ﺋﺎﻣﯧﺮﯨﻜﯩﻠﯩﻖ ﭘﺮﻭﻓﯧﺴﺴﻮﺭﻧﯩﯔ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪ ﻫﻪﻗﻘﯩﺪﯨﻜﻰ ﻗﺎﺭﺍﺷﻠﯩﺮﻯ

• ﻣﯘﺧﺒﯩﺮﯨﻤﯩﺰ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

Proféssor Dru Gladney. image courtesy: Pomona College

ﺧﯩﺘﺎﻱ ﻫﯚﻛﯜﻣﯩﺘﻰ 5‏- ﻳﺎﻧﯟﺍﺭ ﻛﯜﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﯨﻜﻰ ﺑﯩﺮ ﺗﯧﺮﺭﻭﺭﻟﯘﻕ ﻻﮔﯩﺮﯨﻐﺎ ﻫﯘﺟﯘﻡ ﻗﯩﻠﯩﭗ، 18 ﻛﯩﺸﯩﻨﻰ ﺋﯚﻟﺘﯜﺭﯛﭖ 17 ﻛﯩﺸﯩﻨﻰ ﺗﯩﺮﯨﻚ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﯞﻩﻗﻪﻧﯩﯔ ﻳﯜﺯ ﺑﯧﺮﯨﺶ ﺋﻪﻫﯟﺍﻟﻰ ﻫﻪﻣﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﻰ ﺗﻮﻏﺮﯨﺴﯩﺪﯨﻜﻰ ﻣﯘﺩﺩﯨﺌﺎﻟﯩﺮﯨﻨﻰ ﺋﻪﯓ ﻛﯜﭼﻠﯜﻙ ﺗﻪﻟﻪﭘﭙﯘﺯ ﺑﯩﻠﻪﻥ ﺭﻩﺕ ﻗﯩﻠﻐﺎﻥ ﭼﻪﺗﺌﻪﻟﻠﯩﻚ ﻣﯘﺗﻪﺧﻪﺳﺴﯩﺲ ﺋﺎﻣﯧﺮﯨﻜﯩﺪﯨﻜﻰ ﺗﯩﻨﭻ ﺋﻮﻛﻴﺎﻥ ﺋﯩﻨﺴﺘﯩﺘﯘﺗﯩﻨﯩﯔ ﭘﺮﻭﻓﯧﺴﺴﻮﺭﻯ، ﺋﺎﺗﺎﻗﻠﯩﻖ ﺧﯩﺘﺎﻳﺸﯘﻧﺎﺱ ﺩﺭﯗ ﮔﻼﺩﻧﻰ ﮔﯧﺮﻣﺎﻧﯩﻴﻪ ﺋﺎﮔﯧﻨﺘﻠﯩﻘﻰ ﻗﺎﺗﺎﺭﻟﯩﻖ ﻏﻪﺭﺏ ﺋﺎﮔﯧﻨﺘﻠﯩﻘﻠﯩﺮﯨﻐﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﺧﻪﻟﻘﺌﺎﺭﺍ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻠﯩﺮﻯ ﺑﯩﻠﻪﻥ ﻫﯧﭽﻘﺎﻧﺪﺍﻕ ﻣﯘﻧﺎﺳﯩﯟﯨﺘﻰ ﻳﻮﻗﻠﯩﻘﯩﻨﻰ ﺗﻪﻛﯩﺘﻠﻪﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ، ﺋﻪﻟﻘﺎﺋﯩﺪﻩ ﺗﻪﺷﻜﯩﻼﺗﻰ ﺑﯩﻠﻪﻥ ﭼﯧﺘﯩﺸﻠﯩﻘﻰ ﺑﺎﺭﻟﯩﻘﻰ ﺗﻮﻏﺮﯨﺴﯩﺪﺍ ﻫﺎﺯﯨﺮﻏﯩﭽﻪ ﻫﯧﭽﻘﺎﻧﺪﺍﻕ ﭘﺎﻛﯩﺖ ﺋﻮﺗﺘﯘﺭﯨﻐﺎ ﻗﻮﻳﺎﻟﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﭘﺮﻭﻓﯧﺴﺴﻮﺭ Dru C. Gladney ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﻣﯘﺧﺒﯩﺮﯨﻤﯩﺰ ﻗﺎﻧﺎﺗﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺳﻮﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﻪﺭﺩﻯ.

- ﻫﯚﺭﻣﻪﺗﻠﯩﻚ ﭘﺮﻭﻓﯧﺴﺴﻮﺭ ﮔﻼﺩﻧﻰ ﺋﻪﭘﻪﻧﺪﻯ، ﺳﯩﺰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﯨﻜﻰ ﻻﮔﯩﺮﯨﻐﺎ ﻫﯘﺟﯘﻡ ﻗﯩﻠﯩﭗ، 18 ﻛﯩﺸﯩﻨﻰ ﺋﯚﻟﺘﯜﺭﯛﭖ 17 ﻛﯩﺸﯩﻨﻰ ﺗﯩﺮﯨﻚ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﯨﺮﯨﮕﻪ ﻧﯧﻤﻪ ﺋﯜﭼﯜﻥ ﮔﯘﻣﺎﻥ ﺑﯩﻠﻪﻥ ﻗﺎﺭﺍﻳﺴﯩﺰ؟

- ﺧﯩﺘﺎﻳﻨﯩﯔ ﺑﯘ ﻣﻪﺳﯩﻠﻪ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﯩﺮﻯ ﻧﺎﻫﺎﻳﯩﺘﻰ ﮔﯘﻣﺎﻧﻠﯩﻖ. ﺑﻮﻟﯘﭘﻤﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘﻧﺪﺍﻕ ﺑﯩﺮ ﯞﻩﻗﻪﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﭘﺎﻛﯩﺖ ﺋﻮﺗﺘﯘﺭﯨﻐﺎ ﻗﻮﻳﺎﻟﻤﯩﻐﺎﻧﻠﯩﻘﻰ، ﻛﯩﺸﯩﺪﻩ ﺗﯧﺨﯩﻤﯘ ﻛﯚﭖ ﮔﯘﻣﺎﻥ ﻗﻮﺯﻏﺎﻳﺪﯗ. ﻣﻪﺳﯩﻠﻪﻥ ﻧﯘﺭﻏﯘﻥ ﻛﯩﺸﯩﻠﻪﺭ ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﺑﯘﻧﺪﺍﻕ ﺑﯩﺮ ﯞﻩﻗﻪﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﯩﺴﭙﺎﺗﻼﻳﺪﯨﻐﺎﻥ، ﺭﻩﺳﯩﻢ ﯞﻩ ﻛﯚﺭﯛﻧﯜﺵ ﺷﯘﻧﯩﯖﺪﻩﻙ ﺳﯩﻨﺎﻟﻐﯘ ﻟﯩﻨﺘﯩﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﻨﻰ ﺗﻪﻟﻪﭖ ﻗﯩﻠﺪﻯ. ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﻫﺎﺯﯨﺮﻏﯩﭽﻪ ﺑﯘﻧﺪﺍﻕ ﭘﺎﻛﯩﺘﻼﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﺎﻟﻤﯩﺪﻯ. ﻣﯧﻨﯩﯖﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﯞﻩﻗﻪﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺩﯗﻧﻴﺎﻏﺎ ﺟﺎﻛﺎﺭﻟﯩﻐﺎﻧﺪﯨﻦ ﻛﯧﻴﯩﻦ، ﺟﯩﻤﯩﭗ ﻛﯧﺘﯩﺸﻰ ﻛﯩﺸﯩﺪﻩ ﺗﯧﺨﯩﻤﯘ ﻛﯚﭖ ﮔﯘﻣﺎﻥ ﻗﻮﺯﻏﺎﻳﺪﯨﻐﺎﻥ، ﻏﻪﻟﯩﺘﻪ ﺑﯩﺮ ﺋﻪﻫﯟﺍﻝ. ﻣﯘﺷﯘ ﺳﻪﯞﻩﺑﺘﯩﻦ ﻧﯘﺭﻏﯘﻥ ﻛﯩﺸﯩﻠﻪﺭ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﻩ ﺋﺎﺗﺎﻟﻤﯩﺶ ﺋﯘﻳﻐﯘﺭ ﺗﯧﺮﺭﻭﺭﭼﯩﻠﯩﺮﯨﻐﺎ ﻗﺎﺭﯨﺘﺎ ﺋﯧﻠﯩﭗ ﺑﺎﺭﻏﺎﻥ ﻫﻪﺭﯨﻜﻪﺕ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭﻟﯩﺮﯨﮕﻪ ﮔﯘﻣﺎﻥ ﺑﯩﻠﻪﻥ ﻗﺎﺭﯨﻤﺎﻗﺘﺎ. ﻣﯧﻨﯩﯖﭽﻪ ﺑﯘ ﺗﯧﺮﺭﻭﺭﻟﯘﻕ ﺑﯩﻠﻪﻥ ﻣﯘﻧﺎﺳﯩﯟﻩﺗﺴﯩﺰ ﺑﯩﺮ ﯞﻩﻗﻪ ﺑﻮﻟﯘﺷﻰ ﻣﯘﻣﻜﯩﻦ. ﻣﻪﻥ ﺑﯘ ﯞﻩﻗﻪ ﻳﯜﺯ ﺑﻪﺭﮔﻪﻥ ﺭﺍﻳﻮﻧﻨﻰ ﺑﯩﺮ ﻧﻪﭼﭽﻪ ﻗﯧﺘﯩﻢ ﺯﯨﻴﺎﺭﻩﺕ ﻗﯩﻠﻐﺎﻥ. ﺷﯘﻧﯩﯔ ﺋﯜﭼﯜﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯧﻼﻥ ﻗﯩﻠﻐﺎﻧﺪﻩﻙ ﺑﯘ ﺭﺍﻳﻮﻧﺪﺍ ﺑﯩﺮ ﺗﯧﺮﺭﻭﺭﻟﯘﻕ ﻻﮔﯩﺮﯨﻨﯩﯔ ﻣﻪﯞﺟﯘﺕ ﺑﻮﻟﯘﺷﯩﻐﺎ ﺋﺎﻧﭽﻪ ﺋﯩﺸﻪﻧﻤﻪﻳﻤﻪﻥ. ﺧﯩﺘﺎﻳﺪﺍ ﻗﺎﻧﯘﻧﺴﯩﺰ ﺋﯩﺸﻠﯩﺘﯩﻠﯩﯟﺍﺗﻘﺎﻥ ﻛﯚﻣﯜﺭﻛﺎﻧﻼﺭ ﻧﺎﻫﺎﻳﯩﺘﻰ ﻛﯚﭖ. ﺧﯩﺘﺎﻱ ﺳﺎﻗﭽﯩﻠﯩﺮﻯ ﺭﺍﻳﻮﻧﺪﺍ ﻣﯘﺷﯘﻧﺪﺍﻕ ﺑﯩﺮ ﻛﯚﻣﯜﺭﻛﺎﻥ ﺋﯩﺸﻠﯩﺘﯩﯟﺍﺗﻘﺎﻥ ﺋﯘﻳﻐﯘﺭﻻﺭﻏﺎ ﻫﯘﺟﯘﻡ ﻗﯩﻠﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ.

- ﺋﯘﻧﺪﺍﻗﺘﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﺭﺍﻳﻮﻧﺪﺍ ﺑﯩﺮ ﺗﯧﺮﺭﻭﺭﻟﯘﻕ ﻻﮔﯩﺮﯨﻐﺎ ﻫﯘﺟﯘﻡ ﻗﯩﻠﯩﭗ، ﺋﺎﺗﺎﻟﻤﯩﺶ ﺗﯧﺮﺭﻭﺭﭼﯩﻼﺭﻧﻰ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﺩﯗﻧﻴﺎﻏﺎ ﺋﯧﻼﻥ ﻗﯩﻠﯩﺸﺘﯩﻜﻰ ﺋﺎﺳﺎﺳﻠﯩﻖ ﻣﻪﻗﺴﯩﺘﻰ ﻧﯩﻤﻪ؟ ﻧﯩﻤﻪ ﺋﯜﭼﯜﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﺪﺍﻕ ﺑﯩﺮ ﺗﯧﺮﺭﻭﺭﻟﯘﻕ ﻫﯧﻜﺎﻳﯩﺴﻰ ﺗﻮﻗﯘﭖ ﭼﯩﻘﯩﺸﻘﺎ ﺗﯘﺭﯨﺸﯩﺪﯗ؟

- ﺗﯧﺮﺭﻭﺭﭼﯩﻠﯩﻘﻨﻰ ﺑﺎﻫﺎﻧﻪ ﻗﯩﻠﯩﭗ، ﺳﯩﻴﺎﺳﯩﻲ، ﻫﻪﺭﺑﯩﻲ ﯞﻩ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻜﻰ ﺑﯧﺴﯩﻤﻼﺭﻧﻰ ﻛﯜﭼﻪﻳﺘﯩﯟﺍﺗﻘﺎﻥ ﺩﯗﻧﻴﺎﺩﺍ ﭘﻪﻗﻪﺕ ﺧﯩﺘﺎﻳﻼ ﺋﻪﻣﻪﺱ. ﻧﯘﺭﻏﯘﻥ ﺩﯙﻟﻪﺗﻠﻪﺭ ﺋﺎﻣﻤﺎ ﺋﯜﺳﺘﯩﺪﯨﻜﻰ ﻛﻮﻧﺘﺮﻭﻟﻠﯘﻗﯩﻨﻰ ﻛﯜﭼﻪﻳﺘﯩﺶ ﺋﯜﭼﯜﻥ ﺗﯧﺮﺭﻭﺭﭼﯩﻠﯩﻘﻨﻰ ﺳﻪﯞﻩﺏ ﻗﯩﻠﯩﭗ ﻛﯚﺭﺳﻪﺗﻤﻪﻛﺘﻪ. ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺋﯘﺭﯗﺵ ﺷﯘﺋﺎﺭﻯ ﻧﯘﺭﻏﯘﻥ ﺩﯙﻟﻪﺗﻠﻪﺭﮔﻪ ﺧﺎﻟﯩﻐﺎﻥ ﭼﺎﻏﺪﺍ ﺳﯩﻴﺎﺳﯩﻲ ﯞﻩ ﻣﯩﻠﻠﯩﻲ ﻫﻪﺭﯨﻜﻪﺗﻠﻪﺭﻧﻰ ﺑﺎﺳﺘﯘﺭﯗﺵ ﺋﯜﭼﯜﻥ ﭘﯘﺭﺳﻪﺕ ﻳﺎﺭﯨﺘﯩﭗ ﺑﯧﺮﯨﯟﺍﺗﯩﺪﯗ. ﭘﺎﻣﯩﺮ ﺋﯩﮕﯩﺰﻟﯩﻜﯩﺪﯨﻜﻰ ﯞﻩﻗﻪ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻫﯚﻛﯜﻣﻪﺗﻨﯩﯔ ﻣﻪﺭﻛﻪﺯﺩﯨﻦ ﺗﯧﺨﯩﻤﯘ ﻛﯚﭖ ﭘﯘﻝ ﺋﯧﻠﯩﺶ ﺋﯜﭼﯜﻥ ﺗﻮﻗﯘﭖ ﭼﯩﻘﻘﺎﻥ ﺑﯩﺮ ﻫﯧﻜﺎﻳﯩﺴﯩﻤﯘ ﺑﻮﻟﯘﺷﻰ ﻣﯘﻣﻜﯩﻦ. ﺷﯩﻨﺠﺎﯕﺪﯨﻜﻰ ﯞﻩﺯﯨﻴﻪﺕ ﻫﻪﻣﻤﯩﻤﯩﺰﮔﻪ ﻣﻪﻟﯘﻡ. ﺭﺍﻳﻮﻧﺪﯨﻜﻰ ﺭﻩﻫﺒﻪﺭﻟﻪﺭ ﺑﯘﻧﺪﺍﻕ ﺑﯩﺮ ﺗﯧﺮﺭﻭﺭﻟﯘﻕ ﯞﻩﻗﻪﺳﻰ ﻳﺎﺭﯨﺘﯩﺶ ﺋﺎﺭﻗﯩﻠﯩﻖ، ﻣﻪﺭﻛﯩﺰﻯ ﻫﯚﻛﯜﻣﻪﺗﻜﻪ ﺭﺍﻳﻮﻧﺪﺍ ﯞﻩﺯﯨﻴﻪﺗﻨﻨﯩﯔ ﺟﯩﺪﺩﯨﻲ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ، ﻣﻪﺭﻛﻪﺯﻧﻰ ﺭﺍﻳﻮﻧﺪﯨﻜﻰ ﻫﻪﺭﺑﯩﻲ ﯞﻩ ﺳﺎﻗﭽﻰ ﻗﯩﺴﯩﻤﻠﯩﺮﯨﻐﺎ ﺗﯧﺨﯩﻤﯘ ﻛﯚﭖ ﺋﯩﻘﺘﯩﺴﺎﺩ ﺋﺎﺟﺮﯨﺘﯩﺸﻘﺎ ﻣﻪﺟﺒﯘﺭﻻﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﻳﻪﻧﻪ ﺑﯩﺮ ﺳﻪﯞﻩﺑﻰ ﺑﻮﻟﺴﺎ، ﻫﻪﻣﻤﯩﻤﯩﺰﮔﻪ ﻣﻪﻟﯘﻡ ﺑﻮﻟﻐﺎﻧﺪﻩﻙ، ﺧﯩﻠﻰ ﯞﺍﻗﺖ ﺑﻮﻟﺪﻯ، ﺧﯩﺘﺎﻳﺪﯨﻜﻰ ﺋﯩﺴﻼﻣﯩﻲ ﺗﯧﺮﺭﻭﺭﭼﯩﻠﯩﻖ ﯞﻩ ﺑﯚﻟﮕﯜﻧﭽﯩﻠﯩﻚ ﺗﻪﻫﺪﯨﺘﻰ ﻫﻪﻗﻘﯩﺪﻩ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﺘﺎ ﻫﯧﭽﻘﺎﻧﺪﺍﻕ ﺑﯩﺮ ﺧﻪﯞﻩﺭ ﺋﯧﻼﻥ ﻗﯩﻠﯩﻨﻤﯩﺪﻯ. ﺩﯗﻧﻴﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯩﺴﻼﻡ ﺗﯧﺮﺭﻭﺭﭼﯩﻠﯩﻖ ﺗﻪﻫﺪﯨﺘﻰ ﻫﻪﻗﻘﯩﺪﯨﻜﻰ ﻣﯘﺩﺩﯨﺌﺎﻟﯩﺮﯨﻨﻰ ﺋﺎﺳﺘﺎ-ﺋﺎﺳﺘﺎ ﺋﯘﻧﺘﯘﺷﻘﺎ ﺑﺎﺷﻠﯩﺪﻯ. ﺧﯩﺘﺎﻱ ﻫﯚﻛﯜﻣﯩﺘﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﺭﺍﻳﻮﻧﺪﺍ ﻫﻪﺭﺑﯩﻲ ﻻﮔﯩﺮ ﻗﯘﺭﻏﺎﻧﻠﯩﻘﯩﻨﻰ ﺩﯗﻧﻴﺎﻏﺎ ﺟﺎﻛﺎﺭﻻﺵ ﺋﺎﺭﻗﯩﻠﯩﻖ، ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺩﯨﻘﻘﯩﺘﯩﻨﻰ ﻗﺎﻳﺘﯩﺪﯨﻦ ﺑﯘ ﻣﻪﺳﯩﻠﯩﮕﻪ ﺑﯘﺭﺍﺷﻘﺎ ﺗﯩﺮﯨﺸﻘﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﭼﯜﻧﻜﻰ ﺋﯘﻳﻐﯘﺭﻻﺭﻧﻰ ﯞﻩ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﻰ ﺋﯩﺴﻼﻣﯩﻲ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻠﯩﺮﯨﻐﺎ ﭼﯧﺘﯩﭗ ﺋﯘﻻﺭﻧﻰ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﻳﺎﺭﺩﯨﻤﯩﺪﯨﻦ ﻣﻪﻫﺮﯗﻡ ﻗﺎﻟﺪﯗﺭﯗﺵ ﺷﯘﻧﺪﺍﻗﻼ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﺧﯩﺘﺎﻳﻨﻰ ﺋﯩﺴﻼﻣﯩﻲ ﺗﯧﺮﺭﻭﺭﻟﯘﻗﻨﯩﯔ ﻗﯘﺭﺑﺎﻧﻰ ﻗﯩﻠﯩﭗ ﻛﯚﺭﺳﯩﺘﯩﺶ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭﺩﯨﻜﻰ ﺋﻪﯓ ﻣﯘﻫﯩﻢ ﻧﯩﺸﺎﻧﻠﯩﺮﯨﺪﯨﻦ ﺑﯩﺮﻯ ﻫﯧﺴﺎﺑﻠﯩﻨﯩﺪﯗ.

- ﻳﯧﻘﯩﻨﺪﺍ ﺧﯩﺘﺎﻱ ﻣﻪﺗﺒﯘﺋﺎﺗﯩﺪﺍ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﯘﻧﻠﯘﻕ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯦﺘﺎﺭﻯ ﯞﺍﯓ ﻟﯧﭽﯜﻩﻧﻨﯩﯔ ﭼﯩﺮﯨﻜﻠﯩﻚ ﺩﯦﻠﻮﺳﯩﻐﺎ ﭼﯩﺘﯩﺸﻠﯩﻘﻰ ﻫﻪﻗﻘﯩﺪﻩ ﺧﻪﯞﻩﺭﻟﻪﺭﮔﻪ ﭼﯩﻘﯩﺸﻘﺎ ﺑﺎﺷﻠﯩﺪﻯ. ﺳﯩﺰﭼﻪ ﺧﯩﺘﺎﻱ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﻩ ﻳﯜﺯ ﺑﻪﺭﺩﻯ ﺩﯦﮕﻪﻥ ﯞﻩﻗﻪﻧﯩﯔ ﺑﯘ ﻣﻪﺳﯩﻠﻪ ﺑﯩﻠﻪﻥ ﺑﯩﺮ ﻣﯘﻧﺎﺳﯩﯟﯨﺘﻰ ﺑﺎﺭﻣﯘ؟ ﺑﯘ ﺧﻪﻟﻘﯩﻨﯩﯔ ﺩﯨﻘﻘﯩﺘﯩﻨﻰ ﺑﺎﺷﻘﺎ ﺗﻪﺭﻩﭘﻜﻪ ﺑﯘﺭﺍﺵ ﺗﻪﺷﻪﺑﺒﯘﺳﻰ ﺑﻮﻟﯘﺷﻰ ﻣﯘﻣﻜﯩﻨﻤﯘ؟

- ﺋﯘﻳﻐﯘﺭ ﺋﯧﻠﯩﺪﻩ ﻳﯜﺯ ﺑﯧﺮﯨﺪﯨﻐﺎﻥ ﻫﻪﺭﻗﺎﻧﺪﺍﻕ ﯞﻩﻗﻪﻧﯩﯔ ﯞﺍﯓ ﻟﯧﭽﯜﻩﻥ ﺑﯩﻠﻪﻥ ﻣﯘﻧﺎﺳﯩﯟﯨﺘﻰ ﺑﻮﻟﯘﺷﻰ ﺗﻪﺑﺌﯩﻲ. ﺋﻪﻣﻤﺎ ﯞﺍﯓ ﻟﯧﭽﯜﻩﻧﻨﯩﯔ ﭼﯩﺮﯨﻜﻠﯩﻚ ﯞﻩﻗﻪﺳﻰ ﺑﯩﻠﻪﻥ ﭼﯧﺘﯩﺸﻠﯩﻘﻰ ﻫﻪﻗﻘﯩﺪﻩ ﺧﯩﺘﺎﻱ ﻣﻪﺗﺒﯘﺋﺎﺗﯩﺪﺍ ﭼﯩﻘﻘﺎﻥ ﺧﻪﯞﻩﺭﻧﯩﯔ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪ ﺑﯩﻠﻪﻥ ﺑﯩﯟﺍﺳﺘﻪ ﻣﯘﻧﺎﺳﯩﯟﯨﺘﻰ، ﺑﺎﺭ - ﻳﺎﻛﻰ ﻳﻮﻗﻠﯩﻘﻰ ﺋﯧﻨﯩﻖ ﺋﻪﻣﻪﺱ. ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﯨﻜﻰ ﻻﮔﯩﺮﯨﻐﺎ ﺋﯧﻠﯩﭗ ﺑﯧﺮﯨﻠﻐﺎﻥ ﻫﯘﺟﯘﻡ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﻰ ﺋﯧﻼﻥ ﻗﯩﻠﯩﺸﻨﯩﯔ ﺋﺎﻟﺪﯨﺪﺍ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻫﻪﻗﻘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﻨﻰ ﻧﺎﻫﺎﻳﯩﺘﻰ ﻣﯘﻫﯩﻢ ﺩﻩﭖ ﻗﺎﺭﺍﻳﻤﺎﻥ. ﭼﯜﻧﻜﻰ ﺑﯘ ﻣﺎﻗﺎﻟﯩﺪﺍ ﺭﺍﺑﯩﻴﻪ ﻗﺎﺩﯨﺮ ﯞﻩ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ، ﺧﯩﺘﺎﻳﻨﯩﯔ ﻣﯩﻠﻠﯩﻲ ﺋﯩﮕﯩﻠﯩﻜﻰ ﺋﯜﭼﯜﻥ ﭼﻮﯓ ﺗﻪﻫﺪﯨﺖ ﺩﻩﭖ ﻛﯚﺭﺳﯩﺘﯩﻠﮕﻪﻥ. ﺋﻪﻟﯟﻩﺗﺘﻪ ﺑﯩﺮ ﺋﯘﻳﻐﯘﺭ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﯩﻨﯩﯔ ﺑﯘ ﺭﺍﻳﻮﻧﺪﺍ ﺑﯩﺮ ﻻﮔﯩﺮ ﻗﯘﺭﻏﺎﻧﻠﯩﻘﻰ ﺧﻪﯞﯨﺮﻯ ﺭﺍﺑﯩﻴﻪ ﺧﺎﻧﯩﻢ ﯞﻩ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﺧﻪﻟﻘﺌﺎﺭﺍ ﺳﻪﻫﻨﯩﺪﻩ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺗﻮﺳﺎﺵ ﺋﯜﭼﯜﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯜﭼﯜﻥ ﻳﺎﺧﺸﻰ ﺑﯩﺮ ﭘﺎﻛﯩﺖ ﺑﻮﻻﻻﻳﺪﯗ.