ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﻰ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﻰ ﺗﺎﻗﺎﺷﻘﺎ ﺑﺎﺷﻠﯩﺪﻯ

• ﻣﯘﺧﺒﯩﺮﯨﻤﯩﺰ ﭘﻪﺭﯨﺪﻩﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

14 – ﺋﯩﻴﯘﻝ ﻛﯜﻧﻰ ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺋﯚﺯﺑﯧﻜﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﺋﯩﺴﻼﻡ ﻛﻪﺭﯨﻤﻮﭖ ﺑﯩﻠﻪﻥ ﺷﺎﯕﺨﻪﻳﺪﻩ. AFP

"ﻫﺎﺯﯨﺮ ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﻰ ﺑﯘ ﻳﻪﺭﺩﯨﻜﻰ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﻰ ﺗﺎﻗﺎﺵ ﻫﻪﺭﯨﻜﯩﺘﯩﻨﻰ ﺑﺎﺭﻏﺎﻧﺴﯧﺮﻯ ﺟﯩﺪﺩﯨﻲ ﺋﯧﻠﯩﭗ ﺑﺎﺭﻣﺎﻗﺘﺎ" ﺩﯦﺪﻯ ﺋﺎﻣﯧﺮﯨﻜﯩﺪﯨﻜﻰ ﻳﺎﯞﺭﻭ-ﺋﺎﺳﯩﻴﺎ ﻓﻮﻧﺪﻯ ﺟﻪﻣﺌﯩﻴﯩﺘﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺋﻪﻣﻪﻟﺪﺍﺭﻯ ﺋﺎﻧﺪﺭﯦﯟ ﯞﯨﻠﺴﻮﻥ. ﺋﯘ 8‏- ﺋﯩﻴﯘﻥ ﻛﯜﻧﻰ ﺋﻪﺭﻛﯩﻦ ﻳﺎﯞﺭﻭﭘﺎ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﯞﺍﺷﯩﻨﮕﺘﻮﻧﺪﺍ ﺋﯘﻳﯘﺷﺘﯘﺭﻏﺎﻥ ﻳﯩﻐﯩﻨﯩﺪﺍ ﺋﯚﺯﺑﯧﻜﯩﺴﺘﺎﻧﺪﯨﻜﻰ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﯩﯔ ﺗﻪﻗﺪﯨﺮﻯ ﻫﻪﻗﻘﯩﺪﻩ ﺩﻭﻛﻼﺕ ﺑﯧﺮﯨﭗ، ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﻫﺎﺯﯨﺮ ﺑﯘ ﻳﻪﺭﺩﯨﻜﻰ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﻰ ﻣﻪﻳﻠﻰ ﺋﯘﻻﺭ ﭼﻪﺗﺌﻪﻝ ﻣﻪﺑﻠﯩﻐﻰ ﺑﯩﻠﻪﻥ ﻗﯘﺭﯗﻟﻐﺎﻥ ﺑﻮﻟﺴﯘﻥ ﻳﺎﻛﻰ ﻣﯘﺳﺘﻪﻗﯩﻞ ﺗﻪﺷﻜﯩﻼﺕ ﺑﻮﻟﺴﯘﻥ ﻫﻪﻣﻤﯩﺴﯩﮕﻪ ﺑﯩﺮ ﺗﯘﺗﺎﺵ ﺯﻩﺭﺑﻪ ﺑﯧﺮﯨﭗ ﺗﺎﻗﺎﺷﻘﺎ ﺋﯘﺭﯗﻧﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻗﻮﺭﺍ – ﻗﻮﻳﯘﻕ ﺗﺎﻗﺎﺵ

ﻫﺎﺯﯨﺮﻏﯩﭽﻪ ﺗﺎﻗﯩﯟﻩﺗﻜﻪﻥ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻠﯩﺮﯨﻨﯩﯔ ﺋﯩﭽﯩﺪﻩ ﻫﻪﺗﺘﺎ ﻣﯘﺯﯨﻴﺨﺎﻧﺎ ﺑﺎﺷﻘﯘﺭﯗﺵ، ﺧﯩﺰﻣﻪﺕ ﺋﻮﺭﯗﻧﻼﺷﺘﯘﺭﯗﺵ ﻣﻪﺭﻛﯩﺰﻯ ﯞﻩ ﺋﺎﺋﯩﻠﻪ ﺋﻮﻗﯘﺗﻘﯘﭼﯩﻠﯩﻖ ﺋﻮﻳﯘﺷﻤﯩﺴﻰ ﻗﺎﺗﺎﺭﻟﯩﻘﻼﺭﻣﯘ ﺑﺎﺭ ﺋﯩﻜﻪﻥ. ﺋﺎﻧﺪﺭﯦﯟ ﯞﯨﻠﺴﻮﻥ ﻣﯘﻧﺪﺍﻕ ﺩﻩﻳﺪﯗ:

"ﻗﺎﺭﯨﻐﺎﻧﺪﺍ، ﺋﯘﻻﺭ ﻫﻪﺭ ﻗﺎﻳﺴﻰ ﺷﻪﻫﻪﺭﻟﻪﺭﺩﯨﻜﻰ ﺑﺎﺭﻟﯩﻖ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﻰ ﺗﺎﻗﺎﺷﻘﺎ ﺋﯘﺭﯗﻧﯩﯟﺍﺗﯩﺪﯗ. ﺑﯘﻻﺭﻧﯩﯔ ﺋﺎﺭﯨﺴﯩﺪﺍ ﻫﻪﺗﺘﺎ ﺧﯩﺰﻣﯩﺘﻰ ﻳﻮﻕ ﺋﺎﻳﺎﻟﻼﺭﻏﺎ ﺋﯩﺶ ﺗﯧﭙﯩﭗ ﺑﯧﺮﯨﺪﯨﻐﺎﻥ ﯞﻩ ﻗﺎﻳﻤﯘﻗﯘﭖ ﻳﯜﺭﮔﻪﻥ ﻳﺎﺷﻼﺭﻏﺎ ﻳﺎﺭﺩﻩﻡ ﻗﯩﻠﯩﺪﯨﻐﺎﻥ ﺗﻪﺷﻜﯩﻼﺗﻼﺭﻣﯘ ﺑﺎﺭ ﺋﯩﺪﻯ. ﺷﯘﻧﺪﺍﻗﻼ ﺑﯩﺰ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺪﯨﻐﺎﻥ ﺋﺎﻣﻤﯩﯟﯨﻲ ﺳﺎﻏﻼﻣﻠﯩﻖ ﺋﯩﺸﻠﯩﺮﯨﻨﻰ ﻗﯩﻠﯩﺪﯨﻐﺎﻥ ﺑﯩﺮ ﺗﻪﺷﻜﯩﻼﺗﻤﯘ ﻳﯧﻘﯩﻨﺪﺍ ﻫﯧﭽﻘﺎﻧﺪﺍﻕ ﺳﻪﯞﻩﺑﺴﯩﺰﻻ ﺗﺎﻗﯩﯟﯦﺘﯩﻠﺪﻯ".

ﻳﺎﯞﺭﻭ-ﺋﺎﺳﯩﻴﺎ ﻓﻮﻧﺪﻯ ﺟﻪﻣﺌﯩﻴﯩﺘﯩﺪﯨﻜﻰ ﺋﺎﻧﺪﺭﯦﯟ ﯞﯨﻠﺴﻮﻥ ﺋﻪﭘﻪﻧﺪﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﻰ ﺋﯚﺗﻜﻪﻥ ﻫﻪﭘﺘﻪ ﻣﻪﺯﻛﯘﺭ ﺟﻪﻣﺌﯩﻴﻪﺗﻨﯩﯔ ﺋﯚﺯﺑﯧﻜﯩﺴﺘﺎﻧﺪﯨﻜﻰ ﺑﯩﺮ ﺋﯩﺸﺨﺎﻧﯩﺴﯩﻨﻰ ﻣﻪﺟﺒﯘﺭﯨﻲ ﺗﺎﻗﺎﺗﻘﯘﺯﻏﺎﻥ. ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﻰ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻏﺎ ﻗﺎﺭﺍﺗﻘﺎﻥ ﺑﯘ ﺑﺎﺳﺘﯘﺭﯗﺷﯩﻨﻰ ﺋﯚﺗﻜﻪﻥ ﻳﯩﻠﯩﺪﯨﻜﻰ ﺋﻪﻧﺪﯨﺠﺎﻥ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺑﺎﺷﻼﭖ، ﺧﻪﻟﻘﺌﺎﺭﺍﻟﯩﻖ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﯩﯔ ﺋﯚﺯﺑﯧﻜﯩﺴﺘﺎﻧﺪﯨﻜﻰ ﻳﻪﺭﻟﯩﻚ ﺗﻪﺷﻜﯩﻼﺗﻼﺭﻏﺎ ﻣﻪﺑﻠﻪﻍ ﺳﯧﻠﯩﺸﯩﻨﻰ ﺗﻮﺳﺎﺷﻘﺎ ﺗﯩﺮﯨﺸﻘﺎﻥ. ﺷﯘﻧﺪﺍﻗﻼ ﺋﯚﺯﺑﯧﻜﯩﺴﺘﺎﻥ ﻳﻪﻧﻪ ﻳﻪﺭﻟﯩﻚ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻏﺎ ﻗﺎﺭﯨﺘﯩﻠﻐﺎﻥ ﺗﯜﺭﻟﯜﻙ ﺑﻪﻟﮕﯩﻠﯩﻤﯩﻠﻪﺭﻧﻰ ﺗﯧﺨﯩﻤﯘ ﭼﯩﯖﯩﺘﯩﭗ، ﺑﯘ ﺋﻮﺭﯗﻧﻼﺭﻧﯩﯔ ﻧﻮﺭﻣﺎﻝ ﻣﯘﻻﺯﯨﻤﯩﺘﯩﮕﻪ ﺩﻩﺧﻠﻰ ﻳﻪﺗﻜﯜﺯﮔﻪﻥ.

ﻧﯘﺭﻏﯘﻥ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭ ﺳﻪﯞﻩﺑﺴﯩﺰ ﺗﺎﻗﯩﯟﯦﺘﯩﻠﮕﻪﻥ

ﯞﯨﻠﺴﻮﻥ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﻳﺎﯞﺭﻭ-ﺋﺎﺳﯩﻴﺎ ﻓﻮﻧﺪﻯ ﺟﻪﻣﺌﯩﻴﯩﺘﻰ ﺋﯚﺯﺑﯧﻜﯩﺴﺘﺎﻧﺪﯨﻜﻰ ﺑﯘ ﺗﻪﺷﻜﯩﻼﺗﻼﺭﻏﺎ ﻳﺎﺭﺩﻩﻣﻠﯩﺸﯩﭗ، ﺑﯘ ﺋﻮﺭﯗﻧﻼﺭﻏﺎ ﻗﺎﻧﺪﺍﻕ ﻗﯩﻠﻐﺎﻧﺪﺍ ﻳﯧﯖﻰ ﺑﻪﻟﮕﯩﻠﯩﻤﯩﻠﻪﺭﻧﻰ ﺗﯜﺯﯛﭖ ﭼﯩﻘﯩﭗ ﺗﺎﻗﯩﻠﯩﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﭼﺎﺭﯨﻠﯩﺮﯨﻨﻰ ﺋﯜﮔﻪﺗﻜﻪﻥ. ﻟﯧﻜﯩﻦ ﺷﯘﻧﺪﺍﻗﺘﯩﻤﯘ ﻳﻪﻧﯩﻼ ﻧﯘﺭﻏﯘﻥ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭ ﺳﻪﯞﻩﺑﺴﯩﺰ ﺗﺎﻗﯩﯟﯦﺘﯩﻠﮕﻪﻥ. ﺋﺎﻧﺪﺭﯦﯟ ﯞﯨﻠﺴﻮﻥ ﻣﯘﻧﺪﺍﻕ ﺩﻩﻳﺪﯗ:

"ﺑﯘ ﻫﻪﺭﯨﻜﻪﺕ ﻧﻪﺗﯩﺠﯩﺴﯩﺪﻩ، ﺋﯚﺯﺑﯧﻜﯩﺴﺘﺎﻥ ﺋﻪﺩﻟﯩﻴﻪ ﻣﯩﻨﯩﺴﺘﯩﺮﻟﯩﻘﻰ ﻫﺎﺯﯨﺮﻏﯩﭽﻪ ﺑﯘ ﻳﻪﺭﺩﯨﻜﻰ ﺑﯩﺰ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺪﯨﻐﺎﻥ 39 ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻨﯩﯔ 23 ﺋﯩﻨﻰ ﺗﺎﻗﺎﭖ ﺑﻮﻟﺪﻯ"

ﯞﯨﻠﺴﻮﻥ ﺋﻪﭘﻪﻧﺪﻯ ﺷﯘ ﺳﻪﯞﻩﺑﺘﯩﻦ ﺋﯚﺯﺑﯧﻜﯩﺴﺘﺎﻥ ﭘﯘﻗﺮﺍﻟﯩﺮﯨﻨﯩﯔ ﺋﺎﺳﺎﺳﻠﯩﻖ ﻛﯩﺸﯩﻠﯩﻚ ﻫﻮﻗﯘﻗﻠﯩﺮﯨﺪﯨﻨﻤﯘ ﺑﻪﻫﺮﯨﻤﻪﻥ ﺑﻮﻻﻟﻤﺎﻳﯟﺍﺗﻘﺎﻧﻠﯩﻘﯩﻨﻰ، ﺑﯘﻧﻰ ﺋﺎﺯ ﺩﻩﭖ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﺩﺍ ﺋﯩﺸﻠﻪﻳﺪﯨﻐﺎﻥ ﺧﺎﺩﯨﻤﻼﺭﻏﺎ ﺗﯜﺭﻟﯜﻙ ﺗﻪﻫﺪﯨﺘﻠﻪﺭﻧﻰ ﺳﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺑﯩﺰ ﺑﯘ ﻫﻪﻗﺘﻪ ﺋﯚﺯﺑﯧﻜﯩﺴﺘﺎﻥ ﺗﻪﺭﻩﭘﻨﯩﯔ ﺋﯩﻨﻜﺎﺳﯩﻨﻰ ﺋﯧﻠﯩﺶ ﺋﯜﭼﯜﻥ ﺋﯚﺯﺑﯧﻜﯩﺴﺘﺎﻧﻨﯩﯔ ﯞﺍﺷﯩﻨﮕﺘﻮﻧﺪﺍ ﺗﯘﺭﯗﺷﻠﯘﻕ ﺋﻪﻟﭽﯩﺨﺎﻧﯩﺴﻰ ﺑﯩﻠﻪﻥ ﺋﺎﻻﻗﯩﻠﯩﺸﯩﺸﻘﺎ ﺗﯩﺮﯨﺸﺘﯘﻕ. ﮔﻪﺭﭼﻪ ﺑﯩﺰ ﺋﻪﻟﭽﯩﺨﺎﻧﯩﻨﯩﯔ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﺋﯩﺸﺨﺎﻧﯩﺴﯩﻐﺎ ﺋﯘﺩﺍ ﻧﻪﭼﭽﻪ ﻛﯜﻥ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺗﯧﻠﯧﻔﻮﻧﻨﻰ ﻫﯧﭽﻜﯩﻢ ﺋﺎﻟﻤﯩﺪﻯ.

ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﻰ ﭘﯘﻗﺮﺍﻟﯩﺮﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﺑﻮﻏﻘﺎﻧﻠﯩﻘﻰ ﺑﯩﻠﻪﻥ ﺋﯩﻠﮕﯩﺮﯨﻤﯘ ﻛﯚﭖ ﻗﯧﺘﯩﻢ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺗﻪﺭﯨﭙﯩﺪﯨﻦ ﺋﻪﻳﯩﺒﻠﯩﻨﯩﭗ ﻛﻪﻟﮕﻪﻥ ﺋﯩﺪﻯ. ﺋﻪﻣﻤﺎ ﺋﻪﻧﺪﯨﺠﺎﻥ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺧﻪﻟﻘﺌﺎﺭﺍﻧﯩﯔ ﺋﻪﻳﯩﺒﻠﯩﺸﻰ ﺗﯧﺨﯩﻤﯘ ﻛﯜﭼﻪﻳﺪﻯ. ﺷﯘﻧﺪﺍﻗﻼ ﺋﯚﺯﺑﯧﻜﯩﺴﺘﺎﻥ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ ﺋﻪﯓ ﺋﯧﻐﯩﺮ ﺩﯙﻟﻪﺕ ﺩﻩﭖ ﺋﻪﻳﯩﺒﻠﻪﻧﺪﻯ.

ﺋﯩﺴﻼﻡ ﻛﻪﺭﯨﻤﻮﻑ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻐﺎ ﺑﻮﻟﻐﺎﻥ ﺳﺎﺩﺍﻗﻪﺗﻤﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ

ﻧﯚﯞﻩﺗﺘﻪ ﺋﯚﺯﺑﯧﻜﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﺋﯩﺴﻼﻡ ﻛﻪﺭﯨﻤﻮﻑ ﺧﯩﺘﺎﻳﺪﺍ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﺋﺎﻟﯩﻲ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﯟﺍﺗﻘﺎﻥ ﺑﻮﻟﯘﭖ، ﺑﯘ ﺋﻮﺭﮔﺎﻧﺪﯨﻜﻰ ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ ﺋﻪﻳﻨﻰ ﭼﺎﻏﺪﺍ ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺋﻪﻧﺪﯨﺠﺎﻥ ﯞﻩﻗﻪﺳﯩﻨﻰ ﺑﺎﺳﺘﯘﺭﯗﺷﯩﻨﻰ ﻗﻮﻟﻠﯩﻐﺎﻥ ﺩﯙﻟﻪﺗﻠﻪﺭﺩﯗﺭ. ﭘﻪﻳﺸﻪﻧﺒﻪ ﻛﯜﻧﻰ ﻳﯩﻐﯩﻨﺪﺍ ﻣﻪﺯﻛﯘﺭ ﺗﻪﺷﻜﯩﻼﺗﻘﺎ ﺋﻪﺯﺍ 6 ﺩﯙﻟﻪﺕ ﺑﯩﺮﻟﻪﺷﻤﻪ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺋﯚﺯ-ﺋﺎﺭﺍ ﻫﻪﻣﻜﺎﺭﻟﯩﻘﻨﻰ ﺗﯧﺨﯩﻤﯘ ﻛﯜﭼﻪﻳﺘﯩﭗ 3 ﺧﯩﻞ ﻛﯜﭼﻠﻪﺭﮔﻪ ﺯﻩﺭﺑﻪ ﺑﯧﺮﯨﺸﻨﻰ ﺗﻪﻛﯩﺘﻠﯩﺪﻯ. ﺋﯚﺯﺑﯧﻜﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﺋﯩﺴﻼﻡ ﻛﻪﺭﯨﻤﻮﻑ ﻳﯩﻐﯩﻨﺪﺍ ﻫﻪﺗﺘﺎ ، ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻐﺎ ﺑﻮﻟﻐﺎﻥ ﺳﺎﺩﺍﻗﻪﺗﻤﻪﻧﻠﯩﻜﻰ ﯞﻩ ﺋﯩﺸﻪﻧﭽﯩﻨﻰ ﺋﯩﭙﺎﺩﯨﻠﻪﭖ، ﺑﯘ ﺗﻪﺷﻜﯩﻼﺗﻨﯩﯔ ﺋﻪﺯﺍ ﺩﯙﻟﻪﺗﻠﻪﺭﻧﯩﯔ ﺋﯚﺯ ﺗﻪﻏﺪﯨﺮﻯ ﯞﻩ ﻛﻪﻟﮕﯜﺳﯩﻨﻰ ﺋﯚﺯ ﺋﺎﻟﺪﯨﻐﺎ ﻣﯘﺳﺘﻪﻗﯩﻞ ﻳﺎﺭﯨﺘﯩﺶ ﻳﻮﻟﯩﺪﯨﻜﻰ ﻛﯚﺭﻩﺷﻠﯩﺮﯨﺪﻩ ﺋﯜﻧﯜﻣﻠﯜﻙ ﺭﻭﻝ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯘﻧﻰ ﻳﯧﻘﯩﻨﺪﯨﻦ ﻛﯚﺯﯨﺘﯩﭗ ﻛﯧﻠﯩﯟﺍﺗﻘﺎﻥ ﺋﯚﺯﺑﯧﻜﯩﺴﺘﺎﻥ ﺋﯚﻛﺘﯩﭽﯩﻠﯩﺮﻯ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻐﺎ ﺋﯜﻣﯩﺪﺳﯩﺰ ﻗﺎﺭﺍﭖ، ﺑﯘ ﺋﻮﺭﮔﺎﻧﻨﯩﯔ ﻛﻪﺭﯨﻤﻮﻓﻨﯩﯔ ﺩﯙﻟﻪﺕ ﺋﯩﭽﯩﺪﯨﻜﻰ ﺩﯦﻤﻮﻛﺮﺍﺗﯩﻚ ﻫﻪﺭﯨﻜﻪﺗﻠﻪﺭﻧﻰ ﺑﯘﻧﯩﯖﺪﯨﻦ ﻛﯧﻴﯩﻦ ﺗﯧﺨﯩﻤﯘ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﺎﺳﺘﯘﺭﯗﺷﯩﻐﺎ ﻳﺎﺭﺩﻩﻣﺪﻩ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻤﻪﻛﺘﻪ.

ﺋﯚﺯﺑﯧﻜﯩﺴﺘﺎﻥ ﭘﺮﯦﺰﯨﺪﯦﻨﺘﯩﻨﯩﯔ ﺳﺎﺑﯩﻖ ﻣﻪﺳﻠﯩﻬﻪﺗﭽﯩﺴﻰ ﯞﻩ ﭘﺎﺭﻻﻣﯧﻨﺖ ﺋﻪﺯﺍﺳﻰ ﺟﺎﻫﺎﻧﮕﯩﺮ ﻣﻪﻣﻪﺗﻮﻑ ﺑﯘ ﻫﻪﻗﺘﻪ ﻣﯘﺧﺒﯩﺮﯨﻤﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﺩﯦﻤﻮﻛﺮﺍﺗﯩﻴﯩﮕﻪ ﻗﺎﺭﺷﻰ ﺭﻭﻝ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﯚﺯﺑﯧﻜﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﺋﯩﺴﻼﻡ ﻛﻪﺭﯨﻤﻮﻑ ﺷﺎﯕﺨﻪﻳﺪﻩ ﻗﯩﻠﻐﺎﻥ ﺳﯚﺯﯨﺪﯨﻤﯘ ﺋﻮﭼﯘﻕ ﻗﯩﻠﯩﭗ، " ﻏﻪﺭﺑﻨﯩﯔ ﺩﯦﻤﻮﻛﺮﺍﺗﯩﻴﻪ ﺋﯘﺳﯘﻟﯩﻨﻰ ﺑﯩﺰﮔﻪ ﺗﯧﯖﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﻫﻪﺭﯨﻜﻪﺗﻠﻪﺭﮔﻪ ﺋﻮﺭﺗﺎﻕ ﻗﺎﺭﺷﻰ ﺗﯘﺭﯗﺷﯩﻤﯩﺰ ﻛﯧﺮﻩﻙ" ﺩﯦﮕﻪﻧﻨﻰ ﺗﻪﺷﻪﺑﺒﯘﺱ ﻗﯩﻠﺪﻯ. ﺋﻮﭼﯘﻗﻜﻰ ﺑﯘﻧﯩﯖﺪﯨﻦ ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺑﯘﻧﯩﯖﺪﯨﻦ ﻛﯧﻴﯩﻦ ﺩﯙﻟﻪﺕ ﺋﯩﭽﯩﺪﯨﻜﻰ ﺩﯦﻤﻮﻛﺮﺍﺗﯩﻚ ﻫﻪﺭﯨﻜﻪﺗﻠﻪﺭﻧﻰ ﺑﻮﻟﯘﭘﻤﯘ ﭼﻪﺗﺌﻪﻝ ﭘﯘﻟﻰ ﺟﯜﻣﻠﯩﺪﯨﻦ ﻏﻪﺭﺏ ﺋﻪﻟﻠﯩﺮﯨﻨﯩﯔ ﻳﺎﺭﺩﯨﻤﻰ ﺑﯩﻠﻪﻥ ﻗﯘﺭﯗﻟﻐﺎﻥ ﻫﻪﺭ ﻗﺎﻳﺴﻰ ﺗﻪﺷﻜﯩﻼﺗﻼﺭﻏﺎ ﻗﺎﺭﺍﺗﻘﺎﻥ ﻛﻮﻧﺘﺮﻭﻟﻠﯘﻗﻨﻰ ﺗﯧﺨﯩﻤﯘ ﻛﯜﭼﻪﻳﺘﯩﻐﺎﻧﻠﯩﻘﯩﻨﻰ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗ. (ﭘﻪﺭﯨﺪﻩ)