ﻣﺎﻗﺎﻟﯩﺪﺍ ﻣﯘﻧﺪﺍﻕ ﺩﻩﭖ ﻳﯧﺰﯨﻠﻐﺎﻥ:" ﻣﻪﻟﯘﻣﻜﻰ، ﺧﯩﺘﺎﻱ - ﺭﯗﺳﯩﻴﻪ ﻫﻪﻣﻜﺎﺭﻟﯩﻘﻰ ﺩﺍﯞﺍﻣﻼﺷﻤﺎﻗﺘﺎ. ﺭﯗﺳﯩﻴﻪﺩﯨﻦ ﻧﯧﻔﯩﺖ ﯞﻩ ﮔﺎﺯ ﻗﺎﺗﺎﺭﻟﯩﻖ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﻰ ﺧﯩﺘﺎﻳﻐﺎ ﻳﯚﺗﻜﻪﺵ ﺋﯩﺸﻠﯩﺮﻯ 2007 - ﻳﯩﻠﺪﯨﻦ ﺑﺎﺷﻼﭖ ﻳﯧﯖﻰ ﺩﻩﯞﺭﯨﮕﻪ ﻛﯩﺮﮔﻪﻥ. ﺭﯗﺳﯩﻴﻪﺩﯨﻦ ﺧﯩﺘﺎﻳﻐﺎ ﻳﯚﺗﻜﯩﻠﯩﺪﯨﻐﺎﻥ ﺑﺎﻳﻠﯩﻖ ﻧﯧﻔﯩﺖ ﺑﯩﻠﻪﻥ ﮔﺎﺯﻻ ﺋﻪﻣﻪﺱ. ﺭﯗﺳﯩﻴﻪ ﺭﻩﺋﯩﺴﻰ ﯞﯨﻼﺩﯨﻤﯧﺮ ﭘﯘﺗﯩﻦ ﺧﯩﺘﺎﻱ - ﺭﯗﺳﯩﻴﻪ ﻫﻪﻣﻜﺎﺭﻟﯩﻘﯩﻨﯩﯔ ﺭﯗﺳﯩﻴﻪﺩﯨﻦ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯ ﻳﯚﺗﻜﻪﺷﻜﯩﻼ ﻗﯩﺴﻘﯩﺮﯨﭗ ﻗﺎﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺑﻪﻟﻜﻰ ﺧﯩﺘﺎﻳﻨﯩﯔ ﻳﺎﺩﺭﻭ ﺋﯧﻨﯧﺮﮔﯩﻴﻪ ﻣﯘﺋﻪﺳﺴﻪﺳﻪﻟﯩﺮﯨﮕﻪ ﻛﯧﺮﻩﻛﻠﯩﻚ ﺧﺎﻡ ﺋﻪﺷﻴﺎﻻﺭﻣﯘ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻧﻠﯩﻘﯩﻨﻰ ﺳﯚﺯﻟﯩﮕﻪﻥ ﺋﯩﺪﻯ. 2001 - ﻳﯩﻠﯩﺪﯨﻦ 2007 - ﻳﯩﻠﯩﻨﯩﯔ ﺋﺎﺧﯩﺮﯨﻐﯩﭽﻪ ﺧﯩﺘﺎﻱ - ﺭﯗﺳﯩﻴﻪ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﺩﺍ ﻛﯚﻟﯩﻤﻰ 68 ﻣﯩﻠﻴﻮﻧﻐﺎ ﻳﻪﺗﻜﻪﻥ. ﺧﯩﺘﺎﻱ ﯞﻩ ﺭﯗﺳﯩﻴﻪ ﻣﻪﺳﺌﯘﻟﻠﯩﺮﯨﻨﯩﯔ ﺑﺎﻳﺎﻧﺎﺗﯩﻐﺎ ﻛﯚﺭﻩ، 2010 - ﻳﯩﻠﯩﻐﺎ ﻗﻪﺩﻩﺭ 80 ﻣﯩﻠﻴﺎﺭﺕ ﺩﻭﻟﻼﺭﻏﺎ ﻳﯧﺘﯩﺸﻰ ﻛﯜﺗﯜﻟﻤﻪﻛﺘﻪ. ﺧﯩﺘﺎﻱ - ﺭﯗﺳﯩﻴﻪ ﺋﯩﻜﻜﻰ ﺩﯙﻟﻪﺕ ﻫﻪﻣﻜﺎﺭﻟﯩﻘﻰ ﺑﯩﻠﻪﻥ ﺭﯗﺳﯩﻴﻪ ﺯﯦﻤﯩﻨﯩﺪﺍ ﻗﯘﺭﯗﻟﻐﺎﻥ ﻣﯘﺋﻪﺳﺴﻪﺳﻪ ﺳﺎﻧﻰ 657ﮔﻪ ﻳﻪﺗﻜﻪﻥ. ﺧﯩﺘﺎﻳﻨﯩﯔ ﺭﯗﺳﯩﻴﻪﺩﯨﻦ ﺋﺎﻟﻐﺎﻥ ﭘﺎﻳﺪﯨﺴﻰ 320 ﻣﯩﻠﻴﻮﻥ ﺩﻭﻟﻼﺭﻏﺎ ﻳﻪﺗﻜﻪﻥ."

ﺭﯗﺳﯩﻴﻪ ﺧﯩﺘﺎﻳﻼﺭﻧﯩﯔ ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﺪﯨﻜﻰ ﻛﯧﯖﯩﻴﯩﺸﯩﺪﯨﻦ ﺭﺍﻫﻪﺗﺴﯩﺰ

ﻣﺎﻗﺎﻟﯩﺪﺍ ﻳﻪﻧﻪ ﻣﯘﻧﺪﺍﻕ ﺩﯦﻴﯩﻠﮕﻪﻥ:" ﺭﯗﺳﯩﻴﻪ ﺗﻪﺑﯩﺌﯩﻲ ﮔﺎﺯﻧﻰ ﺳﯧﺘﯩﺶ ﻣﻪﻗﺴﯩﺘﻰ ﺑﯩﻠﻪﻥ ﺧﯩﺘﺎﻳﻼﺭﻏﺎ ﺋﯩﺸﯩﻜﯩﻨﻰ ﻛﻪﯓ ﺋﯧﭽﯩﭗ ﻛﻪﻟﻤﻪﻛﺘﻪ. ﺋﯘﻧﯩﯔ ﺋﯜﺳﺘﯩﮕﻪ ﺭﯗﺳﯩﻴﻪ ﺧﯩﺘﺎﻱ ﺑﯩﻠﻪﻥ ﺗﯜﺯﮔﻪﻥ ﻛﯧﻠﯩﺸﯩﻤﯩﺪﻩ، ﺭﯗﺳﯩﻴﯩﻨﯩﯔ ﻳﺎﯞﺭﻭﭘﺎﻏﺎ ﭼﯩﻘﯩﺮﯨﺪﯨﻐﺎﻥ ﻧﯧﻔﯩﺖ ﻣﯩﻘﺪﺍﺭﯨﻨﯩﯔ ﻳﯧﺮﯨﻤﯩﻨﻰ ﺧﯩﺘﺎﻳﻐﺎ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯩﻤﺰﺍﻟﯩﻐﺎﻥ. ﻟﯧﻜﯩﻦ ﺭﯗﺳﯩﻴﻪ ﺗﻪﺭﻩﭖ ﺧﯩﺘﺎﻳﻼﺭﻧﯩﯔ ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﺪﺍ ﻛﯧﯖﯩﻴﯩﺸﯩﻨﻰ ﺧﺎﻟﯩﻤﺎﻳﺪﯗ ﯞﻩ ﺑﯘﻧﯩﯔ ﺧﻪﺗﯩﺮﯨﺪﯨﻦ ﻫﻪﻣﯩﺸﻪ ﺋﻪﻧﺪﯨﺸﻪ ﻗﯩﻠﯩﭗ ﻛﻪﻟﻤﻪﻛﺘﻪ. ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻳﯩﻤﯩﺮﯨﻠﮕﻪﻧﺪﯨﻦ ﻛﯧﻴﯩﻦ، ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻼﺭﻧﯩﯔ ﻧﻮﭘﯘﺱ ﺳﺎﻧﻰ ﻳﯜﺯﺩﻩ 50 ﭘﯩﺮﺳﻪﻧﺖ ﺗﯚﯞﻩﻧﻠﻪﭖ ﻛﻪﺗﻜﻪﻥ. ﺑﯘﻧﯩﯖﻐﺎ ﺋﻪﮔﯩﺸﯩﭗ ﺑﯘ ﺭﺍﻳﻮﻧﻼﺭﺩﯨﻜﻰ ﺋﯩﺸﻠﻪﭘﭽﯩﻘﯩﺮﯨﺸﻤﯘ ﺗﯚﯞﻩﻧﻠﯩﮕﻪﻥ. ﺑﯘ ﭘﯘﺭﺳﻪﺗﻨﻰ ﻏﻪﻧﯩﻤﻪﺕ ﺑﯩﻠﮕﻪﻥ ﺧﯩﺘﺎﻱ ﺋﯩﺸﭽﯩﻠﯩﺮﻯ ﺭﯗﺳﯩﻴﻪ - ﺧﯩﺘﺎﻱ ﺋﯩﻜﻜﻰ ﺩﯙﻟﻪﺕ ﺳﻮﺩﺍ ﻛﯧﻠﯩﺸﯩﻤﻠﯩﺮﯨﺪﯨﻦ ﭘﺎﻳﺪﯨﻠﯩﻨﯩﭗ، ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﻐﺎ ﺋﯩﻨﺘﺎﻳﯩﻦ ﻛﻪﯓ ﻛﯚﻟﻪﻣﺪﻩ ﺗﺎﺭﻗﯩﻠﯩﺸﻘﺎ ﺑﺎﺷﻠﯩﻐﺎﻥ. ﺭﯗﺳﯩﻴﻪ ﺑﯘﻧﯩﯖﺪﯨﻦ ﻗﺎﺗﺘﯩﻖ ﺑﯩﺌﺎﺭﺍﻡ ﺑﻮﻟﻤﺎﻗﺘﺎ ﯞﻩ ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﺪﯨﻦ ﺋﯚﺯﻟﯩﺮﻯ ﭘﺎﻳﺪﯨﻠﯩﻨﯩﺶ، ﺑﺎﻳﻠﯩﻘﻠﯩﺮﯨﻨﻰ ﺋﯚﺯﻟﯩﺮﻯ ﭼﯩﻘﯩﺮﯨﺶ ﺋﯜﭼﯜﻥ ﻳﯧﯖﻰ ﭘﯩﻼﻧﻠﯩﺮﯨﻨﻰ ﻻﻳﯩﻬﻪﻟﯩﻤﻪﻛﺘﻪ."

ﻧﯧﻤﻪ ﺋﯜﭼﯜﻥ ﺧﯩﺘﺎﻳﻼﺭ ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﻐﺎ ﻛﯧﯖﯩﻴﯩﺪﯗ؟

ﻣﺎﻗﺎﻟﯩﺪﺍ ﻳﻪﻧﻪ ﻣﯘﻧﺪﺍﻕ ﺩﯦﻴﯩﻠﮕﻪﻥ: " ﺧﯩﺘﺎﻳﻼﺭﻧﯩﯔ ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﻐﺎ ﻛﯧﯖﯩﻴﯩﺸﻰ ﺧﯘﺩﺩﻯ ﺋﯘﻻﺭﻧﯩﯔ ﺋﺎﻓﺮﯨﻘﺎ ﺩﯙﻟﻪﺗﻠﯩﺮﯨﮕﻪ ﻛﯧﯖﻪﻳﮕﯩﻨﯩﮕﻪ ﺋﻮﺧﺸﺎﺵ ﺑﺎﻳﻠﯩﻖ ﺋﯩﺰﺩﻩﺵ ﯞﻩ ﻧﯧﻔﯩﺘﻜﻪ ﺋﯧﺮﯨﺸﯩﺶ ﺋﯜﭼﯜﻧﺪﯗﺭ. ﻣﺎﻧﺎ ﺑﯘ ﺧﯩﺘﺎﻳﻨﯩﯔ ﺗﯘﺭﻣﺎﺳﺘﯩﻦ ﺑﺎﺷﻘﯩﻼﺭﻧﯩﯔ ﻳﯧﺮﯨﮕﻪ ﻛﯧﯖﯩﻴﯩﺸﯩﮕﻪ ﺗﯜﺭﺗﻜﻪ ﺑﻮﻟﻐﺎﻥ ﺋﺎﻟﺪﯨﻨﻘﻰ ﺋﺎﻣﯩﻞ. ﺧﯩﺘﺎﻳﻼﺭﻧﯩﯔ ﺑﯘ ﺭﺍﻳﻮﻧﻼﺭﻏﺎ ﻛﯧﯖﯩﻴﯩﺸﯩﺪﯨﻦ ﺭﯗﺳﯩﻴﯩﻠﯩﻜﻠﻪﺭ ﺑﯩﺌﺎﺭﺍﻣﻠﯩﻖ ﻫﯧﺲ ﻗﯩﻠﻐﯩﻨﯩﺪﻩﻙ، ﺋﯘﻻﺭﻧﯩﯔ ﺋﺎﻓﺮﯨﻘﯩﻐﺎ ﻛﯧﯖﯩﻴﯩﺸﯩﺪﯨﻦ ﻏﻪﺭﺏ ﺩﯙﻟﻪﺗﻠﯩﺮﻯ ﺑﯩﺌﺎﺭﺍﻡ ﺑﻮﻟﻤﺎﻗﺘﺎ. ﺋﻪﺭﻩﺏ ﺩﯙﻟﻪﺗﻠﯩﺮﯨﺪﯨﻤﯘ ﺋﻪﻫﯟﺍﻝ ﺑﯩﺮ ﺧﯩﻠﺪﯗﺭ. ﭼﯜﻧﻜﻰ ﺧﯩﺘﺎﻳﻼﺭﻧﯩﯔ ﺋﻪﺭﻩﺏ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﯩﮕﻪ، ﺧﯘﺳﯘﺳﻪﻥ ﺩﯗﺑﻪﻳﮕﻪ ﻛﯧﯖﯩﻴﯩﺸﻰ، ﺧﯩﺘﺎﻱ ﺑﺎﺯﺍﺭﻟﯩﺮﯨﻨﯩﯔ ﺑﯘ ﺟﺎﻳﻼﺭﻏﺎ ﺗﻮﻟﯘﭖ ﻛﻪﺗﻜﻪﻧﻠﯩﻜﻰ ﺋﻪﻟﯟﻩﺗﺘﻪ ﺭﺍﻳﻮﻥ ﺋﻪﻫﻠﯩﻨﻰ ﺑﯩﺌﺎﺭﺍﻡ ﻗﯩﻠﻤﺎﻗﺘﺎ."

ﺭﯗﺳﯩﻴﯩﻨﯩﯔ ﺋﺎﺳﺎﻟﯩﻖ ﺑﺎﻳﻠﯩﻘﻰ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﺪﯨﻦ ﭼﯩﻘﯩﺪﯗ

ﻗﺎﺗﺎﺭﻧﯩﯔ " ﺋﻪﻝ ﺟﻪﺯﯨﺮﻩ" ﺗﯧﻠﯧﯟﯨﺰﯨﻴﻪ ﻗﺎﻧﯩﻠﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯩﺮ ﺳﯚﻫﺒﻪﺗﺘﻪ، ﻛﯘﯞﯦﻴﺘﻠﯩﻖ ﺋﯩﻘﺘﯩﺴﺎﺩﺷﯘﻧﺎﺱ ﺩﻭﻛﺘﻮﺭ ﺋﯩﺒﺮﺍﻫﯩﻢ ﺑﻪﺩﺭﺍﻥ ﺧﯩﺘﺎﻳﻨﯩﯔ ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﺪﯨﻜﻰ ﻛﯧﯖﯩﻴﯩﺸﻰ ﺋﯜﺳﺘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯦﺪﻯ:" ﺧﯩﺘﺎﻳﻼﺭﻧﻰ ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﻐﺎ ﺋﯧﻠﯩﭗ ﻛﻪﻟﮕﻪﻥ ﻧﻪﺭﺳﻪ ﺗﻪﺑﯩﺌﯩﻲ ﺑﺎﻳﻠﯩﻘﺘﯘﺭ. ﭼﯜﻧﻜﻰ ﺭﯗﺳﯩﻴﻪ ﺗﻪﺑﯩﺌﯩﻲ ﮔﯧﺰﯨﻨﯩﯔ ﻳﯜﺯﺩﻩ 90 ﭘﯩﺮﺳﻪﻧﺘﻰ، ﻧﯧﻔﯩﺖ ﯞﻩ ﻛﯚﻣﯜﺭﻧﯩﯔ ﻳﯜﺯﺩﻩ 70 ﭘﯩﺮﺳﻪﻧﺘﻰ ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﯨﺪﯨﻦ ﭼﯩﻘﯩﺪﯗ. ﺷﯘﻧﺪﺍﻗﻼ ﺭﯗﺳﯩﻴﻪ ﻧﯧﻔﯩﺘﯩﻨﯩﯔ ﻳﯜﺯﺩﻩ 14 ﭘﯩﺮﺳﻪﻧﺘﻰ ﺑﯘ ﺭﺍﻳﻮﻧﻼﺭﺩﯨﻦ ﭼﯩﻘﯩﺪﯗ. ﺩﯦﻤﻪﻙ، ﺷﻪﺭﻗﯩﻲ ﺳﯩﺒﯩﺮﯨﻴﻪ ﺭﺍﻳﻮﻧﻠﯩﺮﻯ ﺭﯗﺳﯩﻴﻪ ﺋﯜﭼﯜﻥ ﺗﻮﻟﯩﻤﯘ ﻣﯘﻫﯩﻢ ﯞﻩ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺭﺍﻳﻮﻧﻼﺭﺩﯗﺭ. ﺭﯗﺳﯩﻴﻪ ﻣﯘﻧﺪﺍﻕ ﺑﯩﺮ ﺭﺍﻳﻮﻧﻨﯩﯔ ﺑﺎﻳﻠﯩﻘﻠﯩﺮﯨﻨﻰ ﺧﯩﺘﺎﻳﻼﺭﻏﺎ ﺗﯘﺗﻘﯘﺯﯗﭖ ﻗﻮﻳﻤﺎﺳﻠﯩﻖ ﯞﻩ ﺋﯚﺯﻟﯩﺮﻯ ﭘﺎﻳﺪﯨﻠﯩﻨﯩﺶ ﺋﯜﭼﯜﻥ ﺗﯩﺮﯨﺸﻤﺎﻗﺘﺎ ."