ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﻰ ﺳﯩﺮﺗﻼﺭﻏﺎ ﻳﯚﺗﻜﻪﺵ ﺳﯩﻴﺎﺳﯩﺘﯩﻨﻰ ﻳﻪﻧﯩﻤﯘ ﻛﯜﭼﻪﻳﺘﻤﻪﻛﭽﻰ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﯩﻴﻪ ‏- ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺋﯚﺗﻜﻪﻥ ﻫﻪﭘﺘﻪ، ﻳﯧﺰﺍ ﺧﯩﺰﻣﻪﺕ ﻳﯩﻐﯩﻨﻰ ﺋﺎﭼﺘﻰ. ﺧﯩﺘﺎﻱ ﺋﺎﺧﺒﺎﺭﺍﺗﻠﯩﺮﯨﻨﯩﯔ ﺑﯘ ﻫﻪﻗﺘﻪ ﺗﺎﺭﻗﺎﺗﻘﺎﻥ ﺧﻪﯞﻩﺭﻟﯩﺮﯨﺪﯨﻦ ﻣﻪﻟﯘﻣﻜﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﻳﯩﻞ ﺋﯘﻳﻐﯘﺭ ﺋﯧﻠﻰ ﻳﯧﺰﯨﻠﯩﺮﯨﺪﺍ ﻳﻮﻟﻐﺎ ﻗﻮﻳﻤﺎﻗﭽﻰ ﺑﻮﻟﻐﺎﻥ ﺳﯩﻴﺎﺳﯩﺘﯩﺪﻩ" ﻳﯧﺰﺍ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺳﯩﺮﺗﻼﺭﻏﺎ ﻳﯚﺗﻜﻪﺵ" ﺋﺎﺳﺎﺳﻠﯩﻖ ﻣﯘﻫﯩﻢ ﺧﯩﺰﻣﻪﺕ ﻗﺎﺗﺎﺭﯨﺪﺍ ﺩﺍﯞﺍﻣﻼﺷﺘﯘﺭﯗﻟﯩﺪﯨﻜﻪﻥ.

ﺧﯩﺘﺎﻳﻨﯩﯔ ﺋﺎﺗﺎﻟﻤﯩﺶ "ﻛﯜﻥ ﻧﯘﺭﻯ ﻗﯘﺭﯗﻟﯘﺷﻰ"

ﮔﻪﺭﭼﻪ ﺩﯦﻬﻘﺎﻧﻼﺭﻧﻰ ﺩﯦﻬﻘﺎﻧﭽﯩﻠﯩﻘﺘﯩﻦ ﺑﺎﺷﻘﺎ ﻛﻪﺳﭙﻠﻪﺭﺩﻩ ﺗﻪﺭﺑﯩﻴﯩﻠﻪﭖ، ﺳﯩﺮﺗﻘﺎ ﻳﯚﺗﻜﻪﭖ ﺋﯩﺶ ﭘﯘﺭﺳﯩﺘﯩﮕﻪ ﺋﯩﮕﻪ ﻗﯩﻠﯩﺶ، ﺩﯦﻬﻘﺎﻧﻼﺭﻧﯩﯔ ﻛﯩﺮﯨﻤﯩﻨﻰ ﺋﺎﺷﯘﺭﯗﺷﺘﯩﻜﻰ ﺑﯩﺮ ﺗﻪﺩﺑﯩﺮ ﻫﯧﺴﺎﺑﻼﻧﺴﯩﻤﯘ، ﺋﻪﻣﻤﺎ ﺑﯘ ﺳﯩﻴﺎﺳﻪﺕ ﺋﺎﺭﻗﯩﻠﯩﻖ ﺗﻮﻱ ﻳﯧﺸﯩﺪﯨﻜﻰ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﺗﯜﺭﻛﯜﻣﻠﻪﭖ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﯩﻠﯩﯟﺍﺗﻘﺎﻧﻠﯩﻘﻰ، ﺋﯘﻳﻐﯘﺭﻻﺭﺩﺍ ﻧﺎﺭﺍﺯﯨﻠﯩﻖ ﻫﻪﻡ ﻏﯘﻟﻐﯘﻻ ﭘﻪﻳﺪﺍ ﻗﯩﻠﯩﯟﺍﺗﻘﺎﻥ ﺳﻪﺯﮔﯜﺭ ﺑﯩﺮ ﻣﻪﺳﯩﻠﯩﮕﻪ ﺋﺎﻳﻼﻧﺪﻯ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﭘﯩﻼﻧﯩﭽﻪ، ﺑﯘ ﻳﯩﻞ ﻳﯧﺰﯨﻼﺭﺩﯨﻦ ﻳﯚﺗﻜﯩﻠﯩﺪﯨﻐﺎﻥ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺑﯘﻟﺘﯘﺭﻗﯩﺪﯨﻨﻤﯘ ﺋﺎﺷﯘﺭﻣﺎﻗﭽﻰ ﺑﻮﻟﯘﭖ، 2008 - ﻳﯩﻠﻰ ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﺟﻪﻧﯘﺑﯩﺪﯨﻜﻰ ﺋﯜﭺ ﯞﯨﻼﻳﻪﺕ، ﺑﯩﺮ ﺋﻮﺑﻼﺳﺘﻨﻰ ﺋﺎﺳﺎﺱ ﻗﯩﻠﯩﭗ ﻳﻪﻧﻪ ﺑﯩﺮ ﻣﯩﻠﻴﻮﻥ 500 ﻣﯩﯔ ﺋﻪﻣﮕﻪﻙ ﻛﯜﭼﯩﻨﻰ ﺳﯩﺮﺗﻼﺭﻏﺎ ﻳﯚﺗﻜﻪﻳﺪﯨﻜﻪﻥ.

ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﻨﯩﯔ ﻫﯚﻛﯜﻣﻪﺕ ﺗﻮﺭ ﺑﻪﺗﻠﯩﺮﯨﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻳﯧﺰﺍ ﺧﯩﺰﻣﯩﺘﻰ ﻳﯩﻐﯩﻨﯩﻨﯩﯔ ﺭﻭﻫﻰ ﺗﻪﺷﯟﯨﻖ ﻗﯩﻠﯩﻨﻤﺎﻗﺘﺎ. ﺑﯘ ﻳﯩﻐﯩﻨﺪﺍ " ﺩﯦﻬﻘﺎﻧﻼﺭﻧﯩﯔ ﻛﯩﺮﯨﻤﯩﻨﻰ ﺋﺎﺷﯘﺭﯗﺵ، ﺋﯩﻨﺎﻗﻠﯩﻖ ﻗﯘﺭﯗﻟﯘﺷﻨﻰ ﺋﯩﻠﮕﯩﺮﻯ ﺳﯜﺭﯛﺵ" ﻗﺎﻳﺘﺎ ﺗﻪﻛﯩﺘﻠﻪﻧﺪﻯ، ﻫﻪﻣﺪﻩ ﺑﯘ ﺟﻪﻫﻪﺗﺘﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯧﺰﯨﻼﺭﺩﺍ ﻳﯜﺭﮔﯜﺯﻣﻪﻛﭽﻰ ﺑﻮﻟﻐﺎﻥ ﺋﺎﺳﺎﺳﻠﯩﻖ ﺳﯩﻴﺎﺳﻪﺕ ﻫﻪﻣﺪﻩ ﻣﯘﻫﯩﻢ ﺧﯩﺰﻣﻪﺗﻠﯩﺮﯨﻨﯩﯔ ﺋﻮﺭﯗﻧﻼﺷﺘﯘﺭﯗﻟﯘﺷﻰ ﺗﻮﻧﯘﺷﺘﯘﺭﯗﻟﻐﺎﻥ.

ﻳﯩﻐﯩﻨﺪﺍ 2007 - ﻳﯩﻠﻠﯩﻖ ﺧﯩﺰﻣﻪﺗﻠﯩﺮﻯ ﺧﯘﻻﺳﯩﻠﯩﻨﯩﭗ، ﺑﯘ ﺑﯩﺮ ﻳﯩﻠﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﺩﯦﻬﻘﺎﻧﻼﺭﻧﯩﯔ ﻛﯩﺸﻰ ﺑﯧﺸﯩﻐﺎ ﺗﻮﻏﺮﺍ ﻛﻪﻟﮕﻪﻥ ﻛﯩﺮﯨﻤﻰ 3150 ﻳﯜﻩﻧﮕﻪ ﻳﯧﺘﯩﭗ، ﺗﯘﻧﺠﻰ ﻗﯧﺘﯩﻢ ﺋﻮﺗﺘﯘﺭﯨﭽﻪ ﻫﯧﺴﺎﺑﺘﺎ ﺗﯚﺕ ﻳﯜﺯ ﻳﯜﻩﻧﺪﯨﻦ ﺋﯧﺸﯩﭗ ﻣﻪﻣﻠﯩﻜﻪﺕ ﺑﯘﻳﯩﭽﻪ ﺋﻮﺗﺘﯘﺭﺍ ﺳﻪﯞﯨﻴﯩﺴﯩﮕﻪ ﻳﯧﺘﯩﺸﯩﯟﺍﻟﺪﻯ ﺩﯦﻴﯩﻠﮕﻪﻥ ﺷﯘﻧﺪﺍﻗﻼ ﺑﯘ ﺗﯘﺕ ﻳﯜﺯ ﻳﯜﻩﻧﺪﯨﻦ ﺋﯧﺸﯩﺸﻘﺎ ﺩﯦﻬﻘﺎﻧﻼﺭﻧﻰ ﺯﺍﻣﺎﻧﯩﯟﯨﻲ ﻳﯧﺰﺍ ﺋﯩﮕﯩﻠﯩﻚ ﺑﯩﻠﻪﻥ ﺷﯘﻏﯘﻟﻠﯩﻨﯩﺸﺘﯩﻦ ﺑﺎﺷﻘﺎ ﺩﯦﻬﻘﺎﻧﭽﯩﻠﯩﻖ ﻛﻪﺳﭙﯩﺪﯨﻦ ﺑﺎﺷﻘﺎ ﻛﻪﺳﭙﻠﻪﺭﮔﻪ ﻳﯚﺗﻜﻪﭖ ﻳﻪﻧﻰ ﺳﯩﺮﺗﻼﺭﻏﺎ ﻳﯚﺗﻜﻪﭖ ﻛﯩﺮﯨﻢ ﻗﯩﻠﯩﺸﻘﺎ ﺋﻮﺭﯗﻧﻼﺷﺘﯘﺭﯗﺵ ﺗﯜﺭﺗﻜﻪ ﺑﻮﻟﺪﻯ ﺩﯦﻴﯩﻠﮕﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ 2003 - ﻳﯩﻠﯩﺪﯨﻦ ﺑﺎﺷﻼﭖ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻧﺎﻣﺮﺍﺕ ﺩﯦﻬﻘﺎﻧﻼﺭﻧﻰ ﻫﺎﻟﻠﯩﻖ ﺳﻪﯞﯨﻴﯩﮕﻪ ﻳﻪﺗﻜﯜﺯﯛﺷﺘﯩﻜﻰ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺗﻪﺩﺑﯩﺮ ﺳﯜﭘﯩﺘﯩﺪﻩ، ﺋﯘﻳﻐﯘﺭ ﻳﯧﺰﺍ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﻳﯚﺗﻜﻪﺵ ﺳﯩﻴﺎﺳﯩﺘﯩﻨﻰ ﻳﯜﺭﮔﯜﺯﯛﺷﻜﻪ ﺑﺎﺷﻠﯩﻐﺎﻥ ﺋﯩﺪﻯ. ﺷﯘﻧﺪﺍﻗﻼ ﻳﯩﻠﺪﺍ ﭘﯩﻼﻧﻠﯩﻖ ﻫﺎﻟﺪﺍ ﺩﯦﻬﻘﺎﻧﻼﺭﻧﻰ ﺩﯦﻬﻘﺎﻧﭽﯩﻠﯩﻘﺘﯩﻦ ﺑﺎﺷﻘﺎ ﻛﻪﺳﭙﻠﻪﺭﺩﻩ ﻗﯩﺴﻘﺎ ﻣﻪﺯﮔﯩﻠﻠﯩﻖ ﺗﻪﺭﺑﯩﻴﯩﻠﻪﭖ، ﻳﯘﺭﺗﻠﯩﺮﯨﺪﯨﻦ ﺑﺎﺷﻘﺎ ﺟﺎﻳﻼﺭﺩﺍ، ﺋﯩﻜﻜﯩﻨﭽﻰ، ﺋﯜﭼﯩﻨﭽﻰ ﻛﻪﺳﭗ ﯞﻩ ﯞﺍﻗﯩﺘﻠﯩﻖ، ﭘﻪﺳﯩﻠﻠﯩﻚ ﺋﯩﺶ ﭘﯘﺭﺳﻪﺗﻠﯩﺮﯨﮕﻪ ﺋﯧﺮﯨﺸﺘﯘﺭﯗﺵ ﺋﺎﺭﻗﯩﻠﯩﻖ ﻛﯩﺮﯨﻤﯩﻨﻰ ﺋﺎﺷﯘﺭﯗﺵ ﺗﻪﺩﺑﯩﺮﻟﯩﺮﯨﻨﻰ ﻗﻮﻟﻼﻧﺪﻯ. ﺑﯘﻧﻰ"ﻛﯜﻥ ﻧﯘﺭﻯ ﻗﯘﺭﯗﻟﯘﺷﻰ" ﺩﻩﭖ ﺋﺎﺗﯩﺪﻯ. ﺷﯘﻧﺪﺍﻗﻼ ﺩﯦﻬﻘﺎﻧﻼﺭﻧﻰ ﻫﺎﻟﻠﯩﻖ ﺳﻪﯞﯨﻴﯩﮕﻪ ﻳﻪﺗﻜﯜﺯﯛﺷﺘﯩﻜﻰ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻥ ﺩﻩﭖ ﻛﯚﺭﺳﯩﺘﯩﻠﺪﻯ.

ﻣﻪﺯﻛﯜﺭ ﺳﯩﻴﺎﺳﻪﺗﻨﯩﯔ ﻳﯜﺭﮔﯜﺯﯛﻟﯜﺷﯩﮕﻪ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﻫﻪﻡ ﻫﯚﻛﯜﻣﻪﺕ ﻧﺎﺯﺍﺭﻩﺗﭽﯩﻠﯩﻚ ﻗﯩﻠﻐﺎﻥ ﺑﻮﻟﺴﺎ،ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﻪﻣﮕﻪﻙ ﯞﻩ ﻣﯘﻻﺯﯨﻤﻪﺕ ﻧﺎﺯﺍﺭﯨﺘﻰ ﯞﻩ ﻫﻪﺭ ﻗﺎﻳﺴﻰ ﺋﺎﺳﺎﺳﯩﻲ ﻗﺎﺗﻼﻡ ﻣﻪﻣﯘﺭﻯ ﺋﻮﺭﮔﺎﻧﻠﯩﺮﻯ ﺳﯩﻴﺎﺳﻪﺗﻨﯩﯔ ﻳﯜﺭﯛﺷﯩﺸﯩﺪﻩ ﺋﺎﺳﺎﺳﻠﯩﻖ ﺧﯩﺰﻣﻪﺗﻠﻪﺭﻧﻰ ﺋﯩﺸﻠﯩﺪﻯ.

ﺳﯩﺮﺗﻼﺭﻏﺎ ﻳﯚﺗﻜﯩﮕﻪﻥ ﺋﻪﻣﮕﻪﻙ ﻛﯜﭼﻠﯩﺮﯨﻨﯩﯔ %80 ﺗﯩﻦ ﻛﯚﭘﺮﻩﻛﻰ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﻯ، %50 ﻯ ﺋﺎﻳﺎﻟﻼﺭ

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺳﺘﺎﺗﯩﺴﺘﯩﻜﯩﺴﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﺪﻩ ﺋﯩﻜﻜﻰ ﻣﯩﻠﻴﻮﻥ ﺋﯩﻜﻜﻰ ﻳﯜﺯ ﻣﯩﯔ ﺩﯦﻬﻘﺎﻥ ﺑﻮﻟﯘﭖ، ﺋﯘﻳﻐﯘﺭ ﺋﯧﻠﯩﻨﯩﯔ ﻗﻪﺷﻘﻪﺭ، ﺧﻮﺗﻪﻥ، ﺋﺎﻗﺴﯘ ﺩﯨﻦ ﺋﯩﺒﺎﺭﻩﺕ ﺋﯜﭺ ﯞﯨﻼﻳﻪﺕ ﻫﻪﻣﺪﻩ ﻗﯩﺰﯨﻠﺴﯘ ﺋﻮﺑﻼﺳﺘﯩﺪﯨﻜﻰ ﺩﯦﻬﻘﺎﻧﻼﺭ ﺑﯘ ﺭﺍﻳﻮﻧﺪﯨﻜﻰ ﺋﻮﻣﯘﻣﯩﻲ ﻧﻮﭘﯘﺳﻨﯩﯔ %95 ﺗﯩﻨﻰ ﺋﯩﮕﯩﻠﻪﻳﺪﯗ. ﺧﯩﺘﺎﻱ ﺳﺘﺎﺗﯩﺴﺘﯩﻜﺎ ﺗﻮﺭﯨﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻳﯧﺰﺍ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﻳﯚﺗﻜﻪﺵ ﺳﯩﻴﺎﺳﯩﺘﯩﻨﯩﯔ ﺋﻪﻣﻪﻟﯩﻴﻠﯩﺸﯩﺸﻰ ﻫﻪﻗﻘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﯧﺰﯨﻼﺭﺩﯨﻦ ﭘﯩﻼﻧﻠﯩﻖ ﻫﺎﻟﺪﺍ ﺳﯩﺮﺗﻼﺭﻏﺎ ﻳﯚﺗﻜﯩﮕﻪﻥ ﺋﻪﻣﮕﻪﻙ ﻛﯜﭼﻠﯩﺮﻯ ﻣﯘﺷﯘ ﺋﯜﭺ ﯞﯨﻼﻳﻪﺕ ﻫﻪﻡ ﺑﯩﺮ ﺋﻮﺑﻼﺳﺘﯩﻜﻰ ﺋﯘﻳﻐﯘﺭ ﺩﯦﻬﻘﺎﻧﻼﺭﻧﻰ ﺋﺎﺳﺎﺱ ﻗﯩﻠﻐﺎﻥ ﺑﻮﻟﯘﭖ %80 ﺗﯩﻦ ﻛﯚﭘﺮﻩﻛﯩﻨﻰ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﻯ، ﺋﯘﻻﺭﻧﯩﯔ ﻳﻪﻧﻪ %50 ﺗﯩﻨﻰ ﺋﺎﻳﺎﻟﻼﺭ ﺋﯩﮕﯩﻠﻪﭖ ﻛﻪﻟﻤﻪﻛﺘﻪ ﺋﯩﻜﻪﻥ.

ﻣﻪﻟﯘﻡ ﺑﻮﻟﻐﺎﻧﺪﻩﻙ، ﺧﯩﺘﺎﻱ ﻫﯚﻛﯜﻣﯩﺘﻰ 2007 - ﻳﯩﻠﺪﺍ ﻳﻪﻧﯩﻼ ﺟﻪﻧﯘﺑﯩﻲ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯜﭺ ﯞﯨﻼﻳﻪﺕ ﻫﻪﻡ ﺋﻮﺑﻼﺳﺘﻨﻰ ﺋﺎﺳﺎﺱ ﻗﯩﻠﯩﭗ ﺗﯘﺭﯗﭖ ﺳﯩﺮﺗﻼﺭﻏﺎ ﻳﯚﺗﻜﯩﮕﻪﻥ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﯩﻨﻰ ﺑﯩﺮ ﻣﯩﻠﻴﻮﻥ ﺋﯩﻜﻜﻰ ﻳﯜﺯ ﻣﯩﯔ ﺋﺎﺩﻩﻡ ‏- ﻗﯧﺘﯩﻤﻐﺎ ﻳﻪﺗﻜﯜﺯﺩﻯ. ﺧﯩﺘﺎﻱ ﻫﯚﻛﯜﻣﻪﺕ ﺗﻮﺭ ﺑﯧﺘﯩﺪﻩ ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﺧﻪﯞﻩﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، "ﺑﯩﺮ ﺋﺎﺋﯩﻠﯩﺪﯨﻦ ﺑﯩﺮﻧﻰ ﻳﯚﺗﻜﻪﺵ" ﻛﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﭗ ﻳﯧﻘﯩﻨﻘﻰ ﺋﯜﭺ ﻳﯩﻠﺪﺍ ﻫﻪﺭ ﻳﯩﻠﻰ 300 ﻣﯩﯔ ﻛﯩﺸﯩﻨﻰ ﻣﯘﻗﯩﻢ ﺳﯩﺮﺗﻼﺭﻏﺎ ﻳﯚﺗﻜﻪﭖ ﺋﯩﺸﻘﺎ ﺋﻮﺭﯗﻧﻼﺷﺘﯘﺭﻏﺎﻥ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﯩﺪﯨﻦ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻠﯩﺮﯨﻤﯩﺰ ﻫﻪﻣﺪﻩ ﺋﯘﻳﻐﯘﺭﻻﺭﻧﯩﯔ ﺋﯩﻨﻜﺎﺳﻠﯩﺮﯨﺪﯨﻦ ﻣﻪﻟﯘﻣﻜﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺩﯦﻬﻘﺎﻧﻼﺭﻧﯩﯔ ﻛﯩﺮﯨﻤﯩﻨﻰ ﺋﺎﺷﯘﺭﯗﺵ ﺗﻪﺩﺑﯩﺮﻯ ﺩﻩﭖ ﺗﻪﺭﯨﭙﻠﯩﻨﯩﯟﺍﺗﻘﺎﻥ " ﺳﯩﺮﺗﻼﺭﻏﺎ ﻳﯚﺗﻜﻪﺵ" ﺳﯩﻴﺎﺳﯩﺘﻰ، ﺑﻮﻟﯘﭘﻤﯘ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﺪﺍ ﻣﻪﺟﺒﯘﺭﯨﻲ ﻳﻮﺳﯘﻧﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﯘﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻣﻪﺧﺴﯘﺱ ﺗﻮﻱ ﻗﯩﻠﻤﯩﻐﺎﻥ 18 ﻳﺎﺷﺘﯩﻦ 25 ﻳﺎﺷﻘﯩﭽﻪ ﺑﻮﻟﻐﺎﻥ ﺋﯘﻳﻐﯘﺭ ﻗﯩﺰﻻﺭﻧﻰ ﺗﯜﺭﻟﯜﻙ ﺷﻪﺭﺗﻠﻪﺭ ﺑﯩﻠﻪﻥ ﺗﺎﻟﻼﭖ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺗﯜﺭﻛﯜﻣﻠﻪﭖ ﻳﯚﺗﻜﯩﮕﻪﻥ. ﻫﻪﻣﺪﻩ ﺑﯘ ﺩﺍﯞﺍﻣﻼﺷﻤﺎﻗﺘﺎ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﻳﯩﻠﻠﯩﻖ ﻳﯧﺰﺍ ﺧﯩﺰﻣﻪﺕ ﭘﯩﻼﻧﯩﺪﺍ ﻛﯚﺭﺳﯩﺘﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻳﯩﻞ ﺋﯘﻳﻐﯘﺭ ﺋﯧﻠﻰ ﻳﯧﺰﯨﻠﯩﺮﯨﺪﯨﻦ ﻳﻪﻧﻪ ﺑﯩﺮ ﻣﯩﻠﻴﻮﻥ 500 ﻣﯩﯔ ﺋﻪﻣﮕﻪﻙ ﻛﯜﭼﯩﻨﻰ ﺳﯩﺮﺗﻼﺭﻏﺎ ﻳﯚﺗﻜﻪﻳﺪﯨﻜﻪﻥ.

ﺋﺎﺳﺎﺳﯩﻲ ﻗﺎﺗﻼﻣﺪﯨﻜﻰ ﺑﻪﺯﻯ ﺋﻪﻣﻪﻟﺪﺍﺭ ﻫﻪﻡ ﻛﺎﺩﯨﺮﻻﺭ ﺩﯦﻬﻘﺎﻧﻼﺭﻏﺎ ﺑﯧﺴﯩﻢ ﺋﯩﺸﻠﻪﺗﻜﻪﻥ

ﺋﯘﻳﻐﯘﺭﻻﺭﻧﯩﯔ ﺋﯩﻨﻜﺎﺳﻠﯩﺮﯨﻐﺎ ﻗﺎﺭﯨﻐﺎﻧﺪﺍ،ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﭘﯩﻼﻧﻠﯩﻐﺎﻥ ﺳﺎﻧﻨﻰ ﻳﻪﻧﻰ ﺋﺎﺩﻩﻡ ﻳﯚﺗﻜﻪﺵ ﯞﻩﺯﯨﭙﯩﺴﯩﻨﻰ ﺗﺎﻣﺎﻣﻼﺵ ﺟﻪﺭﻳﺎﻧﯩﺪﺍ ﺋﺎﺳﺎﺳﯩﻲ ﻗﺎﺗﻼﻣﺪﯨﻜﻰ ﺑﻪﺯﻯ ﺋﻪﻣﻪﻟﺪﺍﺭ ﻫﻪﻡ ﻛﺎﺩﯨﺮﻻﺭ ﺩﯦﻬﻘﺎﻧﻼﺭﻏﺎ ﺗﯜﺭﻟﯜﻙ ﺑﯧﺴﯩﻤﻼﺭﻧﻰ ﺋﯩﺸﻠﻪﺗﻜﻪﻥ. ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺗﯜﺭﻟﯜﻙ ﻳﻮﺳﯘﻧﺪﺍ ﻳﯚﺗﻜﻪﻟﮕﻪﻥ ﺋﯘﻳﻐﯘﺭ ﻗﯩﺰﻻﺭ، ﺗﻮﻧﯘﺵ، ﻳﺎﺷﺎﺵ ﻣﯘﻫﯩﺘﻰ ﻫﻪﻡ ﺗﯩﻞ ﻣﯘﻫﯩﺘﯩﺪﯨﻦ ﺋﺎﻳﺮﯨﻠﯩﭗ ﻗﯩﻴﻨﺎﻟﻐﺎﻧﺪﯨﻦ ﺑﺎﺷﻘﺎ، ﺋﯘﻻﺭﻧﯩﯔ ﺋﻪﻣﮕﻪﻙ ﻫﻪﻗﻘﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﻨﻤﯩﻐﺎﻥ، ﻛﯩﺸﯩﻠﯩﻚ ﻫﻪﻕ ‏- ﻫﻮﻗﯘﻗﻠﯩﺮﻯ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﺩﻩﺧﻠﯩﮕﻪ ﺋﯘﭼﺮﺍﭖ ﻛﻪﻟﻤﻪﻛﺘﻪ ﺋﯩﻜﻪﻥ.

ﻧﯚﯞﻩﺗﺘﻪ ﺑﯘ ﻣﻪﺳﯩﻠﻪ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻧﺎﺭﺍﺯﯨﻠﯩﻖ ﻗﻮﺯﻏﯩﻐﺎﻥ ﺑﯩﺮ ﻣﻪﺳﯩﻠﻪ ﺑﻮﻟﯘﭘﻼ ﻗﺎﻟﻤﺎﻱ، ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺗﻪﺭﯨﭙﯩﺪﯨﻦ ﺧﯩﺘﺎﻳﻨﯩﯔ ﺋﯧﺮﻗﯩﻲ ﻗﯩﺮﻏﯩﻨﭽﯩﻠﯩﻖ، ﻧﻮﭘﯘﺱ ﻛﻮﻧﺘﺮﻭﻝ ﻗﯩﻠﯩﺶ، ﺋﺎﺳﺴﯩﻤﯩﻠﻴﺎﺗﺴﯩﻴﻪ ﻗﯩﻠﯩﺶ ﺗﯜﺳﯩﻨﻰ ﺋﺎﻟﻐﺎﻥ ﻏﻪﺭﻩﺯﻟﯩﻚ ﺳﯩﻴﺎﺳﯩﺘﻰ " ﺩﻩﭖ ﺋﻪﻳﯩﺒﻠﻪﻧﻤﻪﻛﺘﻪ. (ﮔﯜﻟﭽﯧﻬﺮﻩ)