ﺧﯩﺘﺎﻱ، ﺋﯘﻳﻐﯘﺭ ﺋﯧﻠﯩﺪﻩ ﻗﻮﺵ - ﺗﯩﻠﻠﯩﻖ ﻣﻪﻛﺘﻪﭖ ﯞﻩ ﻳﻪﺳﻠﯩﻠﻪﺭﻧﻰ ﻗﯘﺭﯗﺷﻨﻰ ﺗﯧﺰﻟﻪﺗﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻫﯚﻛﯜﻣﯩﺘﻰ 2006 - ﻳﯩﻠﻰ 8 - ﺋﺎﻳﻨﯩﯔ 23 - ﻛﯜﻧﻰ " ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﯞﻩ ﻫﯚﻛﯜﻣﻪﺗﻨﯩﯔ ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺧﯩﺰﻣﯩﺘﯩﻨﻰ ﻛﯜﭼﻪﻳﺘﯩﺶ" ﻗﺎﺭﺍﺭﯨﻨﻰ ﺋﯧﻼﻥ ﻗﯩﻠﺪﻯ ﯞﻩ ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ " ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﻳﻪﺳﻠﻰ ﻣﺎﺋﺎﺭﯨﭙﯩﻨﻰ ﻗﻮﺵ ﺗﯩﻠﻼﺷﺘﯘﺭﯗﺵ ﻫﻪﻗﻘﯩﺪﯨﻜﻰ " ﭘﯩﻜﺮﯨﻨﻰ ﺗﺎﺭﻗﺎﺗﻘﺎﻥ ﺋﯩﺪﻯ.

ﻣﻪﺯﻛﯘﺭ ﻗﺎﺭﺍﺭﺩﺍ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﺑﻮﻟﯘﭘﻤﯘ ﻳﯧﺰﯨﻼﺭﺩﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﯩﯔ ﻣﻪﻛﺘﻪﭘﻜﻪ ﻛﯩﺮﯨﺸﯩﻨﯩﯔ ﺋﺎﻟﺪﯨﺪﯨﻜﻰ ﺋﺎﯓ ﺗﻪﺭﺑﯩﻴﯩﺴﯩﻨﻰ ﻗﻮﺵ ﺗﯩﻠﺪﺍ ﺋﯧﻠﯩﭗ ﺑﯧﺮﯨﺶ ﺗﻪﻛﯩﺘﻠﻪﻧﮕﻪﻥ ﺑﻮﻟﯘﭖ، "ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﯩﯔ ﻣﻪﻛﺘﻪﭘﻜﻪ ﻛﯩﺮﯨﺸﺘﯩﻦ ﺋﯩﻜﻜﻰ ﻳﯩﻞ ﺑﯘﺭﯗﻥ ﺧﯩﺘﺎﻱ ﺗﯩﻠﯩﺪﺍ ﺗﻪﺭﺑﯩﻴﯩﻠﻪﺵ ﺋﯧﻠﯩﭗ ﺑﯧﺮﯨﺶ ﺋﺎﺭﻗﯩﻠﯩﻖ، ﺋﯘﻻﺭﻧﯩﯔ ﺋﺎﺳﺎﺳﯩﻲ ﻣﺎﺋﺎﺭﯨﭗ ﯞﻩ ﺋﯘﻧﯩﯖﺪﯨﻦ ﻳﯘﻗﯩﺮﻯ ﻣﺎﺋﺎﺭﯨﭗ ﺑﺎﺳﻘﯘﭼﻠﯩﺮﯨﺪﺍ ﺧﯩﺘﺎﻱ ﺗﯩﻠﯩﺪﺍ ﻣﺎﺋﺎﺭﯨﭗ ﻗﻮﺑﯘﻝ ﻗﯩﻠﯩﺶ ﺋﺎﺳﺎﺳﯩﻨﻰ ﺗﯩﻜﻠﻪﺵ ﻻﺯﯨﻢ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﻳﻪﺳﻠﻰ ﻣﺎﺋﺎﺭﯨﭙﯩﻨﻰ ﻗﻮﺵ ﺗﯩﻠﻼﺷﺘﯘﺭﯗﺵ، ﺧﯩﺘﺎﻳﻨﯩﯔ 11 - ﺑﻪﺵ ﻳﯩﻠﻠﯩﻖ ﭘﯩﻼﻧﯩﻐﺎ ﻛﯩﺮﮔﯜﺯﯛﻟﮕﻪﻥ ﺑﻮﻟﯘﭖ، ﺧﯩﺘﺎﻱ ﻫﯚﻛﯜﻣﯩﺘﻰ 2010 - ﻳﯩﻠﯩﻐﺎ ﻗﻪﺩﻩﺭ، ﻗﻪﺷﻘﻪﺭ ﺧﻮﺗﻪﻥ ﺋﺎﻗﺴﯘﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺟﻪﻧﯘﺑﯩﻲ ﺋﯘﻳﻐﯘﺭ ﺋﯧﻠﯩﻨﻰ ﺋﺎﺳﺎﺱ ﻗﯩﻠﯩﭗ ﻳﻪﺗﺘﻪ ﺋﻮﺑﻼﺳﺖ ﯞﻩ 56 ﻧﺎﻫﯩﻴﯩﺪﻩ 258 ﻣﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﯩﯔ ﺋﺎﯓ ﺗﻪﺭﺑﯩﻴﯩﺴﯩﻨﻰ ﻗﻮﺵ ﺗﯩﻞ ﻣﺎﺋﺎﺭﯨﭙﯩﺪﺍ ﻳﻪﻧﻰ ﺧﯩﺘﺎﻱ ﺗﯩﻠﯩﺪﺍ ﺋﯧﻠﯩﭗ ﺑﯧﺮﯨﺸﻨﻰ ﭘﯩﻼﻥ ﻗﯩﻠﻐﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﺯﻛﯘﺭ ﭘﯩﻼﻧﻨﯩﯔ ﺋﻪﻣﻪﻟﯩﻴﻠﯩﺸﯩﺸﻰ ﺋﯜﭼﯜﻥ ﺑﻪﺵ ﻳﯩﻠﻐﺎ ﺑﯚﻟﯜﭖ 430 ﻣﯩﻠﻴﻮﻥ ﻳﯜﻩﻥ ﺋﺎﺟﺮﯨﺘﯩﺪﯨﻜﻪﻥ ﯞﻩ ﺑﯘ ﺟﻪﺭﻳﺎﻧﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ 2006 - ﻳﯩﻠﯩﺪﯨﻦ ﺑﺎﺷﻼﭖ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﯩﯔ ﺩﻩﺳﻠﻪﭘﻜﻰ ﺋﺎﯓ ﺗﻪﺭﺑﯩﻴﯩﺴﯩﻨﻰ ﺧﯩﺘﺎﻱ ﺗﯩﻠﯩﺪﺍ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ، ﻗﻮﺵ ﺗﯩﻞ ﻳﻪﺳﻠﻰ ﺋﻮﻗﯘﺗﻘﯘﭼﯩﻠﯩﺮﯨﻨﻰ ﺗﻪﺭﺑﯩﻴﯩﻠﻪﺷﻨﻰ ﻛﯜﭼﻪﻳﺘﯩﺶ ﯞﻩ ﻧﺎﻫﯩﻴﻪ ﻳﯧﺰﯨﻼﺭﺩﯨﻤﯘ ﻗﻮﺵ ﺗﯩﻞ ﻳﻪﺳﻠﯩﻠﯩﺮﯨﻨﻰ ﻗﯘﺭﯗﺷﻨﻰ ﻛﯜﭼﻪﻳﺘﯩﭗ ﻛﯧﻠﯩﯟﺍﺗﻤﺎﻗﺘﺎ. ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻫﯚﻛﯜﻣﻪﺕ ﻗﻮﺵ ﺗﯩﻞ ﻣﻪﻛﺘﻪﭖ ﯞﻩ ﻳﻪﺳﻠﯩﻠﯩﺮﯨﻨﻰ ﻗﯘﺭﯗﺷﻨﻰ ﻛﯜﭼﻪﻳﺘﯩﺶ ﻫﻪﻗﻘﯩﺪﯨﻜﻰ ﭘﯩﻜﺮﯨﺪﻩ" ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻫﻪﺭ ﺑﯩﺮ ﻛﻪﻧﺘﺘﻪ ﺑﯩﺮ ﻗﻮﺵ ﺗﯩﻞ ﺑﺎﺷﻼﻧﻐﯘﭺ ﻣﻪﻛﺘﯩﭙﻰ ﺑﻮﻟﺴﺎ ﭼﻮﻗﯘﻡ ﺑﯩﺮ ﻗﻮﺵ ﺗﯩﻞ ﻳﻪﺳﻠﯩﺴﯩﻨﻰ ﻣﺎﺳﻼﺷﺘﯘﺭﯗﭖ ﻗﯘﺭﯗﺷﻨﻰ ﺋﯩﺸﻘﺎ ﺋﺎﺷﯘﺭﯗﺵ"ﻧﻰ ﺗﻪﻟﻪﭖ ﻗﯩﻠﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﻰ 2006 - ﻳﯩﻠﯩﺪﯨﻦ 2010 - ﻳﯩﻠﯩﻐﺎ ﻗﻪﺩﻩﺭ ﺑﻮﻟﻐﺎﻥ 11 - ﺑﻪﺵ ﻳﯩﻠﻠﯩﻖ ﭘﯩﻼﻧﻰ ﺑﻮﻳﯩﭽﻪ ﻳﯘﻗﯩﺮﯨﺪﺍ ﺗﯩﻠﻐﺎ ﺋﺎﻟﻐﺎﻥ ﺗﻪﺩﺑﯩﺮﻟﯩﺮﻯ ﺋﯩﺸﻘﺎ ﺋﺎﺷﺴﺎ ﺑﻪﺵ ﻳﯩﻞ ﺋﯩﭽﯩﺪﻩ ﺋﯘﻳﻐﯘﺭ ﺋﯧﻠﯩﺪﻩ 56 ﺷﻪﻫﻪﺭ ﻫﻪﻡ ﻧﺎﻫﯩﻴﯩﻠﻪﺭﺩﯨﻜﻰ ﻗﻮﺵ ﺗﯩﻠﻠﯩﻖ ﻳﻪﺳﻠﯩﻠﯩﺮﯨﺪﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﭘﻪﺭﺯﻩﻧﺘﻠﯩﺮﯨﻨﯩﯔ %85 ﺗﻰ ﺩﻩﺳﻠﻪﭘﻜﻰ ﺋﺎﯓ ﺗﻪﺭﺑﯩﻴﯩﺴﯩﻨﻰ ﺧﯩﺘﺎﻱ ﺗﯩﻠﯩﺪﺍ ﺑﺎﺷﻼﻳﺪﯗ.

ﺑﯘﻧﯩﯔ ﺋﯜﭼﯜﻥ 6000 ﻧﻪﭘﻪﺭ ﻗﻮﺵ ﺗﯩﻞ ﻳﻪﺳﻠﻰ ﺋﻮﻗﯘﺗﻘﯘﭼﯩﺴﻰ ﻣﻪﺧﺴﯘﺱ ﺗﻪﺭﺑﯩﻴﻠﯩﻨﯩﺪﯨﻜﻪﻥ. ﺋﯘﻳﻐﯘﺭ ﺋﯧﻠﯩﺪﻩ 2006 - ﻳﯩﻠﯩﺪﯨﻦ ﺑﯘﻳﺎﻧﻘﻰ ﻗﻮﺵ ﺗﯩﻞ ﻳﻪﺳﻠﯩﻠﯩﺮﯨﻨﯩﯔ ﻗﯘﺭﯗﻟﯘﺵ ﺳﯜﺭﺋﯩﺘﯩﮕﻪ ﻗﺎﺭﺍﭖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﻪﺳﻠﻰ ﻣﺎﺋﺎﺭﯨﭙﯩﻨﻰ ﺧﯩﺘﺎﻳﭽﯩﻼﭘﺸﺘﯘﺭﯗﺵ ﺳﯜﺭﺋﯩﺘﯩﻨﯩﯔ ﺋﯩﻨﺘﺎﻳﯩﻦ ﺗﯧﺰ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﭘﻪﺭﻩﺯ ﻗﯩﻠﯩﺸﻘﺎ ﺑﻮﻟﯩﺪﯗ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﺎﺋﺎﺭﯨﭗ ﻧﺎﺯﺍﺭﯨﺘﻰ 2006 - ﻳﯩﻠﻰ 8 - ﺋﺎﻳﺪﺍ ﺋﯘﻳﻐﯘﺭ ﺋﯧﻠﯩﺪﻩ 1000ﻏﺎ ﻳﯧﻘﯩﻦ ﻗﻮﺵ ﺗﯩﻞ ﺗﻪﻳﻴﺎﺭﻟﯩﻖ ﺳﯩﻨﯩﭙﻠﯩﺮﯨﺪﺍ ﺋﻮﻗﯘﯞﺍﺗﻘﺎﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﯩﯔ 15، ﺋﺎﻟﺪﯨﻨﻘﻰ ﺋﺎﻟﺘﻪ ﻳﯩﻠﺪﯨﻜﯩﮕﻪ ﻗﺎﺭﯨﻐﺎﻧﺪﺍ 50 ﻫﻪﺳﺴﻪ ﻛﯚﭘﯩﻴﯩﭗ 15 ﻣﯩﯖﻐﺎ ﻳﻪﺗﻜﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﺴﺎ، 2007 - ﻳﯩﻠﯩﺪﺍ ﻗﻮﺵ ﺗﯩﻞ ﻳﻪﺳﻠﯩﺴﻰ ﯞﻩ ﺗﻪﻳﻴﺎﺭﻟﯩﻖ ﺳﯩﻨﯩﭙﻠﯩﺮﯨﻨﯩﯔ 2982 ﮔﻪ ﻳﯧﺘﯩﭗ، ﺋﻮﻗﯘﻏﯘﭼﯩﻼﺭ ﺳﺎﻧﯩﻨﯩﯔ 93ﻣﯩﯖﻐﺎ ﻳﻪﺗﻜﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﺪﻯ.

ﺋﯘﻳﻐﯘﺭ ﺋﯧﻠﯩﻨﯩﯔ ﻣﺎﺋﺎﺭﯨﭙﻘﺎ ﺩﺍﺋﯩﺮ ﺧﻪﯞﻩﺭﻟﯩﺮﯨﺪﯨﻦ ﺋﺎﺷﻜﺎﺭﻟﯩﻨﯩﺸﯩﭽﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﻳﯩﻞ ﺋﯘﻳﻐﯘﺭﻻﺭ ﺯﯨﭽﻠﯩﺸﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻧﻼﺭﺩﺍ ﻗﻮﺵ ﺗﯩﻠﻠﯩﻖ ﻳﻪﺳﻠﯩﻠﻪﺭﻧﻰ ﻗﯘﺭﯗﺷﻘﺎ ﺋﺎﻻﻫﯩﺪﻩ ﻛﯜﭺ ﺋﺎﺟﺮﯨﺘﯩﯟﺍﺗﻘﺎﻥ ﺑﻮﻟﯘﭖ، ﻳﯧﻘﯩﻨﺪﯨﻼ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺑﺎﻏﭽﺎ ﻣﺎﺋﺎﺭﯨﭙﻰ ﭘﯩﺪﺍﮔﻮﮔﯩﻜﺎ ﻛﻪﺳﭙﯩﻨﻰ ﭘﯜﺗﺘﯜﺭﮔﻪﻥ 105 ﻧﻪﭘﻪﺭ ﻳﻪﺳﻠﻰ ﺋﻮﻗﯘﺗﻘﯘﭼﯩﻠﯩﺮﻯ ﻣﻪﺧﺴﯘﺱ ﻗﻪﺷﻘﻪﺭ ﯞﯨﻼﻳﯩﺘﯩﻨﯩﯔ ﻫﻪﺭ ﻗﺎﻳﺴﻰ ﻳﯧﺰﯨﻠﯩﺮﯨﺪﺍ ﻗﯘﺭﯗﻟﻐﺎﻥ ﻗﻮﺵ ﺗﯩﻞ ﻳﻪﺳﻠﯩﻠﯩﺮﯨﮕﻪ ﺗﻪﻗﺴﯩﻢ ﻗﯩﻠﯩﻨﻐﺎﻥ.

ﻧﯚﯞﻩﺗﺘﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﯜﺭﻟﯜﻙ ﺋﯧﺘﯩﯟﺍﺭ ﺑﯧﺮﯨﺶ ﻫﻪﻡ ﻳﯘﻗﯩﺮﻯ ﺗﻪﻣﯩﻨﺎﺗﻼﺭ ﺑﯩﻠﻪﻥ ﻳﻪﻧﯩﻤﯘ ﻛﯚﭘﻠﯩﮕﻪﻥ ﻗﻮﺵ ﺗﯩﻞ ﺋﻮﻗﯘﺗﻘﯘﭼﯩﻠﯩﺮﯨﻨﻰ ﻳﯧﺰﯨﻼﺭﺩﯨﻜﻰ ﻗﻮﺵ ﺗﯩﻞ ﻳﻪﺳﻠﯩﻠﯩﺮﯨﮕﻪ ﺑﯧﺮﯨﺸﻘﺎ ﺭﯨﻐﺒﻪﺗﻠﻪﻧﺪﯛﺭﯨﯟﺍﺗﻘﺎﻥ ﺋﯩﻜﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻐﺎ ﺩﻩﺳﻠﻪﭘﻜﻰ ﺋﺎﯓ ﺗﻪﺭﺑﯩﻴﯩﺴﯩﺪﯨﻦ ﺑﺎﺷﻼﭖ ﺧﯩﺘﺎﻳﭽﻪ ﺋﯚﮔﯩﺘﯩﺶ، ﻣﯩﻠﻠﯩﻲ ﻣﺎﺋﺎﺭﯨﭗ ﺳﯜﭘﯩﺘﯩﻨﻰ ﻳﯘﻗﯩﺮﻯ ﻛﯚﺗﯜﺭﯨﺪﯗ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﯩﯔ ﺳﺎﭘﺎﺳﯩﻨﯩﯔ ﻳﯘﻗﯩﺮﻯ ﺑﻮﻟﯘﺷﯩﻐﺎ ﺋﺎﺳﺎﺱ ﺳﺎﻟﯩﺪﯗ ﺩﻩﭖ ﺗﻪﺷﯟﯨﻖ ﻗﯩﻠﻤﺎﻗﺘﺎ. ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﺧﯩﻞ ﺑﺎﻟﯩﻼﺭﻏﺎ ﺩﻩﺳﻠﻪﭘﻜﻰ ﺋﺎﯓ ﺗﻪﺭﺑﯩﻴﯩﺴﯩﻨﯩﻤﯘ ﺧﯩﺘﺎﻳﭽﻪ ﺋﯧﻠﯩﭗ ﺑﯧﺮﯨﺸﻰ ﺑﯩﻠﻪﻥ، ﺋﯘﻳﻐﯘﺭ ﺋﺎﺗﺎ ﺋﺎﻧﯩﻼﺭ ﺑﺎﻟﯩﻠﯩﺮﯨﻨﯩﯔ ﺋﯚﺯ ﺋﺎﻧﺎ ﺗﯩﻠﯩﻨﻰ ﺋﯚﮔﯩﻨﯩﺸﻰ ﻫﻪﻡ ﻣﯩﻠﻠﯩﻲ ﺧﺎﺭﺍﻛﺘﯧﺮﻟﯩﺮﯨﻨﯩﯔ ﻳﯧﺘﯩﻠﯩﺸﯩﻨﯩﯔ ﺗﻮﺳﺎﻟﻐﯘﻏﺎ ﺋﯘﭼﺮﯨﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﺑﻮﻟﺴﺎ، ﺋﯘﻳﻐﯘﺭ ﻣﺎﺋﺎﺭﯨﭙﭽﯩﻠﯩﺮﻯ ﻫﻪﻡ ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﻪﺳﻠﻰ ﻣﺎﺋﺎﺭﯨﭙﯩﻨﻰ ﺑﯘ ﺳﯜﺭﺋﻪﺗﺘﻪ ﺗﯧﺰ ﺧﯩﺘﺎﻳﭽﯩﻼﺷﺘﯘﺭﯗﺷﻨﯩﯔ ﺑﺎﻟﯩﻼﺭ ﻣﺎﺋﺎﺭﯨﭙﻰ، ﭘﯩﺪﺍﮔﻮﮔﯩﻜﺎ ﺋﯩﻠﻤﯩﻐﯩﻤﯘ ﻳﺎﺩ ﺑﻮﻟﻐﺎﻥ ﺷﯘﻧﺪﺍﻗﻼ ﺋﻪﻛﺴﯩﭽﻪ ﻧﻪﺗﯩﺠﯩﻠﻪﺭﻧﻰ ﻫﺎﺳﯩﻞ ﻗﯩﻠﯩﺪﯨﻐﺎﻥ ﻧﺎﺗﻮﻏﺮﺍ ﺗﻪﺩﺑﯩﺮ ﺋﯩﻜﻪﻧﻠﯩﻜﯩﻨﻰ، ﺑﯘ ﺧﯩﻞ ﺳﯩﻴﺎﺳﻪﺗﻨﯩﯔ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﻗﯩﻠﯩﺶ ﻏﻪﺭﯨﺰﯨﺪﯨﻦ ﺩﯦﺮﻩﻙ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﺘﺎ.

ﺑﯘ ﻫﻪﻗﺘﻪ ﺋﯘﻳﻐﯘﺭ ﺋﯧﻠﯩﺪﻩ ﭘﯩﺪﺍﮔﻮﮔﯩﻜﺎ ﺋﯩﻠﻤﯩﺪﺍ ﺧﯧﻠﻰ ﻧﻮﭘﯘﺯﻏﺎ ﺋﯩﮕﻪ، ﺑﯩﺮ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﺗﻘﯘﭼﯩﺴﻰ ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﺑﯩﻠﯩﻢ ﺋﺎﺷﯘﺭﯗﯞﺍﺗﻘﺎﻥ ﺋﯘﻳﻐﯘﺭ ﺯﯨﻴﺎﻟﯩﺴﻰ ﺋﯚﺯ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. (ﮔﯜﻟﭽﯧﻬﺮﻩ)