ﻧﻪﻧﺴﻰ ﭘﯧﻠﻮﺳﻰ : ﺟﻮﺭﺝ ﺑﯘﺵ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻰ ﻛﯧﺮﻩﻙ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺋﺎﯞﺍﻡ ﭘﺎﻻﺗﺎ ﺭﻩﺋﯩﺴﻰ ﻧﻪﻧﺴﻰ ﭘﯧﻠﯘﺳﯩﻨﯩﯔ ﺟﯜﻣﻪ ﻛﯜﻧﻰ ﺗﯩﺒﻪﺕ ﺭﻭﻫﺎﻧﯩﻲ ﺩﺍﻫﯩﻴﺴﻰ ﺩﺍﻻﻱ ﻻﻣﺎﻧﯩﯔ ﺩﺍﺭﺍﻣﺴﺎﻻﺩﯨﻜﻰ ﺗﯘﺭﺍﻟﻐﯘﺳﯩﻨﻰ ﺯﯨﻴﺎﺭﻩﺕ ﻗﯩﻠﺪﻯ. AFP Photo

ﺑﯜﮔﯜﻥ ﺳﻪﻳﺸﻪﻧﺒﻪ ﻛﯜﻧﻰ ﺋﻪﺗﯩﮕﻪﻥ ﺋﺎﻣﯧﺮﯨﻜﺎ ﻛﯧﯖﻪﺵ ﭘﺎﻻﺗﺎ ﺭﻩﺋﯩﺴﻰ ﻧﻪﻧﺴﻰ ﭘﯧﻠﻮﺳﻰ ﺧﺎﻧﯩﻢ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﺘﻪ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﻰ ﯞﻩ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﺟﻪﻫﻪﺗﻠﻪﺭﺩﻩ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﺑﻪﺭﮔﻪﻥ ﯞﻩﺩﯨﻠﯩﺮﯨﺪﻩ ﺗﯘﺭﻣﯩﻐﺎﻧﻠﯩﻘﻰ ﺗﯜﭘﻪﻳﻠﻰ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺷﻨﯩﯔ ﺑﯘ ﻳﯩﻞ 8 - ﺋﺎﯞﻏﯘﺳﺖ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﺋﻮﻟﯩﻤﭙﯩﻚ ﻳﯧﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﻛﯚﺭﺳﻪﺗﺘﻰ.

ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻣﻪﺳﯩﻠﯩﺴﻰ ﺋﻮﭼﯘﻕ ‏ - ﺋﺎﺷﻜﺎﺭﺍ ﺑﻮﻟﯘﺷﻰ ﻛﯧﺮﻩﻙ

ﺋﯩﻠﮕﯩﺮﻯ ﺑﯘﺵ ﺧﯩﺘﺎﻱ ﭘﺮﯦﺰﯨﺪﯦﻨﺖ ﺧﯘ ﺟﯩﻨﺘﺎﯞ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺧﯘ ﺟﯩﻨﺘﺎﯞﻧﯩﯔ ﺗﻪﻛﻠﯩﭙﯩﻨﻰ ﻗﻮﺑﯘﻝ ﻗﯩﻠﻐﺎﻥ ﻫﻪﻣﺪﻩ ﺋﯚﺯﯨﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﭘﯧﻠﻮﺳﻰ ﺧﺎﻧﯩﻢ ﺑﯜﮔﯜﻥ ABC ﺗﯧﻠﯧﯟﯨﺰﯨﻴﯩﺴﯩﮕﻪ ﺑﻪﺭﮔﻪﻥ ﺯﯨﻴﺎﺭﯨﺘﯩﺪﻩ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺷﻨﯩﯔ ﺑﺎﺷﻘﺎ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﮕﻪ ﺋﻮﺧﺸﺎﺵ ﺋﯩﺶ ﻛﯚﺭﯛﭖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﻣﻪﺳﯩﻠﯩﺴﯩﺪﻩ ﺋﻮﻳﻠﯩﻨﯩﭗ ﻛﯚﺭﯛﺷﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺋﯘ ﻣﯘﻧﺪﺍﻕ ﺩﯦﺪﻯ: "ﻣﯧﻨﯩﯖﭽﻪ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﺋﯩﺸﯩﻨﻰ، ﺑﺎﺷﻘﺎ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﯩﯔ ﻗﺎﻧﺪﺍﻕ ﻗﯩﻠﯩﺸﯩﻐﺎ ﻗﺎﺭﺍﭖ ﭘﺮﯦﺰﯨﺪﯦﻨﺖ ﺑﯘﺵ ﻛﯧﻴﯩﻦ ﻗﺎﻳﺘﺎ ﺋﻮﻳﻼﭖ ﻛﯚﺭﯛﺷﻰ ﻛﯧﺮﻩﻙ."

ﺋﯘ ﻳﻪﻧﻪ ، ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺋﺎﻧﮕﯧﻼ ﻣﯧﺮﻛﯧﻠﻨﯩﯖﻤﯘ ﯞﻩ ﺑﺎﺷﻘﺎ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﯩﯖﻤﯘ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﻳﺎﻛﻰ ﻗﺎﺗﻨﺎﺷﻤﺎﺳﻠﯩﻖ ﻣﻪﺳﯩﻠﯩﺴﯩﺪﻩ ﺋﻮﭼﯘﻕ ‏ - ﺋﺎﺷﻜﺎﺭﺍ ﺑﻮﻟﻐﺎﻧﻠﯩﻘﯩﻨﻰ ، ﺷﯘﻧﺪﺍﻕ ﺑﻮﻟﻐﺎﻧﺪﺍ ﺋﯩﺸﻼﺭﻧﻰ ﻳﺎﺧﺸﻰ ﺑﯩﺮ ﺗﻪﺭﻩﭖ ﻗﯩﻠﻐﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ ﯞﻩ " ﻣﻪﻧﭽﻪ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻣﻪﺳﯩﻠﯩﺴﻰ ﺋﻮﭼﯘﻕ ‏ - ﺋﺎﺷﻜﺎﺭﺍ ﺑﻮﻟﯘﺷﻰ ﻛﯧﺮﻩﻙ، ﺷﯘﻧﺪﺍﻕ ﺑﻮﻟﻐﺎﻧﺪﺍ ﺧﯩﺘﺎﻳﻐﯩﻤﯘ ﻫﯚﺭﻣﻪﺕ ﻛﯚﺭﺳﻪﺗﻜﻪﻥ ﺑﻮﻟﯩﻤﯩﺰ "ﺩﯦﺪﻯ .

ﭘﯧﻠﻮﺳﻰ ﺧﺎﻧﯩﻢ: "ﺑﺎﺷﺘﯩﻼ ﺋﻮﻟﯩﻤﭙﯩﻚ ﺧﯩﺘﺎﻳﻐﺎ ﺑﯧﺮﯨﻠﻤﻪﺳﻠﯩﻜﻰ ﻛﯧﺮﻩﻙ ﺋﯩﺪﻯ"

ﭘﯧﻠﻮﺳﻰ ﺧﺎﻧﯩﻢ ﻳﻪﻧﻪ ﺋﻮﻟﯩﻤﭙﯩﻜﻨﯩﯔ ﺧﯩﺘﺎﻳﻐﺎ ﺑﯧﺮﯨﻠﯩﺸﻰ ﻣﻪﺳﯩﻠﯩﺴﯩﺪﻩ ﺗﻮﺧﺘﯩﻠﯩﭗ: "ﺑﺎﺷﺘﯩﻼ ﺋﻮﻟﯩﻤﭙﯩﻚ ﺧﯩﺘﺎﻳﻐﺎ ﺑﯧﺮﯨﻠﻤﻪﺳﻠﯩﻜﻰ ﻛﯧﺮﻩﻙ ﺋﯩﺪﻯ، ﻟﯧﻜﯩﻦ ﺋﯘﻻﺭ ﺋﻮﻟﯩﻤﭙﯩﻜﻨﻰ ﺋﯚﺗﻜﯜﺯﯛﺵ ﺷﻪﺭﯨﭙﯩﮕﻪ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺭ ﯞﻩﺩﯨﺴﻰ ﺑﯩﻠﻪﻥ ﺋﯧﺮﯨﺸﺘﻰ، ﺑﯩﺮﺍﻕ ﺋﯘﻻﺭ ﺑﯘ ﯞﻩﺩﯨﻠﯩﺮﯨﮕﻪ ﯞﺍﭘﺎ ﻗﯩﻠﻐﯩﻨﻰ ﻳﻮﻕ" ﺩﯦﺪﻯ.

ﭘﯧﻠﻮﺳﻰ ﺧﺎﻧﯩﻤﻨﯩﯔ ﭼﺎﻗﯩﺮﯨﻘﯩﻐﺎ ﺟﺎﯞﺍﺑﻪﻥ ﺋﺎﻗﺴﺎﺭﺍﻱ ﺋﯩﻨﻜﺎﺱ ﻗﺎﻳﺘﯘﺭﯗﭖ، ﺋﻮﻟﯩﻤﭙﯩﻜﯩﻨﯩﯔ ﭘﻪﻗﻪﺕ ﺗﻪﻧﺘﻪﺭﺑﯩﻴﻪ ﻣﯘﺳﺎﺑﯩﻘﯩﺴﻰ ﺋﯩﻜﻪﻧﻠﯩﻜﯩﻨﻰ ، ﺳﯩﻴﺎﺳﯩﻲ ﺑﯩﻠﻪﻥ ﺋﺎﻻﻗﯩﺪﺍﺭ ﺋﻪﻣﻪﺳﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﭘﻪﻗﻪﺕ ﺗﯩﺒﻪﺗﺘﯩﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﻰ ﺳﻪﯞﻩﺑﯩﺪﯨﻨﻼ ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﻤﺎﺳﻠﯩﻘﻰ ﻣﯘﻣﻜﯩﻨﻠﯩﻜﯩﻨﻰ ﺑﯩﻠﺪﯛﺭﺩﻯ .

ﭘﯧﻠﻮﺳﻰ ﺧﺎﻧﯩﻢ : ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ، ﺋﺎﺧﺒﺎﺭﺍﺗﻨﻰ ﻛﻪﯓ ﻗﻮﻳﯘﯞﯦﺘﯩﺶ ﯞﻩﺩﯨﻠﯩﺮﯨﺪﻩ ﺗﯘﺭﻏﯩﻨﻰ ﻳﻮﻕ

ﺑﯜﮔﯜﻥ ﭘﯧﻠﻮﺳﻰ ﺧﺎﻧﯩﻢ ﺋﯚﺯﯨﻨﯩﯔ ﺋﻮﻟﯩﻤﭙﯩﻚ ﻣﻪﻳﺪﺍﻧﻰ ﻫﻪﻣﺪﻩ ﺧﯩﺘﺎﻱ ﻫﻪﻗﻘﯩﺪﻩ ﺋﯧﻴﺘﻘﺎﻧﻠﯩﺮﻯ ﺋﯜﺳﺘﯩﺪﻩ ﻳﻪﻧﻪ ﺗﻮﺧﺘﺎﻟﺪﻯ ﯞﻩ ﺋﯚﺯﯨﻨﯩﯔ ﻳﯧﻘﯩﻨﺪﺍ ﻫﯩﻨﺪﯨﺴﺘﺎﻧﻐﺎ ﻗﯩﻠﻐﺎﻥ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﺧﯩﺘﺎﻱ ﻫﻪﻗﻘﯩﺪﻩ ﺳﻪﭘﺴﻪﺗﻪ ﺗﺎﺭﻗﺎﺗﻤﯩﻐﺎﻧﻠﯩﻘﯩﻨﻰ ﺑﻪﻟﻜﻰ ﺧﯩﺘﺎﻳﻨﯩﯔ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﺑﻪﺭﮔﻪﻥ ﯞﻩﺩﯨﻠﯩﺮﯨﻨﻰ ﺋﺎﻗﻠﯩﻤﯩﻐﺎﻧﻠﯩﻘﯩﺪﯨﻦ ﺋﯩﺒﺎﺭﻩﺕ ﻫﻪﻗﯩﻘﻪﺕ ﺋﯜﺳﺘﯩﺪﻩ ﺳﯚﺯ ﺋﺎﭼﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﺋﯘ ﻣﯘﻧﺪﺍﻕ ﺩﯦﺪﻯ: ﻣﻪﻥ ﻫﯩﻨﺪﯨﺴﺘﺎﻧﻐﺎ ﺑﺎﺭﻏﺎﻥ ﭼﯧﻐﯩﻤﺪﺍ ﺧﯩﺘﺎﻱ ﻫﻪﻗﻘﯩﺪﻩ ﻳﺎﻟﻐﺎﻥ ﮔﻪﭖ ﻗﯩﻠﻐﯩﻨﯩﻢ ﻳﻮﻕ، ﺑﻪﻟﻜﻰ ﺧﯩﺘﺎﻳﻨﯩﯔ ﺗﯩﺒﻪﺗﺘﻪ ﻧﯧﻤﻪ ﻗﯩﻠﻤﯩﺸﻼﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﻫﻪﻣﺪﻩ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺷﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﻳﻤﯩﺰ ﯞﻩ ﺋﺎﺧﺒﺎﺭﺍﺗﻨﻰ ﻛﻪﯓ ﻗﻮﻳﯘﯞﯦﺘﯩﻤﯩﺰ ﺩﻩﭖ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﺑﻪﺭﮔﻪﻥ ﯞﻩﺩﯨﻠﯩﺮﯨﺪﻩ ﺗﯘﺭﻣﯩﻐﺎﻧﻠﯩﻘﯩﺪﯨﻦ ﺋﯩﺒﺎﺭﻩﺕ ﻫﻪﻗﯩﻘﻪﺕ ﺋﯜﺳﺘﯩﺪﻩ ﺗﻮﺧﺘﺎﻟﺪﯨﻢ."

ﺧﯩﺘﺎﻳﺪﺍ ﺑﯘ ﻳﯩﻞ ﺋﺎﯞﻏﯘﺳﺘﻨﯩﯔ 8 - ﻛﯜﻧﻰ ﺋﯚﺗﻜﯜﺯﯛﻟﯩﺪﯨﻐﺎﻥ 2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺩﻩﻝ 130 ﻛﯜﻥ ﻗﺎﻟﺪﻯ، ﺋﻪﻣﻤﺎ ﺧﯩﺘﺎﻱ 2001 - ﻳﯩﻠﻰ ﺋﻮﻟﯩﻤﭙﯩﻚ ﺳﺎﻫﯩﺒﺨﺎﻧﯩﻠﯩﻘﯩﻨﻰ ﺋﯧﻠﯩﺶ ﺋﺎﻟﺪﯨﺪﺍ ﺩﯗﻧﻴﺎ ﺟﺎﻣﺎﺗﭽﯩﻠﯩﻜﯩﮕﻪ ﺑﻪﺭﮔﻪﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ، ﺋﺎﺧﺒﺎﺭﺍﺗﻨﻰ ﻛﻪﯓ ﻗﻮﻳﯘﯞﯦﺘﯩﺶ ﺩﯦﮕﻪﻧﮕﻪ ﺋﻮﺧﺸﺎﺵ ﯞﻩﺩﯨﻠﯩﺮﯨﻨﯩﯔ ﺑﯩﺮﯨﺪﯨﻤﯘ ﺗﯘﺭﻏﯩﻨﻰ ﻳﻮﻕ.

ﺋﯘﻧﯩﯔ ﺋﯜﺳﺘﯩﮕﻪ ﺧﯩﺘﺎﻳﻨﯩﯔ 10 ‏ - ﻣﺎﺭﺕ ﺗﯩﺒﻪﺗﺘﻪ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﯩﻨﻰ ﺯﻭﺭﺍﯞﺍﻧﻠﯩﻖ ﯞﺍﺳﯩﺘﯩﻠﯩﺮﻯ ﺋﯩﺸﻠﯩﺘﯩﭗ ﺑﺎﺳﺘﯘﺭﯗﺷﻰ ، ﺑﯘ ﻧﯚﯞﻩﺗﻠﯩﻚ ﺋﻮﻟﯩﻤﭙﯩﻜﻨﻰ ﺩﯗﻧﻴﺎ ﺧﺎﺭﺍﻛﺘﯧﺮﻟﯩﻚ ﺑﺎﻳﻘﯘﺕ ﻗﯩﻠﯩﺶ ﺋﯩﺪﯨﻴﯩﻠﯩﺮﯨﻨﻰ ﺋﯘﻟﻐﺎﻳﺘﻘﺎﻥ ﺋﯩﺪﻯ.

ﺋﺎﻧﮕﯧﻼ ﻣﯧﺮﻛﯧﻞ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ

ﮔﻪﺭﭼﻪ ﻫﺎﺯﯨﺮ ﺑﯩﺮﻩﺭ ﺩﯙﻟﻪﺕ ﺑﯘ ﺋﻮﻟﯩﻤﭙﯩﻜﻨﻰ ﭘﯜﺗﯜﻧﻠﻪﻱ ﺑﺎﻳﻘﯘﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻤﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯩﺮ ﻗﯩﺴﻢ ﻏﻪﺭﺏ ﺋﻪﻟﻠﯩﺮﻯ ﺭﻩﻫﺒﻪﺭﻟﯩﺮﻯ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ.

ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭ ﺋﯩﭽﯩﺪﻩ 2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﭘﻮﻟﺸﺎ ﺑﺎﺵ ﻣﯩﻨﯩﺴﺘﯩﺮﻯ ﺩﻭﻧﺎﻟﺪ ﺗﯘﺳﻚ ﺟﺎﻛﺎﺭﻟﯩﻐﺎﻧﺪﯨﻦ ﻛﯧﻴﯩﻦ، ﺋﯘﻧﯩﯔ ﻣﻪﺯﻛﯘﺭ ﭼﺎﻗﯩﺮﯨﻘﯩﻐﺎ ﭼﯧﺦ ﭘﺮﯦﺰﯨﺪﯦﻨﺘﻰ ﯞﺍﻛﻼﯞ ﻛﻼﺋﯘﺱ ﺋﺎﯞﺍﺯ ﻗﻮﺷﻘﺎﻥ ﺋﯩﺪﻯ.

ﺋﯘﻧﯩﯖﺪﯨﻦ ﺑﺎﺷﻘﺎ ، 31 - ﻣﺎﺭﺕ ﻛﯜﻧﻰ ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺋﺎﻧﮕﯧﻼ ﻣﯧﺮﻛﯧﻞ ﺧﺎﻧﯩﻤﻤﯘ ﺋﯚﺯﯨﻨﯩﯔ ﺑﯘ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ ﺑﻮﻟﯘﭖ، ﻣﻪﻟﯘﻡ ﺑﻮﻟﯘﺷﯩﭽﻪ، ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﻧﻪﻛﻮﻻﺱ ﺳﺎﺭﻛﻮﺯﯨﻴﻤﯘ ﺋﯚﺯﯨﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻜﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻰ ﻣﯘﻣﻜﯩﻨﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. (ﺟﯜﻣﻪ)