ﺗﻪﻳﯟﻩﻥ ﻫﯚﻛﯜﻣﯩﺘﻰ "ﺧﯩﺘﺎﻱ ﺗﯩﻠﻰ ﺑﯩﺮﺩﯨﻦ-ﺑﯩﺮ ﻫﯚﻛﯜﻣﻪﺕ ﺗﯩﻠﻰ" ﺩﯦﮕﻪﻥ ﺳﯩﻴﺎﺳﻪﺗﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﻘﺎ ﻳﯜﺯﻟﻪﻧﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

"ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻰ" ﻧﯩﯔ 20 ‏- ﻣﺎﺭﺕ ﻛﯜﻧﻰ ﺗﻪﻳﺒﻴﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﻫﺎﺯﯨﺮ ﺗﻪﻳﯟﻩﻥ ﭘﺎﺭﻻﻣﯩﻨﺘﯩﺪﺍ "ﺩﯙﻟﻪﺕ ﺗﯩﻠﻰ" ﺩﯦﮕﻪﻥ ﻣﻪﺳﯩﻠﻪ ﻫﻪﻗﻘﯩﺪﯨﻜﻰ ﺗﻪﻛﻠﯩﭗ ‏- ﻻﻳﯩﻬﯩﻠﻪﺭ ﻛﯚﺯﺩﯨﻦ ﻛﯚﭼﯜﺭﯛﻟﯩﯟﺍﺗﯩﺪﯗ. ﺗﻪﻳﯟﻩﻧﻨﯩﯔ ﭘﺎﺭﻻﻣﯩﻨﺖ ﺑﺎﺷﻠﯩﻘﻰ ﺳﯘ ﺟﯧﻨﭽﺎﯓ "ﺗﻪﻳﯟﻩﻥ ﺑﯩﺮ ﺗﯩﻠﻠﯩﻖ ﺟﻪﻣﺌﯩﻴﻪﺕ ﺋﻪﻣﻪﺱ، ﺗﻪﻳﯟﻩﻥ ﺟﻪﻣﺌﯩﻴﯩﺘﯩﺪﯨﻜﻰ ﻫﻪﺭﺧﯩﻞ ﺗﯩﻠﻼﺭ ﺗﻪﯓ ﺑﺎﺭﺍﯞﻩﺭ ﺋﻮﺭﯗﻧﺪﺍ ﺗﯘﺭﯗﺷﻰ ﯞﻩ ﺋﻮﺧﺸﺎﺵ ﻗﻮﻟﻼﺷﻘﺎ ﺋﯩﮕﻪ ﺑﻮﻟﯘﺷﻰ ﻻﺯﯨﻢ. ﺑﯘ ﺋﺎﺭﺍﻟﺪﺍ ﺗﻪﻳﯟﻩﻥ ﺗﯩﻠﻰ، ﺧﺎﻛﻜﺎ ﺗﯩﻠﻰ ﯞﻩ ﺑﺎﺷﻘﺎ ﻳﻪﺭﻟﯩﻚ ﺗﯩﻠﻼﺭﻧﯩﯔ ﻫﻪﻣﻤﯩﺴﯩﻨﻰ ﻛﻪﻣﺴﯩﺘﯩﺸﻜﻪ ﻳﻮﻝ ﻗﻮﻳﯘﻟﻤﺎﻳﺪﯗ"ﺩﻩﭖ ﺟﺎﻛﺎﺭﻟﯩﻐﺎﻥ. ﻫﺎﺯﯨﺮ ﺗﻪﻳﯟﻩﻧﺪﻩ ﻳﯜﺯ ﺑﯧﺮﯨﯟﺍﺗﻘﺎﻥ ﺑﯘ ﺋﯚﺯﮔﯩﺮﯨﺸﻨﻰ، ﻳﻪﻧﻰ ﺗﻪﻳﯟﻩﻥ ﺋﺎﺭﯨﻠﯩﺪﺍ ﺋﯘﺯﯗﻧﺪﯨﻦ ﺑﯘﻳﺎﻥ ﻫﯚﻛﯜﻣﺮﺍﻥ ﺋﻮﺭﯗﻧﺪﺍ ﺗﯘﺭﯗﭖ ﻛﯧﻠﯩﯟﺍﺗﻘﺎﻥ "ﺧﯩﺘﺎﻱ ﺗﯩﻠﻰ ﺑﯩﺮﺩﯨﻦ-ﺑﯩﺮ ﻫﯚﻛﯜﻣﻪﺕ ﺗﯩﻠﻰ" ﺩﯦﮕﻪﻥ ﺳﯩﻴﺎﺳﻪﺗﻨﯩﯔ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﻘﺎ ﻳﯜﺯﻟﯩﻨﯩﯟﺍﺗﻘﺎﻧﻠﯩﻘﯩﻨﻰ، ﺋﯘﭼﯘﺭ ﯞﺍﺳﺘﯩﻠﯩﺮﻯ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻏﻪﺯﯨﭙﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﻗﻮﺯﻏﯩﺸﻰ ﻣﯘﻣﻜﯩﻦ، ﺩﻩﭖ ﻗﺎﺭﯨﻤﺎﻗﺘﺎ.

ﺗﻪﻳﯟﻩﻧﺪﻩ ﻛﻪﯓ ﻗﻮﻟﻠﯩﻨﯩﻠﯩﺪﯨﻐﺎﻥ ﺗﯩﻞ ﺑﯧﻴﺠﯩﯔ ﺷﯩﯟﯨﺴﻰ ﺋﺎﺳﺎﺳﯩﺪﺍ ﺗﻪﺭﻩﻗﻘﻰ ﻗﯩﻠﺪﯗﺭﯗﻟﻐﺎﻥ ﺧﯩﺘﺎﻳﭽﻪ ﺋﻮﺭﺗﺎﻕ ﺗﯩﻞ (ﭘﯘﺗﯘﯕﺨﯘﺍ) ﺋﻪﻣﻪﺱ

"ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻰ"ﻧﯩﯔ ﺑﯘ ﺧﻪﯞﯨﺮﯨﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، 1949 ‏- ﻳﯩﻠﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺗﻪﺭﯨﭙﯩﺪﯨﻦ ﻣﻪﻏﻠﯘﭖ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﺗﻪﻳﯟﻩﻧﮕﻪ ﻗﯧﭽﯩﭗ ﻛﻪﻟﮕﻪﻥ ﺟﺎﯓ ﻛﻪﻳﺸﻰ ﺋﺎﺭﻣﯩﻴﯩﺴﻰ ﺗﻪﻳﯟﻩﻧﺪﻩ ﻫﯚﻛﯜﻣﻪﺕ ﺗﯩﻠﻰ ﻗﯩﻠﯩﯟﺍﻟﻐﺎﻥ "ﺧﯩﺘﺎﻳﭽﻪ ﺋﻮﺭﺗﺎﻕ ﺗﯩﻞ"ﻏﺎ ﻗﺎﺭﯨﻐﺎﻧﺪﺍ، ﺗﻪﻳﯟﻩﻥ ﺋﺎﺭﯨﻠﯩﻐﺎ 17 ‏- 18 ‏- ﺋﻪﺳﺮﻟﻪﺭﺩﻩ ﻛﻪﻟﮕﻪﻥ ﻛﯚﭼﻤﻪﻧﻠﻪﺭﻧﯩﯔ ﺗﯩﻠﻠﯩﺮﻯ ﺋﺎﺳﺎﺳﯩﺪﺍ ﺷﻪﻛﯩﻠﻠﻪﻧﮕﻪﻥ ﺗﻪﻳﯟﻩﻥ ﺗﯩﻠﻰ ﺗﯧﺨﯩﻤﯘ ﻛﻪﯓ ﺩﺍﺋﯩﺮﯨﺪﻩ ﻗﻮﻟﻠﯩﻨﯩﻠﯩﯟﺍﺗﻘﺎﻥ ﺋﻮﺭﺗﺎﻕ ﺗﯩﻞ. ﺗﻪﻳﯟﻩﻧﺪﯨﻜﻰ ﺑﯘﺧﯩﻞ ﺗﯩﻠﻼﺭﻧﯩﯔ ﺋﻪﯓ ﭼﻮﯕﻰ ﻣﯩﻨﻨﻪﻥ ﺗﯩﻠﻰ ﯞﻩ ﺧﺎﻛﻜﺎ ﺗﯩﻠﻰ. ﺋﻪﻣﻤﺎ ﺑﯘ ﻳﻪﺭﻟﯩﻚ ﺗﯩﻠﻼﺭ ﺟﺎﯓ ﻛﻪﺑﻴﺸﻰ ﮔﯘﺭﯗﻫﻰ ﺗﻪﺭﯨﭙﯩﺪﯨﻦ ﻛﻪﻣﺴﯩﺘﯩﻠﮕﻪﻥ ﯞﻩ ﭼﻪﺗﻜﻪ ﻗﯧﻘﯩﻠﻐﺎﻥ ﺋﯩﺪﻯ.

1919 ‏-ﻳﯩﻠﻰ ﻣﺎﻧﺠﯘ ﺳﯘﻻﻟﯩﺴﻰ ﺋﺎﻏﺪﯗﺭﯗﻟﻐﺎﻧﺪﯨﻦ ﻛﯧﻴﯩﻦ، ﭼﻮﯓ ﻗﯘﺭﯗﻗﻠﯘﻗﺘﺎ ﺑﯧﻴﺠﯩﯔ ﺷﯩﯟﯨﺴﻰ ﺋﺎﺳﺎﺳﯩﺪﺍ ﺗﻪﺭﻩﻗﻘﻰ ﻗﯩﻠﺪﯗﺭﯗﻟﻐﺎﻥ ﺧﯩﺘﺎﻳﭽﻪ ﺋﻮﺭﺗﺎﻕ ﺗﯩﻞ (ﭘﯘﺗﯘﯕﺨﯘﺍ) ﺋﻮﻣﯘﻣﻼﺷﺘﯘﺭﯗﻟﯘﺷﻘﺎ ﺑﺎﺷﻠﯩﻐﺎﻧﺪﺍ، ﺗﻪﻳﯟﻩﻧﺪﻩ ﻳﻪﻧﯩﻼ "ﻣﯩﻨﻨﻪﻥ ﺗﯩﻠﻰ" ﺩﻩﭖ ﺋﺎﺗﯩﻠﯩﺪﯨﻐﺎﻥ ﻓﯘﺟﻪﻥ ﺷﯩﯟﯨﺴﯩﮕﻪ ﺋﻮﺧﺸﺎﭖ ﻛﯧﺘﯩﺪﯨﻐﺎﻥ ﺗﯩﻞ ﺋﻮﻣﯘﻣﻼﺷﻤﺎﻗﺘﺎ ﺋﯩﺪﻯ. ﺟﺎﯓ ﻛﻪﻳﺸﻰ ﺗﻪﻳﯟﻩﻧﮕﻪ ﻗﯧﭽﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻨﻼ، 1950 ‏- ﻳﯩﻠﯩﺪﯨﻦ ﺑﺎﺷﻼﭖ ﺗﻪﻳﯟﻩﻧﺪﯨﻜﻰ ﻳﻪﺭﻟﯩﻚ ﺗﯩﻠﻼﺭﻧﻰ ﻛﻪﻣﺴﯩﺘﯩﭗ، ﺋﯘﻧﯩﯔ ﺋﻮﺭﻧﯩﻐﺎ ﭼﻮﯓ ﻗﯘﺭﯗﻗﻠﯘﻗﺘﯩﻜﻰ "ﺧﯩﺘﺎﻳﭽﻪ ﺋﻮﺭﺗﺎﻕ ﺗﯩﻞ"ﻧﻰ ﺭﻩﺳﻤﯩﻲ ﻫﯚﻛﯜﻣﻪﺕ ﺗﯩﻠﻰ ﻗﯩﻠﯩﭗ ﺑﯧﻜﯩﺘﻜﻪﻥ ﺋﯩﺪﻯ.

ﺗﻪﻳﯟﻩﻥ ﭘﺎﺭﻻﻣﯩﻨﺘﯩﺪﺍ ﻫﺎﺯﯨﺮ ﻣﯘﺯﺍﻛﯩﺮﻩ ﻗﯩﻠﯩﻨﯩﯟﺍﺗﻘﺎﻥ "ﺩﯙﻟﻪﺕ ﺗﯩﻠﻰ ﻻﻳﯩﻬﯩﺴﻰ" ﺧﯩﺘﺎﻳﻨﯩﯔ ﻏﻪﺯﯨﭙﯩﻨﻰ ﻛﻪﻟﺘﯜﺭﯛﺷﻰ ﻣﯘﻣﻜﯩﻦ

"ﺭﻭﻳﺘﺮﺱ ﺋﺎﮔﯧﻨﺘﻠﯩﻘﻰ"ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺗﻪﻳﯟﻩﻧﺪﻩ ﻫﺎﺯﯨﺮ ﻳﻪﺭﻟﯩﻚ ﺗﯩﻠﻼﺭﻧﻰ ﺯﻭﺭ ﻛﯜﭺ ﺑﯩﻠﻪﻥ ﺗﻪﺭﻩﻗﻘﻰ ﻗﯩﻠﯩﺶ ﭘﯘﺭﺳﯩﺘﯩﮕﻪ ﺋﯩﮕﻪ ﻗﯩﻠﯩﺶ ﯞﻩ ﺋﯘﻧﻰ ﻗﺎﻧﯘﻧﻼﺷﺘﯘﺭﯗﺵ ﻫﻪﺭﯨﻜﯩﺘﻰ ﺩﺍﯞﺍﻣﻠﯩﺸﯩﯟﺍﺗﯩﺪﯗ. ﺗﻪﻳﯟﻩﻧﺪﻩ 2000 ‏- ﻳﯩﻠﻰ ﺋﯧﻠﯩﭗ ﺑﯧﺮﯨﻠﻐﺎﻥ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﺪﺍ، ﭼﯧﻦ ﺷﯘﻳﺒﻴﻪﻧﻨﯩﯔ ﺭﻩﺳﻤﯩﻲ ﺳﻮﺭﯗﻧﻼﺭﺩﺍ ﺋﻮﺭﺗﺎﻕ ﺗﯩﻠﻨﻰ ﻗﺎﻳﺮﯨﭗ ﻗﻮﻳﯘﭖ ﻳﻪﺭﻟﯩﻚ ﺗﯩﻠﺪﺍ ﺳﯚﺯﻟﯩﺸﻰ ﻧﺎﻫﺎﻳﯩﺘﻰ ﺯﻭﺭ ﻗﻮﻟﻼﺷﻘﺎ ﺋﯧﺮﯨﺸﻜﻪﻥ ﺋﯩﺪﻯ. ﺗﻪﻳﯟﻩﻧﺪﻩ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ 2008 ‏- ﻳﯩﻠﻠﯩﻖ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ ﻳﻪﻧﻪ ﻳﯧﻘﯩﻨﻼﺷﺘﻰ. ﺗﻪﻳﯟﻩﻥ ﻫﯚﻛﯜﻣﯩﺘﻰ ﻫﺎﺯﯨﺮ "ﺧﯩﺘﺎﻱ ﺗﯩﻠﻰ ﺑﯩﺮﺩﯨﻦ-ﺑﯩﺮ ﻫﯚﻛﯜﻣﻪﺕ ﺗﯩﻠﻰ" ﺩﯦﮕﻪﻥ ﺳﯩﻴﺎﺳﻪﺗﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﻘﺎ ﻳﯜﺯﻟﯩﻨﯩﭗ، ﺗﻪﻳﯟﻩﻥ ﺟﻪﻣﺌﯩﻴﯩﺘﯩﺪﻩ ﻗﻮﻟﻠﯩﻨﻠﯩﯟﺍﺗﻘﺎﻥ ﻫﻪﻣﻤﻪ ﺧﯩﻞ ﺗﯩﻠﻨﯩﯔ ﺗﻪﯓ ﺑﺎﺭﺍﯞﻩﺭﻟﯩﻜﯩﻨﻰ ﯞﻩ ﺋﯘﻧﻰ ﺋﻪﺭﻛﯩﻦ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﻻﺯﯨﻤﻠﯩﻘﯩﻨﻰ ﺗﻪﻛﯩﺘﻠﯩﮕﻪﻧﻠﯩﻜﻰ ﺑﯩﺮﺧﯩﻞ ﻳﯧﯖﻰ ﻳﯜﺯﻟﯩﻨﯩﺶ. ﻫﺎﺯﯨﺮ ﺗﻪﻳﯟﻩﻥ ﭘﺎﺭﻻﻣﯩﻨﺘﻰ ﺑﯧﺴﯩﯟﺍﺗﻘﺎﻥ ﺑﯘ ﺑﯩﺮ ﻗﻪﺩﻩﻡ ﭼﻮﯓ ﻗﯘﺭﯗﻗﻠﯘﻗﺘﯩﻜﻰ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﻪﻧﻪ ﺑﯩﺮ ﻗﯧﺘﯩﻢ ﻏﻪﺯﯨﭙﯩﻨﻰ ﻗﻮﺯﻏﯩﺸﻰ ﻣﯘﻣﻜﯩﻦ.

2003 ‏- ﻳﯩﻠﻰ، ﺟﺎﯓ ﻛﻪﻳﺸﯩﻨﯩﯔ ﺗﯩﻞ ﻛﻮﻣﯩﺘﯧﺘﻰ ﺗﯜﺯﮔﻪﻥ "ﺧﯩﺘﺎﻱ ﺋﻮﺭﺗﺎﻕ ﺗﯩﻠﻰ" ﻧﻰ ﺗﻪﻳﯟﻩﻧﺪﻩ ﺑﯩﺮﺩﯨﻦ-ﺑﯩﺮ ﻫﯚﻛﯜﻣﻪﺕ ﺗﯩﻠﻰ ﻗﯩﻠﯩﺶ ﺗﻮﻏﺮﯨﺴﯩﺪﯨﻜﻰ ﺋﯚﻟﭽﻪﻣﻨﻰ ﺑﯩﻜﺎﺭ ﻗﯩﻠﯩﺶ ﺗﻪﻛﻠﯩﭙﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﯩﺪﻯ

"ﺧﯩﺘﺎﻱ ﯞﺍﻗﯩﺖ ﮔﯧﺰﯨﺘﻰ" ﺩﻩ ﺋﯧﻼﻥ ﻗﯩﻠﯩﻨﻐﺎﻥ ﺧﻪﯞﻩﺭ ﺋﺎﺭﺧﯩﭙﯩﻐﺎ ﻗﺎﺭﯨﻐﺎﻧﺪﺍ، 2003 ‏- ﻳﯩﻠﻰ ﺗﻪﻳﯟﻩﻧﺪﻩ 11 ﺧﯩﻞ ﻳﻪﺭﻟﯩﻚ ﻣﯩﻠﻠﯩﻲ ﺗﯩﻞ ﯞﻩ ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺳﯩﺮﺗﺘﯩﻦ ﻛﯧﻠﯩﭗ ﻳﻪﺭﻟﻪﺷﻜﻪﻥ ﺧﺎﻛﻜﺎ ﺗﯩﻠﻰ ﻣﻪﯞﺟﯘﺕ ﺋﯩﻜﻪﻧﻠﯩﻜﻰ ﯞﻩ ﻛﻪﯓ ﻛﯚﻟﻪﻣﺪﻩ ﺋﻮﻣﯘﻣﻠﯩﺸﯩﯟﺍﺗﻘﺎﻧﻠﯩﻘﻰ، ﺋﻪﻣﺪﻯ ﺟﺎﯓ ﻛﻪﻳﺸﯩﻨﯩﯔ ﺗﯩﻞ ﻛﻮﻣﯩﺘﯧﺘﻰ ﺗﯜﺯﮔﻪﻥ "ﺧﯩﺘﺎﻱ ﺋﻮﺭﺗﺎﻕ ﺗﯩﻠﻰ"ﻧﻰ ﺗﻪﻳﯟﻩﻧﺪﻩ ﺑﯩﺮﺩﯨﻦ-ﺑﯩﺮ ﻫﯚﻛﯜﻣﻪﺕ ﺗﯩﻠﻰ ﻗﯩﻠﻤﺎﺳﻠﯩﻖ ﻻﺯﯨﻤﻠﯩﻘﻰ ﺗﻪﻛﯩﺘﻠﻪﻧﮕﻪﻥ ﺋﯩﺪﻯ. ﺋﻪﻣﻤﺎ ﺋﻪﻳﻨﻰ ﯞﺍﻗﯩﺘﺘﺎ ﮔﻮﻣﯩﻨﺪﺍﯕﭽﯩﻼﺭ ﺟﺎﻫﯩﻠﻠﯩﻖ ﺑﯩﻠﻪﻥ ﻗﺎﺭﺷﻰ ﺗﯘﺭﯗﭖ، ﭼﻮﯓ ﻗﯘﺭﯗﻗﻠﯘﻗﺘﯩﻜﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﮕﻪ ﻳﺎﻧﺘﺎﻳﺎﻕ ﺑﻮﻟﯘﯞﺍﻟﻐﺎﻧﻠﯩﻘﺘﯩﻦ، ﺑﯘ ﺗﻪﻛﻠﯩﭗ ﻻﻳﯩﻬﯩﺴﻰ ﯞﺍﻗﺘﯩﻨﭽﻪ ﺗﻮﺧﺘﯩﺘﯩﭗ ﻗﻮﻳﯘﻟﻐﺎﻥ ﺋﯩﺪﻯ. ﺋﻪﻣﻤﺎ ﺗﻪﻳﯟﻩﻥ ﺟﻪﻣﺌﯩﻴﯩﺘﯩﺪﻩ ﺑﯘ ﻫﻪﻗﺘﯩﻜﻰ ﻣﯘﻧﺎﺯﯨﺮﯨﻠﻪﺭ ﺋﯚﺯﻟﯜﻛﺴﯩﺰ ﺩﺍﯞﺍﻡ ﻗﯩﻠﻤﺎﻗﺘﺎ.

ﺟﺎﯓ ﻛﻪﻳﺸﯩﻨﯩﯔ "ﺧﯩﺘﺎﻳﭽﻪ ﺋﻮﺭﺗﺎﻕ ﺗﯩﻠﻰ" ﻏﺎ ﺗﻪﻳﯟﻩﻧﻠﯩﻜﻨﯩﯔ ﺗﯩﻠﻰ ﻛﻪﻟﻤﻪﻳﺪﯗ

"ﺯﻩﻳﺒﺎﯞ ﺗﻮﺭ ﺑﯧﺘﻰ"ﺩﻩ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﻣﯘﻧﺎﺯﯨﺮﯨﻠﻪﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯘﺩﺩﻯ ﭼﻮﯓ ﻗﯘﺭﯗﻗﻠﯘﻗﺘﯩﻜﻰ "ﺧﯩﺘﺎﻳﭽﻪ ﺋﻮﺭﺗﺎﻕ ﺗﯩﻞ" ﻏﺎ ﺟﺎﯓ ﻛﻪﻳﺸﯩﻨﯩﯔ ﺗﯩﻠﻰ ﻛﻪﻟﻤﯩﮕﻪﻧﺪﻩﻙ، ﺟﺎﯓ ﻛﻪﻳﺸﯩﻨﯩﯔ ﺷﯩﯟﯨﺴﻰ ﺋﺎﺭﯨﻠﯩﺸﯩﭗ ﻗﺎﻟﻐﺎﻥ ﺗﻪﻳﯟﻩﻧﺪﯨﻜﻰ "ﺧﯩﺘﺎﻳﭽﻪ ﺋﻮﺭﺗﺎﻕ ﺗﯩﻞ" ﻏﯩﻤﯘ ﮔﻮﻣﯩﻨﺪﺍﯓ ﺋﻪﺳﻜﻪﺭﻟﯩﺮﯨﻨﯩﯔ ﺗﯩﻠﻰ ﻛﻪﻟﻤﯩﮕﻪﻧﺪﻩﻙ، ﭼﻮﯓ ﻗﯘﺭﯗﻗﻠﯘﻗﺘﯩﻜﻰ "ﺧﯩﺘﺎﻳﭽﻪ ﺋﻮﺭﺗﺎﻕ ﺗﯩﻞ" ﻏﯩﻤﯘ، ﺟﺎﯓ ﻛﻪﻳﺸﯩﻨﯩﯔ ﺷﯩﯟﯨﺴﻰ ﺋﺎﺭﯨﻠﯩﺸﯩﭗ ﻗﺎﻟﻐﺎﻥ ﺗﻪﻳﯟﻩﻧﺪﯨﻜﻰ "ﺧﯩﺘﺎﻳﭽﻪ ﺋﻮﺭﺗﺎﻕ ﺗﯩﻞ" ﻏﯩﻤﯘ ﺗﻪﻳﯟﻩﻧﻠﯩﻜﻠﻪﺭﻧﯩﯔ ﺗﯩﻠﻰ ﻛﻪﻟﻤﻪﻳﺪﯗ. ﺷﯘﯕﻼﺷﻘﺎ ﺗﻪﻳﯟﻩﻥ ﻫﯚﻛﯜﻣﯩﺘﻰ ﭼﯘﻗﯘﻡ ﺗﻪﻳﯟﻩﻧﻨﯩﯔ ﺋﯚﺯﯨﻨﯩﯔ ﺩﯙﻟﻪﺕ ﺗﯩﻠﯩﻨﻰ ﻳﻮﻟﻐﺎ ﻗﻮﻳﯘﺷﻰ ﻻﺯﯨﻢ. (ﯞﻩﻟﻰ)