ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﯩﺮﻯ ﻣﺎﯞﺯﯗﻟﯘﻕ ﻳﯩﻐﯩﻦ ﭼﺎﻗﯩﺮﯨﻠﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯚﺯﺑﯧﻜﯩﺴﺘﺎﻧﻨﯩﯔ ﺋﻪﻧﻘﻪﺭﻩﺩﻩ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺴﻰ ﺋﯘﻟﻔﻪﺕ ﻗﺎﺩﯨﺮﻭﻑ ﺋﻪﭘﻪﻧﺪﻯ ﺳﯚﺯ ﻗﯩﻠﺪﻯ. RFA Photo / Erkin Tarim

ﺋﯚﺯﺑﯧﻜﯩﺴﺘﺎﻧﻨﯩﯔ ﺋﻪﻧﻘﻪﺭﻩﺩﻩ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﻠﯩﻜﻰ ﺑﯩﻠﻪﻥ ﺗﯜﺭﻛﯩﻴﻪ ﻳﺎﯞﺭﻭﺋﺎﺳﯩﻴﺎ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﻪﺭ ﺟﻪﻣﯩﻴﯩﺘﻰ ﺑﯩﺮﻟﯩﻜﺘﻪ ﺕ ﺋﻮ ﺏ ﺏ ﺋﯩﻘﺘﯩﺴﺎﺩﯨﻲ ﯞﻩ ﺗﯧﺨﻨﻮﻟﻮﮔﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺯﺍﻟﯩﺪﺍ `ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﯩﺮﻯ` ﻣﺎﯞﺯﯗﻟﯘﻕ ﻳﯩﻐﯩﻦ ﭼﺎﻗﯩﺮﯨﻠﺪﻯ. ﻳﯩﻐﯩﻨﻐﺎ ﺋﯚﺯﺑﯧﻜﯩﺴﺘﺎﻥ ﺋﻪﻟﭽﯩﻠﯩﻜﻰ ﺧﺎﺩﯨﻤﻠﯩﺮﻯ، ﺗﯜﺭﻛﯩﻴﻪ ﺗﺎﺷﻘﻰ ﺳﻮﺩﺍ ﺋﯩﺪﺍﺭﯨﺴﻰ ﻣﻪﺳﺌﯘﻟﻠﯩﺮﻯ، ﻛﻮﻧﺎ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﻯ، ﻣﯩﻨﯩﺴﺘﯩﺮﻻﺭ ﯞﻩ ﺋﯩﻘﺘﯩﺴﺎﺗﺸﯘﻧﺎﺳﻼﺭﺩﯨﻦ ﺑﻮﻟﯘﭖ ﻛﯚﭖ ﺳﺎﻧﺪﺍ ﻛﯩﺸﻰ ﻗﺎﺗﻨﺎﺷﺘﻰ. ﺑﯘ ﻳﯩﻐﯩﻨﺪﺍ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺳﯩﻴﺎﺳﻰ ﯞﻩ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﻪﺭ ﻣﯘﺯﺍﻛﯩﺮﻩ ﻗﯩﻠﯩﻨﺪﻯ.

ﻳﯩﻐﯩﻨﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺋﺎﻟﺪﻯ ﺑﯩﻠﻪﻥ ﺕ ﺋﻮ ﺏ ﺏ ﺋﯩﻘﺘﯩﺴﺎﺩﯨﻲ ﯞﻩ ﺗﯧﺨﻨﻮﻟﻮﮔﯩﻴﻪ ﺋﯘﻧﯩﯟﯦﺮﺳﯩﺘﯧﺘﻰ ﻣﯘﺩﯨﺮﻯ ﭘﺮﻭﻑ. ﺩﺭ. ﺗﺎﻫﺴﯩﻦ ﻛﯧﺴﯩﺠﻰ ﺳﯚﺯ ﻗﯩﻠﺪﻯ. ﺋﯘ ﺳﯚﺯﯨﺪﻩ ﻗﯧﺮﯨﻨﺪﺍﺵ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﻨﯩﯔ ﺩﯦﮕﻪﻧﺪﻩﻙ ﻳﺎﺧﺸﻰ ﺋﻪﻣﻪﺳﻠﯩﻜﯩﻨﻰ، ﺑﯘﻧﯩﯖﺪﯨﻦ ﺋﯚﺯﯨﻨﯩﯔ ﻗﺎﺗﺘﯩﻖ ﺋﻪﭘﺴﯘﺳﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﺋﯚﺯﺑﯧﻜﯩﺴﺘﺎﻥ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﺋﯩﭽﯩﺪﻩ ﺋﻪﯓ ﻛﯚﭖ ﻧﻮﭘﯘﺳﻘﺎ ﺋﯩﮕﻪ ﺑﯩﺮ ﺩﯙﻟﻪﺕ. 1991-ﻳﯩﻠﻰ ﺋﯚﺯﺑﯧﻜﯩﺴﺘﺎﻥ ﻳﯧﯖﻰ ﻣﯘﺳﺘﻪﻗﯩﻞ ﺑﻮﻟﻐﺎﻥ ﯞﺍﻗﺘﯩﺪﺍ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﯩﻘﺘﯩﺴﺎﺩ ﺋﯘﻧﯩﯟﯦﺮﺳﯩﺘﯧﺘﯩﺪﯨﻦ 30 ﺋﻪﺗﺮﺍﭘﯩﺪﺍ ﺋﻮﻗﯘﻏﯘﭼﯩﻨﻰ ﺗﯜﺭﻛﯩﻴﯩﺪﻩ ﺑﺎﺯﺍﺭ ﺋﯩﻘﺘﯩﺴﺎﺩﻯ ﻫﻪﻗﻘﯩﺪﻩ ﻛﯘﺭﺱ ﺋﯧﭽﯩﭗ ﺋﻮﻗﯘﺗﺘﯘﻕ. ﻛﯧﻴﯩﻦ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﺑﯩﺰ ﺋﺎﺭﺯﯗ ﻗﯩﻠﻐﺎﻥ ﺷﻪﻛﯩﻠﺪﻩ ﺩﺍﯞﺍﻡ ﻗﯩﻠﻤﯩﺪﻯ. ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻥ ﺋﻮﺗﺘﯘﺭﯨﺴﯩﺪﺍ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺕ ﺑﻮﻟﻤﯩﺴﯩﻤﯘ ﺑﻮﻟﯩﺪﯗ. ﺋﻪﻣﻤﺎ ﻗﯧﺮﯨﻨﺪﺍﺵ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﺍ ﺯﯨﭻ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﻠﯩﺸﻰ ﻛﯧﺮﻩﻙ. ﭼﯜﻧﻜﻰ ﺗﯜﺭﻛﻠﻪﺭ ﺑﯩﻠﻪﻥ ﺋﯚﺯﺑﯧﻜﻠﻪﺭ ﻗﯧﺮﯨﻨﺪﺍﺵ ﻣﯩﻠﻠﻪﺗﻠﻪﺭﺩﯗﺭ. ﺑﯘﻧﻰ ﺑﯩﺰ ﺗﯜﺭﻛﻠﻪﺭ ﻳﺎﺧﺸﻰ ﺑﯩﻠﯩﻤﯩﺰ. ﺋﻪﭘﺴﯘﺳﻜﻰ ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻥ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﺩﯦﮕﻪﻧﺪﻩﻙ ﻳﺎﺧﺸﻰ ﺋﻪﻣﻪﺱ. ﻫﺎﺯﯨﺮ ﺗﯜﺭﻛﯩﻴﯩﺪﻩ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻦ ﻛﯧﻠﯩﭗ ﺋﻮﻗﯘﯞﺍﺗﻘﺎﻥ ﻣﯩﯖﻼﺭﭼﻪ ﺋﻮﻗﯘﻏﯘﭼﻰ ﺑﺎﺭ، ﺋﻪﻣﻤﺎ ﺑﯩﺮﻣﯘ ﺋﯚﺯﺑﯧﻚ ﺋﻮﻗﯘﻏﯘﭼﻰ ﻳﻮﻕ، ﻣﻪﻥ ﺑﯘ ﺋﻪﻫﯟﺍﻟﻐﺎ ﻗﺎﺗﺘﯩﻖ ﺋﯧﭽﯩﻨﯩﻤﻪﻥ. ﺑﯘﻧﺪﺍﻕ ﭼﻮﯓ ﺑﯩﺮ ﺩﯙﻟﻪﺗﻨﯩﯔ ﻧﯧﻤﯩﺸﻘﺎ ﺗﯜﺭﻛﯩﻴﯩﺪﻩ ﺋﻮﻗﯘﻏﯘﭼﯩﺴﻰ ﻳﻮﻕ. ﺑﯩﺰ ﺋﯚﺯﺑﯧﻚ ﺋﻮﻗﯘﻏﯘﭼﯩﻼﺭ ﺋﯜﭼﯜﻥ ﻫﻪﺭ ﻳﯩﻠﻰ ﺳﺎﻥ ﺑﻪﺭﺩﯗﻕ، ﺋﻪﻣﻤﺎ ﺋﯚﺯﺑﯧﻜﯩﺴﺘﺎﻥ ﺋﻮﻗﯘﻏﯘﭼﻰ ﺋﻪﯞﻩﺗﻤﯩﺪﻯ. ﻛﯧﻴﯩﻦ ﺋﯚﺯﺑﯧﻚ ﻫﯚﻛﯜﻣﯩﺘﻰ ﺑﯩﺰ ﺗﯜﺭﻛﯩﻴﯩﮕﻪ ﺋﻮﻗﯘﻏﯘﭼﻰ ﺋﻪﯞﻩﺗﻤﻪﻳﻤﯩﺰ، ﺳﯩﻠﻪﺭ ﻧﯧﻤﻪ ﺋﯜﭼﯜﻥ ﺑﯩﺰﮔﻪ ﺳﺎﻥ ﺑﯧﺮﯨﺴﯩﻠﻪﺭ ﺩﻩﭖ، ﺑﯩﺰﺩﯨﻦ ﺋﺎﻏﺮﯨﻨﺪﻯ. ﺑﯩﺰﻧﯩﯔ ﺋﯘﻧﯩﯟﯦﺮﺳﯩﺘﯧﺘﻰ ﺗﯜﺭﻛﯩﻴﯩﺪﯨﻜﻰ ﺋﻪﯓ ﻳﺎﺧﺸﻰ ﯞﺍﻗﯩﭗ ﺋﯘﻧﯩﯟﯦﺮﺳﯩﺘﯧﺘﻠﯩﺮﯨﺪﯨﻦ ﺑﯩﺮﻯ، ﻫﺎﺯﯨﺮ ﺋﯘﻧﯩﯟﯦﺮﺳﯩﺘﯧﺘﯩﻤﯩﺰﺩﺍ ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﯨﺪﯨﻦ ﻛﻪﻟﮕﻪﻥ 28 ﺋﻪﺗﺮﺍﭘﯩﺪﺍ ﺋﻮﻗﯘﻏﯘﭼﻰ ﺋﻮﻗﯘﯞﺍﺗﯩﺪﯗ، 500 ﺩﻭﻟﻼﺭ ﺋﻪﺗﺮﺍﭘﯩﺪﺍ ﺋﻮﻗﯘﺵ ﭘﯘﻟﻰ ﺑﯧﺮﯨﻤﯩﺰ. ﺋﻪﻣﻤﺎ ﺑﯩﺮﻣﯘ ﺋﯚﺯﺑﯧﻚ ﺋﻮﻗﯘﻏﯘﭼﻰ ﻳﻮﻕ. ﺗﯜﺭﻛﯩﻴﯩﺪﯨﻦ ﻛﯚﭘﻠﻪﭖ ﺋﻮﻗﯘﻏﯘﭼﻰ ﺋﯘ ﺟﯘﻣﻬﯘﺭﯨﻴﻪﺗﻠﻪﺭﮔﻪ ﺑﯧﺮﯨﭗ ﺋﻮﻗﯘﺷﻰ، ﺗﯜﺭﻛﯩﺴﺘﺎﻧﺪﯨﻦ ﻛﯚﭘﻠﯩﮕﻪﻥ ﺋﻮﻗﯘﻏﯘﭼﯩﻼﺭ ﺗﯜﺭﻛﯩﻴﯩﮕﻪ ﻛﯧﻠﯩﭗ ﺋﻮﻗﯘﺷﻰ ﻛﯧﺮﻩﻙ. ﺑﯩﺮ-ﺑﯩﺮﯨﻤﯩﺰﻧﻰ ﻳﺎﺧﺸﻰ ﭼﯜﺷﯩﻨﯩﺸﯩﻤﯩﺰ ﺋﯜﭼﯜﻥ ﺑﯘ ﻧﺎﻫﺎﻳﯩﺘﻰ ﻣﯘﻫﯩﻢ.

`ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﯩﺮﻯ` ﻣﺎﯞﺯﯗﻟﯘﻕ ﻳﯩﻐﯩﻦ ﭼﺎﻗﯩﺮﯨﻠﺪﻯ. RFA Photo / Erkin Tarim

ﻛﯧﻴﯩﻦ ﺗﯜﺭﻛﯩﻴﻪ ﻏﻪﺯﯨﻨﻪ ﯞﻩ ﺗﺎﺷﻘﻰ ﺳﻮﺩﺍ ﺋﯩﺪﺍﺭﯨﺴﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺋﯚﻟﻜﯩﻠﻪﺭ ﮔﯜﺯﻩﻝ ﺧﺎﻧﯩﻢ ﺳﯚﺯ ﻗﯩﻠﯩﭗ ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻥ ﺋﻮﺗﺘﯘﺭﯨﺴﯩﺪﯨﻜﻰ ﺗﯩﺠﺎﺭﯨﻲ ﻣﯘﻧﺎﺳﯩﯟﻩﺗﻠﻪﺭ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ: "ﻫﯚﺭﻣﻪﺗﻠﯩﻚ ﻣﯩﻨﯩﺴﺘﯩﺮﻻﺭ ﻗﯩﻤﻤﻪﺗﻠﯩﻚ ﺑﯜﻳﯜﻙ ﺋﻪﻟﭽﻰ، ﻣﯘﺩﯨﺮﻻﺭ، ﻛﺎﺭﺧﺎﻧﯩﭽﯩﻼﺭ ﯞﻩ ﺋﯚﺯﺑﯧﻚ ﺩﻭﺳﺘﻠﯩﺮﯨﻤﯩﺰ. ﻣﻪﻥ ﺳﯚﺯﯛﻣﻨﻰ ﺑﯘ ﻳﯩﻐﯩﻨﻨﻰ ﺋﯘﻳﯘﺷﺘﯘﺭﻏﺎﻥ ﺋﯚﺯﺑﯧﻜﯩﺴﺘﺎﻥ ﺑﯜﻳﯜﻙ ﺋﻪﻟﭽﯩﻠﯩﻜﯩﮕﻪ ﯞﻩ ﻳﺎﯞﺭﻭﺋﺎﺳﯩﻴﺎ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﻪﺭ ﺟﻪﻣﺌﯩﻴﯩﺘﯩﮕﻪ ﺭﻩﺧﻤﻪﺕ ﺋﯧﻴﺘﯩﺶ ﺑﯩﻠﻪﻥ ﺑﺎﺷﻠﯩﻤﺎﻗﭽﯩﻤﻪﻥ. ﺑﯘ ﺧﯩﻞ ﻳﯩﻐﯩﻨﻼﺭ ﺗﯜﺭﻙ ﯞﻩ ﺋﯚﺯﺑﯧﻚ ﻛﺎﺭﺧﺎﻧﯩﭽﯩﻠﯩﺮﯨﻨﯩﯔ ﺑﯩﺮ-ﺑﯩﺮﯨﻨﻰ ﭼﯜﺷﯩﻨﯩﺸﻰ ﯞﻩ ﭘﯩﻼﻥ ﺗﯜﺯﯛﺷﻰ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ. ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻥ ﺋﻮﺗﺘﯘﺭﯨﺴﯩﺪﯨﻜﻰ ﺗﯩﺠﺎﺭﻩﺕ ﺳﻮﻣﻤﯩﺴﻰ 2006-ﻳﯩﻠﯩﺪﺍ 600 ﻣﯩﻠﻴﻮﻥ ﺩﻭﻟﻼﺭﻏﺎ ﭼﯩﻘﺘﻰ. 2007-ﻳﯩﻠﻰ ﺑﻮﻟﺴﺎ ﺑﯘ ﺗﯩﺠﺎﺭﻩﺕ ﺳﻮﻣﻤﯩﺴﻰ %40 ﺋﯚﺭﻟﻪﭖ 840 ﻣﯩﻠﻴﻮﻥ ﺩﻭﻟﻼﺭ ﺑﻮﻟﺪﻯ. 2008- ﻳﯩﻠﯩﺪﺍ ﺑﯘﻧﯩﯔ ﺑﯩﺮ ﻣﯩﻠﻴﺎﺭﺩ ﺩﻭﻟﻼﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﭘﻪﺭﻩﺯ ﻗﯩﻠﯩﯟﺍﺗﯩﻤﯩﺰ. ﻫﺎﺯﯨﺮ ﺋﯚﺯﺑﯧﻜﯩﺴﺘﺎﻧﺪﺍ 150 ﺋﯩﻨﺸﺎﺋﺎﺕ ﺷﯩﺮﻛﯩﺘﻰ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﻣﺎﻗﺘﺎ. ﺗﯘﺭﻙ ﻛﺎﺭﺧﺎﻧﯩﭽﯩﻼﺭ ﺋﯚﺯﺑﯧﻜﯩﺴﺘﺎﻧﺪﺍ ﻣﻪﺑﻠﻪﻍ ﺳﯧﻠﯩﺶ ﺋﺎﺭﻗﯩﻠﯩﻖ ﺋﯚﺯﺑﯧﻜﯩﺴﺘﺎﻥ ﺋﯩﻘﺘﯩﺴﺎﺩﯨﻨﯩﯔ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺗﯚﻫﭙﻪ ﻗﻮﺷﻤﺎﻗﺘﺎ. ﺑﯜﮔﯜﻥ ﺋﯚﺯﺑﯧﻜﯩﺴﺘﺎﻧﺪﺍ ﺗﯩﺠﺎﺭﯨﻲ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺗﯜﺭﻙ ﺷﯩﺮﻛﻪﺗﻠﯩﺮﯨﻨﯩﯔ ﺳﺎﻧﻰ 400 ﺋﻪﺗﺮﺍﭘﯩﺪﺍ. ﺑﯘ ﺷﯩﺮﻛﻪﺗﻠﻪﺭﻧﯩﯔ ﻛﯚﭘﻰ، ﺗﻮﻗﯘﻣﯩﭽﯩﻠﯩﻖ، ﻣﺎﺷﯩﻨﯩﺴﺎﺯﻟﯩﻖ، ﻳﯧﻤﻪﻙ-ﺋﯩﭽﻤﻪﻙ ﯞﻩ ﺗﺎﺯﯨﻠﯩﻖ ﺑﻮﻳﯘﻣﻠﯩﺮﻯ ﺳﺎﻫﻪﺳﯩﺪﻩ ﺗﯩﺠﺎﺭﯨﻲ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﻣﺎﻗﺘﺎ. ﻛﯧﻴﯩﻨﻜﻰ ﺑﯩﺮ ﻗﺎﻧﭽﻪ ﻳﯩﻞ ﺋﯩﭽﯩﺪﻩ ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻥ ﺋﻮﺗﺘﯘﺭﯨﺴﯩﺪﯨﻜﻰ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﻪﺭ ﺗﯧﺰﻻ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺑﻮﻟﺴﯩﻤﯘ، ﺗﯧﺨﻰ ﺋﺎﺭﺯﯗ ﻗﯩﻠﻐﺎﻥ ﺳﻪﯞﯨﻴﯩﺪﻩ ﺋﻪﻣﻪﺱ. ﺑﯘ ﻣﯘﻧﺎﺳﯩﯟﻩﺗﻨﻰ ﺗﯧﺨﯩﻤﯘ ﻳﺎﺧﺸﯩﻼﺷﻨﯩﯔ ﻳﻮﻟﻠﯩﺮﯨﻨﻰ ﺋﯩﺰﺩﯨﺸﯩﻤﯩﺰ ﻛﯧﺮﻩﻙ."

ﻛﯧﻴﯩﻦ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﻪﻧﻘﻪﺭﻩﺩﻩ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺴﻰ ﺋﯘﻟﻔﻪﺕ ﻗﺎﺩﯨﺮﻭﻑ ﺋﻪﭘﻪﻧﺪﻯ ﺳﯚﺯ ﻗﯩﻠﺪﻯ: "ﺗﯜﺭﻙ ﻛﺎﺭﺧﺎﻧﯩﭽﯩﻼﺭ ﺑﯩﺰﻧﯩﯔ ﺋﻪﯓ ﻗﻪﺩﯨﺮﻟﯩﻚ ﺩﻭﺳﺘﻠﯩﺮﯨﻤﯩﺰ. ﺋﯚﺯﺑﯧﻜﯩﺴﺘﺎﻧﻨﯩﯔ ﭘﺎﻳﺘﻪﺧﺘﻰ ﺗﺎﺷﻜﻪﻧﺖ ﺷﻪﻫﺮﯨﻨﯩﯔ ﻣﻪﺭﻛﯩﺰﯨﺪﯨﻜﻰ ﭘﯜﺗﯜﻥ ﻳﯧﯖﻰ ﺑﯩﻨﺎﻻﺭﻧﻰ ﻛﯩﻢ ﺳﺎﻟﻐﺎﻥ ﺩﯦﺴﻪﯕﻼﺭ ﺗﯜﺭﻙ ﺋﯩﻨﺸﺎﺋﺎﺕ ﺷﯩﺮﻛﻪﺗﻠﯩﺮﻯ ﺳﺎﻟﻐﺎﻥ. ﺷﯘﯕﺎ ﺋﯚﺯﺑﯧﻚ ﺧﻪﻟﻘﻰ ﺋﯚﺯﺑﯧﻚ ﻫﯚﻛﯜﻣﯩﺘﻰ ﺗﯜﺭﻛﻠﻪﺭﻧﻰ ﻳﺎﺧﺸﻰ ﺑﯩﻠﯩﺪﯗ. ﺋﯚﺯﺑﯧﻜﯩﺴﺘﺎﻧﺪﺍ ﺗﯜﺭﻙ ﺷﯩﺮﻛﻪﺗﻠﯩﺮﻯ ﻛﯜﻧﺪﯨﻦ ﻛﯜﻧﮕﻪ ﻛﯚﭘﻪﻳﻤﻪﻛﺘﻪ. ﺋﯚﺯﺑﯧﻜﯩﺴﺘﺎﻥ ﺋﯩﻘﺘﯩﺴﺎﺩﻯ ﺋﯜﭼﯜﻥ ﺗﯜﺭﻙ ﻛﺎﺭﺧﺎﻧﯩﭽﯩﻼﺭ ﻧﺎﻫﺎﻳﯩﺘﻰ ﻣﯘﻫﯩﻢ. ﺳﯩﻴﺎﺳﻪﺗﭽﯩﻠﻪﺭ ﻧﯧﻤﻪ ﺩﯦﺴﻪ ﺩﯦﺴﯘﻥ، ﻧﯧﻤﻪ ﻗﯩﻠﺴﺎ ﻗﯩﻠﺴﯘﻥ، ﺧﻪﻟﻘﻠﻪﺭ ﺑﯩﺮ ﺑﯩﺮﯨﻨﻰ ﻳﺎﺧﺸﻰ ﻛﯚﺭﺳﯘﻥ. ﺗﯜﺭﻙ ﺧﻪﻟﻘﻰ ﺋﯜﭼﯜﻥ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﯩﺸﯩﻜﻰ ﻫﻪﺭ ﺩﺍﺋﯩﻢ ﺋﻮﭼﯘﻕ. ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻥ ﺋﻮﺗﺘﯘﺭﯨﺴﯩﺪﺍ ﺑﻪﺯﻯ ﻣﻪﺳﯩﻠﯩﻠﻪﺭ ﺑﺎﺭ، ﺋﻪﻣﻤﺎ ﺑﯘ ﺋﯚﺯﺍﺭﺍ ﭼﯜﺷﯩﻨﯩﺶ ﺋﺎﺭﻗﯩﻠﯩﻖ ﺑﯘ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻼﻻﻳﻤﯩﺰ ﺩﻩﭖ ﺋﻮﻳﻼﻳﻤﻪﻥ. ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﯚﺯﺍﺭﺍ ﻣﯘﻧﺎﺳﯩﯟﯨﺘﯩﻨﻰ ﻳﺎﺧﺸﯩﻼﺷﺘﯩﻦ ﺑﺎﺷﻘﺎ ﻳﻮﻟﻰ ﻳﻮﻕ. ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﯨﻨﯩﯔ ﻫﻪﻣﻤﯩﺴﯩﻨﯩﯔ ﺩﯦﻤﻮﻛﺮﺍﺗﯩﻴﯩﺪﯨﻦ ﺑﺎﺷﻘﺎ ﻳﻮﻟﻰ ﻳﻮﻕ، ﺩﯦﻤﻮﻛﺮﺍﺗﯩﻴﻪ ﻳﻮﻟﯩﺪﯨﻦ ﻣﺎﯕﯩﻤﯩﺰ، ﺋﯚﺯﺍﺭﺍ ﻫﻪﻣﻜﺎﺭﻟﯩﺸﯩﻤﯩﺰ."

1991-ﻳﯩﻠﻰ ﺋﯚﺯﺑﯧﻜﯩﺴﺘﺎﻥ ﻣﯘﺳﺘﻪﻗﯩﻞ ﺑﻮﻟﻐﺎﻧﺪﺍ، ﺋﯘﻧﻰ ﺗﯘﻧﺠﻰ ﺑﻮﻟﯘﭖ ﺗﻮﻧﯘﻏﺎﻥ ﺩﯙﻟﻪﺗﻠﻪﺭﺩﯨﻦ ﺑﯩﺮﻯ ﺗﯜﺭﻛﯩﻴﻪ ﺋﯩﺪﻯ. ﻫﻪﺗﺘﺎ ﻣﯩﯖﻼﺭﭼﻪ ﺋﯚﺯﺑﯧﻚ ﺋﻮﻗﯘﻏﯘﭼﻰ 1992-ﻳﯩﻠﯩﺪﺍ ﺋﻮﻗﯘﺵ ﺋﯜﭼﯜﻥ ﺗﯜﺭﻛﯩﻴﯩﮕﻪ ﻛﻪﻟﮕﻪﻥ ﺋﯩﺪﻯ. ﺋﯘ ﻳﯩﻠﻼﺭﺩﺍ ﺋﯚﻛﺘﯩﭽﻰ ﺋﻪﺭﻙ ﭘﺎﺭﺗﯩﻴﯩﺴﯩﻨﯩﯔ ﻣﻪﺳﺌﯘﻟﻰ ﻣﻪﻫﻤﻪﺕ ﺳﺎﻟﯩﻬ ﺗﯜﺭﻛﯩﻴﯩﮕﻪ ﻗﯧﭽﯩﭗ ﻛﯧﻠﯩﭗ، ﭘﺎﻧﺎﻫﻠﯩﻖ ﺗﯩﻠﯩﺪﻯ. ﺋﯚﺯﺑﯧﻚ ﻫﯚﻛﯜﻣﯩﺘﻰ ﺑﻮﻟﺴﺎ ﻣﻪﻫﻤﻪﺕ ﺳﺎﻟﯩﻬﻨﻰ ﺗﯜﺭﻛﯩﻴﯩﻨﯩﯔ ﻗﺎﻳﺘﯘﺭﯗﭖ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﺪﻯ.

ﺗﯜﺭﻛﯩﻴﻪ ﻣﻪﻫﻤﻪﺕ ﺳﺎﻟﯩﻬﻨﻰ ﺋﯚﺯﺑﯧﻜﯩﺴﺘﺎﻧﻐﺎ ﺑﻪﺭﻣﻪﺳﺘﯩﻦ، ﻳﺎﯞﺭﻭﭘﺎﻏﺎ ﻛﯧﺘﯩﺸﯩﮕﻪ ﺭﯗﺧﺴﻪﺕ ﻗﯩﻠﺪﻯ. ﺷﯘﻧﯩﯔ ﺑﯩﻠﻪﻥ ﺋﯚﺯﺑﯧﻚ ﺩﯙﻟﻪﺕ ﺑﺎﺷﻠﯩﻘﻰ ﺋﯩﺴﻼﻡ ﻛﯧﺮﯨﻤﻮﻑ ﺗﯜﺭﻛﯩﻴﯩﺪﯨﻜﻰ ﺋﯚﺯﺑﯧﻚ ﺋﻮﻗﯘﻏﯘﭼﯩﻼﺭﻧﯩﯔ ﻫﻪﻣﻤﯩﺴﯩﻨﻰ ﺋﯚﺯﺑﯧﻜﯩﺴﺘﺎﻧﻐﺎ ﺋﯧﻠﯩﭗ ﻛﻪﺗﺘﻰ. ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﺍ ﻛﺮﯨﺰﯨﺲ ﭘﻪﻳﺪﺍ ﺑﻮﻟﺪﻯ. ﻣﻪﻫﻤﻪﺕ ﺳﺎﻟﯩﻬ ﺋﯘﺯﯗﻥ ﻳﯩﻞ ﻳﺎﯞﺭﻭﭘﺎﺩﺍ ﺗﯘﺭﻏﺎﻧﺪﯨﻦ ﻛﯧﻴﯩﻦ 2007-ﻳﯩﻠﻰ ﺗﯜﺭﻛﯩﻴﻪ ﻫﯚﻛﯜﻣﯩﺘﻰ ﺋﯘﻧﯩﯔ ﺗﯜﺭﻛﯩﻴﯩﮕﻪ ﻛﯧﻠﯩﺸﯩﮕﻪ ﺭﯗﺧﺴﻪﺕ ﻗﯩﻠﺪﻯ. ﻫﺎﺯﯨﺮ ﻗﯩﺰﻯ ﺑﯩﻠﻪﻥ ﺗﯜﺭﻛﯩﻴﯩﺪﻩ ﻳﺎﺷﯩﻤﺎﻗﺘﺎ. ﺗﯜﺭﻛﯩﻴﻪ ﺑﯩﻠﻪﻥ ﺋﯚﺯﺑﯧﻜﯩﺴﺘﺎﻥ ﺋﻮﺗﺘﯘﺭﯨﺴﯩﺪﯨﻜﻰ ﺳﯩﻴﺎﺳﻰ ﻣﯘﻧﺎﺳﯩﯟﻩﺗﻤﯘ ﺋﯘ ﻛﯜﻧﺪﯨﻦ ﺑﯜﮔﯜﻧﮕﯩﭽﻪ ﻳﺎﺧﺸﯩﻼﻧﻐﯩﻨﻰ ﻳﻮﻕ. (ﺋﻪﺭﻛﯩﻦ ﺗﺎﺭﯨﻢ)