ﺑﯩﺮ ﺧﯩﺘﺎﻱ ﻣﯘﺧﺒﯩﺮﻯ 8 - ﺩﯦﻜﺎﺑﯩﺮ ﻗﺎﺭﺍﻣﺎﻱ ﺋﻮﺕ ﺋﺎﭘﯩﺘﯩﻨﯩﯔ ﻫﻪﻗﯩﻘﻰ ﺋﻪﻫﯟﺍﻟﯩﻨﻰ ﭘﺎﺵ ﻗﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﺪﺍ، ﺋﯧﻐﯩﺮ ﺩﻩﺭﯨﺠﯩﺪﯨﻜﻰ ﺋﻮﺕ ﺋﺎﭘﻪﺗﻠﯩﺮﻯ ﯞﻩ ﺷﯘ ﺳﻪﯞﻩﭘﺘﯩﻦ ﻛﯚﭘﻠﻪﭖ ﺋﺎﺩﺍﻡ ﺋﯚﻟﯜﺵ ﺩﺍﺋﯩﻢ ﻛﯚﺭﯛﻟﯜﭖ ﺗﯘﺭﯨﺪﯗ. China's Shaanxi province 20 December 2006. About 68,220 fires occurred in China from January to March 2006, killing 543 people and injuring 339, according to the Ministry of Public Security. CHINA OUT GETTY OUT AFP PHOTO

ﺧﯩﺘﺎﻱ ﻣﻪﺭﻛﯩﺰﻯ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﻣﯘﺧﺒﯩﺮﻯ ﭼﯧﻦ ﻳﺎﯞﯞﯦﻦ ﻳﯧﻘﯩﻨﺪﺍ ﺋﯚﺯﯨﻨﯩﯔ ﺷﻪﺧﺴﻰ ﺗﻮﺭ ﺑﯧﺘﯩﺪﻩ ﺯﯨﻴﺎﺭﻩﺕ ﺧﺎﺗﯩﺮﯨﺴﻰ ﺋﯧﻼﻥ ﻗﯩﻠﯩﭗ، 1994 - ﻳﯩﻠﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻗﺎﺭﺍﻣﺎﻱ ﺷﻪﻫﯩﺮﯨﺪﻩ ﻳﯜﺯ ﺑﻪﺭﮔﻪﻥ 8 - ﺩﯦﻜﺎﺑﯩﺮ ﭘﻪﯞﻗﯘﻻﺩﺩﻩ ﺯﻭﺭ ﺋﻮﺕ ﺋﺎﭘﯩﺘﯩﻨﯩﯔ ﻫﻪﻗﯩﻘﻰ ﺋﻪﻫﯟﺍﻟﯩﻨﻰ ﭘﺎﺵ ﻗﯩﻠﺪﻯ. ﭼﯧﻦ ﻳﺎﯞﯞﯦﻦ، ﺋﻪﻳﻨﻰ ﭼﺎﻏﺪﺍ ﻣﻪﺭﻛﯩﺰﻯ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﻣﯘﺧﺒﯩﺮﻯ ﺳﯜﭘﯩﺘﯩﺪﻩ ﻧﻪﻕ ﻣﻪﻳﺪﺍﻧﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﯞﻩ ﺋﻮﺕ ﺋﺎﭘﯩﺘﻰ ﺗﻮﻏﺮﯨﺴﯩﺪﺍ ﺯﯨﻴﺎﺭﻩﺕ ﺧﺎﺗﯩﺮﯨﺴﻰ ﻫﺎﺯﯨﺮﻟﯩﻐﺎﻥ ﺋﯩﻜﻪﻥ. ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﻳﻨﻰ ﭼﺎﻏﺪﺍ ﯞﻩﻗﻪ ﺗﻮﻏﺮﯨﺴﯩﺪﺍ ﺧﻪﯞﻩﺭ ﺑﯧﺮﯨﺸﻨﻰ ﭼﻪﻛﻠﯩﮕﻪﻥ ﺑﻮﻟﯘﭖ، ﭼﯧﻦ ﻳﺎﯞﯞﯦﻦ، ﺯﯨﻴﺎﺭﻩﺕ ﺧﺎﺗﯩﺮﯨﺴﯩﻨﻰ 12 ﻳﯩﻠﺪﯨﻦ ﻛﯧﻴﯩﻦ ﻳﯧﻘﯩﻨﺪﺍ ﺋﯚﺯﯨﻨﯩﯔ ﺷﻪﺧﺴﻰ ﺗﻮﺭ ﺑﯧﺘﯩﺪﻩ ﺋﯧﻼﻥ ﻗﯩﻠﺪﻯ.

ﺋﻮﺕ ﺋﺎﭘﯩﺘﯩﺪﻩ "ﺭﻩﻫﺒﯩﺮﻯ ﻛﺎﺩﯨﺮﻻﺭ" ﺗﺎﻻﭘﻪﺗﻜﻪ ﺋﯘﭼﺮﯨﻤﯩﻐﺎﻥ

1994- ﻳﯩﻠﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻗﺎﺭﺍﻣﺎﻱ ﺷﻪﻫﯩﺮﯨﺪﻩ ﻳﯜﺯ ﺑﻪﺭﮔﻪﻥ 8 - ﺩﯦﻜﺎﺑﯩﺮ ﺯﻭﺭ ﻛﯚﻟﻪﻣﻠﯩﻚ ﺋﻮﺕ ﺋﺎﭘﯩﺘﻰ 323 ﺋﺎﺩﻩﻣﻨﯩﯔ ﺟﯧﻨﯩﻐﺎ ﺯﺍﻣﯩﻦ ﺑﻮﻟﻐﺎﻥ ﺋﯩﺪﻯ. ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﻳﻨﻰ ﭼﺎﻏﺪﺍ ﯞﻩﻗﻪ ﺗﻮﻏﺮﯨﺴﯩﺪﺍ ﻣﯘﻧﺎﺯﯨﺮﻩ ﺋﯧﻠﯩﭗ ﺑﯧﺮﯨﺸﻨﻰ ﺗﻮﺳﯩﻐﺎﻥ ﺑﻮﻟﯘﭖ، ﻣﻪﺭﻛﯩﺰﻯ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﻰ ﻣﯘﺧﺒﯩﺮﻯ ﭼﯧﻦ ﻳﺎﯞﯞﯦﻨﻨﯩﯔ ﻧﻪﻕ ﻣﻪﻳﺪﺍﻧﺪﯨﻦ ﺗﻪﻳﻴﺎﺭﻟﯩﻐﺎﻥ ﺯﯨﻴﺎﺭﻩﺕ ﺧﺎﺗﯩﺮﯨﺴﯩﻨﻰ ﺋﯧﻼﻥ ﻗﯩﻠﯩﺸﻨﻰ ﭼﻪﻛﻠﻪﻧﮕﻪﻥ.

ﺋﻮﺕ ﺋﺎﭘﯩﺘﯩﺪﻩ ﺯﺍﺩﻯ ﻧﯩﻤﻪ ﯞﻩﻗﻪﻟﻪﺭ ﻳﯜﺯ ﺑﻪﺭﺩﻯ ؟ ﻫﺎﺯﯨﺮﻏﺎ ﻗﻪﺩﻩﺭ ﺟﻪﻣﺌﯩﻴﻪﺗﻜﻪ ﺋﺎﺷﻜﺎﺭﯨﻼﻧﻤﯩﻐﺎﻥ ﺑﯘ ﭘﺎﺟﯩﺌﻪﻧﯩﯔ ﺳﯩﺮﻯ ﻳﯧﻘﯩﻨﺪﺍ ﭼﯧﻦ ﻳﺎﯞﯞﯦﻦ ﺗﻪﺭﯨﭙﯩﺪﯨﻦ ﭘﺎﺵ ﻗﯩﻠﯩﻨﺪﻯ. ﭼﯧﻦ ﻳﺎﯞﯞﯦﻨﻨﯩﯔ ﺋﻪﺳﻜﻪﺭﺗﯩﺸﯩﭽﻪ،، ﺷﯘ ﻗﯧﺘﯩﻤﻘﻰ ﯞﻩﻗﻪﺩﻩ "ﺭﻩﻫﺒﻪﺭﻟﻪﺭﮔﻪ ﻳﻮﻝ ﺑﯧﺮﻩﻳﻠﻰ"، ﺩﯦﮕﻪﻥ ﺑﯩﺮ ﺋﯧﻐﯩﺰ ﺳﯚﺯ، ﺯﺍﻟﺪﯨﻜﻰ 288 ﻧﻪﭘﻪﺭ ﻳﺎﺵ ﺋﯚﺳﻤﯜﺭﻧﯩﯔ ﭘﺎﺟﯩﺌﻪﻟﯩﻚ ﻫﺎﻟﺪﺍ ﻛﯚﻳﯜﭖ ﺋﯚﻟﯜﺷﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺑﻮﻟﺴﺎ، ﺋﺎﺗﺎﻟﻤﯩﺶ "ﺭﻩﻫﺒﯩﺮﻯ ﻛﺎﺩﯨﺮﻻﺭ" ﺋﻮﺕ ﺗﯘﺗﺎﺷﻘﺎﻥ ﺟﺎﻳﻐﺎ ﺋﻪﯓ ﻳﯧﻘﯩﻦ ﻳﻪﺭﺩﻩ ﺋﻮﻟﺘﯘﺭﻏﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﻮﭖ ﺋﺎﭘﯩﺘﯩﺪﯨﻦ ﺳﺎﻕ - ﺳﺎﻻﻣﻪﺕ ﻗﯘﺗﯘﻟﯘﭖ ﻗﺎﻟﻐﺎﻥ.

1994 - ﻳﯩﻠﻰ 12 - ﺋﺎﻳﻨﯩﯔ 8 - ﻛﯜﻧﻰ ﯞﻩﻗﻪ ﻳﯜﺯ ﺑﻪﺭﮔﻪﻧﺪﻩ ﻗﺎﺭﺍﻣﺎﻱ ﺷﻪﻫﻪﺭ ﻣﻪﺭﻛﯩﺰﯨﺪﯨﻜﻰ ﺩﻭﺳﺘﻠﯘﻕ ﻗﯘﻟﯘﺑﯩﺪﺍ، ﺋﺎﺗﺎﻟﻤﯩﺶ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺭﻩﻫﺒﻪﺭﻟﻪﺭﻧﻰ ﻗﺎﺭﺷﻰ ﺋﯧﻠﯩﺶ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﻮﻗﯘﻏﯘﭼﯩﻼﺭﻧﯩﯔ ﺳﻪﻧﺌﻪﺕ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﯨﻠﯩﯟﺍﺗﺎﺗﺘﻰ. ﺯﺍﻟﺪﯨﻜﻰ ﺗﺎﻣﺎﺷﯩﺒﯩﻨﻼﺭﻧﯩﯔ ﻛﯚﭘﭽﯩﻠﯩﻜﻰ ﻗﺎﺭﺍﻣﺎﻱ ﺷﻪﻫﯩﺮﯨﺪﯨﻜﻰ ﻫﻪﺭ ﻗﺎﻳﺴﻰ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﺩﯨﻦ ﺗﺎﻟﻼﻧﻐﺎﻥ ﺋﻪﯓ ﻣﯘﻧﻪﯞﯞﻩﺭ ﺋﻮﻗﯘﻏﯘﭼﯩﻼﺭﻧﻰ ﺋﺎﺳﺎﺱ ﻗﯩﻠﻐﺎﻥ ﺑﻮﻟﯘﭖ، ﺋﯘﻻﺭ ﭘﺎﺟﯩﺌﻪﻟﯩﻚ ﺑﯩﺮ ﺑﺎﻻ - ﻗﺎﺯﺍﻧﯩﯔ ﺋﯚﺯﻟﯩﺮﯨﮕﻪ ﻳﻮﭘﯘﺭﯗﻟﯘﭖ ﻛﯧﻠﯩﯟﺍﺗﻘﺎﻧﻠﯩﻘﯩﺪﯨﻦ ﺧﻪﯞﻩﺭﺳﯩﺰ ﺋﯩﺪﻯ.

ﭼﯧﻦ ﻳﺎﯞﯞﯦﻦ، ﺯﺍﻟﺪﺍ ﺋﺎﻟﺪﯨﻨﻘﻰ ﺭﻩﺗﺘﯩﻜﻰ 26 ﻧﻪﭘﻪﺭ " ﺭﻩﻫﺒﯩﺮﻯ ﻛﺎﺩﯨﺮ"ﻧﯩﯔ ﺑﯩﺮﯨﻤﯘ ﺗﺎﻻﭘﻪﺗﻜﻪ ﺋﯘﭼﺮﯨﻤﺎﻱ ﺋﻮﺕ ﺋﺎﭘﯩﺘﯩﺪﯨﻦ ﺳﺎﻕ - ﺳﺎﻻﻣﻪﺕ ﻗﯘﺗﯘﻟﯘﭖ ﭼﯩﻘﻘﺎﻧﻠﯩﻘﯩﻨﻰ " ﻣﯚﺟﯩﺰﯨﻠﻪﺭﭼﻪ ﻗﯘﺗﯘﻟﯘﺵ،" ﺩﻩﻳﺪﯗ. ﭼﯧﻦ ﻳﺎﯞﯞﯦﻨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﻮﺕ ﺋﺎﭘﯩﺘﻰ ﺳﻪﻫﻨﻪ ﭼﯩﺮﯨﻘﯩﻨﯩﯔ ﭘﻪﺭﺩﯨﮕﻪ ﻧﺎﻫﺎﻳﯩﺘﻰ ﻳﯧﻘﯩﻦ ﻗﻮﻳﯘﻟﯘﭖ ﻗﺎﻟﻐﺎﻧﻠﯩﻘﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ.

"ﺭﻩﻫﺒﯩﺮﻯ ﻛﺎﺩﯨﺮﻻﺭﻏﺎ ﻳﻮﻝ ﺑﯧﺮﻩﻳﻠﻰ"

ﺋﯜﺭﯛﻣﭽﻰ 2 - ﻧﻮﻣﯘﺭﻟﯘﻙ ﺋﯩﻠﯩﻜﺘﻪﺭ ﺋﯩﺴﺘﺎﻧﺴﯩﺴﯩﻨﯩﯔ ﺋﻮﺕ ﻛﻪﺗﻜﻪﻥ ﻛﯚﺭﯛﻧﯜﺷﻰ. the burning Hongyangchi No. 2 Power Plant in Urumqi, China's Xinjiang Uygur Autonomous Region, 13 May 2005 as fire-fighters attempt to extinguish the blaze. Four workers were reported killed in the blast, after firefighters extinguished the fire at the plant. AFP PHOTO/str - CHINA OUT

ﭼﯧﻦ ﻳﺎﯞﯞﯦﻦ ﺋﻪﻳﻨﻰ ﭼﺎﻏﺪﺍ، ﻣﻪﺭﻛﯩﺰﻯ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﺋﻮﺑﺰﻭﺭ ﺑﯚﻟﯜﻣﯩﺪﻩ ﺋﯩﺸﻠﻪﻳﺘﺘﻰ. ﺋﯘ، ﻗﺎﺭﺍﻣﺎﻳﺪﺍ ﺋﻮﺕ ﺋﺎﭘﯩﺘﻰ ﻳﯜﺯ ﺑﯧﺮﯨﭗ ﺋﯘﺯﯗﻥ ﺋﯚﺗﻤﻪﻱ، " ﻧﯘﻗﺘﯩﻠﯩﻖ ﺳﯚﻫﺒﻪﺕ" ﭘﺮﻭﮔﺮﺍﻣﻤﯩﺴﯩﻨﯩﯔ ﻣﯘﺧﺒﯩﺮﻯ ﺳﯜﭘﯩﺘﯩﺪﻩ ﻗﺎﺭﺍﻣﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﯞﻩﻗﻪ ﺗﻮﻏﺮﯨﺴﯩﺪﺍ ﺑﯩﺮ ﺯﯨﻴﺎﺭﻩﺕ ﺧﺎﺗﯩﺮﯨﺴﻰ ﺗﻪﻳﻴﺎﺭﻟﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻫﯚﻛﯜﻣﻪﺕ ﭼﯧﻦ ﻳﺎﯞﯞﯦﻦ ﺗﻪﻳﻴﺎﺭﻟﯩﻐﺎﻥ ﻣﺎﻗﺎﻟﯩﻨﻰ ﺋﯧﻼﻥ ﻗﯩﻠﯩﺸﻨﻰ ﺗﻮﺳﯩﻐﺎﻥ.

ﭼﯧﻦ ﻳﺎﯞﯞﯦﻦ ﻣﻪﺯﻛﯘﺭ ﺯﯨﻴﺎﺭﻩﺕ ﺧﺎﺗﯩﺮﯨﺴﯩﻨﻰ ﺋﺎﺭﯨﺪﯨﻦ 12 ﻳﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺑﯘ ﻳﯩﻞ 2 - ﺋﺎﻳﺪﺍ ﺋﯚﺯﯨﻨﯩﯔ ﺷﻪﺧﺴﻰ ﺗﻮ ﺑﯧﺘﯩﺪﻩ ﺋﯧﻼﻥ ﻗﯩﻠﯩﭗ، ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭ ﯞﻩ ﺗﻮﺭﺩﺍﺷﻼﺭﻧﯩﯔ ﺋﺎﻻﻫﯩﺪﻩ ﺩﯨﻘﻘﯩﺘﯩﻨﻰ ﻗﻮﺯﻏﯩﺪﻯ. ﺋﻪﻧﮕﯩﻠﯩﻴﻪ " ﻳﻪﻛﺸﻪﻧﺒﯩﻠﯩﻚ ﺗﺎﻳﻤﯩﺰ ﮔﯧﺰﯨﺘﻰ" ﭼﯧﻦ ﻳﺎﯞﯞﯦﻨﻨﯩﯔ ﺯﯨﻴﺎﺭﻩﺕ ﺧﺎﺗﯩﺮﯨﺴﯩﺪﯨﻜﻰ ﺑﯩﺮ ﺭﯨﻴﺎﺳﻪﺗﭽﯩﻨﯩﯔ " ﺭﻩﻫﺒﻪﺭﻟﻪﺭﮔﻪ ﻳﻮﻝ ﺑﯧﺮﻩﻳﻠﻰ،" ﺩﻩﭖ ﯞﺍﻗﯩﺮﯨﻐﺎﻧﻠﯩﻘﯩﻨﻰ ﻳﺎﺯﺩﻯ.

ﭼﯧﻦ ﻳﺎﯞﯞﯦﻨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﯞﻩﻗﻪﺩﻩ ﻫﺎﻳﺎﺕ ﻗﺎﻟﻐﺎﻧﻼﺭ ﻣﯘﺧﺒﯩﺮﻻﺭﻏﺎ ﺋﻮﺕ ﺋﺎﭘﯩﺘﻰ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺳﻪﻧﺌﻪﺕ ﭘﺎﺋﺎﻟﯩﻴﯩﺘﯩﮕﻪ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﯩﯟﺍﺗﻘﺎﻥ ﻗﺎﺭﺍﻣﺎﻱ ﺷﻪﻫﻪﺭﻟﯩﻚ ﻣﺎﺋﺎﺭﯨﭗ ﻛﻮﻣﯩﺘﯧﺘﻰ ﺋﻪﻣﻪﻟﺪﺍﺭﯨﻨﯩﯔ، "ﺋﻮﻗﯘﻏﯘﭼﯩﻼﺭ ﺟﺎﻳﯩﯖﻼﺭﺩﯨﻦ ﻣﯩﺪﯨﺮﻟﯩﻤﺎﯕﻼﺭ، ﺋﺎﻟﺪﻯ ﺑﯩﻠﻪﻥ ﺭﻩﻫﺒﻪﺭﻟﻪﺭﮔﻪ ﻳﻮﻝ ﺑﯧﺮﻩﻳﻠﻰ،" ﺩﻩﭖ ﯞﺍﻗﯩﺮﯨﻐﺎﻧﻠﯩﻘﯩﻨﻰ ﭘﺎﺵ ﻗﯩﻠﻐﺎﻥ. ﺑﯘﻧﯩﯔ ﺑﯩﻠﻪﻥ ﺯﺍﻟﺪﺍ ﺋﺎﻟﺪﯨﻨﻘﻰ ﺭﻩﺗﺘﯩﻜﻰ ﺋﻮﺕ ﺗﯘﺗﺎﺷﻘﺎﻥ ﻳﻪﺭﮔﻪ ﺋﻪﯓ ﻳﯧﻘﯩﻦ ﺟﺎﻳﺪﺍ ﺋﻮﻟﺘﯘﺭﻏﺎﻥ ﺋﻪﻣﻪﻟﺪﺍﺭﻻﺭﻧﯩﯔ ﭼﯩﻘﯩﭗ ﻛﯧﺘﯩﺸﯩﻨﻰ ﻛﯜﺗﯜﭖ ﺗﯘﺭﻏﺎﻥ ﻛﯚﭘﭽﯩﻠﯩﻚ ﺋﻮﻗﯘﻏﯘﭼﻰ ﯞﻩ ﺑﯩﺮ ﻗﯩﺴﯩﻢ ﺋﻮﻗﯘﺗﻘﯘﭼﯩﻼﺭ ﺋﯩﺴﺘﺎ ﺩﯨﻤﯩﻘﯩﭗ ﺋﯚﻟﮕﻪﻥ.

ﺋﻪﻣﻪﻟﺪﺍﺭﻻﺭﻧﯩﯔ ﻗﯩﻠﻤﯩﺸﻰ ﻗﺎﺭﯨﻤﺎﻳﻠﯩﻘﻼﺭﻧﻰ ﻏﻪﺯﻩﭘﻠﻪﻧﺪﯛﺭﮔﻪﻥ

8- ﺩﯦﻜﺎﺑﯩﺮ ﭘﺎﺟﯩﺌﻪﺳﻰ ﭘﯜﺗﯜﻥ ﻗﺎﺭﯨﻤﺎﻱ ﺷﻪﻫﯩﺮﯨﻨﻰ ﭼﻮﯕﻘﯘﺭ ﻗﺎﻳﻐﯘﻏﺎ ﺳﯧﻠﯩﭙﻼ ﻗﺎﻟﻤﺎﻱ، ﻫﻪﺭ ﺑﯩﺮ ﺋﺎﺋﯩﻠﯩﮕﻪ ﭼﻮﯕﻘﯘﺭ ﺗﻪﺳﯩﺮ ﻛﯚﺭﺳﻪﺗﺘﻰ. ﻗﺎﺭﯨﻤﺎﻳﺪﯨﻜﻰ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﺑﯩﺮ ﺧﯩﺘﺎﻱ ﺋﺎﻳﺎﻟﻨﯩﯔ ﺭﺍﺩﯨﺌﻮﻣﯩﺰﻏﺎ ﺋﻪﺳﻜﻪﺭﺗﯩﺸﯩﭽﻪ، " ﺭﻩﻫﺒﯩﺮﻯ ﻛﺎﺩﯨﺮﻻﺭﻏﺎ ﻳﻮﻝ ﺑﯧﺮﻩﻳﻠﻰ،" ﺩﯦﮕﻪﻥ ﺑﯘ ﺳﯚﺯ ﻗﺎﺭﯨﻤﺎﻱ ﺧﻪﻟﻘﯩﻨﯩﯔ ﻏﻪﺯﯨﭙﯩﻨﻰ ﻗﻮﺯﻏﯩﻐﺎﻥ. ﺋﯘ ﻛﯩﺸﻰ، "ﻗﺎﺭﯨﻤﺎﻱ ﺧﻪﻟﻘﻰ ﻫﯧﻠﯩﻘﻰ ﺋﻪﻣﻪﻟﺪﺍﺭ ﺑﯘ ﺳﯚﺯﻧﻰ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ ﺋﯩﺪﻯ، ﺩﯨﻴﯩﺸﻤﻪﻛﺘﻪ. ﺑﯘ ﺳﯚﺯ ﻧﯘﺭﻏﯘﻥ ﺋﻮﻗﯘﻏﯘﭼﯩﻼﺭﻧﯩﯔ ﻗﯧﭽﯩﭗ ﭼﯩﻘﯩﺸﯩﻐﺎ ﺗﻮﺳﻘﯘﻧﻠﯘﻕ ﻗﯩﻠﻐﺎﻥ. ﺋﻪﮔﻪﺭ ﺋﯘ، ﺑﯘ ﺳﯚﺯﻧﻰ ﻗﯩﻠﻤﯩﻐﺎﻥ ﺑﻮﻟﺴﺎ ﻧﯘﺭﻏﯘﻥ ﺑﺎﻟﯩﻼﺭ ﻗﯧﭽﯩﭗ ﭼﯩﻘﻘﺎﻥ ﺑﻮﻻﻱ ﺋﯩﺪﻯ،" ﺩﻩﻳﺪﯗ.

ﻟﯧﻜﯩﻦ ﻳﺎﯞﯞﯦﻦ، ﺋﻮﺕ ﺋﺎﭘﯩﺘﯩﺪﻩ ﻳﯜﺯ ﺑﻪﺭﮔﻪﻥ ﺭﻩﺯﯨﻠﻠﯩﻜﻠﻪﺭﻧﯩﯔ ﺑﯘﻧﯩﯔ ﺑﯩﻠﻪﻥ ﭼﻪﻛﻠﻪﻧﻤﻪﻳﺪﯨﻐﺎﻧﻠﯩﻘﯩﻨﻰ ﻳﺎﺯﺩﻯ. ﺋﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﻮﺕ ﺋﺎﭘﯩﺘﻰ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ ﺷﻪﻫﻪﺭﻟﯩﻚ ﻣﺎﺋﺎﺭﯨﭗ ﻛﻮﻣﯩﺘﯧﺘﯩﻨﯩﯔ ﭘﺎﺭﺗﯩﻴﻪ ﺳﯧﻜﺮﯨﺘﺎﺭﻯ ﻛﯘﺋﺎﯓ ﻟﻰ ﻫﺎﺟﻪﺗﺨﺎﻧﯩﻐﺎ ﻗﯧﭽﯩﭗ ﻛﯩﺮﯨﯟﺍﻟﻐﺎﻥ ﯞﻩ ﻫﺎﺟﻪﺗﺨﺎﻧﺎ ﺋﯩﺸﯩﻜﯩﻨﻰ ﺗﺎﻗﯩﯟﯦﻠﯩﭗ، ﺋﻮﻏﯘﭼﯩﻼﺭﻏﺎ ﺋﯧﭽﯩﭗ ﺑﻪﺭﻣﯩﮕﻪﻥ.

ﭼﯧﻦ ﻳﺎﯞﯞﯦﻦ، ﻫﺎﺟﻪﺗﺨﺎﻧﺎ ﺳﯩﺮﺗﯩﺪﯨﻜﻰ ﺋﻮﻗﯘﻏﯘﭼﯩﻼﺭ ﺋﯩﺸﯩﻜﯩﻨﻰ ﺋﯧﭽﯩﯟﯦﺘﯩﺸﻜﻪ ﻳﺎﻟﯟﯗﺭﻏﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻛﯘﺋﺎﯓ ﻟﯩﻨﯩﯔ ﻫﺎﺟﻪﺗﺨﺎﻧﯩﻐﺎ ﺋﯩﺲ ﻛﯩﺮﯨﭗ ﻛﯧﺘﯩﺸﯩﺪﯨﻦ ﺋﻪﻧﺴﯩﺮﻩﭖ ﺋﯩﺸﯩﻜﻨﻰ ﺋﺎﭼﻤﯩﻐﺎﻧﻠﯩﻘﯩﻨﻰ ﻳﺎﺯﺩﻯ. ﻧﻪﺗﯩﺠﯩﺪﻩ ﻛﯘﺋﺎﯓ ﻟﻰ ﺳﺎﻻﻣﻪﺕ ﻗﯘﺗﯘﻟﻐﺎﻥ ﺑﻮﻟﺴﯩﻤﯘ، ﻫﺎﺟﻪﺗﺨﺎﻧﺎ ﺳﯩﺮﺗﯩﺪﺍ ﻗﺎﻟﻐﺎﻥ ﺋﯚﺳﻤﯜﺭﻟﻪﺭ ﻫﻪﻣﻤﯩﺴﻰ ﺋﯚﻟﮕﻪﻥ.

ﺟﺎﯞﺍﭘﻜﺎﺭﻻﺭ ﺋﺎﺩﯨﻞ ﺳﻮﺗﻼﻧﺪﯨﻤﯘ ؟

ﺋﻮﺕ ﺋﺎﭘﯩﺘﯩﺪﯨﻦ ﻛﯧﻴﯩﻦ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺩﻭﺳﺘﻠﯘﻕ ﺳﺎﺭﯨﻴﯩﻨﯩﯔ ﺧﺎﺩﯨﻤﻠﯩﺮﻯ ﯞﻩ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﺑﻮﻟﯘﭖ 14 ﻛﯩﺸﯩﻨﻰ ﻗﺎﻧﯘﻧﻰ ﺟﺎﯞﺍﭘﻜﺎﺭﻟﯩﻘﻘﺎ ﺗﺎﺭﺗﻘﺎﻥ ﺷﯘﻧﺪﺍﻗﻼ ﺋﯘﻻﺭﻧﯩﯔ ﺋﻪﯓ ﺋﯧﻐﯩﺮﯨﻐﺎ 7 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﻰ ﺑﯧﺮﯨﻠﮕﻪﻥ ﺑﻮﻟﯘﭖ، ﻫﺎﺟﻪﺗﺨﺎﻧﺎ ﺋﯩﺸﯩﻜﯩﻨﻰ ﺗﺎﻗﯩﯟﺍﻟﻐﺎﻥ ﻛﯘﺋﺎﯓ ﻟﻰ 4 ﻳﯩﻠﻠﯩﻖ، ﻗﺎﺭﯨﻤﺎﻱ ﺷﻪﻫﯩﺮﯨﻨﯩﯔ ﻣﯘﺋﺎﯞﯨﻦ ﺷﻪﻫﻪﺭ ﺑﺎﺷﻠﯩﻘﻰ ﻓﺎﯓ ﺗﻴﻪﻧﻠﯘ 5 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻥ.

ﻟﯧﻜﯩﻦ " ﻳﻪﻛﺸﻪﻧﺒﯩﻠﯩﻚ ﺗﺎﻳﻤﯩﺰ ﮔﯧﺰﯨﺘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺟﺎﯞﺍﭘﻜﺎﺭﻻﺭﻧﯩﯔ ﺋﺎﻟﺪﻯ ﻛﻪﻳﻨﻰ 3 ﻳﯩﻞ ﺗﯜﺭﻣﯩﺪﻩ ﻳﺎﺗﻘﺎﻧﺪﯨﻦ ﻛﯧﻴﯩﻦ ﻗﻮﻳﯘﭖ ﺑﯧﺮﯨﻠﮕﻪﻥ. (ﺋﻪﺭﻛﯩﻦ)