" ﻣﯘﺳﺘﻪﻗﯩﻠﻠﯩﻖ ﺗﻪﯕﺮﻯ ﺋﺎﺗﺎ ﻗﯩﻠﻐﺎﻥ ﻫﻪﻗﺘﯘﺭ"

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﻪﻳﯟﻩﻧﺪﯨﻜﻰ ﺩﯦﻤﻮﻛﺮﺍﺗﯩﻴﻪ ﯞﻩ ﺋﯩﻠﻐﺎﺭﻟﯩﻖ ﭘﺎﺭﺗﯩﻴﯩﺴﯩﻨﯩﯔ ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻘﯩﻨﻰ ﺧﻪﻟﻖ ﺋﺎﯞﺍﺯﯨﻐﺎ ﺳﯧﻠﯩﺶ ﻻﻳﯩﻬﯩﺴﻰ ﺋﻮﺗﺘﯘﺭﯨﻐﺎ ﭼﯩﻘﯩﺶ ﺑﯩﻠﻪﻥ ﺗﻪﯓ ﺗﻪﻳﯟﻩﻥ - ﺧﯩﺘﺎﻱ ﻣﯘﻧﺎﺳﯩﯟﯨﺘﯩﺪﯨﻜﻰ ﺳﯜﺭﻛﯩﻠﯩﺶ ﻳﻪﻧﻪ ﺑﯩﺮ ﺑﺎﻟﺪﺍﻕ ﻛﯜﭼﻪﻳﺪﻯ. ﺑﯘ ﯞﻩﺯﯨﻴﻪﺕ ﻳﺎﻟﻐﯘﺯ ﺋﯩﻜﻜﻰ ﺗﻪﺭﻩﭘﻨﯩﯔ ﺳﯩﻴﺎﺳﯩﻲ ﻗﺎﻧﺎﺗﻠﯩﺮﻯ ﺋﺎﺭﯨﺴﯩﺪﯨﻜﻰ ﺑﺎﻳﺎﻧﺎﺗﻼﺭﺩﯨﻼ ﺋﻪﻣﻪﺱ ، ﺋﯩﺪﯦﺌﻮﻟﻮﮔﯩﻴﻪ ﺳﯧﭙﯩﻨﯩﯔ ﻛﯜﭼﻠﯜﻙ ﻗﻪﻟﻪﻣﻠﯩﺮﻯ ﺋﺎﺭﯨﺴﯩﺪﯨﻤﯘ ﺩﺍﯞﺍﻡ ﻗﯩﻠﻤﺎﻗﺘﺎ.

77% ﺗﻪﻳﯟﻩﻧﻠﯩﻚ ﻣﯘﺳﺘﻪﻗﯩﻠﻠﯩﻘﻨﻰ ﺧﺎﻻﻳﺪﯗ

ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻖ ﺋﯩﺪﯨﻴﯩﺴﯩﻨﯩﯔ ﭘﯩﻜﯩﺮ ﺋﯘﺳﺘﺎﺯﻟﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻛﯘ ﯞﺍﯕﻤﯩﯔ ﺋﺎﻟﺪﯨﻨﻘﻰ ﻫﻪﭘﺘﻪ ﯞﺍﺷﯩﻨﮕﯩﺘﻮﻥ ﭘﻮﭼﺘﯩﺴﻰ ﮔﯧﺰﯨﺘﯩﺪﻩ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﻣﯘﺳﺘﻪﻗﯩﻠﻠﯩﻘﻨﯩﯔ ﺗﻪﻳﯟﻩﻧﻠﯩﻜﻠﻪﺭﮔﻪ ﺗﻪﯕﺮﻯ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ ﻫﻪﻕ ﺋﯩﻜﻪﻧﻠﯩﻜﯩﻨﻰ ،ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻘﯩﻐﻪ ﻗﺎﺭﺷﻰ ﺗﯘﺭﻏﯘﭼﯩﻼﺭﻧﯩﯔ، ﺋﺎﻗﯩﯟﻩﺗﺘﻪ ﭘﯘﺷﺎﻳﻤﺎﻥ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ؛ ﻫﻪﻡ ﺑﯘ ﺳﻪﯞﻩﺑﻠﯩﻚ، ﺩﯗﻧﻴﺎ ﺟﺎﻣﺎﺋﯩﺘﯩﻨﻰ، ﺟﯜﻣﻠﯩﺪﯨﻦ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﻰ ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻘﯩﻨﻰ ﻗﻮﻟﻼﺷﺘﺎ ﺗﻪﯞﺭﻩﻧﻤﻪﺳﻠﯩﻜﻜﻪ ﭼﺎﻗﯩﺮﺩﻯ.

ﻛﯘ ﯞﺍﯕﻤﯩﯔ، ﺗﻪﻳﯟﻩﻥ ﭘﺮﯦﺰﯨﺪﯦﻨﺘﻰ ﭼﯧﻦ ﺷﯜﻳﺒﻴﻪﻧﻨﯩﯔ ﺳﺎﺑﯩﻖ ﺑﺎﺵ ﻣﻪﺳﻠﯩﻬﻪﺗﭽﯩﺴﻰ، ﺗﻪﻳﯟﻩﻧﺪﯨﻜﻰ ﺑﯩﺮ ﭼﻮﯓ ﺑﯧﻠﯩﻘﭽﯩﻠﯩﻖ ﺷﯩﺮﻛﯩﺘﯩﻨﯩﯔ ﺳﺎﻫﯩﺒﻰ ﺑﻮﻟﯘﭖ، ﺗﻪﻳﯟﻩﻥ ﺧﻪﻟﻘﻰ ﺋﺎﺭﯨﺴﯩﺪﺍ ﻳﯜﻛﺴﻪﻙ ﺋﺎﺑﺮﯗﻳﻐﺎ ﺋﯩﮕﻪ ﺑﯩﺮ ﺯﺍﺕ . ﺋﯘ ﻣﺎﻗﺎﻟﯩﺴﯩﺪﻩ ، ﻳﯧﻘﯩﻨﺪﺍ ﺗﻪﺭﻩﭘﺴﯩﺰ ﺋﯩﻠﻤﯩﻲ ﺟﻪﻣﺌﯩﻴﻪﺗﻠﻪﺭ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﺭﺍﻱ ﺳﯩﻨﺎﺵ ﻧﻪﺗﯩﺠﯩﻠﯩﺮﯨﻨﻰ ﻛﯚﺭﺳﯩﺘﯩﭗ ﺗﯘﺭﯗﭖ، ﻧﯚﯞﻩﺗﺘﻪ 23 ﻣﯩﻠﻴﻮﻥ ﺗﻪﻳﯟﻩﻥ ﺧﻪﻟﻘﯩﻨﯩﯔ %70 ﯨﻨﯩﯔ ﺋﯚﺯﯨﻨﻰ" ﺧﯩﺘﺎﻱ" ﺩﻩﭖ ﺋﻪﻣﻪﺱ، "ﺗﻪﻳﯟﻩﻧﻠﯩﻚ"ﺩﻩﭖ ﺑﯩﻠﯩﺪﯨﻐﺎﻧﻠﯩﻘﯩﻨﻰ؛ %75 ﺗﻪﻳﯟﻩﻧﻠﯩﻜﻨﯩﯔ ﺑﻮﻟﺴﺎ ﺗﻪﻳﯟﻩﻧﻨﻰ " ﺧﯩﺘﺎﻳﻨﯩﯔ ﺑﯩﺮ ﭘﺎﺭﭼﯩﺴﻰ " ﺩﻩﭖ ﺋﻪﻣﻪﺱ " ﻣﯘﺳﺘﻪﻗﯩﻞ ﺑﯩﺮ ﺩﯙﻟﻪﺕ " ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ، %77 ﺗﻪﻳﯟﻩﻧﻠﯩﻜﻨﯩﯔ ﺗﻪﻳﯟﻩﻧﻨﯩﯔ ﺏ ﺩ ﺕ ﻏﺎ ﺋﻪﺯﺍ ﺑﻮﻟﯘﺷﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ."

" ﻳﻪﺭ ﺷﺎﺭﯨﺪﯨﻜﻰ ﺑﺎﺭﻟﯩﻖ ﺋﯩﻨﺴﺎﻧﻼﺭ ﺑﺎﺭﺍﯞﻩﺭﺩﯗﺭ، ﺋﻪﺭﻛﯩﻨﻠﯩﻚ ﺋﯩﻨﺴﺎﻧﻼﺭﻏﺎ ﺗﻪﯕﺮﻯ ﺗﻪﺭﯨﭙﯩﺪﯨﻦ ﺋﺎﺗﺎ ﻗﯩﻠﯩﻨﻐﺎﻥ ﭼﯧﻘﯩﻠﯩﻠﻤﺎﺱ ﻫﻪﻗﺘﯘﺭ" ﺩﯦﮕﻪﻥ ﺟﯜﻣﻠﯩﻠﻪﺭﻧﻰ ﺋﺎﻣﯧﺮﯨﻜﺎ ﻣﯘﺳﺘﻪﻗﯩﻠﻠﯩﻖ ﺧﯩﺘﺎﭘﻨﺎﻣﯩﺴﯩﺪﯨﻦ ﻧﻪﻗﯩﻞ ﻛﻪﻟﺘﯜﺭﮔﻪﻥ ﻛﯘ ﯞﺍﯕﻤﯩﯔ ﺋﯩﻨﺴﺎﻥ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺋﺎﻣﯧﺮﯨﻜﯩﻠﯩﻘﻼﺭ ﺳﺎﻫﯩﭗ ﺑﻮﻟﻐﺎﻥ ﻫﻪﻗﻠﻪﺭﮔﻪ ﺗﻪﻳﯟﻩﻧﻠﯩﻜﻠﻪﺭﻧﯩﯖﻤﯘ ﻛﻪﻡ-ﻛﯜﺗﯩﺴﯩﺰ ﺳﺎﻫﯩﭗ ﺑﻮﻟﯘﺷﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﺪﻯ. ﻣﯘﺳﺘﻪﻗﯩﻠﻠﯩﻖ ﺋﯜﭼﯜﻥ ﻛﯜﺭﻩﺵ ﻗﯩﻠﯩﺸﻨﻰ "ﺋﺎﻣﯧﺮﯨﻜﺎ ﺭﻭﻫﯩﻲ" ﺩﻩﭖ ﺗﻪﺭﯨﭙﻠﯩﮕﻪﻥ ﺋﺎﭘﺘﻮﺭ، ﺗﻪﻳﯟﻩﻧﻨﯩﯔ ﺏ ﺩ ﺕ ﻏﺎ ﺋﻪﺯﺍﻟﯩﻖ ﺋﺎﺭﺯﯗﻳﯩﻨﻰ ﺧﻪﻟﻖ ﺋﺎﯞﺍﺯﯨﻐﺎ ﺳﯧﻠﯩﺶ ﻣﻪﺳﯩﻠﯩﺴﯩﺪﻩ، ﺋﺎﻣﯧﺮﯨﻜﯩﻨﯩﯔ ﻗﺎﺭﺷﻰ ﻣﻪﻳﺪﺍﻧﺪﺍ ﺗﯘﺭﯗﺷﯩﻨﻰ ﺋﺎﻣﯧﺮﯨﻜﺎ ﺋﻪﻧﺌﻪﻧﯩﺴﻰ ﯞﻩ ﺭﻭﻫﯩﻴﯩﺘﯩﮕﻪ ﺧﯩﻼﭖ ﺩﻩﭖ ﺋﯩﺰﺍﻫﻠﯩﺪﻯ. ﺏ ﺩ ﺕ ﻧﯩﯔ، ﺗﻪﻳﯟﻩﻧﻨﯩﯔ ﺋﻪﺯﺍﻟﯩﻖ ﺗﻪﻟﯩﭙﯩﻨﻰ ﻣﯘﺯﺍﻛﯩﺮﻩ ﺗﯧﻤﯩﺴﯩﺪﯨﻦ ﭼﯩﻘﯩﺮﯨﯟﯨﺘﯩﺸﯩﻨﻰ ﺑﻮﻟﺴﺎ ﺏ ﺩ ﺕ ﻧﯩﯔ ﺋﯩﻨﺎﯞﯨﺘﯩﻨﻰ ﻳﻪﺭﮔﻪ ﺋﯘﺭﻏﺎﻧﻠﯩﻖ ﺩﻩﭖ ﺋﻪﻳﯩﺒﻠﯩﺪﻯ.

"ﺧﯩﺘﺎﻱ ﺋﯧﺘﯩﺮﺍﭖ ﻗﯩﻠﺴﯘﻥ-ﻗﯩﻠﻤﯩﺴﯘﻥ ﺗﻪﻳﯟﻩﻥ ﻣﯘﺳﺘﻪﻗﯩﻞ ﺑﯩﺮ ﺩﯙﻟﻪﺕ"

ﺋﺎﭘﺘﻮﺭ، ﻣﺎﻗﺎﻟﯩﺴﯩﺪﻩ ﻳﻪﻧﻪ، ﺗﻪﻳﯟﻩﻧﻠﯩﻜﻠﻪﺭﻧﯩﯔ 1950 ‏- ﯞﻩ 1980 ‏-ﻳﯩﻠﻼﺭ ﺋﺎﺭﯨﺴﯩﺪﺍ ﺋﯧﻐﯩﺮ ﺑﻪﺩﻩﻟﻠﻪﺭﻧﻰ ﺗﯚﻟﻪﺵ ﺋﺎﺭﻗﯩﻠﯩﻖ ﺩﯦﻤﻮﻛﺮﺍﺗﯩﻴﯩﻨﻰ ﻗﻮﻟﻐﺎ ﻛﻪﻟﺘﯜﺭﮔﻪﻧﻠﯩﻜﯩﻨﻰ ، ﺷﯘﻧﭽﻪ ﻛﯚﭖ ﺑﻪﺩﻩﻝ ﺗﯚﻟﻪﺷﺘﯩﻜﻰ ﻣﻪﻗﺴﯩﺘﯩﻨﯩﯔ ﻳﺎﻟﻐﯘﺯ ﺩﯦﻤﻮﻛﺮﺍﺗﯩﻚ ﻫﻪﻗﻠﻪﺭ ﺋﯜﭼﯜﻥ ﺋﻪﻣﻪﺱ، ﺗﻪﻳﯟﻩﻧﻨﯩﯔ ﺋﯜﺯﯛﻝ-ﻛﯧﺴﯩﻞ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﭗ ﺋﯚﺗﺘﻰ.

1989 ‏- ﻳﯩﻠﻰ ﺋﯩﺮﺍﻕ ﻛﯘﯞﻩﻳﺘﻨﻰ ﺋﯩﺸﻐﺎﻝ ﻗﯩﻠﻐﺎﻧﺪﺍ، 1999 ‏-ﻳﯩﻠﻰ ﺳﯧﺮﺑﯩﻴﻪ ﻛﻮﺳﻮﯞﺍﻟﯩﻘﻼﺭ ﺋﯜﺳﺘﯩﺪﯨﻦ ﻗﯩﺮﻏﯩﻨﭽﯩﻠﯩﻖ ﺋﯧﻠﯩﭗ ﺑﺎﺭﻏﺎﻧﺪﺍ،ﺋﺎﻣﯧﺮﯨﻜﯩﻨﯩﯔ ﻫﻪﻗﺴﯩﺰ ﺗﻪﺭﻩﭘﻨﯩﯔ ﻳﯧﻨﯩﺪﯨﻦ ﺋﻪﻣﻪﺱ، ﻫﻪﻗﻠﯩﻖ ﺗﻪﺭﻩﭘﻨﯩﯔ ﻳﯧﻨﯩﺪﯨﻦ ﺋﻮﺭﯗﻥ ﺋﺎﻟﻐﺎﻧﻠﯩﻘﯩﻨﻰ ﺋﻪﺳﻠﻪﭖ ﺋﯚﺗﻜﻪﻥ ﺋﺎﭘﺘﻮﺭ ﺋﺎﻣﯧﺮﯨﻜﺎ ﺧﻪﻟﻘﯩﻐﻪ ﻫﯧﻠﯩﻬﻪﻡ ﺋﯩﺸﯩﻨﯩﺪﯨﻐﺎﻧﻠﯩﻘﯩﻨﻰ ﯞﻩ ﺋﯜﻣﯩﺪ ﻛﯜﺗﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺭﯛﭖ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺋﺎﺧﯩﺮﻻﺷﺘﯘﺭﯨﺪﯗ: "ﺧﯩﺘﺎﻱ ﺋﯧﺘﯩﺮﺍﭖ ﻗﯩﻠﺴﯘﻥ -ﻗﯩﻠﻤﯩﺴﯘﻥ ﺗﻪﻳﯟﻩﻥ ﺑﯜﮔﯜﻥ ﻣﯘﺳﺘﻪﻗﯩﻞ ﺑﯩﺮ ﺩﯙﻟﻪﺕ، ﺑﯩﺰﻧﯩﯔ ﺗﯩﺮﯨﺸﯩﯟﺍﺗﻘﯩﻨﯩﻤﯩﺰ ، ﺧﻪﻟﻘﺌﺎﺭﺍﻏﺎ ﺋﯧﺘﯩﺮﺍﭖ ﻗﯩﻠﺪﯗﺭﯗﺵ. ﺑﯩﺰ ﻳﻮﻟﯩﻤﯩﺰﻧﯩﯔ ﺋﻪﮔﺮﻯ-ﺗﻮﻗﺎﻳﻠﯩﻘﯩﻨﻰ ﺑﯩﻠﯩﻤﯩﺰ: ﺑﯜﮔﯜﻥ ﻳﯜﺯ ﺑﯧﺮﯨﯟﺍﺗﻘﯩﻨﯩﺪﻩﻙ، ﻛﻪﻟﮕﯜﺳﯩﺪﯨﻤﯘ ﺧﯩﺘﺎﻱ ﺋﯚﺯﯨﻨﯩﯔ ﺋﻪﺳﻜﯩﺮﯨﻲ ﯞﻩ ﺩﯨﭙﻠﻮﻣﺎﺗﯩﻚ ﻛﯜﭼﯩﮕﻪ ﺗﺎﻳﯩﻨﯩﭗ ﺗﯘﺭﯗﭖ، ﺋﺎﻟﺪﯨﻤﯩﺰﻏﺎ ﺗﻮﺳﺎﻗﻼﺭ ﻗﯘﺭﯨﺪﯨﻐﺎﻧﻠﯩﻘﻰ ﺋﯧﻨﯩﻖ. ﺧﯩﺘﺎﻱ ، ﺑﯘ ﺗﻮﺳﺎﻗﻠﯩﺮﻯ ﺑﯩﻠﻪﻥ ﺧﻪﻟﻘﺌﺎﺭﺍﺩﺍ ﺋﯧﺘﯩﺮﺍﭖ ﻗﯩﻠﯩﻨﯩﺸﯩﻤﯩﺰﻧﻰ ﻗﯩﻴﯩﻨﻼﺷﺘﯘﺭﺍﻟﯩﺸﻰ ﻣﯘﻣﻜﯩﻦ، ﺑﯩﺮﺍﻕ ﺑﯩﺰﻧﻰ ﻣﻪﻏﻠﯘﺑﯩﻴﻪﺗﻜﻪ ﺋﯘﭼﺮﯨﺘﺎﻟﻤﺎﻳﺪﯗ. ﭼﯜﻧﻜﻰ ﺑﯩﺰ ﻣﯧﯖﯩﯟﺍﺗﻘﺎﻥ ﻳﻮﻝ ﺗﻪﯕﺮﻯ ﻛﯚﺭﺳﻪﺗﻜﻪﻥ ﻳﻮﻝ، ﺧﻪﻟﻘﺌﺎﺭﺍﺩﺍ ، ﻗﺎﻧﯘﻧﺪﺍ ﺋﯩﻨﺴﺎﻧﯩﻲ ﻫﻪﻕ ﺩﻩﭖ ﺋﯧﺘﯩﺮﺍﭖ ﻗﯩﻠﯩﻨﻐﺎﻥ ﻳﻮﻟﺪﯗﺭ."

ﺋﺎﭘﺘﻮﺭ ﻳﻪﻧﻪ، ﺋﺎﻣﯧﺮﯨﻜﺎ، 'ﺋﻪﺭﻛﯩﻨﻠﯩﻜﻨﻰ ﺋﯩﻨﺴﺎﻧﻼﺭﻏﺎ ﺗﻪﯕﺮﻯ ﺋﺎﺗﺎ ﻗﯩﻠﻐﺎﻥ ﺑﯩﺮ ﻫﻪﻕ، ﭼﯧﻘﯩﻠﯩﺸﻘﺎ ﺑﻮﻟﻤﺎﻳﺪﯗ' ﺩﻩﭖ ﻗﺎﺭﺍﻳﺪﯗ؛ ﺧﯩﺘﺎﻱ ﺑﻮﻟﺴﺎ، ﺋﻪﺭﻛﯩﻨﻠﯩﻜﻨﻰ ﻛﯩﺸﯩﻠﻪﺭﮔﻪ ﻫﺎﻛﯩﻤﯩﻴﻪﺕ ﺗﻪﺭﯨﭙﯩﺪﯨﻦ ﺑﯧﺮﯨﻠﯩﺪﯨﻐﺎﻥ ﻫﻪﻕ ، ﺋﯜﺳﺘﯩﺪﻩ ﺗﺎﻻﺵ-ﺗﺎﺭﺗﯩﺶ ﻗﯩﻠﯩﺸﻘﺎ ﺑﻮﻟﯩﺪﯗ ﺩﻩﭖ ﻗﺎﺭﺍﻳﺪﯗ. ﻛﯘ ﯞﺍﯕﻤﯩﯔ ﺑﯘ ﻣﺎﻗﺎﻟﯩﺴﯩﺪﺍ، ﺋﺎﻣﯧﺮﯨﻜﯩﻨﯩﯔ ﺋﻪﺭﻛﯩﻨﻠﯩﻚ ﻗﺎﺭﯨﺸﯩﻐﺎ ﺋﺎﺳﺎﺳﻠﯩﻨﯩﭗ ﺗﯘﺭﯗﭖ، ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻠﻠﯩﻖ ﻣﻪﺳﯩﻠﯩﺴﯩﮕﻪ ﺧﯩﺘﺎﻳﻨﯩﯔ ﺋﺎﺭﯨﻠﯩﺸﯩﺶ ﻫﻪﻗﻘﻰ ﻳﻮﻕ ﺋﯩﻜﻪﻧﻠﯩﻜﯩﻨﻰ ﮔﻪﯞﺩﯨﻠﻪﻧﺪﯛﺭﮔﻪﻥ. (ﺷﯚﻫﺮﻩﺕ ﻫﻮﺷﯘﺭ)