ﺧﻮﯕﻜﻮﯕﻨﯩﯔ "ﺳﯘﻣﺮﯗﻍ" ﺗﯧﻠﯧﯟﯨﺰﯨﻴﯩﺴﯩﺪﻩ ﭘﺎﻣﯩﺮ ﯞﻩﻗﻪﺳﻰ

• ﺋﯩﺨﺘﯩﻴﺎﺭﻯ ﻣﯘﺧﺒﯩﺮﯨﻤﯩﺰ ﺋﺎﺑﺪﯗﺳﻪﻣﻪﺗﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

8-ﻳﺎﻧﯟﺍﺭ ﻛﯜﻧﻰ ﺧﯩﺘﺎﻱ ﺩﺍﺋﯩﺮﻟﯩﺮﻯ ﭘﺎﻣﯩﺮ ﺗﺎﻏﻠﯩﻖ ﺭﺍﻳﯘﻧﯩﺪﺍ ﺋﺎﺗﺎﻟﻤﯩﺶ ﺷﻪﺭﻗﯩﻲ ﺗﯘﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﻣﻪﺷﯩﻖ ﺑﺎﺯﯨﺴﯩﻐﺎ ﻫﯘﺟﯘﻡ ﻗﯩﻠﯩﭗ، 18 ﺗﯧﺮﺭﻭﺭﭼﯩﻨﻰ ﺋﯚﻟﺘﯜﺭﯛﭖ 17 ﺗﯧﺮﺭﻭﺭﭼﯩﻨﻰ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﮕﯩﻨﻰ ﺋﯧﻼﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺧﻪﻟﻘﺌﺎﺭﺍﺩﺍ ﺑﯘ ﯞﻩﻗﻪ ﻫﻪﻗﻘﯩﺪﻩ ﻫﻪﺭ ﺧﯩﻞ ﮔﯘﻣﺎﻧﯩﻲ ﻛﯚﺯ ﻗﺎﺭﺍﺷﻼﺭ ﺋﻮﺗﺘﯘﺭﯨﻐﺎ ﭼﯩﻘﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯧﺮﺭﻭﺭﯨﺰﻣﻐﺎ ﻗﺎﺭﺷﻰ ﺗﯘﺭﯗﺷﻨﻰ ﺑﺎﻫﺎﻧﻪ ﻗﯩﻠﯩﭗ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯞﺍﺗﻘﺎﻧﻠﯩﻐﻰ ﻫﻪﻗﻘﯩﺪﯨﻜﻰ ﭘﯩﻜﯩﺮﻟﻪﺭ ﺋﯩﻠﮕﯩﺮﻯ ﺳﯜﺭﯛﯞﺍﺗﻘﺎﻧﻠﯩﻐﯩﻐﺎ ﻗﺎﺭﯨﻤﺎﻱ، ﺧﯩﺘﺎﻱ ﺩﺍﺋﯩﺮﻟﯩﺮﻯ ﺗﻪﺷﯟﯨﻘﺎﺕ ﯞﺍﺳﺘﯩﻠﯩﺮﯨﻨﻰ ﺋﯩﺸﻘﺎ ﺳﻪﻟﯩﭗ، ﺋﯘﻳﻐﯘﺭﻻﺭﻧﯩﯔ ﻛﯩﺸﻠﯩﻚ ﻫﻮﻗﯘﻕ ﯞﻩ ﺋﻪﺭﻛﯩﻨﻠﯩﻚ ﺋﯜﭼﯜﻥ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺭﻟﯩﻖ ﺳﯩﻴﺎﺳﻰ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺧﻪﻟﻘﺌﺎﺭﺍﻏﺎ ﺗﯧﺮﺭﻭﺭﯨﺰﻡ ﻗﯩﻠﻤﯩﺸﻰ ﻗﯩﻠﯩﭗ ﻛﯚﺭﺳﯩﺘﯩﺸﻜﻪ ﺑﻮﻟﻐﺎﻥ ﺋﯘﺭﯗﻧﯘﺷﻠﯩﺮﯨﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﻪﯞﺟﯩﮕﻪ ﻛﯚﺗﯜﺭﻣﻪﻛﭽﻰ ﺑﻮﻟﯩﯟﺍﺗﯩﺪﯗ.

10-12- ﻳﺎﻧﯟﺍﺭ ﻛﯜﻧﻠﯩﺮﻯ ﻫﻮﯓ ﻛﻮﯓ "ﺳﯘﻣﺮﯗﻍ" ﺗﯧﻠﯧﯟﯨﺰﯨﻴﯩﺴﯩﻨﯩﯔ ﻳﺎﯞﺭﻭﭘﺎ ﺩﯙﻟﻪﺗﻠﯩﺮﯨﮕﻪ ﺳﯘﻧﺌﯩﻲ ﻫﻪﻣﺮﺍﻫ ﺋﺎﺭﻗﯩﻠﯩﻖ ﺗﺎﺭﻗﯩﺘﯩﻠﻐﺎﻥ ﭘﺮﻭﮔﺮﺍﻣﻤﯩﺴﯩﺪﺍ ﭘﺎﻣﯩﺮ ﯞﻩﻗﻪﺳﻰ ﻫﻪﻗﻘﯩﺪﻩ ﻛﻪﯓ ﻫﻪﺟﯩﻤﻠﯩﻚ ﺧﻪﯞﻩﺭ ﺋﺎﻧﺎﻟﯩﺰﻯ ﺑﯧﺮﯨﻠﮕﻪﻥ. "ﺳﯘﻣﺮﯗﻍ" ﺗﯧﻠﯟﯨﺰﯨﻴﻪ ﻗﺎﻧﯩﻠﻰ ﻧﯚﯞﻩﺗﺘﻪ ﺧﻪﻟﻘﺌﺎﺭﺍﻏﺎ ﺗﺎﺭﻗﯩﺘﯩﻠﯩﺪﯨﻐﺎﻥ ﺧﯩﺘﺎﻱ ﺗﯩﻠﯩﺪﯨﻜﻰ ﺋﻪﯓ ﻧﻮﭘﯘﺯﻟﯘﻕ ﺗﯧﻠﯟﯨﺰﯨﻴﻪ ﻗﺎﻧﺎﻟﻠﯩﺮﯨﺪﯨﻦ ﺑﯩﺮﻯ ﺑﻮﻟﯘﭖ، ﺋﻪﺳﻠﻰ ﺑﯘ ﻗﺎﻧﺎﻝ 1997 –ﻳﯩﻠﻰ ﺧﻮﯕﻜﻮﯓ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﯘﭖ ﺑﯧﺮﯨﻠﯩﺸﺘﯩﻦ ﺑﯘﺭﯗﻥ ﺗﺎﻣﺎﻣﻪﻥ ﺗﻪﺭﻩﭘﺴﯩﺰ، ﻣﯘﺳﺘﻪﻗﯩﻞ ﺑﯩﺮ ﺋﺎﺧﺒﺎﺭﺍﺕ ﯞﺍﺳﺘﯩﺴﻰ ﺳﯜﭘﯩﺘﯩﺪﻩ ﺋﯩﺶ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﻮﻟﺴﯩﻤﯘ، 1997-ﻳﯩﻠﻰ ﺧﻮﯕﻜﻮﯓ ﺧﯩﺘﺎﻳﻐﺎ ﻗﺎﻳﺘﯘﺭﯗﭖ ﺑﯧﺮﯨﻠﮕﻪﻧﺪﯨﻦ ﻛﯧﻴﯩﻦ، ﺑﯩﺘﻪﺭﻩﭘﻠﯩﻚ ﻣﻪﻳﺪﺍﻧﯩﻨﻰ ﻳﻮﻗﯩﺘﯩﭗ، ﺑﺎﺭﺍ-ﺑﺎﺭﺍ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﺗﻪﺷﯟﯨﻘﺎﺕ ﻣﻪﻗﺴﻪﺗﻠﯩﺮﯨﮕﻪ ﺋﯘﻳﻐﯘﻧﻠﯩﺸﯩﺸﻘﺎ ﺑﺎﺷﻠﯩﻐﺎﻥ. ﺷﯘﻧﺪﺍﻗﺘﯩﻤﯘ ﺑﯘ ﺗﯧﻠﯟﯨﺰﯨﻴﻪ ﻗﺎﻧﯩﻠﯩﻨﯩﯔ ﭼﻪﺗﺌﻪﻟﻠﻪﺭﺩﯨﻜﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺋﺎﺭﯨﺴﯩﺪﯨﻜﻰ ﺗﻪﺳﯩﺮﻯ ﻳﻪﻧﯩﻼ ﺧﯧﻠﻰ ﺯﻭﺭ ﺋﯩﻜﻪﻥ.

"ﺳﯘﻣﺮﯗﻍ" ﺗﯧﻠﯧﯟﯨﺰﯨﻴﯩﺴﯩﻨﯩﯔ ﻛﯚﺭﺳﯩﺘﯩﺸﻠﯩﺮﯨﮕﻪ ﺋﯘﺯﯗﻧﺪﯨﻦ ﺩﯨﻘﻘﻪﺗﺘﻪ ﺑﻮﻟﯘﭖ ﻛﯧﻠﯩﯟﺍﺗﻘﺎﻥ ﮔﻮﻟﻼﻧﺪﯨﻴﻪﺩﻩ ﻳﺎﺷﺎﯞﺍﺗﻘﺎﻥ، ﻏﺎﻟﯩﭗ ﺋﻪﭘﻪﻧﺪﻯ "ﺳﯘﻣﺮﯗﻍ" ﺗﯧﻠﯧﯟﯨﺰﯨﻴﯩﺴﻰ ﯞﻩ "ﺳﯘﻣﺮﯗﻍ" ﺗﯧﻠﯧﯟﯨﺰﯨﻴﯩﺴﯩﻨﯩﯔ ﭘﺎﻣﯩﺮ ﯞﻩﻗﻪﺳﻰ ﻫﻪﻗﻘﯩﺪﻩ ﺑﻪﺭﮔﻪﻥ ﭘﺮﻭﮔﺮﺍﻣﻤﯩﺴﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ.