ﺋﯘﻳﻐﯘﺭﻻﺭﺩﺍ ﺳﺎﻻﻣﻠﯩﺸﯩﺶ ﺋﻪﻧﺌﻪﻧﯩﺴﻰ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭﺟﺎﻥ ﺗﻮﺧﺘﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯘﻳﻐﯘﺭﻻﺭﺩﺍ ﺋﯩﻜﻜﻰ ﻛﯩﺸﻰ ﺋﯚﺯ ﺋﺎﺭ ﺋﯘﭼﺮﺍﺷﻘﯩﻨﯩﺪﺍ ﺑﯩﺮ- ﺑﯩﺮﯨﮕﻪ ﺳﺎﻻﻡ ﺑﯧﺮﯨﺶ ﺋﺎﺩﯨﺘﻰ ﺋﻪﯓ ﻗﻪﺩﯨﻤﯩﻲ ﺋﻪﻧﺌﻪﻧﯩﻠﻪﺭﺩﯨﻦ ﺳﺎﻧﯩﻠﯩﭗ ﻛﻪﻟﻤﻪﻛﺘﻪ. ﺋﯘﻳﻐﯘﺭﻻﺭ ﺳﺎﻻﻣﻠﯩﺸﯩﺸﻨﻰ ﻣﯩﻠﻠﯩﻲ ﺋﻪﺧﻼﻕ ﯞﻩ ﺩﯨﻨﯩﻲ ﻗﺎﺋﯩﺪﻩ ﻳﻮﺳﯘﻥ ﻗﺎﺗﺎﺭﯨﺪﯨﻦ ﺳﺎﻧﺎﻳﺪﯗ. ﺳﺎﻻﻣﻠﯩﺸﯩﺶ ﻛﯩﺸﯩﻠﻪﺭ ﺋﻮﺗﺘﯘﺭﯨﺴﯩﺪﺍ ﻣﯧﻬﺮﻯ - ﻣﯘﻫﻪﺑﺒﻪﺗﻨﻰ ﺩﺍﯞﺍﻡ ﻗﯩﻠﺪﯗﺭﯗﺵ ﯞﻩ ﻛﯚﯕﯜﻟﻠﻪﺭﻧﻰ ﺟﻪﻟﭗ ﻗﯩﻠﯩﺸﺘﺎ ﺋﻪﯓ ﺯﻭﺭ ﺳﯧﻬﺮﯨﻲ ﻛﯜﭼﻜﻪ ﺋﯩﮕﻪ ﺑﯩﺮ ﺋﯩﺸﺘﯘﺭ. ﺋﯩﻨﺴﺎﻧﻼﺭ ﺋﺎﺭﯨﺴﯩﺪﺍ ﺑﯩﺮ- ﺑﯩﺮﻯ ﺑﯩﻠﻪﻥ ﺳﺎﻻﻣﻠﯩﺸﯩﺶ ﺋﺎﺩﯨﺘﻰ ﺋﯘﻻﺭ ﺑﺎﺭﻟﯩﻘﻘﺎ ﻛﻪﻟﮕﻪﻧﺪﯨﻦ ﺑﯧﺮﻯ ﻣﻪﯞﺟﯘﺕ ﺑﻮﻟﯘﭖ ﻛﻪﻟﮕﻪﻥ ﺑﻮﻟﺴﯩﻤﯘ، ﺋﯘﻳﻐﯘﺭﻻﺭﺩﺍ ﺋﯚﺯ ﺋﺎﺭﺍ ﺳﺎﻻﻣﻠﯩﺸﯩﺸﻨﯩﯔ ﺋﻪﻫﻤﯩﻴﯩﺘﻰ ﭼﻮﯓ، ﻣﻪﺯﻣﯘﻧﻰ ﻧﺎﻫﺎﻳﯩﺘﻰ ﻣﻮﻟﺪﯗﺭ.

ﺋﯘﻳﻐﯘﺭﻻﺭﺩﺍ ﺳﺎﻻﻣﻠﯩﺸﯩﺸﻨﯩﯔ ﺋﯚﺯﮔﯩﭽﯩﻠﯩﻜﻰ

ﺋﯘﻳﻐﯘﺭﻻﺭﺩﺍ ﺳﺎﻻﻣﻠﯩﺸﯩﺶ ﺑﻪﺯﯨﺪﻩ ﻗﻮﻝ ﺋﯧﻠﯩﺸﯩﭗ، ﺑﻪﺯﯨﺪﻩ ﻗﯘﭼﺎﻗﻠﯩﺸﯩﭗ ﻛﯚﺭﯛﺷﯜﺵ ﻳﻮﻟﻰ ﺑﯩﻠﻪﻥ ﺑﻮﻟﯩﺪﯗ. ﺩﺍﺋﯩﻢ ﻛﯚﺭﯛﺷﯜﭖ ﺗﯘﺭﯨﺪﯨﻐﺎﻧﻼﺭ ﺋﺎﺭﯨﺴﯩﺪﺍ ﻗﻮﻝ ﺋﯧﻠﯩﺸﯩﭗ ﻛﯚﺭﯛﺷﯜﺵ ﻗﯩﺴﻘﺎﺭﺗﯩﻠﯩﺪﯗ. ﻗﯘﭼﺎﻗﻠﯩﺸﯩﺶ ﺗﯧﺨﯩﻤﯘ ﻗﯩﺴﻘﺎﺭﺗﯩﻠﯩﺪﯗ. ﺑﻪﺯﯨﻠﻪﺭ ﺑﯩﺮ ﺗﻪﺭﻩﭘﺘﯩﻦ ﺳﺎﻻﻣﻠﯩﺸﯩﭗ، ﺑﯩﺮ ﺗﻪﺭﻩﭘﺘﯩﻦ ﺋﻮﯓ ﻗﻮﻟﯩﻨﻰ ﻛﯚﻛﺮﻩﻛﻜﻪ ﻗﻮﻳﯩﺪﯗ. ﺑﯘ ﺳﺎﻻﻣﻨﯩﯔ ﭼﯩﻦ ﻳﯜﺭﻩﻛﺘﯩﻦ ﭼﯩﻘﻘﺎﻧﻠﯩﻘﯩﻨﻰ، ﭼﯩﻦ ﺩﯨﻠﯩﺪﯨﻦ ﺋﺎﻣﺎﻧﻠﯩﻖ ﺗﯩﻠﯩﮕﻪﻧﻠﯩﻜﯩﻨﻰ ﺋﯩﭙﺎﺩﯨﻠﻪﻳﺪﯗ. ﺑﻪﺯﯨﻠﻪﺭ ﺋﻮﯓ ﻗﻮﻟﯩﻨﻰ ﺑﯧﺮﯨﭗ ﻛﯚﺭﯛﺷﯜﭖ، ﺳﻮﻝ ﻗﻮﻟﯩﻨﻰ ﻗﺎﺭﺷﻰ ﺗﻪﺭﻩﭘﻨﯩﯔ ﺋﻮﯓ ﺑﯩﻠﯩﻜﯩﮕﻪ ﻗﻮﻳﯩﺪﯗ. ﺑﯘ ﺑﻪﺩﻩﻧﻨﯩﯔ ﺑﯩﺮ ﭘﯜﺗﯜﻧﻠﯩﻜﯩﻨﻰ ﯞﻩ ﺳﺎﻻﻣﻼﺷﻘﯘﭼﯩﻼﺭﻧﯩﯔ ﺧﯘﺩﺩﻯ ﺑﯩﺮ ﺋﺎﺋﯩﻠﻪ ﻛﯩﺸﯩﻠﯩﺮﯨﮕﻪ ﺋﻮﺧﺸﺎﺵ ﻳﯧﻘﯩﻦ ﺋﯩﻜﻪﻧﻠﯩﻜﯩﻨﻰ ﺋﯩﭙﺎﺩﯨﻠﻪﻳﺪﯗ.

ﺳﺎﻻﻣﻠﯩﺸﯩﺸﻨﯩﯔ ﻗﺎﺋﯩﺪﯨﺴﻰ

ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﯞﻩﺗﻪﻧﭙﻪﺭﯞﻩﺭ ﻳﺎﺵ ﺋﺎﻟﯩﻢ ﺳﯩﺮﺍﺟﯩﺪﺩﯨﻦ ﺋﻪﺯﯨﺰﻯ ﺳﺎﻻﻣﻠﯩﺸﯩﺸﻨﯩﯔ ﻗﺎﺋﯩﺪﻩ - ﻳﻮﺳﯘﻧﻠﯩﺮﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: " ﺳﺎﻻﻣﻨﻰ ﺋﺎﯞﯞﺍﻝ ﺑﺎﺷﻼﺵ ﺳﯜﻧﻨﻪﺕ ﺑﻮﻟﺴﺎ، ﺋﯘﻧﻰ ﻗﺎﻳﺘﯘﺭﯗﺵ ﭘﻪﺭﺯﺩﯗﺭ. ﺋﺎﻟﻼﻫ ﺗﺎﻻ ﻗﯘﺭﺋﺎﻥ ﻛﻪﺭﯨﻤﺪﻩ ﻣﯘﻧﺪﺍﻕ ﺩﯦﮕﻪﻥ:" ﺳﯩﻠﻪﺭﮔﻪ ﺑﯩﺮﺍﯞ ﺳﺎﻻﻡ ﺑﻪﺭﺳﻪ، ﺋﯘﻧﯩﯖﻐﺎ ﺗﯧﺨﯩﻤﯘ ﻳﺎﺧﺸﻰ ﺳﺎﻻﻡ ﺑﯩﻠﻪﻥ ﺟﺎﯞﺍﺏ ﺑﯧﺮﯨﯖﻼﺭ ﻳﺎﻛﻰ ﺋﯘﻧﯩﯔ ﺳﺎﻟﯩﻤﯩﻨﻰ ﺋﻪﻳﻨﻪﻥ ﻗﺎﻳﺘﯘﺭﯗﯕﻼﺭ"ﺩﻩﭖ ﻛﯚﺭﺳﻪﺗﻜﻪﻥ. ﺋﺎﻳﻪﺗﺘﯩﻜﻰ، ﺗﯧﺨﯩﻤﯘ ﻳﺎﺧﺸﻰ ﺳﺎﻻﻡ ﺑﯩﻠﻪﻥ ﺟﺎﯞﺍﺏ ﺑﯧﺮﯨﺶ "ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﻳﻪﻧﻰ(ﺋﺎﻟﻼﻫﻨﯩﯔ ﺋﺎﻣﺎﻧﻠﯩﻘﻰ ﺳﯩﻠﻪﺭﮔﻪ ﺑﻮﻟﺴﯘﻥ)"ﺩﻩﭖ ﺳﺎﻻﻡ ﺑﻪﺭﮔﻪﻥ ﻛﯩﺸﯩﮕﻪ: "ﯞﻩﺋﻪﻟﻪﻳﻜﯘﻡ ﺋﻪﺳﺴﺎﻻﻡ، ﯞﻩﺭﻩﻫﻤﻪﺗﯘﻟﻼﻫﻰ ﯞﻩ ﺑﻪﺭﻩﻛﺎﺗﯘﻫﯘ ﻳﻪﻧﻰ(ﺋﺎﻟﻼﻫﻨﯩﯔ ﺋﺎﻣﺎﻧﻠﯩﻘﻰ، ﺭﻩﻫﻤﯩﺘﻰ ﯞﻩ ﺑﻪﺭﯨﻜﯩﺘﻰ ﺳﯩﻠﻪﺭﮔﻪ ﺑﻮﻟﺴﯘﻥ)" ﺩﻩﭖ ﺟﺎﯞﺍﺏ ﻗﺎﻳﺘﯘﺭﯗﺵ، ﺳﺎﻻﻣﯩﻨﻰ ﺋﻪﻳﻨﻪﻥ ﻗﺎﻳﺘﯘﺭﯗﺵ ﺩﯦﮕﻪﻧﻠﯩﻚ:" ﯞﻩ ﺋﻪﻟﻪﻳﻜﯘﻡ ﺋﻪﺳﺴﺎﻻﻡ ﻳﻪﻧﻰ(ﺳﯩﻠﻪﺭﮔﯩﻤﯘ ﺋﺎﻟﻼﻫﻨﯩﯔ ﺋﺎﻣﺎﻧﻠﯩﻘﻰ ﺑﻮﻟﺴﯘﻥ)"ﺩﻩﭖ ﺟﺎﯞﺍﺏ ﻗﺎﻳﺘﯘﺭﯗﺷﺘﯘﺭ."

ﺳﯩﺮﺍﺟﯩﺪﺩﯨﻦ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﺳﺎﻻﻡ ﺑﻪﺭﮔﯜﭼﻰ ﮔﻪﺭﭼﻪ ﻳﺎﻟﻐﯘﺯ ﺑﯩﺮﻻ ﻛﯩﺸﻰ ﺑﻮﻟﺴﯩﻤﯘ، ﺋﯘﻧﯩﯔ ﺳﺎﻟﯩﻤﯩﻨﻰ ﻗﺎﻳﺘﯘﺭﯗﺷﺘﺎ "ﺋﻪﻟﻪﻳﻜﯘﻡ"ﻳﻪﻧﻰ(ﺳﯩﻠﻪﺭﮔﻪ...)ﺩﻩﭖ ﻗﺎﻳﺘﯘﺭﯗﻟﯩﺪﯗ. ﭼﯜﻧﻜﻰ ﻗﺎﺭﺷﻰ ﺗﻪﺭﻩﭖ "ﻛﯚﭘﭽﯩﻠﯩﻚ"ﻧﯩﯔ ﯞﻩﻛﯩﻠﻰ ﺩﻩﭖ ﻗﺎﺭﯨﻠﯩﺪﯗ. ﺑﯘﻧﯩﯖﺪﺍ ﻣﯘﺳﯘﻟﻤﺎﻧﻼﺭ ﺋﻮﺗﺘﯘﺭﯨﺴﯩﺪﯨﻜﻰ ﺑﺎﺭﺍﯞﻩﺭﻟﯩﻚ ﯞﻩ ﺑﯩﺮﻟﯩﻚ ﺋﻪﻛﺲ ﺋﻪﺗﺘﯜﺭﯛﻟﮕﻪﻥ.

ﻣﯘﺳﯘﻟﻤﺎﻧﻼﺭﺩﺍ ﺳﺎﻻﻣﻠﯩﺸﯩﺸﻨﯩﯔ ﺋﻪﻫﻤﯩﻴﯩﺘﻰ

ﺋﯩﻜﻜﻰ ﻛﯩﺸﻰ ﺋﯘﭼﺮﺍﺷﻘﯩﻨﯩﺪﺍ ﺑﯩﺮ - ﺑﯩﺮﯨﮕﻪ ﺳﺎﻻﻡ ﺑﯧﺮﯨﺸﻰ ﺩﯗﻧﻴﺎﺩﺍ ﻫﻪﺭﻛﯩﻢ ﻳﺎﻗﺘﯘﺭﯨﺪﯨﻐﺎﻥ ﮔﯜﺯﻩﻝ ﺋﻪﺧﻼﻕ ﯞﻩ ﺋﯧﺴﯩﻞ ﭘﻪﺯﯨﻠﻪﺗﺘﯘﺭ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻣﯘﻧﺪﺍﻕ ﺩﯦﮕﻪﻥ:" ﺑﯩﺮ ﻣﯘﺳﯘﻟﻤﺎﻧﻨﯩﯔ ﻳﻪﻧﻪ ﺑﯩﺮ ﻣﯘﺳﯘﻟﻤﺎﻧﻐﺎ ﺋﯚﺗﻪﺷﻜﻪ ﺗﯧﮕﯩﺸﻠﯩﻚ ﻫﻪﻗﻠﯩﺮﻯ 6 ﺑﻮﻟﯘﭖ، ﺋﯘﻻﺭ: ﺋﯘﭼﺮﺍﺷﻘﺎﻧﺪﺍ ﺳﺎﻻﻡ ﺑﯧﺮﯨﺶ، ﭼﺎﻗﯩﺮﺳﺎ ﺑﯧﺮﯨﺶ، ﻧﻪﺳﯩﻬﻪﺕ ﺳﻮﺭﯨﺴﺎ ﻧﻪﺳﯩﻬﻪﺕ ﻗﯩﻠﯩﺶ، ﭼﯜﺷﻜﯜﺭﺳﻪ "ﺋﻪﻟﻬﻪﻣﺪﯗ ﻟﯩﻠﻼﻫ"ﺩﯦﻴﯩﺶ، ﻛﯧﺴﻪﻝ ﺑﻮﻟﯘﭖ ﻗﺎﻟﺴﺎ ﻳﻮﻗﻼﺵ، ﺋﯚﻟﯜﭖ ﻛﻪﺗﺴﻪ ﻧﺎﻣﯩﺰﯨﻐﺎ ﺑﯧﺮﯨﺶ."

ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ:" ﺳﯩﻠﻪﺭ ﻣﯚﻣﯩﻦ ﺑﻮﻟﻤﯩﻐﯩﭽﻪ ﺟﻪﻧﻨﻪﺗﻜﻪ ﻛﯩﺮﻩﻟﻤﻪﻳﺴﯩﻠﻪﺭ، ﺑﯩﺮ - ﺑﯩﺮﯨﯖﻼﺭﻧﻰ ﺳﯚﻳﻤﯩﮕﯩﭽﻪ ﻣﯚﻣﯩﻦ ﺑﻮﻻﻟﻤﺎﻳﺴﯩﻠﻪﺭ. ﺳﯩﻠﻪﺭﮔﻪ ﺑﯩﺮ- ﺑﯩﺮﯨﯖﻼﺭﻧﻰ ﺳﯚﻳﯩﺪﯨﻐﺎﻥ ﺋﯩﺸﻨﻰ ﻛﯚﺭﺳﯩﺘﯩﭗ ﺑﯧﺮﻩﻳﻤﯘ؟ ﺋﯘﻧﺪﺍﻗﺘﺎ، ﺋﺎﺭﺍﯕﻼﺭﺩﺍ ﺳﺎﻻﻣﻠﯩﺸﯩﺸﻨﻰ ﺋﻮﻣﯘﻣﻼﺷﺘﯘﺭﯗﯕﻼﺭ."

ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻳﻪﻧﻪ ﺑﯩﺮ ﻫﻪﺩﯨﺴﯩﺪﻩ:" ﺳﯩﻠﻪﺭﮔﻪ ﻳﻪﻫﯘﺩﯨﻴﻼﺭﺩﯨﻦ ﻳﺎﻛﻰ ﺧﺮﯨﺴﺘﯩﺌﺎﻧﻼﺭﺩﯨﻦ ﺑﯩﺮﻯ ﺳﺎﻻﻡ ﻗﯩﻠﺴﺎ، ﺳﯩﻠﻪﺭﻣﯘ ﺋﯘﻻﺭﻏﺎ" ﺋﻮﺋﻪ ﺋﻪﻟﻪﻳﻜﯘﻡ (ﻳﻪﻧﻰ: ﺳﯩﻠﻪﺭﮔﯩﻤﯘ ﺷﯘﻧﺪﺍﻕ ﺑﻮﻟﺴﯘﻥ)"ﺩﻩﭖ ﺟﺎﯞﺍﺏ ﻗﺎﻳﺘﯘﺭﯗﯕﻼﺭ"ﺩﻩﭖ ﻛﯚﺭﺳﻪﺗﻜﻪﻥ.

"ﺋﯩﺴﻼﻡ"ﺳﯚﺯﻯ ﺑﯩﻠﻪﻥ "ﺳﺎﻻﻡ" ﺳﯚﺯﯨﻨﯩﯔ ﺋﻪﺭﻩﺑﭽﻪ ﺗﯜﭖ ﻳﯩﻠﺘﯩﺰﻯ ﺑﯩﺮ ﺑﻮﻟﯘﭖ، ﻫﻪﺭ ﺋﯩﻜﻜﯩﺴﻰ "ﺗﯩﻨﭽﻠﯩﻖ" ﺩﯦﮕﻪﻥ ﻣﻪﻧﯩﻨﻰ ﺋﯩﭙﺎﺩﯨﻠﻪﻳﺪﯗ. ﺑﯘ ﻣﯘﺳﯘﻟﻤﺎﻧﻠﯩﻘﻨﯩﯔ ﺗﯩﻨﭽﻠﯩﻘﻨﻰ ﺗﻪﺷﻪﺑﺒﯘﺱ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﮕﯩﻨﯩﺪﯨﻦ ﺗﺎﺷﻘﯩﺮﻯ، ﺳﺎﻻﻣﻠﯩﺸﯩﺸﻨﯩﯔ ﻧﻪﻗﻪﺩﻩﺭ ﻣﯘﻫﯩﻢ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯨﺪﯗ. ﺳﺎﻻﻣﻠﯩﺸﯩﺶ ﭘﯜﺗﯜﻥ ﺋﯩﻨﺴﺎﻧﯩﻴﻪﺗﻨﯩﯔ ﻧﻪﺯﯨﺮﯨﺪﻩ ﺋﻪﯓ ﺋﯧﺴﯩﻞ ﺋﻪﻧﺌﻪﻧﻪ ﺳﺎﻧﯩﻠﯩﺪﯨﻐﺎﻥ، ﻫﯧﭽﻘﺎﻧﺪﺍﻕ ﭼﯩﻘﯩﻢ ﺗﻪﻟﻪﭖ ﻗﯩﻠﻤﺎﻳﺪﯨﻐﺎﻥ، ﺋﯚﺯﻯ ﺋﺎﺳﺎﻥ، ﭘﺎﻳﺪﯨﺴﻰ ﺋﯩﻨﺘﺎﻳﯩﻦ ﻣﻮﻝ ﺑﯩﺮ ﺋﯩﺸﺘﯘﺭ.

ﺳﺎﻻﻡ ﺑﯧﺮﯨﺸﻨﯩﯔ ﺗﻪﺭﺗﯩﭙﻰ

ﺳﺎﻻﻡ ﺑﯧﺮﯨﺸﺘﻪ ﻛﯩﭽﯩﻜﻠﻪﺭ ﭼﻮﯕﻼﺭﻏﺎ، ﺋﯚﺗﯜﭖ ﻛﯧﺘﯩﯟﺍﺗﻘﺎﻧﻼﺭ ﺋﻮﻟﺘﯘﺭﻏﺎﻧﻼﺭﻏﺎ، ﺋﺎﺯﺳﺎﻧﻠﯩﻖ ﻛﯚﭖ ﺳﺎﻧﻠﯩﻘﻘﺎ ﯞﻩ ﻗﺎﺗﻨﺎﺵ ﺋﯜﺳﺘﯩﺪﯨﻜﯩﻠﻪﺭ ﭘﯩﻴﺎﺩﯨﻠﻪﺭﮔﻪ ﺳﺎﻻﻡ ﺑﯧﺮﯨﺪﯗ. ﺷﯘﻧﺪﺍﻗﻼ ﺳﯩﺮﺗﺘﯩﻦ ﻛﻪﻟﮕﻪﻧﻠﻪﺭ ﺷﯘ ﻳﻪﺭﺩﯨﻜﯩﻠﻪﺭﮔﻪ، ﺋﻪﺭﻟﻪﺭ ﺋﺎﻳﺎﻟﻼﺭﻏﺎ، ﺋﯧﺮﻯ ﺋﺎﻳﺎﻟﯩﻐﺎ، ﻣﯧﻬﻤﺎﻥ ﺳﺎﻫﯩﺒﺨﺎﻧﻐﺎ ﺳﺎﻻﻡ ﺑﯧﺮﯨﺪﯗ.

ﺋﯘﻳﻐﯘﺭﻻﺭ ﺋﻪﺯﻩﻟﺪﯨﻦ ﺋﯚﺯﺍﺭﺍ ﺳﺎﻻﻡ ﺑﯧﺮﯨﺸﻜﻪ ﺋﯧﺘﯩﺒﺎﺭ ﺑﯧﺮﯨﭗ ﻛﻪﻟﮕﻪﻥ ﺧﻪﻟﻖ ﺑﻮﻟﯘﭖ، ﺋﯚﺯﺍﺭﺍ ﻫﯚﺭﻣﻪﺕ ﻗﺎﺋﯩﺪﻩ -ﻳﻮﺳﯘﻧﻠﯩﺮﯨﻨﻰ ﺋﯩﭙﺎﺩﯨﻠﻪﻳﺪﯨﻐﺎﻥ ﺋﯩﺒﺎﺭﯨﻠﻪﺭﮔﻪ ﯞﻩ ﺋﯩﭙﺎﺩﯨﻠﻪﺵ ﺋﯘﺳﯘﻟﻠﯩﺮﯨﻐﺎ ﺑﺎﻱ. (ﺗﻮﺧﺘﻰ)