ﻗﺎﺷﺘﯧﺸﻰ ﻳﯘﺭﺗﯩﺪﺍ ﺑﯘﻧﯩﯖﺪﯨﻦ ﻛﯧﻴﯩﻦ ﻗﺎﺷﺘﯧﺸﻰ ﺗﯧﭙﯩﻼﺭﻣﯘ؟
2006-08-30
3 - ﻧﯚﯞﻩﺗﻠﯩﻚ ﻗﺎﺷﺘﯧﺸﻰ ﻣﻪﺩﻩﻧﯩﻴﻪﺕ ﺳﺎﻳﺎﻫﻪﺕ ﺑﺎﻳﺮﯨﻤﻰ ﺧﻮﺗﻪﻧﺪﻩ ﺋﺎﺟﺎﻳﯩﭗ ﺩﺍﻏﺪﯗﻏﺎ ﺑﯩﻠﻪﻥ ﺑﺎﺷﻼﻧﺪﻯ. ﺑﯘ ﮔﯜﺯﻩﻝ ﻗﻪﺩﯨﻤﻰ ﻗﺎﺷﺘﯧﺸﻰ ﻳﯘﺭﺗﻰ ﻧﯘﺭﻏﯘﻥ ﺳﺎﻳﺎﻫﻪﺗﭽﻰ ﻣﯧﻬﻤﺎﻧﻼﺭﻧﻰ ﺋﯚﺯﯨﮕﻪ ﺟﻪﻟﭗ ﻗﯩﻠﺪﻯ. ﺑﺎﻳﺮﺍﻡ ﻣﯘﺭﺍﺳﯩﻤﯩﺪﺍ ﺧﻮﺗﻪﻧﻨﯩﯔ ﺗﻪﺭﻩﻗﻘﯩﻴﺎﺗﻰ، ﺑﺎﻳﻠﯩﻘﻠﯩﺮﻯ، ﻣﻪﺩﻩﻧﯩﻴﻪﺕ ﺳﻪﻧﺌﯩﺘﻰ ﺗﻪﺷﯟﯨﻖ ﻗﯩﻠﯩﻨﺪﻯ. ﺧﻮﺗﻪﻥ ﻫﯚﻛﯜﻣﻪﺕ ﯞﻩ ﭘﺎﺭﺗﯩﻴﻪ ﻛﺎﺩﯨﺮﻟﯩﺮﻯ ﺑﯘ ﺑﺎﻳﻠﯩﻖ ﻣﺎﻛﺎﻧﯩﻨﯩﯔ ﻳﻪﻧﯩﻤﯘ ﻛﯚﭖ ﺋﺎﭼﻘﯘﭼﯩﻼﺭﻏﺎ ﻣﻪﺑﻠﻪﻍ ﺳﺎﻟﻐﯘﭼﯩﻼﺭﻏﺎ ﻣﻮﻫﺘﺎﺝ ﺑﻮﻟﯘﭖ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﻗﺎﻳﺘﺎ ﺟﺎﻛﺎﺭﻟﯩﺪﻯ.
ﻗﺎﺷﺘﯧﺸﻰ ﻗﯧﺰﯨﺶ ﻣﯘﻫﯩﺘﻨﻰ ﺋﯧﻐﯩﺮ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﺗﻘﺎﻥ
ﺋﻪﻣﻤﺎ ﭼﻪﻛﻠﯩﻚ ﺑﺎﻳﻠﯩﻖ ﻣﻪﻧﺒﻪﻟﯩﺮﯨﻨﻰ ﺷﯘ ﺧﯩﻞ ﺑﺎﻳﻠﯩﻖ ﺋﯧﭽﯩﺶ ﻫﻪﺭﯨﻜﻪﺗﻠﯩﺮﯨﻨﯩﯔ ﻧﺎﺑﯘﺕ ﻗﯩﻠﯩﯟﺍﺗﻘﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﻤﯩﺪﻯ. ﺋﻪﻣﻤﺎ ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭ ﻫﻪﻣﺪﻩ ﻛﯚﺯﻩﺗﻜﯜﭼﯩﻠﻪﺭ، ﻗﺎﺷﺘﯧﺸﯩﻨﯩﯔ ﻫﻪﺩﺩﯨﺪﯨﻦ ﺯﯨﻴﺎﺩﻩ ﻗﺎﻻﻳﻤﯩﻘﺎﻥ ﺋﯧﭽﯩﻠﯩﺸﻰ ﯞﻩ ﺑﯘﻧﯩﯔ ﺑﯩﻠﻪﻥ ﻛﯧﻠﯩﭗ ﭼﯩﻘﯩﯟﺍﺗﻘﺎﻥ ﺋﯧﻜﻮﻟﻮﮔﯩﻴﯩﻠﯩﻚ ﺑﯘﺯﯗﻟﯘﺵ ﻫﺎﻟﻪﺗﻠﯩﺮﯨﮕﻪ ﺩﯨﻘﻘﻪﺕ ﻗﯩﻠﻤﺎﻗﺘﺎ.
ﺋﯩﻠﮕﯩﺮﻛﻰ ﭘﺮﻭﮔﺮﺍﻣﻤﯩﺰﺩﺍ ﺋﯩﮕﯩﻠﯩﮕﯩﻨﯩﻤﯩﺰﺩﻩﻙ، ﻧﯚﯞﻩﺗﺘﻪ ﻗﺎﺷﺘﯧﺸﻰ ﺑﯩﺮ ﻗﻪﺩﻩﺭ ﻛﯚﭖ ﭼﯩﻘﯩﺪﯨﻐﺎﻥ ﻳﻮﺭﯗﯕﻘﺎﺵ ﺩﻩﺭﻳﺎ ﯞﺍﺩﯨﺴﯩﺪﺍ ﻗﺎﺷﺘﯧﺸﻰ ﻗﺎﺯﻏﯘﭼﯩﻼﺭﻧﯩﯔ ﻧﻪﭼﭽﻪ ﻣﯩﯔ ﻛﯩﺮﺍﻥ ﻣﺎﺷﯩﻨﯩﻼﺭ ﺋﺎﺭﻗﯩﻠﯩﻖ ﻛﯧﭽﻪ ﻛﯜﻧﺪﯛﺯ ﻗﺎﺷﺘﯧﺸﻰ ﻛﻮﻟﯩﺸﻰ ﺑﯩﻠﻪﻥ ﺩﻩﺭﻳﺎﻧﯩﯔ ﺋﯩﻜﻜﻰ ﺳﺎﻫﯩﻠﯩﺪﺍ ﭼﻮﯕﻘﯘﺭ ﺋﺎﺯﮔﺎﻟﻼﺭ ﭘﻪﻳﺪﺍ ﺑﻮﻟﯘﭖ ﺳﯘ ﻫﻪﻡ ﺗﯘﭘﺮﺍﻗﻨﯩﯔ ﺋﯧﻘﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﭗ ﺋﻪﺳﻠﯩﺪﯨﻜﻰ ﺗﻪﺑﯩﻲ ﻣﯘﻫﯩﺖ ﺋﯧﻐﯩﺮ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﻐﺎﻥ.
ﺧﻮﺗﻪﻥ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ ﻳﻮﺭﯗﯕﻘﺎﺵ ﺩﻩﺭﻳﺎ ﯞﺍﺩﯨﺴﯩﺪﺍ ﻳﻪﺭ ﻛﻮﻻﺵ ﻛﯩﺮﺍﻧﻠﯩﺮﻯ ﺑﯩﻠﻪﻥ ﻗﺎﺷﺘﯧﺸﻰ ﻛﻮﻻﯞﺍﺗﻘﺎﻧﻼﺭ ﺋﺎﺳﺎﺳﻪﻥ ﻳﻪﺭﻟﯩﻚ ﺧﻪﻟﻖ ﺋﯩﻜﻪﻥ. ﺋﻪﻣﻤﺎ ﺑﻪﺯﻯ ﻳﻪﺭﻟﯩﻚ ﺋﺎﺩﻩﻣﻠﻪﺭﺩﯨﻦ ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ ﮔﻪﺭﭼﻪ ﻗﺎﺷﺘﯧﺸﻰ ﺗﯧﺮﯨﺶ ﻣﻪﺷﻐﯘﻻﺗﻰ ﻗﯩﻠﯩﯟﺍﺗﻘﺎﻧﻼﺭ ﺟﯩﻴﻪ ﻳﯧﺰﯨﺴﻰ ﯞﻩ ﻟﻮﭘﻨﯩﯔ ﺩﯦﻬﻘﺎﻧﻠﯩﺮﻯ ﺑﻮﻟﺴﯩﻤﯘ ﺋﻪﻣﻤﺎ ﺋﯘﻻﺭ، ﻗﺎﺷﺘﯧﺸﻰ ﻗﯧﺰﯨﺶ ﺋﯜﭼﯜﻥ ﻣﻪﺑﻠﻪﻍ ﺳﯧﻠﯩﭗ ﺩﻩﺭﻳﺎ ﻗﯧﻨﯩﻨﻰ ﻛﯚﺗﯜﺭﯨﮕﻪ ﺋﺎﻟﻐﺎﻥ ﺧﯩﺘﺎﻱ ﺋﺎﭼﻘﯘﭼﯩﻼﺭﻏﺎ ﻳﺎﻟﻠﯩﻨﯩﭗ ﺋﯩﺸﻠﻪﯞﺍﺗﻘﺎﻥ ﯞﺍﻗﯩﺘﻠﯩﻖ ﺋﯩﺸﭽﯩﻼﺭ ﺋﯩﻜﻪﻥ:
ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭﻧﯩﯔ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺟﺎﯞﺍﺑﻠﯩﺮﻯ
ﺑﯩﺰ ﺧﻮﺗﻪﻧﺪﻩ ﻗﺎﺷﺘﯧﺸﻰ ﻗﯧﺰﯨﺶ ﺋﯩﺸﻠﯩﺮﯨﻨﻰ ﻗﻪﻳﻪﺭﻧﯩﯔ ﺑﺎﺷﻘﯘﺭﯨﺪﯨﻐﺎﻧﻠﯩﻘﻰ، ﺑﯘ ﻫﻪﻗﺘﻪ ﻗﺎﻧﯘﻥ ﻫﻪﻡ ﻧﯩﺰﺍﻣﻼﺭﻧﯩﯔ ﺑﺎﺭ ﻳﻮﻗﻠﯩﻘﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ﻟﻮﭖ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻜﻪ ﺗﯧﻠﯧﻔﻮﻥ ﻗﯩﻠﺪﯗﻕ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﻫﯚﻛﯜﻣﻪﺕ ﺧﺎﺩﯨﻤﯩﺪﯨﻦ ﻳﻮﺭﯗﯕﻘﺎﺵ ﺩﻩﺭﻳﺎ ﯞﺍﺩﯨﻠﯩﺮﯨﻨﯩﯔ ﻗﺎﺷﺘﯧﺸﻰ ﻗﺎﺯﻏﯘﭼﯩﻼﺭ ﺗﻪﺭﯨﭙﯩﺪﯨﻦ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﻐﺎﻧﻠﯩﻘﯩﺪﯨﻦ ﺧﻪﯞﯨﺮﻯ ﺑﺎﺭ ﻳﻮﻗﻠﯩﻘﯩﻨﻰ ﺳﻮﺭﯨﻐﯩﻨﯩﻤﯩﺰﺩﺍ ﺋﯘ "ﻗﺎﺷﺘﯧﺸﻰ ﻳﯘﺭﺗﯩﻤﯩﺰﻧﯩﯔ ﺩﺍﯕﻠﯩﻖ ﻣﻪﻫﺴﯘﻻﺗﻰ، ﺋﯘﻧﻰ ﻗﯧﺰﯨﺶ ﺋﯩﺸﻠﯩﺮﯨﻨﻰ ﺋﯧﻠﯩﭗ ﺑﯧﺮﯨﯟﺍﺗﯩﺪﯗ ﺑﯩﺮﺍﻕ ﻛﯧﭽﻪ ﻛﯜﻧﺪﯛﺯ ﻗﺎﺯﻣﯩﺪﻯ. ﺑﯩﺰ ﺑﯘ ﺋﯩﺸﻘﺎ ﻧﺎﻫﺎﻳﯩﺘﻰ ﻛﯚﯕﯜﻝ ﺑﯚﻟﯩﯟﺍﺗﯩﻤﯩﺰ ﻣﻪﺧﺴﯘﺱ ﺑﯘ ﻫﻪﻗﺘﻪ ﺑﻪﻟﮕﯩﻠﯩﻤﯩﻠﻪﺭﻣﯘ ﺑﺎﺭ، ﺋﯘﻧﺪﺍﻕ ﻗﺎﻻﻳﻤﯩﻘﺎﻥ ﻗﯧﺰﯨﺶ، ﺋﯧﻜﻮﻟﻮﮔﯩﻴﯩﻨﻰ ﺋﯧﻐﯩﺮ ﺑﯘﺯﯗﺵ ﻳﯜﺯ ﺑﻪﺭﻣﯩﺪﻯ ﺩﻩﭖ ﺋﯩﻨﻜﺎﺭ ﻗﯩﻠﺪﻯ.
ﺑﯩﺮﺍﻕ ﺧﻮﺗﻪﻥ ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﻰ ﺗﯜﻧﯜﮔﯜﻥ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻧﺪﺍ ﻗﺎﻧﯘﻧﺴﯩﺰ ﻗﯧﺰﯨﺶ ﺑﯩﻠﻪﻥ ﺩﻩﺭﻳﺎ ﺋﯧﻜﻮﻟﻮﮔﯩﻴﯩﺴﯩﻨﯩﯔ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﻐﺎﻧﺪﯨﻦ ﺳﯩﺮﺕ ﺋﯩﻜﻜﯩﻨﭽﻰ ﻧﻮﻣﯘﺭﻟﯘﻕ ﺗﺎﺵ ﻳﻮﻟﻨﯩﯖﻤﯘ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ ﺋﯩﺪﻯ.
ﻫﯚﻛﯜﻣﻪﺗﻨﯩﯔ ﻗﺎﺷﺘﯧﺸﻰ ﻗﯧﺰﯨﺸﺘﯩﻜﻰ ﺑﻪﻟﮕﯩﻠﯩﻤﯩﻠﯩﺮﻯ
ﺑﯘ ﻫﯚﻛﯜﻣﻪﺕ ﺧﺎﺩﯨﻤﻰ ﻳﻪﻧﻪ ﻗﺎﻧﺪﺍﻕ ﺭﻩﺳﻤﯩﻴﻪﺗﻠﻪﺭ ﺋﺎﺭﻗﯩﻠﯩﻖ ﻗﺎﺷﺘﯧﺸﻰ ﺗﯧﺮﯨﺸﻘﺎ ﺭﯗﺧﺴﻪﺕ ﻗﯩﻠﯩﻨﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺳﻮﺭﯨﻐﺎﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ "ﺋﯘ ﺑﻪﻟﮕﯩﻠﯩﻤﯩﻠﻪﺭ ﺑﻮﻳﯩﭽﻪ ﺗﯘﭘﺮﺍﻕ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﯩﻐﺎ ﺗﯧﺸﻰ ﭼﯩﻘﯩﺪﯨﻐﺎﻥ ﺩﻩﺭﻳﺎ ﯞﺍﺩﯨﻠﯩﺮﯨﻨﻰ ﻛﯚﺗﯜﺭﻩ ﺋﺎﻟﻐﯘﭼﯩﻼﺭﻏﺎ ﺳﯧﺘﯩﭗ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺋﯘﻻﺭ ﻗﺎﺷﺘﯧﺸﻰ ﻗﯧﺰﯨﺶ ﺋﯩﺸﻠﯩﺮﯨﻨﻰ ﺋﯧﻠﯩﭗ ﺑﺎﺭﺳﺎ ﺑﻮﻟﯩﺪﯗ ﺋﺎﺩﻩﺗﺘﻪ ﻗﺎﺯﻏﯘﭼﯩﻼﺭﻧﯩﯔ ﻗﺎﺷﺘﯧﺸﻰ ﻗﯧﺰﯨﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻗﺎﺯﻏﺎﻥ ﺋﻮﺭﯗﻧﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺷﻰ ﺷﻪﺭﺕ ﻗﯩﻠﯩﻨﻐﺎﻥ. ﻣﻪﺑﻠﻪﻍ ﺳﺎﻟﻐﯘﭼﯩﻼﺭ ﻳﻪﺭﻧﻰ ﺳﯧﺘﯩﯟﯦﻠﯩﭗ ﻗﯧﺪﯨﺮﯨﺶ ﻛﯩﺮﺍﻧﻠﯩﺮﯨﻨﻰ ﺳﯧﺘﯩﯟﯦﻠﯩﭗ ﺩﯦﻬﻘﺎﻧﻼﺭﻧﻰ ﺋﯩﺸﻠﯩﺘﯩﺪﯗ. ﺋﺎﺩﻩﺗﺘﻪ ﻳﻪﺭﻟﯩﻚ ﺩﯦﻬﻘﺎﻧﻼﺭ ﻗﺎﺷﺘﯧﺸﯩﻨﻰ ﭘﯩﺸﺸﯩﻖ ﺑﯩﻠﯩﺪﯨﻐﺎﻥ ﺑﻮﻟﻐﺎﭼﻘﺎ ﺷﯘﻻﺭ ﻗﯩﻠﯩﺪﯗ. ﻫﺎﺯﯨﺮ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻦ ﻛﯧﻠﯩﭗ ﻗﺎﺷﺘﯧﺸﻰ ﻗﯧﺰﯨﺸﻘﺎ ﻣﻪﺑﻠﻪﻍ ﺳﺎﻟﻐﯘﭼﯩﻼﺭ ﺋﯩﻜﻜﻰ ﺋﯜﭺ ﻣﯩﯖﮕﻪ ﺑﺎﺭﯨﺪﯗ" ﺩﯦﺪﻯ.
ﺑﯩﺰ ﭼﻪﻛﻠﯩﻚ ﺑﻮﻟﻐﺎﻥ ﻗﺎﺷﺘﯧﺸﻰ ﺑﺎﻳﻠﯩﻘﯩﻨﻰ ﺑﯘﻧﺪﺍﻕ ﻗﯧﺰﯨﯟﯦﺮﯨﺸﻨﯩﯔ ﻗﺎﺷﺘﯧﺸﯩﻨﯩﯔ ﻳﻮﻗﺎﭖ ﻛﯧﺘﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻧﻠﯩﻘﯩﻨﻰ ﺋﻮﻳﻠﯩﻤﯩﺪﯨﯖﻼﺭﻣﯘ؟ ﭼﻪﻛﻠﯩﻚ ﺑﺎﻳﻠﯩﻘﻨﻰ ﻗﻮﻏﺪﺍﺷﻘﺎ ﺑﯩﺮﻩﺭ ﺗﻪﺩﺑﯩﺮ ﺋﺎﻟﻤﺎﻗﭽﻰ ﺋﻪﻣﻪﺳﻤﯘ ﺳﯩﻠﻪﺭ ﺩﻩﭖ ﺳﻮﺭﯨﺪﯗﻕ ؟
ﺋﯘ ﺑﯘ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺑﻪﻥ "ﻫﺎﺯﯨﺮ ﺧﻮﺗﻪﻧﺪﻩ ﻗﺎﺷﺘﯧﺸﻰ ﺑﺎﻳﺮﯨﻤﻰ ﺋﯚﺗﻜﯜﺯﯨﻠﯩﯟﺍﺗﯩﺪﯗ، ﻗﺎﺷﺘﯧﺸﻰ ﺧﻮﺗﻪﻧﻨﯩﯔ ﺋﯜﭺ ﭼﻮﯓ ﮔﯚﻫﯩﺮﯨﻨﯩﯔ ﺑﯩﺮﻯ، ﺋﯧﭽﯩﻠﻐﺎﻥ ﻗﯧﺰﯨﯟﯦﻠﯩﻨﻐﺎﻥ ﻗﺎﺷﺘﯧﺸﻰ ﺋﺎﺳﺎﺳﻪﻥ ﺑﺎﺯﺍﺭ ﺋﯧﻬﺘﯩﻴﺎﺟﯩﻨﻰ ﻗﺎﻟﺪﯗﺭﯗﯞﺍﺗﯩﺪﯗ. ﺋﯧﭽﯩﻠﯩﺸﻘﺎ ﺑﻮﻟﯩﺪﯨﻐﺎﻥ ﺑﺎﻳﻠﯩﻘﻼﺭﻧﻰ ﻫﯚﻛﯜﻣﻪﺕ ﺋﯧﭽﯩﺶ ﯞﻩ ﭘﺎﻳﺪﯨﻠﯩﻨﯩﺸﻨﻰ ﺗﻪﯞﺳﯩﻴﻪ ﻗﯩﻠﯩﺪﯗ. ﻗﺎﺷﺘﯧﺸﻰ ﺑﺎﻳﻠﯩﻘﯩﻨﯩﯔ ﭼﻪﻛﻠﯩﻜﻠﯩﻜﯩﻨﻰ ﺑﯩﻠﺴﯩﻤﯘ ﻫﯚﻛﯜﻣﻪﺕ ﺋﯘﻧﯩﯔ ﺑﯩﺮ ﻛﯜﻧﻰ ﺗﯜﮔﻪﭖ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﺋﻪﻣﺪﻯ ﻫﯧﺲ ﻗﯩﻠﯩﯟﺍﺗﻘﺎﻥ ﺑﻮﻟﯩﺸﻰ ﻣﯘﻣﻜﯩﻦ، ﺑﯘﻧﺪﯨﻦ ﻛﯧﻴﯩﻦ ﺋﯘﻧﺪﺍﻕ ﻛﻪﯓ ﺋﯩﭽﯩﺸﻨﯩﻤﯘ ﺋﺎﻧﭽﻪ ﺗﻪﯞﺳﯩﻴﻪ ﻗﯩﻠﻤﺎﻳﺪﯗ، ﻟﯧﻜﯩﻦ ﺑﯘﻧﻰ ﺗﻮﻧﯘﺵ ﺳﻪﻝ ﻛﯧﻴﯩﻦ ﺑﻮﻟﯘﭖ ﻗﺎﻟﺪﻯ. ﺋﻪﮔﻪﺭ ﺋﯧﭽﯩﺸﻘﺎ ﺑﻮﻟﯩﺪﯨﻐﺎﻥ ﻗﺎﺷﺘﯧﺸﻰ ﺑﺎﻳﻠﯩﻘﻰ ﻗﺎﻟﻤﯩﻐﺎﻥ ﺗﻪﻗﺪﯨﺮﺩﯨﻤﯘ، ﺑﺎﺯﺍﺭﺩﺍ ﻳﯧﺘﻪﺭﻟﯩﻚ ﻗﺎﺷﺘﯧﺸﻰ ﺑﺎﺭ" ﺩﯦﺪﻯ.
ﻫﯚﻛﯜﻣﻪﺕ ﯞﻩ ﻳﺎﻛﻰ ﻣﯘﻧﺎﺳﯩﯟﻩﺗﻠﯩﻚ ﺑﺎﺷﻘﺎ ﺋﻮﺭﯗﻧﻼﺭ ﻗﺎﺷﺘﯧﺸﻰ ﺑﺎﻳﻠﯩﻘﯩﻨﯩﯔ ﻫﻪﺩﺩﯨﺪﯨﻦ ﺯﯨﻴﺎﺩﻩ ﺋﯧﭽﯩﻠﯩﺸﯩﺪﯨﻦ ﺟﯩﺪﺩﻯ ﺑﯩﺮ ﺋﻪﻧﺪﯨﺸﻪ ﺗﯘﻳﻤﯩﻐﺎﻥ ﻫﻪﻣﺪﻩ ﻗﺎﺷﺘﯧﺸﻰ ﻳﯘﺭﺗﯩﺪﺍ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﻗﺎﻻﻳﻤﯩﻘﺎﻥ ﻗﺎﺷﺘﯧﺸﻰ ﻗﯧﺰﯨﺶ ﻫﻪﺭﻛﯩﺘﯩﻨﻰ ﺗﻮﺳﯘﺷﻘﺎ ﻫﯧﭽﻘﺎﻧﺪﺍﻕ ﺑﯩﺮ ﺗﻪﺩﺑﯩﺮ ﻗﻮﻟﻼﻧﻤﯩﻐﺎﻥ ﺑﯩﺮ ﭘﻪﻳﺘﺘﻪ ﺑﺎﻳﻠﯩﻖ ﯞﻩ ﻣﯘﻫﯩﺖ ﻣﯘﺗﻪﺧﻪﺳﺴﯩﺴﻠﯩﺮﻯ ﻗﺎﺷﺘﯧﺸﻰ ﻗﺎﺯﻏﯘﭼﯩﻼﺭﻧﯩﯔ ﭼﻪﻛﻠﯩﻚ ﺑﺎﻳﻠﯩﻘﻨﻰ ﭼﻪﻛﺴﯩﺰ ﺋﯧﭽﯩﺸﻰ ﺑﯩﻠﻪﻥ ﺧﻮﺗﻪﻥ ﻗﺎﺷﺘﯧﺸﯩﺪﯨﻦ ﺋﯩﺒﺎﺭﻩﺕ ﻗﺎﻳﺘﺎ ﺷﻪﻛﯩﻠﻠﯩﻨﯩﺸﻰ ﻣﯘﻣﻜﯩﻦ ﺑﻮﻟﻤﯩﻐﺎﻥ ﺑﯘ ﺑﺎﻳﻠﯩﻘﻨﯩﯔ ﺑﻪﺵ ﻳﯩﻠﺪﺍ ﺋﺎﺳﺎﺳﻪﻥ ﻳﻮﻗﺎﻳﺪﯨﻐﺎﻧﻠﯩﻘﯩﻨﯩﻤﯘ ﺋﻮﺗﺘﯘﺭﻏﺎ ﻗﻮﻳﺪﻯ. (ﮔﯜﻟﭽﯧﮭﺮﻩ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﭼﻪﻛﻠﯩﻚ ﺑﻮﻟﻐﺎﻥ ﻗﺎﺵ ﺗﯧﺸﻰ ﺑﺎﻳﻠﯩﻘﻰ ﭼﻪﻛﺴﯩﺰ ﺋﯧﭽﯩﻠﻤﺎﻗﺘﺎ
- ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﻣﯘﻫﯩﺖ ﻣﻪﺳﯩﻠﯩﺴﻰ ﻳﺎﯞﺭﻭﭘﺎ ﺩﯙﻟﻪﺗﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﺎﻗﺘﺎ
- ﺧﯩﺘﺎﻱ ﻫﯚﻛﯜﻣﯩﺘﻰ ﻣﯘﻫﯩﺘﻨﻰ ﻗﻮﻏﺪﺍﺵ ﻫﻪﻗﻘﯩﺪﻩ ﻣﻪﺧﺴﯘﺱ ﺋﺎﻕ ﺗﺎﺷﻠﯩﻖ ﻛﯩﺘﺎﺏ ﺋﯧﻼﻥ ﻗﯩﻠﺪﻯ
- ﻳﻪﺭ ﺷﺎﺭﯨﻨﯩﯔ ﻛﯩﻠﯩﻤﺎﺗﯩﺪﯨﻜﻰ ﺑﯩﻨﻮﺭﻣﺎﻝ ﺋﯩﻠﻠﯩﺶ ﻗﺎﻧﺪﺍﻕ ﺑﺎﻻﻳﻰ ﺋﺎﭘﻪﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺸﻰ ﻣﯘﻣﻜﯩﻦ؟
- ﺋﯘﻳﻐﯘﺭ ﺋﯧﻠﯩﺪﻩ ﻫﺎﯞﺍﺭﺍﻳﯩﺪﯨﻜﻰ ﻧﻮﺭﻣﺎﻟﺴﯩﺰﻟﯩﻖ ﺋﯧﻐﯩﺮ ﺯﯨﻴﺎﻥ ﺋﯧﻠﯩﭗ ﻛﻪﻟﺪﻯ
- ﻫﺎﯞﺍﺭﺍﻳﻰ ﺋﯚﺯﮔﯩﺮﯨﺸﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺧﻪﻟﻘﻠﻪﺭﻧﯩﯔ ﺗﯘﺭﻣﯘﺵ ﻫﻪﻡ ﺳﺎﻻﻣﻪﺗﻠﯩﻜﯩﮕﻪ ﺋﯧﻐﯩﺮ ﺗﻪﺳﯩﺮ ﻛﯚﺭﺳﻪﺗﺘﻰ
- ﺑﺎﻳﻠﯩﻖ ﻫﻮﻗﯘﻗﻰ ﺑﻮﻟﻤﯩﻐﺎﻥ ﺩﯦﻬﻘﺎﻥ ﻗﺎﻧﺪﺍﻕ ﺑﺎﻱ ﺑﻮﻟﯩﺪﯗ؟
- ﺧﯩﺘﺎﻳﺪﯨﻜﻰ ﻣﯘﻫﯩﺖ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﻰ ﮔﯧﺮﻣﺎﻧﯩﻴﻪ ﻣﻪﺗﺒﯘﺋﺎﺗﻠﯩﺮﯨﺪﺍ ﭘﺎﺵ ﻗﯩﻠﯩﻨﻤﺎﻗﺘﺎ
- ﺧﯩﺘﺎﻳﻨﯩﯔ ﺋﯩﺴﻼﻫﺎﺗﻰ ﺋﯘﻳﻐﯘﺭﻻﺭﻧﻰ ﻧﺎﻣﺮﺍﺗﻼﺷﺘﯘﺭﻣﺎﻗﺘﺎ
- ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﻪﺳﯩﻠﯩﻠﯩﺮﻯ ﻛﯩﺸﯩﻨﻰ ﭼﯜﭼﯜﺗﯩﺪﯗ
- ﺧﯩﺘﺎﻳﺪﯨﻜﻰ ﻣﯘﻫﯩﺖ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﻰ ﺧﯩﺘﺎﻱ ﺋﯩﻘﺘﯩﺴﺎﺩﯨﻐﺎ ﺯﻭﺭ ﺗﻪﻫﺪﯨﺖ ﺋﯧﻠﯩﭗ ﻛﻪﻟﻤﻪﻛﺘﻪ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
