ﻣﯘﺗﻪﺧﻪﺳﺴﯩﺴﻠﻪﺭ: ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺧﻪﯞﭘﻨﻰ ﺩﺍﻧﺎﻟﯩﻖ ﺑﯩﻠﻪﻥ ﺑﯩﺮ ﺗﻪﺭﻩﭖ ﻗﯩﻼﻟﻤﺎﻳﺪﯗ

• ﻣﯘﺧﺒﯩﺮﯨﻤﯩﺰ ﺋﺎﺭﺯﯗﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

1989-ﻳﯩﻠﻰ 30 ﻣﺎﻳﺪﺍ ﻛﯩﺸﯩﻠﻪﺭ ﺗﻴﻪﻧﺌﻪﻧﻤﯧﻦ ﻣﻪﻳﺪﺍﻧﯩﺪﯨﻜﻰ "ﺋﻪﺭﻛﯩﻨﻠﯩﻚ ﺋﯩﻼﻫﻰ" ﺋﺎﻟﺪﯨﺪﺍ. ﺗﻴﻪﻧﻪﻧﻤﯩﻦ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﺪﻩ، ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﺪﯨﻜﻰ ﺋﻪﻟﭽﯩﺨﺎﻧﯩﺴﻰ ﺧﯩﺘﺎﻱ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﯩﻐﺎ ﺗﯧﻠﯧﻔﻮﻥ ﻗﯩﻠﯩﭗ، ﺯﺍﺩﻯ ﻧﯧﻤﻪ ﺑﻮﻟﯩﯟﺍﺗﻘﺎﻧﻠﯩﻘﻰ ﺳﻮﺭﯨﻤﺎﻗﭽﻰ ﺑﻮﻟﻐﺎﻧﺪﺍ ﻫﯧﭽﻜﯩﻢ ﺋﯘﻻﺭﻧﯩﯔ ﺗﯧﻠﯧﻔﻮﻧﯩﻨﻰ ﺋﺎﻟﻤﯩﻐﺎﻥ.

ﺋﺎﻣﯧﺮﯨﻜﯩﺪﯨﻜﻰ ﺩﺍﯕﻠﯩﻖ ﺗﻪﺗﻘﯩﻘﺎﺕ ﺋﻮﺭﯗﻧﻠﯩﺮﯨﺪﯨﻦ ﺑﻮﻟﻐﺎﻥ ﺋﺎﻣﯧﺮﯨﻜﺎ ﻛﺎﺭﺧﺎﻧﺎ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ، ﺩﯙﻟﻪﺗﻠﯩﻚ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﯞﻩ ﻣﯩﺮﺍﺱ ﻓﻮﻧﺪﻯ ﺟﻪﻣﺌﯩﻴﯩﺘﻰ ﺑﯩﺮﻟﯩﻜﺘﻪ ﺋﯚﺗﻜﻪﻥ ﺋﺎﻳﻨﯩﯔ ﺋﺎﺧﯩﺮﻯ ﭘﻪﻧﺴﯩﻠﯟﯨﻴﻨﯩﻴﺎ ﺷﺘﺎﺗﯩﺪﺍ، ﺧﯩﺘﺎﻱ ﯞﻩ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﻰ ﻫﻪﻗﻘﯩﺪﻩ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺋﯘﻳﯘﺷﺘﯘﺭﻏﺎﻥ. ﻳﯩﻐﯩﻨﺪﺍ ﺑﯘ ﺳﺎﻫﻪﺩﻩ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ 50 ﺗﯩﻦ ﺋﺎﺭﺗﯘﻕ ﻣﯘﺗﻪﺧﻪﺳﺴﯩﺲ ﺋﯚﺯ ﺗﻪﺗﻘﯩﻘﺎﺗﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ.

ﻳﯩﻐﯩﻨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﻠﻪﺭ ﺗﻮﭘﻠﯩﻨﯩﭗ، ﺋﻪﻣﺪﯨﻼ ﻛﯩﺘﺎﺏ ﻗﯩﻠﯩﭗ ﺗﯜﺯﯛﭖ ﭼﯩﻘﯩﻠﺪﻯ. ﺑﯘ ﻛﯩﺘﺎﺑﻨﯩﯔ ﺋﯩﺴﻤﻰ " ﺟﯩﺪﺩﯨﻲ ﯞﻩﺯﯨﻴﻪﺕ ﺋﺎﺳﺘﯩﺪﯨﻜﻰ ﺧﯩﺘﺎﻱ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﻗﺎﺭﺍﺭﻟﯩﺮﻯ" ﺑﻮﻟﯘﭖ، ﺋﯘﻧﻰ ﻣﯩﺮﺍﺱ ﻓﻮﻧﺪﻯ ﺟﻪﻣﺌﯩﻴﯩﺘﯩﻨﯩﯔ ﺗﻪﺗﻘﯩﻘﺎﺗﭽﯩﺴﻰ ﻟﻪﺭﯨﻲ ﯞﻭﺭﺗﺰﯨﻞ ﯞﻩ ﺋﺎﻣﯧﺮﯨﻜﺎ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﺋﯩﺸﻠﯩﺮﻯ ﭘﺮﻭﻓﯧﺴﺴﻮﺭﻯ ﺋﺎﻧﺪﯨﺮﻭ ﺳﯩﻜﯘﺑﯧﻞ ﺑﯩﺮﻟﯩﻜﺘﻪ ﺗﯜﺯﮔﻪﻥ.

ﺋﯚﺗﻜﻪﻥ ﺟﯜﻣﻪ ﻛﯜﻧﻰ ﻛﯩﺘﺎﺑﻨﻰ ﺋﯧﻼﻥ ﻗﯩﻠﯩﺶ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻣﯩﺮﺍﺱ ﻓﻮﻧﺪﻯ ﺟﻪﻣﺌﯩﻴﯩﺘﯩﺪﻩ ﺋﯚﺗﻜﯜﺯﯛﻟﮕﻪﻥ ﻳﯩﻐﯩﻨﺪﺍ، ﻛﯩﺘﺎﺑﻨﻰ ﺗﯜﺯﮔﯜﭼﯩﻠﻪﺭﻧﯩﯔ ﺑﯩﺮﻯ ﻟﻪﺭﺭﯨﻲ ﯞﻭﺭﺗﺰﯨﻞ، ﻛﯩﺘﺎﺑﺘﯩﻜﻰ ﻣﯘﻫﺎﻛﯩﻤﻪ ﻣﺎﻗﺎﻟﯩﻠﯩﺮﯨﻨﯩﯔ ﺗﻴﻪﻧﺌﻪﻧﻤﯩﻦ ﯞﻩﻗﻪﺳﻰ، ﺳﺎﺭﺱ ﻛﯧﺴﻠﻰ، ﺋﯜﭺ ﻗﯧﺘﯩﻤﻠﯩﻖ ﺋﯩﺮﺍﻕ ﺋﯘﺭﯗﺷﻰ، ﺧﯩﺘﺎﻳﻨﯩﯔ ﻳﯘﮔﯘﺳﻼﯞﯨﻴﯩﺪﯨﻜﻰ ﺋﻪﻟﭽﯩﺨﺎﻧﯩﺴﯩﻨﯩﯔ ﭘﺎﺭﺗﻼﺵ ﯞﻩﻗﻪﺳﻰ، ﺋﺎﻣﯧﺮﯨﻜﺎ- ﺧﯩﺘﺎﻱ ﺋﺎﻳﺮﻭﭘﯩﻼﻧﻠﯩﺮﯨﻨﯩﯔ ﺳﻮﻗﯘﻟﯘﺵ ﻫﺎﺩﯨﺴﯩﺴﻰ ﻗﺎﺗﺎﺭﻟﯩﻖ ﺟﯩﺪﺩﯨﻲ ﺋﻪﻫﯟﺍﻟﻼﺭ ﺋﺎﺳﺘﯩﺪﯨﻜﻰ ﺧﯩﺘﺎﻳﻨﯩﯔ ﺑﯩﺨﻪﺗﻪﺭﻟﯩﻚ ﻗﺎﺭﺍﺭﻟﯩﺮﯨﻨﻰ ﭼﯩﻘﯩﺮﯨﺶ ﺟﻪﺭﻳﺎﻧﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻳﻨﯩﯔ ﺋﯩﻨﻜﺎﺳﯩﺪﯨﻜﻰ ﭘﺎﺳﺴﯩﭙﻠﯩﻖ

ﻟﻪﺭﺭﯨﻲ ﯞﯨﺮﯨﺘﺰﯨﻠﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﺪﺍ ﻫﻪﺭ ﻗﯧﺘﯩﻢ ﻣﺎﻧﺎ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﭼﻮﯓ ﯞﻩﻗﻪﻟﻪﺭ ﻳﯜﺯ ﺑﻪﺭﮔﻪﻧﺪﻩ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺋﯩﭽﯩﺪﻩ ﭘﯩﻜﯩﺮ ﺋﯩﺨﺘﯩﻼﺑﻰ ﺑﻮﻟﯘﭖ، ﺋﯘﻻﺭ ﯞﻩﻗﻪﮔﻪ ﯞﺍﻗﺘﯩﺪﺍ ﺋﯩﻨﻜﺎﺱ ﻗﺎﻳﺘﯘﺭﺍﻟﻤﺎﻳﺪﯗ. ﺩﺍﺋﯩﻢ ﭘﺎﻟﻪﭺ ﻫﺎﻟﻪﺗﻨﻰ ﺷﻪﻛﯩﻠﻠﻪﻧﺪﯛﺭﯛﭖ، ﺧﻪﯞﭘﻠﯩﻚ ﯞﻩﺯﯨﻴﻪﺗﻠﻪﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ. ﺋﯘ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﻩﻳﺪﯗ:

"ﻫﯧﻠﯩﻤﯘ ﺋﯩﺴﯩﻤﺪﻩ، ﺗﻴﻪﻧﺌﻪﻧﻤﯩﻦ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﺪﻩ، ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﺪﯨﻜﻰ ﺋﻪﻟﭽﯩﺨﺎﻧﯩﺴﻰ ﺧﯩﺘﺎﻱ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﯩﻐﺎ ﺗﯧﻠﯧﻔﻮﻥ ﻗﯩﻠﯩﭗ، ﺯﺍﺩﻯ ﻧﯧﻤﻪ ﺑﻮﻟﯩﯟﺍﺗﻘﺎﻧﻠﯩﻘﻰ، ﺋﺎﻣﯧﺮﯨﻜﺎ ﺗﻪﺭﻩﭘﻨﯩﯔ ﺑﯩﺮ ﻗﯩﺴﯩﻢ ﺋﺎﻣﯧﺮﯨﻜﻠﯩﻘﻼﺭﻧﻰ ﺩﯙﻟﯩﺘﯩﮕﻪ ﻗﺎﻳﺘﯘﺭﯗﺷﻨﻰ ﺋﻮﻳﻠﯩﺸﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﻤﺎﻗﭽﻰ ﺑﻮﻟﻐﯩﻨﯩﺪﺍ، ﻫﯧﭽﻜﯩﻢ ﺋﯘﻻﺭﻧﯩﯔ ﺗﯧﻠﯧﻔﻮﻧﯩﻨﻰ ﺋﺎﻟﻤﯩﻐﺎﻥ. 2001 - ﻳﯩﻠﻰ ﺋﺎﻣﯧﺮﯨﻜﯩﻨﯩﯔ ﭼﺎﺭﻟﯩﻐﯘﭼﻰ ﺋﺎﻳﺮﻭﭘﯩﻼﻧﻰ ﺧﯩﺘﺎﻳﻨﯩﯔ ﻛﯚﺭﻩﺷﭽﻰ ﺋﺎﻳﺮﻭﭘﯩﻼﻧﻰ ﺑﯩﻠﻪﻥ ﺳﻮﻗﯘﻟﻐﺎﻧﺪﺍ، ﻫﻪﻣﺪﻩ ﺋﺎﻣﯧﺮﯨﻜﺎ ﺋﯘﻗﯘﺷﻤﺎﺳﻠﯩﻘﺘﯩﻦ ﺧﯩﺘﺎﻳﻨﯩﯔ ﻳﯘﮔﯘﺳﻼﯞﯨﻴﯩﺪﯨﻜﻰ ﺋﻪﻟﭽﯩﺨﺎﻧﯩﺴﯩﻨﻰ ﭘﺎﺭﺗﻼﺗﻘﺎﻧﺪﺍ، ﺧﯩﺘﺎﻱ، ﺋﺎﻣﯧﺮﯨﻜﯩﻨﯩﯔ ﺗﯧﻠﯧﻔﻮﻧﯩﻨﻰ ﺋﺎﻟﻤﯩﻐﺎﻥ. ﺧﯩﺘﺎﻳﻨﯩﯔ ﺑﯘ ﺧﯩﻞ ﭘﺎﻟﻪﭺ ﻗﯩﻠﻤﯩﺸﻰ، ﺧﻪﯞﭖ ﯞﻩ ﻣﯘﻗﯩﻤﮋﻟﯩﻘﻨﻰ ﺋﯧﻠﯩﭗ ﻛﯧﻠﯩﺪﯗ".

ﺋﻮﺧﺸﺎﺷﻠﯩﻖ ﯞﻩ ﭘﻪﺭﻕ

ﺳﯩﻴﺎﺳﯩﻲ ﻣﯘﻗﯩﻤﻠﯩﻘﻨﻰ ﻗﻮﻏﻠﯩﺸﯩﭗ، ﺋﯘﭼﯘﺭﻻﺭﻧﻰ ﻛﻮﻧﺘﺮﻭﻝ ﻗﯩﻠﯩﺶ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ. ﺷﯘﯕﺎ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻫﻪﺭ ﺩﻩﺭﯨﺠﻪ ﯞﻩﻛﯩﻠﻠﯩﺮﻯ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺪﯨﻐﺎﻥ ﻫﺎﻟﻘﯩﻠﯩﻖ ﺋﯘﭼﯘﺭﻻﺭﻧﻰ ﺗﺎﺷﻘﻰ ﺩﯗﻧﻴﺎﺩﯨﻦ ﻳﻮﺷﯘﺭﯗﭖ، ﺋﯘﻧﻰ ﺑﯘﺭﻣﯩﻼﭖ، ﺋﯩﻨﻜﺎﺭ ﻗﯩﻠﯩﭙﻼ ﻗﺎﻟﻤﺎﺳﺘﯩﻦ، ﺋﯚﺯ ﺋﯩﭽﯩﺪﯨﻤﯘ ﺋﻮﺧﺸﺎﺷﻼ ﺷﯘﻧﺪﺍﻕ ﻗﯩﻠﯩﺪﯗ

ﻟﻪﺭﺭﯨﻲ ﯞﯨﺮﯨﺘﺰﯨﻠﻨﯩﯔ ﻛﯚﺭﺳﯩﺘﯩﺸﯩﭽﻪ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺗﯘﻳﯘﻗﺴﯩﺰ ﻳﯜﺯ ﺑﻪﺭﮔﻪﻥ ﺧﻪﯞﭘﻠﻪﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯘﺳﯘﻟﻰ ﻫﺎﺯﯨﺮﻏﯩﭽﻪ ﺑﯩﺮ ﻣﻪﺳﯩﻠﻪ ﺋﯩﻜﻪﻥ. ﺷﯘﯕﺎ ﺋﯘ ﺧﯩﺘﺎﻳﻨﯩﯔ ﺧﻪﯞﭘﻠﻪﺭﻧﻰ ﺩﺍﻧﺎﻟﯩﻖ ﺑﯩﺮ ﺗﻪﺭﻩﭖ ﻗﯩﻼﻻﻳﺪﯨﻐﺎﻧﻠﯩﻘﯩﻐﺎ ﺋﯜﻣﯩﺪ ﺑﺎﻏﻠﯩﻤﺎﻳﺪﯨﻜﻪﻥ.

ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﻫﯚﻛﯜﻣﻪﺗﻨﯩﯔ ﻗﺎﺭﺍﺭ ﭼﯩﻘﯩﺮﯨﺸﺘﺎ ﻗﯩﻴﯩﻦ ﯞﻩﺯﯨﻴﻪﺗﻜﻪ ﺩﯛﭺ ﻛﯧﻠﯩﺸﻰ ﭘﻪﻗﻪﺕ ﺧﯩﺘﺎﻳﺪﯨﻼ ﺋﻪﻣﻪﺱ، ﻏﻪﺭﺏ ﺋﻪﻟﻠﯩﺮﯨﺪﯨﻤﯘ ﻛﯚﺭﯨﻠﯩﺪﯨﻜﻪﻥ. ﺋﻪﻣﻤﺎ ﺧﯩﺘﺎﻱ ﯞﻩ ﻏﻪﺭﺏ ﺋﻪﻟﻠﯩﺮﯨﻨﯩﯔ ﻗﺎﺭﺍﺭ ﭼﯩﻘﯩﺮﯨﺶ ﺟﻪﺭﻳﺎﻧﻰ ﺯﻭﺭ ﭘﻪﺭﻗﻠﯩﻨﯩﺪﯨﻜﻪﻥ:

"ﺧﯩﺘﺎﻳﻨﯩﯔ ﻏﻪﺭﺏ ﺋﻪﻟﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﺋﻪﯓ ﭼﻮﯓ ﭘﻪﺭﻗﻰ، ﺧﻪﻟﻘﻨﯩﯔ ﻣﯘﻧﺎﺯﯨﺮﻩ ﻗﯩﻠﯩﺶ ﻫﻮﻗﯘﻗﻰ ﻳﻮﻗﻠﯩﻘﯩﺪﺍ، ﺋﻮﭼﯘﻕ - ﺋﺎﺷﻜﺎﺭﺍ ﻣﯘﻧﺎﺯﯨﺮﻩ ﻗﯩﻠﯩﺶ ﭘﯘﺭﺳﯩﺘﯩﻨﯩﯔ ﻳﻮﻗﻠﯩﻘﯩﺪﺍ. ﺋﺎﻣﯧﺮﯨﻜﺎ، ﮔﯩﺮﻣﺎﻧﯩﻴﻪ ﯞﻩ ﻳﺎﯞﺭﯗﭘﺎﺩﺍ ﺋﻪﮔﻪﺭ ﺳﯩﺰ ﺑﯩﺮﻩﺭ ﻣﻪﺳﯩﻠﯩﮕﻪ ﻧﺎﺭﺍﺯﻯ ﺑﻮﻟﺴﯩﯖﯩﺰ، ﻫﯚﻛﯜﻣﻪﺗﻨﻰ ﺗﻪﻧﻘﯩﺪ ﻗﯩﻼﻻﻳﺴﯩﺰ. ﺑﯘ ﭘﯘﻗﺮﺍﻻﺭ ﺋﯜﭼﯜﻥ ﺋﯩﻨﺘﺎﻳﯩﻦ ﻫﻪﻗﻠﯩﻖ ﺑﯩﺮ ﺋﯩﺶ. ﺋﻪﻣﻤﺎ ﺧﯩﺘﺎﻳﺪﺍ ﺑﻮﻟﺴﺎ ﺋﯘﻧﺪﺍﻕ ﺋﻪﻣﻪﺱ. ﻛﯩﺸﯩﻠﻪﺭ ﺑﻮﻟﯘﭘﻤﯘ ﺳﯩﻴﺎﺳﯩﻲ ﻣﻪﺳﯩﻠﯩﻠﻪﺭﺩﻩ ﻫﯚﻛﯜﻣﻪﺕ ﺑﯩﻠﻪﻥ ﺗﻮﻗﯘﻧﯘﺷﯘﭖ ﻗﺎﻟﺴﺎ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯘﺳﯘﻟﻰ، ﻳﺎﻛﻰ ﺳﯩﺰﻧﻰ ﺗﯜﺭﻣﯩﮕﻪ ﺗﺎﺷﻼﻳﺪﯗ، ﻳﺎﻛﻰ ﺳﯩﺰ ﺟﯧﻨﯩﯖﯩﺰﺩﯨﻦ ﺋﺎﻳﺮﯨﻠﯩﺴﯩﺰ".

ﺋﺎﻟﺪﯨﻨﻘﻰ ﺋﯩﺶ - ﻫﺎﻛﯩﻤﯩﻴﻪﺗﻨﻰ ﺳﺎﻗﻼﭖ ﻗﯩﻠﯩﺶ

ﺋﺎﻣﯧﺮﯨﻜﺎ ﺩﯙﻟﻪﺗﻠﯩﻚ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﺋﯩﺸﻠﯩﺮﻯ ﺗﻪﺗﻘﯩﻘﺎﺗﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ، ﻛﯩﺘﺎﺑﻨﯩﯔ ﻳﻪﻧﻪ ﺑﯩﺮ ﺗﯜﺯﮔﯜﭼﯩﺴﻰ ﭘﺮﻭﻓﯧﺴﺴﻮﺭ ﺋﺎﻧﺪﯨﺮﻭ ﺳﯩﻜﯘﺑﯧﻠﻨﯩﯔ ﺑﯩﻠﺪﯛﺭﯛﺷﯩﭽﻪ، ﻫﺎﺯﯨﺮ ﺧﯩﺘﺎﻳﺪﺍ ﻛﯩﺸﯩﻠﻪﺭ ﻣﺎﺭﻛﯩﺴﯩﺰﻣﻐﺎ ﻗﻪﺗﺌﯩﻲ ﺋﯧﺘﯩﻘﺎﺩ ﻗﯩﻠﻤﺎﻳﺪﯨﻐﺎﻥ ﺑﻮﻟﯘﭖ، ﺧﯩﺘﺎﻱ ﻛﻮﻣﭙﺎﺭﺗﯩﻴﻪ ﻫﺎﻛﯩﻤﯩﻴﯩﺘﯩﻨﯩﯔ ﻗﺎﻧﯘﻧﯩﻲ ﺋﻮﺭﻧﯩﻤﯘ ﺑﺎﺭﻏﺎﻧﺴﯩﺮﻯ ﻛﯩﺸﯩﻠﻪﺭﻧﻰ ﮔﯘﻣﺎﻧﻼﻧﺪﯗﺭﻣﺎﻗﺘﺎ. ﺋﯘ ﺑﯘﻧﺪﺍﻕ ﺋﻪﻫﯟﺍﻝ ﺋﺎﺳﺘﯩﺪﺍ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺋﯩﻜﻜﻰ ﺗﻪﺭﻩﭘﺘﯩﻦ ﺋﯚﺯﯨﻨﯩﯔ ﻫﺎﻛﯩﻤﯩﻴﯩﺘﯩﻨﻰ ﺗﯧﺮﻩﭖ ﺗﯘﺭﯨﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ:

"ﺑﯩﺮ ﺗﻪﺭﻩﭘﺘﯩﻦ ﯞﻩﺗﻪﻧﭙﻪﺭﯞﻩﺭﻟﯩﻜﻨﻰ ﺗﻪﺭﻏﯩﭗ ﻗﯩﻠﯩﺶ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻘﺎ ﺗﺎﻳﯩﻨﯩﺶ. ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﻯ ﺋﯚﺗﻜﻪﻧﻜﻰ ﻧﻪﭼﭽﻪ ﺋﻮﻥ ﻳﯩﻠﻨﯩﯔ ﺋﯩﭽﯩﺪﻩ ﺷﯩﺪﺩﻩﺕ ﺑﯩﻠﻪﻥ ﺗﯧﺰ ﺗﻪﺭﻩﻗﻘﯩﻲ ﻗﯩﻠﺪﻯ. ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﺑﯘﻧﺪﺍﻕ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﺳﯜﺭﺋﯩﺘﯩﻨﻰ ﺋﺎﻣﺎﻟﻨﯩﯔ ﺑﺎﺭﯨﭽﻪ ﺳﺎﻗﻼﭖ ﻗﯧﻠﯩﺸﻘﺎ ﺗﯩﺮﯨﺸﯩﯟﺍﺗﯩﺪﯗ. ﺋﯩﻨﺘﺎﻳﯩﻦ ﺭﻭﺷﻪﻧﻜﻰ، ﺋﯩﻘﺘﯩﺴﺎﺩﻗﺎ ﺗﺎﻳﯩﻨﯩﭗ، ﭘﯘﻗﺮﺍﻻﺭﻧﯩﯔ ﻣﺎﻳﯩﻠﻠﯩﻘﯩﻨﻰ ﺳﯧﺘﯩﯟﯦﻠﯩﺶ، ﺧﯩﺘﺎﻱ ﻛﻮﻣﭙﺎﺭﺗﯩﻴﻪ ﺭﻩﻫﺒﻪﺭﻟﯩﺮﯨﻨﯩﯔ ﻫﺎﺯﯨﺮﻗﻰ ﺋﻪﯓ ﻣﯘﻫﯩﻢ ﺋﯩﺸﻰ" .

ﺧﯩﺘﺎﻳﻨﯩﯔ ﻏﻪﺭﺏ ﺋﻪﻟﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﺋﻪﯓ ﭼﻮﯓ ﭘﻪﺭﻗﻰ، ﺧﻪﻟﻘﻨﯩﯔ ﻣﯘﻧﺎﺯﯨﺮﻩ ﻗﯩﻠﯩﺶ ﻫﻮﻗﯘﻗﻰ ﻳﻮﻗﻠﯩﻘﯩﺪﺍ، ﺋﻮﭼﯘﻕ - ﺋﺎﺷﻜﺎﺭﺍ ﻣﯘﻧﺎﺯﯨﺮﻩ ﻗﯩﻠﯩﺶ ﭘﯘﺭﺳﯩﺘﯩﻨﯩﯔ ﻳﻮﻗﻠﯩﻘﯩﺪﺍ..... ﻛﯩﺸﯩﻠﻪﺭ ﺑﻮﻟﯘﭘﻤﯘ ﺳﯩﻴﺎﺳﯩﻲ ﻣﻪﺳﯩﻠﯩﻠﻪﺭﺩﻩ ﻫﯚﻛﯜﻣﻪﺕ ﺑﯩﻠﻪﻥ ﺗﻮﻗﯘﻧﯘﺷﯘﭖ ﻗﺎﻟﺴﺎ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯘﺳﯘﻟﻰ، ﻳﺎﻛﻰ ﺳﯩﺰﻧﻰ ﺗﯜﺭﻣﯩﮕﻪ ﺗﺎﺷﻼﻳﺪﯗ، ﻳﺎﻛﻰ ﺳﯩﺰ ﺟﯧﻨﯩﯖﯩﺰﺩﯨﻦ ﺋﺎﻳﺮﯨﻠﯩﺴﯩﺰ.

ﺋﯘﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﻣﯚﻟﭽﻪﺭﻟﯩﮕﯩﻠﻰ ﺑﻮﻟﯩﺪﯨﻐﺎﻥ ﺧﻪﯞﭘﻠﻪﺭﮔﻪ ﺋﯩﻨﻜﺎﺱ ﻗﺎﻳﺘﯘﺭﯨﯟﺍﺗﻘﺎﻥ ﺑﻮﻟﺴﯩﻤﯘ، ﺑﯩﺮﺍﻕ ﺋﯘﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺸﻰ ﻣﯘﻛﻪﻣﻤﻪﻝ ﺋﻪﻣﻪﺱ. ﯛﻧﯜﻣﻰ ﺋﯩﻨﺘﺎﻳﯩﻦ ﺗﯚﯞﻩﻥ ﺋﯩﻜﻪﻥ. ﻫﺎﻟﺒﯘﻛﻰ ﻣﯚﻟﭽﻪﺭﻟﯩﮕﯩﻠﻰ ﺑﻮﻟﻤﺎﻳﺪﯨﻐﺎﻥ ﺧﻪﯞﭘﻠﻪﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺸﺘﺎ، ﺧﯩﺘﺎﻳﻨﻰ ﺋﯩﻘﺘﯩﺪﺍﺭﺳﯩﺰ ﺩﯦﻴﯩﺸﻜﻪ ﺑﻮﻟﯩﺪﯨﻜﻪﻥ.

ﺳﯩﻴﺎﺳﯩﻲ ﻣﯘﻗﯩﻤﻠﯩﻘﻨﯩﯔ ﺧﯩﺘﺎﻳﺪﯨﻜﻰ ﺋﻮﺭﻧﻰ

ﻣﻪﺯﻛﯘﺭ ﻛﯩﺘﺎﺑﻘﺎ ﻛﯩﺮﮔﯜﺯﯛﻟﮕﻪﻥ " 2002 - 2003 ﻳﯩﻠﯩﺪﯨﻜﻰ ﺳﺎﺭﯨﺲ: ﺧﻪﯞﭘﻨﻰ ﺋﯩﺪﺍﺭﻩ ﻗﯩﻠﯩﺶ ﻫﻪﻗﻘﯩﺪﯨﻜﻰ ﻣﯘﻻﻫﯩﺰﯨﻠﻪﺭ" ﺩﯨﮕﻪﻥ ﻣﺎﻗﺎﻟﯩﻨﯩﯔ ﺋﺎﭘﺘﻮﺭﻯ ﺳﯘﺯﯨﻦ ﭘﯘﺳﻜﺎﻣﯘ ﻳﯩﻐﯩﻨﺪﺍ ﺳﯚﺯ ﻗﯩﻠﯩﭗ، ﺳﺎﺭﯨﺲ ﻛﯧﺴﯩﻠﻰ 2002 - ﻳﯩﻠﯩﻨﯩﯔ ﺋﺎﺧﯩﺮﻯ ﭘﺎﺭﺗﻠﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﭘﻪﻗﻪﺕ 2003 - ﻳﯩﻠﻰ 4 - ﺋﺎﻳﺪﺍ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺑﯧﺴﯩﻤﻰ ﺑﯩﻠﻪﻥ ﻛﯧﺴﻪﻟﻠﯩﻚ ﺋﻪﻫﯟﺍﻟﯩﻨﻰ ﺋﯩﻘﺮﺍﺭ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻫﺎﻛﯩﻤﯩﻴﯩﺘﯩﻨﻰ ﺳﺎﻗﻼﺵ ﺋﯜﭼﯜﻥ، ﺋﯘﭼﯘﺭﻧﻰ ﻛﻮﻧﺘﺮﻭﻝ ﻗﯩﻠﯩﭗ، ﺧﻪﻟﻘﻨﯩﯔ ﺳﺎﻏﻼﻣﻠﯩﻘﻰ ﺑﯩﻠﻪﻥ ﻫﯧﺴﺎﺑﻼﺷﻤﯩﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﻣﯘﻧﺪﺍﻕ ﺩﯦﺪﻯ:

"ﺳﯩﻴﺎﺳﯩﻲ ﻣﯘﻗﯩﻤﻠﯩﻘﻨﻰ ﻗﻮﻏﻠﯩﺸﯩﭗ، ﺋﯘﭼﯘﺭﻻﺭﻧﻰ ﻛﻮﻧﺘﺮﻭﻝ ﻗﯩﻠﯩﺶ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ. ﺷﯘﯕﺎ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻫﻪﺭ ﺩﻩﺭﯨﺠﻪ ﯞﻩﻛﯩﻠﻠﯩﺮﻯ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺪﯨﻐﺎﻥ ﻫﺎﻟﻘﯩﻠﯩﻖ ﺋﯘﭼﯘﺭﻻﺭﻧﻰ ﺗﺎﺷﻘﻰ ﺩﯗﻧﻴﺎﺩﯨﻦ ﻳﻮﺷﯘﺭﯗﭖ، ﺋﯘﻧﻰ ﺑﯘﺭﻣﯩﻼﭖ، ﺋﯩﻨﻜﺎﺭ ﻗﯩﻠﯩﭙﻼ ﻗﺎﻟﻤﺎﺳﺘﯩﻦ، ﺋﯚﺯ ﺋﯩﭽﯩﺪﯨﻤﯘ ﺋﻮﺧﺸﺎﺷﻼ ﺷﯘﻧﺪﺍﻕ ﻗﯩﻠﯩﺪﯗ".

ﭘﺮﻭﻓﯧﺴﺴﻮﺭ ﺋﺎﻧﺪﯨﺮﻭ ﺳﯩﻜﻮﺑﯩﻠﻨﯩﯔ ﻗﺎﺭﯨﺸﯩﭽﻪ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ، ﺧﯩﺘﺎﻳﺪﺍ ﭘﯘﻗﺮﺍﻻﺭ ﺑﺎﺭﻏﺎﻧﺴﯩﺮﻯ ﺋﻪﺭﻛﯩﻨﻠﯩﻚ ﺗﻪﻟﻪﭖ ﻗﯩﻠﯩﯟﺍﺗﻘﺎﻥ ﺑﻮﻟﯘﭖ، ﺑﯘ ﺋﻪﻫﯟﺍﻝ ﺩﺍﯞﺍﻣﻠﯩﺸﯩﯟﻩﺭﺳﻪ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺧﻪﻟﻘﻘﻪ ﺑﻮﻟﻐﺎﻥ ﻛﻮﻧﺘﺮﻭﻟﻠﯩﻘﻰ ﺋﺎﺟﯩﺰﻟﯩﺸﯩﭗ، ﺋﺎﺧﯩﺮﻯ ﺧﯩﺘﺎﻳﺪﺍ ﺩﯦﻤﻮﻛﺮﺍﺗﯩﻴﯩﻨﯩﯔ ﺋﻪﻣﻪﻟﮕﻪ ﺋﯧﺸﯩﺸﯩﻐﺎ ﻳﻮﻝ ﺋﯧﭽﯩﺸﻰ ﻣﯘﻣﻜﯩﻦ ﺋﯩﻜﻪﻥ. (ﺋﺎﺭﺯﯗ)