ﺧﯩﺘﺎﻱ ﺗﯧﺮﺭﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﻰ ﭼﯩﻘﺎﺭﻣﺎﻗﭽﻰ ﺑﻮﻟﯩﯟﺍﺗﯩﺪﯗ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﻰ ﭼﯩﻘﯩﺮﯨﺶ ﺋﺎﺭﻗﯩﻠﯩﻖ ﻣﻪﻣﻠﯩﻜﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻦ ﻛﯧﻠﯩﺪﯨﻐﺎﻥ ﺗﻪﻫﺪﯨﺘﻠﻪﺭﮔﻪ ﻗﺎﺭﺷﻰ ﺗﻪﺩﺑﯩﺮ ﺋﺎﻗﻠﻤﺎﻗﭽﻰ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﺪﻯ.

ﻣﻪﺯﻛﯘﺭ ﻗﺎﻧﯘﻥ ﻻﻫﯩﻴﯩﺴﻰ ﺗﯧﺨﻰ ﺧﯩﺘﺎﻱ ﺩﯙﻟﻪﺕ ﻛﺎﺑﯩﻨﺘﻰ ﻳﺎﻛﻰ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﺗﻪﺳﺘﯩﻘﯩﻐﺎ ﺗﺎﭘﺸﯘﺭﯗﻟﻤﯩﻐﺎﻥ، ﺑﻪﻟﻜﻰ ﻫﺎﺯﯨﺮﭼﻪ ﻗﺎﻧﯘﻥ ﻣﯘﺗﻪﺧﻪﺳﺴﯩﺴﻠﯩﺮﻯ ﺗﻪﺭﯨﭙﯩﺪﯨﻦ ﺗﯜﺯﯛﻟﯜﺵ ﺑﺎﺳﻘﯘﭼﯩﺪﺍ ﺑﻮﻟﯘﭖ، ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﻗﺎﻧﯘﻥ ﻻﻫﯩﻴﯩﺴﯩﻨﯩﯔ ﻣﻪﻣﻠﯩﻜﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻦ ﻛﯧﻠﯩﯟﺍﺗﻘﺎﻥ ﻗﺎﻳﺴﻰ ﺗﻪﻫﺪﯨﺘﻜﻪ ﻗﺎﺭﯨﺘﯩﻠﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻤﯩﺪﻯ.

ﺧﯩﺘﺎﻱ ﻧﯩﻤﻪ ﺋﯜﭼﯜﻥ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﻗﺎﻧﯘﻥ ﭼﯩﻘﺎﺭﻣﺎﻗﭽﻰ ﺑﻮﻟﺪﻯ ؟

ﺧﯩﺘﺎﻱ ﻫﯚﻛﯜﻣﯩﺘﻰ 2001 - ﻳﯩﻠﻰ ﺩﯦﻜﺎﺑﯩﺮ ﺋﯧﻴﯩﺪﺍ ﻳﻪﻧﻰ ﺋﺎﻣﯧﺮﯨﻜﯩﺪﺍ 11 - ﺳﯧﻨﺘﻪﺑﯩﺮ ﯞﻩﻗﻪﺳﻰ ﻳﯜﺯ ﺑﯧﺮﯨﭗ 3 ﺋﺎﻳﺪﯨﻦ ﻛﯧﻴﯩﻦ، ﺧﯩﺘﺎﻱ ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻐﺎ ﺗﯜﺯﯛﺗﯩﺶ ﻛﯩﺮﮔﯜﺯﯛﭖ، 10 ﺧﯩﻠﺪﯨﻦ ﺋﺎﺭﺗﯘﻕ ﺟﯩﻨﺎﻳﻰ ﻗﯩﻠﻤﯩﺸﻨﻰ" ﻗﺎﺗﺘﯩﻖ ﺑﯩﺮ ﺗﻪﺭﻩﭖ ﻗﯩﻠﯩﻨﯩﺪﯨﻐﺎﻥ ﺗﯧﺮﻭﺭﻟﯘﻕ ﺟﯩﻨﺎﻳﻪﺗﻠﻪﺭ" ﺗﯜﺭﯨﮕﻪ ﻛﯩﺮﮔﯜﺯﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻱ ﺑﯘ ﻗﯧﺘﯩﻢ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻧﺎﻣﻰ ﺋﺎﺳﺘﯩﺪﺍ ﻣﻪﺧﺴﯘﺱ ﻗﺎﻧﯘﻥ ﭼﯩﻘﺎﺭﻣﺎﻗﭽﻰ ﺑﻮﻟﯩﯟﺍﺗﯩﺪﯗ ﯞﻩ ﻗﺎﻧﯘﻥ ﺗﯜﺯﯛﺵ ﺧﯩﺰﻣﯩﺘﯩﻨﻰ ﺧﯩﺘﺎﻱ ﻗﺎﻧﯘﻥ ﺟﻪﻣﺌﯩﻴﯩﺘﻰ ﺑﯧﺠﯩﺮﻣﻪﻛﺘﻪ.

ﺧﯩﺘﺎﻳﺪﺍ ﺋﯧﻨﮕﻠﯩﺰﭼﻪ ﭼﯩﻘﯩﺪﯨﻐﺎﻥ "ﺟﯘﯕﮕﻮ ﮔﯧﺰﯨﺘﻰ" ﻧﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﻗﺎﻧﯘﻥ ﺟﻪﻣﺌﯩﻴﯩﺘﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﻟﻰ ﭼﯩﯖﻠﯩﻦ، ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﻰ ﭼﯩﻘﯩﺮﯨﺶ ﻗﺎﺭﺍﺭﻯ" ﺩﯗﻧﻴﺎ ﺑﻮﻳﯩﭽﻪ ﺗﯧﺮﻭﺭﭼﻰ ﻛﯜﭼﻠﻪﺭ ﻛﯜﭼﯩﻴﯩﭗ، ﺟﯘﯕﮕﻮﻧﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﭘﯜﺗﯜﻥ ﺩﯙﻟﻪﺗﻠﻪﺭﮔﻪ ﺟﯩﺪﺩﻯ ﺗﻪﻫﺪﯨﺖ ﺳﯧﻠﯩﯟﺍﺗﻘﺎﻥ ﺋﻪﻫﯟﺍﻟﺪﺍ" ﭼﯩﻘﯩﺮﯨﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

"ﺧﯩﺘﺎﻱ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﻗﺎﻧﯘﻥ ﭼﯩﻘﯩﺮﯨﺸﻘﺎ ﻧﺎﻫﺎﻳﯩﺘﻰ ﺋﺎﻛﺘﯩﭗ"

ﺧﯩﺘﺎﻱ ﻗﺎﻧﯘﻥ ﺟﻪﻣﺌﯩﻴﯩﺘﻰ ﻗﺎﺭﻣﯩﻘﯩﺪﯨﻜﻰ ﺟﯩﻨﺎﻳﻰ ﻗﺎﻧﯘﻧﻰ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ ﺟﺎﯞ ﺑﯩﯖﺠﻰ، ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﻰ ﭼﯩﻘﯩﺮﯨﺶ ﺧﯩﺰﻣﯩﺘﯩﮕﻪ ﻗﺎﺗﻨﺎﺷﻘﺎﻥ ﺧﯩﺘﺎﻱ ﻗﺎﻧﯘﻥ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﺑﯩﺮﻯ.

ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺧﯩﺘﺎﻱ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺷﻨﻰ ﺑﺎﻫﺎﻧﻪ ﻗﯩﻠﯩﭗ، ﺋﯘﻳﻐﯘﺭ ﯞﻩ ﺗﯩﺒﻪﺕ ﺧﻪﻟﻘﯩﻨﻰ ﺑﺎﺳﺘﯘﺭﯨﯟﺍﺗﯩﺪﯗ، ﺩﻩﭖ ﺋﻪﻳﯩﺒﻠﻪﯞﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺟﺎﯞ ﺑﯩﯖﺠﻰ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﻰ ﭼﯩﻘﯩﺮﯨﺸﺘﺎ ﻧﺎﻫﺎﻳﯩﺘﻰ ﺋﺎﻛﺘﯩﭗ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﻣﻪﻛﺘﻪ.

ﺋﯘ "ﺟﯘﯕﮕﻮ ﮔﯧﺰﯨﺘﻰ"ﮔﻪ ﺑﻪﺭﮔﻪﻥ ﻣﻪﺯﻛﯘﺭ ﻗﺎﻧﯘﻥ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﯩﺪﺍ "ﺟﯘﯕﮕﻮ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻥ ﺭﺍﻣﻜﯩﺴﻰ ﺗﯜﺯﯛﺷﻜﻪ ﻧﺎﻫﺎﻳﯩﺘﻰ ﺋﺎﻛﺘﯩﭗ ﭘﻮﺯﯨﺘﺴﯩﻴﻪ ﺗﯘﺗﯘﭖ ﻛﻪﻟﺪﻯ. ﺩﺍﺋﯩﺮﯨﻠﻪﺭ ﺗﯧﺮﻭﺭﯨﺰﯨﻤﻐﺎ ﺋﯜﻧﯜﻣﻠﯜﻙ ﻗﺎﺭﺷﻰ ﺗﯘﺭﯗﺵ ﻣﻪﻗﺴﯩﺘﯩﺪﻩ ﺑﯘ ﻗﺎﻧﯘﻧﻨﻰ ﺋﺎﻟﺪﯨﺮﺍﺵ ﺗﯜﺯﻣﻪﻛﺘﻪ،"ﺩﻩﻳﺪﯗ. "ﺟﯘﯕﮕﻮ ﮔﯧﺰﯨﺘﻰ" ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ،ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯘ ﻗﺎﻧﯘﻧﻨﻰ ﺋﺎﻟﺪﯨﺮﺍﺵ ﺗﯜﺯﯛﺷﯩﺪﻩ ﻗﺎﻳﺴﻰ ﺟﻪﻫﻪﺗﺘﯩﻜﻰ ﺋﯩﭽﻜﻰ ﯞﻩ ﺗﺎﺷﻘﯩﻲ ﺗﻪﻫﺪﯨﺘﻨﻰ ﻛﯚﺯﺩﻩ ﺗﯘﺗﯘﯞﺍﺗﻘﺎﻧﻠﯩﻘﯩﻨﻰ ﺷﯘﻧﺪﺍﻗﻼ ﻣﻪﺯﻛﯘﺭ ﻗﺎﻧﯘﻧﻨﯩﯔ ﻣﻪﺯﻣﯘﻧﯩﻐﺎ ﺩﺍﺋﯩﺮ ﺗﻪﭘﺴﯩﻠﻰ ﺋﻪﻫﯟﺍﻟﻼﺭ ﯞﻩ ﻗﺎﻧﯘﻥ ﻻﻫﯩﻴﯩﺴﯩﻨﯩﯔ ﺋﯧﻼﻥ ﻗﯩﻠﯩﻨﯩﺶ ﯞﺍﻗﺘﯩﻨﻰ ﺗﯩﻠﻐﺎ ﺋﺎﻟﻤﯩﺪﻯ.

ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﯩﻨﯩﯔ ﻗﺎﺭﺍﺗﻤﯩﻠﯩﻘﻰ ﺑﺎﺭ

ﺋﺎﻣﯧﺮﯨﻜﺎ ﻛﺮﯨﺴﺘﻴﺎﻥ ﯞﻩ ﻳﺎﯓ ﻗﺎﻧﯘﻥ ﻣﯘﻻﺯﯨﻤﻪﺕ ﺷﯩﺮﻛﯩﺘﯩﻨﯩﯔ ﻳﺎﺭﺩﻩﻣﭽﻰ ﺋﺎﺩﯞﯗﻛﺎﺗﻰ ﻧﯘﺭﻯ ﺗﯜﺭﻛﻪﻟﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﯩﻨﯩﯔ ﺭﻭﺷﻪﻥ ﺩﻩﺭﯨﺠﯩﺪﻩ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻤﯩﻠﯩﻘﻰ ﺑﺎﺭ.

ﺑﯩﺰ ﻣﻪﺯﻛﯘﺭ ﻗﺎﻧﯘﻥ ﻻﻫﯩﻴﯩﺴﯩﻨﯩﯔ ﻗﺎﭼﺎﻥ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﺪﺍ ﻣﯘﺯﺍﻛﯩﺮﯨﮕﻪ ﻗﻮﻳﯘﻟﯩﺪﯨﻐﺎﻧﻠﯩﻘﯩﻨﻰ ﺋﯩﮕﯩﻠﻪﺵ ﻣﻪﻗﺴﯩﺘﯩﺪﻩ ﺧﯩﺘﺎﻱ ﻗﺎﻧﯘﻥ ﺟﻪﻣﺌﯩﻴﯩﺘﯩﮕﻪ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺗﯧﻠﯧﻔﻮﻧﯩﻤﯩﺰﻧﻰ ﺋﺎﻟﯩﺪﯨﻐﺎﻥ ﺋﺎﺩﻩﻡ ﭼﯩﻘﻤﯩﺪﻯ. "ﺟﯘﯕﮕﻮ ﮔﯧﺰﯨﺘﻰ"ﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﻛﻮﻣﯩﺘﯧﺘﯩﻨﯩﯔ ﻗﺎﻧﯘﻥ ﭼﯩﻘﯩﺮﯨﺶ ﭘﯩﻼﻧﯩﺪﺍ، ﻣﻪﺯﻛﯘﺭ ﻗﺎﻧﯘﻥ ﺑﯘ ﺋﻮﺭﮔﺎﻧﻨﯩﯔ ﻛﯧﻠﻪﺭ ﻳﯩﻠﻰ ﺑﺎﺷﻠﯩﻨﯩﺪﯨﻐﺎﻥ ﻛﯧﻴﯩﻨﻜﻰ ﺑﻪﺵ ﻳﯩﻠﻠﯩﻖ ﭘﯩﻼﻧﻰ ﺋﯩﭽﯩﮕﻪ ﻛﯩﺮﮔﯜﺯﯛﻟﮕﻪﻥ.

2001 - ﻳﯩﻠﺪﯨﻜﻰ 11 - ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭ ﻛﻪﻳﻨﻰ - ﻛﻪﻳﻨﯩﺪﯨﻦ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﻰ ﭼﯩﻘﯩﺮﯨﭗ، ﺷﯘ ﺩﯙﻟﻪﺗﻨﯩﯔ ﺧﻪﯞﭘﺴﯩﺰﻟﯩﻚ ﻛﯜﭼﻠﯩﺮﯨﮕﻪ ﺯﻭﺭ ﻫﻮﻗﯘﻗﻼﺭﻧﻰ ﺑﻪﺭﮔﻪﻥ، ﻟﯧﻜﯩﻦ ﺑﯘ ﭘﯘﻗﺮﺍﻻﺭ ﻫﻮﻗﯘﻗﯩﻨﻰ ﻗﻮﻏﺪﯨﻐﯘﭼﻰ ﺷﻪﺧﺲ ﯞﻩ ﺗﻪﺷﻜﯩﻼﺗﻼﺭﻧﯩﯔ ﺗﻪﻧﻘﯩﺪﯨﮕﻪ ﺋﯘﭼﺮﯨﻐﺎﻥ ﺋﯩﺪﻯ.

ﻗﺎﻧﯘﻥ ﭘﯘﻗﺮﺍﻻﺭ ﻫﻮﻗﯘﻗﯩﻐﺎ ﭘﺎﻳﺪﯨﺴﯩﺰ

ﺧﯩﺘﺎﻱ ﻗﺎﻧﯘﻥ ﺟﻪﻣﺌﯩﻴﯩﺘﯩﺪﯨﻜﻰ ﺟﺎﯞ ﺑﯩﯖﺠﻰ، 30 - ﻣﺎﻱ ﻛﯜﻧﻰ ﺑﯧﻴﺠﯩﯖﺪﺍ ﭼﺎﻗﯩﺮﯨﻠﻐﺎﻥ ﻳﻪﺭ ﺷﺎﺭﻯ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺷﺘﯩﻜﻰ ﻗﺎﻧﯘﻥ ﻣﻪﺳﯩﻠﯩﻠﻪﺭ، ﺩﯦﮕﻪﻥ ﺗﯧﻤﯩﺪﯨﻜﻰ ﻣﯘﻫﺎﻛﯩﻤﻪ ﻳﯩﻐﯩﻨﯩﺪﺍ، ﺧﯩﺘﺎﻱ ﺩﯗﭺ ﻛﯧﻠﯩﯟﺍﺗﻘﺎﻥ ﺗﯧﺮﺭﻭﺭﯨﺰﻡ ﯞﻩﺯﯨﻴﯩﺘﻰ ﺷﯘﻧﺪﺍﻗﻼ ﻣﯘﻧﺎﺳﯩﯟﻩﺗﻠﯩﻚ ﺧﻪﻟﻘﺌﺎﺭﺍ ﺋﻪﻫﺪﯨﻨﺎﻣﯩﻼﺭﻧﯩﯔ ﻗﺎﻧﯘﻥ ﻻﻫﯩﻴﯩﺴﯩﺪﻩ ﺋﻪﻛﺲ - ﺋﯧﺘﯩﺪﯨﻐﺎﻧﻠﯩﻘﯩﻨﻰ ﺋﯘﺭﻏﯘﻟﯩﻐﺎﻥ. ﻟﯧﻜﯩﻦ ﻧﯘﺭﻯ ﺗﯜﺭﻛﻪﻝ، ﺑﯘ ﻗﺎﻧﯘﻧﻨﯩﯔ ﭘﯘﻗﺮﺍﻻﺭ ﻫﻮﻗﯘﻗﯩﻐﺎ ﺩﻩﺧﻠﻰ - ﺗﻪﺭﯗﺯ ﻳﻪﺗﻜﯜﺯﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

ﺧﯩﺘﺎﻱ ﻗﺎﻧﯘﻥ ﺟﻪﻣﺌﯩﻴﯩﺘﯩﺪﯨﻜﻰ ﺟﺎﯞ ﺑﯩﯖﺠﻰ ﻳﺎﻛﻰ ﻟﻰ ﭼﯩﯖﻠﯩﻨﻼﺭ، ﺧﯩﺘﺎﻱ ﺩﯗﭺ ﻛﯧﻠﯩﯟﺍﺗﻘﺎﻥ ﺋﯩﭽﻜﻰ - ﺗﺎﺷﻘﯩﻲ ﺗﻪﻫﺪﯨﺘﻠﻪﺭ ﯞﻩ ﺋﺎﺗﺎﻟﻤﯩﺶ ﺗﯧﺮﺭﻭﺭﯨﺰﻡ ﯞﻩﺯﯨﻴﯩﺘﯩﻨﻰ ﻛﯩﻤﻠﻪﺭ ﺷﯘﻧﺪﺍﻗﻼ ﻗﺎﻳﺴﻰ ﺗﻪﺷﻜﯩﻼﺗﻼﺭ ﭘﻪﻳﺪﺍ ﻗﯩﻠﯩﯟﺍﺗﯩﺪﯗ، ﺩﯦﮕﻪﻥ ﺳﻮﺋﺎﻟﻐﺎ ﺟﺎﯞﺍﭖ ﺑﻪﺭﻣﯩﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ " ﺟﯘﯕﮕﻮ ﮔﯧﺰﯨﺘﻰ" ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ، ﺳﺎﻗﭽﯩﻼﺭﻧﯩﯔ ﺑﯘ ﻳﯩﻞ 1 - ﺋﺎﻳﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﻰ ﻗﯘﺭﻏﺎﻥ ﺑﯩﺮ ﻻﮔﯧﺮﻏﺎ ﻫﯘﺟﯘﻡ ﻗﯩﻠﯩﭗ، 18 ﻛﯩﺸﯩﻨﻰ ﺋﯚﻟﺘﯜﺭﮔﻪﻧﻠﯩﻜﻰ ﯞﻩ17 ﻛﯩﺸﯩﻨﻰ ﺋﻪﺳﯩﺮ ﺋﺎﻟﻐﺎﻧﻠﯩﻘﯩﻨﻰ ﻳﺎﺯﺩﻯ.

ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺑﻮﻟﺴﺎ، ﭼﻪﺗﺌﻪﻟﻠﯩﻚ ﻣﯘﺗﻪﺧﻪﺳﺴﯩﺴﻠﻪﺭ ﯞﻩ ﺩﯨﭙﻠﻮﻣﺎﺗﻼﺭﻧﯩﯔ ﺧﯩﺘﺎﻳﻨﻰ ﺗﯧﺮﻭﺭﯨﺰﯨﻤﻐﺎ ﻗﺎﺭﺷﻰ ﺋﯘﺭﯗﺷﻨﻰ ﺑﺎﻫﺎﻧﻪ ﻗﯩﻠﯩﭗ، ﺗﯩﻨﭽﻠﯩﻘﭙﻪﺭﯞﻩﺭ ﻣﯘﺳﺘﻪﻗﯩﻠﭽﻰ ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﯨﮕﻪ ﺯﻩﺭﺑﻪ ﺑﻪﺭﻣﻪﻛﺘﻪ، ﺩﻩﭖ ﺋﻪﻳﯩﭙﻠﻪﯞﺍﺗﻘﺎﻧﻠﯩﻘﯩﻨﻰ ﯞﻩ ﺑﯧﻴﺠﯩﯔ ﻫﯚﻛﯜﻣﯩﺘﻰ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﻰ ﻛﯜﭼﻠﯩﺮﯨﻨﻰ ﺋﻪﻝ- ﻗﺎﺋﯩﺪﻩ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﻗﯩﻠﯩﭗ ﻛﯚﺭﺳﯩﺘﯩﺸﻜﻪ ﺗﯩﺮﯨﺸﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺗﯧﺮﺭﻭﺭﯨﺰﻡ ﺑﯩﻠﻪﻥ ﺋﻪﻳﯩﭙﻠﻪﻧﮕﯜﭼﯩﻠﻪﺭﮔﻪ ﺋﯚﺯﯨﻨﻰ ﺋﺎﻗﻼﺵ ﭘﯘﺭﺳﯩﺘﻰ ﺑﯧﺮﯨﻠﻪﻣﺪﯗ ؟

ﻧﯘﺭﻯ ﺗﯜﺭﻛﻪﻝ، ﺋﻪﮔﻪﺭ ﺧﯩﺘﺎﻳﻨﯩﯔ ﻫﺎﺯﯨﺮﻗﻰ ﻣﻪﯞﺟﯜﺕ ﺋﻪﺩﻟﯩﻴﻪ ﺳﯧﺴﺘﯩﻤﯩﺴﺪﺍ ﺑﯘ ﻗﺎﻧﯘﻥ ﻣﺎﻗﯘﻟﻼﻧﺴﺎ، ﺗﯧﺮﺭﻭﺭﯨﺰﻡ ﺑﯩﻠﻪﻥ ﺋﻪﻳﯩﭙﻠﻪﻧﮕﯜﭼﯩﻠﻪﺭﻧﯩﯔ ﺋﺎﺩﯨﻼﻧﻪ ﺳﻮﺗﻠﯩﻨﯩﺸﯩﻐﺎ ﺗﯧﺨﯩﻤﯘ ﻛﺎﭘﺎﻟﻪﺗﻠﯩﻚ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻤﻪﻛﺘﻪ. ﺏ ﺩ ﺕ 2002 - ﻳﯩﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﻰ ﺋﺎﺗﺎﻟﻤﯩﺶ " ﺗﯧﺮﻭﺭﭼﻰ" ﺗﻪﺷﻜﯩﻼﺗﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻠﭽﻰ ﺗﻪﺷﻜﯩﻼﺗﻠﯩﺮﯨﻨﯩﯔ ﻫﻪﻣﻤﯩﺴﯩﻨﻰ "ﺗﯧﺮﻭﺭﭼﻰ،" ﺩﻩﭖ ﺋﺎﺗﯩﻤﺎﻗﺘﺎ.

" ﺟﯘﯕﮕﻮ ﮔﯧﺰﯨﺘﻰ،" ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﻨﯩﯔ 1990 - ﻳﯩﻠﺪﯨﻦ 2001 - ﻳﯩﻠﻐﯩﭽﻪ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﯞﻩ ﭼﻪﺗﺌﻪﻟﺪﻩ 162 ﻛﯩﺸﯩﻨﯩﯔ ﺋﯚﻟﯜﻣﻰ، 440 ﻳﺎﺭﯨﻠﯩﻨﯩﺸﯩﻐﺎ ﺟﺎﯞﺍﭘﻜﺎﺭ ﺋﯩﻜﻪﻧﻠﯩﻜﯩﻨﻰ ﻳﺎﺯﺩﻯ. ﻟﯧﻜﯩﻦ ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ، ﭼﻪﺗﺌﻪﻟﻠﯩﻚ ﻣﯘﺗﻪﺧﻪﺳﺴﯩﺲ ﯞﻩ ﺩﯨﭙﻠﻮﻣﺎﺗﻼﺭﻧﯩﯔ ﺑﯘ ﯞﻩﻗﻪﻟﻪﺭ ﻣﯘﺳﺘﻪﻗﯩﻠﭽﻰ ﻛﯜﭼﻠﻪﺭ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ، ﺩﻩﭖ ﻗﺎﺭﯨﻤﺎﻳﺪﯨﻐﺎﻧﻠﯩﻘﯩﻨﻰ ﯞﻩ ﺑﯘ ﺟﻪﺭﻳﺎﻧﺪﺍ ﻳﯜﺯ ﺑﻪﺭﮔﻪﻥ ﭘﺎﺭﺗﻼﺵ ﻫﻪﻡ ﻫﯚﻛﯜﻣﻪﺗﻜﻪ ﻗﺎﺭﺷﻰ ﯞﻩﻗﻪﻟﻪﺭﻧﻰ ﻛﯩﭽﯩﻚ ﮔﯘﺭﯗﻫﻼﺭ ﻳﺎﻛﻰ ﺷﻪﺧﺴﻠﻪﺭ ﭘﻪﻳﺪﺍ ﻗﯩﻠﻐﺎﻥ ﺋﺎﻳﺮﯨﻢ ﺋﻪﻫﯟﺍﻟﻼﺭ ﺑﻮﻟﯘﭖ، ﺗﻪﺷﻜﯩﻠﻠﯩﻚ ﻫﻪﺭﯨﻜﻪﺕ ﺋﻪﻣﻪﺱ، ﺩﻩﭖ ﻫﯩﺴﺎﭘﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. (ﺋﻪﺭﻛﯩﻦ)