ﻣﯧﯟﻩ ﻣﺎﻛﺎﻧﻰ ﺋﯜﺷﺸﯜﻛﺘﻪ ﻗﺎﻟﺪﻯ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯘ ﻳﯩﻞ ﺋﯜﺷﺸﯜﻙ ﺳﻪﯞﻩﺑﻠﯩﻚ ﻣﯧﯟﻩ ﻣﺎﻛﺎﻧﻰ ﺑﻮﻟﻐﺎﻥ ﺋﯘﻳﻐﯘﺭ ﻳﯘﺭﺗﯩﻨﯩﯔ ﺑﺎﻏﯟﻩﻧﭽﯩﻠﯩﻜﯩﺪﻩ ﺋﯜﭺ ﻣﯩﻠﻴﺎﺭﺩ ﻳﯜﻩﻧﮕﻪ ﻳﯧﻘﯩﻦ ﺯﯨﻴﺎﻥ ﻛﯚﺭﯛﻟﯩﺪﯨﻐﺎﻧﻠﯩﻘﻰ ﻣﯚﻟﭽﻪﺭﻟﻪﻧﻤﻪﻛﺘﻪ. ﺋﯘﻳﻐﯘﺭ ﺋﯧﻠﻰ ﺋﻮﺭﻣﺎﻧﭽﯩﻠﯩﻖ ﻧﺎﺯﺍﺭﯨﺘﯩﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ، ﺑﯘ ﻳﯩﻞ 1 - ﺋﺎﻳﺪﯨﻦ ﺑﺎﺷﻼﻧﻐﺎﻥ ﺋﺎﺩﻩﺗﺘﯩﻦ ﺗﺎﺷﻘﯩﺮﻯ ﺳﻮﻏﺎﻕ ﻫﺎﯞﺍ ﻫﻪﻣﺪﻩ ﻗﺎﺭ ﺋﺎﭘﯩﺘﻰ ﺳﻪﯞﻩﺑﻠﯩﻚ ﺋﯜﺷﺸﯜﻙ ﭼﯜﺷﻜﻪﻥ ﻣﯧﯟﯨﻠﯩﻚ ﺑﺎﻏﻼﺭﻧﯩﯔ ﻛﯚﻟﯩﻤﻰ ﻳﻪﺗﺘﻪ ﻣﯩﻠﻴﻮﻥ ﻣﻮﺩﯨﻦ ﺋﺎﺷﯩﺪﯨﻐﺎﻥ ﺑﻮﻟﯘﭖ، ﺑﯘ ﭘﯜﺗﯜﻥ ﺋﯘﻳﻐﯘﺭ ﺋﯧﻠﻰ ﺑﺎﻏﻠﯩﺮﯨﻨﯩﯔ %54 ﺗﯩﻦ ﻛﯚﭘﺮﻩﻛﯩﻨﻰ ﺗﻪﺷﻜﯩﻞ ﻗﯩﻠﯩﺪﯨﻜﻪﻥ.

ﺑﯘﻧﯩﯔ ﺋﯩﭽﯩﺪﻩ ﺑﻮﻟﯘﭘﻤﯘ، ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﻗﻪﺷﻘﻪﺭ،ﺧﻮﺗﻪﻥ، ﺋﺎﻗﺴﯘ ﻗﺎﺗﺎﺭﻟﯩﻖ ﺟﺎﻳﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺟﻪﻧﯘﺏ ﻗﯩﺴﻤﯩﺪﯨﻜﻰ ﺑﺎﻏﻼﺭﻧﯩﯔ ﺋﯜﺷﺸﯜﻛﺘﻪ ﻗﯧﻠﯩﺸﻰ ﺑﯩﺮ ﻗﻪﺩﻩﺭ ﺋﯧﻐﯩﺮ ﺑﻮﻟﯘﭖ، ﺑﯘ ﻳﯩﻞ ﺑﺎﺩﺍﻡ ﻣﻪﻫﺴﯘﻻﺗﻰ %70 ، ﺋﯜﺭﯛﻙ، ﭼﯩﻼﻥ، ﻳﺎﯕﺎﻕ ﻗﺎﺗﺎﺭﻟﯩﻖ ﻣﻪﻫﺴﯘﻻﺗﻼﺭ %20 ﻛﻪ ﻗﻪﺩﻩﺭ ﺗﯚﯞﻩﻧﻠﻪﺵ ﺋﯧﻬﺘﯩﻤﺎﻟﻠﯩﻘﻰ ﻛﯜﭼﻠﯜﻙ ﺋﯩﻜﻪﻥ.

ﻗﻪﺷﻘﻪﺭﻧﯩﯔ ﺩﯦﻬﻘﺎﻧﭽﯩﻠﯩﻖ ﺑﯩﻠﻪﻥ ﺑﺎﻏﯟﻩﻧﭽﯩﻠﯩﻜﻨﻰ ﮔﻪﯞﺩﻩ ﻗﯩﻠﻐﺎﻥ ﺑﻪﺯﻯ ﻧﺎﻫﯩﻴﻪ ﻫﻪﻡ ﻳﯧﺰﯨﻠﯩﺮﯨﺪﯨﻦ ﺋﯩﮕﯩﻠﯩﺸﯩﻤﯩﺰﭼﻪ، ﺑﯘ ﺟﺎﻳﻼﺭﺩﺍ ﺑﯩﺮ ﺋﺎﻳﺪﯨﻦ ﺋﯘﺯﺍﻕ ﺩﺍﯞﺍﻡ ﻗﯩﻠﻐﺎﻥ ﻗﺎﺭ ﺋﺎﭘﯩﺘﻰ ﻫﻪﻡ ﺳﻮﻏﺎﻕ ﻫﺎﯞﺍﺩﺍ ﺩﯦﻬﻘﺎﻥ ﭼﺎﺭﯞﯨﭽﯩﻼﺭ، ﺗﯘﺭﺍﻟﻐﯘ، ﺗﯘﺭﻣﯘﺵ، ﺋﯩﺴﺴﯩﻨﯩﺶ ﻫﻪﻡ ﺋﻮﺯﯗﻗﻠﯩﻨﯩﺶ ﻗﺎﺗﺎﺭﻟﯩﻖ ﺟﻪﻫﻪﺗﻠﻪﺭﺩﻩ ﻗﯩﻴﯩﻨﭽﯩﻠﯩﻘﻘﺎ ﺋﯘﭼﺮﺍﭘﻼ ﻗﺎﻟﻤﺎﻱ، ﺩﯦﻬﻘﺎﻧﭽﯩﻠﯩﻖ ﻫﻪﻡ ﺑﺎﻏﯟﻩﻧﭽﯩﻠﯩﻚ ﺋﯩﺸﻠﻪﭘﭽﯩﻘﯩﺮﯨﺸﺘﺎ ﺋﯧﻐﯩﺮ ﺯﯨﻴﺎﻧﻐﺎ ﺋﯘﭼﺮﺍﯞﺍﺗﻘﺎﻥ ﺑﻮﻟﯘﭖ، ﺋﯧﻐﯩﺮ ﭼﯩﻘﯩﻢ ﻗﯩﻠﯩﭗ ﻣﻪﺟﺒﯘﺭﯨﻲ ﻗﯘﺭﻏﺎﻥ ﭘﺎﺭﻧﯩﻜﻠﯩﺮﯨﻨﻰ، ﺋﯚﻳﻠﯩﺮﯨﻨﻰ ﻗﯧﻠﯩﻦ ﻗﺎﺭ ﺑﯧﺴﯩﭗ،ﺋﻪﻣﺪﯨﻼ ﻣﺎﻳﺴﺎ ﺑﻮﻟﻐﺎﻥ ﻛﯚﻛﺘﺎﺗﻠﯩﺮﻯ ﺋﯜﺷﺸﯜﭖ ﯞﻩﻳﺮﺍﻥ ﺑﻮﻟﻐﺎﻥ، ﺳﯩﻠﯩﻖ ﺑﯩﻠﻪﻥ ﺗﯩﻜﻜﻪﻥ ﻣﯧﯟﻩ ﻛﯚﭼﻪﺗﻠﯩﺮﻯ ﺋﯜﺷﺸﯜﭖ ﺩﯦﻬﻘﺎﻧﻼﺭﻧﻰ ﻳﻪﻧﯩﻤﯘ ﻏﻪﻡ ﺑﺎﺳﻘﺎﻥ ﺋﯩﻜﻪﻥ.

ﺑﯘ ﻫﻪﻗﺘﻪ، ﻳﻮﭘﯘﺭﻏﺎ ﻧﺎﻫﯩﻴﯩﺴﯩﻨﯩﯔ ﻣﻪﻟﯘﻡ ﻳﯧﺰﯨﺴﯩﺪﯨﻜﻰ ﺑﯩﺮ ﺩﯦﻬﻘﺎﻥ ﻗﺎﺭ ﯞﻩ ﺋﯜﺷﺸﯜﻙ ﺋﺎﭘﯩﺘﯩﺪﻩ ﻗﺎﻟﻐﺎﻥ ﺩﯦﻬﻘﺎﻧﻼﺭﻧﯩﯔ ﻫﺎﻟﯩﻨﻰ، ﻳﯧﯖﯩﺴﺎﺭ ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﺩﯦﻬﻘﺎﻥ ﺑﯘ ﻧﺎﻫﯩﻴﯩﺪﻩ ﺋﺎﺳﺎﺳﻠﯩﻖ ﭘﺎﺭﻧﯩﻜﻼﺭﻧﯩﯔ ﺯﯨﻴﺎﻧﻐﺎ ﺋﯘﭼﺮﺍﺵ ﺋﻪﻫﯟﺍﻟﯩﻨﯩﯔ ﺋﯧﻐﯩﺮﻟﯩﻘﯩﻨﻰ، ﺷﯘﻧﺪﺍﻗﻼ، ﻣﻪﻛﯩﺖ ﻧﺎﻫﯩﻴﯩﺴﯩﺪﻩ ﺋﻮﻟﺘﯘﺭﯗﺷﻠﯘﻕ ﺑﯩﺮ ﺋﺎﻳﺎﻝ ﺋﺎﭘﻪﺕ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺋﺎﯕﻠﯩﻐﺎﻧﻠﯩﺮﻯ ﻫﻪﻗﻘﯩﺪﻩ ﺳﯚﺯﻟﻪﭖ ﺑﻪﺭﺩﻯ.

ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﻫﯚﻛﯜﻣﻪﺗﻨﯩﯔ ﺋﯩﺸﺨﺎﻧﯩﺴﻰ ﺑﯩﻠﻪﻥ ﺋﺎﻻﻗﯩﻼﺷﺘﯘﻕ، ﺑﯩﺮ ﺧﺎﺩﯨﻢ ﺑﯩﺰﻧﯩﯔ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﻣﯘﺧﺒﯩﺮﻯ ﺋﯩﻜﻪﻧﻠﯩﻜﯩﻤﯩﺰﻧﻰ ﺑﯩﻠﮕﻪﻧﺪﯨﻦ ﻛﯧﻴﯩﻦ ﺳﻮﺋﺎﻟﻠﯩﺮﯨﻤﯩﺰﻏﺎ ﻗﯩﺴﻘﯩﭽﻪ ﺟﺎﯞﺍﺏ ﻗﯩﻠﺪﻯ.

ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺧﻪﻟﻘﻨﻰ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﺋﯩﺸﻠﯩﺮﯨﻨﻰ ﻗﺎﻧﺪﺍﻕ ﺋﻮﺭﯗﻧﻼﺷﺘﯘﺭﻏﺎﻧﻠﯩﻘﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻳﻪﻛﻪﻥ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺋﯩﺸﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺑﯘ ﻧﺎﻫﯩﻴﯩﮕﻪ ﺧﯧﻨﻪﻧﺪﯨﻦ ﻳﯚﺗﻜﻪﭖ ﻛﯧﻠﯩﻨﮕﻪﻥ ﺑﯩﺮ ﺧﯩﺘﺎﻱ ﻛﺎﺩﯨﺮ،ﺗﯧﺨﻰ ﺋﺎﺳﺎﺳﯩﻲ ﻗﺎﺗﻼﻣﺪﯨﻦ ﺋﻪﻫﯟﺍﻝ ﺋﯩﮕﯩﻠﯩﻤﯩﮕﻪﻧﻠﯩﻜﯩﻨﻰ، ﺋﺎﭘﻪﺕ ﺋﻪﻫﯟﺍﻟﯩﺪﯨﻦ ﺗﯧﺨﻰ ﺧﻪﯞﻩﺭﺩﺍﺭ ﺋﻪﻣﻪﺳﻠﯩﻜﯩﻨﻰ، ﻳﯘﺭﺗﯩﺪﯨﻦ ﺋﻪﻣﺪﯨﻼ ﻗﺎﻳﺘﯩﭗ ﻛﻪﻟﮕﻪﻧﻠﯩﻜﯩﻨﻰ ﺋﯧﻴﺘﺘﻰ.

ﻗﻪﺷﻘﻪﺭﻧﯩﯔ ﺑﯩﺮ ﻗﯩﺴﯩﻢ ﺋﺎﭘﻪﺕ ﺭﺍﻳﻮﻧﯩﺪﯨﻦ ﺋﯩﮕﯩﻠﯩﮕﯩﻨﯩﻤﯩﺰﺩﻩﻙ، ﮔﻪﺭﭼﻪ ﻧﯚﯞﻩﺗﺘﻪ ﻫﻪﺭ ﻗﺎﻳﺴﻰ ﻧﺎﻫﯩﻴﯩﻠﻪﺭ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﺩﯦﻬﻘﺎﻧﻼﺭﻧﻰ ﺋﯚﺯ ‏- ﺋﯚﺯﯨﻨﻰ ﻗﯘﺗﻘﯘﺯﯗﭖ ﺩﯦﻬﻘﺎﻧﭽﯩﻠﯩﻖ ﺋﯩﺸﻠﻪﭘﭽﯩﻘﯩﺮﯨﺸﻨﻰ ﺋﯩﻠﮕﯩﺮﻯ ﺳﯜﺭﯛﺵ ﻧﺎﻣﯩﺪﺍ ﺋﺎﭘﻪﺗﻨﯩﯔ ﺋﺎﻟﺪﯨﻨﻰ ﺋﯧﻠﯩﭗ ﻛﻪﻟﮕﯜﺳﻰ ﺯﯨﻴﺎﻧﻠﯩﺮﯨﻨﻰ ﺋﺎﺯﺍﻳﺘﯩﺶ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺳﻮﻏﺎﻕ ﻫﺎﯞﺍ ﻳﻪﻧﯩﻼ ﺩﺍﯞﺍﻣﻠﯩﺸﯩﯟﺍﺗﻘﺎﻧﻠﯩﻘﻰ، ﺷﯘﻧﺪﺍﻗﻼ ﺋﯜﺷﺸﯜﻙ ﺋﺎﭘﯩﺘﯩﻨﯩﯔ ﺋﯧﻐﯩﺮ ﺑﻮﻟﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺯﯨﻴﺎﻧﻨﯩﯔ ﻗﺎﻧﭽﯩﻠﯩﻚ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﻣﯚﻟﭽﻪﺭﻟﻪﺷﻜﻪ ﻳﻪﻧﯩﻼ ﺑﺎﻟﺪﯗﺭﻟﯘﻕ ﻗﯩﻠﯩﺪﯨﻜﻪﻥ. (ﮔﯜﻟﭽﯧﻬﺮﻩ)