ﭘﯩﺮﺋﻮﻧﻨﯩﯔ ﺟﻪﺳﯩﺘﻰ ﺗﻮﻏﺮﯨﻠﯩﻖ ﻗﺎﺭﺍﺷﻼﺭ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭﺟﺎﻥ ﺗﻮﺧﺘﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﭘﯩﺮﺋﻮﻧﻨﯩﯔ ﺟﻪﺳﯩﺘﻰ ﺗﻮﻏﺮﯨﻠﯩﻖ ﺗﻪﺗﻘﯩﻘﺎﺕ ﻗﻪﺩﯨﻤﺪﯨﻦ ﺗﺎ ﻫﺎﺯﯨﺮﻏﯩﭽﻪ ﺷﻪﺭﻕ ﯞﻩ ﻏﻪﺭﺏ ﺗﻪﺗﻘﯩﻘﺎﺗﭽﯩﻠﯩﺮﯨﻨﯩﯔ ﭘﯩﻜﯩﺮﻟﯩﺮﯨﻨﻰ ﺋﺎﯞﺍﺭﻩ ﻗﯩﻠﯩﭗ ﻛﻪﻟﮕﻪﻥ ﭼﻮﯓ ﺗﯧﻤﺎ. ﺗﻪﺗﻘﯩﻘﺎﺗﭽﯩﻼﺭ ﺑﯩﻠﻪﻥ ﺩﯨﻦ ﺋﺎﺩﻩﻣﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﭘﯩﺮﺋﻮﻧﻨﯩﯔ ﺟﻪﺳﯩﺘﻰ ﻫﻪﻗﻘﯩﺪﯨﻜﻰ ﺗﺎﻻﺵ - ﺗﺎﺭﺗﯩﺸﻼﺭ ﻫﺎﺯﯨﺮﻣﯘ ﻣﻪﯞﺟﯘﺕ.

ﭘﯩﺮﺋﻮﻥ ﺯﺍﺩﻯ ﻛﯩﻢ؟

ﭘﯩﺮﺋﻮﻥ ﻣﯘﻧﺪﯨﻦ ﺗﻪﺧﻤﯩﻨﻪﻥ ﺋﯜﭺ ﻣﯩﯔ ﻳﯩﻠﻼﺭ ﺋﯩﻠﮕﯩﺮﻯ ﻣﯩﺴﯩﺮﺩﺍ ﺋﯚﺗﻜﻪﻥ ﭘﺎﺩﯨﺸﺎﻫ ﺑﻮﻟﯘﭖ، ﺋﯚﺯﯨﻨﻰ ﺩﯗﻧﻴﺎﻧﯩﯔ ﺋﯩﻼﻫﻰ ﺩﻩﭖ ﺋﯧﻼﻥ ﻗﯩﻠﻐﺎﻥ ﺋﯩﺪﻯ. ﭘﯩﺮﺋﻮﻥ ﺑﯩﺮ ﻛﯜﻧﻰ ﻗﻮﺭﻗﯘﻧﭽﻠﯘﻕ ﺑﯩﺮ ﭼﯜﺵ ﻛﯚﺭﯛﭖ ﭼﯚﭼﯜﭖ ﺋﻮﻳﻐﯩﻨﯩﭗ ﻛﯧﺘﯩﺪﯗ ﯞﻩ ﭘﯜﺗﯜﻥ ﭼﯜﺵ ﺗﻪﺑﯩﺮﭼﯩﻠﯩﺮﯨﻨﻰ ﭼﺎﻗﯩﺮﺗﯩﭗ ﻛﯧﻠﯩﭗ، ﻛﯚﺭﮔﻪﻥ ﭼﯜﺷﯩﮕﻪ ﺗﻪﺑﯩﺮ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﯩﺪﯗ. ﺗﻪﺑﯩﺮﭼﯩﻠﻪﺭ ﺋﯘﻧﯩﯖﻐﺎ، ﻣﯩﺴﯩﺮﺩﯨﻜﻰ ﺋﯩﺴﺮﺍﺋﯩﻞ ﺋﻪﯞﻻﺩﻯ ﺋﯩﭽﯩﺪﯨﻦ ﺑﯩﺮ ﺋﻮﻏﯘﻝ ﺗﻮﻏﯘﻟﯩﺪﯨﻐﺎﻧﻠﯩﻘﻰ ﯞﻩ ﺋﯘ ﺋﻮﻏﯘﻟﻨﯩﯔ ﭘﯩﺮﺋﻮﻧﻨﯩﯔ ﭘﺎﺩﯨﺸﺎﻫﻠﯩﻘﯩﻨﻰ ﺋﯚﺭﯛﭖ ﺗﺎﺷﻼﻳﺪﯨﻐﺎﻧﻠﯩﻘﯩﻨﻰ ﺧﻪﯞﻩﺭ ﺑﯧﺮﯨﺸﯩﺪﯗ. ﺷﯘﻧﯩﯔ ﺑﯩﻠﻪﻥ ﭘﯩﺮﺋﻮﻥ ﭘﻪﺭﻣﺎﻥ ﭼﯜﺷﯜﺭﯛﭖ، ﺋﯩﺴﺮﺍﺋﯩﻞ ﺋﻪﯞﻻﺩﯨﺪﯨﻦ ﺗﻮﻏﯘﻟﻐﺎﻥ ﺋﻮﻏﯘﻝ ﺑﺎﻟﯩﻼﺭﻧﯩﯔ ﺑﯩﺮﯨﻨﯩﻤﯘ ﺗﯩﺮﯨﻚ ﻗﻮﻳﻤﺎﻱ ﻫﻪﻣﻤﯩﺴﯩﻨﻰ ﺋﯚﻟﺘﯜﺭﯛﺷﻨﻰ ﺑﯘﻳﺮﯗﻳﺪﯗ.

ﭘﯩﺮﺋﻮﻧﻨﯩﯔ ﺋﺎﺩﻩﻣﻠﯩﺮﻯ ﺋﯚﻳﻤﯘ- ﺋﯚﻱ ﺋﺎﺧﺘﯘﺭﯗﭖ ﻳﯜﺭﯛﭖ ﺗﯘﻏﯘﻟﻐﺎﻧﻼ ﺋﻮﻏﯘﻝ ﺑﯘﯞﺍﻗﻨﻰ ﺋﯚﻟﺘﯜﺭﯛﭖ ﺗﯘﺭﯨﺪﯗ. ﺑﯘ ﺋﺎﺭﯨﺪﺍ ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻡ ﺗﯘﻏﯘﻟﯩﺪﯗ. ﺋﯘﻧﯩﯔ ﺋﺎﻧﯩﺴﻰ ﺑﯘﯞﯨﻘﯩﻨﻰ ﺋﯚﻟﯜﻣﺪﯨﻦ ﺳﺎﻗﻼﭖ ﻗﯧﻠﯩﺶ ﺋﯜﭼﯜﻥ ﻛﯚﭖ ﺑﺎﺵ ﻗﺎﺗﯘﺭﯨﺪﯗ. ﺋﺎﺧﯩﺮﯨﺪﺍ ﺋﺎﻟﻼﻫ ﺋﯘﻧﯩﯖﻐﺎ ﺑﺎﻟﯩﺴﯩﻨﻰ ﺑﯩﺮ ﺳﯧﯟﻩﺗﻜﻪ ﺳﯧﻠﯩﭗ ﺩﻩﺭﻳﺎﻏﺎ ﻗﻮﻳﯘﭖ ﺑﯧﺮﯨﺸﯩﻨﻰ ﺋﯩﻠﻬﺎﻡ ﻗﯩﻠﯩﺪﯗ -ﺩﻩ، ﺋﯘ ﺋﺎﻟﻼﻫﻘﺎ ﺑﻮﻟﻐﺎﻥ ﺋﯩﺸﻪﻧﭽﯩﺴﯩﻨﯩﯔ ﻛﺎﻣﯩﻠﻠﯩﻘﯩﺪﯨﻦ ﻫﯧﭻ ﺋﯩﻜﻜﯩﻠﻪﻧﻤﻪﺳﺘﯩﻦ ﺋﻮﻏﻠﻰ ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻣﻨﻰ ﺩﻩﺭﻳﺎﻏﺎ ﻗﻮﻳﯘﭖ ﺑﯧﺮﯨﺪﯗ. ﺳﯧﯟﻩﺕ ﭘﯩﺮﺋﻮﻧﻨﯩﯔ ﺳﺎﺭﯨﻴﯩﻐﺎ ﺋﯧﻘﯩﭗ ﻛﯩﺮﮔﯩﻨﯩﺪﻩ، ﭘﯩﺮﺋﻮﻧﻨﯩﯔ ﺧﯩﺰﻣﻪﺗﻜﺎﺭﻟﯩﺮﯨﻨﯩﯔ ﻗﻮﻟﯩﻐﺎ ﭼﯜﺷﯩﺪﯗ. ﭘﯩﺮﺋﻮﻧﻨﯩﯔ ﺋﺎﻳﺎﻟﻰ ﺑﯘ ﺑﯘﯞﺍﻗﻨﻰ ﺑﺎﻻ ﻗﯩﻠﯩﭗ ﺑﯧﻘﯩﯟﯦﻠﯩﺶ ﻣﻪﻗﺴﯩﺘﻰ ﺑﯩﻠﻪﻥ ﺋﯘﻧﻰ ﺋﯚﻟﯜﻣﺪﯨﻦ ﺗﯩﻠﯩﯟﺍﻟﯩﺪﯗ.

ﺷﯘﻧﺪﯨﻦ ﺑﺎﺷﻼﭖ ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻡ ﭘﯩﺮﺋﻮﻧﻨﯩﯔ ﺳﺎﺭﯨﻴﯩﺪﺍ ﺋﯚﺳﯜﭖ ﻳﯧﺘﯩﻠﯩﺪﯗ. ﻛﯧﻴﯩﻨﭽﻪ ﺋﯘﻧﯩﯖﻐﺎ ﭘﻪﻳﻐﻪﻣﺒﻪﺭﻟﯩﻚ ﯞﻩﺯﯨﭙﯩﺴﻰ ﺗﺎﭘﺸﯘﺭﯗﻟﻐﺎﻧﺪﯨﻦ ﻛﯧﻴﯩﻦ ﺋﺎﻟﻼﻫ ﺗﺎﺋﺎﻻ ﺋﯘﻧﻰ ﭘﯩﺮﺋﻮﻧﻨﻰ ﺋﺎﻟﻼﻫﻘﺎ ﺋﯩﻤﺎﻥ ﻛﻪﻟﺘﯜﺭﯛﺷﻜﻪ ﺩﻩﯞﻩﺕ ﻗﯩﻠﯩﺸﻨﻰ ﺑﯘﻳﺮﯗﻳﺪﯗ. ﺋﻪﻣﻤﺎ ﭘﯩﺮﺋﻮﻥ ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺩﻩﯞﯨﺘﯩﻨﻰ ﻗﻮﺑﯘﻝ ﻗﯩﻠﻤﺎﻳﺪﯗ ﯞﻩ ﻳﻪﺭ ﻳﯜﺯﯨﻨﯩﯔ ﺧﯘﺩﺍﺳﻰ ﭘﻪﻗﻪﺕ ﺋﯚﺯﻯ ﺋﯩﻜﻪﻧﻠﯩﻜﯩﻨﻰ ﺩﻩﯞﺍ ﻗﯩﻠﯩﺸﻘﺎ ﺩﺍﯞﺍﻡ ﻗﯩﻠﯩﺪﯗ. ﺷﯘﻧﺪﺍﻕ ﻗﯩﻠﯩﭗ ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻡ ﺑﯩﻠﻪﻥ ﭘﯩﺮﺋﻮﻥ ﺋﻮﺗﺘﯘﺭﯨﺴﯩﺪﯨﻜﻰ ﺯﯨﺪﺩﯨﻴﻪﺕ ﺋﻪﯞﺟﯩﮕﻪ ﭼﯩﻘﯩﺪﯗ.

ﭘﯩﺮﺋﻮﻧﻨﯩﯔ ﻏﻪﺭﻕ ﺑﻮﻟﯘﺷﻰ

ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻡ ﻣﯩﺴﯩﺮﺩﯨﻜﻰ ﺋﯩﺴﺮﺍﺋﯩﻞ ﺋﻪﯞﻻﺩﻟﯩﺮﯨﻨﻰ ﺑﺎﺷﻼﭖ ﭘﻪﻟﻪﺳﺘﯩﻨﮕﻪ ﻗﺎﺭﺍﭖ ﻳﻮﻟﻐﺎ ﭼﯩﻘﻘﯩﻨﯩﺪﺍ، ﭘﯩﺮﺋﻮﻥ ﯞﻩ ﺋﯘﻧﯩﯔ ﻟﻪﺷﻜﻪﺭﻟﯩﺮﻯ ﺋﯘﻻﺭﻧﻰ ﻗﻮﻏﻼﭖ ﻛﯧﻠﯩﭗ ﻳﯧﺘﯩﺸﯩﯟﯦﻠﯩﺸﻘﺎ ﺋﺎﺯﻻ ﻗﺎﻟﯩﺪﯗ.

ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺋﺎﺩﻩﻣﻠﯩﺮﻯ ﺋﺎﻟﺪﯨﺪﺍ ﺩﯦﯖﯩﺰ ، ﺋﺎﺭﻗﯩﺴﯩﺪﺍ ﭘﯩﺮﺋﻮﻥ ﻗﻮﺷﯘﻧﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﻗﺎﻟﯩﺪﯗ. ﺷﯘ ﯞﺍﻗﯩﺘﺘﺎ ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻡ ﺋﺎﻟﻼﻫﻨﯩﯔ"ﻫﺎﺳﺎﯓ ﺑﯩﻠﻪﻥ ﺩﯦﯖﯩﺰﻏﺎ ﺋﯘﺭﻏﯩﻦ"ﺩﯦﮕﻪﻥ ﺋﻪﻣﺮﯨﮕﻪ ﺋﺎﺳﺎﺳﻪﻥ ﻫﺎﺳﯩﺴﯩﻨﻰ ﺩﯦﯖﯩﺰﻏﺎ ﺋﯘﺭﻏﯩﻨﯩﺪﺍ ﺩﯦﯖﯩﺰ ﺳﯜﻳﻰ ﺋﯩﻜﻜﯩﮕﻪ ﺑﯚﻟﯜﻧﯜﭖ ﺋﻮﺗﺘﯘﺭﯨﺴﯩﺪﯨﻦ ﻗﯘﺭﯗﻗﻠﯘﻕ ﻳﻮﻝ ﺋﯧﭽﯩﻠﯩﺪﯗ. ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻡ ﺋﺎﺩﻩﻣﻠﯩﺮﻯ ﺑﯩﻠﻪﻥ ﺑﯘ ﻳﻮﻟﺪﯨﻦ ﺋﯚﺗﯜﭖ ﻗﯩﺮﻏﺎﻗﻘﺎ ﭼﯩﻘﯩﭗ ﺑﻮﻟﻐﯩﻨﯩﺪﺍ، ﭘﯩﺮﺋﻮﻥ ﯞﻩ ﺋﯘﻧﯩﯔ ﻟﻪﺷﻜﻪﺭﻟﯩﺮﻯ ﺗﯧﺨﻰ ﺩﯦﯖﯩﺰ ﺋﯩﭽﯩﺪﻩ ﺋﯘﻻﺭﻧﻰ ﻗﻮﻏﻼﯞﺍﺗﻘﺎﻧﺪﺍ ﺩﯦﯖﯩﺰ ﺳﯜﻳﻰ ﻗﺎﻳﺘﯩﺪﯨﻦ ﺋﻪﺳﻠﯩﮕﻪ ﻛﯧﻠﯩﭗ ﺋﯘﻻﺭﻧﻰ ﻏﻪﺭﻕ ﻗﯩﻠﯩﺪﯗ.

ﺑﯘ ﯞﻩﻗﻪﻟﯩﻜﻨﻰ ﺋﺎﻟﻼﻫ ﺗﺎﺋﺎﻻ ﻗﯘﺭﺋﺎﻥ ﻛﻪﺭﯨﻤﺪﻩ ﻣﯘﻧﺪﺍﻕ ﻫﯧﻜﺎﻳﻪ ﻗﯩﻠﻐﺎﻥ: "ﺑﯩﺰ ﺋﯩﺴﺮﺍﺋﯩﻞ ﺋﻪﯞﻻﺩﻟﯩﺮﯨﻨﻰ ﺩﯦﯖﯩﺰﺩﯨﻦ ﺋﯚﺗﻜﯜﺯﺩﯗﻕ. ﺋﯘﻻﺭﻧﻰ ﭘﯩﺮﺋﻮﻥ ﯞﻩ ﺋﯘﻧﯩﯔ ﻗﻮﺷﯘﻧﻰ ﺯﯗﻟﯘﻡ ﯞﻩ ﺯﻭﺭﺍﯞﺍﻧﻠﯩﻖ ﺑﯩﻠﻪﻥ ﻗﻮﻏﻠﯩﺪﻯ. ﭘﯩﺮﺋﻮﻥ ﻏﻪﺭﻕ ﺑﻮﻟﯩﺪﯨﻐﺎﻥ ﯞﺍﻗﺘﯩﺪﺍ "ﺋﯩﻤﺎﻥ ﺋﯧﻴﺘﺘﯩﻤﻜﻰ، ﺋﯩﺴﺮﺍﺋﯩﻞ ﺋﻪﯞﻻﺩﻟﯩﺮﻯ ﺋﯩﻤﺎﻥ ﺋﯧﻴﺘﻘﺎﻥ ﺋﯩﻼﻫﺘﯩﻦ ﺑﺎﺷﻘﺎ ﻫﻪﻕ ﺋﯩﻼﻫ ﻳﻮﻗﺘﯘﺭ. ﻣﻪﻥ ﻣﯘﺳﯘﻟﻤﺎﻧﻼﺭﺩﯨﻨﻤﻪﻥ" ﺩﯦﺪﻯ.(ﺋﯘﻧﯩﯖﻐﺎ ﺋﯧﻴﺘﯩﻠﺪﯨﻜﻰ،) "(ﻫﺎﻳﺎﺗﺘﯩﻦ ﺋﯜﻣﯩﺪ ﺋﯜﺯﮔﯩﻨﯩﯖﺪﻩ) ﺋﻪﻣﺪﻯ ( ﺋﯩﻤﺎﻥ ﺋﯧﻴﺘﺎﻣﺴﻪﻥ؟) ﺋﯩﻠﮕﯩﺮﻯ ﺋﺎﻟﻼﻫﻘﺎ ﺋﺎﺳﯩﻴﻠﯩﻖ ﻗﯩﻠﻐﺎﻥ ﯞﻩ ﺑﯘﺯﻏﯘﻧﭽﯩﻼﺭﺩﯨﻦ ﺑﻮﻟﻐﺎﻧﯩﺪﯨﯔ. ﺳﻪﻧﺪﯨﻦ ﻛﯧﻴﯩﻨﻜﯩﻠﻪﺭﮔﻪ ﺋﯩﺒﺮﻩﺕ ﺑﻮﻟﯘﺷﯘﯓ ﺋﯜﭼﯜﻥ، ﺑﯜﮔﯜﻥ ﺳﯧﻨﯩﯔ ﺟﻪﺳﯩﺪﯨﯖﻨﻰ ﻗﯘﺗﻘﯘﺯﯨﻤﯩﺰ(ﻳﻪﻧﻰ ﺟﻪﺳﯩﺪﯨﯖﻨﻰ ﺩﯦﯖﯩﺰﺩﯨﻦ ﭼﯩﻘﯩﺮﯨﭗ ﻗﻮﻳﯩﻤﯩﺰ )". ﺋﺎﻟﻼﻫ ﺋﯚﺯ ﯞﻩﺩﯨﺴﯩﮕﻪ ﺋﺎﺳﺎﺳﻪﻥ ﭘﯩﺮﺋﻮﻧﻨﯩﯔ ﺟﻪﺳﯩﺪﯨﻨﻰ ﺳﺎﻗﻼﭖ ﻗﻮﻳﯩﺪﯗ.

ﭘﯩﺮﺋﻮﻧﻨﯩﯔ ﺟﻪﺳﯩﺪﯨﻨﯩﯔ ﺗﯧﭙﯩﻠﯩﺸﻰ

ﺋﻪﺳﯩﺮﻟﻪﺭ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺋﯩﻨﮕﯩﻠﯩﺰﻻﺭ ﺗﻪﺭﯨﭙﯩﺪﯨﻦ "ﺟﻪﺑﻪﻟﻪﻳﻦ" ﺩﯦﮕﻪﻥ ﺟﺎﻳﺪﺍ ﺑﯩﺮ ﭼﯘﯕﻘﯘﺭﻧﯩﯔ ﺋﯩﭽﯩﺪﯨﻦ ﺑﯩﺮ ﺟﻪﺳﻪﺕ ﺗﯧﭙﯩﻠﯩﭗ، ﺋﻪﻧﮕﯩﻠﯩﻴﯩﮕﻪ ﺋﯧﻠﯩﭗ ﻛﯧﺘﯩﻠﮕﻪﻥ.

ﺑﯘ ﺟﻪﺳﻪﺗﻨﯩﯔ ﺋﯚﻣﺮﯨﻨﻰ ﺑﯩﻠﯩﺶ ﺋﯜﭼﯜﻥ، ﺟﻪﺳﻪﺗﻠﻪﺭﻧﯩﯔ ﺋﯚﻣﯜﺭﻟﯩﺮﯨﻨﻰ ﺑﯩﻠﯩﺸﺘﻪ ﻗﻮﻟﻠﯩﻨﯩﻠﯩﺪﯨﻐﺎﻥ ﻫﻪﺭﺗﯜﺭﻟﯜﻙ ﻣﯧﺘﻮﺩﻻﺭﻧﯩﯔ ﻫﻪﻣﻤﯩﺴﻰ ﻗﻮﻟﻠﯩﻨﯩﻠﻐﺎﻧﻨﯩﯔ ﺳﯩﺮﺗﯩﺪﺍ، ﻛﺎﺭﺑﻮﻥ ﺋﻮﻥ ﺗﯚﺕ ﻣﯧﺘﻮﺩﯨﻤﯘ ﺋﯩﺸﻘﺎ ﺳﯧﻠﯩﻨﻐﺎﻥ. ﺋﻪﺟﻪﺑﻠﯩﻨﻪﺭﻟﯩﻜﻜﻰ، ﺑﯘ ﺟﻪﺳﻪﺕ ﺋﯜﭺ ﻣﯩﯔ ﻳﯩﻠﻠﯩﻖ ﺑﻮﻟﯘﭖ ﭼﯩﻘﻘﺎﻥ ﺑﻮﻟﺴﯩﻤﯘ، ﺋﯘﻧﯩﯔ ﺗﯧﺮﯨﺴﯩﻼ ﭼﯩﺮﯨﮕﻪﻥ، ﺋﻪﻣﻤﺎ ﺋﻮﺭﮔﺎﻧﻠﯩﺮﻯ ﺑﯘﺯﯗﻟﻤﯩﻐﺎﻥ.

ﺋﯘﻧﯩﯔ ﺋﯜﺳﺘﯩﮕﻪ، ﺑﯘ ﺟﻪﺳﻪﺕ ﻣﯘﻣﯩﻴﺎ ﻗﯩﻠﯩﻨﻤﯩﻐﺎﻥ ﺋﯩﻜﻪﻥ. ﭼﯜﻧﻜﻰ ﻣﯘﻣﯩﻴﺎ ﻗﯩﻠﯩﻨﻐﺎﻥ ﺟﻪﺳﻪﺗﻠﻪﺭﻧﯩﯔ ﺋﯩﭽﻜﻰ ﺋﻮﺭﮔﺎﻧﻠﯩﺮﻯ ﺋﯧﻠﯩﭗ ﺗﺎﺷﻠﯩﻨﯩﺪﯗ. ﺑﯘﻧﯩﯔ ﺋﯩﭽﻜﻰ ﺋﻮﺭﮔﺎﻧﻠﯩﺮﻯ ﺟﺎﻳﯩﺪﺍ ﺋﯧﺪﻯ. ﻫﺎﺯﯨﺮ ﺑﯘ ﺟﻪﺳﻪﺕ ﺋﻪﻧﮕﯩﻠﯩﻴﻪ ﭘﺎﻳﺘﻪﺧﺘﻰ ﻟﻮﻧﺪﻭﻧﺪﯨﻜﻰ ﺗﻪﺑﯩﺌﻪﺕ ﻣﯘﺯﯨﻴﯩﺪﺍ ﻛﯚﺭﮔﻪﺯﻣﯩﮕﻪ ﻗﻮﻳﯘﻟﻤﺎﻗﺘﺎ ﺋﯩﻜﻪﻥ.

ﭘﯩﺮﺋﻮﻧﻨﯩﯔ ﺟﻪﺳﯩﺘﻰ ﺗﻮﻏﺮﯨﻠﯩﻖ ﺋﺎﺧﯩﺮﻗﻰ ﺗﻪﺗﻘﯩﻘﺎﺕ

ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﺋﺎﺑﺪﯗﻟﻬﻪﻛﯩﻢ ﻫﺎﺟﯩﻢ ﭘﯩﺮﺋﻮﻧﻨﯩﯔ ﺟﻪﺳﯩﺘﻰ ﺗﻮﻏﺮﯨﻠﯩﻖ ﺋﯧﻠﯩﭗ ﺑﯧﺮﯨﻠﻐﺎﻥ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: ﻓﺮﺍﻧﺴﯩﻴﯩﻠﯩﻚ ﻣﻪﺷﻬﯘﺭ ﻣﯧﺪﯨﺘﺴﯩﻨﺎ ﺋﺎﻟﯩﻤﻰ ﺩﻭﻛﺘﻮﺭ ﻣﯘﺭﯨﺲ ﺑﯘﻛﺎﻱ "ﻗﯘﺭﺋﺎﻥ ﯞﻩ ﺋﯩﻠﯩﻢ - ﭘﻪﻥ"ﻧﺎﻣﻠﯩﻖ ﺋﻪﺳﯩﺮﯨﺪﻩ ﭘﯩﺮﺋﻮﻧﻨﯩﯔ ﺟﻪﺳﯩﺘﻰ ﺋﯜﺳﺘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﯩﻨﯩﯔ ﻗﯘﺭﺋﺎﻥ ﻛﻪﺭﯨﻤﺪﻩ ﺑﺎﻳﺎﻥ ﻗﯩﻠﯩﻨﻐﺎﻥ ﺑﯘﻳﯩﭽﻪ ﭼﯩﻘﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ:" ﺗﻪﯞﺭﺍﺗﻨﯩﯔ ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻣﯩﺴﯩﺮﺩﯨﻦ ﭼﯩﻘﯩﭗ ﻛﻪﺗﻜﻪﻧﻠﯩﻜﻰ ﺗﻮﻏﺮﯨﻠﯩﻖ ﺭﯨﯟﺍﻳﻪﺗﻠﯩﺮﻯ ﻫﺎﺯﯨﺮ ﺷﯘ ﭘﯧﺘﻰ ﺳﺎﻗﻠﯩﻨﯩﭗ ﻛﯧﻠﯩﯟﺍﺗﻘﺎﻥ ﭘﯩﺮﺋﻮﻥ ﺟﻪﺳﯩﺪﯨﻨﯩﯔ ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺯﺍﻣﺎﻧﯩﺪﺍ ﺋﯚﺗﻜﻪﻥ ﻣﯩﺴﯩﺮ ﭘﯩﺮﺋﻮﻧﻰ ﺋﯩﻜﻜﯩﻨﭽﻰ ﺭﻩﻣﺴﯩﺴﻨﯩﯔ ﺋﯚﺯﻯ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺪﯗ. ﻳﻪﻧﻪ ﭘﯩﺮﺋﻮﻧﻨﯩﯔ ﺟﻪﺳﯩﺘﻰ ﺋﯜﺳﺘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺗﯩﺒﺒﯩﻲ ﺗﻪﺗﻘﯩﻘﺎﺗﻼﺭ ﻧﻪﺗﯩﺠﯩﺴﯩﻤﯘ ﭘﯩﺮﺋﻮﻧﻨﯩﯔ ﺳﯘﺩﺍ ﻏﻪﺭﻕ ﺑﻮﻟﯘﭖ ﺋﯚﻟﮕﻪﻧﻠﯩﻜﯩﻨﻰ ﺋﯩﺴﭙﺎﺗﻼﭖ ﺗﯘﺭﯗﭘﺘﯘ. ﺑﯩﺮﺍﻕ ﺗﻪﯞﺭﺍﺗﺘﯩﻜﻰ ﺭﯨﯟﺍﻳﻪﺗﻠﻪﺭ ﭘﯩﺮﺋﻮﻧﻨﻰ ﺳﯘ ﻳﯘﺗﯘﭖ ﻛﻪﺗﻜﻪﻧﻠﯩﻜﯩﻨﻰ ﺳﯚﺯﻟﻪﺷﺘﯩﻦ ﺑﺎﺷﻘﺎ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﻪﺭﻣﯩﮕﻪﻥ ﺑﻮﻟﺴﺎ، ﻗﯘﺭﺋﺎﻥ ﻛﻪﺭﯨﻢ ﺳﯘ ﻳﯘﺗﯘﭖ ﻛﻪﺗﻜﻪﻥ ﭘﯩﺮﺋﻮﻥ ﺟﻪﺳﯩﺪﯨﻨﯩﯔ ﻛﯧﻴﯩﻨﭽﻪ ﻗﯘﺗﻘﯘﺯﯗﻟﯘﭖ ﺳﯘﺩﯨﻦ ﭼﯩﻘﯩﺮﯨﺪﯨﻐﺎﻧﻠﯩﻘﻰ ﯞﻩ ﻛﯧﻴﯩﻨﻜﯩﻠﻪﺭﮔﻪ ﺋﯩﺒﺮﻩﺕ ﺑﻮﻟﯘﺷﻰ ﺋﯜﭼﯜﻥ ﺳﺎﻗﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ. ﻫﺎﺯﯨﺮﻗﻰ ﺯﺍﻣﺎﻥ ﻣﻪﺷﻬﯘﺭ ﺋﯩﺴﻼﻡ ﺋﺎﻟﯩﻤﻰ ﺷﻪﻳﺦ ﺋﺎﺑﺪﯗﻟﻤﻪﺟﯩﺪ ﺯﻩﻧﺪﺍﻧﻰ ﺩﻭﻛﺘﻮﺭ ﻣﯘﺭﯨﺲ ﺑﯘﻛﺎﻱ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﯩﺪﻩ، ﺑﯘﻛﺎﻳﻨﯩﯔ ﺋﯘﻧﯩﯖﻐﺎ ﺗﯩﺒﺒﯩﻲ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﭘﯩﺮﺋﻮﻧﻨﯩﯔ ﺟﻪﺳﯩﺘﻰ ﺋﯜﺳﺘﯩﺪﻩ ﺋﯧﻠﯩﭗ ﺑﺎﺭﻏﺎﻥ ﺗﻪﺗﻘﯩﻘﺎﺕ ﻧﻪﺗﯩﺠﯩﻠﯩﺮﯨﻨﻰ ﺋﯧﻴﺘﯩﭗ ﺑﻪﺭﮔﻪﻥ ﺑﻮﻟﯘﭖ، ﻣﯘﻧﺪﺍﻕ ﺩﯦﮕﻪﻥ ﺋﯩﻜﻪﻥ:" ﺗﯩﺒﺒﯩﻲ ﻣﯘﺗﻪﺧﻪﺳﺴﯩﺴﻠﻪﺭ ﭘﯩﺮﺋﻮﻧﻨﯩﯔ ﺟﻪﺳﯩﺪﯨﻨﻰ ﺗﻪﻛﺸﯜﺭﯛﭖ ﭼﯩﻘﻘﺎﻧﺪﯨﻦ ﻛﯧﻴﯩﻦ، ﺋﯘﻧﯩﯖﺪﺍ ﺳﯘﺩﺍ ﻏﻪﺭﻕ ﺑﻮﻟﯘﭖ ﺋﯚﻟﮕﻪﻧﻠﯩﻜﻨﯩﯔ ﺗﻪﺳﯩﺮﯨﻨﻰ، ﺩﯦﯖﯩﺰ ﺳﯜﻳﯩﺪﻩ ﺋﯘﺯﯗﻥ ﻣﯘﺩﺩﻩﺕ ﺗﯘﺭﻏﺎﻧﻠﯩﻘﺘﯩﻦ ﺗﯘﺯﻧﯩﯔ ﺗﻪﺳﯩﺮﯨﻨﻰ ﯞﻩ ﺳﯚﯕﻪﻛﻠﯩﺮﯨﻨﯩﯔ ﭘﺎﺭﭼﯩﻠﯩﻨﯩﭗ ﻛﻪﺗﻤﻪﺳﺘﯩﻦ ﭘﻪﻗﻪﺕ ﺳﯘ ﺑﯧﺴﯩﻤﯩﻨﯩﯔ ﺯﻩﺭﺑﯩﺴﻰ ﺑﯩﻠﻪﻥ ﺳﯘﻧﻐﺎﻧﻠﯩﻘﯩﻨﻰ ﺑﺎﻳﻘﺎﭖ ﭼﯩﻘﺘﻰ".

ﺋﺎﺑﺪﯗﻟﻬﻪﻛﯩﻢ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﺩﻭﻛﺘﻮﺭ ﺑﯘﻛﺎﻱ ﻗﯘﺭﺋﺎﻥ ﻛﻪﺭﯨﻤﻨﯩﯔ ﻣﯚﺟﯩﺰﯨﺴﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﮕﻪﻥ:" ﻗﯘﺭﺋﺎﻥ ﻛﻪﺭﯨﻢ ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﯞﺍﺳﯩﺘﯩﺴﻰ ﺑﯩﻠﻪﻥ ﺋﯩﻨﺴﺎﻧﻼﺭﻏﺎ ﻳﯧﺘﯩﭗ ﻛﻪﻟﮕﻪﻥ ﺋﻪﺳﯩﺮﺩﻩ ، ﺑﯘﺭﯗﻥ ﻣﯩﺴﯩﺮﺩﺍ ﺋﯚﺗﻜﻪﻥ ﭘﯩﺮﺋﻮﻧﻼﺭﻧﯩﯔ ﻫﻪﻣﻤﯩﺴﯩﻨﯩﯔ ﺟﻪﺳﻪﺗﻠﯩﺮﻯ ﻣﯩﺴﯩﺮﻧﯩﯔ ﺋﻮﻗﺴﯘﺭ ﺷﻪﻫﯩﺮﯨﺪﻩ ﻧﯩﻞ ﺩﻩﺭﻳﺎﺳﻰ ﺑﻮﻳﯩﺪﯨﻜﻰ "ﭘﺎﺩﯨﺸﺎﻫﻼﺭ ﻗﻪﺑﺮﯨﺴﺘﺎﻧﻠﯩﻘﻰ"ﺩﺍ ﻛﯚﻣﯜﻟﮕﻪﻥ ﻫﺎﻟﺪﺍ ﻣﻪﯞﺟﯘﺕ ﺋﯩﺪﻯ.

ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺯﺍﻣﺎﻧﯩﺪﺍ ﺑﯘ ﺟﻪﺳﻪﺗﻠﻪﺭﻧﯩﯔ ﺑﺎﺭﻟﯩﻘﻰ ﻛﯩﺸﯩﻠﻪﺭﮔﻪ ﻧﺎﻣﻪﻟﯘﻡ ﺑﻮﻟﯘﭖ، ﺑﯘ ﺟﻪﺳﻪﺗﻠﻪﺭ ﭘﻪﻗﻪﺕ ﺋﻮﻥ ﺗﻮﻗﻘﯘﺯﯨﻨﭽﻰ ﺋﻪﺳﯩﺮﻧﯩﯔ ﺋﺎﺧﯩﺮﻟﯩﺮﯨﺪﯨﻼ ﻛﻪﺷﭗ ﻗﯩﻠﯩﻨﯩﺸﻘﺎ ﺑﺎﺷﻠﯩﻐﺎﻥ. ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ ﻣﯘﺳﺎ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺯﺍﻣﺎﻧﯩﺪﺍ ﺋﯚﺗﻜﻪﻥ ﭘﯩﺮﺋﻮﻧﻨﯩﯔ ﺟﻪﺳﯩﺘﻰ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ ﺋﯩﻜﻪﻥ. ﺋﺎﻟﻼﻫ ﺗﺎﺋﺎﻻ ﭘﯩﺮﺋﻮﻧﻨﯩﯔ ﺟﻪﺳﯩﺪﯨﻨﻰ ﺧﯘﺩﺩﻯ ﻗﯘﺭﺋﺎﻥ ﻛﻪﺭﯨﻤﺪﻩ ﺑﺎﻳﺎﻥ ﻗﯩﻠﻐﯩﻨﯩﺪﻩﻙ، ﻛﯩﺸﯩﻠﻪﺭﮔﻪ ﺋﯩﺒﺮﻩﺕ ﺑﻮﻟﺴﯘﻥ ﺋﯜﭼﯜﻥ ﭘﯜﺗﯜﻧﻠﻪﻱ ﺑﯘﺯﯗﻟﯘﭖ ﻛﯧﺘﯩﺸﺘﯩﻦ ﺳﺎﻗﻼﭖ ﻗﺎﻟﻐﺎﻥ ﺋﯩﻜﻪﻥ. (ﺋﯚﻣﻪﺭﺟﺎﻥ ﺗﻮﺧﺘﻰ)