ﭘﻪﻳﻠﻮ ﺗﯜﺭﻣﯩﺴﯩﺪﻩ ﺩﯨﻨﺪﺍﺭ ﻣﻪﻫﺒﯘﺳﻼﺭﻏﺎ ﺋﺎﺗﯧﺌﯩﺰﻡ ﺗﻪﺭﺑﯩﻴﯩﺴﻰ ﺑﯧﺮﯨﻠﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻣﯩﻠﻠﯩﻲ ﺋﻮﺗﺘﯘﺭﺍ - ﺑﺎﺷﻼﻧﻐﯘﭺ ﯞﻩ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﺋﺎﺗﯧﺌﯩﺰﻡ ﺗﻪﺭﺑﯩﻴﯩﺴﯩﻨﻰ ﺗﯜﺭﻣﯩﻠﻪﺭﺩﯨﻜﻰ ﺩﯨﻨﺪﺍﺭ ﻣﯘﺳﯘﻟﻤﺎﻧﻼﺭﻏﺎ ﻗﻪﺩﻩﺭ ﻗﺎﻧﺎﺕ ﻳﺎﻳﺪﯗﺭﯗﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻣﻪﺯﻛﯘﺭ ﺋﻮﺭﮔﺎﻧﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯘﻳﻐﯘﺭ ﺋﯧﻠﯩﻨﯩﯔ ﻳﻪﻛﻪﻥ ﻧﺎﻫﯩﻴﯩﺴﻰ ﺗﻪﯞﻩﺳﯩﺪﯨﻜﻰ ﭘﻪﻳﻠﻮ ﺗﯜﺭﻣﯩﺴﯩﺪﻩ ﻧﺎﻣﺎﺯ ﺋﻮﻗﯘﻏﺎﻥ ﻣﻪﻫﺒﯘﺳﻼﺭ ﺗﻪﻥ ﺟﺎﺯﺍﺳﯩﻐﺎ ﺋﯘﭼﺮﯨﻤﺎﻗﺘﺎ ﺋﯩﻜﻪﻥ. ﻟﯧﻜﯩﻦ ﺗﯜﺭﻣﻪ ﺩﺍﺋﯩﺮﯨﻠﯩﺮﻯ ﺩ ﺋﯘ ﻕ ﻧﯩﯔ ﻣﻪﻟﯘﻣﺎﺗﯩﻨﻰ ﺭﻩﺕ ﻗﯩﻠﺪﻯ.

ﺩﯨﻨﺪﺍﺭ ﻣﻪﻫﺒﯘﺳﻼﺭﻏﺎ ﺗﻪﻥ ﺟﺎﺯﺍﺳﻰ ﺑﯧﺮﯨﻠﯩﯟﺍﺗﯩﺪﯗ

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺩﯨﻨﺪﺍﺭ ﻣﻪﻫﺒﯘﺳﻼﺭﻧﯩﯔ ﺗﻪﻥ ﺟﺎﺯﺍﺳﯩﻐﺎ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﭘﻪﻳﻠﻮ ﺗﯜﺭﻣﯩﺴﻰ، ﺋﯘﻳﻐﯘﺭ ﺋﯧﻠﯩﻨﯩﯔ ﻳﻪﻛﻪﻥ ﻧﺎﻫﯩﻴﯩﺴﻰ ﺗﻪﯞﻩﻟﯩﻜﯩﺪﻩ ﻳﯧﺰﺍ ﺋﯩﮕﯩﻠﯩﻚ ﻣﻪﻳﺪﺍﻧﻠﯩﺮﯨﻨﻰ ﺋﺎﺳﺎﺱ ﻗﯩﻠﻐﺎﻥ ﺭﺍﻳﻮﻧﺪﯨﻜﻰ ﺋﻪﯓ ﭼﻮﯓ ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﻻﮔﯩﺮﻟﯩﺮﯨﻨﯩﯔ ﺑﯩﺮﻯ ﺑﻮﻟﯘﭖ، ﺑﯘ ﻳﻪﺭﺩﯨﻜﻰ ﻣﻪﻫﺒﯘﺳﻼﺭﻧﯩﯔ ﻛﯚﭖ ﻗﯩﺴﯩﻤﻰ ﺋﯘﺯﯗﻥ ﻣﯘﺩﺩﻩﺗﻠﯩﻚ ﻳﺎﻛﻰ ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻥ ﻛﯩﺸﯩﻠﻪﺭﻧﻰ ﺋﺎﺳﺎﺱ ﻗﯩﻼﺗﺘﻰ. ﻣﻪﺭﻛﯩﺰﻯ ﮔﯧﺮﻣﺎﻧﯩﻴﯩﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺩﯛﺷﻪﻧﺒﻪ ﻛﯜﻧﻰ ﺭﺍﺩﯨﺌﻮﻣﯩﺰﻏﺎ ﺋﻪﺳﻜﻪﺭﺗﯩﺸﯩﭽﻪ، ﺗﯜﺭﻣﻪ ﺩﺍﺋﯩﺮﯨﻠﯩﺮﻯ ﻣﻪﺯﻛﯘﺭ ﻻﮔﯩﺮﯨﺪﯨﻜﻰ ﻣﯘﺳﯘﻟﻤﺎﻥ ﻣﻪﻫﺒﯘﺳﻼﺭﻏﺎ ﺋﺎﺗﯧﺌﯩﺰﻡ ﺗﻪﺭﺑﯩﻴﯩﺴﻰ ﺋﯧﻠﯩﭗ ﺑﯧﺮﯨﭗ، ﻛﯩﺸﯩﻠﻪﺭﻧﻰ ﻧﺎﻣﺎﺯ ﺋﻮﻗﯘﻣﺎﺳﻠﯩﻘﻘﺎ ﺋﺎﮔﺎﻫﻼﻧﺪﯗﺭﻏﺎﻥ ﺷﯘﻧﺪﺍﻗﻼ ﻧﺎﻣﺎﺯ ﺋﻮﻗﯘﻳﺪﯨﻐﺎﻥ ﺩﯨﻨﺪﺍﺭ ﻣﻪﻫﺒﯘﺳﻼﺭﻏﺎ ﺗﻪﻥ ﺟﺎﺯﺍﺳﻰ ﺑﻪﺭﮔﻪﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ، ﻳﯧﻘﯩﻨﺪﺍ ﻣﻪﺯﻛﯘﺭ ﺗﯜﺭﻣﯩﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﺑﯩﺮ ﺯﯨﻴﺎﺭﻩﺗﭽﯩﻨﯩﯔ ﺗﯜﺭﻣﻪ ﺗﺎﻣﻠﯩﺮﯨﻐﺎ ﺋﺎﺗﯧﺌﯩﺰﻡ ﺗﻪﺷﯟﯨﻘﺎﺗﻰ ﯞﻩ ﺩﺍﺭﯞﯨﻨﯩﺰﻡ ﺗﻪﻟﯩﻤﺎﺗﯩﻨﻰ ﻣﻪﺯﻣﯘﻥ ﻗﯩﻠﻐﺎﻥ ﺷﯘﺋﺎﺭﻻﺭﻧﯩﯔ ﭼﺎﭘﻼﻧﻐﺎﻧﻠﯩﻘﯩﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻧﻠﯩﻜﯩﻨﻰ، ﺑﯩﺮ ﻣﻪﻫﺒﯘﺳﻨﯩﯔ ﺗﯜﺭﻣﯩﺪﻩ ﺩﯨﻨﺪﺍﺭ ﻣﻪﻫﺒﯘﺳﻼﺭﻏﺎ ﺳﯧﻠﯩﻨﯩﯟﺍﺗﻘﺎﻥ "ﺟﯩﺴﻤﺎﻧﯩﻲ ﺋﺎﺯﺍﺑﻼﺭ" ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻧﻠﯩﻘﯩﻨﻰ ﯞﻩ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻐﺎ ﺑﯘ ﺧﻪﯞﻩﺭﻧﻰ ﻳﻪﺗﻜﯜﺯﮔﻪﻥ ﺯﯨﻴﺎﺭﻩﺗﭽﯩﻨﯩﯔ ﺑﯩﺨﻪﺗﻪﺭﻟﯩﻚ ﺗﯜﭘﻪﻳﻠﻰ ﺋﯩﺴﻤﯩﻨﻰ ﺋﺎﺷﻜﺎﺭﯨﻠﯩﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺩﯨﻨﺪﺍﺭ ﻣﻪﻫﺒﯘﺳﻼﺭﻧﻰ ﺋﯘﺭﯗﺵ ﯞﻩﻗﻪﺳﯩﻨﯩﯔ ﺋﺎﺭﻗﯩﺴﯩﺪﺍ ﺳﺎﻗﭽﯩﻼﺭ ﺑﺎﺭﻟﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺩﯨﻠﺸﺎﺕ ﺭﯨﺸﯩﺖ، ﭘﻪﻳﻠﻮ ﺗﯜﺭﻣﯩﺴﯩﺪﯨﻜﻰ ﯞﻩﻗﻪﻧﻰ ﭘﺎﺵ ﻗﯩﻠﻐﯘﭼﻰ ﺯﯨﻴﺎﺭﻩﺗﭽﯩﻨﯩﯔ "ﺗﯜﺭﻣﻪ ﺳﺎﻗﭽﯩﺴﻰ ﺩﯨﻨﺪﺍﺭ ﻣﻪﻫﺒﯘﺳﻼﺭﻧﻰ ﺋﯚﺯﻯ ﺟﺎﺯﺍﻟﯩﻤﺎﻱ، ﻣﻪﻫﺒﯘﺳﻼﺭﻧﻰ ﻣﻪﻫﺒﯘﺳﻼﺭﻏﺎ ﺋﯘﺭﻏﯘﺯﻣﺎﻗﺘﺎ. ﻳﻪﻧﻰ ﻧﺎﻣﺎﺯ ﺋﻮﻗﯘﻏﺎﻧﻼﺭﻧﻰ ﻧﺎﻣﺎﺯ ﺋﻮﻗﯘﻣﺎﻳﺪﯨﻐﺎﻥ ﻣﻪﻫﺒﯘﺳﻼﺭﻏﺎ ﺋﯘﺭﻏﯘﺯﯨﺪﯗ. ﺋﻪﮔﻪﺭ ﺗﺎﻳﺎﻕ ﻳﯧﮕﯜﭼﻰ ﺩﯨﻨﺪﺍﺭ ﺑﻮﻟﺴﺎ ﻛﯚﺭﻣﻪﺳﻜﻪ ﺳﺎﻟﯩﺪﯗ " ﺩﯦﮕﻪﻧﻠﯩﻜﯩﻨﻰ ﺋﻪﺳﻜﻪﺭﺗﺘﻰ.

ﺗﯜﺭﻣﻪ ﺩﺍﺋﯩﺮﯨﻠﯩﺮﻯ: ﺗﯜﺭﻣﯩﺪﻩ ﻧﺎﻣﺎﺯ ﺋﻮﻗﯘﺵ ﯞﻩ ﺋﯩﺒﺎﺩﻩﺕ ﻗﯩﻠﯩﺶ ﭼﻪﻛﻠﯩﻨﯩﺪﯗ

ﺩﯨﻠﺸﺎﺕ ﺭﯨﺸﯩﺖ ﻳﻪﻧﻪ ﭘﻪﻳﻠﻮ ﺗﯜﺭﻣﯩﺴﯩﺪﯨﻜﻰ ﻣﻪﻫﺒﯘﺳﻼﺭﻧﯩﯔ ﻫﻪﺭ 3 ﺋﺎﻳﺪﺍ ﺑﯩﺮ ﻗﯧﺘﯩﻢ ﺗﯜﺭﻣﻪ ﺋﻪﻫﯟﺍﻟﯩﻐﺎ ﺩﺍﺋﯩﺮ ﺑﯩﺮ ﺟﻪﺩﯞﻩﻟﻨﻰ ﺗﻮﺷﺘﯘﺭﯨﺪﯨﻐﺎﻧﻠﯩﻘﯩﻨﻰ، ﻣﻪﻫﺒﯘﺳﻼﺭ ﺟﻪﺩﯞﻩﻟﺪﻩ ﭼﻮﻗﯘﻡ ﺗﯜﺭﻣﯩﻨﯩﯔ ﺩﺍﯞﺍﻻﺵ، ﻳﯩﻤﻪﻙ - ﺋﯩﭽﻤﻪﻙ، ﺗﯘﺭﺍﻟﻐﯘ ﯞﻩ ﺳﺎﻗﭽﯩﻼﺭﻧﯩﯔ ﻣﻪﻫﺒﯘﺳﻼﺭﻏﺎ ﻣﯘﺋﺎﻣﯩﻠﯩﺴﯩﻨﻰ "ﻳﺎﺧﺸﻰ"، ﺩﻩﭖ ﺑﺎﻫﺎﻟﯩﻤﯩﺴﺎ ﺟﺎﺯﺍﻏﺎ ﺗﺎﺭﺗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﻣﯘﺧﺒﯩﺮﯨﻤﯩﺰ ﭘﻪﻳﻠﻮ ﺗﯜﺭﻣﯩﺴﯩﻨﯩﯔ ﺋﻪﻫﯟﺍﻟﯩﻨﻰ ﺋﯩﮕﯩﻠﻪﺵ ﻣﻪﻗﺴﯩﺘﯩﺪﻩ ﺗﯜﺭﻣﻪ ﺩﺍﺋﯩﺮﯨﻠﯩﺮﯨﮕﻪ ﺗﯧﻠﯧﻔﻮﻥ ﻗﯩﻠﯩﭗ، ﭘﻪﻳﻠﻮ ﺗﯜﺭﻣﯩﺴﯩﺪﻩ ﻳﯜﺯ ﺑﯧﺮﯨﯟﺍﺗﻘﺎﻥ ﯞﻩﻗﻪﻟﻪﺭﻧﻰ ﺳﻮﺭﯨﺪﻯ. ﺗﯜﺭﻣﯩﻨﯩﯔ ﺑﯩﺮ ﺧﺎﺩﯨﻤﻰ ﺩﯨﻨﺪﺍﺭ ﻣﻪﻫﺒﯘﺳﻼﺭﻧﯩﯔ ﻛﻪﻣﺴﯩﺘﯩﺸﻜﻪ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ ﺭﻩﺕ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺗﯜﺭﻣﯩﺪﻩ ﻧﺎﻣﺎﺯ ﺋﻮﻗﯘﺵ ﯞﻩ ﺋﯩﺒﺎﺩﻩﺕ ﻗﯩﻠﯩﺸﻨﯩﯔ ﭼﻪﻛﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ ﻣﯘﻧﺪﺍﻕ ﺩﻩﻳﺪﯗ، "ﺑﯘﻧﺪﺍﻕ ﺋﯩﺶ ﻣﻪﯞﺟﯘﺕ ﺋﻪﻣﻪﺱ.

ﭘﻪﻳﻠﻮ ﺗﯜﺭﻣﯩﺴﯩﺪﻩ ﻗﺎﻧﭽﯩﻠﯩﻚ ﻣﻪﻫﺒﯘﺱ ﺑﺎﺭﻟﯩﻘﻰ ﻣﻪﺳﯩﻠﯩﺴﻰ ﺑﻮﻟﺴﺎ ﺑﯘﻧﻰ ﻣﻪﻥ ﺑﯩﻠﻤﻪﻳﻤﻪﻥ. ﭼﯜﻧﻜﻰ ﺑﯘ ﻣﻪﺧﭙﯩﻲ. ﻣﻪﻫﺒﯘﺳﻼﺭﻏﺎ ﺋﺎﺗﯧﺌﯩﺰﻡ ﺗﻪﺭﺑﯩﻴﯩﺴﻰ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻧﻠﯩﻘﻰ ﻣﻪﺳﯩﻠﯩﺴﯩﻨﻰ ﺗﯜﺭﻣﯩﻨﯩﯔ ﺗﻪﻟﯩﻢ - ﺗﻪﺭﺑﯩﻴﻪ ﺑﯚﻟﯜﻣﯩﺪﯨﻦ ﺳﻮﺭﺍﯓ. ﻧﺎﻣﺎﺯ ﺋﻮﻗﯘﻏﺎﻥ ﻣﻪﻫﺒﯘﺳﻼﺭﻧﻰ ﺋﯘﺭﯗﺵ ﯞﻩﻗﻪﺳﻰ ﺑﻮﻟﺴﺎ ﺑﯘ ﻣﯘﻣﻜﯩﻦ ﺋﻪﻣﻪﺳﻘﯘ ﺩﻩﻳﻤﻪﻥ. ﻣﻪﻥ ﺑﯘﻧﺪﺍﻕ ﺑﯩﺮ ﯞﻩﻗﻪﻧﻰ ﺋﺎﯕﻼﭖ ﺑﺎﻗﻤﯩﺪﯨﻢ. ﻟﯧﻜﯩﻦ ﺩﯨﻨﺪﺍﺭﻻﺭﻧﯩﯔ ﻧﺎﻣﺎﺯ ﺋﻮﻗﯘﺷﯩﻐﺎ ﺭﯗﺧﺴﻪﺕ ﻗﯩﻠﯩﻨﻤﺎﻳﺪﯗ. ﺗﯜﺭﻣﯩﻤﯩﺰﺩﻩ ﻣﻪﻫﺒﯘﺳﻼﺭﻧﻰ ﺋﯘﺭﯗﺷﻘﺎ ﺑﻮﻟﻤﺎﻳﺪﯗ. ﻣﻪﻫﺒﯘﺳﻼﺭﻧﯩﯖﻤﯘ ﻣﻪﻫﺒﯘﺳﻼﺭﻧﻰ ﺋﯘﺭﯗﺷﯩﻐﺎ ﺑﻮﻟﻤﺎﻳﺪﯗ، ﺑﯘ ﻣﯘﻣﻜﯩﻦ ﺋﻪﻣﻪﺱ. ﺑﯘ ﻳﺎﻟﻐﺎﻥ ﺳﯚﺯ ﺑﻮﻟﯘﺷﻰ ﻣﯘﻣﻜﯩﻦ.

" ﺗﯜﺭﻣﻪ ﺳﺎﻗﭽﯩﻠﯩﺮﯨﻐﺎ ﺋﯜﺳﺘﻪﻙ ﺑﻪﺭﻣﯩﺴﻪ ﺗﯘﻏﻘﺎﻧﻠﯩﺮﯨﻨﻰ ﻛﯚﺭﻩﻟﻤﻪﻳﺪﯗ "

ﭘﻪﻳﻠﻮ ﺗﯜﺭﻣﯩﺴﯩﺪﻩ ﺟﺎﺯﺍ ﻣﯘﺩﺩﯨﺘﯩﻨﻰ ﺋﯚﺗﻪﯞﺍﺗﻘﺎﻥ ﻣﻪﻫﺒﯘﺳﻼﺭﻧﯩﯔ ﻫﻪﻣﻤﯩﺴﻰ ﺋﺎﺳﺎﺳﻪﻥ ﻛﯧﺴﯩﻢ ﺋﯧﻼﻥ ﻗﯩﻠﯩﻨﻐﺎﻥ ﻣﻪﻫﺒﯘﺳﻼﺭﺩﯗﺭ. ﺧﯩﺘﺎﻱ ﻗﺎﻧﯘﻧﻠﯩﺮﯨﺪﺍ ﻛﯧﺴﯩﻢ ﺋﯧﻼﻥ ﻗﯩﻠﯩﻨﻐﺎﻥ ﻣﻪﻫﺒﯘﺳﻼﺭ ﺋﺎﺋﯩﻠﻪ - ﺗﺎﯞﺍﺑﯩﺌﺎﺗﻠﯩﺮﯨﻨﯩﯔ ﺗﯜﺭﻣﯩﺪﯨﻜﻰ ﺑﺎﻻ - ﭼﺎﻗﺎ ﻳﺎﻛﻰ ﺋﯘﺭﯗﻕ- ﺗﯘﻏﻘﺎﻧﻠﯩﺮﯨﻨﻰ ﻗﻪﺭﻩﻟﻠﯩﻚ ﻳﻮﻗﻼﺵ ﯞﻩ ﻛﯚﺭﯛﺵ ﻫﻮﻗﯘﻗﻰ ﺑﻮﻟﺴﯩﻤﯘ، ﻟﯧﻜﯩﻦ ﻛﯧﻴﯩﻨﻜﻰ ﻳﯩﻠﻼﺭﺩﺍ ﺑﯘ ﻗﺎﻧﯘﻥ ﺳﯩﻴﺎﺳﯩﻲ ﻣﻪﻫﺒﯘﺳﻼﺭﻏﺎ ﻧﺎﻫﺎﻳﯩﺘﻰ ﺋﺎﺯ ﺋﯩﺸﻠﯩﺘﯩﻠﯩﺪﯨﻐﺎﻥ ﺑﻮﻟﺪﻯ.

ﺩﯨﻠﺸﺎﺕ ﺭﯨﺸﯩﺖ، ﻫﺎﺯﯨﺮ ﭘﻪﻳﻠﻮ ﺗﯜﺭﻣﯩﺴﯩﺪﻩ ﺋﺎﺩﻩﺗﺘﯩﻜﻰ ﺟﯩﻨﺎﻳﻰ ﺋﯩﺸﻼﺭ ﻣﻪﻫﺒﯘﺳﻠﯩﺮﯨﻨﯩﯔ ﺋﺎﺋﯩﻠﻪ ﺗﺎﯞﺍﺑﺎﺗﻰ، ﺗﯜﺭﻣﯩﺪﯨﻜﻰ ﺋﯘﺭﯗﻕ - ﺗﯘﻏﻘﺎﻧﻠﯩﺮﯨﻨﻰ ﻛﯚﺭﻣﻪﻛﭽﻰ ﺑﻮﻟﺴﺎ ﺗﯜﺭﻣﻪ ﺳﺎﻗﭽﯩﻠﯩﺮﯨﻐﺎ ﺋﯜﺳﺘﻪﻙ ﺑﯧﺮﯨﺸﻜﻪ ﺗﻮﻏﺮﺍ ﻛﯧﻠﯩﺪﯨﻐﺎﻧﻠﯩﻘﯩﻨﻰ، ﺋﯜﺳﺘﻪﻛﻨﯩﯔ 500 ﺳﻮﻡ ﺑﯩﻠﻪﻥ 1000 ﺳﻮﻡ ﺋﺎﺭﯨﺴﯩﺪﺍ ﺗﻪﻟﻪﭖ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﺪﯗ. ﻟﯧﻜﯩﻦ ﭘﻪﻳﻠﻮ ﺗﯜﺭﻣﯩﺴﯩﻨﯩﯔ ﻳﯘﻗﯩﺮﯨﻘﻰ ﺧﺎﺩﯨﻤﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﯩﻨﯩﯔ ﺋﯜﺳﺘﻪﻙ ﻫﻪﻗﻘﯩﺪﯨﻜﻰ ﺑﺎﻳﺎﻧﻠﯩﺮﯨﻨﻰ ﺭﻩﺕ ﻗﯩﻠﺪﻯ. ‏ﺋﯘ، " ﺑﯘﻧﺪﺍﻕ ﺑﯩﺮ ﺋﯩﺶ ﻳﻮﻕ. ﺑﯘﻧﺪﺍﻕ ﺑﯩﺮ ﺑﻪﻟﮕﯩﻠﯩﻤﻪ ﻳﻮﻕ. ﻳﻮﻗﻠﯩﻐﯘﭼﯩﻼﺭ ﻳﻪﺭﻛﻪﻧﮕﻪ ﻛﻪﻟﺴﻪ ﻳﻪﻳﺪﯨﻐﺎﻥ ﺋﯩﭽﯩﺪﯨﻐﯩﻨﯩﻨﻰ، ﻳﻮﻝ ﺧﯩﺮﺍﺟﯩﺘﯩﻨﻰ ﺋﯚﺯﻯ ﻛﯚﺗﯩﺮﯨﺸﻰ ﻛﯧﺮﻩﻙ. 500 ﻛﻮﻱ ﺗﯚﻟﻪﻳﺪﯗ، ﺩﯦﮕﻪﻥ ﺑﻪﻟﮕﯩﻠﯩﻤﻪ ﻳﻮﻕ. ﻳﻮﻗﻠﯩﻐﯩﻠﻰ ﻛﻪﻟﮕﻪﻧﻠﻪﺭ ﻣﻪﻫﺒﯘﺳﻼﺭ ﺑﯩﻠﻪﻥ ﺧﺎﻟﯩﻐﺎﻧﭽﻪ ﻛﯚﺭﯛﺷﻪﻟﻪﻳﺪﯗ. ﻧﻮﺭﻣﺎﻝ ﺭﻩﺳﻤﯩﻴﻪﺗﻠﻪﺭﻧﻰ ﺑﯧﺠﯩﺮﺳﯩﻼ ﺑﻮﻟﺪﻯ،" ﺩﻩﻳﺪﯗ.

"ﺗﻪﻥ ﺟﺎﺯﺍﺳﻰ ﺧﯩﺘﺎﻱ ﺗﯜﺭﻣﯩﻠﯩﺮﯨﺪﻩ ﺋﻮﻣﯘﻣﻴﯜﺯﻟﯜﻙ ﻣﻪﯞﺟﯘﺕ"

ﺧﯩﺘﺎﻱ ﺟﺎﺯﺍ ﻣﯘﺩﺩﯨﺘﯩﻨﻰ ﺋﯚﺗﻪﯞﺍﺗﻘﺎﻥ ﻣﻪﻫﺒﯘﺳﻼﺭﻧﯩﯔ ﻫﻮﻗﯘﻗﻰ ﯞﻩ ﻣﻪﻫﺒﯘﺳﻼﺭﻏﺎ ﺗﻪﻥ ﺟﺎﺯﺍﺳﻰ ﺑﯧﺮﯨﺸﻨﻰ ﺗﻮﺧﺘﯩﺘﯩﺶ ﻣﻪﺳﯩﻠﯩﺴﯩﺪﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺋﯜﺯﻟﯜﻛﺴﯩﺰ ﺑﯧﺴﯩﻤﯩﻐﺎ ﺩﯗﭺ ﻛﻪﻟﻤﻪﻛﺘﻪ ﺋﯩﺪﻯ. ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻗﻰ ﻛﯧﯖﯩﺸﯩﻨﯩﯔ ﺗﻪﻥ ﺟﺎﺯﺍﺳﯩﻨﻰ ﺗﻪﻛﺸﯜﺭﯛﺵ ﺋﻪﻣﻪﻟﺪﺍﺭﻯ ﻣﺎﻧﻔﺮﯨﺪ ﻧﻮﯞﺍﻙ 2 ﻳﯩﻠﻨﯩﯔ ﺋﺎﻟﺪﯨﺪﺍ ﺋﯜﺭﯛﻣﭽﯩﺪﯨﻜﻰ ﺑﯩﺮ ﺗﯜﺭﻣﯩﻨﻰ ﺗﻪﻛﺸﯜﺭﯛﭖ، ﺑﯘ ﺗﯜﺭﻣﯩﺪﯨﻜﻰ ﺗﺎﺭﯨﺨﭽﻰ ﺗﻮﺧﺘﻰ ﻣﻮﺯﺍﺭﺕ ﯞﻩ ﻳﺎﺯﻏﯘﭼﻰ ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻨﻼﺭ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﮔﻪﻥ ﻫﻪﻡ "ﺗﻪﻥ ﺟﺎﺯﺍﺳﻰ ﺧﯩﺘﺎﻱ ﺗﯜﺭﻣﯩﻠﯩﺮﯨﺪﻩ ﺋﻮﻣﯘﻣﻴﯜﺯﻟﯜﻙ ﻣﻪﯞﺟﯘﺕ ﻫﺎﺩﯨﺴﻪ " ﺩﻩﭖ ﺗﻪﻧﻘﯩﺪﻟﯩﮕﻪﻥ ﺋﯩﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﺪﯨﻜﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﻣﻪﻫﺒﯘﺳﻼﺭﻏﺎ ﺗﻪﻥ ﺟﺎﺯﺍﺳﻰ ﺑﯧﺮﯨﺶ ﯞﻩﻗﻪﺳﻰ ﺧﯩﺘﺎﻱ ﺗﯜﺭﻣﯩﻠﯩﺮﯨﺪﯨﻜﻰ ﮔﯘﻧﺪﯨﭙﺎﻳﻼﺭﻧﯩﯔ ﺗﯜﺯﯛﻣﮕﻪ ﺧﯩﻼﭖ ﺷﻪﺧﺴﻰ ﺧﺎﺗﺎﻟﯩﻘﻰ ﺋﻪﻣﻪﺱ، ﺑﯘ ﺧﯩﺘﺎﻱ ﺋﻪﺩﻟﯩﻴﻪ ﺳﯩﺴﺘﯧﻤﯩﺴﯩﻨﯩﯔ ﺧﺎﺗﺎﻟﯩﻘﯩﺪﯗﺭ. ﺩﯨﻠﺸﺎﺕ ﺭﯨﺸﯩﺖ ﻳﻪﻧﻪ ﻳﯧﻘﯩﻨﻘﻰ ﻛﯜﻧﻠﻪﺭﺩﻩ ﻗﻪﺷﻘﻪﺭ ﺭﺍﻳﻮﻧﯩﺪﺍ ﻗﺎﺭ ﺋﺎﭘﯩﺘﻰ ﯞﻩ ﺋﺎﭘﻪﺕ ﺧﺎﺭﺍﻛﺘﯧﺮﻟﯩﻚ ﻫﺎﯞﺍ ﻛﯩﻠﯩﻤﺎﺗﯩﻨﯩﯔ ﺗﻪﺳﯩﺮﻯ ﺗﯜﭘﻪﻳﻠﻰ ﭘﻪﻳﻠﻮ ﺗﯜﺭﻣﯩﺴﯩﺪﯨﻜﻰ ﻣﻪﻫﺒﯘﺳﻼﺭﻧﯩﯔ ﺳﻮﻏﯘﻕ ﻛﺎﻣﯩﺮﻻﺭﺩﺍ ﻗﺎﻟﻐﺎﻧﻠﯩﻘﯩﻨﻰ، ﻟﯧﻜﯩﻦ ﺗﯜﺭﻣﻪ ﺩﺍﺋﯩﺮﯨﻠﯩﺮﯨﻨﯩﯔ ﺑﯘﻧﯩﯔ ﺑﯩﻠﻪﻥ ﭼﺎﺗﯩﻘﻰ ﺑﻮﻟﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. (ﺋﻪﺭﻛﯩﻦ)