ﻳﺎﭘﻮﻧﯩﻴﻪ ﺋﯩﻤﭙﯧﺮﯨﻴﯩﺴﻰ ﺗﻮﭘﻠﯩﻐﺎﻥ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﻣﺎﺗﯧﺮﯨﻴﺎﻟﻼﺭ (2)

• ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻳﺎﭘﻮﻧﯩﻴﻪ ﺋﺎﻟﯩﻤﻰ ﺟﯘﻥ ﺳﯘﮔﺎﯞﺍﺭﺍﻧﯩﯔ " ﻳﺎﭘﻮﻧﯩﻴﻪ ﺋﯩﻤﭙﯧﺮﯨﻴﯩﺴﻰ ﯞﻩ ﺋﯘﻳﻐﯘﺭﻻﺭ " ﻣﺎﯞﺯﯗﻟﯘﻕ ﻣﺎﻗﺎﻟﯩﺴﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﻳﺎﭘﻮﻧﯩﻴﻪ ﺋﺎﺳﯩﻴﺎ ﺗﺎﺭﯨﺨﯩﻲ ﻣﺎﺗﯧﺮﯨﻴﺎﻟﻠﯩﺮﻯ ﻣﻪﺭﻛﯩﺰﻯ ﺗﯜﺯﮔﻪﻥ ﺗﻮﻗﻘﯘﺯ ﺗﻮﻣﻠﯘﻕ ﻣﻪﺧﺴﯘﺱ ﺋﯘﻳﻐﯘﺭ ﺋﯧﻠﯩﻐﺎ ﺋﺎﺋﯩﺖ ﻣﺎﺗﯧﺮﯨﻴﺎﻟﻼﺭ ﺗﻮﭘﻠﯩﻤﯩﺪﺍ ﻳﻪﻧﻪ 1937-ﻳﯩﻠﻰ ﮔﯧﻨﯧﺮﺍﻝ ﻣﺎﻫﻤﯘﺕ ﻣﯘﻫﯩﺘﻰ ﺷﯧﯔ ﺷﯩﺴﻪﻳﻨﯩﯔ ﺳﯘﻳﯩﻘﻪﺳﺘﯩﺪﯨﻦ ﻗﯘﺗﯘﻟﯘﭖ، ﭼﻪﺕ ﺋﻪﻟﻠﻪﺭﺩﻩ ﻛﯜﭺ ﺗﻮﭘﻼﭖ، ﻗﺎﻳﺘﯩﺪﯨﻦ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﻰ ﻗﻮﺯﻏﺎﺵ ﻣﻪﻗﺴﯩﺘﯩﺪﻩ ﻫﯩﻨﺪﯨﺴﺘﺎﻧﻐﺎ ﭼﯩﻘﯩﭗ ﻛﯧﺘﯩﭗ، ﺋﯘ ﻳﻪﺭﺩﻩ ﺋﯩﻜﻜﻰ ﻳﯩﻞ ﺗﯘﺭﻏﺎﻧﺪﯨﻦ ﻛﯧﻴﯩﻦ 1939-ﻳﯩﻠﻰ ﺑﺎﺷﻘﺎ 14 ﻛﯩﺸﯩﻨﻰ ﺋﯧﻠﯩﭗ ﻳﺎﭘﻮﻧﯩﻴﯩﮕﻪ ﻛﯧﻠﯩﭗ، ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﻛﯚﭘﻠﯩﮕﻪﻥ ﺋﯘﭼﯘﺭﻻﺭﻣﯘ ﺑﺎﺭ.

ﺟﯘﻥ ﺳﯘﮔﺎﯞﺍﺭﺍﻧﯩﯔ ﻳﯧﺰﯨﺸﯩﭽﻪ، ﻳﺎﭘﻮﻧﯩﻴﻪ ﻫﯚﻛﯜﻣﯩﺘﻰ ﻣﺎﻫﻤﯘﺕ ﻣﯘﻫﯩﺘﯩﻨﯩﯔ ﺗﻮﻛﻴﻮﺩﯨﻜﻰ ﯞﻩ ﺧﯘﺧﺨﻮﺕ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻳﯧﻘﯩﻨﺪﯨﻦ ﻛﯚﺯﻩﺗﻜﻪﻥ ﺑﻮﻟﯘﭖ، ﺋﯘﻻﺭﻧﯩﯔ ﺋﯩﺶ ﭘﺎﺋﺎﻟﯩﻴﻪﺗﻠﯩﺮﻯ ﻫﻪﻗﻘﯩﺪﻩ ﺧﯧﻠﻰ ﻳﯧﺘﻪﺭﻟﯩﻚ ﻣﻪﻟﯘﻣﺎﺗﻼﺭ ﻣﻪﯞﺟﯘﺕ. ﺑﯘ ﻣﺎﺗﯧﺮﯨﻴﺎﻟﻼﺭ ﻣﺎﻫﻤﯘﺕ ﻣﯘﻫﯩﺘﯩﻨﯩﯔ 1939-ﻳﯩﻠﯩﺪﯨﻦ ﺗﺎﻛﻰ ﯞﺍﭘﺎﺕ ﺑﻮﻟﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﯩﻜﻰ ﺋﯩﺶ ﻫﻪﺭﯨﻜﻪﺗﻠﯩﺮﻯ ﺟﯜﻣﻠﯩﺪﯨﻦ ﻳﺎﭘﻮﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﮕﻪ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﯩﻨﻰ ﭼﯜﺷﯩﻨﯩﺸﺘﻪ ﻣﯘﻫﯩﻢ ﭘﺎﻳﺪﯨﻠﯩﻨﯩﺶ ﻗﯩﻤﻤﯩﺘﯩﮕﻪ ﺋﯩﮕﯩﺪﯗﺭ.

ﻳﺎﭘﻮﻧﯩﻴﯩﺪﻩ ﺋﯚﻳﻠﻪﻧﮕﻪﻥ ﺗﻮﺧﺘﻰ ﺑﺎﻳﻨﯩﯔ ﻫﯧﻜﺎﻳﯩﺴﻰ

ﺟﯘﻥ ﺳﯘﮔﺎﯞﺍﺭﺍﻧﯩﯔ ﻳﯧﺰﯨﺸﯩﭽﻪ، ﻳﺎﭘﻮﻧﯩﻴﻪ ﺩﺍﺋﯩﺮﯨﻠﯩﺮﻯ ﻣﺎﻫﻤﯘﺕ ﻣﯘﻫﯩﺘﯩﻨﯩﯔ ﻗﻪﺷﻘﻪﺭﺩﯨﻜﻰ ﭼﯧﻐﯩﺪﯨﻼ ﺋﯘﻧﯩﯔ ﻫﻪﺭﯨﻜﻪﺗﻠﯩﺮﯨﻨﻰ ﻛﯚﺯﻩﺗﻜﻪﻥ ﺑﻮﻟﯘﭖ، ﻫﻪﺗﺘﺎ ﻳﺎﭘﻮﻧﯩﻴﻪ ﺋﻪﻳﻨﻰ ﯞﺍﻗﯩﺘﺘﺎ ﺷﯩﯔ ﺷﯩﺴﻪﻳﻨﯩﯔ ﻗﻪﺷﻘﻪﺭﺩﯨﻜﻰ ﺋﺎﺗﻠﯩﻖ ﺩﯨﯟﯨﺰﯨﻴﯩﮕﻪ ﺋﻪﯞﻩﺗﻜﻪﻥ ﺑﯘﻳﺮﯗﻗﻰ ﯞﻩ ﻣﺎﻫﻤﯘﺕ ﻣﯘﻫﯩﺘﯩﻨﯩﯔ ﺳﯜﺭﯨﺘﯩﮕﯩﭽﻪ ﻗﻮﻟﻐﺎ ﭼﯜﺷﯜﺭﯛﯞﺍﻟﻐﺎﻥ. ﻳﺎﭘﻮﻧﯩﻴﻪ ﺩﺍﺋﯩﺮﯨﻠﯩﺮﻯ ﻣﺎﻫﻤﯘﺕ ﻣﯘﻫﯩﺘﯩﻨﯩﯔ ﺟﯘﯕﮕﻮ ﺋﻪﻟﭽﯩﺨﺎﻧﯩﺴﻰ ﺑﯩﻠﻪﻥ ﺋﯘﭼﺮﯨﺸﯩﺸﯩﻨﻰ ﻛﯚﺯﯨﺘﯩﺶ ﺑﯩﻠﻪﻥ ﺑﯩﺮﮔﻪ ﻳﻪﻧﻪ ﺋﯚﺯﻟﯩﺮﻯ ﺑﯩﻠﻪﻧﻤﯘ ﻛﯚﺭﯛﺷﯜﺷﯩﮕﻪ ﻳﻮﻝ ﺋﺎﭼﻘﺎﻥ.

ﺑﯘ ﺗﻮﭘﻼﻣﺪﺍ ﻣﺎﺧﻤﯘﺕ ﻣﯘﻫﯩﺘﯩﻨﯩﯔ 1939-ﻳﯩﻠﻰ 4-ﺋﺎﻳﻨﯩﯔ 1-ﻛﯜﻧﻰ ﻳﺎﭘﻮﻧﯩﻴﯩﮕﻪ ﻛﻪﻟﮕﻪﻧﻠﯩﻜﻰ ﺋﯧﻴﺘﯩﻠﻐﺎﻥ ﺑﻮﻟﯘﭖ، ﺗﻮﭘﻼﻣﺪﺍ ﻣﻪﺯﻛﯘﺭ 15 ﻛﯩﺸﯩﻨﯩﯔ ﺋﯩﺴﻤﻰ ﺋﯘﭼﺮﺍﻳﺪﯗ. ﻣﺎﺧﻤﯘﺕ ﻣﯘﻫﯩﺘﯩﺪﯨﻦ ﻗﺎﻟﺴﺎ، ﺑﯘﻻﺭﻧﯩﯔ ﺋﯩﭽﯩﺪﻩ 2-ﻧﻮﻣﯘﺭﻟﯘﻕ ﺷﻪﺧﺲ ﺑﺎﻱ ﺋﻪﺯﯨﺰﻯ، ﺋﯘﻧﯩﯖﺪﯨﻦ ﻗﺎﻟﺴﺎ ﺋﯜﭼﯩﻨﭽﻰ ﻧﻮﻣﯘﺭﻟﯘﻕ ﺷﻪﺧﺲ ﺳﯜﭘﺘﯩﺪﻩ ﺗﻮﺧﺘﻰ ﺑﺎﻱ ﺑﻮﻟﯘﭖ، ﺋﯘ ﻳﺎﭘﻮﻧﯩﻴﯩﻠﯩﻚ ﺋﺎﻳﺎﻟﻐﺎ ﺋﯚﻳﻠﻪﻧﮕﻪﻥ ﻫﻪﻣﺪﻩ ﺋﯩﻜﻜﯩﻨﭽﻰ ﺟﺎﻫﺎﻥ ﺋﯘﺭﯗﺷﯩﺪﯨﻦ ﻛﯧﻴﯩﻦ ﻳﺎﭘﻮﻧﯩﻴﯩﺪﻩ ﻣﯘﺳﺎﭘﯩﺮﭼﯩﻠﯩﻘﺘﺎ ﻳﺎﺷﺎﭖ، 1955-ﻳﯩﻠﻰ ﻛﯧﺴﻪﻝ ﺑﯩﻠﻪﻥ ﺗﻮﻛﻴﻮﺩﺍ ﯞﺍﭘﺎﺕ ﺑﻮﻟﻐﺎﻥ. ﺋﯘ ﺳﯚﺯﻟﻪﭖ ﺑﻪﺭﮔﻪﻥ ﺋﯘﻧﯩﯔ ﻗﻪﺷﻘﻪﺭﺩﯨﻜﻰ ﺑﺎﻳﺎﺷﺎﺕ ﻫﺎﻳﺎﺗﻰ، ﻗﻪﺷﻘﻪﺭﻧﯩﯔ ﺋﻪﻫﯟﺍﻟﻰ ﯞﻩ ﺑﺎﺷﻘﺎ ﻣﻪﺳﯩﻠﯩﻠﻪﺭﮔﻪ ﺋﺎﺋﯩﺖ ﻣﻪﻟﯘﻣﺎﺗﻼﺭ 2- ﺟﺎﻫﺎﻥ ﺋﯘﺭﯗﺷﯩﺪﯨﻦ ﻛﯧﻴﯩﻦ ﻳﺎﭘﻮﻧﯩﻴﻪ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ.

ﻣﺎﻫﻤﯘﺕ ﻣﯘﻫﯩﺘﻰ ﻳﺎﭘﻮﻧﯩﻴﯩﺪﯨﻦ ﺋﯜﻣﯩﺪ ﺋﯜﺯﮔﻪﻥ

ﺋﺎﭘﺘﻮﺭﻧﯩﯔ ﻗﺎﺭﯨﺸﯩﭽﻪ، ﺗﻮﭘﻼﻣﺪﯨﻜﻰ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﻣﺎﺗﯧﺮﯨﻴﺎﻟﻼﺭ 1939-ﻳﯩﻠﯩﺪﯨﻦ ﻛﯧﻴﯩﻦ ﺋﺎﺯﯨﻴﯩﭗ ﻛﻪﺗﻜﻪﻥ ﺑﻮﻟﯘﭖ، ﺑﯘ ﻳﺎﭘﻮﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﻐﺎ ﻛﯚﯕﯜﻝ ﺑﯚﻟﯜﺷﻨﻰ ﺩﺍﯞﺍﻣﻼﺷﺘﯘﺭﻣﯩﻐﺎﻧﻠﯩﻘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ. ﭼﯜﻧﻜﻰ ﺑﯘ ﭼﺎﻏﺪﺍ، ﻳﺎﯞﺭﻭﭘﺎﺩﺍ ﺋﯘﺭﯗﺵ ﭘﺎﺭﺗﻠﯩﺪﻯ، ﺋﺎﺭﻗﯩﺪﯨﻨﻼ ﺗﯩﻨﭻ ﺋﻮﻛﻴﺎﻧﺪﺍ ﺋﯘﺭﯗﺵ ﻳﯜﺯ ﺑﻪﺭﺩﻯ.

ﺷﯘ ﯞﻩﺟﯩﺪﯨﻦ ﻳﺎﭘﻮﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺷﯩﻨﺠﺎﯓ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺷﻜﻪ ﭼﻮﻟﯩﺴﻰ ﺗﻪﮔﻤﯩﺪﻯ. ﺟﯘﻥ ﺳﯘﮔﺎﯞﺍﺭﺍﻧﯩﯔ ﺗﻪﻫﻠﯩﻞ ﻗﯩﻠﯩﺸﯩﭽﻪ، ﺋﻪﻧﻪ ﺷﯘ ﺳﻪﯞﻩﺑﺘﯩﻦ ﻣﺎﻫﻤﯘﺕ ﻣﯘﻫﯩﺘﻰ ﻳﺎﭘﻮﻧﯩﻴﯩﺪﯨﻦ ﺋﯜﻣﯩﺪ ﺋﯜﺯﯛﭖ، ﺟﯘﯕﮕﻮﻏﺎ ﻛﯧﺘﯩﺸﻜﻪ ﻣﻪﺟﺒﯘﺭ ﺑﻮﻟﺪﻯ. ﻣﺎﻫﻤﯘﺕ ﻣﯘﻫﯩﺘﯩﻤﯘ ﺗﻮﺧﺘﻰ ﺑﺎﻱ ﺑﯩﻠﻪﻥ ﻣﯘﻫﻪﻣﻤﻪﺩ ﺋﻪﻣﯩﻦ ﺋﯩﺴﻼﻣﯩﻨﻰ ﻳﺎﭘﻮﻧﯩﻴﯩﺪﻩ ﻗﺎﻟﺪﯗﺭﯗﭖ، ﺑﺎﺷﻘﺎ 13 ﻛﯩﺸﯩﻨﻰ ﺋﯧﻠﯩﭗ ﺟﯘﯕﮕﻮﻏﺎ ﻗﺎﻳﺘﯩﭗ، ﺑﯧﻴﺠﯩﯖﺪﯨﻜﻰ ﻗﯘﻣﯘﻝ ﯞﺍﯓ ﺳﺎﺭﯨﻴﯩﺪﺍ ﺗﯘﺭﻏﺎﻥ. ﻛﯧﻴﯩﻦ ﺧﯘﺧﺨﻮﺗﻘﺎ ﺑﯧﺮﯨﭗ، ﺋﯘﻻﺭﻧﯩﯔ ﺑﯩﺮ ﻗﯩﺴﯩﻤﻰ ﻗﻮﻱ ﺑﯧﻘﯩﭗ ﺗﯩﺮﯨﻜﭽﯩﻠﯩﻚ ﻗﯩﻠﯩﺸﻘﺎ ﺗﯩﺮﯨﺸﻘﺎﻥ.

ﺋﯘﻳﻐﯘﺭﻻﺭﻧﻰ ﻛﯚﺯﯨﺘﯩﺶ ﺋﻮﺭﻧﻰ ﺗﺎﻛﯧﭽﻰ ﺳﺎﺭﯨﻴﻰ

ﺑﯘ ﭼﺎﻏﺪﺍ ﻳﺎﭘﻮﻧﯩﻴﻪ ﻫﯚﻛﯜﻣﯩﺘﻰ ﺑﯩﯟﺍﺳﯩﺘﻪ ﺋﯘﻻﺭ ﺑﯩﻠﻪﻥ ﺋﺎﻻﻗﻪ ﻗﯩﻠﻤﯩﺴﯩﻤﯘ، ﻟﯧﻜﯩﻦ ﻳﺎﭘﻮﻧﯩﻴﯩﻨﯩﯔ ﺧﯩﺘﺎﻳﻨﯩﯔ ﺷﯩﻤﺎﻟﯩﺪﯨﻜﻰ ﺑﻪﺯﻯ ﺋﻮﺭﮔﺎﻧﻠﯩﺮﻯ ﺋﺎﺩﻩﻡ ﺋﻪﯞﻩﺗﯩﭗ ﺋﯘﻻﺭ ﺑﯩﻠﻪﻥ ﺋﺎﻻﻗﯩﻠﯩﺸﯩﭗ ﺗﯘﺭﻏﺎﻥ. ﻣﻪﺳﯩﻠﻪﻥ ﻣﺎﻧﺠﯘﺭﯨﻴﻪ ﺗﯚﻣﯜﺭ ﻳﻮﻝ ﺷﯩﺮﻛﯩﺘﯩﻨﯩﯔ ﺗﺎﻛﯧﭽﻰ ﺋﯩﺴﯩﻤﻠﯩﻚ ﺑﯩﺮ ﺋﺎﺩﯨﻤﻰ ﺩﺍﺋﯩﻢ ﺧﯘﺧﺨﻮﺗﻘﺎ ﺑﯧﺮﯨﭗ، ﻣﺎﺧﻤﯘﺕ ﻣﯘﻫﯩﺘﻰ ﻗﺎﺗﺎﺭﻟﯩﻘﻼﺭ ﺑﯩﻠﻪﻥ ﻛﯚﺭﯛﺷﯜﭖ ﺗﯘﺭﻏﺎﻥ. ﺋﯘ 1943-ﻳﯩﻠﻰ ﺧﻮﺧﺨﻮﺗﻘﺎ ﺗﺎﻛﯧﭽﻰ ﺳﺎﺭﯨﻴﻰ ﺩﻩﭖ ﺋﺎﺗﺎﻟﻐﺎﻥ ﺑﯩﺮ ﺋﻮﺭﯗﻥ ﻗﯘﺭﻏﺎﻥ ﺑﻮﻟﯘﭖ، ﺋﯘﻳﻐﯘﺭﻻﺭ ﺩﺍﺋﯩﻢ ﺑﯘ ﻳﻪﺭﮔﻪ ﻛﯧﻠﯩﭗ ﻗﻮﻧﯘﭖ ﻳﯜﺭﮔﻪﻥ. ﮔﻪﺭﭼﻪ ﺗﺎﻛﯧﭽﻰ ﺳﺎﺭﯨﻴﻰ ﻣﺎﻧﺠﯘﺭﯨﻴﻪ ﺗﯚﻣﯜﺭ ﻳﻮﻝ ﺋﯩﺪﺍﺭﯨﺴﯩﻨﯩﯔ ﺷﯚﺑﯩﺴﻰ ﺑﻮﻟﺴﯩﻤﯘ، ﻟﯧﻜﯩﻦ ﺗﺎﻛﯧﭽﻰ ﺋﻪﭘﻪﻧﺪﻯ ﺋﯘﻳﻐﯘﺭﻻﺭ ﺑﯩﻠﻪﻥ ﺩﺍﯞﺍﻣﻠﯩﻖ ﺋﺎﺭﯨﻠﯩﺸﯩﭗ، ﺋﯘﻻﺭﺩﯨﻦ ﻛﯚﭖ ﻣﻪﻟﯘﻣﺎﺗﻼﺭﻧﻰ ﺋﯩﮕﯩﻠﯩﮕﻪﻥ.

ﻳﺎﭘﻮﻥ ﺋﺎﻟﯩﻤﻰ ﺟﯘﻥ ﺳﯘﮔﺎﯞﺍﺭﺍﻧﯩﯔ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﭽﻪ، ﺗﺎﻛﯧﭽﻰ ﺳﺎﺭﯨﻴﯩﻨﯩﯔ ﻗﯘﺭﯗﻟﯘﭖ، ﺗﺎﻛﯧﭽﻰ ﺋﻪﭘﻪﻧﺪﯨﻨﯩﯔ ﺋﯘﻳﻐﯘﺭﻻﺭ ﺑﯩﻠﻪﻥ ﻗﻮﻳﯘﻕ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﺸﻰ ﺗﺎﺳﺎﺩﯨﭙﯩﻲ ﻫﺎﺩﯨﺴﻪ ﺋﻪﻣﻪﺱ ﺑﻮﻟﯘﭖ، ﺋﺎﭘﺘﻮﺭﻧﯩﯔ ﺗﻪﻫﻠﯩﻞ ﻗﯩﻠﯩﺸﯩﭽﻪ، ﺑﯘﻧﯩﯖﺪﺍ ﺑﯩﺮ ﺳﯩﻴﺎﺳﯩﻲ ﺋﺎﺭﻗﺎ ﻛﯚﺭﯛﻧﯜﺵ ﺑﺎﺭ ﻳﻪﻧﻰ ﺑﯘ ﻳﺎﭘﻮﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺋﯩﻠﮕﯩﺮﻯ ﭼﯩﯔ ﺳﯘﻻﻟﯩﺴﻰ ﻳﻮﻟﻐﺎ ﻗﻮﻳﻐﺎﻥ " ﺷﯩﻤﺎﻟﯩﻲ ﺟﯘﯕﮕﻮﻧﻰ ﺗﯘﺗﯘﭖ ﺗﯘﺭﯗﺵ ﺋﯜﭼﯜﻥ ﺋﯩﭽﻜﻰ ﻣﻮﯕﻐﯘﻟﯩﻴﯩﻨﻰ ﺳﺎﻗﻼﭖ ﻗﯧﻠﯩﺶ، ﺋﯩﭽﻜﻰ ﻣﻮﯕﻐﯘﻟﯩﻴﯩﻨﻰ ﺗﯘﺗﯘﭖ ﺗﯘﺭﯗﺵ ﺋﯜﭼﯜﻥ ﺷﯩﻨﺠﺎﯕﻨﻰ ﺳﺎﻗﻼﭖ ﻗﯧﻠﯩﺶ" ﺩﯦﮕﻪﻥ ﺳﺎﯞﺍﻗﻨﻰ ﻗﻮﺑﯘﻝ ﻗﯩﻠﻐﺎﻥ.

ﻳﺎﭘﻮﻧﯩﻴﯩﻨﯩﯔ ﺋﯘﻳﻐﯘﺭ ﺋﯧﻠﯩﻐﺎ ﺋﻪﯓ ﻗﯩﺰﯨﻘﻘﺎﻥ ﯞﺍﻗﺘﻰ 1933- 1938-ﻳﯩﻠﻠﯩﺮﻯ

1945-ﻳﯩﻠﻰ ﻳﺎﭘﻮﻧﯩﻴﻪ ﺋﯘﺭﯗﺷﺘﺎ ﻣﻪﻏﻠﯘﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﯘﻻﺭﻧﯩﯔ ﺋﯘﻳﻐﯘﺭ ﺋﯧﻠﯩﻨﻰ ﭼﯜﺷﯩﻨﯩﺸﻜﻪ ﺋﯘﺭﯗﻧﯘﺵ ﻫﻪﺭﯨﻜﯩﺘﻰ ﺗﻮﺧﺘﺎﭖ ﻗﺎﻟﻐﺎﻥ ﻫﻪﻣﺪﻩ ﺋﯘﻳﻐﯘﺭﻻﺭﻧﻰ ﺑﯩﻠﯩﺪﯨﻐﺎﻥ ﻛﯩﺸﯩﻠﻪﺭﻣﯘ ﺋﺎﺯﻻﭖ ﻛﻪﺗﻜﻪﻥ.

ﺋﻮﻣﯘﻣﻪﻥ، ﻳﺎﭘﻮﻧﯩﻴﻪ ﺋﺎﻟﯩﻤﻰ ﺟﯘﻥ ﺳﯘﮔﺎﯞﺍﺭﺍﻧﯩﯔ ﺗﻪﻛﺸﯜﺭﯛﺷﻠﯩﺮﯨﮕﻪ ﻗﺎﺭﯨﻐﺎﻧﺪﺍ، ﻳﺎﭘﻮﻧﯩﻴﻪ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﻐﺎ ﺋﻪﯓ ﻗﯩﺰﯨﻘﻘﺎﻥ ﯞﺍﻗﺘﻰ ﺩﻩﻝ 1933-1937-ﻳﯩﻠﻠﯩﺮﻯ ﺑﻮﻟﯘﭖ، 1933-ﻳﯩﻠﻰ 12-ﻧﻮﻳﺎﺑﯩﺮﺩﺍ ﻗﻪﺷﻘﻪﺭﺩﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﻐﺎﻧﻠﯩﻘﻰ ﻳﺎﭘﻮﻧﯩﻴﻪ ﺋﯩﻤﭙﯧﺮﯨﻴﯩﺴﯩﻨﯩﯔ ﺑﯘ ﺯﯦﻤﯩﻨﮕﻪ ﺋﺎﻻﻫﯩﺪﻩ ﺩﯨﻘﻘﻪﺕ ﻗﯩﻠﯩﺸﯩﻨﻰ ﻗﻮﺯﻏﺎﺗﻘﺎﻥ.

ﺑﯘ ﻧﯘﻗﺘﯩﻨﻰ ﭼﯜﺷﻪﻧﮕﻪﻥ ﺳﻮﯞﯦﺖ ﺋﯩﺘﺘﯩﭙﺎﻗﯩﻤﯘ ﻳﺎﭘﻮﻧﯩﻴﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﺑﯩﻠﻪﻥ ﺋﺎﻻﻗﻪ ﺋﻮﺭﻧﯩﺘﯩﭗ، ﺋﯘﻳﻐﯘﺭﻻﺭﻧﯩﯔ ﻫﻪﺭﯨﻜﯩﺘﯩﻨﻰ ﻗﻮﻟﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﺋﯘﻳﻐﯘﺭﻻﺭﻧﯩﯔ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﻨﻰ ﻳﻮﻗﯩﺘﯩﭗ، ﺋﻪﻛﺴﯩﭽﻪ ﺷﯧﯔ ﺷﯩﺴﻪﻳﻨﻰ ﻳﯚﻟﻪﭖ ﺗﯘﺭﻏﯘﺯﯗﺵ ﺗﺎﻛﺘﯩﻜﯩﺴﯩﻨﻰ ﺑﻪﻟﮕﯩﻠﯩﮕﻪﻥ ﻫﻪﻣﺪﻩ ﺷﯩﯖﺸﯩﯖﺸﺎﺩﺍ 8-ﻗﯩﺰﯨﻞ ﺋﺎﺭﻣﯩﻴﻪ ﭘﻮﻟﻜﯩﻨﻰ ﺗﯘﺭﻏﯘﺯﯗﭖ، ﻳﺎﭘﻮﻧﻼﺭﻧﯩﯔ ﺋﯩﭽﻜﻰ ﻣﻮﯕﻐﯘﻝ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺋﯧﻠﯩﻐﺎ ﻛﯩﺮﯨﺸﯩﻨﻰ ﺗﻮﺳﻤﺎﻗﭽﻰ ﺑﻮﻟﻐﺎﻥ ﺋﯩﺪﻯ.(ﺋﯜﻣﯩﺪﯞﺍﺭ)