90 ﻳﯩﻠﺪﯨﻦ ﻛﯧﻴﯩﻦ ﺋﯚﺯ ﺗﯘﻏﻘﺎﻧﻠﯩﺮﯨﻨﻰ ﺗﯧﭙﯩﯟﺍﻟﻐﺎﻥ ﺗﯜﺭﻛﯩﻴﯩﻠﯩﻚ ﺋﯘﻳﻐﯘﺭ ﺑﯩﻠﻪﻥ ﺳﯚﻫﺒﻪﺕ
2008-02-18
ﺋﯘﻳﻐﯘﺭﻻﺭﻧﯩﯔ ﺗﯜﺭﻛﯩﻴﻪ ﺯﯦﻤﯩﻨﯩﮕﻪ ﻛﯧﻠﯩﭗ ﺟﺎﻳﻠﯩﺸﯩﺸﻰ ﺋﯩﻨﺘﺎﻳﯩﻦ ﺋﯘﺯﯗﻥ ﺗﺎﺭﯨﺨﻘﺎ ﺋﯩﮕﻪ. ﺑﯩﺰﻧﯩﯔ ﺗﺎﺭﯨﺦ ﻛﯩﺘﺎﺑﻠﯩﺮﯨﺪﯨﻦ ﺋﯩﮕﯩﻠﯩﺸﯩﻤﯩﺰﭼﻪ 1074 - ﻳﯩﻠﯩﺪﯨﻜﻰ ﻣﺎﻻﺯﮔﯩﺮﯨﺖ ﺋﯘﺭﯗﺷﯩﺪﺍ ﺗﯘﻧﺠﻰ ﻗﯧﺘﯩﻢ ﺋﺎﻧﺎﺗﻮﻟﯩﻴﯩﮕﻪ ﻛﯩﺮﮔﻪﻥ ﺗﯜﺭﻛﻠﻪﺭ ﺋﺎﺭﯨﺴﯩﺪﺍ ﺋﯘﻳﻐﯘﺭﻻﺭﻣﯘ ﺑﺎﺭ ﺋﯩﻜﻪﻥ. ﻛﯧﻴﯩﻦ 13 - ﺋﻪﺳﯩﺮﺩﻩ ﭼﯩﯖﮕﯩﺰﺧﺎﻥ ﺋﺎﺭﻣﯩﻴﻪﻟﯩﺮﻯ ﺑﯩﻠﻪﻥ ﺑﯩﻠﻠﻪ ﻛﻪﻟﮕﻪﻥ ﺋﯘﻳﻐﯘﺭﻻﺭ ﺋﺎﻧﺎﺗﻮﻟﯩﻴﻪ ﺯﯦﻤﯩﻨﯩﮕﻪ ﻳﻪﺭﻟﻪﺷﻜﻪﻥ ﺋﯩﻜﻪﻥ. 14 - ﺋﻪﺳﯩﺮﻧﯩﯔ ﺋﺎﺧﯩﺮﯨﻐﺎ ﻛﻪﻟﮕﻪﻧﺪﻩ ﺗﯜﺭﻛﯩﻴﯩﻨﯩﯔ ﺳﯩﯟﺍﺱ ﯞﻩ ﻗﻪﻳﺴﻪﺭﯨﻨﻰ ﻣﻪﺭﻛﻪﺯ ﻗﯩﻠﻐﺎﻥ ﻫﺎﻟﺪﺍ ﺋﻪﺭﺍﺗﻨﺎ ﺋﯘﻳﻐﯘﺭ ﺑﻪﮔﻠﯩﻜﻰ ﻗﯘﺭﯗﻟﻐﺎﻥ ﺑﻮﻟﯘﭖ، ﺑﯘ ﺑﻪﮔﻠﯩﻚ 100 ﻳﯩﻠﻐﺎ ﻳﯧﻘﯩﻦ ﻫﯚﻛﯜﻡ ﺳﯜﺭﮔﻪﻥ. ﺑﯘ ﻣﻪﺯﮔﯩﻠﺪﯨﻤﯘ ﺗﯜﺭﻛﯩﻴﻪ ﺯﯦﻤﯩﻨﯩﺪﯨﻜﻰ ﻣﯘﺳﯘﻟﻤﺎﻥ ﺗﯜﺭﻙ ﻧﻮﭘﯘﺳﯩﻨﻰ ﻛﯚﭘﻪﻳﺘﯩﺶ ﺋﯜﭼﯜﻥ ﻛﯚﭖ ﺳﺎﻧﺪﺍ ﺋﯘﻳﻐﯘﺭﻻﺭﻧﻰ ﺋﻪﻛﯩﻠﯩﭗ ﺑﯘ ﻳﻪﺭﮔﻪ ﺟﺎﻳﻼﺷﺘﯘﺭﻏﺎﻥ ﺋﯩﻜﻪﻥ.
ﺩﯦﻤﻪﻙ 1000 ﻳﯩﻠﺪﯨﻦ ﺑﯧﺮﻯ ﺋﯘﻳﻐﯘﺭ ﺩﯨﻴﺎﺭﯨﺪﯨﻦ ﺗﯜﺭﻛﯩﻴﯩﮕﻪ ﺑﻮﻟﻐﺎﻥ ﻛﯚﭺ ﺩﺍﯞﺍﻡ ﻗﯩﻠﻤﺎﻗﺘﺎ. 20 - ﺋﻪﺳﯩﺮﻧﯩﯔ ﺑﺎﺷﻠﯩﺮﯨﺪﯨﻦ ﺗﺎﺭﺗﯩﭗ ﺗﯜﺭﻛﯩﻴﯩﮕﻪ ﻛﯧﻠﯩﭗ ﺋﻮﻟﺘﯘﺭﺍﻗﻠﯩﺸﯩﭗ ﻗﺎﻟﻐﺎﻥ ﺋﯘﻳﻐﯘﺭﻻﺭ ﺋﯚﺯ ﺗﯩﻠﯩﻨﻰ، ﺋﯚﺭﭖ ﯞﻩ ﺋﺎﺩﻩﺗﻠﯩﺮﯨﻨﻰ ﻗﻮﻏﺪﺍﭖ ﻗﺎﻻﻟﯩﻐﺎﻥ ﺑﻮﻟﺴﯩﻤﯘ، 20 - ﺋﻪﺳﯩﺮﻧﯩﯔ ﺑﺎﺷﻠﯩﺮﯨﺪﯨﻦ ﺑﯘﺭﯗﻥ ﻛﻪﻟﮕﻪﻥ ﺋﯘﻳﻐﯘﺭﻻﺭ ﺋﯚﺯ ﺋﺎﻧﺎ ﺗﯩﻠﯩﻨﻰ ﻳﻮﻗﯘﺗﯘﭖ ﻗﻮﻳﻐﺎﻥ. ﺑﯘ ﺋﯘﻳﻐﯘﺭﻻﺭ ﻛﯧﻴﯩﻨﻜﻰ 20 ﻳﯩﻠﺪﯨﻦ ﺑﯧﺮﻯ ﻫﻪﺭ ﺧﯩﻞ ﻳﻮﻟﻼﺭ ﺑﯩﻠﻪﻥ ﭼﻮﯓ ﺩﺍﺩﯨﻠﯩﺮﯨﻨﯩﯔ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺋﯘﺭﯗﻍ ﺗﯘﻏﻘﺎﻧﻠﯩﺮﯨﻨﻰ ﺗﯧﭙﯩﺸﻘﺎ، ﺋﯘﻻﺭ ﺑﯩﻠﻪﻥ ﺩﯨﺪﺍﺭ ﻛﯚﺭﯛﺷﯜﺷﻜﻪ ﺗﯩﺮﯨﺸﻤﺎﻗﺘﺎ.
ﺑﯘﻻﺭﺩﯨﻦ ﺑﯩﺮﻯ ﺗﯜﺭﻛﯩﻴﯩﻨﯩﯔ ﺷﻪﺭﻗﯩﻲ ﺟﻪﻧﯘﺑﯩﺪﯨﻜﻰ ﺗﺎﺭﺳﯘﺱ ﯞﯨﻼﻳﯩﺘﯩﺪﻩ ﺗﯘﻏﯘﻟﯘﭖ ﭼﻮﯓ ﺑﻮﻟﻐﺎﻥ ﺋﻮﻏﯘﺯ ﻗﯘﺯﻏﯘﻧﺒﺎﻱ ﺋﻪﭘﻪﻧﺪﻯ. ﺋﻮﻏﯘﺯ ﻗﯘﺯﻏﯘﻧﺒﺎﻱ ﺋﻪﭘﻪﻧﺪﯨﻨﯩﯔ ﭼﻮﯓ ﺩﺍﺩﯨﺴﻰ ﺳﻮﭘﻰ ﻧﯩﻴﺎﺯ ﻫﺎﺟﻰ 1920 - ﻳﯩﻠﻰ ﻗﻪﺷﻘﻪﺭﺩﯨﻦ ﻫﻪﺝ ﻗﯩﻠﯩﺶ ﺋﯜﭼﯜﻥ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻐﺎ ﺑﺎﺭﻏﺎﻥ ﺑﻮﻟﯘﭖ، ﻛﯧﻴﯩﻦ ﻳﻮﻟﻼﺭ ﺗﻮﺳﯘﻟﯘﭖ ﻗﯧﻠﯩﭗ ﺋﯚﺯ ﻳﯘﺭﺗﯩﻐﺎ ﻗﺎﻳﺘﺎﻟﻤﺎﻱ ﺗﯜﺭﻛﯩﻴﯩﻨﯩﯔ ﺗﺎﺭﺳﯘﺱ ﺷﻪﻫﯩﺮﯨﮕﻪ ﻛﯧﻠﯩﭗ، ﺑﯩﺮ ﺋﻪﺭﻩﭖ ﻗﯩﺰﻯ ﺑﯩﻠﻪﻥ ﺗﻮﻱ ﻗﯩﻠﯩﭗ، ﺑﯘ ﻳﻪﺭﺩﻩ ﺋﻮﻟﺘﯘﺭﺍﻗﻠﯩﺸﯩﭗ ﻗﺎﻟﻐﺎﻥ. ﺑﯘ ﺋﻪﺭﻩﭖ ﺋﺎﻳﺎﻟﯩﺪﯨﻦ ﺑﻮﻟﻐﺎﻥ ﺋﻮﻏﻠﯩﻨﯩﯔ ﺋﻮﻏﻠﻰ ﻳﻪﻧﻰ ﻧﻪﯞﺭﯨﺴﻰ ﺋﻮﻏﯘﺯ ﻗﯘﺯﻏﯘﻧﺒﺎﻱ ﺋﻪﭘﻪﻧﺪﻯ، 1 - ﺋﺎﻳﻨﯩﯔ 14 - ﻛﯜﻧﻰ ﻗﻪﺷﻘﻪﺭﮔﻪ ﺑﯧﺮﯨﭗ ﭼﻮﯓ ﺩﺍﺩﯨﺴﻰ ﺗﯘﻏﯘﻟﯘﭖ ﭼﻮﯓ ﺑﻮﻟﻐﺎﻥ ﻳﯧﺰﯨﻨﻰ ﯞﻩ ﺗﯘﻏﻘﺎﻧﻠﯩﺮﯨﻨﻰ ﺗﺎﭘﻘﺎﻥ. ﺑﯩﺰ ﺑﯘ ﻛﯩﺸﻰ ﺑﯩﻠﻪﻥ ﺑﯘ ﻫﻪﻗﺘﻪ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.
ﺋﻪﺭﻛﯩﻦ ﺗﺎﺭﯨﻢ: ﻫﯚﺭﻣﻪﺗﻠﯩﻚ ﺋﻮﻏﯘﺯ ﻗﯘﺯﻏﯘﻧﺒﺎﻱ ﺋﻪﭘﻪﻧﺪﻯ ﺳﯩﺰ ﻳﯧﻘﯩﻨﺪﺍ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺑﯧﺮﯨﭗ ﭼﻮﯓ ﺩﺍﺩﯨﯖﯩﺰﻧﯩﯔ ﺗﯘﻏﯘﻟﯘﭖ ﭼﻮﯓ ﺑﻮﻟﻐﺎﻥ ﻳﯧﺰﯨﺴﯩﻨﻰ ﯞﻩ ﺗﯘﻏﻘﺎﻧﻠﯩﺮﯨﯖﯩﺰﻧﻰ ﺗﯧﭙﯩﭗ ﻛﯧﻠﯩﭙﺴﯩﺰ، ﻗﺎﻧﺪﺍﻕ ﺗﺎﭘﺘﯩﯖﯩﺰ؟
ﺋﻮﻏﯘﺯ ﻗﯘﺯﻏﯘﻧﺒﺎﻱ: ﻣﻪﻥ 1 - ﺋﺎﻳﻨﯩﯔ 14 - ﻛﯜﻧﻰ ﺑﯧﺮﯨﭗ 18 ﻛﯜﻥ ﺗﯘﺭﺩﯗﻡ. ﺋﯜﺭﯛﻣﭽﯩﺪﻩ ﺑﯩﺮ ﻫﻪﭘﺘﻪ، ﻗﻪﺷﻘﻪﺭﺩﻩ ﺑﯩﺮ ﻫﻪﭘﺘﻪ ﺗﯘﺭﺩﯗﻡ. ﻗﻪﺷﻘﻪﺭﻧﻰ ﺋﺎﻳﻼﻧﻐﺎﻧﺪﯨﻦ ﻛﯧﻴﯩﻦ ﭼﻮﯓ ﺩﺍﺩﺍﻣﻨﯩﯔ ﻳﯘﺭﺗﯩﻐﺎ ﻳﻪﻧﻰ ﺗﻮﻗﻘﯘﺯﺍﻗﻘﺎ ﺑﺎﺭﯨﺪﯨﻐﺎﻥ ﻳﻮﻟﻨﯩﯔ ﺋﯜﺳﺘﯩﺪﯨﻜﻰ. ﻛﯚﻛﯧﺮﯨﻖ ﺩﯦﮕﻪﻥ ﻳﯧﺰﯨﻨﻰ ﺋﯩﺰﺩﻩﭖ ﺗﯧﭙﯩﭗ ﺋﯘ ﻳﻪﺭﮔﻪ ﺑﺎﺭﺩﯨﻢ. ﺑﯘ ﻛﯚﻛﯧﺮﯨﻖ ﺩﯦﮕﻪﻥ ﻳﻪﺭ ﭼﻮﯓ ﺩﺍﺩﺍﻡ ﺗﯘﻏﯘﻟﯘﭖ ﭼﻮﯓ ﺑﻮﻟﻐﺎﻥ ﻳﯧﺰﺍ ﺋﯩﻜﻪﻥ. ﺋﯘ ﻳﯧﺰﯨﺪﯨﻜﻰ ﻳﺎﺷﺎﻧﻐﺎﻥ ﻛﯩﺸﯩﻠﻪﺭ ﺑﯩﻠﻪﻥ ﺳﯚﺯﻟﯩﺸﯩﭗ ﭼﻮﯓ ﺩﺍﺩﺍﻣﻨﯩﯔ ﺗﯘﻏﻘﺎﻧﻠﯩﺮﯨﻨﻰ ﺗﺎﭘﺘﯩﻢ، ﺋﻪﻣﻤﺎ ﺋﯘﻻﺭ ﺑﯩﻠﻪﻥ ﺋﯘﺯﯗﻥ ﻳﯩﻞ ﻛﯚﺭﯛﺷﻪﻟﻤﯩﮕﻪﻥ ﺑﻮﻟﻐﺎﭼﻘﺎ، ﺋﯘﻻﺭﻧﯩﯔ ﻳﺎﻛﻰ ﺑﯩﺰﻧﯩﯔ ﻗﻮﻟﯩﻤﯩﺰﺩﺍ ﭼﻮﯓ ﺩﺍﺩﺍﻡ ﺑﯩﻠﻪﻥ ﺑﯩﻠﻠﻪ ﭼﯜﺷﻜﻪﻥ ﺭﻩﺳﯩﻢ ﻳﺎﻛﻰ ﺑﯘ ﻫﻪﻗﺘﻪ ﻣﺎﺗﯧﺮﯨﻴﺎﻝ ﺑﻮﻟﻤﯩﻐﺎﭼﻘﺎ ﺑﯩﺰﻧﯩﯔ ﺗﯘﻏﻘﺎﻧﻠﯩﺮﯨﻤﯩﺰﻣﯘ ﺋﻪﻣﻪﺳﻤﯘ ﺑﯘ ﻫﻪﻗﺘﻪ ﺋﯧﻨﯩﻖ ﺑﯩﺮ ﻣﻪﻟﯘﻣﺎﺗﻘﺎ ﺋﯩﮕﻪ ﺑﻮﻻﻟﻤﯩﺪﯨﻢ.
ﺋﻪﺭﻛﯩﻦ ﺗﺎﺭﯨﻢ: ﺳﯩﺰﻧﯩﯔ ﭼﻮﯓ ﺩﺍﺩﯨﯖﯩﺰ ﺋﯘ ﻳﯧﺰﯨﺪﯨﻦ ﻗﺎﭼﺎﻥ ﺋﺎﻳﺮﯨﻠﻐﺎﻥ ﺋﯩﻜﻪﻥ؟ ﺑﯘ ﻫﻪﻗﺘﻪ ﻣﻪﻟﯘﻣﺎﺗﯩﯖﯩﺰ ﺑﺎﺭﻣﯘ؟
ﺋﻮﻏﯘﺯ ﻗﯘﺯﻏﯘﻧﺒﺎﻱ: ﭼﻮﯓ ﺩﺍﺩﺍﻡ 1920 - ﻳﯩﻠﻰ ﺗﯜﺭﻛﯩﻴﯩﮕﻪ ﻛﻪﺗﻜﻪﻥ ﺋﯩﻜﻪﻥ. ﻫﺎﺯﯨﺮﻏﯩﭽﻪ 80 - 90 ﻳﯩﻞ ﺑﻮﻟﻐﺎﻥ ﮔﻪﭖ، ﭘﻪﻗﻪﺕ ﺋﯚﺯ ﻳﯘﺭﺗﯩﻐﺎ ﻗﺎﻳﺘﺎﻟﻤﺎﭘﺘﯘ. ﺑﻪﺯﻯ ﻳﺎﺷﺎﻧﻐﺎﻥ ﻛﯩﺸﯩﻠﻪﺭ ﺑﯩﻠﻪﻥ ﻣﯘﯕﺪﺍﺷﺘﯩﻢ ﺋﯘﻻﺭ ﭼﻮﯓ ﺩﺍﺩﺍﻣﻨﯩﯔ ﺋﯘﻛﯩﻠﯩﺮﯨﺪﯨﻦ ﺋﺎﯕﻠﯩﻐﺎﻧﻠﯩﺮﯨﻨﻰ ﺩﻩﭖ ﺑﻪﺭﺩﻯ. ﺑﯘ ﻳﯩﻞ ﻗﻪﺷﻘﻪﺭ ﺑﻪﻛﻼ ﺳﻮﻏﯘﻕ ﺋﯩﺪﻯ، ﻛﯚﭖ ﺋﺎﺩﻩﻡ ﺑﯩﻠﻪﻥ ﻛﯚﺭﯛﺷﻪﻟﻤﯩﺪﯨﻢ. ﭘﻪﻗﻪﺕ 5 - 6 ﺋﺎﻗﺴﺎﻗﺎﻝ ﺑﯩﻠﻪﻧﻼ ﺳﯚﺯﻟﯩﺸﻪﻟﯩﺪﯨﻢ. ﺋﻪﻣﻤﺎ ﭼﻮﯓ ﺩﺍﺩﺍﻣﻨﯩﯔ ﻣﻪﻫﻪﻟﻠﯩﺴﯩﻨﯩﯔ ﺋﯘ ﻳﻪﺭ ﺋﯩﻜﻪﻧﻠﯩﻜﻰ ﺋﯧﻨﯩﻖ. ﭼﯜﻧﻜﻰ ﺩﺍﺩﺍﻣﺪﯨﻦ ﻗﺎﻟﻐﺎﻥ ﺑﯩﺮ ﺧﻪﺗﺘﻪ ﭼﻮﯓ ﺩﺍﺩﺍﻡ ﺗﯘﻏﯘﻟﻐﺎﻥ ﻳﻪﺭﻧﯩﯔ ﻗﻪﺷﻘﻪﺭﻧﯩﯔ ﻳﯧﻘﯩﻨﻠﯩﺮﯨﺪﯨﻜﻰ ﺷﻮﺭﺑﺎﻍ ﻛﯚﻛﯧﺮﯨﻖ ﻫﻮﻳﻼ ﻳﺎﺭﺑﯧﺸﻰ ﺩﯦﮕﻪﻥ ﻣﻪﻫﻪﻟﻠﻪ ﺋﯩﻜﻪﻧﻠﯩﻜﻰ ﻳﯧﺰﯨﻠﻐﺎﻥ. ﺑﯘ ﻳﯧﺰﯨﻨﻰ ﺗﺎﭘﺘﯩﻢ، ﺑﻪﺯﻯ ﻛﯩﺸﯩﻠﻪﺭ ﺋﯚﺯﻟﯩﺮﯨﻨﯩﯔ ﭼﻮﯓ ﺩﺍﺩﺍﻣﻨﯩﯔ ﺗﯘﻏﻘﺎﻧﻠﯩﺮﻯ ﺋﯩﻜﻪﻧﻠﯩﻜﯩﻨﻰ ﺩﯦﺪﻯ. ﺋﯘﻻﺭ ﺑﯩﻠﻪﻥ ﺗﻮﻧﯘﺷﯘﭖ ﻧﺎﻫﺎﻳﯩﺘﻰ ﺧﯘﺭﺳﻪﻥ ﺑﻮﻟﺪﯗﻡ. ﭼﻮﯓ ﺩﺍﺩﺍﻣﻨﯩﯔ ﯞﻩﺗﯩﻨﯩﻨﻰ ﺑﻪﻛﻼ ﻳﺎﻗﺘﯘﺭﺩﯗﻡ. ﺋﯩﻨﺘﺎﻳﯩﻦ ﻳﺎﺧﺸﻰ ﻳﻪﺭ ﺋﯩﻜﻪﻥ، ﺋﯩﻨﺴﺎﻧﻠﯩﺮﻯ ﺑﻪﻛﻼ ﻣﯧﻬﻤﺎﻥ ﺩﻭﺳﺖ ﺋﺎﻕ ﻛﯚﯕﯜﻝ ﺋﯩﻜﻪﻥ.
ﺋﻪﺭﻛﯩﻦ ﺗﺎﺭﯨﻢ: ﻫﯚﺭﻣﻪﺗﻠﯩﻚ ﺋﻮﻏﯘﺯ ﻗﯘﺯﻏﯘﻧﺒﺎﻱ ﺋﻪﭘﻪﻧﺪﻯ ﭼﻮﯓ ﺩﺍﺩﯨﯖﯩﺰ ﺗﯘﻏﯘﻟﯘﭖ ﭼﻮﯓ ﺑﻮﻟﻐﺎﻥ ﺗﯘﭘﺮﺍﻗﻼﺭﻧﻰ ﻛﯚﺭﮔﻪﻥ ﯞﺍﻗﺘﯩﯖﯩﺰﺩﺍ ﻧﯧﻤﯩﻠﻪﺭﻧﻰ ﻫﯧﺲ ﻗﯩﻠﺪﯨﯖﯩﺰ؟
ﺋﻮﻏﯘﺯ ﻗﯘﺯﻏﯘﻧﺒﺎﻱ: ﺑﻪﻙ ﻫﺎﻳﺎﺟﺎﻧﻼﻧﺪﯨﻢ ﭼﯜﻧﻜﻰ ﭼﻮﯓ ﺩﺍﺩﺍﻣﻨﯩﯔ ﺗﯘﻏﻘﺎﻥ ﺋﯘﺭﯗﻗﻠﯩﺮﯨﻨﻰ ﻛﯚﺭﺩﯛﻡ. ﺋﯘﻻﺭﻣﯘ ﺗﯘﻏﻘﺎﻥ ﺋﯘﺭﯗﻗﻠﯩﺮﻯ ﻛﯚﭖ ﺑﯩﺮ ﺋﺎﺋﯩﻠﻪ ﺋﯩﻜﻪﻥ. ﺳﯧﻴﯩﺖ ﺋﺎﺑﺒﺎﺱ ﺋﺎﺋﯩﻠﯩﺴﻰ ﺩﻩﭖ ﺋﺎﺗﯩﻠﯩﺪﯨﻜﻪﻥ. ﺋﯘ ﻳﯧﺰﯨﺪﯨﻜﻰ ﭘﯜﺗﯜﻥ ﺋﯩﻨﺴﺎﻧﻼﺭﻧﻰ ﺭﻩﺳﯩﻤﮕﻪ ﺗﺎﺭﺗﺘﯩﻢ، ﭼﯜﻧﻜﻰ ﺋﯘﻻﺭﻧﯩﯔ ﻛﯚﭘﻰ ﭼﻮﯓ ﺩﺍﺩﺍﻣﻨﯩﯔ ﺗﯘﻏﻘﺎﻧﻠﯩﺮﻯ ﺋﯩﻜﻪﻥ. ﻳﺎﺷﺎﻧﻐﺎﻥ ﺑﯩﺮ ﺑﻮﯞﺍﻱ ﭼﻮﯓ ﺩﺍﺩﺍﻣﻐﺎ ﺑﻪﻛﻼ ﺋﻮﺧﺸﺎﻳﺘﺘﻰ. ﻣﯧﻨﯩﯔ ﭼﻮﯓ ﺩﺍﺩﺍﻡ ﺋﯘ ﻳﻪﺭﺩﻩ ﺗﯘﻏﯘﻟﻐﺎﻥ ﺋﯩﻜﻪﻥ، ﺩﺍﺩﺍﻡ ﺑﻮﻟﺴﺎ ﺗﯜﺭﻛﯩﻴﯩﺪﻩ ﺗﯘﻏﯘﻟﻐﺎﻥ، ﭼﻮﯓ ﺩﺍﺩﺍﻡ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻐﺎ ﻫﻪﺟﮕﻪ ﺑﯧﺮﯨﭗ، ﻗﺎﻳﺘﯩﺶ ﻳﻮﻟﯩﺪﺍ ﺗﯜﺭﻛﯩﻴﯩﮕﻪ ﻛﯧﻠﯩﭗ، ﻣﯧﻨﯩﯔ ﭼﻮﯓ ﺋﺎﻧﺎﻡ ﺑﯩﻠﻪﻥ ﺗﻮﻱ ﻗﯩﻠﻐﺎﻥ ﺋﯩﻜﻪﻥ. ﭼﻮﯓ ﺋﺎﻧﺎﻡ ﺑﻮﻟﺴﺎ ﺗﯜﺭﻛﯩﻴﯩﻨﯩﯔ ﺗﻮﺭﯗﺱ ﯞﯨﻼﻳﯩﺘﯩﺪﻩ ﺩﯗﻧﻴﺎﻏﺎ ﻛﻪﻟﮕﻪﻥ ﺑﯩﺮ ﺋﻪﺭﻩﭖ ﻗﯩﺰﻯ ﺋﯩﻜﻪﻥ. 1964 - ﻳﯩﻠﻰ ﻣﻪﻥ 6 ﻳﺎﺵ ﯞﺍﻗﺘﯩﻤﺪﺍ ﭼﻮﯓ ﺩﺍﺩﺍﻡ ﯞﺍﭘﺎﺕ ﺑﻮﻟﺪﻯ. ﭼﻮﯓ ﺩﺍﺩﺍﻣﻨﯩﯔ ﭼﯩﺮﺍﻳﻰ ﺋﺎﺯﺭﺍﻕ ﻳﺎﺩﯨﻤﺪﺍ. ﭼﻮﯓ ﺩﺍﺩﺍﻡ ﺋﯘﻳﻐﯘﺭﭼﯩﻨﻰ ﻳﺎﺧﺸﻰ ﺑﯩﻠﯩﺪﯨﻜﻪﻧﺘﯘﻕ، ﺋﻪﻣﻤﺎ ﻣﯧﻨﯩﯔ ﺩﺍﺩﺍﻡ ﺋﯘﻳﻐﯘﺭﭼﻪ ﺑﯩﻠﻤﻪﻳﺘﺘﻰ. ﭼﯜﻧﻜﻰ ﺗﺎﺭﺳﯘﺳﺘﺎ ﺑﯩﺰ ﺑﯩﺮﻻ ﺋﯘﻳﻐﯘﺭ ﺋﺎﺋﯩﻠﯩﺴﻰ ﺑﺎﺭ ﺋﯩﻜﻪﻧﺘﯘﻕ. ﺋﯘﻳﻐﯘﺭﭼﻪ ﺳﯚﺯﻟﯩﺸﯩﺪﯨﻐﺎﻥ ﺋﺎﺩﻩﻡ ﺑﻮﻟﻤﯩﻐﺎﭼﻘﺎ ﺩﺍﺩﺍﻣﻼﺭ ﺋﯚﺯ ﺗﯩﻠﯩﻨﻰ ﺋﯚﮔﯩﻨﻪﻟﻤﯩﮕﻪﻥ ﺋﯩﻜﻪﻥ. ﻣﻪﻥ ﻛﯩﭽﯩﻚ ﯞﺍﻗﺘﯩﻤﺪﺍ ﭼﻮﯓ ﺩﺍﺩﺍﻣﻨﯩﯔ ﺋﯘﻳﻐﯘﺭ ﺗﺎﻣﺎﻗﻠﯩﺮﯨﻨﻰ ﻗﯩﻠﯩﭗ ﻳﯧﮕﻪﻧﻠﯩﺮﻯ ﻳﺎﺩﯨﻤﺪﺍ، ﺩﺍﺩﺍﻣﻨﯩﯔ ﺩﯦﻴﯩﺸﯩﭽﻪ ﭼﻮﯓ ﺋﺎﻧﺎﻡ ﺋﯘﻳﻐﯘﺭ ﺗﺎﻣﯩﻘﻰ ﻗﯩﻠﯩﺸﻨﻰ ﺑﯩﻠﻤﻪﻳﺪﯨﻜﻪﻧﺘﯘﻕ، ﺋﻪﻣﻤﺎ ﭼﻮﯓ ﺩﺍﺩﺍﻡ ﺩﺍﯞﺍﻣﻠﯩﻖ ﺋﯚﺯﻯ ﺋﯘﻳﻐﯘﺭ ﺗﺎﻣﯩﻘﻰ ﻗﯩﻠﯩﺪﯨﻜﻪﻧﺘﯘﻕ.
ﺋﻪﺭﻛﯩﻦ ﺗﺎﺭﯨﻢ: ﻫﯚﺭﻣﻪﺗﻠﯩﻚ ﺋﻮﻏﯘﺯ ﻗﯘﺯﻏﯘﻧﺒﺎﻱ ﺋﻪﭘﻪﻧﺪﻯ ﭼﻮﯓ ﺩﺍﺩﯨﯖﯩﺰﻧﯩﯔ ﻳﯘﺭﺗﻰ ﺑﻮﻟﻐﺎﻥ ﻗﻪﺷﻘﻪﺭﺩﯨﻜﻰ ﻛﯩﺸﯩﻠﻪﺭﻧﯩﯔ ﺗﯘﺭﻣﯘﺷﻰ ﻗﺎﻧﺪﺍﻕ ﺋﯩﻜﻪﻥ؟
ﺋﻮﻏﯘﺯ ﻗﯘﺯﻏﯘﻧﺒﺎﻱ: ﺋﯘ ﻳﻪﺭﺩﯨﻜﻰ ﻛﯩﺸﯩﻠﻪﺭﻧﯩﯔ ﺗﯘﺭﻣﯘﺷﻰ ﺑﻪﻛﻼ ﻧﺎﭼﺎﺭ ﺋﯩﻜﻪﻥ، ﺋﯘﻧﻰ ﻛﯚﺭﯛﭖ ﻛﯚﯕﻠﯜﻡ ﺑﻪﻛﻼ ﻳﯧﺮﯨﻢ ﺑﻮﻟﺪﻯ. ﻗﻪﺷﻘﻪﺭ ﺋﺎﻳﺮﻭﭘﯩﻼﻥ ﺋﯩﺴﺘﺎﻧﺴﯩﺴﯩﺪﺍ ﺟﯧﺪﻩﻝ ﭼﯩﻘﺎﺭﺩﯨﻢ. ﺧﯩﺘﺎﻳﻼﺭ ﺋﯘﻳﻐﯘﺭﻻﺭﻧﻰ ﺑﻪﻛﻼ ﻛﻪﻣﺴﯩﺘﯩﺪﯨﻜﻪﻥ. ﻣﻪﻥ ﺋﺎﻳﺮﻭﭘﯩﻼﻥ ﺋﯩﺴﺘﺎﻧﺴﯩﺴﯩﺪﺍ ﺋﯚﭼﺮﻩﺕ ﺳﺎﻗﻼﯞﺍﺗﺴﺎﻡ، ﺧﯩﺘﺎﻳﻼﺭ ﺋﯚﭼﯩﺮﻩﺗﻜﻪ ﻛﯩﺮﻣﻪﺳﺘﯩﻦ ﻳﺎﻧﺪﯨﻦ ﻛﯧﻠﯩﭗ، ﭼﺎﻣﺪﺍﻧﻠﯩﺮﯨﻨﻰ ﺋﯚﺗﻜﯜﺯﯛﺷﻜﻪ ﺑﺎﺷﻠﯩﺪﻯ. ﺑﯘ ﻫﻪﻗﺴﯩﺰﻟﯩﻘﻘﺎ ﭼﯩﺪﺍﭖ ﺗﯘﺭﺍﻟﻤﺎﻱ ﯞﺍﺭﻗﯩﺮﯨﺪﯨﻢ، ﻛﯧﻴﯩﻦ ﺳﺎﻗﭽﯩﻼﺭ ﻛﻪﻟﺪﻯ. ﺧﯩﺘﺎﻳﻼﺭ ﺋﯘﻳﻐﯘﺭﻻﺭﻧﻰ ﺋﺎﺩﻩﻡ ﻗﺎﺗﺎﺭﯨﺪﺍ ﻛﯚﺭﻣﻪﻳﺪﯨﻜﻪﻥ. ﺋﯘﻳﻐﯘﺭ ﺧﻪﻟﻘﻰ ﺑﻪﺧﺘﻠﯩﻚ ﺋﻪﻣﻪﺱ ﺋﯩﻜﻪﻥ. ﺋﯘﻳﻐﯘﺭﻻﺭ ﺯﯨﭻ ﺋﻮﻟﺘﯘﺭﺍﻗﻼﺷﻘﺎﻥ ﻣﻪﻫﻪﻟﻠﯩﻠﻪﺭﻧﻰ ﺋﺎﻳﻼﻧﺪﯨﻢ، ﺋﯘﻳﻐﯘﺭﻻﺭ ﻳﻮﻗﺴﯘﻟﻠﯘﻕ ﺋﯩﭽﯩﺪﻩ ﻳﺎﺷﯩﻤﺎﻗﺘﺎ. ﻳﯧﯖﻰ ﺋﯧﺴﯩﻞ ﺑﯩﻨﺎﻻﺭﺩﺍ ﺗﯘﺭﯗﯞﺍﺗﻘﺎﻧﻼﺭﻧﯩﯔ، ﻳﺎﺧﺸﻰ ﻳﻪﭖ، ﻳﺎﺧﺸﻰ ﻛﯩﻴﯩﻨﯩﭗ ﺋﻮﻳﻨﺎﯞﺍﺗﻘﺎﻧﻼﺭﻧﯩﯔ ﻫﻪﻣﻤﯩﺴﻰ ﺩﯦﮕﯜﺩﻩﻙ ﺧﯩﺘﺎﻳﻼﺭ ﺋﯩﻜﻪﻥ. ﺑﯘﻻﺭﻧﻰ ﻛﯚﺭﯛﭖ ﻛﯚﯕﻠﯜﻡ ﺑﻪﻛﻼ ﻳﯧﺮﯨﻢ ﺑﻮﻟﺪﻯ. ﺧﯩﺘﺎﻳﻼﺭ ﺋﯘﻳﻐﯘﺭ ﺯﯦﻤﯩﻨﯩﻨﻰ ﺗﯧﺰﻻ ﺑﯧﺴﯩﭗ ﻛﻪﺗﻜﯩﻠﻰ ﺗﯘﺭﯗﭘﺘﯘ، ﺧﯩﺘﺎﻳﻼﺭ ﻛﯜﻧﺪﯨﻦ ﻛﯜﻧﮕﻪ ﻛﯚﭘﯩﻴﯩﯟﯦﺘﯩﭙﺘﯘ.
ﺋﻪﺭﻛﯩﻦ ﺗﺎﺭﯨﻢ: ﺑﯘ ﺗﻪﺳﯩﺮﺍﺗﻠﯩﺮﯨﯖﯩﺰﻧﻰ ﺭﺍﺩﯨﺌﻮﺩﺍ ﺋﺎﯕﻼﺗﺴﺎﻕ ﺑﻮﻻﻣﺪﯗ؟
ﺋﻮﻏﯘﺯ ﻗﯘﺯﻏﯘﻧﺒﺎﻱ: ﺑﻮﻟﯩﺪﯗ، ﺋﻪﻟﯟﻩﺗﺘﻪ ﺑﻮﻟﯩﺪﯗ.
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
