ﺗﯜﺭﻙ ﺩﯗﻧﻴﺎﺳﻰ ﺋﻮﺭﺗﺎﻕ ﺋﯧﻠﯩﭙﺒﻪﺳﻰ ﺗﯜﺯﯛﻟﻤﻪﻛﭽﻰ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﭘﯜﺗﯜﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺋﻮﺭﺗﺎﻕ ﺋﯩﺸﻠﯩﺘﯩﺪﯨﻐﺎﻥ 34 ﻫﻪﺭﭘﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ ﺑﯩﺮ ﺋﯧﻠﯩﭙﺒﻪ ﺗﯜﺯﯛﭖ ﭼﯩﻘﯩﺸﻨﻰ ﭘﯩﻼﻧﻠﯩﻤﺎﻗﺘﺎ. ﺗﯜﺭﻛﯩﻴﯩﻨﯩﯔ ﻳﯧﯖﻰ ﺭﻩﺋﯩﺲ ﺟﯘﻣﻬﯘﺭﻯ ﺋﺎﺑﺪﯗﻟﻼﻫ ﮔﯜﻝ 9- 10- ﺋﯚﻛﺘﻪﺑﯩﺮ ﻛﯜﻧﻠﯩﺮﻯ ﺗﯜﺭﻛﻤﻪﻧﯩﺴﺘﺎﻧﻐﺎ ﺋﯧﻠﯩﭗ ﺑﺎﺭﻏﺎﻥ ﺯﯨﻴﺎﺭﯨﺘﯩﺪﻩ ﺗﯘﺭﻛﻮﻟﻮﮔﻼﺭﻧﯩﻤﯘ ﺋﯧﻠﯩﭗ ﺑﺎﺭﻏﺎﻥ ﺑﻮﻟﯘﭖ، ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﺋﯘﻻﺭﺩﯨﻦ ﺗﯜﺭﻙ ﺩﯗﻧﻴﺎﺳﻰ ﺋﻮﺭﺗﺎﻕ ﺋﯧﻠﯩﭙﺒﻪﺳﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﺎﻟﻐﺎﻥ.

ﻣﯘﺗﻪﺧﻪﺳﺴﯩﺴﻠﻪﺭ، ﺭﻩﺋﯩﺲ ﺟﯘﻣﻬﯘﺭﻯ ﺋﺎﺑﺪﯗﻟﻼﻫ ﮔﯜﻟﮕﻪ، ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﺗﯩﻞ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﻻﺗﯩﻦ ﺋﯧﻠﯩﭙﺒﻪﺳﻰ ﺋﺎﺳﺎﺳﯩﺪﺍ ﺋﻮﺭﺗﺎﻕ ﺑﯩﺮ ﻳﯧﺰﯨﻖ ﺗﯩﻠﻰ ﻳﺎﺭﯨﺘﯩﺶ ﻛﯧﺮﻩﻛﻠﯩﻜﯩﻨﻰ، ﺑﯘ ﺗﯩﻠﻨﻰ ﻳﺎﺭﯨﺘﯩﺶ ﺋﯘﭼﯘﻥ ﺋﺎﻟﺪﻯ ﺑﯩﻠﻪﻥ 34 ﻫﻪﺭﭘﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ ﺑﯩﺮ ﺋﯧﻠﯩﭙﺒﻪ ﺗﯜﺯﯛﭖ ﭼﯩﻘﯩﺶ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﻘﺎﻥ.

ﺑﯘ ﺗﯜﺭﻛﻮﻟﻮﮔﻼﺭ ﻳﻪﻧﻪ ﻫﻪﺭﻗﺎﻳﺴﻰ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﯞﻩ ﺗﯜﺭﻛﯩﻴﻪ ﺭﻩﺋﯩﺲ ﺟﯘﻣﻬﯘﺭﻟﯩﻘﻰ ﺗﺎﺭﻣﯩﻘﯩﺪﺍ ﺗﯜﺭﻙ ﺩﯗﻧﻴﺎﺳﻰ ﺳﯧﻜﯧﺮﺗﺎﺭﻟﯩﻘﯩﻨﯩﯔ ﻗﯘﺭﯗﻟﯘﺷﯩﻐﺎ ﺋﺎﺑﺪﯗﻟﻼﻫ ﮔﯜﻟﻨﯩﯔ ﻳﯧﺘﻪﻛﭽﯩﻠﯩﻚ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﺩﯦﮕﻪﻥ. ﺗﯜﺭﻛﻮﻟﻮﮔﻼﺭ ﺭﻩﺋﯩﺲ ﺟﯘﻣﻬﯘﺭﻯ ﺋﺎﺑﺪﯗﻟﻼﻫ ﮔﯜﻟﮕﻪ ﺗﯜﺭﻙ ﺩﯗﻧﻴﺎﺳﻰ ﺋﻮﺭﺗﺎﻕ ﺋﯧﻠﯩﭙﺒﻪﺳﯩﻨﻰ ﺗﯜﺯﯛﭖ ﭼﯩﻘﯩﺶ ﺋﯜﭼﯜﻥ ﺗﯜﺭﻛﯩﻴﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﯨﮕﻪ ﺑﯧﺴﯩﻢ ﺋﯩﺸﻠﯩﺘﯩﺸﻰ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﻘﺎﻥ. ﺋﺎﺑﺪﯗﻟﻼﻫ ﮔﯜﻟﻨﯩﯔ ﺗﯜﺭﻛﻤﻪﻧﯩﺴﺘﺎﻥ ﺯﯨﻴﺎﺭﯨﺘﯩﮕﻪ ﺋﻮﺭﺗﺎﻕ ﺋﯧﻠﯩﭙﺒﻪ ﻣﻪﺳﯩﻠﯩﺴﯩﻨﻰ ﻣﯘﺯﺍﻛﯩﺮﻩ ﻗﯩﻠﯩﺶ ﺋﯘﭼﯘﻥ ﻓﺎﺗﯩﻬ ﺋﯘﻧﯩﯟﯦﺮﺳﯩﺘﯧﺘﻰ ﻫﺎﺯﯨﺮﻗﻰ ﺯﺍﻣﺎﻥ ﺗﯜﺭﻛﯩﻲ ﺗﯩﻠﻠﯩﺮﻯ ﯞﻩ ﺋﻪﺩﻩﺑﯩﻴﺎﺗﻠﯩﺮﻯ ﻓﺎﻛﯘﻟﺘﯧﺘﻰ ﻣﯘﺩﯨﺮﻯ ﭘﺮﻭﻑ. ﺩﺭ. ﻣﻪﻣﻪﺕ ﻗﺎﺭﺍ، ﺋﯩﺰﻣﯩﺮ ﺋﻪﮔﻪ ﺋﯘﻧﯩﯟﯦﺮﺳﯩﺘﯧﺘﻰ ﺗﯜﺭﻙ ﺩﯗﻧﻴﺎﺳﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻣﯘﺩﯨﺮﻯ ﭘﺮﻭﻑ. ﺩﺭ. ﻓﯩﻜﺮﻩﺕ ﺗﯜﺭﻛﻤﻪﻥ ﯞﻩ ﺋﻪﻧﻘﻪﺭﻩ ﺋﯘﻧﯩﯟﯦﺮﺳﯩﺘﯧﺘﻰ ﺗﯩﻞ ﯞﻩ ﺗﺎﺭﯨﺦ ﺟﯘﻏﺮﺍﭘﯩﻴﻪ ﻓﺎﻛﯘﻟﺘﯧﺘﻰ ﻣﯘﺩﯨﺮﻯ ﺋﯘﻳﻐﯘﺭﺷﯘﻧﺎﺱ ﭘﺮﻭﻑ. ﺩﺭ. ﺳﻪﻣﺎ ﺑﺎﺭﯗﺗﭽﯘ ﺋﯚﺯﯙﻧﺪﻩﺭ ﺧﺎﻧﯩﻤﻤﯘ ﻗﺎﺗﻨﺎﺷﻘﺎﻥ.

ﺗﯜﺭﻛﯩﻴﯩﻨﯩﯔ ﺑﯘﺭﯗﻧﻘﻰ ﺭﻩﺋﯩﺲ ﺟﯘﻣﻬﯘﺭﻟﯩﺮﻯ ﭼﻪﺕ ﺩﯙﻟﻪﺗﻠﻪﺭﮔﻪ ﺯﯨﻴﺎﺭﻩﺗﻜﻪ ﺑﺎﺭﻏﺎﻧﺪﺍ ﻫﻪﻳﺌﻪﺕ ﺋﯩﭽﯩﮕﻪ ﺗﯘﺭﻛﻮﻟﻮﮔﻼﺭﻧﻰ ﻗﻮﺷﻤﺎﻳﺘﺘﻰ. ﺑﯘ ﻗﯧﺘﯩﻤﻘﻰ ﺗﯜﺭﻛﻤﻪﻧﯩﺴﺘﺎﻥ ﺯﯨﻴﺎﺭﯨﺘﯩﮕﻪ ﺗﯜﺭﻛﯩﻲ ﺗﯩﻠﻠﯩﺮﻯ ﻣﯘﺗﻪﺧﻪﺳﺴﯩﺴﻠﯩﺮﯨﺪﯨﻦ 3 ﻛﯩﺸﯩﻨﻰ ﻗﻮﺷﯘﺷﻰ، ﺋﯘﻧﯩﯔ ﺗﯜﺭﻙ ﺩﯗﻧﻴﺎﺳﯩﻐﺎ ﻗﺎﻧﭽﯩﻠﯩﻚ ﺋﻪﻫﻤﯩﻴﻪﺕ ﺑﯧﺮﯨﺪﯨﻐﺎﻧﻠﯩﻘﯩﻨﯩﯔ ﺑﯩﺮ ﺋﯩﭙﺎﺩﯨﺴﻰ ﺋﯩﻜﻪﻥ. ﺑﯘ ﺯﯨﻴﺎﺭﻩﺗﻜﻪ ﻗﺎﺗﻨﺎﺷﻘﺎﻥ ﺗﯜﺭﻛﻮﻟﻮﮒ ﭘﺮﻭﻑ. ﺩﺭ. ﻓﯩﻜﺮﻩﺕ ﺗﯜﺭﻛﻤﻪﻥ ﺋﻪﭘﻪﻧﺪﻯ ﺑﯘ ﺯﯨﻴﺎﺭﻩﺕ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﮕﻪﻥ: "ﺭﻩﺋﯩﺲ ﺟﯘﻣﻬﯘﺭﯨﻤﯩﺰﻧﯩﯔ ﺋﯩﻠﯩﻢ ﺋﺎﺩﻩﻣﻠﯩﺮﯨﻨﯩﻤﯘ ﻳﯧﻨﯩﻐﺎ ﺋﯧﻠﯩﭗ ﺗﯜﺭﻛﻤﻪﻧﯩﺴﺘﺎﻧﻐﺎ ﺑﯧﺮﯨﺸﻰ ﻧﺎﻫﺎﻳﯩﺘﻰ ﻳﺎﺧﺸﻰ ﺑﯩﺮ ﺑﺎﺷﻼﻧﻐﯘﭺ. ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﺑﯩﻠﻪﻥ ﭘﻪﻗﻪﺗﻼ ﺳﯩﻴﺎﺳﻰ، ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻨﻼ ﺋﻪﻣﻪﺱ، ﻣﻪﺩﻩﻧﯩﻲ ﻣﺎﺋﺎﺭﯨﭗ ﺟﻪﻫﻪﺗﺘﯩﻤﯘ ﻣﯘﻧﺎﺳﯩﯟﯨﺘﯩﻤﯩﺰﻧﻰ ﻛﯜﭼﻪﻳﺘﯩﺸﯩﻤﯩﺰ ﻛﯧﺮﻩﻙ. ﻣﻪﺳﯩﻠﻪﻥ ﺗﯜﺭﻛﻤﻪﻧﯩﺴﺘﺎﻥ ﺑﯩﻠﻪﻥ ﺋﻮﺭﺗﺎﻕ ﺑﻮﻟﻐﺎﻥ ﺩﻩﺩﻩﻗﻮﺭﻗﯘﺕ، ﺋﻮﻏﯘﺯﻧﺎﻣﯩﻐﺎ ﺋﻮﺧﺸﺎﺵ ﺩﺍﺳﺘﺎﻧﻠﯩﺮﯨﻤﯩﺰ ﺑﺎﺭ. ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﺋﻮﺗﺘﯘﺭﯨﺴﯩﺪﯨﻜﻰ ﯞﯨﺰﯨﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﭖ ﺋﻮﺭﺗﺎﻕ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻠﯩﺮﯨﻨﻰ ﺋﯧﭽﯩﺸﯩﻤﯩﺰ ﻛﯧﺮﻩﻙ." ﺗﯜﺭﻛﯩﻴﻪ ﺭﻩﺋﯩﺲ ﺟﯘﻣﻬﯘﺭﻯ ﺋﺎﺑﺪﯗﻟﻼﻫ ﮔﯜﻝ، ﻫﺎﺯﯨﺮ ﻗﺎﺯﺍﻗﯩﺴﺘﺎﻧﻐﺎ ﺭﻩﺳﻤﻰ ﺯﯨﻴﺎﺭﻩﺕ ﺋﯧﻠﯩﭗ ﺑﺎﺭﻣﺎﻗﺘﺎ. ﺋﯘ ﺋﻮﺗﺘﯘﺭﺍ ﺋﺎﺳﯩﻴﺎ ﺯﯨﻴﺎﺭﯨﺘﯩﺪﯨﻦ ﺑﯘﺭﯗﻥ 10-ﺋﺎﻳﺪﺍ ﺋﻪﺯﻩﺭﺑﻪﻳﺠﺎﻥ ﺑﯩﻠﻪﻥ ﮔﺮﯗﺯﯨﻴﻪﮔﻪ ﺭﻩﺳﻤﻰ ﺯﯨﻴﺎﺭﻩﺕ ﺋﯧﻠﯩﭗ ﺑﺎﺭﻏﺎﻥ ﺋﯩﺪﻯ.

ﺋﯘﻳﻐﯘﺭﻻﺭﻧﯩﯔ ﺗﯜﺭﻙ ﺩﯗﻧﻴﺎﺳﯩﺪﯨﻜﻰ ﺋﻮﺭﻧﻰ ﻧﯧﻤﻪ؟ ﺋﯘﻳﻐﯘﺭﻻﺭ ﺑﯘ ﺋﻮﺭﺗﺎﻕ ﺋﯧﻠﯩﭙﺒﻪﺩﯨﻦ ﻗﺎﻧﺪﺍﻕ ﭘﺎﻳﺪﯨﻠﯩﻨﯩﺸﻰ ﻛﯧﺮﻩﻙ؟ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﯩﯖﻐﺎ ﺭﯗﺧﺴﻪﺕ ﻗﯩﻼﺭﻣﯘ؟ (ﺋﻪﺭﻛﯩﻦ ﺗﺎﺭﯨﻢ)