ﺧﯩﺘﺎﻱ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﺪﻩ ﺗﻪﻧﻘﯩﺪﻛﻪ ﺋﯘﭼﺮﯨﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺗﯩﺒﻪﺗﺘﯩﻜﻰ ﻧﺎﻣﺎﻳﯩﺸﻨﻰ ﻫﻪﺭﺑﯩﻲ ﻛﯜﭺ ﺑﯩﻠﻪﻥ ﺑﺎﺳﺘﯘﺭﻏﺎﻧﻠﯩﻘﻰ ﺗﯜﭘﻪﻳﻠﻰ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﺪﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﯞﻩ ﺋﺎﻣﯧﺮﯨﻜﯩﻨﯩﯔ ﺗﯩﺒﻪﺕ ﻧﺎﻣﺎﻳﯩﺸﭽﯩﻠﯩﺮﯨﻐﺎ ﻛﯜﭺ ﺋﯩﺸﻠﻪﺗﻤﻪﺳﻠﯩﻚ، ﺋﯚﺯﯨﻨﻰ ﺗﯘﺗﯘﯞﯦﻠﯩﺶ ﯞﻩ ﺗﯩﺒﻪﺗﻨﻰ ﭼﻪﺗﺌﻪﻟﻠﯩﻜﻠﻪﺭﮔﻪ ﺋﯧﭽﯩﯟﯦﺘﯩﺶ ﻫﻪﻗﻘﯩﺪﯨﻜﻰ ﺑﯧﺴﯩﻤﯩﻐﺎ ﺩﯗﭺ ﻛﻪﻟﺪﻯ. ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﯞﻩﻛﯩﻠﻰ ﺑﺎﺵ ﺷﺘﺎﺑﻰ ﺷﯩﯟﯦﺘﺴﺎﺭﯨﻴﯩﻨﯩﯔ ﺟﻪﻧﯟﻩ ﺷﻪﻫﯩﺮﯨﺪﯨﻜﻰ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﺪﻩ ﺳﯚﺯﻟﯩﮕﻪﻥ ﺳﯚﺯﯨﺪﻩ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺗﯩﺒﻪﺕ ﻧﺎﻣﺎﻳﯩﺸﭽﯩﻠﯩﺮﯨﻐﺎ ﻛﯜﭺ ﺋﯩﺸﻠﻪﺗﻤﻪﺳﻠﯩﻜﻰ ﯞﻩ ﺋﯚﺯﯨﻨﻰ ﺗﯘﺗﯘﯞﯦﻠﯩﺸﻰ ﻛﯧﺮﻩﻙ، ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﺎﻣﯧﺮﯨﻜﺎ ﺑﻮﻟﺴﺎ ﭼﻪﺗﺌﻪﻟﻠﯩﻜﻠﻪﺭﻧﯩﯔ ﺗﯩﺒﻪﺗﻜﻪ ﺳﺎﻳﺎﻫﻪﺕ ﻗﯩﻠﯩﺸﯩﻨﻰ ﭼﻪﻛﻠﻪﺵ ﺑﯘﻳﺮﯗﻗﯩﻨﯩﯔ ﺑﯩﻜﺎﺭ ﻗﯩﻠﯩﻨﯩﺸﯩﻨﻰ ﺗﻪﻟﻪﭖ ﻗﯩﻠﻤﺎﻗﺘﺎ. ﺋﺎﻣﯧﺮﯨﻜﯩﻨﯩﯔ ﺟﻪﻧﯟﻩﺩﯨﻜﻰ ﺋﻪﻟﭽﯩﺴﻰ ﯞﺍﺭﺭﯦﻦ ﺗﯩﺸﯧﻨﻮﺭ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ ﺧﯩﺘﺎﻳﻨﯩﯔ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ، ﺩﯨﭙﻠﻮﻣﺎﺗﻼﺭ ﯞﻩ ﺧﻪﻟﻘﺌﺎﺭﺍ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺗﯩﺒﻪﺗﻨﻰ ﺯﯨﻴﺎﺭﻩﺕ ﻗﯩﻠﯩﺶ ﭼﻪﻛﻠﯩﻤﯩﺴﯩﻨﻰ ﺑﯩﻜﺎﺭ ﻗﯩﻠﯩﭗ، ﻛﯩﺸﯩﻠﻪﺭﻧﯩﯔ ﺗﯩﺒﻪﺗﺘﯩﻜﻰ ﯞﻩﺯﯨﻴﻪﺗﻨﻰ ﺋﯚﺯ ﻛﯚﺯﻯ ﻛﯚﺭﯛﺵ ﯞﻩ ﺑﺎﻫﺎ ﺑﯧﺮﯨﺸﯩﮕﻪ ﺋﯩﻤﻜﺎﻧﯩﻴﻪﺕ ﻳﺎﺭﯨﺘﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ. ﺋﯘ، ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ " ﭼﻪﺗﺌﻪﻝ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺗﯩﺒﻪﺗﻜﻪ ﺑﯧﺮﯨﺸﯩﻨﻰ ﭼﻪﻛﻠﻪﺵ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﯞﻩﺩﯨﺴﯩﮕﻪ ﺧﯩﻼﭖ. ﺧﯩﺘﺎﻱ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺭﯨﺘﻮﺭﯨﻚ ﺧﯩﺘﺎﺑﻰ ﯞﻩ ﯞﻩﻗﻪ ﺗﻮﻏﺮﯨﺴﯩﺪﺍ ﺗﻪﺭﻩﭘﺴﯩﺰ ﺧﻪﯞﻩﺭ ﺑﯧﺮﯨﺸﻨﯩﯔ ﭼﻪﻛﻠﯩﻨﯩﺸﻰ ﺑﯩﺰﻧﻰ ﺋﻪﻧﺪﯨﺸﯩﮕﻪ ﺳﺎﻟﻤﺎﻗﺘﺎ " ﺩﻩﭖ ﻛﯚﺭﺳﻪﺗﺘﻰ.

ﭘﺮﯦﺰﯨﺪﯦﻨﺖ ﺑﯘﺵ ﺧﯩﺘﺎﻱ ﺧﯘ ﺟﯩﻨﺘﺎﯞﻏﺎ ﺗﯧﻠﯧﻔﻮﻥ ﻗﯩﻠﯩﭗ، ﺗﯩﺒﻪﺕ ﯞﻩﺯﯨﻴﯩﺘﯩﻨﯩﯔ ﺋﯚﺯﯨﺪﻩ ﺋﻪﻧﺪﯨﺸﻪ ﻗﻮﺯﻏﺎﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺖ ﺋﯩﺸﺨﺎﻧﯩﺴﻰ ﺋﺎﻗﺴﺎﺭﺍﻱ ﺑﻮﻟﺴﺎ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﻗﯩﺴﺘﺎﯞﺍﺗﯩﺪﯗ. ﺋﺎﻗﺴﺎﺭﺍﻱ ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﭼﺎﺭﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞﻏﺎ ﺗﯧﻠﯧﻔﻮﻥ ﻗﯩﻠﯩﭗ، ﺗﯩﺒﻪﺕ ﯞﻩﺯﯨﻴﯩﺘﯩﻨﯩﯔ ﺋﯚﺯﯨﺪﻩ ﺋﻪﻧﺪﯨﺸﻪ ﻗﻮﺯﻏﺎﯞﺍﺗﻘﺎﻧﻠﯩﻘﯩﻨﻰ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻰ ﺑﯩﻠﻪﻥ ﺋﻪﻣﻪﻟﯩﻲ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺸﯩﻨﻰ ﺷﯘﻧﺪﺍﻗﻼ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﯞﻩ ﺩﯨﭙﻠﻮﻣﺎﺗﻼﺭﻧﯩﯔ ﺗﯩﺒﻪﺗﻜﻪ ﻛﯩﺮﯨﺸﯩﮕﻪ ﺭﯗﺧﺴﻪﺕ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ.

ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺧﯘ ﺟﯩﻨﺘﺎﯞ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺗﯧﻠﯧﻔﻮﻥ ﺳﯚﻫﺒﯩﺘﻰ ﺧﯩﺘﺎﻱ ﻟﺨﺎﺳﺎﺩﺍ ﯞﻩﺯﯨﻴﻪﺗﻨﯩﯔ ﺗﯩﻨﺠﯩﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻧﺪﯨﻦ ﻛﯧﻴﯩﻨﻤﯘ، ﺗﯩﺒﻪﺗﻠﻪﺭ ﺋﻮﻟﺘﯘﺭﺍﻗﻼﺷﻘﺎﻥ ﻳﻪﺭﺩﻩ ﺋﯜﺯﻟﯜﻛﺴﯩﺰ ﻧﺎﻣﺎﻳﯩﺸﻼﺭ ﻳﯜﺯ ﺑﯧﺮﯨﯟﺍﺗﻘﺎﻥ، ﺋﺎﻟﺪﯨﻨﻘﻰ ﻛﯜﻧﻰ ﺳﺎﻗﭽﯩﻼﺭ ﺳﯩﭽﯜﻩﻧﻨﯩﯔ ﮔﻪﺭﺯﻯ ﻧﺎﻫﯩﻴﯩﺴﯩﺪﻩ ﺗﯩﺒﻪﺕ ﻧﺎﻣﺎﻳﯩﺸﭽﯩﻼﺭﻧﻰ ﺑﺎﺳﺘﯘﺭﯗﭖ، ﺋﯩﻜﻜﻰ ﻛﯩﺸﯩﻨﯩﯔ ﺋﯚﻟﮕﻪﻧﻠﯩﻜﻰ، ﺋﯚﻟﮕﻪﻧﻠﻪﺭﻧﯩﯔ ﺑﯩﺮﻯ ﮔﻪﺭﺯﯨﺪﯨﻜﻰ ﺑﯩﺮ ﺋﯩﺒﺎﺩﻩﺗﺨﺎﻧﯩﻨﯩﯔ ﻻﻣﺎﺳﻰ ﺋﯩﻜﻪﻧﻠﯩﻜﻰ ﻏﯘﻻ -ﻏﯘﻻ ﻗﯩﻠﯩﻨﯩﯟﺍﺗﻘﺎﻥ ﻣﻪﺯﮔﯩﻠﮕﻪ ﺗﻮﻏﺮﺍ ﻛﻪﻟﺪﻯ.

ﺳﯩﭽﯜﻩﻧﻨﯩﯔ ﮔﻪﺭﺯﻯ ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﺋﯩﺒﺎﺩﻩﺗﺨﺎﻧﯩﻨﯩﯔ ﻻﻣﺎﺳﻰ ﺭﺍﺩﯨﺌﻮﻣﯩﺰﻏﺎ ﺑﯩﺮ ﻻﻣﺎﻧﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ، ﻫﻪﺭﺑﯩﻴﻠﻪﺭﻧﯩﯔ ﻧﺎﻣﺎﻳﯩﺸﭽﯩﻼﺭﻏﺎ ﺋﻮﻕ ﭼﯩﻘﺎﺭﻏﺎﻧﻠﯩﻘﯩﻨﻰ ﺋﯧﻴﺘﻘﺎﻥ ﺋﯩﺪﻯ. ﺋﯘ، " ﺋﺎﻟﺪﯨﻨﻘﻰ ﻛﯜﻧﻜﻰ ﯞﻩﻗﻪﺩﻩ ﺑﯩﺮ ﻻﻣﺎ ﺋﯚﻟﺘﯜﺭﯛﻟﺪﻯ. ﺑﯘ ﻻﻣﺎ، "ﺋﻪﺭﻛﯩﻨﻠﯩﻚ! ﺗﯩﺒﻪﺗﻜﻪ ﺋﻪﺭﻛﯩﻨﻠﯩﻚ!" ﺩﻩﭖ ﯞﺍﺭﻗﯩﺮﯨﻐﺎﻥ ﺋﯩﺪﻯ. ﺑﯩﺰ ﻧﺎﻣﺎﻳﯩﺶ ﻗﯩﻠﻐﺎﻧﺪﺍ ﺳﺎﻗﭽﻰ ﯞﻩ ﻫﻪﺭﺑﯩﻴﻠﻪﺭ ﺋﺎﻟﺪﯨﻤﯩﺰﻧﻰ ﺗﻮﺳﯩﺪﻯ. ﺑﯘ ﺟﻪﺭﻳﺎﻧﺪﺍ ﺑﯩﺮ ﺋﺎﺯ ﺟﯩﺪﺩﯨﻴﭽﯩﻠﯩﻚ ﻳﯜﺯ ﺑﯧﺮﯨﭗ، ﻫﻪﺭﺑﯩﻴﻠﻪﺭ ﺋﻮﻕ ﭼﯩﻘﺎﺭﺩﻯ،" ﺩﻩﻳﺪﯗ.

ﻣﻪﺯﻛﯘﺭ ﻻﻣﺎ ﺩﺍﺋﯩﺮﯨﻠﻪﺭﻧﯩﯔ ﺷﯘ ﻛﯜﻧﻰ ﻛﯧﭽﯩﺴﻰ ﮔﻪﺭﺯﻯ ﻧﺎﻫﯩﻴﯩﺴﯩﺪﻩ 30 ﻻﻣﺎﻧﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﮔﻪﺭﺯﻯ ﻧﺎﻫﯩﻴﯩﺴﯩﺪﻩ ﺳﻪﻳﺸﻪﻧﺒﻪ ﻛﯜﻧﻰ ﻳﻪﻧﻪ ﺩﺍﯞﺍﻣﻼﺷﻘﺎﻥ، ﻟﯧﻜﯩﻦ ﺋﯘ ﻛﯜﻧﻰ ﻧﺎﻣﺎﻳﯩﺸﭽﯩﻼﺭ ﺑﯩﻠﻪﻥ ﻫﻪﺭﺑﯩﻲ- ﺳﺎﻗﭽﯩﻼﺭ ﺋﺎﺭﯨﺴﯩﺪﺍ ﺗﻮﻗﯘﻧﯘﺵ ﻳﯜﺯ ﺑﻪﺭﻣﯩﮕﻪﻥ. ﺭﺍﺩﯨﺌﻮﻣﯩﺰﻏﺎ ﻣﻪﻟﯘﻣﺎﺕ ﺑﻪﺭﮔﻪﻥ ﻳﯘﻗﯩﺮﯨﻘﻰ ﻻﻣﺎ ﺳﻪﻳﺸﻪﻧﺒﻪ ﻛﯜﻧﻜﻰ ﻛﯜﭺ ﻛﯚﺭﺳﯩﺘﯩﺸﻜﻪ 200 ﻻﻣﺎﻧﯩﯔ ﻗﺎﺗﻨﺎﺷﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

" ﺗﯩﻨﭻ ﻧﺎﻣﺎﻳﯩﺶ ﻗﯩﻠﻐﺎﻥ ﭘﯘﻗﺮﺍﻻﺭﻧﯩﯔ ﺋﯚﻟﺘﯜﺭﯛﻟﯜﺷﯩﻨﻰ ﺗﻪﻧﻘﯩﺪ ﻗﯩﻠﯩﻤﯩﺰ"

ﺗﯩﺒﻪﺕ ﯞﻩﺯﯨﻴﯩﺘﯩﻨﯩﯔ ﺗﻪﺭﻩﻗﻘﯩﻴﺎﺗﻰ ﺋﻪﻧﺪﯨﺸﻪ ﻗﻮﺯﻏﺎﯞﺍﺗﻘﺎﻥ ﺩﯙﻟﻪﺕ ﯞﻩ ﺧﻪﻟﻘﺌﺎﺭﺍ ﺋﻮﺭﮔﺎﻧﻼﺭﻧﯩﯔ ﺑﯩﺮﻯ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ. ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﯞﻩﻛﯩﻠﻰ ﺳﻪﻳﺸﻪﻧﺒﻪ ﻛﯜﻧﻰ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﺪﻩ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻛﯜﻧﻨﯩﯔ ﺋﻪﺗﯩﺴﻰ، ﻳﺎﯞﺭﻭﭘﺎ ﭘﺎﺭﻻﻣﯧﻨﺘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻳﺎﻛﻰ ﻗﯩﻠﻤﺎﺳﻠﯩﻘﻨﻰ ﺷﯘﻧﺪﺍﻗﻼ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻨﻰ ﻣﯘﺯﺍﻛﯩﺮﻩ ﻗﯩﻠﺪﻯ. ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺭﯦﭽﺎﺭﺩ ﻓﺮﯦﺪﯨﻤﻪﻥ، ﺗﯩﺒﻪﺕ ﻣﻪﺳﯩﻠﯩﺴﯩﻨﯩﯔ ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﺪﯨﻜﻰ ﺑﻪﺯﻯ ﺋﻪﺯﺍﻻﺭﻧﯩﯔ ﺗﻪﻛﻠﯩﭙﯩﮕﻪ ﺑﯩﻨﺎﺋﻪﻥ ﭘﺎﺭﻻﻣﯧﻨﺘﻨﯩﯔ ﻣﯘﺯﺍﻛﯩﺮﻩ ﻛﯜﻧﺘﻪﺭﺗﯩﭙﯩﮕﻪ ﺋﯧﻠﯩﻨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﭼﺎﺭﺷﻪﻧﺒﻪ ﻛﯜﻧﻜﻰ ﻣﯘﻧﺎﺯﯨﺮﯨﺴﯩﺪﻩ ﺑﻪﺯﻯ ﺋﻪﺯﺍﻻﺭ ﺑﻮﻟﻤﯩﺪﻯ ﺩﯦﮕﻪﻧﺪﻩ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﺭﻩﺋﯩﺴﻰ ﺧﻪﻧﺰ ﮔﯧﺮﺕ ﭘﻮﺗﺘﯧﺮﯨﯔ ﻳﯩﻐﯩﻨﺪﺍ ﺳﯚﺯﻟﯩﮕﻪﻥ ﺳﯚﺯﯨﺪﻩ "ﺗﯩﺒﻪﺕ ﭘﺎﻳﺘﻪﺧﺘﻰ ﻟﺨﺎﺳﺎ ﯞﻩ ﺧﯩﺘﺎﻳﻨﯩﯔ ﺑﯩﺮ ﻗﯩﺴﯩﻢ ﺷﻪﻫﻪﺭﻟﯩﺮﯨﺪﻩ 10 ‏- ﻣﺎﺭﺕ ﻛﯜﻧﻰ ﻳﯜﺯ ﺑﻪﺭﮔﻪﻥ ﯞﻩﻗﻪ ﻛﯩﺸﯩﻨﻰ ﻧﺎﻫﺎﻳﯩﺘﻰ ﻗﺎﻳﻐﯘﻏﺎ ﺳﺎﻟﯩﺪﯗ. ﺑﯩﺰ ﺯﻭﺭﺍﯞﺍﻧﻠﯩﻘﻨﯩﯔ ﭘﯜﺗﯜﻥ ﺷﻪﻛﯩﻠﻠﯩﺮﯨﻨﻰ ﺋﻪﻳﯩﺒﻠﻪﻳﻤﯩﺰ ﺷﯘﻧﺪﺍﻗﻼ ﻫﻪﺭﺑﯩﻲ ﯞﻩ ﺳﺎﻗﭽﯩﻼﺭﻧﯩﯔ ﭼﻪﻛﻠﯩﻤﯩﺴﯩﺰ ﻛﯜﭺ ﻗﻮﻟﻠﯩﻨﯩﺸﯩﻨﻰ ﺗﻪﻧﻘﯩﺪ ﻗﯩﻠﯩﻤﯩﺰ. ﺗﯩﻨﭻ ﻧﺎﻣﺎﻳﯩﺶ ﻗﯩﻠﻐﺎﻥ ﭘﯘﻗﺮﺍﻻﺭﻧﯩﯔ ﺋﯚﻟﺘﯜﺭﯛﻟﯜﺷﯩﻨﻰ ﺗﻪﻧﻘﯩﺪ ﻗﯩﻠﯩﻤﯩﺰ " ﺩﻩﻳﺪﯗ.

ﭘﻮﺗﺘﯧﺮﯨﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﯘﺷﯩﻨﻰ ﺋﯜﻣﯩﺪ ﻗﯩﻠﺪﻯ. ﻟﯧﻜﯩﻦ ﺋﯘ ﺗﯩﺒﻪﺕ ﺧﻪﻟﻘﯩﻨﯩﯔ ﺩﯨﻨﯩﻲ ﯞﻩ ﻣﻪﺩﻩﻧﯩﻴﻪﺕ ﻛﯩﻤﻠﯩﻜﯩﮕﻪ ﻫﯚﺭﻣﻪﺕ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، "ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺪﯨﻐﺎﻥ ﻫﻪﺭ ﺑﯩﺮ ﻣﻪﺳﺌﯘﻟﯩﻴﻪﺗﭽﺎﻥ ﺳﯩﻴﺎﺳﻪﺗﭽﯩﻨﯩﯔ ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﺳﯚﻫﺒﻪﺗﻠﯩﺸﯩﺶ ﯞﻩ ﻣﯘﺭﻩﺳﺴﻪ ﻗﯩﻠﯩﺶ ﻳﻮﻟﯩﻨﻰ ﺗﯘﺗﻤﯩﺴﺎ، ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺸﻰ ﺗﻮﻏﺮﯨﻤﯘ، ﺩﯦﮕﻪﻥ ﺳﯘﺋﺎﻟﻨﻰ ﺳﻮﺭﯨﺸﻰ " ﻧﻰ ﺗﻪﯞﺳﯩﻴﻪ ﻗﯩﻠﺪﻯ.

" ﺧﯩﺘﺎﻱ ﻧﺎﻣﺎﻳﯩﺸﭽﯩﻼﺭﻏﺎ ﻛﯜﭺ ﺋﯩﺸﻠﻪﺗﻤﻪﺳﻠﯩﻜﻰ ﻛﯧﺮﻩﻙ"

ﺑﯘﻧﯩﯔ ﺋﺎﻟﺪﯨﺪﺍ ﻳﺎﯞﺭﻭﭘﺎ ﭘﺎﺭﻻﻣﯧﻨﺘﻰ ﺗﯩﺒﻪﺕ ﮔﯘﺭﯗﭘﭙﯩﺴﯩﻨﯩﯔ ﺭﻩﺋﯩﺴﻰ ﺗﻮﻣﺎﺱ ﻣﺎﻥ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺗﯩﺒﻪﺗﺘﯩﻜﻰ ﺋﯩﺴﻴﺎﻧﻨﻰ ﺩﺍﻻﻱ ﻻﻣﺎ ﻛﯜﺷﻜﯜﺭﺗﺘﻰ، ﺩﯦﮕﻪﻥ ﺑﺎﻳﺎﻧﺎﺗﯩﻨﻰ ﺷﯩﺪﺩﻩﺗﻠﯩﻚ ﺗﻪﻧﻘﯩﺪﻟﯩﮕﻪﻥ. ﺋﯘ، ﺑﯩﺮ ﺧﯩﺘﺎﻱ ﺭﻩﻫﺒﯩﺮﯨﻨﯩﯔ ﺑﯘ ﺳﯚﺯﻯ ﻛﯩﺸﻰ ﻗﻮﺑﯘﻝ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺑﯩﻤﻪﻧﯩﻠﯩﻚ. ﺑﯩﺰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﻗﺎﺭﯨﺸﯩﻨﻰ ﻗﻪﺗﺌﯩﻲ ﺭﻩﺕ ﻗﯩﻠﯩﻤﯩﺰ " ﺩﯦﮕﻪﻥ ﺋﯩﺪﻯ. ﻟﺨﺎﺳﺎﺩﯨﻜﻰ ﺋﯩﺴﻴﺎﻧﻨﻰ ﺩﺍﻻﻱ ﻻﻣﺎ ﻗﻮﺯﻏﯩﺪﻯ، ﺩﯦﮕﻪﻥ ﺳﯚﺯﻧﻰ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺗﻪﻛﯩﺘﻠﯩﮕﻪﻥ.

ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺋﯩﺠﺮﺍﺋﯩﻴﻪ ﺋﻮﺭﮔﺎﻧﻰ ﻳﺎﯞﺭﻭﭘﺎ ﻛﻮﻣﯩﺘﯧﺘﯩﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﺪﯨﻜﻰ ﻣﻪﻳﺪﺍﻧﻰ ﺧﯩﺘﺎﻳﻨﻰ ﻧﺎﻣﺎﻳﯩﺸﭽﯩﻼﺭﻏﺎ ﻛﯜﭺ ﺋﯩﺸﻠﻪﺗﻤﻪﺳﻠﯩﻚ، ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﭼﺎﻗﯩﺮﯨﺶ ﺑﻮﻟﯘﭖ، ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﺪﯨﻜﻰ ﻣﯘﻧﺎﺯﯨﺮﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﯨﻜﻰ ﺩﯙﻟﻪﺗﻠﻪﺭ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﺮﻯ ﻳﯩﻐﯩﻨﻰ ﺋﯧﭽﯩﻠﯩﺶ ﻫﺎﺭﭘﯩﺴﯩﻐﺎ ﺗﻮﻏﺮﺍ ﻛﻪﻟﮕﻪﻥ ﺑﻮﻟﯘﭖ، ﺗﯩﺒﻪﺕ ﻣﻪﺳﯩﻠﯩﺴﻰ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﺮﻯ ﻳﯩﻐﯩﻨﯩﻨﯩﯔ ﻣﯘﻫﯩﻢ ﻛﯜﻧﺘﻪﺭﺗﯩﭙﻠﯩﺮﯨﻨﯩﯔ ﺑﯩﺮﻯ ﺋﯩﺪﻯ. ﻳﺎﯞﺭﻭﭘﺎ ﻛﻮﻣﯩﺘﯧﺘﯩﻨﯩﯔ ﺗﺎﺷﻘﻰ ﺋﯩﺸﻼﺭ ﻛﻮﻣﯩﺴﺴﺎﺭﻯ ﻓﯧﺮﯦﺮﻭ ﯞﺍﻟﺪﻧﯧﺮ، ﺗﯩﺒﻪﺕ ﯞﻩﺯﯨﻴﯩﺘﯩﺪﯨﻜﻰ ﻣﯘﻗﯩﻤﺴﯩﺰﻟﯩﻘﻨﯩﯔ ﺋﯚﺯﻟﯩﺮﯨﺪﻩ ﺧﺎﺗﯩﺮﺟﻪﻣﺴﯩﺰﻟﯩﻚ ﻳﺎﺭﯨﺘﯩﯟﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﻧﺎﻣﺎﻳﯩﺸﭽﯩﻼﺭﻏﺎ ﻛﯜﭺ ﺋﯩﺸﻠﻪﺗﻤﻪﺳﻠﯩﻜﯩﻨﻰ، ﺋﯚﺯﯨﻨﻰ ﺗﯘﺗﯘﯞﯦﻠﯩﺸﯩﻨﻰ، ﺗﻪﺭﻩﭘﺴﯩﺰ ﻣﻪﺗﺒﯘﺋﺎﺗﻼﺭﻧﯩﯔ ﺗﯩﺒﻪﺗﻜﻪ ﻛﯩﺮﯨﺸﯩﮕﻪ ﺭﯗﺧﺴﻪﺕ ﻗﯩﻠﯩﺸﯩﻨﻰ ﺗﻪﻛﯩﺘﻠﯩﮕﻪﻥ.

" ﺧﯩﺘﺎﻱ ﻧﯧﻤﻪ ﺋﯜﭼﯜﻥ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻏﺎ ﺗﯩﺒﻪﺗﻨﯩﯔ ﺩﻩﺭﯞﺍﺯﯨﺴﯩﻨﻰ ﺋﺎﭼﺎﻟﻤﺎﻳﺪﯗ؟ "

ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﺪﯨﻜﻰ 47 ﺩﯙﻟﻪﺕ ﺋﯩﭽﯩﺪﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺩﻩﭘﺴﻪﻧﺪﻩ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﯩﻨﯩﯟﺍﺗﻘﺎﻥ ﺩﯙﻟﻪﺗﻠﻪﺭ ﺧﯧﻠﻰ ﺳﺎﻟﻤﺎﻗﻨﻰ ﺋﯩﮕﯩﻠﯩﮕﻪﻥ ﺑﻮﻟﯘﭖ، ﻣﻪﺯﻛﯘﺭ ﺋﻮﺭﮔﺎﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺩﻩﭘﺴﻪﻧﺪﻩ ﻗﯩﻠﻐﯘﭼﻰ ﺑﯘ ﺩﯙﻟﻪﺗﻠﻪﺭﻧﯩﯔ ﺋﯚﺯﯨﻨﻰ ﻗﻮﻏﺪﺍﺵ ﻗﻮﺭﺍﻟﻰ ﺑﻮﻟﯘﭖ ﻗﯧﻠﯩﺶ ﺑﯩﻠﻪﻥ ﺋﻪﻳﯩﺒﻠﻪﻧﻤﻪﻛﺘﻪ ﺋﯩﺪﻯ. ﺋﺎﻟﺪﯨﻨﻘﻰ ﻛﯜﻧﻰ ﺋﺎﺳﯩﻴﺎﺩﯨﻜﻰ ﺑﻪﺯﻯ ﺗﻪﺷﻜﯩﻼﺗﻼﺭ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﮕﻪ ﺧﻪﺕ ﻳﯧﺰﯨﭗ، ﺗﯩﺒﻪﺕ ﻣﻪﺳﯩﻠﯩﺴﻰ ﺋﯜﭼﯜﻥ ﻣﻪﺧﺴﯘﺱ ﻣﯘﺯﺍﻛﯩﺮﻩ ﺋﯘﻳﯘﺷﺘﯘﺭﯗﺷﯩﻨﻰ، ﺑﯘ ﻣﻪﺳﯩﻠﯩﻨﻰ ﭘﻪﻟﻪﺳﺘﯩﻦ، ﺩﺍﺭﻓﯘﺭ ﯞﻩ ﺑﯧﺮﻣﺎ ﻣﻪﺳﯩﻠﯩﺴﯩﮕﻪ ﺋﻮﺧﺸﺎﺵ ﻣﯘﺯﺍﻛﯩﺮﯨﮕﻪ ﻗﻮﻳﯘﺷﻨﻰ ﺗﻪﻛﯩﺘﻠﯩﮕﻪﻥ.

ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﻨﯩﯔ ﺋﺎﻟﯩﻲ ﻛﻮﻣﯩﺴﺴﺎﺭﻯ ﻟﯘﺋﯩﺲ ﺋﺎﺭﺑﻮﺭ ﻛﺎﻧﺎﺩﺍ ﻣﻪﺗﺒﯘﺋﺎﺗﻠﯩﺮﯨﻐﺎ ﺑﻪﺭﮔﻪﻥ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ " ﺧﯩﺘﺎﻱ ﺋﺎﯞﻏﯘﺳﺖ ﺋﯧﻴﯩﺪﺍ 30000 ﻧﻪﭘﻪﺭ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻏﺎ ﺩﻩﺭﯞﺍﺯﯨﺴﯩﻨﻰ ﺋﺎﭼﯩﺪﯗ. ﻟﯧﻜﯩﻦ ﭘﯜﺗﯜﻥ ﺩﯗﻧﻴﺎ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﻗﯩﺰﯨﻘﯩﯟﺍﺗﻘﺎﻧﻐﺎ ﺋﻮﺧﺸﺎﺵ ﺗﯩﺒﻪﺗﺘﯩﻜﻰ ﯞﻩﻗﻪﻟﻪﺭﮔﻪ ﻗﯩﺰﯨﻘﯩﯟﺍﺗﻘﺎﻧﺪﺍ ﻧﯧﻤﻪ ﺋﯜﭼﯜﻥ ﺑﯩﺮ - ﺋﯩﻜﻜﻰ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻏﺎ ﺗﯩﺒﻪﺗﻨﯩﯔ ﺩﻩﺭﯞﺍﺯﯨﺴﯩﻨﻰ ﺋﺎﭼﺎﻟﻤﺎﻳﺪﯗ؟ " ﺩﻩﭖ ﻛﯚﺭﺳﻪﺗﺘﻰ. (ﺋﻪﺭﻛﯩﻦ)