ﺷﺎﺋﯩﺮﻩ --- ﺯﻩﻳﻨﯘﺭﻩ ﺧﺎﻧﯩﻢ ﺑﯩﻠﻪﻥ " ﺷﯧﻬﯩﺪﻟﻪﺭ ﺋﯚﻟﻤﻪﺱ" ﻧﺎﻣﻠﯩﻖ ﺷﯧﺌﯩﺮﻯ ﻫﻪﻗﻘﯩﺪﻩ ﺳﯚﻫﺒﻪﺕ
2007-12-05
8 - ﻧﻮﻳﺎﺑﯩﺮ ﻛﯜﻧﻰ ﻗﻪﺷﻘﻪﺭﺩﻩ 5 ﺋﯘﻳﻐﯘﺭﻏﺎ ﺑﯧﺮﯨﻠﮕﻪﻥ ﺋﯚﻟﯜﻡ ﺟﺎﺯﺍﺳﯩﻐﺎ ﻗﺎﺭﯨﺘﺎ ﺋﯩﻨﻜﺎﺳﻼﺭ ﻫﻪﻡ ﭼﻪﺕ ﺋﻪﻝ ﻣﻪﺗﺒﯘﺋﺎﺗﻠﯩﺮﯨﺪﺍ ﻫﻪﻡ ﺋﯘﻳﻐﯘﺭ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﯩﺰﭼﯩﻞ ﺗﯜﺭﺩﻩ ﺩﺍﯞﺍﻡ ﻗﯩﻠﻤﺎﻗﺘﺎ. ﺑﯜﮔﯜﻥ ﻳﻪﻧﻰ 5 - ﻧﻮﻳﺎﺑﯩﺮ ﻛﯜﻧﻰ ﺋﯘﻳﻐﯘﺭ ﻣﺎﺋﺎﺭﯨﭗ ﺗﻮﺭ ﺑﯧﺘﯩﺪﻩ ﺷﺎﺋﯩﺮﻩ ﺯﻩﻳﻨﯘﺭﻩ ﺋﻪﻳﺴﺎ ﺧﺎﻧﯩﻤﻨﯩﯔ " ﺷﯧﻬﯩﺪﻟﻪﺭ ﺋﯚﻟﻤﻪﺱ " ﻧﺎﻣﻠﯩﻖ ﺷﯧﺌﯩﺮﻯ ﺋﯧﻼﻥ ﻗﯩﻠﯩﻨﺪﻯ. ﺯﻩﻳﻨﯘﺭﻩ ﺋﻪﻳﺴﺎ 1944 -ﻳﯩﻠﻰ ﻗﯘﺭﯗﻟﻐﺎﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻣﯩﻠﻠﯩﻲ ﺋﺎﺭﻣﯩﻴﻪ ﺋﺎﺗﻠﯩﻖ ﭘﻮﻟﻜﯩﻨﯩﯔ ﺩﻭﺧﺘﯘﺭﻯ ﺋﻪﺳﻘﻪﺭﺟﺎﻥ ﺳﯘﻻﻳﻤﺎﻧﯘﻓﻨﯩﯔ ﻗﯩﺰﻯ، ﺋﯘ 1965 -ﻳﯩﻠﯩﺪﯨﻦ 1985 ﻳﯩﻠﯩﻐﯩﭽﻪ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﻪﺩﻩﺑﯩﻴﺎﺕ ﻓﺎﻛﯘﻟﺘﯩﺘﯩﺪﺍ ﺋﻮﻗﯘﺗﻘﯘﭼﻰ ﺑﻮﻟﯘﭖ ﺋﯩﺸﻠﯩﮕﻪﻥ،1985 -ﻳﯩﻠﯩﺪﯨﻦ ﺑﺎﺷﻼﭖ ﺗﯜﺭﻛﯩﻴﯩﺪﻩ ﻳﺎﺷﺎﯞﺍﺗﯩﺪﯗ.
ﺯﻩﻳﻨﯘﺭﻩ ﺧﺎﻧﯩﻢ ﺋﯚﺯﯨﻨﯩﯔ ﺷﯧﻬﯩﺪﻟﻪﺭ ﺋﯚﻟﻤﻪﺱ ﻧﺎﻣﻠﯩﻖ ﺑﯘ ﺷﯧﺌﯩﺮﯨﻨﻰ، ﻗﻪﺷﻘﻪﺭﺩﻩ 5 ﺋﯘﻳﻐﯘﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﮕﻪﻧﻠﯩﻚ ﺧﻪﯞﯨﺮﯨﻨﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ ﻳﺎﺯﻏﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ، ﺷﻪﺭﻗﻰ ﺗﯜﺭﻛﯩﺴﺘﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﯘﻧﭽﻪ ﻗﺎﺗﺘﯩﻖ ﺑﺎﺳﺘﯘﺭﯗﺷﻠﯩﺮﯨﻐﺎ ﻗﺎﺭﯨﻤﺎﻱ، ﺋﯩﺰﭼﯩﻞ ﻛﯚﺭﯛﻟﯜﯞﺍﺗﻘﺎﻥ ﺑﯘ ﺧﯩﻞ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺳﻪﯞﻩﺑﯩﻨﻰ ﺋﺎﻟﺪﻯ ﺑﯩﻠﻪﻥ ﺧﯩﺘﺎﻳﻨﯩﯔ ﭼﯧﻜﯩﺪﯨﻦ ﺋﺎﺷﻘﺎﻥ ﺯﯗﻟﯘﻣﻰ ﺋﺎﻧﺪﯨﻦ ﺑﯘ ﻳﺎﺷﻼﺭﻧﯩﯔ ﺳﺎﻏﻼﻡ ﯞﯨﺠﺪﺍﻧﻰ ﯞﻩ ﭘﺎﻙ ﺋﯩﻤﺎﻧﻰ ﺩﻩﭖ ﻛﯚﺭﺳﻪﺗﺘﻰ.
ﺯﻩﻳﻨﯘﺭﻩ ﺧﺎﻧﯩﻢ ﻳﻪﻧﻪ، ﺋﻪﮔﻪﺭ ﺑﯜﮔﯜﻥ ﺩﯗﻧﻴﺎ ﺋﯘﻳﻐﯘﺭ ﺩﯦﮕﻪﻥ ﻣﯩﻠﻠﻪﺗﻨﯩﯔ ﻳﻪﺭ ﺷﺎﺭﯨﺪﺍ ﻳﺎﺷﺎﯞﺍﺗﻘﯩﻨﯩﻨﻰ ﺑﯩﻠﯩﭗ ﺗﯘﺭﯗﯞﺍﺗﻘﺎﻥ ﺑﻮﻟﺴﺎ، ﺑﯘ ﺑﯩﺮ ﺗﻪﺭﻩﭘﺘﯩﻦ ﺭﺍﺑﯩﻴﻪ ﻗﺎﺩﯨﺮﻏﺎ ﺋﻮﺧﺸﺎﺵ ﺗﺎﻻﻧﺖ ﺋﯩﮕﯩﻠﯩﺮﯨﻨﯩﯔ ﭘﯩﺪﺍﻛﺎﺭﻟﯩﻘﯩﺪﯨﻦ ﺑﻮﻟﺴﺎ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ، ﯞﯨﺠﺪﺍﻧﻠﯩﻖ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﭘﯩﺪﺍﻛﺎﺭﻟﯩﻘﯩﺪﯨﻦ ﺑﻮﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺋﯚﺗﺘﻰ.
ﺯﻩﻳﻨﯘﺭﻩ ﺧﺎﻧﯩﻢ ﻳﻪﻧﻪ، ﺋﯩﺴﻼﻣﯩﻲ ﻛﯩﻤﻠﯩﻜﻨﯩﯔ ﺋﯘﻳﻐﯘﺭ ﻣﯩﻠﻠﯩﻲ ﻛﯩﻤﻠﯩﻜﯩﻨﯩﯔ ﺋﺎﺳﺎﺳﻠﯩﻖ ﯞﻩ ﻣﯘﻫﯩﻢ ﺑﯩﺮ ﻗﯩﺴﻤﻰ ﺋﯩﻜﻪﻧﻠﯩﻜﯩﻨﻰ؛ ﺋﯩﺴﻼﻡ ﺩﯨﻨﯩﻨﯩﯔ ﺋﯘﻳﻐﯘﺭﻻﺭﻧﻰ ﺧﯩﺘﺎﻱ ﺋﺎﺳﺴﯩﻤﯩﻼﺗﺴﯩﻴﯧﺴﯩﺪﯨﻦ ﻗﻮﻏﺪﺍﺷﺘﺎ ﻗﻮﺭﻏﺎﻥ ﺑﻮﻟﯘﭘﻼ ﻗﺎﻟﻤﺎﻱ، ﻳﻪﻧﻪ ﺋﯘﻳﻐﯘﺭﻻﺭﻧﯩﯔ ﺯﯗﻟﯘﻣﻐﺎ ﻗﺎﺭﺷﻰ ﻛﯜﺭﻩﺷﻠﯩﺮﯨﺪﻩ، ﻛﯜﭺ ﯞﻩ ﺟﺎﺳﺎﺭﻩﺕ ﻣﻪﻧﺒﻪﺳﻰ ﺑﻮﻟﯘﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ ﯞﻩ ﺑﯘ ﭘﯩﻜﺮﯨﻨﻰ ﺗﯘﺭﻙ ﺷﺎﺋﯩﺮﻟﯩﺮﯨﺪﯨﻦ ﺋﺎﺭﯨﻒ ﻧﯩﻬﺎﺕ ﺋﺎﺳﻴﺎ ﻧﯩﯔ ﺑﯩﺮ ﺷﯧﺌﯩﺮﻯ ﺑﯩﻠﻪﻥ ﺋﯩﭙﺎﺩﯨﻠﯩﺪﻯ.
ﻗﻪﺷﻘﻪﺭﺩﻩ ﺋﯚﻟﯜﻣﮕﻪ ﺑﯘﻳﺮﯗﻟﻐﺎﻥ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﻫﻪﻗﻘﯩﺪﯨﻜﻰ ﺋﯩﻨﻜﺎﺳﻼﺭ ﭘﺎﻛﯩﺴﺘﺎﻥ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺗﻮﺭ ﺑﯧﺘﯩﺪﯨﻤﯘ ﺳﻪﻫﯩﭙﻪ ﺋﯩﮕﯩﻠﯩﺪﻯ. ﺋﯘ ﺳﻪﻫﯩﭙﯩﺪﯨﻜﻰ ﻣﯘﻧﺎﺯﯨﺮﯨﺪﻩ، ﺧﯩﺘﺎﻱ- ﺋﯘﻳﻐﯘﺭ ﺗﻮﻗﯘﻧﯘﺷﯩﺪﺍ ﻫﻪﻗﺴﯩﺰ ﺗﻪﺭﻩﭘﻨﯩﯔ ﺧﯩﺘﺎﻱ ﺋﯩﻜﻪﻧﻠﯩﻜﻰ، ﺧﯩﺘﺎﻳﻨﯩﯔ ﺋﯩﻨﺴﺎﻥ ﺋﯩﺮﺍﺩﯨﺴﯩﻨﻰ ﻗﻮﺭﺍﻝ ﻛﯜﭼﯩﮕﻪ ﺗﺎﻳﯩﻨﯩﭗ ﺑﻮﻳﺴﯘﻧﺪﯗﺭﯗﺵ ﺗﯩﺮﯨﺸﭽﺎﻧﻠﯩﻘﯩﻨﯩﯔ ﻧﻪﺗﯩﺠﻪ ﺑﻪﺭﻣﻪﻳﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﺪﻯ. (ﺷﯚﻫﺮﻩﺕ ﻫﻮﺷﯘﺭ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺋﺎﺑﺪﯗﻝ ﺋﻪﺯﯨﺰ ﭼﯩﯖﮕﯩﺰﺧﺎﻥ ﺩﺍﻣﻮﻟﻼﻣﻨﯩﯔ "ﺗﯜﺭﻛﯩﺴﺘﺎﻥ ﺋﺎﺳﯩﻴﺎﻧﯩﯔ ﻗﻪﻟﺒﻰ" ﻧﺎﻣﻠﯩﻖ ﺋﻪﺳﯩﺮﻯ ﻫﻪﻗﻘﯩﺪﻩ
- ﺭﯗﺳﯩﻴﯩﺪﻩ ﻳﯧﯖﻰ ﻧﻪﺷﯩﺮ ﻗﯩﻠﯩﻨﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﻪﻗﻘﯩﺪﯨﻜﻰ ﻛﯩﺘﺎﺑﻼﺭ
- ﯞﺍﯓ ﻟﯩﺸﻴﯘﯓ ﺋﻪﭘﻪﻧﺪﻯ "ﻣﯩﻨﯩﯔ ﻏﻪﺭﺑﯩﻲ ﺩﯨﻴﺎﺭﯨﻢ، ﺳﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﯩﯔ" ﻧﺎﻣﻠﯩﻖ ﻛﯩﺘﺎﺑﻰ ﻫﻪﻗﻘﯩﺪﻩ ﺋﯩﺰﻫﺎﺕ ﺑﻪﺭﺩﻯ
- ﺋﯘﻳﻐﯘﺭ ﻣﻪﺳﯩﻠﯩﺴﻰ ﻳﺎﭘﻮﻧﯩﻴﻪ ﻣﻪﺗﺒﯘﺋﺎﺗﻠﯩﺮﯨﺪﺍ
- ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﻪﻗﻘﯩﺪﻩ ﻏﻪﺭﺏ ﺩﯗﻧﻴﺎﺳﯩﺪﺍ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺋﻪﺳﻪﺭﻟﻪﺭ
- ﮔﯧﺮﻣﺎﻧﯩﻴﯩﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﺎ ﻳﯧﯖﻰ ﺳﯩﻴﺎﺳﯩﺘﻰ
- ﺳﯧﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﯩﯔ - ﻣﯧﻨﯩﯔ ﻏﻪﺭﺑﯩﻲ ﺩﯨﻴﺎﺭﯨﻢ
- ﺋﯘﻳﻐﯘﺭﻻﺭ ﻗﺎﻧﺪﺍﻕ ﺑﺎﺷﻘﯘﺭﯗﻟﯩﯟﺍﺗﯩﺪﯗ؟ --- ﺑﯩﺮ " ﻧﻪﻣﯘﻧﯩﭽﻰ" ﻧﯩﯔ ﺋﯧﻴﺘﻘﺎﻧﻠﯩﺮﻯ
- ﺋﺎﻟﻤﺎﺗﺎﺩﺍ ﻧﻪﺷﺮ ﻗﯩﻠﯩﻨﻐﺎﻥ " ﺋﯘﻳﻐﯘﺭ ﺯﯦﻤﯩﻨﯩﺪﺍ " ﻧﺎﻣﻠﯩﻖ ﻛﯩﺘﺎﺑﺘﺎ ﻧﯧﻤﯩﻠﻪﺭ ﺑﺎﻳﺎﻥ ﻗﯩﻠﯩﻨﻐﺎﻥ؟ (3)
- ﺋﺎﻟﻤﺎﺗﺎﺩﺍ ﻧﻪﺷﺮ ﻗﯩﻠﯩﻨﻐﺎﻥ " ﺋﯘﻳﻐﯘﺭ ﺯﯦﻤﯩﻨﯩﺪﺍ " ﻧﺎﻣﻠﯩﻖ ﻛﯩﺘﺎﺑﺘﺎ ﻧﯧﻤﯩﻠﻪﺭ ﺑﺎﻳﺎﻥ ﻗﯩﻠﯩﻨﻐﺎﻥ؟ (2)
- ﺗﯜﺭﻙ ﺩﯗﻧﻴﺎﺳﻰ ﺷﯧﺌﯩﺮ ﻛﯜﻧﻠﯩﺮﯨﺪﻩ ﺋﯘﻳﻐﯘﺭ ﻣﻪﺳﯩﻠﯩﺴﻰ
- ﺋﺎﻟﻤﺎﺗﺎﺩﺍ ﻧﻪﺷﺮ ﻗﯩﻠﯩﻨﻐﺎﻥ " ﺋﯘﻳﻐﯘﺭ ﺯﯦﻤﯩﻨﯩﺪﺍ " ﻧﺎﻣﻠﯩﻖ ﻛﯩﺘﺎﺑﺘﺎ ﻧﯧﻤﯩﻠﻪﺭ ﺑﺎﻳﺎﻥ ﻗﯩﻠﯩﻨﻐﺎﻥ؟ (1)
 | ﺑﯧﺴﯩﺶ |  |
ﺋﻪﯞﻩﺗﯩﺶ |
