ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﻰ ﺗﻪﻳﯟﻩﻧﮕﻪ ﻗﻮﺭﺍﻝ ﺳﯧﺘﯩﭗ ﺑﯧﺮﯨﺶ ﻗﺎﺭﺍﺭ ﻻﻳﯩﻬﯩﺴﻰ ﻣﺎﻗﯘﻟﻠﯩﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﺎﻣﯧﺮﯨﻜﯩﻨﯩﯔ ﺟﻪﻧﯘﺑﻰ ﻛﻮﺭﯨﻴﯩﺪﻩ ﺗﯘﺭﯗﺷﻠﯘﻕ ﻗﯩﺴﯩﻤﻠﯩﺮﯨﻨﯩﯔ F-16C ﺗﯩﭙﺘﯩﻜﻰ ﻛﯜﺭﻩﺷﭽﻰ ﺋﺎﻳﺮﯗﭘﻼﻧﻠﯩﺮﻯ. 2007 - ﻳﯩﻠﻰ 19 - ﺋﯩﻴﯘﻥ، ﺟﻪﻧﯘﺑﻰ ﻛﻮﺭﯨﻴﻪ. AFP PHOTO

ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﻰ ﺳﻪﻳﺸﻪﻧﺒﻪ ﻛﯜﻧﻰ ﻗﺎﺭﺍﺭ ﻻﻳﯩﻬﯩﺴﻰ ﻣﺎﻗﯘﻟﻼﭖ، ﺑﯘﺵ ﻫﯚﻛﯜﻣﯩﺘﯩﻨﯩﯔ ﺗﻪﻳﯟﻩﻧﮕﻪ ﺩﺍﯞﺍﻣﻠﯩﻖ ﻗﻮﺭﺍﻝ - ﻳﺎﺭﺍﻕ ﺳﯧﺘﯩﭗ ﺑﯧﺮﯨﺸﯩﻨﻰ ﯞﻩ ﺗﻪﻳﯟﻩﻧﻨﯩﯔ ﺋﯚﺯﯨﻨﻰ ﻣﯘﺩﺍﭘﯩﺌﻪ ﻗﯩﻠﯩﺸﯩﻐﺎ ﻳﺎﺭﺩﻩﻡ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﺪﻯ. ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﻗﺎﺭﺍﺭﻯ ﻣﺎﻗﯘﻟﻼﻧﻐﺎﻥ ﻣﻪﺯﮔﯩﻠﻰ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻳﺎﯓ ﺟﻴﯧﭽﻰ ﺏ ﺩ ﺕ ﺋﻮﻣﯘﻣﻴﯩﻐﯩﻨﯩﺪﺍ ﯞﻩ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞﻧﯩﯔ ﺧﯩﺘﺎﻱ ﺩﯙﻟﻪﺕ ﺑﺎﻳﺮﯨﻤﯩﺪﺍ ﺗﻪﻳﯟﻩﻧﻨﻰ ﺋﺎﮔﺎﻫﻼﻧﺪﯗﺭﻏﺎﻥ ﻣﻪﺯﮔﯩﻠﮕﻪ ﺗﻮﻏﺮﺍ ﻛﻪﻟﺪﻯ.

" ﺗﻪﻳﯟﻩﻥ ﺋﯚﺯﯨﻨﻰ ﻗﻮﻏﺪﺍﻳﺪﯨﻐﺎﻥ ﻳﯧﺘﻪﺭﻟﯩﻚ ﺋﯩﻘﺘﯩﺪﺍﺭﻏﺎ ﺋﯩﮕﻪ ﺑﻮﻟﯘﺷﻰ ﻛﯧﺮﻩﻙ "

ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﻰ ﺳﻪﻳﺸﻪﻧﺒﻪ ﻛﯜﻧﻰ ﻣﺎﻗﯘﻟﻠﯩﻐﺎﻥ ﺗﻪﻳﯟﻩﻧﮕﻪ ﻗﻮﺭﺍﻝ - ﻳﺎﺭﺍﻕ ﺳﯧﺘﯩﭗ ﺑﯧﺮﯨﺶ ﺗﻮﻏﺮﯨﺴﯩﺪﯨﻜﻰ ﻗﺎﺭﺍﺭ ﻻﻳﯩﻬﯩﺴﯩﺪﻩ، ﺑﯘﺵ ﻫﯚﻛﯜﻣﯩﺘﯩﺪﯨﻦ ﺋﺎﻣﯧﺮﯨﻜﺎ - ﺗﻪﻳﯟﻩﻥ ﻣﯘﻧﺎﺳﯩﯟﻩﺕ ﻗﺎﻧﯘﻧﯩﻐﺎ ﺋﯘﻳﻐﯘﻥ ﺳﯩﻴﺎﺳﻪﺕ ﻗﻮﻟﻠﯩﻨﯩﭗ، ﺗﻪﻳﯟﻩﻧﻨﯩﯔ ﺋﺎﻣﯧﺮﯨﻜﯩﺪﯨﻦ ﻣﯘﺩﺍﭘﯩﺌﻪ ﻗﻮﺭﺍﻟﻠﯩﺮﯨﻨﻰ ﺳﯧﺘﯩﯟﯦﻠﯩﺸﻰ ﯞﻩ ﺋﯚﺯﯨﻨﻰ ﻣﯘﺩﺍﭘﯩﺌﻪ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﻰ ﺋﯚﺳﺘﯜﺭﯛﺷﯩﮕﻪ ﻳﺎﺭﺩﻩﻡ ﺑﯧﺮﯨﺶ ﺗﻪﻟﻪﭖ ﻗﯩﻠﯩﻨﺪﻯ. ﺋﺎﯞﺍﻡ ﭘﺎﻻﺗﺎ ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﻛﻮﻣﯩﺘﯧﺘﯩﻨﯩﯔ ﺋﻪﺯﺍﺳﻰ ﺋﯩﻠﯩﻴﯧﻨﺎ ﺭﻭﺱ - ﻟﯧﺘﯩﻨﺎﻧﺖ ﺧﺎﻧﯩﻢ ﺗﻪﺭﯨﭙﯩﺪﯨﻦ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﯘ ﻻﻳﯩﻬﻪ، ﺋﺎﯞﺍﻡ ﭘﺎﻻﺗﺎ ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﻛﻮﻣﯩﺘﯧﺘﯩﺪﯨﻜﻰ ﺩﯦﻤﻮﻛﺮﺍﺗﯩﻚ ﯞﻩ ﺟﯘﻣﻬﯘﺭﯨﻴﻪﺗﭽﻰ ﺋﻪﺯﺍﻻﺭﻧﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﻜﻪﻥ ﺑﻮﻟﯘﭖ، ﻣﻪﺯﻛﯘﺭ ﻻﻳﯩﻬﻪ ﺋﺎﯞﺍﻡ ﭘﺎﻻﺗﺎﺳﯩﺪﺍ ﻣﺎﻗﯘﻟﻠﯩﻨﯩﺸﺘﯩﻦ ﺑﯘﺭﯗﻥ ﺋﯚﺗﻜﻪﻥ ﻫﻪﭘﺘﻪ ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﻛﻮﻣﯩﺘﯧﺘﯩﺪﺍ ﺋﺎﯞﺍﺯﻏﺎ ﻗﻮﻳﯘﻟﻐﺎﻥ ﺋﯩﺪﻯ.

ﻗﺎﺭﺍﺭ ﻻﻳﯩﻬﯩﺴﯩﻨﻰ ﻗﻮﻟﻠﯩﻐﺎﻥ ﺋﺎﯞﺍﻡ ﭘﺎﻻﺗﺎ ﺋﻪﺯﺍﻟﯩﺮﯨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﯩﻨﯩﺴﺘﯩﺮﻟﯩﻘﻰ ﻳﯧﻘﯩﻨﺪﺍ ﺋﯧﻼﻥ ﻗﯩﻠﻐﺎﻥ ﺧﯩﺘﺎﻳﻨﯩﯔ ﻫﻪﺭﺑﯩﻲ ﻛﯜﭼﻰ ﺗﻮﻏﺮﯨﺴﯩﺪﯨﻜﻰ ﺩﻭﻛﻼﺗﯩﺪﯨﻦ ﻗﺎﺭﯨﻐﺎﻧﺪﺍ ، ﺗﻪﻳﯟﻩﻥ ﺧﯩﺘﺎﻳﻨﯩﯔ ﺟﯩﺪﺩﯨﻲ ﺗﻪﻫﺪﯨﺘﯩﮕﻪ ﺩﯗﭺ ﻛﻪﻟﻤﻪﻛﺘﻪ. ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ ﺭﻭﺱ - ﻟﯩﺘﯧﻨﺎﻧﺖ ﺧﺎﻧﯩﻢ، ﺗﻪﻳﯟﻩﻥ ﺩﯗﭺ ﻛﯧﻠﯩﯟﺍﺗﻘﺎﻥ ﻣﻪﯞﺟﯜﺕ ﺗﻪﻫﺪﯨﺖ ﺋﺎﺳﺘﯩﺪﺍ "ﺗﻪﻳﯟﻩﻥ ﺋﯚﺯﯨﻨﻰ ﻗﻮﻏﺪﺍﻳﺪﯨﻐﺎﻥ ﻳﯧﺘﻪﺭﻟﯩﻚ ﺋﯩﻘﺘﯩﺪﺍﺭﻏﺎ ﺋﯩﮕﻪ ﺑﻮﻟﯘﺷﻰ ﻛﯧﺮﻩﻙ. ﺑﯘﺵ ﻫﯚﻛﯜﻣﯩﺘﻰ ﺗﻪﻳﯟﻩﻥ ﻣﯘﻧﺎﺳﯩﯟﻩﺕ ﻗﺎﻧﯘﻧﯩﻨﯩﯔ ﺭﻭﻫﯩﻐﺎ ﺋﺎﺳﺎﺳﻪﻥ ﺗﻪﻳﯟﻩﻧﮕﻪ ﻗﻮﺭﺍﻝ - ﻳﺎﺭﺍﻕ ﺳﯧﺘﯩﭗ ﺑﯧﺮﯨﺶ ﺳﯩﻴﺎﺳﯩﺘﯩﻨﻰ ﺩﺍﯞﺍﻣﻼﺷﺘﯘﺭﯗﺷﻰ ﻻﺯﯨﻢ " ﺩﻩﭖ ﻛﯚﺭﺳﻪﺗﺘﻰ.

" ﺑﯘﺵ ﻫﯚﻛﯜﻣﯩﺘﻰ ﺗﻪﻳﯟﻩﻧﻨﯩﯔ ﺑﯘ ﻣﯘﯞﺍﭘﯩﻖ ﺗﻪﻟﯩﭙﯩﮕﻪ ﺋﯩﺠﺎﺑﯩﻲ ﺟﺎﯞﺍﺏ ﺑﯧﺮﯨﺸﻰ ﻛﯧﺮﻩﻙ "

ﺋﺎﯞﺍﻡ ﭘﺎﻻﺗﺎ ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﺗﺎﻡ ﻻﻧﺘﻮﺱ، ﻣﻪﺯﻛﯘﺭ ﻗﺎﺭﺍﺭ ﻻﻳﯩﻬﯩﺴﯩﻨﻰ ﻗﻮﻟﻠﯩﻐﺎﻥ ﺋﺎﯞﺍﻡ ﭘﺎﻻﺗﺎ ﺋﻪﺯﺍﻟﯩﺮﯨﻨﯩﯔ ﺑﯩﺮﯨﺪﯗﺭ. ﺋﯘ، ﻣﻪﺯﻛﯘﺭ ﻗﺎﺭﺍﺭ ﻻﻳﯩﻬﯩﺴﻰ ﺗﺎﺷﻘﻰ ﺋﯩﺸﻼﺭ ﻛﻮﻣﯩﺘﯧﺘﯩﺪﺍ ﻣﯘﺯﺍﻛﯩﺮﯨﮕﻪ ﻗﻮﻳﯘﻟﻐﺎﻧﺪﺍ " ﺑﯘ ﻗﺎﺭﺍﺭ ﻻﻳﯩﻬﯩﺴﯩﻨﻰ ﻗﻪﺗﺌﯩﻲ ﻗﻮﻟﻼﻳﺪﯨﻐﺎﻧﻠﯩﻘﯩﻤﻨﻰ ﺑﯩﻠﺪﯛﺭﯨﻤﻪﻥ. ﺑﯩﺰ ﺗﻪﻳﯟﻩﻥ ﻣﯘﻧﺎﺳﯩﯟﻩﺕ ﻗﺎﻧﯘﻧﯩﻐﺎ ﺋﺎﺳﺎﺳﻪﻥ ﺗﻪﻳﯟﻩﻧﻨﯩﯔ ﺋﯚﺯ ‏- ﺋﯚﺯﯨﻨﻰ ﻣﯘﺩﺍﭘﯩﺌﻪ ﻗﯩﻠﯩﺸﯩﻐﺎ ﻗﻪﺗﺌﯩﻲ ﻳﺎﺭﺩﻩﻣﭽﻰ ﺑﻮﻟﯩﻤﯩﺰ . ﺗﻪﻳﯟﻩﻧﻨﯩﯔ ﺧﻪﻟﻖ ﺳﺎﻳﻠﯩﻐﺎﻥ ﺭﻩﻫﺒﻪﺭﻟﯩﺮﻯ F - 16 ﺑﻪﻟﮕﯩﻠﯩﻚ ﺋﯘﺭﯗﺵ ﺋﺎﻳﺮﯗﭘﯩﻼﻧﻠﯩﺮﯨﻨﻰ ﺳﯧﺘﯩﯟﯦﻠﯩﭗ، ﺋﯚﺯﯨﻨﯩﯔ ﻣﯘﺩﺍﭘﯩﺌﻪ ﻛﯜﭼﯩﻨﻰ ﺋﺎﺷﯘﺭﻣﺎﻗﭽﻰ ﺑﻮﻟﯘﯞﺍﺗﯩﺪﯗ. ﺑﯘﺵ ﻫﯚﻛﯜﻣﯩﺘﻰ ﺗﻪﻳﯟﻩﻧﻨﯩﯔ ﺑﯘ ﻣﯘﯞﺍﭘﯩﻖ ﺗﻪﻟﯩﭙﯩﮕﻪ ﺋﯩﺠﺎﺑﯩﻲ ﺟﺎﯞﺍﺏ ﺑﯧﺮﯨﺸﻰ ﻛﯧﺮﻩﻙ " ﺩﻩﭖ ﺗﻪﻛﯩﺘﻠﯩﮕﻪﻥ ﺋﯩﺪﻯ.

ﺗﻪﻳﯟﻩﻥ، 2007 ‏- ﻳﯩﻠﻘﻰ ﻫﻪﺭﺑﯩﻲ ﺧﺎﻡ ﭼﻮﺗﯩﺪﯨﻦ 4 ﻣﯩﻠﻴﺎﺭﺩ 800 ﻣﯩﻠﻴﻮﻥ ﺩﻭﻟﻼﺭﻧﻰ 66 ﺩﺍﻧﻪ F - 16 ﺑﻪﻟﮕﯩﻠﯩﻚ ﺋﯘﺭﯗﺵ ﺋﺎﻳﺮﯗﭘﯩﻼﻧﻰ ﺳﯧﺘﯩﯟﯦﻠﯩﺸﻘﺎ ﺋﺎﺟﺮﺍﺗﻘﺎﻥ ﺑﻮﻟﯘﭖ، 2008 ‏- ﻳﯩﻠﻘﻰ ﻫﻪﺭﺑﯩﻲ ﺧﺎﻡ ﭼﻮﺗﯩﺪﺍ ﺑﯘ ﭘﯘﻟﻨﯩﯔ ﺳﺎﻧﻰ ﻛﯚﭘﻪﻳﺘﯩﻠﮕﻪﻥ. ﺗﻪﻳﯟﻩﻧﻨﯩﯔ ﯞﺍﺷﯩﻨﮕﺘﻮﻧﺪﯨﻜﻰ ﯞﻩﻛﯩﻠﻰ ﯞﯗ ﺟﺎﯞﺷﻴﯥ، ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﺗﻪﻳﯟﻩﻥ ﻫﻪﻗﻘﯩﺪﯨﻜﻰ ﻗﺎﺭﺍﺭﯨﻐﺎ ﺭﻩﻫﻤﻪﺕ ﺋﯧﻴﺘﯩﭗ، ﺑﯘﺵ ﻫﯚﻛﯜﻣﯩﺘﯩﻨﯩﯔ ﺗﻪﻳﯟﻩﻧﮕﻪ ﺋﯘﺭﯗﺵ ﺋﺎﻳﺮﻭﭘﯩﻼﻧﻰ ﺳﯧﺘﯩﭗ ﺑﯧﺮﯨﺸﻨﻰ ﺗﯧﺰﺭﻩﻙ ﺗﻪﺳﺘﯩﻘﻠﯩﺸﯩﻨﻰ ﺋﯜﻣﯩﺪ ﻗﯩﻠﺪﻯ. ﯞﯗ ﺟﺎﯞﺷﻴﯧﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺗﻪﻳﯟﻩﻥ ﻫﻪﺭﺑﯩﻲ ﻗﻮﺭﺍﻟﻼﺭﻧﻰ ﺳﯧﺘﯩﯟﯦﻠﯩﺸﻘﺎ ﺋﺎﺟﺮﺍﺗﻘﺎﻥ ﺧﺎﻡ ﭼﻮﺗﻨﯩﯔ ﻗﻪﺭﻩﻟﻰ 10 ‏- ﺋﺎﻳﺪﺍ ﺗﻮﺷﯩﺪﯗ. ﺋﻪﮔﻪﺭ ﺋﺎﻣﯧﺮﯨﻜﺎ ﺑﯘ ﺳﻮﺩﯨﻨﻰ ﺗﯧﺰﺭﻩﻙ ﺗﻪﺳﺘﯩﻘﻠﯩﻤﯩﺴﺎ، ﺧﺎﻡ ﭼﻮﺗﻨﻰ ﺩﯙﻟﻪﺕ ﻏﻪﺯﯨﻨﯩﺴﯩﮕﻪ ﻗﺎﻳﺘﯘﺭﯗﯞﯦﺘﯩﺸﻜﻪ ﺗﻮﻏﺮﺍ ﻛﯧﻠﯩﺪﯨﻜﻪﻥ . ﻟﯧﻜﯩﻦ ﺑﯘﺵ ﻫﯚﻛﯜﻣﯩﺘﻰ ﻫﺎﺯﯨﺮﻏﺎ ﻗﻪﺩﻩﺭ ﺗﻪﻳﯟﻩﻧﮕﻪ ﺋﯘﺭﯗﺵ ﺋﺎﻳﺮﯗﭘﯩﻼﻧﻰ ﺳﯧﺘﯩﭗ ﺑﯧﺮﯨﺶ ﻳﺎﻛﻰ ﺑﻪﺭﻣﻪﺳﻠﯩﻚ ﻣﻪﺳﯩﻠﯩﺴﯩﺪﻩ ﺋﯩﭙﺎﺩﻩ ﺑﯩﻠﺪﯛﺭﻣﯩﺪﻯ.

ﻛﯚﺯﻩﺗﻜﯜﭼﯩﻠﻪﺭﻧﯩﯔ ﭘﻪﺭﻩﺯ ﻗﯩﻠﯩﺸﯩﭽﻪ، ﺋﺎﻗﺴﺎﺭﺍﻳﻨﯩﯔ ﻫﺎﺯﯨﺮﻏﺎ ﻗﻪﺩﻩﺭ ﺋﯩﭙﺎﺩﻩ ﺑﯩﻠﺪﯛﺭﻣﯩﮕﻪﻧﻠﯩﻜﻰ ﺗﻪﻳﯟﻩﻧﻨﯩﯔ ﺏ ﺩ ﺕ ﻏﺎ ﺋﻪﺯﺍ ﺑﻮﻟﯘﺷﻨﻰ ﺋﻮﻣﯘﻣﺨﻪﻟﯩﻖ ﺋﺎﯞﺍﺯﯨﻐﺎ ﻗﻮﻳﻤﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﺷﻰ ﻣﯘﻣﻜﯩﻦ. ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ ﺋﻪﻧﻰ ﻓﻪﻟﻴﻮﻣﺎﯞﯦﮕﺎ، "ﻣﯧﻨﯩﯔ ﭘﻪﺭﻩﺯ ﻗﯩﻠﯩﺸﯩﻤﭽﻪ ، ﺑﯘﺵ ﻫﯚﻛﯜﻣﯩﺘﯩﻨﯩﯔ ﺑﯘ ﺳﻮﺩﯨﻐﺎ ﻣﯘﻧﺎﺳﯩﯟﻩﺗﻠﯩﻚ ﺭﻩﺳﻤﯩﻴﻪﺗﻠﻪﺭﻧﻰ ﻫﺎﺯﯨﺮﻏﯩﭽﻪ ﺑﯧﺠﯩﺮﻣﯩﮕﻪﻧﻠﯩﻜﻰ ﺗﻪﻳﯟﻩﻧﻨﯩﯔ ﺑﯘ ﻧﺎﻡ ﺑﯩﻠﻪﻥ ﺏ ﺩ ﺕ ﻏﺎ ﺋﻪﺯﺍ ﺑﻮﻟﯘﺷﻨﻰ ﺋﯩﻠﺘﯩﻤﺎﺱ ﻗﯩﻠﻐﺎﻧﻠﯩﻘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻜﺘﯘﺭ " ﺩﻩﻳﺪﯗ.

ﺋﺎﻣﯧﺮﯨﻜﺎ ﺗﻪﻳﯟﻩﻥ ﺑﻮﻏﯘﺯﯨﺪﺍ ﺟﯩﺪﺩﯨﻠﯩﻚ ﻳﯜﺯ ﺑﯧﺮﯨﺸﯩﻨﻰ ﺧﺎﻟﯩﻤﺎﻳﺪﯗ

ﺗﻪﻳﯟﻩﻥ ﻣﻪﺳﯩﻠﯩﺴﻰ ﺧﯩﺘﺎﻱ - ﺋﺎﻣﯧﺮﯨﻜﺎ ﺋﻮﺗﺘﯘﺭﯨﺴﯩﺪﯨﻜﻰ ﺋﻪﯓ ﻧﺎﺯﯗﻙ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﻯ ﺑﻮﻟﯘﭖ، ﭘﺮﯦﺰﯨﺪﯦﻨﺖ ﺑﯘﺵ ﺋﯚﺗﻜﻪﻥ ﺋﺎﻱ ﺋﺎﯞﺳﺘﺮﺍﻟﯩﻴﯩﺪﻩ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺗﻪﻳﯟﻩﻧﻨﯩﯔ ﻫﺎﺯﯨﺮﻗﻰ ﻫﺎﻟﯩﺘﯩﻨﻰ ﺑﯩﺮ ﺗﻪﺭﻩﭘﻠﯩﻤﯩﻠﯩﻚ ﻫﺎﻟﺪﺍ ﺋﯚﺯﮔﻪﺭﺗﯩﺸﻜﻪ ﻗﺎﺭﺷﻰ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺋﯩﺪﻯ.

ﺋﺎﻧﺎﻟﯩﺰﭼﯩﻼﺭ، ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺳﯚﺯﻯ ﺷﯩﻤﺎﻟﯩﻲ ﻛﻮﺭﯨﻴﻪ ﻳﺎﺩﺭﻭ ﺳﯚﻫﺒﯩﺘﻰ ﻫﻪﻝ ﻗﯩﻠﻐﯘﭺ ﺩﻩﯞﺭﺩﻩ ﺗﯘﺭﯗﯞﺍﺗﻘﺎﻥ، ﺋﺎﻣﯧﺮﯨﻜﺎ ﺑﯘ ﻣﻪﺳﯩﻠﯩﺴﯩﺪﻩ ﻳﻪﻧﯩﻼ ﺧﯩﺘﺎﻳﻨﯩﯔ ﻳﺎﺭﺩﯨﻤﯩﮕﻪ ﺋﯧﻬﺘﯩﻴﺎﺝ ﺑﻮﻟﯘﯞﺍﺗﻘﺎﻥ ﺑﯩﺮ ﻣﻪﺯﮔﯩﻠﺪﻩ، ﺗﻪﻳﯟﻩﻥ ﺑﻮﻏﯘﺯﯨﺪﺍ ﺟﯩﺪﺩﯨﻴﻠﯩﻚ ﻳﯜﺯ ﺑﯧﺮﯨﺸﻨﻰ ﺧﺎﻟﯩﻤﺎﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ، ﺩﻩﭖ ﺋﺎﻧﺎﻟﯩﺰ ﻗﯩﻠﯩﺸﻘﺎﻥ.

" ﺗﻪﻳﯟﻩﻧﮕﻪ ﻛﯧﻠﯩﯟﺍﺗﻘﺎﻥ ﺗﻪﻫﺪﯨﺖ ﻛﯜﭼﯩﻴﯩﯟﺍﺗﯩﺪﯗ "

ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﺗﻪﻳﯟﻩﻥ ﻫﻪﻗﻘﯩﺪﯨﻜﻰ ﻗﺎﺭﺍﺭ ﻻﻳﯩﻬﯩﺴﻰ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻳﺎﯓ ﺟﻴﯧﭽﻰ ﺏ ﺩ ﺕ ﺋﻮﻣﯘﻣﻰ ﻳﯩﻐﯩﻨﯩﺪﺍ ﺳﯚﺯ ﻗﯩﻠﯩﭗ، ﺗﻪﻳﯟﻩﻧﻨﯩﯔ ﺏ ﺩ ﺕ ﻏﺎ ﺋﻪﺯﺍ ﺑﻮﻟﯘﺵ ﺭﯦﻔﯩﺮﺍﻧﺪﯗﻣﻰ ﺭﺍﻳﻮﻥ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ، ﺩﻩﭖ ﺋﺎﮔﺎﻫﻼﻧﺪﯗﺭﻏﺎﻥ ﻣﻪﺯﮔﯩﻠﺪﻩ ﻣﺎﻗﯘﻟﻼﻧﺪﻯ. ﺏ ﺩ ﺕ ﺋﻮﻣﯘﻣﯩﻐﯩﻨﯩﺪﯨﻜﻰ ﺳﯚﺯﯨﺪﻩ ﺗﻪﻳﯟﻩﻧﻨﯩﯔ ﻫﻪﺭﯨﻜﯩﺘﯩﻨﻰ "ﺧﻪﺗﻪﺭﻟﯩﻚ ﻗﻪﺩﻩﻡ " ﺩﻩﭖ ﺗﻪﻛﯩﺘﻠﯩﮕﻪﻥ ﻳﺎﯓ، "ﺋﻪﮔﻪﺭ ﺩﯨﻘﻘﻪﺕ ﻗﯩﻠﯩﻨﻤﯩﺴﺎ، ﺑﯘ ﺗﻪﻳﯟﻩﻥ ﺑﻮﻏﯘﺯﻯ ﯞﻩ ﺋﺎﺳﯩﻴﺎ - ﺗﯩﻨﭻ ﺋﻮﻛﻴﺎﻥ ﺭﺍﻳﻮﻧﯩﻨﯩﯔ ﺗﯩﻨﭽﻠﯩﻘﻰ ﻫﻪﻡ ﻣﯘﻗﯩﻤﻠﯩﻘﯩﻐﺎ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﺪﯗ" ﺩﯦﮕﻪﻥ ﺋﯩﺪﻯ.

ﻟﯧﻜﯩﻦ ﺧﯩﺘﺎﻱ ﺗﻪﺭﻩﭘﻨﯩﯔ ﺑﯘ ﻣﻪﺳﯩﻠﯩﺪﯨﻜﻰ ﻗﺎﺭﯨﺸﻰ ﺑﯩﻠﻪﻥ ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﯩﺪﯨﻜﻰ ﺋﻪﺯﺍﻻﺭﻧﯩﯔ ﺗﻮﻧﯘﺷﯩﺪﺍ ﺯﻭﺭ ﭘﻪﺭﻗﻠﻪﺭ ﻣﻪﯞﺟﯜﺕ. ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﺗﻪﻳﯟﻩﻥ ﻫﻪﻗﻘﯩﺪﯨﻜﻰ ﻗﺎﺭﺍﺭ ﻻﻳﯩﻬﯩﺴﯩﺪﻩ، ﺧﯩﺘﺎﻱ ﻫﻪﺭﺑﯩﻲ ﻛﯜﭼﯩﻨﯩﯔ ﺯﻭﺭ ﻛﯚﻟﻪﻣﻠﯩﻚ ﺗﻪﺭﻩﻗﻘﯩﻴﺎﺗﻰ " ﺗﻪﻳﯟﻩﻧﮕﻪ ﻛﯧﻠﯩﯟﺍﺗﻘﺎﻥ ﺗﻪﻫﺪﯨﺘﻨﯩﯔ ﻛﯜﭼﯩﻴﯩﯟﺍﺗﻘﺎﻧﻠﯩﻘﯩﻨﻰ ﯞﻩ ﺋﺎﻣﯧﺮﯨﻜﯩﻨﯩﯔ ﺋﺎﺳﯩﻴﺎﺩﯨﻜﻰ ﻣﻪﯞﺟﯘﺗﻠﯘﻗﯩﻐﺎ ﺧﯩﺮﯨﺲ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﻤﻪﻛﺘﻪ "ﺩﯦﻴﯩﻠﮕﻪﻥ. (ﺋﻪﺭﻛﯩﻦ)