ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﺗﯩﺒﻪﺕ ﯞﻩﺯﯨﻴﯩﺘﻰ ﺑﯩﻠﻪﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﯞﻩﺯﯨﻴﯩﺘﯩﻨﻰ ﺳﯧﻠﯩﺸﺘﯘﺭﺩﻯ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﻛﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ. AFP Photo

ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﻛﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﯞﺍﺷﯩﻨﮕﯩﺘﻮﻥ ﭘﻮﭼﺘﯩﺴﻰ ﮔﯧﺰﯨﺘﯩﻨﯩﯔ ﺑﯜﮔﯜﻧﻜﻰ ﻳﻪﻧﻰ 1 ‏ - ﺋﺎﭘﺮﯨﻞ ﺳﺎﻧﯩﺪﺍ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﻧﯚﯞﻩﺗﺘﯩﻜﻰ ﺗﯩﺒﻪﺕ ﯞﻩﺯﯨﻴﯩﺘﻰ ﺑﯩﻠﻪﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﯞﻩﺯﯨﻴﯩﺘﯩﻨﻰ ﺳﯧﻠﯩﺸﺘﯘﺭﺩﻯ. ﺋﯘ ﺳﯧﻠﯩﺸﺘﯘﺭﻣﯩﺴﯩﺪﺍ ﺋﯩﻜﻜﻰ ﻣﯩﻠﻠﻪﺗﻨﯩﯔ ﺩﻩﺭﺩﻯ ﺋﻮﺧﺸﺎﺵ، ﺋﻪﻣﻤﺎ ﺩﯗﻧﻴﺎﺩﺍ ﺋﯧﺘﯩﯟﺍﺭﻯ ﺋﻮﺧﺸﺎﺵ ﺑﻮﻟﻤﺎﻳﯟﺍﺗﯩﺪﯗ ﺩﻩﭖ ﻳﺎﺯﺩﻯ.

"ﺗﯧﻠﯧﯟﯨﺰﻭﺭﺩﯨﻜﻰ ﻧﺎﻣﺎﻳﯩﺶ ﯞﻩ ﻗﺎﻧﻠﯩﻖ ﺗﻮﻗﯘﻧﯘﺵ، ﻫﺎﻳﺎﺗﯩﻤﻨﯩﯔ ﺋﻪﯓ ﻣﯘﻫﯩﻢ ﺑﯩﺮ ﺑﯘﺭﯗﻟﯘﺵ ﻧﯘﻗﺘﯩﺴﯩﻨﻰ ﺋﯧﺴﯩﻤﮕﻪ ﺳﺎﻟﺪﻯ"

ﺭﺍﺑﯩﻴﻪ ﻗﺎﺩﯨﺮ ﻣﺎﻗﺎﻟﯩﺴﯩﻨﯩﯔ ﺑﯧﺸﯩﺪﯨﻼ، ﺧﯩﺘﺎﻱ ﺗﻪﺭﻩﭘﻨﯩﯔ ﺗﯧﻨﭽﻠﯩﻖ ﺷﻪﻛﻠﯩﺪﯨﻜﻰ ﺗﯩﺒﻪﺗﻠﯩﻜﻠﻪﺭ ﻧﺎﻣﺎﻳﯩﺸﯩﻨﻰ ﻗﺎﻧﻠﯩﻖ ﺑﺎﺳﺘﯘﺭﯗﺵ ﺋﺎﺭﻗﯩﻠﯩﻖ ﺗﯩﺒﻪﺕ ﻳﺎﺷﻠﯩﺮﯨﻨﻰ ﺯﻭﺭﺍﯞﺍﻧﻠﯩﻖ ﻳﻮﻟﯩﻨﻰ ﺗﺎﻟﻼﺷﻘﺎ ﻣﻪﺟﺒﯘﺭﻻﭖ ﻗﻮﻳﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. "ﺗﯧﻠﯧﯟﯨﺰﻭﺭﺩﯨﻜﻰ ﻧﺎﻣﺎﻳﯩﺶ ﯞﻩ ﻗﺎﻧﻠﯩﻖ ﺗﻮﻗﯘﻧﯘﺵ ﻛﯚﺭﯛﻧﯜﺷﻠﯩﺮﯨﻨﻰ ﻛﯚﺭﮔﯩﻨﯩﻤﺪﻩ ﻫﺎﻳﺎﺗﯩﻤﻨﯩﯔ ﺋﻪﯓ ﻣﯘﻫﯩﻢ ﺑﯩﺮ ﺑﯘﺭﯗﻟﯘﺵ ﻧﯘﻗﺘﯩﺴﯩﻨﻰ ﺋﯧﺴﯩﻤﮕﻪ ﺋﺎﻟﺪﯨﻢ" ﺩﯦﻴﯩﻠﯩﺪﯗ ﻣﺎﻗﺎﻟﯩﺪﺍ ﯞﻩ ﻣﯘﻧﺪﺍﻕ ﺩﺍﯞﺍﻡ ﻗﯩﻠﯩﺪﯗ: " 1997 ‏ - ﻳﯩﻠﻰ ﻓﯧﯟﺭﺍﻝ ﺋﯧﻴﻰ، ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﻏﯘﻟﺠﺎ ﺷﻪﻫﯩﺮﯨﺪﻩ ﻣﯩﯖﻠﯩﻐﺎﻥ ﺋﯘﻳﻐﯘﺭ ﻳﺎﺷﻠﯩﺮﻯ ﻧﺎﻣﺎﻳﯩﺶ ﺋﯚﺗﻜﯜﺯﯛﭖ ﺋﻪﺭﻛﯩﻨﻠﯩﻚ ﯞﻩ ﺑﺎﺭﺍﯞﻩﺭﻟﯩﻚ ﺗﻪﻟﻪﭖ ﻗﯩﻠﺪﻯ، ﺋﯩﻨﺴﺎﻧﯩﻲ ﻫﻪﻕ - ﻫﻮﻗﯘﻕ ﺗﻪﻟﻪﭖ ﻗﯩﻠﺪﻯ. ﺧﯩﺘﺎﻱ ﺗﻪﺭﻩﭖ ﻗﯘﺭﯗﻕ ﻗﻮﻝ ﻧﺎﻣﺎﻳﯩﺸﭽﯩﻼﺭﻧﻰ ﻗﻮﺭﺍﻟﻠﯩﻖ ﺑﺎﺳﺘﯘﺭﺩﻯ، ﺋﺎﻣﺎﻥ ﻗﺎﻟﻐﺎﻧﻠﯩﺮﯨﻨﻰ ﺗﯘﺗﻘﯘﻥ ﻗﯩﻠﺪﻯ ﯞﻩ ﺋﯚﻟﯜﻡ ﺟﺎﺯﺍﺳﻰ ﺑﻪﺭﺩﻯ."

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻳﻪﻧﻪ، ﺩﻩﻝ ﺋﻪﺷﯘ ﻣﯩﻨﯘﺗﺘﺎ، ﻫﺎﻳﺎﺗﯩﺪﯨﻜﻰ ﺋﻪﯓ ﭼﻮﯓ ﻗﺎﺭﺍﺭﻧﻰ ﺑﻪﺭﮔﻪﻧﻠﯩﻜﯩﻨﻰ، ﮔﻪﺭﭼﻪ ﺧﻪﺗﻪﺭﻟﯩﻚ ﺑﻮﻟﺴﯩﻤﯘ ﺧﻪﻟﻖ ﺗﻪﺭﻩﭘﺘﻪ ﮔﻪﭖ ﻗﯩﻠﯩﺸﻨﻰ ﯞﯨﺠﺪﺍﻧﯩﻲ ﺑﯘﺭﭼﻰ ﺩﻩﭖ ﺑﯩﻠﮕﻪﻧﻠﯩﻜﯩﻨﻰ، ﺑﯘ ﺑﯘﺭﭼﯩﻨﻰ ﺋﺎﺩﺍ ﻗﯩﻠﻐﯩﻨﻰ ﺋﯜﭼﯜﻥ، ﺗﯜﺭﻣﯩﺪﻩ 6 ﻳﯩﻞ ﻳﺎﺗﻘﺎﻧﻠﯩﻘﯩﻨﻰ ﺳﯚﺯﻟﻪﭖ ﺋﯚﺗﯩﺪﯗ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ: "ﺋﯩﻜﻜﻰ ﻣﯩﻠﻠﻪﺗﻨﯩﯔ ﺩﻩﺭﺩﻯ ﺋﻮﺧﺸﺎﺵ"

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﻳﯘﻗﯩﺮﯨﻘﻰ ﺳﻪﯞﻩﺑﺘﯩﻦ ﺋﯩﻜﻜﻰ ﺋﻮﻏﻠﯩﻨﯩﯔ ﻧﯚﯞﻩﺗﺘﻪ ﺗﯜﺭﻣﯩﺪﻩ ﻳﯧﺘﯩﯟﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻧﺪﯨﻦ ﻛﯧﻴﯩﻦ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺩﺍﯞﺍﻣﻼﺷﺘﯘﺭﯨﺪﯗ: "ﻣﻪﻥ ﺗﯩﺒﻪﺗﻠﯩﻚ ﺋﺎﻧﯩﻼﺭﻏﺎ ﺋﯧﭽﯩﻨﯩﻤﻪﻥ، ﭼﯜﻧﻜﻰ ﻣﻪﻥ ﺋﻮﻏﻠﻰ ﻧﺎﻣﺎﻳﯩﺸﺘﺎ ﺋﯧﺘﯩﭗ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭ ﺋﺎﻧﯩﻼﺭﻧﯩﯔ ﻳﯩﻐﯩﺴﯩﻨﻰ ﺋﺎﯕﻠﯩﻐﺎﻧﻤﻪﻥ. ﻣﻪﻥ ﺗﯩﺒﻪﺗﻠﯩﻚ ﺋﺎﺗﯩﻼﺭﻏﺎ ﺋﯧﭽﯩﻨﯩﻤﻪﻥ، ﭼﯜﻧﻜﻰ ﻣﻪﻥ ﺋﻮﻏﻠﯩﻨﯩﯔ ﺑﻮﻳﻨﯩﻐﺎ ﺗﺎﺧﺘﺎﻱ ﺋﯧﺴﯩﻠﯩﭗ، ﻛﯚﺯ ﺋﺎﻟﺪﯨﺪﺍ ﻛﻮﭼﺎ ﺋﺎﻳﻼﻧﺪﯗﺭﯗﭖ ﺋﺎﭼﯩﻘﯩﭗ ﺋﯧﺘﯩﯟﯦﺘﯩﻠﮕﻪﻥ ﭼﺎﺭﯨﺴﯩﺰ ﺋﺎﺗﯩﻼﺭﻧﯩﯔ ﭘﻪﺭﻳﺎﺩﯨﻨﻰ ﺋﺎﯕﻠﯩﻐﺎﻧﻤﻪﻥ. ﻣﻪﻥ ﺗﯜﺭﻣﯩﺪﯨﻜﻰ ﺗﯩﺒﻪﺕ ﻳﺎﺷﻠﯩﺮﯨﻐﺎ ﻫﯧﺴﺪﺍﺷﻠﯩﻖ ﻗﯩﻠﯩﻤﻪﻥ، ﭼﯜﻧﻜﻰ ﻣﻪﻥ، ﻗﺎﺭﺍﯕﻐﯘ ﻛﺎﻣﯩﺮﺩﺍ، ﺧﯩﺘﺎﻱ ﮔﯘﻧﺪﯨﭙﺎﻳﻠﯩﺮﻯ ﺑﯩﻠﻪﻥ ﻫﺎﻳﺎﺗﯩﻨﯩﯔ ﺋﺎﺧﯩﺮﯨﻘﻰ ﻣﯩﻨﯘﺗﻠﯩﺮﯨﻐﯩﭽﻪ ﻗﺎﺭﺷﯩﻼﺷﻘﺎﻥ ﺟﻪﺳﯘﺭ ﺋﯩﺴﻴﺎﻧﻜﺎﺭﻻﺭﻏﺎ ﺷﺎﻫﯩﺪ ﺑﻮﻟﻐﺎﻧﻤﻪﻥ."

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺗﯩﺒﻪﺕ ﺧﻪﻟﻘﻰ ﺑﯩﻠﻪﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺧﻪﻟﻘﯩﻨﯩﯔ ﺋﻮﺭﺗﺎﻕ ﺩﻩﺭﺗﻜﻪ ﻣﯘﭘﺘﯩﻼ ﺋﯩﻜﻪﻧﻠﯩﻜﯩﻨﻰ، ﻫﻪﺭ ﺋﯩﻜﻜﻰ ﻣﯩﻠﻠﻪﺗﻨﯩﯔ ﺧﯩﺘﺎﻳﻨﯩﯔ ﻛﯚﭼﻤﻪﻥ ﺳﯩﻴﺎﺳﯩﺘﯩﻨﯩﯔ ﻗﯘﺭﺑﺎﻧﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ، ﻫﻪﺭ ﺋﯩﻜﻜﻰ ﻣﯩﻠﻠﻪﺗﻨﯩﯔ ﺋﯩﻘﺘﯩﺴﺎﺩﯨﻲ ﺳﺎﻫﻪﺩﻩ ﭼﻪﺗﻜﻪ ﻗﯧﻘﯩﻠﯩﯟﺍﺗﻘﺎﻧﻠﯩﻘﯩﻨﻰ، ﺩﯨﻨﯩﻲ ﺋﯧﺘﯩﻘﺎﺩﯨﻨﯩﯔ ﭼﻪﻛﻠﯩﻤﯩﮕﻪ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ، ﻫﻪﺭ ﺋﯩﻜﻜﻰ ﻣﯩﻠﻠﻪﺕ ﺧﻪﻟﻘﯩﻨﯩﯔ ﺑﯧﻴﺠﯩﯖﺪﯨﻦ ﯞﻩ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﺪﯨﻦ ﻳﯩﺮﮔﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻧﺪﯨﻦ ﻛﯧﻴﯩﻦ ﻣﯘﻧﺪﺍﻕ ﻳﺎﺯﻏﺎﻥ " ﻣﺎﻧﺎ ﺑﯘ ﭼﻪﺗﺌﻪﻟﺪﯨﻜﻰ ﺗﯩﺒﻪﺕ - ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﻫﻪﻣﻜﺎﺭﻟﯩﻘﯩﻨﯩﯔ ﺋﺎﺳﺎﺳﻰ ﺳﻪﯞﻩﺑﻰ". ﺭﺍﺑﯩﻴﻪ ﺧﺎﻧﯩﻢ ﺑﯘ ﺳﯚﺯﻟﯩﺮﻯ ﺋﺎﺭﻗﯩﻠﯩﻖ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﺎﻳﺎﻧﺎﺗﻠﯩﺮﯨﻨﻰ ﺟﺎﯞﺍﺑﻼﻧﺪﯗﺭﻏﺎﻥ. ﭼﯜﻧﻜﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﻟﺪﯨﻨﻘﻰ ﻫﻪﭘﺘﻪ، ﺩﺍﻻﻱ ﻻﻣﺎﻧﻰ ﺗﯧﺮﺭﻭﺭﭼﻰ ﺋﯘﻳﻐﯘﺭﻻﺭ ﺑﯩﻠﻪﻥ ﻫﻪﻣﻜﺎﺭﻻﺷﺘﻰ ﺩﻩﭖ ﺋﻪﻳﯩﺒﻠﯩﮕﻪﻥ ﺋﯩﺪﻯ.

ﺋﯩﻨﻜﺎﺱ: " ﺩﯗﻧﻴﺎ ﺗﯩﺒﻪﺗﻜﻪ ﻛﯚﯕﯜﻝ ﺑﻮﻟﯘﭖ، ﺋﯘﻳﻐﯘﺭﻻﺭﻏﺎ ﺑﯩﭙﻪﺭﯞﺍ ﻗﺎﺭﺍﯞﺍﺗﯩﺪﯗ"

ﯞﻩﺗﻪﻧﺪﯨﻦ ﻛﻪﻟﮕﻪﻥ ﺑﻪﺯﻯ ﺋﯩﻨﻜﺎﺳﻼﺭﺩﺍ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﯞﻩﺯﯨﻴﻪﺗﻨﯩﯔ ﺋﻪﺳﻠﯩﺪﻩ ﺗﯩﺒﻪﺗﺘﯩﻨﻤﯘ ﺋﯧﻐﯩﺮ ﺋﯩﻜﻪﻧﻠﯩﻜﻰ، ﺩﯗﻧﻴﺎﻧﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯧﺮﯨﭗ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﻤﻪﻳﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺷﯩﻜﺎﻳﻪﺗﻠﻪﺭﻣﯘ ﻳﯧﺰﯨﻠﻐﺎﻥ ﺋﯩﺪﻯ، ﺑﯘ ﻗﯧﺘﯩﻢ ﺧﻮﺗﻪﻧﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﺩﯨﻦ ﺩﯗﻧﻴﺎﻧﯩﯔ ﺧﻪﯞﻩﺭﺳﯩﺰ ﻗﺎﻟﻐﺎﻧﻠﯩﻘﻰ، ﺋﯩﻨﻜﺎﺳﭽﯩﻼﺭﻧﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻥ ﯞﻩﺯﯨﻴﯩﺘﻰ ﺗﯩﺒﻪﺕ ﯞﻩﺯﯨﻴﯩﺘﯩﺪﯨﻨﻤﯘ ﺋﯧﻐﯩﺮ ﺩﯦﮕﻪﻥ ﺷﯩﻜﺎﻳﯩﺘﯩﻨﯩﯔ ﺗﻮﻏﺮﯨﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﭼﯩﻘﺎﺭﺩﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺑﯘ ﺷﯩﻜﺎﻳﯩﺘﯩﻨﯩﻤﯘ ﻣﺎﻗﺎﻟﯩﺴﯩﺪﻩ ﻗﯩﺴﺘﯘﺭﯗﭖ ﺋﯚﺗﻜﻪﻥ: ﺩﯗﻧﻴﺎ ﻣﻪﺗﺒﯘﺋﺎﺗﻰ ﺗﯩﺒﻪﺗﺘﯩﻜﻰ ﭘﺎﺟﯩﺌﻪﻟﻪﺭﮔﻪ ﺩﯨﻘﻘﯩﺘﯩﻨﻰ ﻣﻪﺭﻛﻪﺯﻟﻪﺷﺘﯜﺭﯛﯞﺍﺗﯩﺪﯗ، ﺋﻪﻣﻤﺎ ﺷﻪﺭﻗﻰ ﺗﯜﺭﻛﯩﺴﺘﺎﻧﻐﺎ ﺋﺎﺯ ﻗﺎﺭﺍﯞﺍﺗﯩﺪﯗ. ﺋﻪﻣﻪﻟﯩﻴﻪﺗﺘﻪ، ﺑﯜﮔﯜﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﻮﭼﯩﻠﯩﺮﻯ ﭘﯜﺗﯜﻧﻠﻪﻱ ﺩﯦﮕﯜﺩﻩﻙ ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﻗﺎﻣﺎﻟﻰ ﺋﺎﺳﺘﯩﺪﺍ. ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺳﻪﯞﻩﺑﯩﺪﯨﻦ ﺋﯘﻳﻐﯘﺭﻻﺭ ﺋﯩﺸﺴﯩﺰﻟﯩﻘﻨﯩﯔ، ﻳﻮﻗﺴﯘﻟﻠﯘﻗﻨﯩﯔ ﺋﺎﺯﺍﺑﯩﻨﻰ ﺗﺎﺭﺗﯩﯟﺍﺗﯩﺪﯗ. ﺋﯘﻳﻐﯘﺭ ﺗﯩﻠﻰ ﻣﻪﻛﺘﻪﭘﻠﻪﺭﺩﯨﻦ ﺳﯩﻘﯩﭗ ﭼﯩﻘﯩﺮﯨﻠﯩﯟﺍﺗﯩﺪﯗ، ﺋﯘﻳﻐﯘﺭ ﻗﯩﺰﻟﯩﺮﻯ ﻣﻪﺟﺒﯘﺭﯨﻲ ﻫﺎﻟﺪﺍ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﯩﻠﯩﯟﺍﺗﯩﺪﯗ.

ﺭﺍﺑﯩﻴﻪ ﻗﺎﺩﯨﺮ: " ﺋﯘ ﺋﻪﺭﻛﯩﻨﻠﯩﻚ ﻣﻪﺷﺌﯩﻠﻰ ﺋﻪﻣﻪﺱ"

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﻣﺎﻗﺎﻟﯩﺴﯩﻨﯩﯔ ﺳﻪﺭﻟﻪﯞﻫﯩﺴﻰ " ﺋﯘ ﺋﻪﺭﻛﯩﻨﻠﯩﻚ ﻣﻪﺷﺌﯩﻠﻰ ﺋﻪﻣﻪﺱ " ﺑﻮﻟﯘﭖ، ﺋﯘ ﻣﺎﻗﺎﻟﯩﺴﯩﺪﻩ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺋﺎﻳﻼﻧﺪﯗﺭﯗﺵ ﻣﯘﺳﺎﭘﯩﺴﻰ ﺋﯩﭽﯩﺪﻩ ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﺋﯜﺭﯛﻣﭽﻰ ﯞﻩ ﻗﻪﺷﻘﻪﺭ ﺷﻪﻫﯩﺮﯨﺪﯨﻦ ﺋﯩﺒﺎﺭﻩﺕ ﺋﯩﻜﻜﻰ ﻗﻪﺩﯨﻤﯩﻲ ﺷﻪﻫﯩﺮﯨﺪﯨﻦ ﺋﯚﺗﯩﺪﯨﻐﺎﻧﻠﯩﻘﯩﻨﻰ، ﺑﯘ ﺋﺎﻳﻼﻧﻤﯩﻨﻰ ﺋﯘﻳﻐﯘﺭﻻﺭﻧﯩﯔ ﺧﺎﻟﯩﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﯞﻩ ﺧﯩﺘﺎﻳﻨﯩﯔ ﻣﻪﺯﻛﯘﺭ ﻣﻪﺷﺌﻪﻝ ﺋﺎﻳﻼﻧﺪﯗﺭﯗﺵ ﺳﻪﭘﯩﺮﯨﻨﻰ " ﺋﯩﻨﺎﻗﻠﯩﻖ ﺳﻪﭘﯩﺮﻯ" ﺩﻩﭖ ﺋﺎﺗﯩﺸﯩﻨﻰ ﻫﺎﻛﯩﻤﯩﻴﻪﺗﻨﯩﯔ ﯞﻩﻫﺸﯩﻲ ﻳﯜﺯﯨﻨﻰ ﻳﻮﺷﯘﺭﯗﺵ ﺩﻩﭖ ﺑﺎﻳﺎﻥ ﻗﯩﻠﻐﺎﻥ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻣﺎﻗﺎﻟﯩﺴﯩﻨﯩﯔ ﺋﺎﺭﻗﯩﺴﯩﺪﺍ، " ﺋﻪﮔﻪﺭ ﺧﯩﺘﺎﻱ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﻣﻪﺳﺌﯘﻟﯩﻴﻪﺗﭽﺎﻥ ﺑﯩﺮ ﺋﻪﺯﺍ ﺑﻮﻟﯘﺷﻨﻰ ﺋﺎﺭﺯﯗ ﻗﯩﻠﺴﺎ، ﺗﯩﺒﻪﺕ ﯞﻩ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺧﻪﻟﻘﯩﻨﯩﯔ ﻫﻪﻗﯩﻘﯩﻲ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯜﺳﺘﯩﻠﯩﮕﻪ ﻛﯧﻠﯩﺸﻰ ﻛﯧﺮﻩﻙ،" ﺩﯦﮕﻪﻥ. (ﺷﯚﻫﺮﻩﺕ ﻫﻮﺷﯘﺭ)