Bash bet | Xewerler | Tepsili xewerler

• Print
• Hembehr
• Izahat
• Élxet

Pakistanliq tijaretchi salfurat, 2004-Yili ürümchidiki muhajirlar méhmanxanisining 5 qewitini sétiwalghan. Nöwette méhmanxanining bu qewetlirini pakistanliq tijaretchi we seyle-Sayahetchiler, ishxana we turalghu ornida ishletmekte. Yéqinda muhajirlar méhmanxanisining esli sahibi bolghan xitayning guangxuy shirkiti pakistanliq tijaretchi we sayahetchilerge méhmanxanining omumyüzlük rémont qilinidighanliqini uqturup, ularning qisqa waqit ichide méhmanxanidin ayrilishini telep qilghan. Bu ehwal bu méhmanxanining 5 qewitini sétiwalghan salfuratni heyran qaldurghan we chöchütken. Shuningdin kéyin u méhmanxanining 5 qewitini rémont qilish-Qilmasliq qararini özi bérish kéreklikini, buninggha guangxuy shirkitining arilishish hoquqi yoqluqini éytip mezkur shirket we hökümet organliri bilen dawalashmaqta.

Salfurat bu ehwallarni aptonom rayonluq tashqi soda iadrisi, erziyet ishxanisi qatarliq köpligen organlargha melum qilghan. Emma ularning diqqet-Étibarini qozghiyalmighan. U aldinqi küni yene 22 neper pakistanliq bilen birlikte, aptonom rayonluq erziyet idarisige bérip, bu ehwallar üstidin shikayet qilghan.

Melum bolushiche, salfurat méhmanxanining 5 qewitini 2004-Yili 9 milyon yüenge sétiwalghan we 3 milyon yüenge rémont qildurghan. Ürümchide öy bahasining öskenliki seweblik, nöwette bu méhmanxanining qimmiti ilgirikidin yene kop miqdarda ösken, salfuratning bayan qilishiche, guangxuy shirkiti mezkur qewetlerni satqinigha pushayman qilghan we yaki bir pakistanliqning bunchiwala payda élip kétishini hezim qilalmighan. Yene salfuratning igiligen uchurlirigha asasen perez qilishiche, guangxuy shirkiti bu méhmanxanini bashqa bir xitay shirkitige satqan we yaki sétishni pilanlawatqan bolushi mumkin.

Salfurat ötken ayda ziyaritimizni qobul qilip, 5-Iyuldin kéyin iz-Déreksiz ghayib bolghanlardin turghun obulqasimning ehwali heqqide melumat bergen. Uning shu chaghda ashkarilishiche, turghunjan obulqasim uning bashqurushidiki merwe réstoranining ashpizi bolup, turghunjan uning köz aldidin tutup kétilgen we turghunjanni sürüshte qilip barghini üchün tehditke uchrighan. Uning tünügün bildürüshiche, u shu qétim radiomiz ziyaritini qobul qilghini üchün saqchilar teripidin bir qanche qétim soraq qilinghan.

Salfurat özi we wetendashliri duch kelgen nöwettiki qiyinchiliqlarni yalghuz tijariy heq-Hoquq mesilisila emes, insaniy heq mesilisi dep qarimaqta؛ xelqara jamaetning ürümchidiki bu tür mesililerge diqqet qilishini telep qilmaqta.

• Bügünki anglitish
• Ilgiriki anglitishlar