ﺗﯩﺒﻪﺗﻠﻪﺭ ﺧﯩﺘﺎﻳﻼﺭﻧﻰ ﻗﻮﻏﻼﭖ ﭼﯩﻘﯩﺮﯨﺶ ﻫﻪﺭﻛﯩﺘﻰ ﺋﯧﻠﯩﭗ ﺑﺎﺭﻏﺎﻥ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﺎﺗﻠﯩﻖ ﯞﻩ ﭘﯩﻴﺎﺩﻩ ﺗﯩﺒﻪﺗﻠﯩﻜﻠﻪﺭ ﻧﺎﻫﯩﻴﻪ ﺑﺎﺯﯨﺮﯨﻐﺎ ﺷﯩﺪﺩﻩﺕ ﺑﯩﻠﻪﻥ ﺑﺎﺳﺘﯘﺭﯗﭖ ﻛﯩﺮﮔﻪﻥ. Youtube ﺩﯨﻦ ﺋﯧﻠﯩﻨﺪﻯ. Source: Youtube

ﺑﯘ ﻧﯚﯞﻩﺕ 10 - ﻣﺎﺭﺕ ﺗﯩﺒﻪﺗﻨﯩﯔ ﻟﺨﺎﺳﺎ ﺷﻪﻫﯩﺮﯨﺪﻩ ﻳﯜﺯ ﺑﻪﺭﮔﻪﻥ ﻧﺎﻣﺎﻳﯩﺶ ﻛﯩﻴﯩﻦ ﻛﻪﯓ ﻛﯚﻟﻪﻣﻠﯩﻚ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻫﻪﺭﯨﻜﯩﺘﯩﮕﻪ ﺋﯚﺯﮔﯩﺮﯨﭗ، ﭼﯩﯖﺨﻪﻱ، ﮔﻪﻧﺴﯘ، ﺳﯩﭽﯜﻩﻥ ﻗﺎﺗﺎﺭﻟﯩﻖ ﺋﯚﻟﻜﻪ ﺭﺍﻳﻮﻧﻼﺭﻧﯩﯔ ﺗﯩﺒﻪﺗﻠﯩﻜﻠﻪﺭ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻧﻼﺭﻏﺎ ﺩﯦﮕﯜﺩﻩﻙ ﺗﺎﺭﺍﻟﻐﺎﻥ ﺋﯩﺪﻯ.

ﮔﻪﺭﭼﻪ ﺑﯘ ﻧﯚﯞﻩﺗﻠﯩﻚ ﺗﯩﺒﻪﺕ ﻧﺎﻣﺎﻳﯩﺸﻨﯩﯔ ﺑﺎﺵ ﺗﯧﻤﯩﺴﻰ "ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻘﻰ"، "ﺗﯩﺒﻪﺕ ﺧﻪﻟﻘﯩﻨﯩﯔ ﺋﻪﺭﻛﯩﻨﻠﯩﻜﻰ" ﻣﻪﯞﻗﻪﺳﯩﻨﻰ ﭼﯚﺭﯨﺪﯨﮕﻪﻥ ﺋﺎﺳﺎﺳﺘﺎ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ، ﺗﯩﺒﻪﺗﻨﯩﯔ ﭼﺎﻣﺪﻭ ﯞﯨﻼﻳﯩﺘﻰ ﻣﺎﯕﻜﺎﻡ ﻧﺎﻫﯩﻴﯩﺴﯩﺪﻩ 18 - ﻣﺎﺭﺕ ﻳﯜﺯ ﺑﻪﺭﮔﻪﻥ ﻧﺎﻣﺎﻳﯩﺶ ﺋﯚﺯﮔﯩﭽﻪ ﺗﯜﺱ ﯞﻩ ﺷﻪﻛﯩﻠﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﯘﭖ، ﺭﺍﺩﯨﺌﻮﻣﯩﺰ ﺑﯜﮔﯜﻥ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﻣﺎﯕﻜﺎﻡ ﻧﺎﻫﯩﻴﯩﺴﯩﺪﯨﻦ ﺟﯜﻣﻠﯩﺪﯨﻦ ﭘﯜﺗﯜﻥ ﺗﯩﺒﻪﺗﺘﯩﻦ ﺧﯩﺘﺎﻳﻼﺭﻧﻰ ﻗﻮﻏﻼﭖ ﭼﯩﻘﯩﺮﯨﺶ ﺑﯘ ﻧﺎﻣﺎﻳﯩﺸﻨﻰ ﺋﯧﻠﯩﭗ ﺑﯧﺮﯨﺸﺘﯩﻜﻰ ﻫﻪﺭﯨﻜﻪﺗﻠﻪﻧﺪﯛﺭﮔﯜﭺ ﻛﯜﭺ ﺑﻮﻟﻐﺎﻥ.

ﻳﻪﺭﻟﯩﻚ ﺑﯩﺮ ﺗﯩﺒﻪﺗﻠﯩﻚ: " ﺧﯩﺘﺎﻳﻼﺭﻧﻰ ﻛﻪﻟﮕﻪﻥ ﻳﯧﺮﯨﮕﻪ ﻫﻪﻳﺪﻩﺵ ﻫﻪﺭﯨﻜﯩﺘﻰ ﺋﯧﻠﯩﭗ ﺑﺎﺭﺩﯗﻕ"

"ﻫﺎﺯﯨﺮ ﻟﺨﺎﺳﺎﺩﺍ ﻛﻪﯓ ﻛﯚﻟﻪﻣﺪﻩ ﺧﯩﺘﺎﻳﻼﺭﻧﻰ ﻛﻪﻟﮕﻪﻥ ﻳﯧﺮﯨﮕﻪ ﻫﻪﻳﺪﻩﺵ ﻫﻪﺭﯨﻜﯩﺘﻰ ﺑﻮﻟﯘﯞﯦﺘﯩﭙﺘﯘ ﺩﻩﭖ ﺋﺎﯕﻼﭖ ﺑﯘ ﻫﻪﺭﯨﻜﻪﺗﻨﻰ ﺑﺎﺷﻠﯩﺪﯗﻕ"

ﻳﻪﺭﻟﯩﻚ ﺑﯩﺮ ﺗﯩﺒﻪﺗﻠﯩﻜﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻻﺭ ﻫﺎﺯﯨﺮ ﭘﯜﺗﯜﻥ ﺗﯩﺒﻪﺕ ﻣﯩﻘﻴﺎﺳﯩﺪﺍ ﺧﯩﺘﺎﻳﻼﺭﻧﻰ ﻗﻮﻏﻼﭖ ﭼﯩﻘﯩﺮﯨﺶ ﻫﻪﺭﯨﻜﯩﺘﻰ ﺑﻮﻟﯘﯞﯦﺘﯩﭙﺘﯘ ﺩﯦﮕﻪﻥ ﺧﻪﯞﻩﺭﻧﻰ ﺋﺎﯕﻠﯩﻐﺎﻧﺪﯨﻦ ﻛﯩﻴﯩﻦ ﺋﯚﺯ ﻧﺎﻫﯩﻴﯩﺴﻰ ﺗﻪﯞﻩﺳﯩﺪﯨﻜﻰ ﺧﯩﺘﺎﻳﻼﺭﻧﻰ ﺳﯜﺭﯛﭖ ﭼﯩﻘﯩﺮﯨﺸﻘﺎ ﺑﺎﺷﻠﯩﻐﺎﻥ ﺑﻮﻟﯘﭖ، ﻧﻪﺗﯩﺠﯩﺪﻩ 6 ﺧﯩﺘﺎﻱ ﺋﯧﻐﯩﺮ ﻳﺎﺭﯨﻼﻧﻐﺎﻥ، ﺋﻪﻣﻤﺎ ﺋﯚﻟﯜﻡ - ﻳﯧﺘﯩﻢ ﺋﯩﺸﻠﯩﺮﻯ ﻛﯚﺭﯛﻟﻤﯩﮕﻪﻥ.

"ﻫﺎﺯﯨﺮ ﻟﺨﺎﺳﺎﺩﺍ ﻛﻪﯓ ﻛﯚﻟﻪﻣﺪﻩ ﺧﯩﺘﺎﻳﻼﺭﻧﻰ ﻛﻪﻟﮕﻪﻥ ﻳﯧﺮﯨﮕﻪ ﻫﻪﻳﺪﻩﺵ ﻫﻪﺭﯨﻜﯩﺘﻰ ﺑﻮﻟﯘﯞﯦﺘﯩﭙﺘﯘ ﺩﻩﭖ ﺋﺎﯕﻼﭖ ﺑﯘ ﻫﻪﺭﯨﻜﻪﺗﻨﻰ ﺑﺎﺷﻠﯩﺪﯗﻕ"

ﻣﻪﺯﻛﯘﺭ ﺗﯩﺒﻪﺗﻨﯩﯔ ﻣﻪﻟﯘﻣﺎﺗﯩﻐﺎ ﺋﺎﺳﺎﺳﻼﻧﻐﺎﻧﺪﺍ، ﻫﺎﺯﯨﺮ ﻣﺎﯕﻜﺎﻡ ﻧﺎﻫﯩﻴﯩﺴﯩﺪﻩ ﺑﺎﺷﻼﻧﻐﺎﻥ "ﺧﯩﺘﺎﻳﻼﺭﻧﻰ ﻗﻮﻏﻼﭖ ﭼﯩﻘﯩﺮﯨﺶ" ﻫﻪﺭﯨﻜﯩﺘﯩﻨﻰ ﺑﯧﺴﯩﻘﺘﯘﺭﯗﺵ ﺋﯜﭼﯜﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺯ ﺑﯩﺮ ﻗﯩﺴﯩﻤﺪﯨﻜﻰ ﺳﺎﻗﭽﯩﻼﺭﺩﯨﻦ ﺑﺎﺷﻘﺎ ﺯﻭﺭ ﺗﯜﺭﻛﯜﻣﺪﻩ ﺋﻪﺳﻜﻪﺭ ﻳﯚﺗﻜﯩﮕﻪﻥ ﺑﻮﻟﯘﭖ ﻫﺎﺯﯨﺮ ﻧﺎﻫﯩﻴﯩﻨﯩﯔ ﻛﯩﺮﯨﺶ ﺋﯧﻐﯩﺰﻟﯩﺮﻯ ﻗﺎﻣﺎﻝ ﻗﯩﻠﯩﻨﻐﺎﻥ.

ﻳﻪﺭﻟﯩﻚ ﺗﯩﺒﻪﺗﻠﯩﻚ:" 5 - 6 ﺧﯩﺘﺎﻱ ﺩﻭﺧﺘﯘﺭﺧﺎﻧﯩﺪﺍ ﻳﯧﺘﯩﭗ ﻗﺎﻟﺪﻯ"

ﺋﺎﺗﻠﯩﻖ ﯞﻩ ﭘﯩﻴﺎﺩﻩ ﺗﯩﺒﻪﺗﻠﯩﻜﻠﻪﺭ ﻧﺎﻫﯩﻴﻪ ﺑﺎﺯﯨﺮﯨﻐﺎ ﺷﯩﺪﺩﻩﺕ ﺑﯩﻠﻪﻥ ﺑﺎﺳﺘﯘﺭﯗﭖ ﻛﯩﺮﮔﻪﻥ. Youtube ﺩﯨﻦ ﺋﯧﻠﯩﻨﺪﻯ. Source: Youtube

ﻫﺎﺯﯨﺮ ﺗﯩﺒﻪﺗﻜﻪ ﺗﯧﻠﯧﻔﻮﻥ ﺋﯘﺭﯗﺵ ﺋﯩﻨﺘﺎﻳﯩﻦ ﻗﯩﻴﯩﻦ ﺑﻮﻟﯘﭖ، ﺑﯩﺮ ﺗﯩﺒﻪﺕ ﻣﯘﺧﺒﯩﺮﻧﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘ ﺋﺎﻣﯧﺮﯨﻜﯩﺪﯨﻦ ﺗﯩﺒﻪﺕ ﺋﯩﭽﯩﺪﯨﻜﻰ ﻳﺎﻧﻔﻮﻥ ﯞﻩ ﺳﯩﻤﻠﯩﻖ ﺗﯧﻠﯧﻔﻮﻧﻼﺭﻧﯩﯔ ﻫﻪﻣﻤﯩﺴﯩﮕﻪ ﺗﯧﻠﯧﻔﻮﻥ ﺋﯘﺭﯗﭖ ﺳﯩﻨﺎﭖ ﺑﺎﻗﻘﺎﻥ ﺑﻮﻟﺴﯩﻤﯘ، ﺋﯘﻻﻧﻤﯩﻐﺎﻥ، ﺋﻪﻣﻤﺎ ﻫﯩﻨﺪﯨﺴﺘﺎﻧﺪﯨﻦ ﺗﯩﺒﻪﺗﻜﻪ ﺗﯧﻠﯧﻔﻮﻥ ﺋﯘﺭﻏﺎﻧﺪﺍ ﭘﻪﻗﻪﺕ ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺟﯩﺪﺩﯨﻲ ﺋﻪﻫﯟﺍﻝ ﻣﻪﻟﯘﻡ ﻗﯩﻠﯩﺶ ﻟﯩﻨﯩﻴﯩﺴﯩﮕﯩﻼ ﺋﯘﻻﻧﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﺳﺎﻗﭽﻰ ﺗﻪﺭﻩﭖ ﺋﺎﺩﻩﻡ ﺗﯘﺗﯘﺵ ﺋﯩﺸﻠﯩﺮﯨﻨﻰ ﺭﻩﺕ ﻗﯩﻠﻐﺎﻥ.

ﻫﺎﻟﺒﯘﻛﻰ ﺭﺍﺩﯨﺌﻮﻣﯩﺰ ﺳﯚﺯﻟﻪﺷﻜﻪﻥ ﻣﻪﺯﻛﯘﺭ ﻳﻪﺭﻟﯩﻚ ﺗﯩﺒﻪﺗﻨﯩﯔ ﺋﯧﻴﺘﯩﺸﯩﭽﻪ، ﻫﺎﺯﯨﺮ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ، ﺳﯟﺍﯓ ﺩﻭﺟﻰ، ﻟﯩﮕﺮﺍﭖ ﻗﺎﺗﺎﺭﻟﯩﻖ 13 ﻧﻪﭘﻪﺭ ﺗﯩﺒﻪﺗﻨﻰ ﻗﻮﻟﻐﺎ ﺋﺎﻟﻐﺎﻥ ﺑﻮﻟﯘﭖ ﺋﯘﻻﺭﻧﯩﯔ ﻫﺎﺯﯨﺮﻗﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﯧﺨﻰ ﺋﯧﻨﯩﻖ ﻣﻪﻟﯘﻣﺎﺕ ﻳﻮﻕ.

ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﻣﺎﯕﻜﺎﻡ ﻧﺎﻫﯩﻴﯩﺴﯩﺪﯨﻦ ﺑﻮﻟﻐﺎﻥ ﻫﯧﻠﯩﻘﻰ ﻳﻪﺭﻟﯩﻚ ﺗﯩﺒﻪﺗﻠﯩﻚ: " 5 - 6 ﺧﯩﺘﺎﻱ ﻫﺎﺯﯨﺮ ﻣﺎﯕﻜﺎﻡ ﻧﺎﻫﯩﻴﯩﻠﯩﻚ ﺩﻭﺧﺘﯘﺭﺧﺎﻧﯩﺪﺍ ﻳﯧﺘﯩﭗ ﻗﺎﻟﺪﻯ. ﺋﻪﻣﻤﺎ 13 ﺗﯩﺒﻪﺗﻠﯩﻜﻨﻰ ﻗﻮﻟﻐﺎ ﺋﯧﻠﯩﭗ ﻣﺎﯕﻜﺎﻡ ﻧﺎﻫﯩﻴﯩﻠﯩﻚ ﺗﯘﺗﯘﭖ ﺗﯘﺭﯗﺵ ﺋﻮﺭﻧﯩﻐﺎ ﺋﯧﻠﯩﭗ ﻛﻪﺗﺘﻰ ﺑﻮﻟﻐﺎﻱ" ﺩﯦﺪﻯ. 10 - ﻣﺎﺭﺕ ﺗﯩﺒﻪﺗﻨﯩﯔ ﻟﺨﺎﺳﺎ ﺷﻪﻫﯩﺮﯨﺪﻩ ﺑﺎﺷﻼﻧﻐﺎﻥ ﻧﺎﻣﺎﻳﯩﺶ ﺑﺎﺭﺍ - ﺑﺎﺭﺍ ﺗﯩﺒﻪﺗﻨﯩﯔ ﺋﯩﭽﻰ ﯞﻩ ﺗﯩﺒﻪﺗﻜﻪ ﻗﻮﺷﻨﺎ ﺭﺍﻳﻮﻧﻼﺭﻏﺎ ﻛﯧﯖﯩﻴﯩﭗ، ﻧﻪﺗﯩﺠﯩﺪﻩ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺑﯩﻠﻪﻥ ﻧﺎﻣﺎﻳﯩﺸﭽﻰ ﺋﺎﻣﻤﺎ ﺋﺎﺭﯨﺴﯩﺪﺍ ﻫﻪﺭ ﺧﯩﻞ ﺷﻪﻛﯩﻠﺪﯨﻜﻰ ﺗﻮﻗﯘﻧﯘﺷﻼﺭ ﻛﯧﻠﯩﭗ ﭼﯩﻘﻘﺎﻥ ﺋﯩﺪﻯ.

ﺗﯩﺒﻪﺗﻠﯩﻜﻠﻪﺭ ﺑﯩﺮ ﻣﻪﻛﺘﻪﭖ ﻗﻮﺭﻭﺳﯩﺪﯨﻜﻰ ﺧﯩﺘﺎﻱ ﺑﺎﻳﺮﯨﻐﯩﻨﯩﯔ ﺋﻮﺭﻧﯩﻐﺎ ﺗﯩﺒﻪﺕ ﺑﺎﻳﺮﯨﻐﯩﻨﻰ ﺗﯩﻜﻠﯩﮕﻪﻥ . Youtube ﺩﯨﻦ ﺋﯧﻠﯩﻨﺪﻯ. Source: Youtube

ﺧﯩﺘﺎﻱ ﺳﺎﻗﭽﯩﻠﯩﺮﻯ4 ﻧﻪﭘﻪﺭ ﺗﯩﺒﻪﺗﻠﯩﻚ ﻧﺎﻣﺎﻳﯩﺸﭽﯩﻨﻰ ﺋﯧﺘﯩﭗ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﺋﯩﻘﺮﺍﺭ ﻗﯩﻠﺪﻯ

ﮔﻪﺭﭼﻪ ﺑﯘ ﺗﻮﻗﯘﻧﯘﺷﻼﺭ ﺟﻪﺭﻳﺎﻧﯩﺪﺍ ﺧﯩﺘﺎﻱ ﻫﻪﺭﺑﯩﻠﯩﺮﯨﻨﯩﯔ ﺋﻮﻕ ﭼﯩﻘﯩﺮﯨﭗ ﺗﯩﺒﻪﺗﻠﯩﻚ ﻧﺎﻣﺎﻳﯩﺸﭽﯩﻼﺭﻧﻰ ﺋﻮﻟﺘﯘﺭﯗﺵ ﯞﻩﻗﻪﻟﯩﺮﯨﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻧﻠﯩﻘﻰ ﺩﻩﻟﯩﻞ ﺋﯩﺴﭙﺎﺗﻼﺭ ﺑﯩﻠﻪﻥ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﻟﯩﺮﯨﻨﯩﯔ ﻧﺎﻣﺎﻳﯩﺸﭽﯩﻼﺭﻏﺎ ﻗﺎﺭﯨﺘﺎ ﻫﻪﺭﮔﯩﺰ ﻣﯘ ﻗﻮﺭﺍﻝ ﺋﯩﺸﻠﻪﺗﻤﯩﮕﻪﻧﻠﯩﻜﯩﻨﻰ ﻗﺎﻳﺘﺎ - ﻗﺎﻳﺘﺎ ﺗﯩﻜﻠﯩﮕﻪﻥ ﺋﯩﺪﻯ.

ﺗﯜﻧﯜﮔﯜﻥ ﺧﯩﺘﺎﻳﻨﯩﯔ ﻫﯚﻛﯜﻣﻪﺕ ﺑﺎﻳﺎﻧﺎﺗﭽﯩﺴﻰ ﭼﯩﯔ ﮔﺎﯕﻤﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯘﻗﯩﺮﯨﻘﻰ ﭘﯩﻜﺮﯨﻨﻰ ﻗﺎﻳﺘﺎ ﺗﻪﻛﯩﺘﻠﯩﮕﻪﻥ ﻫﻪﻣﺪﻩ ﺋﯚﺯﻟﯩﺮﯨﻨﯩﯔ ﻫﻪﺭﻗﺎﻧﺪﺍﻕ ﺋﺎﺩﻩﻡ ﺋﻮﻟﺘﯘﺭﯨﺪﯨﻐﺎﻥ ﻗﻮﺭﺍﻟﻼﺭﻧﻰ ﻧﺎﻣﺎﻳﯩﺶ ﺗﯩﻨﭽﯩﺘﯩﺶ ﻣﻪﻳﺪﺍﻧﯩﻐﺎ ﺋﯧﻠﯩﭗ ﻛﻪﻟﻤﯩﮕﻪﻧﻠﯩﻜﯩﻨﻰ ﻫﻪﻣﺪﻩ ﺋﯩﺸﻠﻪﺗﻤﯩﮕﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺗﯜﻧﯜﮔﯜﻥ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﺳﯩﭽﯜﻩﻥ ﺋﯚﻟﻜﯩﺴﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﻣﺎﻳﯩﺸﻨﻰ ﺗﯩﻨﭽﯩﺘﯩﺶ ﺟﻪﺭﻳﺎﻧﯩﺪﺍ ﺋﯚﺯﯨﻨﻰ ﻗﻮﻏﺪﺍﺵ ﺋﯜﭼﯜﻥ 4 ﻧﻪﭘﻪﺭ ﺗﯩﺒﻪﺗﻠﯩﻚ ﻧﺎﻣﺎﻳﯩﺸﭽﯩﻨﻰ ﺋﯧﺘﯩﭗ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﺋﯩﻘﺮﺍﺭ ﻗﯩﻠﻐﺎﻥ.

ﺋﺎﺗﻠﯩﻖ ﯞﻩ ﭘﯩﻴﺎﺩﻩ ﺗﯩﺒﻪﺗﻠﯩﻜﻠﻪﺭ ﻧﺎﻫﯩﻴﻪ ﺑﺎﺯﯨﺮﯨﻐﺎ ﺷﯩﺪﺩﻩﺕ ﺑﯩﻠﻪﻥ ﺑﺎﺳﺘﯘﺭﯗﭖ ﻛﯩﺮﮔﻪﻥ. Youtube ﺩﯨﻦ ﺋﯧﻠﯩﻨﺪﻯ. Source: Youtube

ﻧﺎﻣﺎﻳﯩﺶ ﺟﻪﺭﻳﺎﻧﯩﺪﺍ ﺧﯩﺘﺎﻱ ﺳﺎﻗﭽﯩﻠﯩﺮﻯ ﻗﻮﻟﯩﺪﺍ ﺋﯚﻟﮕﻪﻥ ﺗﯩﺒﻪﺗﻠﻪﺭ ﺳﺎﻧﯩﻨﯩﯔ 99 ﻧﻪﭘﻪﺭﮔﻪ ﻳﻪﺗﻜﻪﻥ

ﻫﺎﻟﺒﯘﻛﻰ، ﺑﯜﮔﯜﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻖ ﮔﯧﺰﯨﺘﯩﺪﻩ ﺑﺎﺵ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﺗﯩﺒﻪﺗﺘﻪ ﻳﯜﺯ ﺑﻪﺭﮔﻪﻥ ﻧﺎﻣﺎﻳﯩﺸﻨﯩﯔ ﻧﺎﻫﺎﻳﯩﺘﻰ ﺋﺎﺯ ﺑﯩﺮﻯ ﻗﯩﺴﯩﻢ ﻗﺎﻧﯘﻧﺴﯩﺰ ﺋﯘﻧﺴﯘﺭﻻﺭ ﺗﻪﺭﯨﭙﯩﺪﯨﻦ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻧﻠﯩﻘﯩﻨﻰ، ﺋﯘﻻﺭ ﺋﯧﻠﯩﭗ ﺑﺎﺭﻏﺎﻥ ﺯﻭﺭﺍﯞﺍﻧﻠﯩﻖ ﻫﻪﺭﯨﻜﻪﺗﻠﯩﺮﻯ ﺩﺍﯞﺍﻣﯩﺪﺍ 13 ﻧﻪﭘﻪﺭ ﺑﯩﮕﯘﻧﺎﻫ ﺋﺎﺩﻩﻣﻨﯩﯔ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﻪﺯﻯ ﺗﯩﺒﻪﺕ ﻧﺎﻣﺎﻳﯩﺸﭽﯩﻼﺭﻧﯩﯔ ﺧﯩﺘﺎﻱ ﻫﻪﺭﺑﯩﻲ ﻣﻪﺭﮔﻪﻧﻠﯩﺮﯨﻨﯩﯔ ﺋﻮﻗﯩﺪﺍ ﺟﯧﻨﯩﺪﯨﻦ ﺋﺎﻳﺮﯨﻠﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻤﯩﻐﺎﻥ.

ﺋﻪﻣﻤﺎ ﺗﯩﺒﻪﺗﻨﯩﯔ ﺳﯜﺭﮔﯜﻧﺪﯨﻜﻰ ﻫﯚﻛﯜﻣﯩﺘﻰ ﻫﺎﺯﯨﺮﻏﯩﭽﻪ ﻧﺎﻣﺎﻳﯩﺸﻨﻰ ﺑﺎﺳﺘﯘﺭﯗﺵ ﺟﻪﺭﻳﺎﻧﯩﺪﺍ ﺧﯩﺘﺎﻱ ﺳﺎﻗﭽﯩﻠﯩﺮﻯ ﻗﻮﻟﯩﺪﺍ ﺋﯚﻟﮕﻪﻥ ﺗﯩﺒﻪﺗﻠﻪﺭ ﺳﺎﻧﯩﻨﯩﯔ 99 ﻧﻪﭘﻪﺭﮔﻪ ﻳﻪﺗﻜﻪﻧﻠﯩﻜﯩﻨﻰ ﺋﺎﺷﻜﺎﺭﯨﻠﯩﺪﻯ. (ﺟﯜﻣﻪ)