ﺗﻪﺑﯩﺌﯩﻲ ﺋﺎﭘﻪﺕ ﺯﯨﻴﯩﻨﯩﻨﯩﯔ ﺳﯜﻧﺌﯩﻲ ﺳﻪﯞﻩﺑﻠﯩﺮﻯ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﺪﺍ ﻳﯜﺯ ﺑﻪﺭﮔﻪﻥ ﻗﺎﺭ ﺋﺎﭘﯩﺘﻰ ﺧﯩﺘﺎﻱ ﯞﻩﺯﯨﻴﯩﺘﯩﻨﻰ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﻳﻪﻧﻪ ﺑﯩﺮ ﺭﻩﺕ ﺧﯩﺘﺎﻳﻐﺎ ﻣﻪﺭﻛﻪﺯﻟﻪﺷﺘﯜﺭﺩﻯ. ﻛﯚﺯﻩﺗﻜﯜﭼﯩﻠﻪﺭ، ﺯﯨﻴﺎﻧﻨﯩﯔ ﺳﻪﯞﻩﺑﻜﺎﺭﻟﯩﺮﻯ ﻗﺎﺗﺎﺭﯨﺪﺍ ﻳﺎﻟﻐﯘﺯ ﺗﻪﺑﯩﺌﯩﻲ ﺋﺎﭘﻪﺗﻨﯩﻼ ﺋﻪﻣﻪﺱ، ﺳﯩﻴﺎﺳﯩﻲ ﺗﯜﺯﯛﻟﻤﻪ ﯞﻩ ﻫﺎﻛﯩﻤﯩﻴﻪﺕ ﺋﯩﺴﺘﯩﻠﯩﺪﯨﻜﻰ ﺯﻩﺋﯩﭙﻠﯩﻜﻠﻪﺭﻧﯩﻤﯘ ﻧﻪﺯﻩﺭﮔﻪ ﺋﺎﻟﺪﻯ.

ﻫﯚﻛﯜﻣﻪﺗﻨﯩﯔ ﺋﺎﭘﻪﺗﺘﯩﻦ ﻣﯘﺩﺍﭘﯩﺌﻪ ﻛﯚﺭﯛﺵ ﻣﻪﺳﺌﯘﻟﯩﻴﯩﺘﻰ ﻫﻪﻗﻘﯩﺪﻩ ﺳﻮﺋﺎﻟﻤﯘ ﻗﻮﻳﯘﻟﻤﯩﺪﻯ

ﺧﯩﺘﺎﻱ ﻛﯚﺯﻩﺗﻜﯜﭼﯩﺴﻰ ﺷﻴﺎ ﻳﯩﻔﻪﻧﻨﯩﯔ ﻗﺎﺭﯨﺸﯩﭽﻪ، ﻗﺎﺭ ﺋﺎﭘﯩﺘﯩﻨﯩﯔ ﺋﯚﺳﯜﻣﻠﯜﻛﻠﻪﺭﮔﻪ ﺯﯨﻴﺎﻥ ﺳﯧﻠﯩﺸﻰ، ﻗﺎﺗﻨﺎﺵ-ﺗﺮﺍﻧﺴﭙﻮﺭﺗﻨﻰ ﺗﻮﺳﯘﭖ ﻗﻮﻳﯘﺷﻰ ﭼﯜﺷﯩﻨﯩﺸﻜﻪ ﺑﻮﻟﯩﺪﯨﻐﺎﻥ ﺋﻪﻫﯟﺍﻝ؛ ﺋﻪﻣﻤﺎ ﻗﺎﺭ ﺋﺎﭘﯩﺘﯩﻨﯩﯔ ﺋﯩﺴﺘﻮﻟﺒﯩﻼﺭﻧﻰ، ﺋﯧﻠﯧﻜﺘﯩﺮ ﻣﯘﻧﺎﺭﻟﯩﺮﯨﻨﻰ ﻳﯩﻘﯩﺘﯩﯟﯦﺘﯩﺸﻰ، ﻫﻪﺗﺘﺎ ﺗﯚﻣﯜﺭ ﻳﻮﻟﻠﯩﺮﯨﻨﻰ ﺑﯘﺯﯗﯞﯦﺘﯩﺸﻰ ﻛﯩﺸﯩﻨﻰ ﻫﻪﻳﺮﺍﻥ ﻗﺎﻟﺪﯗﺭﯨﺪﯨﻐﺎﻥ ﺋﻪﻫﯟﺍﻝ.

ﺧﯩﺘﺎﻱ ﻣﻪﺗﺒﯘﺋﺎﺗﻰ ﺑﯜﮔﯜﻥ، ﻗﺎﺭ ﺋﺎﭘﯩﺘﯩﻨﯩﯔ ﺯﯨﻴﯩﻨﯩﺪﯨﻦ ﺳﯚﺯ ﺋﺎﭼﻘﺎﻧﺪﺍ، ﺗﻪﺑﯩﺌﻪﺗﺘﯩﻨﻼ ﺳﯚﺯ ﺋﯧﭽﯩﯟﺍﺗﯩﺪﯗ. ﺋﻪﻣﻤﺎ، ﻫﯚﻛﯜﻣﻪﺗﻨﯩﯔ ﺋﺎﭘﻪﺗﺘﯩﻦ ﻣﯘﺩﺍﭘﯩﺌﻪ ﻛﯚﺭﯛﺵ ﺟﻪﻫﻪﺗﺘﻪ ﻣﻪﺳﺌﯘﻟﯩﻴﯩﺘﯩﻨﻰ ﺋﺎﺩﺍ ﻗﯩﻠﻐﺎﻥ ‏- ﻗﯩﻠﻤﯩﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻪﻧﻘﯩﺪ ﺋﻪﻣﻪﺱ ﺑﯩﺮ ﺳﻮﺋﺎﻟﻤﯘ ﺋﻮﺗﺘﯘﺭﯨﻐﺎ ﻗﻮﻳﻤﺎﻳﯟﺍﺗﯩﺪﯗ. ﭼﯜﻧﻜﻰ ﺑﯘ ﻳﻪﺭﺩﻩ ﭼﯘﯞﯗﻟﯘﭖ ﭼﯩﻘﯩﺪﯨﻐﺎﻥ ﺑﯩﺮ ﺗﻮﻗﺎﻱ ﻣﻪﺳﯩﻠﻪ ﺑﺎﺭ.

ﺧﯩﺮﺍﺟﻪﺕ ﺋﻪﻣﻪﻟﺪﺍﺭﻻﺭﻧﯩﯔ ﻛﻪﻳﭙﻰ- ﺳﺎﭘﺎﻟﯩﻖ ﻫﺎﻳﺎﺗﯩﻐﺎ ﺳﻪﺭﭖ ﻗﯩﻠﯩﻨﻐﺎﻥ

ﺷﻴﺎ ﻳﯩﻔﻪﻥ ﻳﻪﻧﻪ ﻣﯘﻧﺪﺍﻕ ﺩﻩﻳﺪﯗ: ﺑﯩﺮﻻ ﺳﺎﻫﻪﺩﯨﻦ ﺳﯚﺯ ﺋﺎﭼﺴﺎﻕ، ﺗﻮﻙ- ﺋﯧﻠﯧﻜﺘﯩﺮ ﻗﯘﺭﯗﻟﯘﺷﻰ ﺋﻪﺳﻠﯩﺪﻩ ﺋﯚﺯﯨﻨﻰ ‏- ﺋﯚﺯﻯ ﺑﺎﻗﺎﻻﻳﺪﯨﻐﺎﻥ ﺑﯩﺮ ﻗﯘﺭﯗﻟﯘﺵ، ﺑﯘ ﻗﯘﺭﯗﻟﯘﺷﺘﺎ، ﺋﯩﻘﺘﯩﺴﺎﺩ ﻳﯧﺘﯩﺸﻤﻪﺳﻠﯩﻚ ﻣﻪﺳﯩﻠﯩﺴﻰ ﻛﯚﺭﯛﻟﻤﻪﺳﻠﯩﻜﻰ ﻛﯧﺮﻩﻙ، ﺋﯩﺴﺘﻮﻟﺒﯩﻼﺭ، ﻣﯘﻧﺎﺭﻻﺭ ﻗﺎﺭﺩﺍ ﻳﯩﻘﯩﻠﯩﭗ ﭼﯜﺷﯩﺪﯨﻐﺎﻥ ﯞﻩﺯﯨﻴﻪﺗﺘﻪ ﺑﻮﻟﻤﺎﺳﻠﯩﻘﻰ ﻛﯧﺮﻩﻙ؛ ﻣﻪﺳﯩﻠﯩﻨﯩﯔ ﻳﯩﻠﺘﯩﺰﻯ ﺷﯘﻛﻰ ﺗﻮﻙ ‏-ﺋﯧﻠﯧﻜﺘﯩﺮ ﻗﯘﺭﯗﻟﯘﺷﻰ، ﺧﯩﺘﺎﻳﺪﺍ ﻳﻪﻧﯩﻼ، ﺩﯙﻟﻪﺕ ﺋﯩﮕﯩﺪﺍﺭﭼﯩﻠﯩﻘﯩﺪﺍ ﺗﯘﺭﯗﯞﺍﺗﻘﺎﻥ ﺑﯩﺮ ﺳﺎﻫﻪ، ﺑﯘ ﺳﺎﻫﻪﻧﯩﯔ ﺋﺎﺳﺎﺳﻰ ﻗﯘﺭﯗﻟﯘﺵ ﻣﺎﺗﯧﺮﯨﻴﺎﻟﻠﯩﺮﯨﻨﯩﯔ ﭘﯘﺧﺘﺎ-ﺋﺎﺟﯩﺰﻟﯩﻘﻰ، ﻳﻪﻧﻰ ﺋﺎﭘﻪﺗﻜﻪ ﺋﯘﭼﺮﺍﺵ‏-ﺋﯘﭼﺮﯨﻤﺎﺳﻠﯩﻘﻰ ﺳﺎﻫﻪﻧﻰ ﺑﺎﺷﻘﯘﺭﯗﯞﺍﺗﻘﺎﻧﻼﺭﻧﯩﯔ ﺑﯩﯟﺍﺳﺘﻪ ﻣﻪﻧﭙﻪﺋﻪﺗﯩﮕﻪ ﺗﺎﻗﺎﺷﻤﺎﻳﺪﯗ.

ﺷﯘﯕﺎ ﺋﯧﻠﯧﻜﺘﯩﺮ ﻗﯘﺭﯗﻟﯘﺷﯩﻨﯩﯔ ﻛﯩﺮﯨﻤﻰ ﺑﺎﺷﻘﯘﺭﯗﯞﺍﺗﻘﺎﻥ ﺋﻪﻣﻪﻟﺪﺍﺭﻻﺭﻧﯩﯔ ﺯﯨﻴﺎﭘﻪﺗﻠﯩﺮﻯ، ﻣﯘﻛﺎﭘﺎﺗﻠﯩﺮﻯ ﺋﯜﭼﯜﻥ ﺋﯩﺸﻠﯩﺘﯩﻠﯩﺪﯗﻛﻰ، ﺑﯩﺨﻪﺗﻪﺭﻟﯩﻚ ﺋﯜﭼﯜﻥ ﻗﻮﻟﻠﯘﻧﯘﻟﻤﺎﻳﺪﯗ. ﺷﻴﺎ ﻳﯩﻔﻪﻧﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﺪﺍ ﻣﯘﻫﯩﻢ ﺋﺎﺳﺎﺳﻰ ﻗﯘﺭﯗﻟﯘﺷﻼﺭ ﺩﯙﻟﻪﺕ ﺋﯩﮕﯩﺪﺍﺭﭼﯩﻠﯩﻘﯩﺪﺍ ﺑﻮﻟﻐﯩﻨﻰ ﺋﯜﭼﯜﻥ، ﺑﯘ ﺳﺎﻫﻪﮔﻪ ﺋﺎﻳﺮﯨﻠﻐﺎﻥ ﺧﯩﺮﺍﺟﻪﺕ ﯞﻩ ﻳﺎﻛﻰ ﺑﯘ ﺳﺎﻫﻪﺩﯨﻦ ﻗﯩﻠﯩﻨﻐﺎﻥ ﻛﯩﺮﯨﻢ، ﺷﯘ ﺳﺎﻫﻪﻟﻪﺭﻧﯩﯔ ﺋﯚﺯﯨﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﺋﯜﭼﯜﻥ ﺋﻪﻣﻪﺱ، ﺋﻪﻣﻪﻟﺪﺍﺭﻻﺭﻧﯩﯔ ﻛﻪﻳﭙﻰ-ﺳﺎﭘﺎﻟﯩﻖ ﻫﺎﻳﺎﺗﯩﻐﺎ ﺳﻪﺭﭖ ﻗﯩﻠﯩﻨﻐﺎﻥ.

ﺑﯘﻧﯩﯖﺪﯨﻦ ﺑﺎﺷﻘﺎ ﺧﯩﺘﺎﻳﺪﯨﻜﻰ ﻛﯚﭘﻠﯩﮕﻪﻥ ﺳﯜﭘﻪﺕ ﺗﻪﻛﺸﯜﺭﯛﺵ ﺋﻮﺭﯗﻧﻠﯩﺮﻯ، ﻣﯘﺳﺘﻪﻗﯩﻞ ﻛﻪﺳﭙﯩﻲ ﺳﺎﻫﻪﻟﻪﺭ ﺋﻪﻣﻪﺱ، ﺩﯙﻟﻪﺗﻜﻪ ﺑﯧﻘﯩﻨﯩﭗ ﺗﯘﺭﯗﯞﺍﺗﻘﺎﻥ ﺋﺎﺗﯩﻠﯩﺸﻰ ﻛﻪﺳﭙﯩﻲ، ﺋﻪﻣﻪﻟﯩﻴﻪﺗﺘﻪ ﻣﻪﻣﯘﺭﻯ ﺋﻮﺭﯗﻥ. ﺋﯘﻻﺭﻧﯩﯔ ﺳﯜﭘﻪﺕ ﺗﻪﻛﺸﯜﺭﯛﺷﺘﯩﻜﻰ ﺗﯧﺨﻨﯩﻜﯩﻠﯩﻖ ﺋﺎﺟﯩﺰﻟﯩﻘﻰ، ﺧﯩﺰﻣﻪﺕ ﺋﯩﺴﺘﯩﻠﯩﺪﯨﻜﻰ ﭼﯩﺮﯨﻜﻠﯩﻜﻰ، ﺧﯩﺘﺎﻳﻨﯩﯔ ﻫﻪﺭ ﺳﺎﻫﻪ ﺋﺎﺳﺎﺳﻰ ﻗﯘﺭﯗﻟﯘﺷﯩﺪﺍ ﺋﻪﻧﺪﯨﺸﯩﻠﯩﻨﻪﺭﻟﯩﻚ ﺋﺎﺟﯩﺰﻟﯩﻘﻼﺭﻏﺎ ﻳﻮﻝ ﻗﻮﻳﻐﺎﻥ.

ﻗﺎﻧﯘﻥ ﯞﻩ ﺋﻪﺧﻼﻕ ﻗﺎﺭ ﺗﯧﮕﯩﺪﻩ ﻗﺎﻟﻤﺎﺳﻠﯩﻘﻰ ﻛﯧﺮﻩﻙ

ﻛﯚﺯﻩﺗﻜﯜﭼﻰ ﺟﺎﯞ ﻣﯩﯖﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻳﺪﺍ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﯩﯔ ﺑﻮﻟﻤﺎﺳﻠﯩﻘﻰ، ﻫﻪﺭ ﺳﺎﻫﻪﺩﯨﻜﻰ ﻗﯘﺭﯗﻟﯘﺷﻼﺭﺩﯨﻜﻰ ﺋﺎﺟﯩﺰﻟﯩﻘﻼﺭﻧﯩﯔ ﺑﺎﻳﻘﯩﻠﯩﺸﻰ، ﭘﺎﺵ ﻗﯩﻠﯩﻨﯩﺸﻰ، ﺩﻭﻛﻼﺕ ﻗﯩﻠﯩﻨﯩﺸﯩﻐﺎ ﺋﯩﻤﻜﺎﻥ ﺑﻪﺭﻣﯩﮕﻪﻥ. ﺩﯙﻟﻪﺕ ﺗﻪﺷﯟﯨﻘﺎﺕ ﺋﯩﺪﺍﺭﯨﺴﻰ ﺗﻪﺭﯨﭙﯩﺪﯨﻦ ﻗﺎﺗﺘﯩﻖ ﺩﯙﻟﻪﺕ ﻣﻪﺧﭙﯩﻴﻪﺗﻠﯩﻜﻰ ﺳﯜﭘﯩﺘﯩﺪﻩ ﻗﻮﻏﺪﺍﻟﻐﺎﻥ، ﻫﻪﺭ ﺳﺎﻫﻪﺩﯨﻜﻰ ﺧﯩﺰﻣﻪﺕ ﺋﺎﺟﯩﺰﻟﯩﻘﻠﯩﺮﻯ ﻗﺎﺭ ﺋﺎﭘﯩﺘﯩﺪﻩ ﻳﺎﻟﯩﯖﺎﭼﻠﯩﻨﯩﭗ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ.

ﻣﺎﺩﺩﯨﻲ ﻗﯘﺭﯗﻟﯘﺷﻼﺭﻏﯘ ﻗﺎﺭ ﺋﺎﭘﯩﺘﯩﮕﻪ ﺋﯘﭼﺮﯨﺴﯘﻥ، ﺋﻪﻣﻤﺎ ﻗﺎﻧﯘﻥ ﯞﻩ ﺋﻪﺧﻼﻕ ﻗﺎﺭ ﺗﯧﮕﯩﺪﻩ ﻗﺎﻟﻤﺎﺳﻠﯩﻘﻰ ﻛﯧﺮﻩﻙ ﺩﻩﭖ ﻗﺎﺭﺍﻳﺪﯗ ﻛﯚﺯﻩﺗﻜﯜﭼﻰ ﭼﯧﻦ ﯞﯦﻴﺠﻴﻪﻥ ﯞﻩ ﻣﺎﻗﺎﻟﯩﺴﯩﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﻪﻟﻘﻨﻰ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﭼﺎﺭﯨﺴﯩﻤﯘ ﻏﻪﻳﺮﯨﻲ ﺋﯩﻨﺴﺎﻧﯩﻲ ﻳﻮﻝ ﺑﯩﻠﻪﻥ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ. ﺋﯘﻧﯩﯔ ﻗﺎﺭﯨﺸﯩﭽﻪ: ﺧﯘ ﺟﯩﻨﺘﺎﯞﻧﯩﯔ ﺗﻮﻙ ﺋﯩﺸﻠﻪﭘﭽﯩﻘﯩﺮﯨﺶ ﻣﯩﻘﺪﺍﺭﯨﻨﻰ ﺗﻮﻟﯘﻗﻼﺵ ﺋﯜﭼﯜﻥ ﺗﺎﻗﯩﯟﯦﺘﯩﻠﮕﻪﻥ ﻛﯚﻣﯜﺭ ﻛﺎﻧﻼﺭﻧﻰ ﻗﺎﻳﺘﺎ ﺋﯩﺸﻘﺎ ﺳﯧﻠﯩﺶ ﺑﯘﻳﺮﯗﻗﻰ ﭼﯜﺷﯜﺭﯛﺷﻰ ﺋﯩﻨﺴﺎﻧﯩﻲ ﺋﻪﺧﻼﻗﻘﺎ ﻫﻪﻡ ﻗﺎﻧﯘﻧﻐﺎ ﺧﯩﻼﭘﺘﯘﺭ. ﺧﯩﺘﺎﻳﺪﺍ ﻛﯚﻣﯜﺭ ﻛﺎﻥ ﺋﯩﺸﭽﯩﻠﯩﺮﯨﻨﯩﯔ ﻗﺎﺯﺍﻏﺎ ﺋﯘﭼﺮﺍﭖ ﺋﯚﻟﯜﺵ ﻧﯩﺴﺒﯩﺘﻰ، ﺗﻪﺭﻩﻗﻘﯩﻲ ﺗﺎﭘﻘﺎﻥ ﺩﯙﻟﻪﺗﻠﻪﺭﺩﯨﻦ 50 ﻫﻪﺳﺴﻪ، ﺋﺎﻣﯧﺮﯨﻜﯩﺪﯨﻦ 100 ﻫﻪﺳﺴﻪ ﺋﺎﺭﺗﯘﻕ. 2006 ‏- ﻳﯩﻠﻨﯩﯔ ﺋﯩﭽﯩﺪﯨﻼ، 2845 ﻗﯧﺘﯩﻢ ﻛﺎﻥ ﻗﺎﺯﺍﺳﻰ ﻳﯜﺯ ﺑﻪﺭﮔﻪﻥ. ﺷﯘﯕﺎ، ﺧﯩﺘﺎﻳﺪﺍ ﺋﯩﺸﻠﻪﭘﭽﯩﻘﯩﺮﯨﻠﯩﺪﯨﻐﺎﻥ ﻛﯚﻣﯜﺭﻧﻰ ﻗﺎﻧﻐﺎ ﻣﯩﻠﻪﻧﮕﻪﻥ ﻛﯚﻣﯜﺭ ﺩﻩﭖ ﺋﺎﺗﯩﻐﺎﻥ، ﭼﯧﻦ ﯞﯦﻴﺠﻴﻪﻥ، 2007 ‏-ﻳﯩﻠﻰ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺑﯧﺴﯩﻤﻰ ﺑﯩﻠﻪﻥ ﺗﺎﻗﯩﯟﯦﺘﯩﻠﮕﻪﻥ ﺑﯩﺮ ﺗﯜﺭﻛﯜﻡ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﯩﺴﻰ ﺋﯧﻐﯩﺮ ﻛﺎﻧﻼﺭﻧﯩﯔ ﻗﺎﻳﺘﺎ ﺋﯩﺸﻘﺎ ﺳﯧﻠﯩﻨﯩﺸﯩﻨﻰ ﻗﺎﻧﯘﻧﻨﯩﯔ ﻗﺎﺭ ﺋﺎﺳﺘﯩﺪﺍ ﻗﯧﻠﯩﺸﻰ ﺩﻩﭖ ﻛﯚﺭﺳﻪﺗﻜﻪﻥ.

ﻳﻪﭖ - ﺋﯩﭽﯩﺶ ﯞﻩ ﻗﺎﻗﺘﻰ - ﺳﻮﻗﺘﻰ ﻗﯩﻠﯩﺶ ﭘﯘﺭﺳﯩﺘﻰ ﺗﯘﻏﯘﻟﺪﻯ

ﺗﻪﺑﯩﺌﯩﻲ ﺋﺎﭘﻪﺗﻜﻪ ﻗﺎﺭﺷﻰ ﻛﯜﺭﻩﺵ، ﻫﻪﻡ ﻣﺎﺩﺩﯨﻲ ﺋﺎﺳﺎﺳﻘﺎ ﺗﺎﻳﯩﻨﯩﺪﯗ ﻫﻪﻡ ﻣﻪﻧﯩﯟﯨﻲ ﻛﯜﭼﻜﻪ ﺗﺎﻳﯩﻨﯩﺪﯗ، ﺑﯘ ﺋﯩﺸﺘﺎ ﻛﯧﺮﻩﻙ ﺑﻮﻟﯩﺪﯨﻐﺎﻥ ﻣﻪﻧﯩﯟﯨﻲ ﻛﯜﭺ، ﺧﻪﻟﻖ ﺑﯩﻠﻪﻥ ﻫﯚﻛﯜﻣﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺋﯚﺯ ‏- ﺋﺎﺭﺍ ﺋﯩﺸﻪﻧﭽﺘﯘﺭ. ﺋﻪﻣﻤﺎ ﺋﯚﺯ ‏- ﺋﺎﺭﺍ ﺋﯩﺸﻪﻧﭻ ﻗﺎﺭ ﻳﺎﻗﻘﺎﻧﺪﯨﻼ ﺷﻪﻛﯩﻠﻠﯩﻨﯩﺪﯨﻐﺎﻥ ﻧﻪﺭﺳﻪ ﺋﻪﻣﻪﺱ، ﺋﯘ ﺋﯘﺯﯗﻥ ﻣﻪﺯﮔﯩﻠﻠﯩﻚ ﺗﻮﻏﺮﺍ ﯞﻩ ﺋﺎﺩﯨﻞ ﻣﯘﻧﺎﺳﯩﯟﻩﺗﻨﯩﯔ ﻧﻪﺗﯩﺠﯩﺴﯩﺪﯗﺭ. ﻣﺎﻧﺎ ﺑﯘ ﻧﯘﻗﺘﯩﻨﻰ ﺋﻪﺳﻜﻪﺭﺗﻜﻪﻥ، ﺷﻴﺎ ﻳﯩﻔﻪﻥ، ﺩﯙﻟﻪﺕ ﺋﺎﺧﺒﺎﺭﺍﺗﻠﯩﺮﻯ ﺗﻪﺷﯟﯨﻖ ﻗﯩﻠﯩﯟﺍﺗﻘﺎﻥ، ﺋﺎﭘﻪﺗﻜﻪ ﻳﺎﺭﺩﻩﻡ ﺑﯧﺮﯨﺶ ﺩﻭﻟﻘﯘﻧﯩﻨﯩﯔ ﺋﺎﺭﻗﯩﺴﯩﺪﺍ، ﺩﯙﻟﻪﺕ ﺧﻪﺯﯨﻨﯩﺴﯩﮕﻪ ﺗﺎﻳﯩﻨﯩﭗ ﺗﯘﺭﯗﭖ ﻳﻪﻧﻪ ﺑﯩﺮ ﺭﻩﺕ ﻳﻪﭖ- ﺋﯩﭽﯩﺶ ﯞﻩ ﻗﺎﻗﺘﻰ-ﺳﻮﻗﺘﻰ ﻗﯩﻠﯩﺶ ﭘﯘﺭﺳﯩﺘﻰ ﺗﯘﻏﯘﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺋﯚﺗﯩﺪﯗ.

ﺧﯩﺘﺎﻳﻨﯩﯔ 2300 ﻳﯩﻠﻠﯩﻖ ﺩﯨﻜﺘﺎﺗﻮﺭ ﻫﺎﻛﯩﻤﯩﻴﻪﺕ ﺗﺎﺭﯨﺨﯩﺪﺍ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﻪﺧﻼﻗﯩﻲ ﺟﻪﻫﻪﺗﺘﻪ ﺋﻪﯓ ﭼﯩﺮﯨﻚ ﻫﺎﻛﯩﻤﯩﻴﻪﺕ ﺑﻮﻟﻐﺎﻧﻠﯩﻘﯩﻨﻰ ﺑﯘ ﻗﯧﺘﯩﻤﻘﻰ ﻗﺎﺭ ﺋﺎﭘﯩﺘﯩﻤﯘ ﺋﯩﺴﭙﺎﺗﻼﭖ ﺑﻪﺭﺩﻯ، - ﺩﻩﻳﺪﯗ ﻳﺎﺯﻏﯘﭼﻰ ﺟﺎﯞ ﻣﯩﯔ، ‏- ﺑﯘﺭﯗﻧﻘﻰ ﭘﺎﺩﯨﺸﺎﻫﻼﺭ، ﻳﯘﺭﺗﺘﺎ ﺗﻪﺑﯩﺌﯩﻲ ﺋﺎﭘﻪﺕ ﻛﯚﺭﯛﻟﺴﻪ، ﺑﯘﻧﯩﯔ ﺳﻪﯞﻩﺑﯩﻨﻰ ﺋﯚﺯ ﻫﺎﻛﯩﻤﯩﻴﯩﺘﯩﺪﯨﻜﻰ ﺋﺎﺩﺍﻟﻪﺗﺴﯩﺰﻟﯩﻜﺘﯩﻦ ﺗﻪﯕﺮﯨﻨﯩﯔ ﺟﺎﺯﺍﻟﯩﺸﻰ ﺩﻩﭖ ﻗﺎﺭﺍﻳﺘﺘﻰ ﯞﻩ ﺋﺎﻣﻤﯩﺪﯨﻦ ﺋﻪﺭﺯ-ﺷﯩﻜﺎﻳﻪﺕ ﺋﺎﯕﻼﻳﺘﺘﻰ، ﺗﯜﺯﯛﻣﻠﯩﺮﯨﻨﻰ ﺋﯚﺯﮔﻪﺭﺗﯩﺘﻰ ﯞﻩ ﺋﻪﻣﻪﻟﺪﺍﺭﻟﯩﺮﯨﻨﻰ ﺋﺎﻟﻤﺎﺷﺘﯘﺭﺍﺗﺘﻰ. ﺋﻪﻣﻤﺎ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﺪﻩ ﺑﯘﻧﺪﺍﻕ ﺑﯩﺸﺎﺭﻩﺕ ﻳﻮﻕ، ﻣﻪﺳﺌﯘﻟﯩﻴﻪﺕ ﺳﯜﺭﯛﺷﺘﯜﺭﯛﺵ ﻳﻮﻕ، ﺋﻪﻛﺴﯩﭽﻪ ﺋﺎﭘﻪﺕ ﻣﻪﺯﮔﯩﻠﯩﻨﻰ ﺋﯚﺯﯨﻨﻰ ﺑﺎﺯﺍﺭﻏﺎ ﺳﯧﻠﯩﺸﻨﯩﯔ ﭘﯘﺭﺳﯩﺘﻰ ﺩﻩﭖ ﻗﺎﺭﺍﯞﺍﺗﯩﺪﯗ.

ﺋﺎﭘﻪﺗﻜﻪ ﺋﯧﻐﯩﺮ ﺋﯘﭼﺮﯨﻐﺎﻥ ﺟﺎﻳﻼﺭﻧﯩﯔ ﺑﯩﺮﻯ ﺋﯘﻳﻐﯘﺭ ﺭﺍﻳﻮﻧﯩﺪﯗﺭ

ﻳﯘﻗﯩﺮﯨﺪﺍ ﺗﯩﻠﻐﺎ ﺋﯧﻠﯩﻨﻐﺎﻧﻼﺭ ﺧﯩﺘﺎﻱ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﺮﻯ ﺑﻮﻟﯘﭖ، ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ، ﻫﻪﺭ ﺳﺎﻫﻪ ﺋﺎﺳﺎﺳﻰ ﻗﯘﺭﯗﻟﯘﺷﯩﺪﯨﻜﻰ ﺋﺎﺟﯩﺰﻟﯩﻘﻼﺭﻧﻰ ﻳﻮﺷﯘﺭﯗﺵ ﻧﻪﺗﯩﺠﯩﺴﯩﺪﻩ، ﻗﺎﺭ ﺋﺎﭘﯩﺘﯩﻨﯩﯔ ﻧﻪﺗﯩﺠﯩﺴﻰ ﻫﻪﺳﺴﯩﻠﻪﭖ ﭼﻮﯓ ﺑﻮﻟﯘﭖ ﻛﻪﺗﻜﻪﻥ. ﺭﺍﺩﯨﺌﻮﻣﯩﺰﻧﯩﯔ ﺗﯜﻧﯜﮔﯜﻧﻜﻰ ﭘﺮﻭﮔﺮﺍﻣﻤﯩﺴﯩﺪﺍ ﺋﺎﯕﻠﯩﻐﯩﻨﯩﯖﻼﺭﺩﻩﻙ، ﺑﯘ ﻗﯧﺘﯩﻤﻘﻰ ﺋﺎﭘﻪﺗﻜﻪ ﺋﯧﻐﯩﺮ ﺋﯘﭼﺮﯨﻐﺎﻥ ﺟﺎﻳﻼﺭﻧﯩﯔ ﺑﯩﺮﻯ ﺋﯘﻳﻐﯘﺭ ﺭﺍﻳﻮﻧﯩﺪﯗﺭ. ﺑﯘ ﺭﺍﻳﻮﻧﺪﯨﻜﻰ ﭘﻪﺭﻗﻠﯩﻖ ﺑﯩﺮ ﯞﻩﺯﯨﻴﻪﺕ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﭘﻪﺕ ﺋﺎﻟﺪﯨﺪﯨﻜﻰ ﻣﻪﺳﯩﻠﯩﻠﻪﺭﻧﯩﻼ ﺋﻪﻣﻪﺱ، ﺋﺎﭘﻪﺕ ﺋﻪﻫﯟﺍﻟﯩﻨﯩﻤﯘ ﻳﻮﺷﯘﺭﯗﺷﻘﺎ ﺗﯩﺮﯨﺸﯩﯟﺍﺗﻘﺎﻧﻠﯩﻘﯩﺪﯗﺭ. (ﺷﯚﻫﺮﻩﺕ ﻫﻮﺷﯘﺭ)