ﻳﺎﭘﻮﻧﯩﻴﻪ ﺋﯩﻤﭙﯧﺮﯨﻴﯩﺴﻰ ﺗﻮﭘﻠﯩﻐﺎﻥ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﻣﺎﺗﯧﺮﯨﻴﺎﻟﻼﺭ (1)

• ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2005- ﻳﯩﻠﻰ ﻗﺎﺯﺍﻗﯩﺴﺘﺎﻧﻨﯩﯔ ﺳﯘﻻﻳﻤﺎﻧﻮﻑ ﻧﺎﻣﯩﺪﯨﻜﻰ ﺷﻪﺭﻗﺸﯘﻧﺎﺳﻠﯩﻖ ﺋﯩﻨﺴﺘﯩﺘﯘﺗﯩﻨﯩﯔ ﻏﻮﺟﺎ ﺋﻪﺧﻤﻪﺕ ﺳﺎﺩﯞﺍﻗﺎﺳﻮﻑ ﻧﺎﻣﯩﺪﯨﻜﻰ ﺋﯘﻳﻐﯘﺭﺷﯘﻧﺎﺳﻠﯩﻖ ﻣﻪﺭﻛﯩﺰﻯ ﻗﺎﺯﺍﻗﯩﺴﺘﺎﻧﺪﺍ ﺗﯘﺭﯗﺷﻠﯘﻕ ﺋﺎﻣﯧﺮﯨﻜﺎ ﺋﻪﻟﭽﯩﺨﺎﻧﯩﺴﯩﻨﯩﯔ ﺋﯩﻘﺘﯩﺴﺎﺩﯨﻲ ﻳﺎﺭﺩﯨﻤﻰ ﺑﯩﻠﻪﻥ " ﻗﺎﺯﺍﻗﯩﺴﺘﺎﻥ ﺋﯘﻳﻐﯘﺭﺷﯘﻧﺎﺳﻠﯩﻘﯩﺪﯨﻜﻰ ﺋﻪﻧﺌﻪﻧﻪ ﯞﻩ ﻳﯧﯖﯩﻠﯩﻘﻼﺭ" ﺩﯦﮕﻪﻥ ﺗﯧﻤﺎ ﺋﺎﺳﺘﯩﺪﺍ ﺧﻪﻟﻘﺌﺎﺭﺍﻟﯩﻖ ﺋﯘﻳﻐﯘﺭﺷﯘﻧﺎﺳﻠﯩﻖ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺋﺎﭼﻘﺎﻥ ﺋﯩﺪﻯ.

ﺑﯘ ﻳﯩﻐﯩﻨﺪﺍ ﻗﺎﺯﺍﻗﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ، ﺭﯗﺳﯩﻴﻪ، ﺋﺎﻣﯧﺮﯨﻜﺎ، ﺗﯜﺭﻛﯩﻴﻪ، ﻳﺎﭘﻮﻧﯩﻴﻪ ﯞﻩ ﺧﯩﺘﺎﻱ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﺋﯘﻳﻐﯘﺭﺷﯘﻧﺎﺱ ﺋﺎﻟﯩﻤﻠﯩﺮﻯ ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﻰ، ﺋﯧﺘﻨﻮﮔﺮﺍﻓﯩﻴﯩﺴﻰ، ﺗﯩﻠﻰ، ﺋﻪﺩﻩﺑﯩﻴﺎﺕ ﯞﻩ ﺋﯩﺠﺘﯩﻤﺎﺋﯩﻲ-ﺋﯩﻘﺘﯩﺴﺎﺩﯨﻲ ﻣﻪﺳﯩﻠﯩﻠﯩﺮﻯ ﺷﯘﻧﯩﯖﺪﻩﻙ ﺋﯘﻻﺭ ﻓﻮﻟﻜﻠﻮﺭ ﻣﻪﺩﻩﻧﯩﻴﯩﺘﻰ ﻗﺎﺗﺎﺭﻟﯩﻖ ﻛﯚﭖ ﺳﺎﻫﻪﻟﻪﺭ ﺑﻮﻳﯩﭽﻪ ﺋﯚﺯﻟﯩﺮﯨﻨﯩﯔ ﺋﯩﻠﻤﯩﻲ ﻣﺎﻗﺎﻟﯩﻠﯩﺮﯨﻨﻰ ﺋﻮﻗﯘﭖ ﺋﯚﺗﻜﻪﻥ ﻫﻪﻣﺪﻩ 2006-ﻳﯩﻠﻰ، ﺋﯘﻳﻐﯘﺭﺷﯘﻧﺎﺳﻠﯩﻖ ﻣﻪﺭﻛﯩﺰﻯ ﻣﻪﺯﻛﯘﺭ ﻳﯩﻐﯩﻨﻨﯩﯔ ﻣﺎﻗﺎﻟﯩﻠﯩﺮﯨﻨﻰ ﺗﻮﭘﻼﭖ ﺑﯩﺮ ﻣﺎﻗﺎﻟﯩﻼﺭ ﺗﻮﭘﻠﯩﻤﻰ ﻧﻪﺷﯩﺮ ﻗﯩﻠﯩﭗ ﺗﺎﺭﻗﺎﺗﺘﻰ.

ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﻣﯘﻫﯩﻢ ﻣﻪﻧﺒﻪ- ﻳﺎﭘﻮﻧﯩﻴﻪ ﺋﺎﺳﯩﻴﺎ ﺗﺎﺭﯨﺨﯩﻲ ﻣﺎﺗﯧﺮﯨﻴﺎﻟﻠﯩﺮﻯ ﻣﻪﺭﻛﯩﺰﻯ

" ﻗﺎﺯﺍﻗﯩﺴﺘﺎﻥ ﺋﯘﻳﻐﯘﺭﺷﯘﻧﺎﺳﻠﯩﻘﯩﺪﯨﻜﻰ ﺋﻪﻧﺌﻪﻧﻪ ﯞﻩ ﻳﯧﯖﯩﻠﯩﻘﻼﺭ " ﺩﻩﭖ ﺋﺎﺗﺎﻟﻐﺎﻥ ﻣﻪﺯﻛﯘﺭ ﻣﺎﻗﺎﻟﯩﻼﺭ ﺗﻮﭘﻠﯩﻤﻰ 2006-ﻳﯩﻠﻰ ﺋﺎﻟﻤﯘﺗﺎﺩﯨﻜﻰ "ﻧﺎﺵ ﻣﯩﺮ" ﻧﻪﺷﯩﺮﻳﺎﺗﻰ ﺗﻪﺭﯨﭙﯩﺪﯨﻦ ﭼﯩﻘﯩﺮﯨﻠﻐﺎﻥ ﺑﻮﻟﯘﭖ، ﺑﯘ ﺗﻮﭘﻼﻣﻐﺎ 40 ﭘﺎﺭﭼﯩﻐﺎ ﻳﯧﻘﯩﻦ ﻣﺎﻗﺎﻟﻪ ﻛﯩﺮﮔﯜﺯﯛﻟﮕﻪﻥ.

ﺗﻮﭘﻼﻣﺪﯨﻜﻰ ﻣﺎﻗﺎﻟﯩﻼﺭ ﺋﯩﭽﯩﺪﻩ ﻛﯩﺸﯩﻨﻰ ﺟﻪﻟﭗ ﻗﯩﻠﯩﺪﯨﻐﺎﻥ " ﺋﯘﻳﻐﯘﺭﻻﺭ ﯞﻩ ﻳﺎﭘﻮﻧﯩﻴﻪ ﺋﯩﻤﭙﯧﺮﯨﻴﯩﺴﻰ" ﻣﺎﯞﺯﯗﻟﯘﻕ ﻣﺎﻗﺎﻟﻪ ﺋﯚﺯﮔﯩﭽﻪ ﺑﻮﻟﯘﭖ، ﻳﺎﭘﻮﻧﯩﻴﯩﻠﯩﻚ ﺋﯘﻳﻐﯘﺭﺷﯘﻧﺎﺱ ﺟﯘﻥ ﺳﯘﮔﺎﯞﺍﺭﺍ ﺗﻪﺭﯨﭙﯩﺪﯨﻦ ﻳﯧﺰﯨﻠﻐﺎﻥ ﻣﻪﺯﻛﯘﺭ ﻣﺎﻗﺎﻟﯩﺪﻩ ﺋﯚﺗﻜﻪﻥ ﺋﻪﺳﯩﺮﻧﯩﯔ 30-ﻳﯩﻠﻠﯩﺮﯨﺪﯨﻜﻰ ﻳﺎﭘﻮﻧﯩﻴﻪ ﺋﯩﻤﭙﯧﺮﯨﻴﯩﺴﯩﻨﯩﯔ ﺋﯘﻳﻐﯘﺭ ﺋﯧﻠﯩﻐﺎ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﻰ، ﻳﺎﭘﻮﻧﯩﻴﯩﮕﻪ ﺑﺎﺭﻏﺎﻥ ﺋﯘﻳﻐﯘﺭﻻﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﺷﯘﻧﯩﯖﺪﻩﻙ ﻳﺎﭘﻮﻧﻼﺭﻧﯩﯔ ﺋﯘﻳﻐﯘﺭﻻﺭ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺗﯜﺭﻟﯜﻙ ﺋﺎﻻﻗﯩﻠﯩﺮﻯ ﻫﻪﻗﻘﯩﺪﻩ ﺑﺎﻳﺎﻥ ﻗﯩﻠﯩﻨﯩﺪﯗ.

ﺋﺎﭘﺘﻮﺭ ﺑﯘ ﻣﺎﻗﺎﻟﯩﻨﻰ ﻳﯧﺰﯨﺸﺘﺎ ﺋﻪﻳﻨﻰ ﯞﺍﻗﯩﺘﺘﯩﻜﻰ ﻳﺎﭘﻮﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﺗﻮﭘﻠﯩﻐﺎﻥ ﺋﺎﺭﺧﯩﭗ ﻣﺎﺗﯧﺮﯨﻴﺎﻟﻠﯩﺮﻯ ﯞﻩ ﺑﯩﺮ ﻗﯩﺴﯩﻢ ﺋﯘﻳﻐﯘﺭ ﺗﯩﻠﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﻼﺭﻧﻰ ﻣﻪﻧﺒﻪ ﻗﯩﻠﻐﺎﻥ ﺑﻮﻟﯘﭖ، ﺋﺎﭘﺘﻮﺭ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﻛﯚﭘﻠﯩﮕﻪﻥ ﺋﺎﺭﺧﯩﭙﻼﺭﻧﯩﯔ ﻧﯚﯞﻩﺗﺘﻪ، "ﻳﺎﭘﻮﻧﯩﻴﻪ ﺋﺎﺳﯩﻴﺎ ﺗﺎﺭﯨﺨﯩﻲ ﻣﺎﺗﯧﺮﯨﻴﺎﻟﻠﯩﺮﻯ ﻣﻪﺭﻛﯩﺰﻯ" ﺩﻩﭖ ﺋﺎﺗﺎﻟﻐﺎﻥ ﺋﺎﺭﺧﯩﭙﺨﺎﻧﯩﺪﺍ ﺳﺎﻗﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ.

ﺋﯘﻧﯩﯔ ﻳﯧﺰﯨﺸﯩﭽﻪ، ﻣﻪﺯﻛﯘﺭ ﺋﺎﺭﺧﯩﭙﺨﺎﻧﯩﺪﺍ ﺗﻮﻗﻘﯘﺯ ﺗﻮﻣﻠﯘﻕ" ﺷﯩﻨﺠﺎﯕﻨﯩﯔ ﺳﯩﻴﺎﺳﯩﻲ ﺋﻪﻫﯟﺍﻟﻰ ﯞﻩ ﺋﯘﻧﯩﯖﻐﺎ ﻣﯘﻧﺎﺳﯩﯟﻩﺗﻠﯩﻚ ﻣﺎﺗﯧﺮﯨﻴﺎﻟﻼﺭ ﺗﻮﭘﻠﯩﻤﻰ" ﺩﻩﭖ ﺋﺎﺗﺎﻟﻐﺎﻥ ﻣﻪﺧﺴﯘﺱ ﺋﯘﻳﻐﯘﺭ ﺋﯧﻠﯩﻐﺎ ﺋﺎﺋﯩﺖ ﻫﯚﺟﺠﻪﺗﻠﻪﺭ ﺗﻮﭘﻠﯩﻤﻰ ﺑﺎﺭ ﺑﻮﻟﯘﭖ، ﺋﺎﭘﺘﻮﺭ ﺑﯘ ﻫﯚﺟﺠﻪﺗﻠﻪﺭ ﺋﯜﺳﺘﯩﺪﻩ ﻣﻪﺧﺴﯘﺱ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ. ﺑﯘ ﺗﻮﭘﻼﻡ ﺋﻪﺷﯘ ﯞﺍﻗﯩﺘﺘﯩﻜﻰ ﻳﺎﭘﻮﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﻨﻰ ﭼﯜﺷﯩﻨﯩﺸﺘﻪ ﺑﻪﻛﻤﯘ ﭘﺎﻳﺪﯨﻠﯩﻨﯩﺶ ﻗﯩﻤﻤﯩﺘﯩﮕﻪ ﺋﯩﮕﻪ ﺋﯩﻜﻪﻥ. ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺑﯩﺮ ﻗﯩﺴﯩﻢ ﻳﺎﭘﻮﻧﻼﺭﻧﯩﯔ ﻗﻮﻟﻠﯩﺮﯨﺪﺍ ﺋﯚﺗﻜﻪﻥ ﺋﻪﺳﯩﺮﻧﯩﯔ 30-ﻳﯩﻠﻠﯩﺮﯨﺪﺍ ﻳﺎﭘﻮﻧﯩﻴﯩﮕﻪ ﻛﻪﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﯞﻩ ﺋﯘﻻﺭﻧﯩﯔ ﻫﻪﻣﺪﻩ ﺋﯘﻻﺭ ﺑﯩﻠﻪﻥ ﻣﯘﻧﺎﺳﯩﯟﻩﺕ ﺑﺎﻏﻠﯩﻐﺎﻥ ﻳﺎﭘﻮﻧﻼﺭﻧﯩﯔ ﻳﯧﺰﯨﭗ ﻗﺎﻟﺪﯗﺭﻏﺎﻥ ﻣﺎﺗﯧﺮﯨﻴﺎﻟﻠﯩﺮﯨﻤﯘ ﺳﺎﻗﻼﻧﻤﺎﻗﺘﺎ.

ﻳﺎﭘﻮﻥ ﺋﯘﻳﻐﯘﺭﺷﯘﻧﺎﺳﻰ ﺟﯘﻥ ﺳﯘﮔﺎﯞﺍﺭﺍﻧﯩﯔ ﻣﻪﻟﯘﻣﺎﺗﻠﯩﺮﯨﻐﺎ ﺋﺎﺳﺎﺳﻼﻧﻐﺎﻧﺪﺍ، 1939-ﻳﯩﻠﻰ ﻣﺎﻫﻤﯘﺕ ﻣﯘﻫﯩﺘﻰ ﺑﯩﻠﻪﻥ ﺗﻮﻛﻴﻮﻏﺎ ﻛﻪﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﺋﯩﭽﯩﺪﯨﻜﻰ ﻣﯘﻫﻪﻣﻤﻪﺩ ﺋﻪﻣﯩﻦ ﺋﯩﺴﻼﻣﯩﻨﯩﯔ " ﻣﯘﻫﺎﺟﯩﺮﻩﺗﺘﻪ ﻳﻮﻗﺎﻟﻐﺎﻥ ﻣﯘﺟﺎﻫﯩﺪﻟﯩﺮﯨﻤﯩﺰ" ﻧﺎﻣﻠﯩﻖ ﻛﯩﺘﺎﺑﭽﯩﺴﻰ 1941-ﻳﯩﻠﻰ ﺗﻮﻛﻴﻮﺩﺍ ﻧﻪﺷﯩﺮ ﻗﯩﻠﯩﻨﻐﺎﻥ. ﺑﯘ ﻛﯩﺘﺎﺑﺘﺎ ﺋﯘﻳﻐﯘﺭﻻﺭﻧﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﻛﯜﺭﻩﺵ ﻗﯩﻠﯩﭗ، ﻛﯧﻴﯩﻦ ﭼﻪﺕ' ﺋﻪﻟﻠﻪﺭﮔﻪ ﭼﯩﻘﯩﭗ ﻛﻪﺗﻜﻪﻧﺪﯨﻦ ﻛﯧﻴﯩﻦ، ﭼﻪﺕ ﻣﻪﻣﻠﯩﻜﻪﺗﻠﻪﺭﺩﻩ ﯞﺍﭘﺎﺕ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﯩﯔ ﺋﻪﻫﯟﺍﻟﻰ ﺑﺎﻳﺎﻥ ﻗﯩﻠﯩﻨﻐﺎﻥ.

ﺑﯘﻻﺭﺩﯨﻦ ﺑﺎﺷﻘﺎ ﻳﻪﻧﻪ ﻛﻮﻣﯘﺭﺍ ﻓﯘﺟﯩﺌﻮ ﻳﺎﺯﻏﺎﻥ ﺗﻮﻛﻴﻮ، ﺑﯧﻴﺠﯩﯔ ، ﺷﺎﯕﺨﻪﻱ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺋﯘﻳﻐﯘﺭﻻﺭ ﺑﯩﻠﻪﻥ ﺋﯘﭼﺮﺍﺷﻘﺎﻥ ﻳﺎﭘﻮﻧﻠﯘﻕ ﻣﯘﺳﯘﻟﻤﺎﻧﻼﺭ ﻫﻪﻗﻘﯩﺪﯨﻜﻰ "ﻳﺎﭘﻮﻧﯩﻴﻪ ﺋﯩﺴﻼﻡ ﺗﺎﺭﯨﺨﻰ" ﻧﺎﻣﻠﯩﻖ ﻛﯩﺘﺎﺑﻤﯘ ﺑﺎﺭ ﺑﻮﻟﯘﭖ، ﺑﯘﻧﯩﯖﺪﯨﻤﯘ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺧﯧﻠﻰ ﻛﯚﭖ ﻣﻪﻟﯘﻣﺎﺗﻼﺭ ﺋﻮﺭﯗﻥ ﺋﺎﻟﻐﺎﻥ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ ﻳﺎﭘﻮﻧﻼﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ

ﺟﯘﻥ ﺳﯘﮔﺎﯞﺍﺭﺍﻧﯩﯔ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﭽﻪ، ﻳﺎﭘﻮﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺋﯚﺗﻜﻪﻥ ﺋﻪﺳﯩﺮﻧﯩﯔ ﺋﺎﻟﺪﯨﻨﻘﻰ ﻳﯧﺮﯨﻤﯩﺪﯨﻜﻰ ﺋﯘﻳﻐﯘﺭ ﺋﯧﻠﯩﻐﺎ ﺋﺎﺋﯩﺖ ﺳﯩﻴﺎﺳﯩﺘﯩﻨﻰ ﭼﯜﺷﯩﻨﯩﺸﺘﯩﻜﻰ ﺋﻪﯓ ﻣﯘﻫﯩﻢ ﻣﺎﺗﯧﺮﯨﻴﺎﻝ ﻳﻪﻧﯩﻼ ﺷﯘ ﺗﻮﻗﻘﯘﺯ ﺗﻮﻣﻠﯘﻕ "ﺗﻮﭘﻼﻡ" ﺑﻮﻟﯘﭖ، ﺑﯘ ﺟﻪﻣﺌﯩﻲ 7500 ﺑﻪﺗﺘﯩﻦ ﺋﯩﺒﺎﺭﻩﺕ، ﺑﯘﻧﯩﯖﻐﺎ 1926-ﻳﯩﻠﯩﺪﯨﻦ 1944-ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﺎﺯﻏﯩﻨﺎ ﻛﻪﻡ 20 ﻳﯩﻠﻠﯩﻖ ﻣﺎﺗﯧﺮﯨﻴﺎﻝ ﻛﯩﺮﮔﯜﺯﯛﻟﮕﻪﻥ. ﺑﯘﻧﯩﯔ ﺋﯩﭽﯩﺪﻩ 1933-ﻳﯩﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﻐﺎﻥ ﭼﺎﻏﺪﯨﻜﻰ ﯞﻩﺯﯨﻴﻪﺗﻜﻪ ﺋﺎﺋﯩﺖ ﻣﺎﺗﯧﺮﯨﻴﺎﻟﻼﺭ 7300 ﺑﻪﺗﻨﻰ ﺋﯩﮕﯩﻠﯩﮕﻪﻥ ﺑﻮﻟﯘﭖ، ﺑﯘ ﭘﯜﺗﯜﻥ ﻣﺎﺗﯧﺮﯨﻴﺎﻟﻼﺭﻧﯩﯔ %97 ﻧﻰ ﺋﯩﮕﯩﻠﻪﻳﺪﯗ.

" ﻣﺎﻧﺎ ﺑﯘﻧﯩﯖﺪﯨﻦ ﻳﺎﭘﻮﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺷﯘ ﻣﻪﺯﮔﯩﻠﺪﯨﻦ ﺑﺎﺷﻼﭖ ﺷﯩﻨﺠﺎﯓ ﯞﻩﺯﯨﻴﯩﺘﯩﮕﻪ ﺩﯨﻘﻘﻪﺕ ﻗﯩﻠﯩﺸﻘﺎ ﺑﺎﺷﻠﯩﻐﺎﻧﻠﯩﻘﯩﻨﻰ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯗ" ﺩﻩﭖ ﻫﯚﻛﯜﻡ ﭼﯩﻘﯩﺮﯨﺪﯗ ﻳﺎﭘﻮﻥ ﺋﺎﻟﯩﻤﻰ ﺳﯘﮔﺎﯞﺍﺭﺍ ﺋﻪﭘﻪﻧﺪﻯ. ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﻪﻳﻨﻰ ﯞﺍﻗﯩﺘﺘﺎ "ﺷﯩﻨﺠﺎﯓ"ﻧﯩﯔ ﺋﻪﺗﺮﺍﭘﯩﺪﯨﻜﻰ ﺩﯙﻟﻪﺗﻠﻪﺭﮔﻪ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﻳﺎﭘﻮﻧﯩﻴﻪ ﻛﻮﻧﺴﯘﻟﺨﺎﻧﯩﻠﯩﺮﻯ ﻣﻪﺳﯩﻠﻪﻥ، ﻛﺎﺑﯘﻝ، ﻛﺎﻟﻜﯘﺗﺘﺎ، ﻧﻮﯞﻭﺳﯩﺒﯩﺮﺳﻚ، ﺷﺎﯕﺨﻪﻱ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﻛﻮﻧﺴﯘﻟﺨﺎﻧﯩﻼﺭ ﺷﯩﻨﺠﺎﯕﻐﺎ ﻣﯘﻧﺎﺳﯩﯟﻩﺗﻠﯩﻚ ﺋﺎﺧﺒﺎﺭﺍﺗﻼﺭﻧﻰ ﺗﻮﭘﻼﭖ، ﻳﺎﭘﻮﻧﯩﻴﻪ ﺩﯨﭙﻠﻮﻣﺎﺗﯩﻴﻪ ﻣﯩﻨﺴﺘﯩﺮﻟﯩﻘﯩﻐﺎ ﻳﻮﻟﻼﭖ ﺑﯧﺮﯨﺶ ﺑﯩﻠﻪﻥ ﺗﻪﯓ ﻳﻪﻧﻪ ﻣﯘﺳﺘﻪﻗﯩﻠﻠﯩﻖ ﺩﻩﯞﺍﺳﻰ ﻗﯩﻠﻐﯘﭼﯩﻼﺭ ﺑﯩﻠﻪﻥ ﺋﯘﭼﺮﯨﺸﯩﭗ ﺗﯘﺭﻏﺎﻥ. ﺑﻮﻟﯘﭘﻤﯘ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ ﻳﯩﻤﯩﺮﯨﻠﮕﻪﻧﺪﯨﻦ ﻛﯧﻴﯩﻦ ﺋﯘﻧﯩﯔ ﻗﺎﻟﺪﯗﻕ ﺭﻩﻫﺒﻪﺭﻟﯩﺮﻯ ﻫﯩﻨﺪﯨﺴﺘﺎﻥ، ﺋﺎﻓﻐﺎﻧﯩﺴﺘﺎﻥ، ﺗﯜﺭﻛﯩﻴﻪ، ﻣﯩﺴﯩﺮ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﯨﻦ ﺳﯩﺮﺕ ﻳﻪﻧﻪ ﺗﻮﻛﻴﻮ، ﺷﺎﯕﺨﻪﻳﻠﻪﺭﮔﯩﻤﯘ ﻳﯧﺘﯩﭗ ﻛﻪﻟﮕﻪﻥ ﺑﻮﻟﯘﭖ، ﻳﺎﭘﻮﻧﯩﻴﻪ ﺩﯨﭙﻠﻮﻣﺎﺗﻠﯩﺮﻯ ﺋﯘﻻﺭ ﺑﯩﻠﻪﻥ ﺩﺍﺋﯩﻢ ﺋﯘﭼﺮﯨﺸﯩﭗ، ﺋﯘﭼﯘﺭﻻﺭﻧﻰ ﺗﻮﭘﻠﯩﻐﺎﻥ.

ﻣﯘﻫﻪﻣﻤﻪﺩ ﺋﯩﻤﯩﻦ ﺑﯘﻏﺮﺍﻧﯩﯔ ﺋﯘﭼﯘﺭﻟﯩﺮﻯ

"ﻳﺎﭘﻮﻧﯩﻴﻪ ﺋﺎﺳﯩﻴﺎ ﺗﺎﺭﯨﺨﯩﻲ ﻣﺎﺗﯧﺮﯨﻴﺎﻟﻠﯩﺮﻯ ﻣﻪﺭﻛﯩﺰﻯ "ﺩﻩﭖ ﺋﺎﺗﺎﻟﻐﺎﻥ ﻣﻪﺯﻛﯘﺭ ﺋﺎﺭﺧﯩﭙﺨﺎﻧﯩﺪﯨﻜﻰ ﺗﻮﻗﻘﯘﺯ ﺗﻮﻣﻠﯘﻕ ﺋﯘﻳﻐﯘﺭ ﺋﯧﻠﯩﻐﺎ ﺋﺎﺋﯩﺖ ﺗﻮﭘﻼﻣﺪﺍ ﻳﻪﻧﻪ "ﺧﻮﺗﻪﻥ ﺋﻪﻣﯩﺮﯨﻨﯩﯔ ﺳﯚﺯﻟﯩﺮﻯ" ﺩﯦﮕﻪﻥ ﻧﻪﻗﯩﻠﻠﻪﺭ ﻛﯚﭖ ﺋﯘﭼﺮﯨﻐﺎﻥ ﺑﻮﻟﯘﭖ، ﺑﯘ ﻳﻪﺭﺩﻩ ﺗﯩﻠﻐﺎ ﺋﯧﻠﯩﻨﻐﺎﻥ "ﺧﻮﺗﻪﻥ ﺋﻪﻣﺮﻯ" 1932-ﻳﯩﻠﻰ ﻗﯘﺭﯗﻟﻐﺎﻥ ﺧﻮﺗﻪﻥ ﻫﯚﻛﯜﻣﯩﺘﯩﻨﯩﯔ ﺋﻪﻣﯩﺮﻯ ﻣﯘﻫﻪﻣﻤﻪﺩ ﺋﯩﻤﯩﻦ ﺑﯘﻏﺮﺍﺩﯗﺭ.

ﺧﻮﺗﻪﻥ ﻗﻮﺯﻏﯩﻼﯕﭽﯩﻠﯩﺮﯨﻨﯩﯔ ﺭﻩﻫﺒﯩﺮﻯ ﻣﯘﻫﻪﻣﻤﻪﺩ ﺋﯩﻤﯩﻦ ﺑﯘﻏﺮﺍ 1934-ﻳﯩﻠﻰ ﺗﯘﯕﮕﺎﻧﻼﺭ ﺑﯩﻠﻪﻥ ﺑﻮﻟﻐﺎﻥ ﺋﯘﺭﯗﺷﺘﺎ ﻳﯧﯖﯩﻠﯩﭗ، ﻛﺎﺑﯘﻟﻐﺎ ﻛﯧﺘﯩﭗ، ﺷﯘ ﻳﻪﺭﺩﻩ ﺑﯩﺮ ﻣﻪﺯﮔﯩﻞ ﭘﺎﻧﺎﻫﻠﯩﻨﯩﺶ ﺟﻪﺭﻳﺎﻧﯩﺪﺍ ﻳﺎﭘﻮﻧﯩﻴﯩﻨﯩﯔ ﻛﺎﺑﯘﻟﺪﯨﻜﻰ ﻛﻮﻧﺴﯘﻟﺨﺎﻧﯩﺴﻰ ﺑﯩﻠﻪﻥ ﺩﺍﺋﯩﻢ ﺋﺎﻻﻗﯩﻠﯩﺸﯩﭗ، ﺋﯘﻳﻐﯘﺭ ﺋﯧﻠﯩﻨﯩﯔ ﺋﻪﻫﯟﺍﻟﯩﻨﻰ ﻳﺎﭘﻮﻧﯩﻴﻪ ﺩﺍﺋﯩﺮﯨﻠﯩﺮﯨﻐﺎ ﻣﻪﻟﯘﻡ ﻗﯩﻠﯩﭗ ﺗﯘﺭﻏﺎﻥ ﺋﯩﻜﻪﻥ.(ﺋﯜﻣﯩﺪﯞﺍﺭ)