭖ ﺋﯚﺯﻯ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﺪﻯ.

ﻛﯚﭘﻠﯩﮕﻪﻥ ﺋﺎﻧﺎﻟﯩﺰﭼﻰ ﯞﻩ ﻣﯘﺗﻪﺧﻪﺳﺴﯩﺴﻠﻪﺭ ﺧﯩﺘﺎﻳﺪﯨﻜﻰ ﻣﺎﺋﺎﺭﯨﭗ ﺳﯩﺴﺘﯧﻤﯩﺴﯩﻨﯩﯔ ﺋﯩﻨﺘﺎﻳﯩﻦ ﻗﺎﻻﻳﻤﯩﻘﺎﻥ ﺋﯩﻜﻪﻧﻠﯩﻜﯩﻨﻰ، ﻳﻪﻧﻰ ﻳﯘﻗﯩﺮﯨﺪﯨﻦ ﺑﯧﻜﯩﺘﯩﻠﮕﻪﻥ ﻣﺎﺋﺎﺭﯨﭗ ﻫﻪﻗﻘﯩﺪﯨﻜﻰ ﺳﯩﻴﺎﺳﻪﺗﻠﻪﺭﻧﯩﯔ ﺗﯚﯞﻩﻧﮕﻪ ﺑﺎﺭﻏﺎﻧﺪﺍ ﺩﺍﯞﺍﻣﻠﯩﻖ ﺗﻮﻏﺮﺍ ﺋﯩﺠﺮﺍ ﻗﯩﻠﯩﻨﻤﺎﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ "ﻣﻪﺗﺒﯘﺋﺎﺕ ﺋﻮﺭﯗﻧﻠﯩﺮﻯ ﺑﯘ ﻫﻪﻗﺘﻪ ﻧﺎﺯﺍﺭﻩﺕ ﻗﯩﻠﯩﺶ ﻛﯜﭼﯩﻨﻰ ﺗﯧﺨﯩﻤﯘ ﻛﯜﭼﻪﻳﺘﯩﭗ، ﻣﺎﺋﺎﺭﯨﭙﻘﺎ ﺋﺎﺟﺮﯨﺘﯩﻠﻐﺎﻥ ﻣﻪﺑﻠﻪﻏﻨﯩﯔ ﺑﺎﺷﻘﺎ ﺟﺎﻳﻼﺭﻏﺎ ﺋﯩﺸﻠﯩﺘﯩﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻰ ﻛﯧﺮﻩﻙ، ﺷﯘﻧﺪﺍﻗﻼ ﭘﺎﺭﯨﺨﻮﺭ ﺋﻪﻣﻪﻟﺪﺍﺭﻻﺭﻧﯩﯔ ﻣﻪﻛﺘﻪﭖ ﺋﻮﺭﯗﻧﻠﯩﺮﯨﻐﺎ ﺑﯧﺮﯨﻠﯩﺪﯨﻐﺎﻥ ﭘﯘﻟﻨﻰ ﺧﯩﻴﺎﻧﻪﺕ ﻗﯩﻠﯩﭗ ﻛﯧﺘﯩﺸﯩﮕﻪ ﻳﻮﻝ ﻗﻮﻳﻤﺎﺳﻠﯩﻖ ﻛﯧﺮﻩﻙ" ﺩﻩﭖ ﺑﯩﻠﺪﯛﺭﻣﻪﻛﺘﻪ. (ﻣﯧﻬﺮﯨﺒﺎﻥ)