ﺗﯩﺒﻪﺗﺘﯩﻜﻰ ﻧﺎﻣﺎﻳﯩﺶ ﺗﻮﻗﯘﻧﯘﺷﻘﺎ ﺋﺎﻳﻼﻧﺪﻯ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

3 - ﺋﺎﻳﻨﯩﯔ 14 - ﻛﯜﻧﻰ ﻟﺨﺎﺳﺎ ﺷﻪﻫﯩﺮﯨﻨﯩﯔ ﻛﻮﭼﯩﻠﯩﺮﯨﺪﺍ ﻛﻪﯓ ﻛﯚﻟﻪﻣﺪﻩ ﻧﺎﻣﺎﻳﯩﺶ ﯞﻩ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺳﯜﺭﻩﺗﺘﻪ، ﺋﯩﺲ - ﺗﯜﺗﻪﻙ ﺑﺎﺳﻘﺎﻥ ﻛﻮﭼﺎ ﯞﻩ ﺧﯩﺘﺎﻱ ﻫﻪﺭﺑﻰ ﻣﺎﺷﯩﻨﯩﻠﯩﺮﻯ. AFP Photo

ﺗﯩﺒﻪﺗﻨﯩﯔ ﭘﺎﻳﺘﻪﺧﺘﻰ ﻟﺨﺎﺳﺎ ﺷﻪﻫﯩﺮﯨﺪﻩ ﺩﯛﺷﻪﻧﺒﻪ ﻛﯜﻧﯩﺪﯨﻦ ﺑﺎﺷﻼﭖ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﻧﺎﻣﺎﻳﯩﺶ، 5 - ﻛﯜﻧﯩﮕﻪ ﻛﻪﻟﮕﻪﻧﺪﻩ ﺗﻮﻗﯘﻧﯘﺷﻘﺎ ﺋﺎﻳﻼﻧﻐﺎﻥ. ﻏﻪﺯﻩﭘﻠﻪﻧﮕﻪﻥ ﺗﯩﺒﻪﺗﻠﯩﻜﻠﻪﺭ ﺳﺎﻗﭽﻰ ﻣﺎﺷﯩﻨﯩﻠﯩﺮﯨﻐﺎ ﺗﺎﺵ - ﻛﯧﺴﻪﻙ ﺋﺎﺗﻘﺎﻥ، ﺋﻪﺗﺮﺍﭘﺘﯩﻜﻰ ﺩﯗﻛﺎﻧﻐﺎ ﺋﻮﺕ ﻗﻮﻳﻐﺎﻥ. ﺳﺎﻗﭽﻰ ﺗﻪﺭﻩﭖ ﻧﺎﻣﺎﻳﯩﺸﭽﯩﻼﺭﻏﺎ ﻗﺎﺭﯨﺘﯩﭗ ﺋﻮﻕ ﭼﯩﻘﺎﺭﻏﺎﻥ. ﻧﻪﺗﯩﺠﯩﺪﻩ ﺋﯩﻜﻜﻰ ﻧﻪﭘﻪﺭ ﺗﯩﺒﻪﺗﻠﯩﻚ ﺋﯚﻟﮕﻪﻥ ﯞﻩ ﻛﯚﭖ ﺳﺎﻧﺪﺍ ﻛﯩﺸﻰ ﻳﺎﺭﯨﺪﺍﺭ ﺑﻮﻟﻐﺎﻥ.

ﺋﯩﻜﻜﻰ ﻧﻪﭘﻪﺭ ﺭﺍﻫﯩﺒﻨﯩﯔ ﻗﻮﻟﻐﺎ ﺋﯧﻠﯩﻨﯩﺸﻰ، ﯞﻩﻗﻪﻧﯩﯔ ﻗﻮﺯﻏﯩﻠﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ

ﻧﺎﻣﺎﻳﯩﺶ 10 - ﻣﺎﺭﺕ ﻛﯜﻧﻰ، ﻳﻪﻧﻰ ﺗﯩﺒﻪﺕ ﻗﻮﺯﻏﯩﻠﯩﯖﯩﻨﯩﯔ 49 - ﻳﯩﻠﻠﯩﻖ ﺧﺎﺗﯩﺮﻩ ﻛﯜﻧﻰ ﺑﺎﺷﻼﻧﻐﺎﻥ. ﺧﺎﺗﯩﺮﻩ ﻛﯜﻧﯩﺪﯨﻦ ﺑﯩﺮ ﻛﯜﻥ ﺋﺎﯞﺍﻝ ﺋﯩﻜﻜﻰ ﻧﻪﭘﻪﺭ ﺭﺍﻫﯩﺒﻨﯩﯔ ﻗﻮﻟﻐﺎ ﺋﯧﻠﯩﻨﯩﺸﻰ، ﯞﻩﻗﻪﻧﯩﯔ ﻗﻮﺯﻏﯩﻠﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ. ﺩﯛﺷﻪﻧﺒﻪ ﻛﯜﻧﻰ ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ 3 ﺗﻪ ﺋﯩﺒﺎﺩﻩﺗﺨﺎﻧﯩﺪﯨﻦ ﭼﯩﻘﻘﺎﻥ 300 ﺩﯨﻦ ﺋﺎﺭﺗﯘﻕ ﺭﺍﻫﯩﺐ ﯞﻩ ﺭﺍﻫﯩﺒﻪ ﻟﺨﺎﺳﺎ ﺷﻪﻫﻪﺭ ﻣﻪﺭﻛﯩﺰﯨﺪﯨﻜﻰ ﺳﺎﻗﭽﻰ ﭘﻮﻧﻜﯩﺘﯩﻐﺎ ﻗﺎﺭﺍﭖ ﺋﺎﺗﻼﻧﻐﺎﻥ. ﺋﯘﻻﺭﻧﯩﯔ ﺑﯘ ﭘﺎﺋﺎﻟﯩﻴﯩﺘﻰ ﺳﺎﻗﭽﯩﻼﺭﻧﯩﯔ ﺗﻮﺳﻘﯘﻧﻠﯩﻘﯩﻐﺎ ﺋﯘﭼﺮﯨﻐﺎﻥ ﺑﻮﻟﯘﭖ، 60 ﻧﻪﭘﻪﺭﺩﯨﻦ ﺋﺎﺭﺗﯘﻕ ﻧﺎﻣﺎﻳﯩﺸﭽﻰ ﻗﻮﻟﻐﺎ ﺋﯧﻠﯩﻨﻐﺎﻥ. ﺑﯘﻧﯩﯔ ﺑﯩﻠﻪﻥ ﻧﺎﻣﺎﻳﯩﺶ ﺗﯩﺒﻪﺗﻨﯩﯔ ﻟﺨﺎﺳﺎﺩﯨﻦ ﺑﺎﺷﻘﺎ ﺷﻪﻫﻪﺭﻟﯩﺮﯨﮕﯩﻤﯘ ﻛﯧﯖﻪﻳﮕﻪﻥ.

ﭼﯩﯖﺨﻪﻳﺪﻩ ﻳﺎﺷﺎﯞﺍﺗﻘﺎﻥ ﺗﯩﺒﻪﺗﻠﯩﻜﻠﻪﺭﻣﯘ ﺋﺎﻟﺪﯨﻨﻘﻰ ﻛﯜﻧﻰ ﻧﺎﻣﺎﻳﯩﺶ ﺋﯚﺗﻜﯜﺯﮔﻪﻥ ﺑﻮﻟﯘﭖ، ﻧﺎﻣﺎﻳﯩﺸﺘﯩﻦ ﺑﯩﺮ ﻛﯜﻥ ﻛﯧﻴﯩﻦ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﭼﯩﻦ' ﮔﺎﯓ، ﻣﯘﺧﺒﯩﺮﻻﺭﻧﯩﯔ ﺳﻮﺋﺎﻟﯩﻐﺎ ﺟﺎﯞﺍﺏ ﺑﯧﺮﯨﭗ، ﺗﯩﺒﻪﺗﺘﻪ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﺟﻪﻣﺌﯩﻴﻪﺕ ﺗﻪﺭﺗﯩﭙﯩﻨﻰ ﺑﯘﺯﯨﺪﯨﻐﺎﻥ ﻗﺎﻧﯘﻧﻐﺎ ﺧﯩﻼﭖ ﻫﻪﺭﻛﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﺎﻧﻠﯩﻘﻰ ﺋﯜﭼﯜﻥ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﭘﻪﻳﺸﻪﻧﺒﻪ ﻛﯜﻧﻰ ﺋﯘ، ﯞﻩﻗﻪ ﻫﻪﻗﻘﯩﺪﻩ ﻣﯘﺧﺒﯩﺮﻻﺭﻧﯩﯔ ﺳﻮﺋﺎﻟﯩﻐﺎ ﻗﺎﻳﺘﺎ ﺩﯗﭺ ﻛﻪﻟﮕﻪﻥ. ﺋﯘ ﺳﯚﺯﯨﺪﻩ ﺑﯩﺮﻗﺎﻧﭽﻪ ﻛﯜﻧﺪﯨﻦ ﺑﯧﺮﻯ ﺋﺎﺯ ﺳﺎﻧﺪﯨﻜﻰ ﻛﯩﺸﯩﻠﻪﺭﻧﯩﯔ ﺗﻮﭘﯩﻼﯓ ﭘﻪﻳﺪﺍ ﻗﯩﻠﯩﺸﻘﺎ ﺋﯘﺭﯗﻧﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ ﯞﻩ ﯞﻩﻗﻪﻧﯩﯔ ﺑﯧﺴﯩﻘﯩﭗ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺗﯩﺒﻪﺗﺘﯩﻜﻰ ﻫﯚﻛﯜﻣﻪﺕ ﯞﻩ ﻗﻮﺭﺍﻟﻠﯩﻖ ﻗﯩﺴﯩﻤﻐﺎ ﻣﯩﻨﻨﻪﺗﺪﺍﺭﻟﯩﻘﯩﻨﻰ ﺋﯩﭙﺎﺩﯨﻠﯩﮕﻪﻥ.

ﺧﻪﯞﻩﺭﻟﻪﺭ، ﯞﻩﻗﻪﻧﯩﯔ ﺗﯧﺨﻰ ﺑﯧﺴﯩﻘﻤﯩﻐﺎﻧﻠﯩﻘﯩﻨﻰ ﻛﯚﺭﺳﻪﺗﻤﻪﻛﺘﻪ

3 - ﺋﺎﻳﻨﯩﯔ 14 - ﻛﯜﻧﻰ ﻟﺨﺎﺳﺎ ﺷﻪﻫﯩﺮﯨﻨﯩﯔ ﻛﻮﭼﯩﻠﯩﺮﯨﺪﺍ ﻛﻪﯓ ﻛﯚﻟﻪﻣﺪﻩ ﻧﺎﻣﺎﻳﯩﺶ ﯞﻩ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺳﯜﺭﻩﺗﺘﻪ، ﺋﯩﺲ - ﺗﯜﺗﻪﻙ ﺋﯩﭽﯩﺪﻩ ﻛﯚﻳﯜﯞﺍﺗﻘﺎﻥ ﻣﺎﺷﯩﻨﺎ. AFP Photo

ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺟﯜﻣﻪ ﻛﯜﻧﻰ ﻟﺨﺎﺳﺎ ﺷﻪﻫﻪﺭﻟﯩﻚ ﺩﻭﺧﺘﯘﺭﺧﺎﻧﯩﻨﯩﯔ ﺟﯩﺪﺩﯨﻲ ﻗﯘﺗﻘﯘﺯﯗﺵ ﻣﻪﺭﻛﯩﺰﯨﮕﻪ ﺗﯧﻠﯧﻔﻮﻥ ﻗﯩﻠﻐﺎﻧﺪﺍ، ﻣﻪﺭﻛﻪﺯﺩﯨﻜﻰ ﺑﯩﺮ ﻧﻪﭘﻪﺭ ﺧﯩﺰﻣﻪﺗﭽﻰ ﺋﯚﺯﻟﯩﺮﯨﻨﯩﯔ ﻳﺎﺭﯨﺪﺍﺭﻻﺭﻧﻰ ﻗﯘﺗﻘﯘﺯﯗﺵ ﺑﯩﻠﻪﻥ ﻧﺎﻫﺎﻳﯩﺘﻰ ﺋﺎﻟﺪﯨﺮﺍﺵ ﺋﯩﻜﻪﻧﻠﯩﻜﯩﻨﻰ، ﺋﺎﺩﻩﻡ ﺋﯚﻟﮕﻪﻧﻠﯩﻜﯩﻨﻰ ﺋﻪﻣﻤﺎ ﺋﯚﻟﮕﻪﻧﻠﻪﺭﻧﯩﯔ ﺳﺎﻧﯩﻨﻰ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺭﺍﺩﯨﺌﻮﻣﯩﺰﻧﯩﯔ ﺗﯩﺒﻪﺕ ﺑﯚﻟﯜﻣﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺗﯩﺒﻪﺗﻠﯩﻚ، ﺋﺎﺯ ﺩﯦﮕﻪﻧﺪﻩ ﺋﯩﻜﻜﻰ ﻛﯩﺸﯩﻨﯩﯔ ﺋﯚﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﻟﻮﻧﺪﻭﻧﺪﯨﻜﻰ ﺗﯩﺒﻪﺕ ﺗﻪﺷﻜﯩﻼﺗﻰ ﺗﻮﻗﯘﻧﯘﺷﺘﺎ ﺋﯚﻟﮕﯜﭼﯩﻠﻪﺭﺩﯨﻦ ﺑﯩﺮﯨﻨﯩﯔ ﺭﺍﻣﻮﭼﻰ ﺋﯩﺴﯩﻤﻠﯩﻚ 16 ﻳﺎﺷﻠﯩﻖ ﺭﺍﻫﯩﺒﻪ ﺋﯩﻜﻪﻧﻠﯩﮕﯩﻨﻰ ﻣﻪﻟﯘﻡ ﻗﯩﻠﻐﺎﻥ.

ﻧﺎﻣﺎﻳﯩﺸﻨﯩﯔ ﺗﻮﻗﯘﻧﯘﺷﻘﺎ ﺋﺎﻳﻠﯩﻨﯩﺸﻰ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺋﻪﻧﺪﯨﺸﯩﺴﯩﻨﻰ ﻗﻮﺯﻏﯩﺪﻯ

ﺋﺎﻣﯧﺮﯨﻜﯩﻨﯩﯔ ﺑﯧﻴﺠﯩﯖﺪﯨﻜﻰ ﺋﻪﻟﭽﯩﺨﺎﻧﯩﺴﻰ ﺧﯩﺘﺎﻳﻨﻰ ﺳﻮﻏﯘﻗﻘﺎﻥ ﺑﻮﻟﯘﺷﻘﺎ ﯞﻩ ﻗﻮﺭﺍﻝ ﺋﯩﺸﻠﻪﺗﻤﻪﺳﻠﯩﻜﻜﻪ ﭼﺎﻗﯩﺮﻏﺎﻥ. ﺑﯜﮔﯜﻥ ﺋﺎﻕ ﺳﺎﺭﺍﻱ ﺑﺎﻳﺎﻧﺎﺗﭽﯩﺴﻰ ﯞﻩﻗﻪﮔﻪ ﺋﯩﻨﻜﺎﺱ ﻗﺎﻳﺘﯘﺭﺩﻯ. ﺑﯘ ﺋﯩﻨﻜﺎﺱ ﻣﯘﻧﺪﺍﻕ ﺑﺎﻳﺎﻥ ﻗﯩﻠﯩﻨﯩﺪﯗ: " ﺑﯩﺰ ﺧﯩﺘﺎﻳﺪﺍ ﺋﯧﺘﻨﯩﻚ ﻣﯩﻠﻠﻪﺗﻠﻪﺭ ﺋﺎﺭﯨﺴﯩﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻛﯧﻠﯩﺸﻤﻪﺳﻠﯩﻜﻠﻪﺭﺩﯨﻦ ﺋﻪﻧﺪﯨﺸﻪ ﻫﯧﺲ ﻗﯩﻠﯩﯟﺍﺗﯩﻤﯩﺰ. ﭘﺮﯦﺰﯨﺪﯦﻨﺘﯩﻤﯩﺰ ﺑﯧﻴﺠﯩﯖﻨﯩﯔ ﺗﯩﺒﻪﺕ ﺩﺍﻫﯩﻴﺴﻰ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻨﻰ ﺑﯘﺭﯗﻧﻼ ﺋﻪﺳﻜﻪﺭﺗﻜﻪﻥ. ﺑﯘ ﺋﻪﺳﻜﻪﺭﺗﻤﯩﻨﻰ ﻳﻪﻧﻪ ﺗﻪﻛﺮﺍﺭﻻﻳﻤﯩﺰ. ﺧﯩﺘﺎﻱ ﺗﯩﺒﻪﺕ ﻣﻪﺩﻩﻧﯩﻴﯩﺘﯩﻨﻰ ﻫﯚﺭﻣﻪﺕ ﻗﯩﻠﯩﺸﻰ ﻛﯧﺮﻩﻙ."

ﺗﻮﻗﯘﻧﯘﺷﻘﺎ ﺋﯩﻨﻜﺎﺱ ﻗﺎﻳﺘﯘﺭﻏﺎﻥ ﮔﯧﺮﻣﺎﻧﯩﻴﻪ، ﺑﻪﺩﯨﻠﻰ ﻧﯧﻤﻪ ﺑﻮﻟﺴﺎ ﺑﻮﻟﺴﯘﻥ، ﻫﻪﺭ ﺋﯩﻜﻜﻰ ﺗﻪﺭﻩﭘﻨﻰ ﺯﻭﺭﺍﯞﺍﻧﻠﯩﻘﺘﯩﻦ ﺳﺎﻗﻠﯩﻨﯩﺸﻘﺎ ﭼﺎﻗﯩﺮﻏﺎﻥ ﯞﻩ ﻧﺎﻣﺎﻳﯩﺶ ﺋﯚﺗﻜﯜﺯﯛﺷﻨﻰ ﺋﯩﭙﺎﺩﻩ ﯞﻩ ﺳﯚﺯ ﺋﻪﺭﻛﯩﻨﻠﯩﻜﯩﺪﯨﻦ ﺋﯩﺒﺎﺭﻩﺕ ﺋﻪﯓ ﺋﻪﻗﻪﻟﻠﯩﻲ ﻫﻪﻗﻠﻪﺭﻧﯩﯔ ﺑﯩﺮ ﭘﺎﺭﭼﯩﺴﻰ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ. ﯞﻩ ﯞﻩﻗﻪﻧﻰ ﺋﻪﻧﺪﯨﺸﻪ ﺋﯩﭽﯩﺪﻩ ﺋﯩﺰﭼﯩﻞ ﻛﯚﺯﯨﺘﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﻪﻧﮕﯩﻠﯩﻴﻪ، ﺗﯩﺒﻪﺗﻨﯩﯔ ﺋﯩﻨﺴﺎﻧﯩﻲ ﻫﻪﻗﻠﯩﺮﻯ ﯞﻩﺯﯨﻴﯩﺘﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ، ﺗﻪﺭﻩﭘﻠﻪﺭﻧﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﺗﯩﻨﭽﻠﯩﻖ ﺑﯩﻠﻪﻥ ﻫﻪﻝ ﻗﯩﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﺗﻪﺭﻩﭘﻠﻪﺭ ﺋﺎﺭﯨﺴﯩﺪﯨﻦ ﺋﻮﻕ ﺋﺎﯞﺍﺯﻯ ﭼﯩﻘﺴﺎ ﺗﻪﺑﯩﺌﯩﻲ ﻫﺎﻟﺪﺍ ﺟﯩﺪﺩﯨﻴﻠﯩﺸﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﻪﻧﮕﯩﻠﯩﻴﻪ ﺑﺎﻳﺎﻧﺎﺗﭽﯩﺴﻰ ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻐﺎ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ: " ﺑﯩﺰ ﺋﻪﻧﺪﯨﺸﯩﻠﺮﯨﻤﯩﺰﻧﻰ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﯩﮕﻪ ﯞﻩ ﻟﻮﻧﺪﻭﻧﺪﯨﻜﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻐﺎ ﻳﻪﺗﻜﯜﺯﺩﯗﻕ ﯞﻩ ﯞﻩﻗﻪﻧﯩﯔ ﺋﻮﻣﯘﻣﯩﻲ ﺋﻪﻫﯟﺍﻟﯩﺪﯨﻦ ﺩﻭﻛﻼﺕ ﺗﻪﻟﻪﭖ ﻗﯩﻠﺪﯗﻕ."

3 - ﺋﺎﻳﻨﯩﯔ 14 - ﻛﯜﻧﻰ ﻟﺨﺎﺳﺎ ﺷﻪﻫﯩﺮﯨﻨﯩﯔ ﻛﻮﭼﯩﻠﯩﺮﯨﺪﺍ ﻛﻪﯓ ﻛﯚﻟﻪﻣﺪﻩ ﻧﺎﻣﺎﻳﯩﺶ ﯞﻩ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺳﯜﺭﻩﺗﺘﻪ، ﮔﻪﻧﺴﯘ ﺋﯚﻟﻜﯩﺴﯩﺪﯨﻜﻰ ﺗﯩﺒﻪﺗﻠﯩﻜﻠﻪﺭ ﻧﺎﻣﺎﻳﯩﺸﺘﺎ. AFP Photo

ﯞﻩﻗﻪ ﻫﻪﻗﻘﯩﺪﻩ ﺑﺎﻳﺎﻧﺎﺕ ﺑﻪﺭﮔﻪﻥ ﻛﺎﻧﺎﺩﺍ، ﺧﯩﺘﺎﻳﻨﯩﯔ ﺗﯩﺒﻪﺗﻠﯩﻜﻠﻪﺭﻧﯩﯔ ﻧﺎﻣﺎﻳﯩﺶ ﻗﯩﻠﯩﺶ ﺋﻪﺭﻛﯩﻨﻠﯩﻜﯩﻨﻰ ﺗﻮﺳﻤﺎﺳﻠﯩﻘﯩﻨﻰ ﻫﻪﻡ ﺗﯩﺒﻪﺗﺘﯩﻜﻰ ﺋﯩﻨﺴﺎﻧﻰ ﻫﻪﻗﻠﯩﺮﻯ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﺷﻨﻰ ﺗﻪﻟﻪﭖ ﻗﯩﻠﻐﺎﻥ. ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ ﻧﯚﯞﻩﺗﺘﻪ ﺳﺎﻗﭽﻰ ﻗﯩﺴﯩﻤﻠﯩﺮﻯ ﻟﺨﺎﺳﺎ ﺷﻪﻫﻪﺭ ﻣﻪﺭﻛﯩﺰﯨﻨﯩﯔ ﻛﻮﭼﯩﻠﯩﺮﯨﺪﺍ ﻗﺎﺗﻨﺎﺷﻨﻰ ﺗﻮﺧﺘﺎﺗﻘﺎﻥ، ﺳﻮﺩﺍ ﯞﻩ ﺋﯩﺶ - ﺋﻮﺭﯗﻧﻠﯩﺮﻯ ﺗﺎﻗﺎﻟﻐﺎﻥ.

20 ﻳﯩﻞ ﺋﯩﭽﯩﺪﯨﻜﻰ ﭼﻮﯓ ﯞﻩﻗﻪ

ﺑﯘ ﻗﯧﺘﯩﻤﻘﻰ ﺗﻮﻗﯘﻧﯘﺵ ﺗﯩﺒﻪﺗﺘﻪ ﻳﯧﻘﯩﻨﻘﻰ ﻳﯩﮕﯩﺮﻣﻪ ﻳﯩﻞ ﺋﯩﭽﯩﺪﻩ ﻳﯜﺯ ﺑﻪﺭﮔﻪﻥ ﺋﻪﯓ ﭼﻮﯓ ﯞﻩﻗﻪ ﻫﯧﺴﺎﺑﻠﯩﻨﯩﺪﯗ. ﺗﯩﺒﻪﺗﺘﻪ 1989 - ﻳﯩﻠﻰ ﺑﯩﺮ ﻧﯚﯞﻩﺕ ﭼﻮﯓ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻥ. ﺋﯘ ﭼﺎﻏﺪﯨﻜﻰ ﻣﯘﺳﺘﻪﻗﯩﻠﻠﯩﻖ ﺗﻪﻟﯩﭙﻰ ﺑﯩﻠﻪﻥ ﻗﻮﺯﻏﺎﻟﻐﺎﻥ ﻧﺎﻣﺎﻳﯩﺶ، ﺧﯩﺘﺎﻱ ﻗﻮﺭﺍﻟﻠﯩﻖ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﺑﺎﺳﺘﯘﺭﯗﻟﻐﺎﻥ ﺋﯩﺪﻯ.

ﺑﯘ ﻗﯧﺘﯩﻤﻘﻰ ﺗﯩﺒﻪﺕ ﺗﻮﻗﯘﻧﯘﺷﻰ ﯞﻩ ﺧﯩﺘﺎﻱ ﺗﻪﺭﻩﭖ ﺑﯩﺮ ﺋﯘﻳﻐﯘﺭ ﻗﯩﺰﻯ ﭘﻪﻳﺪﺍ ﻗﯩﻠﺪﻯ ﺩﻩﭖ ﺧﻪﯞﻩﺭ ﻗﯩﻠﻐﺎﻥ ﺋﺎﻳﺮﻭﭘﯩﻼﻥ ﭘﺎﺭﺗﻠﯩﺘﯩﺸﻘﺎ ﺋﯘﺭﯗﻧﯘﺵ ﯞﻩﻗﻪﺳﻰ ﺧﯩﺘﺎﻱ ﭘﺎﻳﺘﻪﺧﺘﻰ ﺑﯧﻴﺠﯩﯖﺪﺍ ﺋﯩﻜﻜﻰ ﭼﻮﯓ ﻳﯩﻐﯩﻦ ﺋﯧﭽﯩﻠﯩﯟﺍﺗﻘﺎﻥ ﭘﻪﻳﺘﻜﻪ ﺗﻮﻏﺮﺍ ﻛﻪﻟﺪﻯ. ﻳﯩﻐﯩﻨﺪﺍ ﺩﻭﻛﻼﺕ ﺑﻪﺭﮔﻪﻥ ﯞﯦﻦ ﺟﻴﺎﺑﺎﯞ ﺧﯩﺘﺎﻳﺪﯨﻜﻰ ﺑﺎﺭﻟﯩﻖ ﺧﻪﻟﻘﻨﯩﯔ ﺑﯩﺮﻟﯩﻚ ﯞﻩ ﺋﯩﺘﺘﯩﭙﺎﻗﻠﯩﻖ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﺋﺎﻻﻫﯩﺪﻩ ﺋﻪﺳﻜﻪﺭﺗﻜﻪﻥ ﺋﯩﺪﻯ.

ﺧﯩﺘﺎﻳﺪﯨﻜﻰ ﺋﻮﻟﯩﻤﭙﯩﻚ ﺷﺎﺭﺍﺋﯩﺘﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﻟﯜﺷﻜﻪ ﻣﯘﻧﺎﺳﯩﭗ ﺧﺎﺗﯩﺮﺟﻪﻡ ﯞﻩ ﺗﯩﻨﭻ ﺟﺎﻱ ﺋﯩﻜﻪﻧﻠﯩﮕﯩﻨﻰ ﻛﻮﭖ ﻗﯧﺘﯩﻢ ﺗﻪﻛﺮﺍﺭﻟﯩﻐﺎﻥ ﺋﯩﺪﻯ. ﺷﯘﯕﺎ ﻛﯚﺯﻩﺗﻜﯜﭼﯩﻠﻪﺭ ﻳﯧﻘﯩﻨﻘﻰ ﺋﯩﻜﻜﻰ ﭼﻮﯓ ﯞﻩﻗﻪﻧﻰ ﺧﯩﺘﺎﻱ ﺟﻪﻣﺌﯩﻴﯩﺘﯩﻨﯩﯔ ﻗﺎﺭﺍﯕﻐﯘ ﺗﻪﺭﻩﭘﻠﯩﺮﯨﮕﻪ ﭼﯩﺮﺍﻕ ﻳﯧﻘﯩﭗ ﺑﻪﺭﺩﻯ ﺩﯦﻴﯩﺸﻤﻪﻛﺘﻪ. (ﺷﯚﻫﺮﻩﺕ ﻫﻮﺷﯘﺭ)