ﭼﻪﻛﻠﯩﻚ ﺑﻮﻟﻐﺎﻥ ﻗﺎﺵ ﺗﯧﺸﻰ ﺑﺎﻳﻠﯩﻘﻰ ﭼﻪﻛﺴﯩﺰ ﺋﯧﭽﯩﻠﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻗﺎﺷﺘﯧﺸﻰ ﻗﺎﭼﺎ. image courtesy: National Museum of Natural History

ﺋﯘﻳﻐﯘﺭ ﺋﯧﻠﯩﻨﯩﯔ ﻗﯩﻤﻤﻪﺗﻠﯩﻚ ﻳﻪﺭﻟﯩﻚ ﺑﺎﻳﻠﯩﻘﻠﯩﺮﻯ، ﺑﯧﺰﻩﻙ ﺑﻮﻳﯘﻣﻠﯩﺮﻯ ﺋﯩﭽﯩﺪﻩ ﻗﺎﺵ ﺗﯧﺸﻰ ﺑﻮﻳﯘﻣﻠﯩﺮﯨﻨﯩﯔ ﺗﺎﺭﯨﺨﻰ ﺋﯘﺯﯗﻥ ﺋﯩﻨﺘﺎﻳﯩﻦ ﺩﺍﯕﻠﯩﻖ. ﻗﺎﺵ ﺗﯧﺸﯩﻨﯩﯔ ﻣﺎﻛﺎﻧﻰ ﺧﻮﺗﻪﻥ. ﺧﻮﺗﻪﻥ ﻗﺎﺵ ﺗﯧﺸﻰ ﺋﯘﻳﻐﯘﺭ ﺋﯧﻠﯩﻨﯩﯔ ﺋﺎﻻﻫﯩﺪﻩ ﻣﻪﺩﻩﻧﯩﻲ ﻣﻪﻫﺴﯘﻻﺗﻰ ﺳﯜﭘﯩﺘﯩﺪﻩ ﺋﯘﺯﺍﻕ ﺗﺎﺭﯨﺨﺘﯩﻦ ﺑﯘﻳﺎﻥ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﻐﺎ ﺋﯧﺴﯩﻞ ﺑﻮﻳﯘﻡ ﺳﯜﭘﯩﺘﯩﺪﻩ ﺗﺎﺭﺍﻟﻐﺎﻥ.

ﻗﺎﺵ ﺗﯧﺸﻰ ﺋﯘﺯﺍﻕ ﺗﺎﺭﯨﺦ ﯞﻩ ﻣﻪﺩﯨﻨﯩﻴﻪﺗﻨﯩﯔ ﺋﯩﺴﭙﺎﺗﻰ

ﺧﻮﺗﻪﻧﻨﯩﯔ ﻳﻮﺭﯗﯕﻘﺎﺵ، ﻗﺎﺭﯨﻘﺎﺵ ﺩﻩﺭﻳﺎﻟﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ 30 ﻧﻪﭼﭽﻪ ﺩﻩﺭﻳﺎ ﺋﯧﻘﯩﻤﻠﯩﺮﯨﻨﯩﯔ ﯞﺍﺩﯨﺴﻰ ﻣﻮﻝ ﻗﺎﺷﺘﯧﺸﻰ ﺑﺎﻳﻠﯩﻘﻠﯩﺮﻯ ﻣﻪﻧﺒﻪﺳﻰ ﻫﯧﺴﺎﺑﻠﯩﻨﯩﺪﯗ. ﺗﻪﺧﻤﯩﻨﻠﯩﻨﯩﺸﯩﭽﻪ ﻗﺎﺵ ﺗﯧﺸﯩﻨﯩﯔ ﺋﻮﻣﯘﻣﯩﻲ ﺯﺍﭘﺎﺱ ﻣﯩﻘﺪﺍﺭﻯ 2ﻣﯩﻠﻴﻮﻥ 800 ﻣﯩﯔ ﺗﻮﻧﻨﯩﻐﺎ ﻳﯧﺘﯩﺪﯨﻜﻪﻥ. ﺋﻪﻣﻤﺎ ﺋﯜﭺ ﺋﻮﺭﯗﻧﺪﯨﻼ 30 ﻣﯩﯔ ﺗﻮﻧﻨﺎ ﻗﺎﺵ ﺗﯧﺸﻰ ﻗﯧﺰﯨﺸﻘﺎ ﺑﻮﻟﯩﺪﯨﻜﻠﻪﻥ. ﻣﯘﺗﻪﺧﻪﺳﯩﺴﻠﻪﺭ ﻫﺎﺯﯨﺮ ﺋﯩﻨﺴﺎﻧﻼﺭﻧﯩﯔ ﻗﺎﺵ ﺗﯧﺸﻰ ﻗﯧﺰﯨﺸﯔ ﻣﯩﻘﺪﺍﺭﯨﻨﯩﯔ ﺑﯘﻧﯩﯖﺪﯨﻦ ﻧﻪﭼﭽﻪ ﻫﻪﺳﺴﻪ ﺋﺎﺭﺗﯘﻕ ﺑﻮﻟﯘﭖ ﻣﻜﻪﺗﻜﻪﻧﻠﯩﻜﯩﻨﻰ ﻛﯚﺭﺳﻪﺗﻤﻪﻛﺘﻪ.

ﺗﺎﺭﯨﺨﯩﻲ ﻣﺎﺗﯧﺮﯨﻴﺎﻟﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ ﺧﻮﺗﻪﻥ ﻗﺎﺵ ﺗﯧﺸﻰ ﺭﻭﺩﯨﺴﯩﻨﯩﯔ ﺗﺎﺭﯨﺨﻰ 8000 ﻣﯩﯔ ﻳﯩﻠﻼﺭ ﺋﻪﺗﺮﺍﭘﯩﺪﺍ ﺑﻮﻟﯘﭖ ﻳﯧﯖﻰ ﺗﺎﺵ ﻗﻮﺭﺍﻟﻼﺭ ﺩﻩﯞﺭﯨﺪﯨﻦ ﺑﺎﺷﻼﻧﻐﺎﻥ. ﻳﯧﺰﯨﻖ ﺑﺎﺭﻟﯩﻘﻘﺎ ﻛﻪﻟﮕﻪﻧﺪﯨﻦ ﺑﯘﻳﺎﻧﻘﻰ 4000 ﻳﯩﻠﻠﯩﻖ ﺗﺎﺭﯨﺨﯩﻲ ﺧﺎﺗﯩﺮﯨﻠﻪﺭﺩﯨﻦ ﻗﺎﺵ ﺗﯧﺸﻰ ﺗﻮﻏﺮﯨﺴﯩﺪﺍ ﻧﯘﺭﻏﯘﻥ ﺭﯨﯟﺍﻳﻪﺕ ﻫﻪﻣﺪﻩ ﺧﺎﺗﯩﺮﯨﻠﻪﺭ ﻣﻪﻳﺪﺍﻧﻐﺎ ﻛﻪﻟﮕﻪﻥ. 1982 - ﻳﯩﻠﻰ ﻧﯧﺮﻩﻥ ﺩﻩﺭﻳﺎ ﺳﺎﻫﯩﻠﻠﯩﺮﯨﺪﯨﻦ 6470 ﻳﯩﻠﻼﺭ ﺑﯘﺭﯗﻥ ﻳﺎﺷﯩﻐﺎﻥ ﺑﯩﺮ ﺋﺎﻳﺎﻟﻨﯩﯔ ﺟﻪﺳﯩﺘﻰ ﺗﯧﭙﯩﻠﻐﺎﻧﺪﺍ ﺋﯘﻧﯩﯔ ﻳﯧﻨﯩﺪﯨﻦ ﻳﯘﻣﺸﺎﻕ ﻗﺎﺵ ﺗﯧﺸﯩﺪﯨﻦ ﺋﯘﺳﺘﺎﺗﻠﯩﻖ ﺑﯩﻠﻪﻥ ﻧﻪﭘﯩﺲ ﻳﺎﺳﺎﻟﻐﺎﻧﻘﺎﺵ ﺗﯧﺸﯩﺪﺍ ﻳﺎﺳﺎﻟﻐﺎﻥ ﺑﯩﺮ ﭘﺎﻟﺘﺎ ﺗﯧﭙﯩﻠﻐﺎﻥ.

ﺩﯗﻧﻴﺎﻏﺎ ﻣﻪﺷﻬﯘﺭ ﻳﯩﭙﻪﻙ ﻳﻮﻟﻰ ﻣﻪﻳﺪﺍﻧﻐﺎ ﻛﯧﻠﯩﺸﺘﯩﻦ 2000ﻳﯩﻞ ﺑﯘﺭﯗﻧﻼ " ﻗﺎﺵ ﺗﯧﺸﻰ ﻳﻮﻟﻰ " ﺑﺎﺭﻟﯩﻘﻘﺎ ﻛﻪﻟﮕﻪﻥ. ﻳﻪﺭﻟﯩﻚ ﺧﻪﻟﻖ ﻗﺎﺵ ﺗﯧﺸﯩﻨﻰ ﻛﯜﻧﺪﯨﻠﯩﻚ ﺗﯘﺭﻣﯘﺵ ﺑﻮﻳﯘﻣﻠﯩﺮﻯ، ﺯﯨﺒﯘ -ﺯﯨﻨﻨﻪﺕ ﺑﯧﺰﻩﻙ ﺑﻮﻳﯘﻣﻼﺭ ﺳﯜﭘﯩﺘﯩﺪﻩ ﺋﯩﺸﻠﻪﺗﻠﻜﻪﻧﺪﯨﻦ ﺑﺎﺷﻘﺎ ﻫﻪﺭﺑﯩﻲ ﻗﻮﺭﺍﻟﻼﺭﻧﯩﻤﯘ ﻳﺎﺳﯩﻐﺎﻥ. ﻫﻪﻣﺪﻩ ﺋﯘ ﻗﯩﻤﻤﻪﺗﻠﯩﻚ ﺑﻮﻳﯘﻡ ﺳﯜﭘﯩﺘﯩﺪﻩ ﺳﻮﺩﺍ ﻳﻮﻟﻠﯩﺮﻯ ﺑﯩﻠﻪﻥ ﺧﯩﺘﺎﻱ ﺋﯩﭽﻰ ﻫﻪﻣﺪﻩ ﺑﺎﺷﻘﺎ ﺋﻪﻟﻠﻪﺭﮔﻪ ﺗﻮﺷﯘﻟﻐﺎﻥ. ﺧﻮﺗﻪﻥ ﻗﺎﺵ ﺗﯧﺸﯩﻨﯩﯔ ﺭﻩﺳﻤﻰ ﻗﯧﺰﯨﻠﯩﺶ ﺗﺎﺭﯨﺨﻰ ﺋﺎﺯ ﺩﯦﮕﻪﻧﺪﯨﻤﯘ500 ﻳﯩﻞ ﺋﻪﺗﺮﺍﭘﯩﺪﺍ ﺋﯩﻜﻪﻥ.

ﻗﯩﻤﻤﻪﺗﻠﯩﻚ ﺗﺎﺵ- ﺋﯧﭽﯩﺶ - ﺑﯘﻻﺵ‏- ﺑﯘﺯﯗﻟﯘﺵ

ﻧﯚﯞﻩﺗﺘﻪ ﺧﻮﺗﻪﻧﺪﯨﻦ ﺗﯧﭙﯩﻠﻐﺎﻥ ﺋﯧﺴﯩﻞ ﺗﺎﺷﻼﺭﻧﯩﯔ ﺗﯜﺭﻯ 72 ﺧﯩﻠﻐﺎ، ﺑﯘﻧﯩﯔ ﺋﯩﭽﯩﺪﻩ ﻗﺎﺵ ﺗﯧﺸﯩﻨﯩﯔ ﺗﯘﺭﯨﻼ 44ﺧﯩﻠﻐﺎ ﻳﯧﺘﯩﺪﯗ.

ﺋﯘﻳﻐﯘﺭ ﺋﯧﻠﯩﻨﯩﯔ ﻳﻪﺭ ﺑﺎﻳﻠﯩﻘﻠﯩﺮﯨﻐﺎ ﺩﺍﺋﯩﺮ ﺋﯩﺴﺘﺎﺗﯩﺴﺘﯩﻜﯩﺴﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺧﻮﺗﻪﻥ ﺗﻪﯞﻩﺳﯩﺪﻩ ﺋﯧﭽﯩﻠﻐﺎﻥ ﻫﻪﺭ ﻗﺎﻳﺴﻰ ﻗﺎﻧﯘﻧﻠﯘﻕ ﻗﺎﺵ ﺗﯧﺸﻰ ﻗﯧﺰﯨﺶ ﻛﺎﻧﻠﯩﺮﻯ ﻳﯩﻠﺪﺍ ﺗﻪﺧﻤﯩﻨﻪﻥ 280 ﺗﻮﻧﻨﺎ ﻗﺎﺵ ﺗﯧﺸﻰ ﻗﯧﺰﯨﯟﺍﺗﻘﺎﻥ ﺑﻮﻟﯘﭖ، 75%ﺋﻰ ﺳﯜﺯﯛﻙ ﺋﺎﻕ ﻗﺎﺵ ﺗﯧﺸﻰ، ﻗﺎﺵ ﺗﯧﺸﯩﻨﯩﯔ ﺋﺎﺯ ﺑﯩﺮ ﻗﯩﺴﻤﻰ ﻳﻪﺭﻟﯩﻚ ﺧﻪﻟﻖ ﺋﯩﮕﯩﻠﯩﻜﯩﺪﻩ ﺑﻮﻟﺴﯩﻤﯘ ﺋﻪﻣﻤﺎ ﻛﯚﭖ ﻗﯩﺴﻤﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺗﻮﺷﯘﻟﯩﺪﯗ.

ﮔﻪﺭﭼﻪ ﺧﻮﺗﻪﻥ ﻗﺎﺵ ﺗﯧﺸﯩﻨﯩﯔ ﺗﯜﺭﻯ ﻛﯚﭖ، ﺳﯜﭘﯩﺘﻰ ﺋﻪﻻ ﺑﻮﻟﺴﯩﻤﯘ ﺋﻪﻣﻤﺎ ﻳﻪﻧﯩﻼ ﺋﯘﻧﯩﯔ ﺯﺍﭘﺎﺱ ﻣﯩﻘﺪﺍﺭﻯ ﭼﻪﻛﻠﯩﻚ ﺋﻪﻟﯟﻩﺗﺘﻪ. ﺋﻪﻣﻤﺎ ﺑﯘ ﻗﯩﻤﻤﻪﺗﻠﯩﻚ ﺗﺎﺷﻼﺭ ﻳﯩﻠﻼﺭﺩﯨﻦ ﺑﯘﻳﺎﻥ، ﻗﺎﻻﻳﻤﯩﻘﺎﻥ ﻗﺎﺯﻏﯘﭼﻰ ﻗﻮﺷﯘﻧﻼﺭﻧﯩﯔ ﺑﯘﻻﯓ -ﺗﺎﻻﯓ ﻗﯩﻠﯩﺸﯩﻐﺎ ﺋﯘﭼﺮﺍﭖ ﻛﻪﻟﻤﻪﻛﺘﻪ. ﺋﯩﻜﻜﻰ ﻳﯩﻞ ﺑﯘﺭﯗﻥ ﺧﻮﺗﻪﻧﺪﯨﻜﻰ ﻗﺎﺵ ﺗﯧﺸﻰ ﺋﻪﯓ ﻛﯚﭖ ﭼﯩﻘﯩﺪﯨﻐﺎﻥ ﺋﯩﻜﻜﻰ ﺩﻩﺭﻳﺎ ﺑﻮﻟﻐﺎﻥ ﻳﻮﺭﯗﯕﻘﺎﺵ ﻫﻪﻣﺪﻩ ﻗﺎﺭﯨﻘﺎﺵ ﺩﻩﺭﻳﺎﻟﯩﺮﯨﺪﺍ ﻗﺎﻻﻳﻤﯩﻘﺎﻥ ﻛﺎﻥ ﻗﯧﺰﯨﺸﻨﻰ ﭼﻪﻛﻠﻪﺵ ﻫﻪﻗﻘﯩﺪﻩ ﺑﻪﻟﮕﯩﻠﯩﻤﯩﻠﻪﺭ ﺋﯧﻼﻥ ﻗﯩﻠﯩﻨﻐﺎﻥ ﺋﯩﺪﻯ. ﺋﻪﭘﺴﯘﺱ ﺑﯘ ﺩﻩﺭﻳﺎﻻﺭﻏﺎ ﻗﺎﺵ ﺗﯧﺸﯩﻨﻰ ﻗﺎﻻﻳﻤﯩﻘﺎﻥ ﻗﯧﺰﯨﺶ ﻳﻪﻧﯩﻼ ﺩﺍﯞﺍﻡ ﺋﻪﺗﻤﻪﻛﺘﻪ.

ﺷﯩﻨﺨﯘﺋﺎ ﺗﻮﺭﯨﻨﯩﯔ ﺩﯛﺷﻪﻧﺒﻪ ﺑﻪﺭﮔﻪﻥ ﺧﻪﯞﯨﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ ﻧﯚﯞﻩﺗﺘﻪ ﻳﻮﺭﯗﯕﻘﺎﺵ ﺩﻩﺭﻳﺎﺳﯩﻨﯩﯔ ﻳﯘﻗﯩﺮﻗﻰ ﺋﯧﻘﯩﻤﯩﺪﺍ 200ﻣﯩﯖﭽﻪ ﺋﺎﺩﻩﻡ 2000ﻳﻪﺭ ﻗﯧﺰﯨﺶ ﻛﯩﺮﺍﻧﻰ ﺑﯩﻠﻪﻥ ﻫﻪﺭﻛﻪﺕ ﻗﯩﻠﯩﯟﺍﺗﻘﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﻗﺎﻻﻳﻤﯩﻘﺎﻥ ﻗﯧﺰﯨﺶ ﻫﻪﺭﯨﻜﯩﺘﻰ ﺟﻪﺭﻳﺎﻧﯩﺪﺍ، ﺩﻩﺭﻳﺎﻧﯩﯔ ﺋﯩﻜﻜﻰ ﻗﯧﻨﯩﺪﺍ ﻧﻪﭼﭽﻪ ﻛﯩﻠﻮﻣﯧﺘﯩﺮﻏﺎ ﺳﻮﺯﯗﻟﻐﺎﻥ، ﺋﻮﻥ ﻧﻪﭼﭽﻪ ﻣﯧﺘﯩﺮ ﭼﻮﯕﻘﯘﺭﻟﯘﻗﺘﯩﻜﻰ ﺋﺎﺯﮔﺎﻟﻼﺭ ﭘﻪﻳﺪﺍ ﺑﻮﻟﻐﺎﻥ ﻫﻪﻡ ﺑﯘﻧﯩﯔ ﺑﯩﻠﻪﻥ ﺩﻩﺭﻳﺎ ﯞﺍﺩﯨﺴﯩﺪﺍ ﻛﻪﻟﻜﯜﻥ ﺋﺎﭘﻪﺗﻠﯩﺮﻯ ﻳﯜﺯ ﺑﻪﺭﮔﻪﻥ.

ﺧﻮﺗﻪﻥ ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﺪﯨﻦ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺳﺎﻗﭽﻰ، ﻧﯚﯞﻩﺗﺘﻪ ﻗﺎﺵ ﺗﯧﺸﯩﻨﻰ ﻗﺎﻻﻳﻤﯩﻘﺎﻥ ﻗﺎﺯﻏﯘﭼﯩﻼﺭﻧﯩﯔ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺋﯧﻜﻮﻟﻮﮔﯩﻴﯩﻠﯩﻚ ﺑﯘﺯﻏﯘﻧﭽﯩﻠﯩﻘﻠﯩﺮﻯ ﺳﻪﯞﻩﺑﯩﺪﯨﻦ ﻫﻪﺗﺘﺎ ﺗﺎﺵ ﻳﻮﻝ ﻗﯘﺭﯗﻟﯘﺷﯩﻤﯘ ﺋﯧﻐﯩﺮ ﯞﻩﻳﺮﺍﻧﭽﯩﻠﯩﻘﻘﺎ ﺋﯘﭼﺮﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﻗﺎﺵ ﺗﯧﺸﻰ ﮔﯚﻫﻪﺭﻟﻪﺭ ﺋﯩﭽﯩﺪﯨﻜﻰ ﮔﯚﻫﻪﺭﮔﻪ ﺋﺎﻳﻼﻧﻤﺎﻗﺘﺎ

ﻗﺎﺵ ﺗﯧﺸﻰ ﻗﯩﻤﻤﻪﺕ ﺑﺎﻫﺎﻟﯩﻖ ﺗﺎﺵ ﺑﻮﻟﯘﭖ ﺋﻪﯓ ﺳﯜﭘﻪﺗﻠﻜﻠﯩﺮﯨﻨﯩﯔ ﺑﺎﻫﺎﺳﻰ ﻧﻪﭼﭽﻪ ﻣﯩﻠﻴﻮﻥ ﻳﯜﺋﻪﻧﮕﻪ ﺑﺎﺭﯨﺪﯗ. 1990ﻳﯩﻠﻼﺭﺩﺍ ﺑﯩﺮﯨﻨﭽﻰ ﺩﻩﺭﯨﺠﯩﻠﯩﻚ ﻗﺎﺵ ﺗﯧﺸﻰ ﺭﻭﺩﯨﺴﯩﻨﯩﯔ ﻫﻪﺭ ﻛﯧﻠﻮﺳﯩﻨﯩﯔ ﺑﺎﻫﺎﺳﻰ 300- ﻳﯜﺋﻪﻧﺪﯨﻦ 350 ﻳﯜﺋﻪﻧﮕﯩﭽﻪ ﺑﻮﻟﻐﺎﻥ ﺑﻮﻟﺴﺎ، ﻧﯚﯞﻩﺗﺘﻪ 100ﻣﯩﯔ ﻳﯜﺋﻪﻧﻨﯩﯔ ﺋﯜﺳﺘﯩﮕﻪ ﭼﯩﻘﻘﺎﻥ ﺑﻮﻟﯘﭖ ﺋﻮﻥ ﻧﻪﭼﭽﻪ ﻳﯩﻞ ﺟﻪﺭﻳﺎﻧﯩﺪﯨﻼ ﻗﺎﺵ ﺗﯧﺸﻰ ﺑﺎﻫﺎﺳﻰ ﻧﻪﭼﭽﻪ ﺋﻮﻥ ﻫﻪﺳﺴﻪ ﻗﺎﺗﻼﻧﻐﺎﻥ. ﺧﻮﺗﻪﻥ ﻗﺎﺵ ﺗﯧﺸﻰ ﺑﺎﺯﯨﺮﯨﺪﯨﻦ ﺋﯩﮕﯩﻠﯩﺸﯩﻤﯩﺰﭼﻪ، ﺑﯩﺮ ﻳﯩﻠﻐﺎ ﻳﯧﻘﯩﻦ ﯞﺍﻗﯩﺖ ﺋﯩﭽﯩﺪﻩ ﻗﺎﺵ ﺗﯧﺸﯩﻨﯩﯔ ﺑﺎﻫﺎﺳﻰ ﺗﯧﺨﯩﻤﯘ ﺗﯧﺰ ﺋﯚﺭﻟﯩﮕﻪﻥ ﺑﻮﻟﯘﭖ، ﻗﺎﺵ ﺗﯧﺸﻰ ﺳﻮﺩﯨﺴﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ ﻛﯧﻠﯩﯟﺍﺗﻘﺎﻟﯩﻘﯩﻐﺎ ﻳﯩﮕﯩﺮﻣﻪ ﻧﻪﭼﭽﻪ ﻳﯩﻞ ﺑﻮﻟﻐﺎﻥ ﺑﯩﺮ ﺋﯘﻳﻐﯘﺭ ﺳﻮﺩﯨﮕﻪﺭﻧﯩﯔ ﺑﯩﻠﺪﯛﺭﯛﺷﯩﮕﻪ ﻗﺎﺭﯨﻐﺎﻧﺪﺍ، ﻗﺎﺵ ﺗﯧﺸﯩﻨﯩﯔ ﺋﯚﺭﻟﯩﺸﻰ، ﻗﺎﺵ ﺗﯧﺸﻰ ﺯﺍﭘﯩﺴﯩﻨﯩﯔ ﺋﺎﺯﻻﭖ ﻛﻪﺗﻜﯩﻨﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻥ.

ﻗﺎﺵ ﺗﯧﺸﯩﻨﻰ ﻗﯧﺰﯨﺶ ﻣﻪﺯﮔﯩﻠﻰ ﺋﺎﺩﻩﺗﺘﻪ ﭘﻪﺳﯩﻠﮕﻪ ﻗﺎﺭﺍﭖ ﺑﻪﺵ ﺋﺎﻳﭽﻪ ﺑﻮﻟﯘﭖ ﻫﺎﺯﯨﺮ ﺩﻩﻝ ﻗﺎﺵ ﺗﯧﺸﻰ ﻗﯧﺰﯨﺶ ﻣﻪﺯﮔﯩﻠﯩﻨﯩﯔ ﻳﯘﻗﯘﺭﻯ ﺑﺎﺳﻘﯘﭼﻰ. ﺑﯧﻴﺠﯩﯔ ﺋﯘﻧﯟﯦﺴﺘﯩﺘﯩﻨﯩﯔ ﻗﯩﻤﻤﻪﺗﻠﯩﻚ ﺗﺎﺵ ﻳﺎﻗﯘﺗﻼﺭﻧﻰ ﺑﺎﻫﺎﻻﺵ ﻣﯘﺗﻪﺧﻪﺳﺴﯩﺴﻰ ﯞﺍﯓ ﻧﯩﯔ ﺷﯩﻨﺨﯘﺋﺎ ﺋﺎﮔﯧﻨﺘﻠﯩﻘﻰ ﻣﯘﺧﺒﯩﺮﯨﻐﺎ ﺑﯩﻠﺪﯛﺭﯛﺷﯩﭽﻪ، ﺋﻪﮔﻪﺭ ﺧﻮﺗﻪﻥ ﻗﺎﺵ ﺗﯧﺸﻰ ﺑﺎﻳﻠﯩﻘﻠﯩﺮﯨﻨﻰ ﻗﺎﻻﻳﻤﯩﻘﺎﻥ ﻗﯧﺰﯨﺶ ﻫﻪﺭﯨﻜﻪﺗﻠﯩﺮﻯ ﻣﯘﺷﯘﻧﺪﺍﻕ ﺩﺍﯞﺍﻣﻼﺷﺴﺎ، ﺑﻪﺵ ﺋﺎﻟﺘﻪ ﻳﯩﻠﺪﯨﻦ ﻛﯧﻴﯩﻦ ﺧﻮﺗﻪﻥ ﻗﺎﺵ ﺗﯧﺸﻰ ﭘﯜﺗﯜﻧﻠﻪﻱ ﻗﯘﺭﯗﭖ ﻛﯧﺘﯩﺪﯨﻜﻪﻥ. (ﮔﯜﻟﭽﯧﻬﺮﻩ)