ﺧﯩﺘﺎﻱ ﺗﻪﺭﻩﭖ ﺑﯜﮔﯜﻥ ﻣﻪﺯﻛﯘﺭ ﯞﻩﻗﻪﺩﻩ ﺋﯚﻟﮕﻪﻧﻠﻪﺭﻧﻰ ﺗﯧﺮﺭﻭﺭﭼﯩﻼﺭ ﺩﻩﭖ ﺋﺎﺗﯩﺴﺎ، ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺑﯜﮔﯜﻥ ﺋﯘﻻﺭﻧﻰ ﺋﻪﺭﻛﯩﻨﻠﯩﻚ ﺟﻪﯕﭽﯩﻠﯩﺮﻯ ﺩﻩﭖ ﺋﺎﺗﯩﺪﻯ.

ﮔﻮﻟﻼﻧﺪﯨﻴﯩﺪﯨﻜﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﺗﻪﺷﻜﯩﻼﺗﻰ، ﻳﺎﻣﺎﻧﻴﺎﺭ ﯞﻩ ﻗﯩﺰﯨﻠﺒﻮﻳﻰ ﯞﻩﻗﻪﻟﯩﺮﯨﻨﻰ ﺋﯜﺯﯛﻟﻤﻪﻱ ﺩﺍﯞﺍﻡ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭ ﻣﯘﺳﺘﻪﻗﯩﻠﻠﯩﻖ ﻛﯜﺭﯨﺸﯩﻨﯩﯔ ﺑﯩﺮ ﭘﺎﺭﭼﯩﺴﻰ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﮔﯧﺮﻣﺎﻧﯩﻴﯩﺪﯨﻜﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﺗﻪﺷﻜﯩﻼﺗﻰ ﺑﻮﻟﺴﺎ ﻣﻪﺯﻛﯘﺭ ﻫﻪﺭﯨﻜﻪﺗﻠﻪﺭﻧﻰ ﻣﯩﻠﻠﯩﻲ ﻗﻮﻏﺪﯗﻧﯘﺵ ﯞﻩ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻫﻪﺭﯨﻜﯩﺘﻰ ﺩﻩﭖ ﺋﺎﺗﯩﺪﻯ. ﻣﻪﺯﻛﯘﺭ ﺗﻪﺷﻜﯩﻼﺕ ﻣﻪﺳﺌﯘﻟﻠﯩﺮﯨﺪﯨﻦ ﻛﯜﺭﻩﺵ ﺋﺎﺗﺎﺧﺎﻥ ﺳﯚﺯﯨﺪﻩ، ﻳﺎﻣﺎﻧﻴﺎﺭ ﯞﻩ ﻗﯩﺰﯨﻠﺒﻮﻳﻰ ﯞﻩﻗﻪﺳﯩﺪﻩ ﺑﯩﺮ ﻗﯩﺴﯩﻢ ﺋﯘﻳﻐﯘﺭ ﺳﺎﻗﭽﻰ ﯞﻩ ﺋﺎﻣﺎﻧﻠﯩﻖ ﺧﺎﺩﯨﻤﻠﯩﺮﯨﻨﯩﯔ ﺋﯚﻟﮕﻪﻧﻠﯩﻜﻰ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺋﺎﻻﻫﯩﺪﻩ ﺗﻮﺧﺘﺎﻟﺪﻯ.

ﻛﯜﺭﻩﺵ ﺋﺎﺗﺎﺧﺎﻥ ﺑﯘ ﻫﻪﻗﺘﯩﻜﻰ ﺳﯚﺯﯨﺪﻩ ﻗﺎﺭﺷﯩﻠﯩﻘﺘﺎ ﺋﯚﻟﮕﻪﻥ ﺋﯘﻳﻐﯘﺭ ﺳﺎﻗﭽﻰ ﯞﻩ ﺋﺎﻣﺎﻧﻠﯩﻖ ﺧﺎﺩﯨﻤﻠﯩﺮﯨﻨﯩﯔ ﻫﻪﻗﯩﻘﯩﻲ ﻗﺎﺗﯩﻠﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﺘﻰ ﯞﻩ ﻣﯘﻧﺪﺍﻕ ﯞﻩﻗﻪﻟﻪﺭﺩﻩ ﺋﯘﻳﻐﯘﺭ ﻣﯘﺳﺘﻪﻗﯩﻠﻠﯩﻖ ﻛﯜﭼﻠﯩﺮﯨﻨﯩﯔ ﺋﻮﺑﺮﺍﺯﯨﻐﺎ ﺩﺍﻍ ﭼﯜﺷﯜﺭﯛﺷﻜﻪ ﺋﯘﺭﯗﻧﯩﺪﯨﻐﺎﻧﻼﺭ ﭼﯩﻘﯩﺪﯨﻐﺎﻧﻠﯩﻘﯩﻨﻰ ﺋﯘﻻﺭﻏﺎ ﭘﯘﺭﺳﻪﺕ ﺑﻪﺭﻣﻪﺳﻠﯩﻜﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﺪﻯ.

ﻛﯜﺭﻩﺵ ﺋﺎﺗﺎﺧﺎﻥ ﺳﯚﺯﯨﺪﻩ ﻳﻪﻧﻪ، ﺋﺎﺧﯩﺮﻗﻰ ﻫﻪﺭﯨﻜﻪﺗﻠﻪﺭﺩﻩ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﺪﯨﻦ ﺋﯧﻐﯩﺮ ﭼﯩﻘﯩﻢ ﺑﻮﻟﻐﺎﻧﻠﯩﻘﯩﻨﻰ، ﺷﯘﻧﺪﺍﻗﺘﯩﻤﯘ ﺑﯘ ﻫﻪﺭﯨﻜﻪﺗﻠﻪﺭﻧﻰ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﻫﻪﺭﯨﻜﻪﺕ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ، ﭼﯜﻧﻜﻰ ﺋﯘﻳﻐﯘﺭﻻﺭﻧﯩﯔ ﺑﯜﮔﯜﻥ ﻗﺎﺭﺷﯩﻠﯩﻖ ﻛﯚﺭﺳﻪﺗﻤﯩﮕﻪﻥ ﺋﻪﻫﯟﺍﻟﺪﯨﻤﯘ، ﻫﻪﺭ ﻗﺎﻳﺴﻰ ﺳﺎﻫﻪﻟﻪﺭﺩﻩ، ﻫﻪﺭ ﺧﯩﻞ ﺷﻪﻛﯩﻠﻠﻪﺭﺩﻩ ﺋﯚﻟﺘﯜﺭﯛﻟﯜﯞﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺋﯚﺗﻜﻪﻥ ﻫﻪﭘﺘﻪ، ﻳﯧﻘﯩﻨﻘﻰ ﯞﻩﻗﻪﻟﻪﺭﺩﻩ ﺋﯚﻟﮕﻪﻥ ﺋﯘﻳﻐﯘﺭ ﻣﯘﺳﺘﻪﻗﯩﻠﻠﯩﻖ ﺟﻪﯕﭽﯩﻠﯩﺮﻯ ﺋﯜﭼﯜﻥ ﻗﯘﺭﺋﺎﻥ - ﺗﯩﻼﯞﻩﺕ ﺋﯚﺗﻜﯜﺯﺩﻯ. ﭘﺎﺋﺎﻟﯩﻴﻪﺕ ﺟﻪﺭﻳﺎﻧﺪﺍ، ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﺋﻮﻣﯘﻣﻰ ﯞﻩﺯﯨﻴﯩﺘﻰ ﻳﻪﻧﻪ ﺑﯩﺮ ﻗﯧﺘﯩﻢ ﻣﯘﻫﺎﻛﯩﻤﻪ ﻗﯩﻠﯩﻨﺪﻯ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺋﯩﭽﻜﻰ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﻣﻪﺳﺌﯘﻟﻰ ﺟﯧﻠﯩﻞ ﻗﺎﺭﯨﻢ ﺳﯚﺯ ﻗﯩﻠﯩﭗ، ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.