ﺗﯜﺭﻛﯩﻴﻪ ﺩ ﻱ ﭖ ﺑﺎﺷﻠﯩﻘﻰ ﭼﯧﺘﯩﻦ ﺋﻮﺯﺍﭼﯩﻘﮕﯚﺯ ﺩ ﯗ ﻕ ﻫﻪﻳﺌﯩﺘﯩﻨﻰ ﻗﻮﺑﯘﻝ ﻗﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﺭﻛﯩﻴﯩﻨﯩﯔ ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﺑﺎﺷﻠﯩﻘﻰ ﭼﯧﺘﯩﻦ ﺋﻮﺯﺍﭼﯩﻘﮕﯚﺯ ﺋﻪﭘﻪﻧﺪﻯ. RFA Photo / Erkin Tarim

ﺗﯜﺭﻛﯩﻴﯩﻨﯩﯔ ﺋﻪﯓ ﻛﻮﻧﺎ ﭘﺎﺭﺗﯩﻴﯩﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﺑﺎﺷﻠﯩﻘﻰ ﭼﯧﺘﯩﻦ ﺋﻮﺯﺍﭼﯩﻘﮕﯚﺯ ﺋﻪﭘﻪﻧﺪﻯ ﭘﺎﺭﺗﯩﻴﻪ ﻣﻪﺭﻛﯩﺰﯨﺪﯨﻜﻰ ﺋﯩﺸﺨﺎﻧﯩﺴﯩﺪﺍ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺳﯧﻴﯩﺖ ﺗﯜﻣﺘﯜﺭﻙ، ﺗﻪﭘﺘﯩﺶ ﻫﻪﻳﺌﯩﺘﻰ ﺋﻪﺯﺍﺳﻰ ﻫﺎﻳﺮﯗﻟﻼﻫ ﺋﻪﻓﻪﻧﺪﯨﮕﯩﻞ ﺋﻪﭘﻪﻧﺪﻯ، ﺩ ﺋﯘ ﻕ ﻳﺎﺷﻼﺭ ﻛﻮﻣﯩﺘﯧﺘﻰ ﺗﯜﺭﻛﯩﻴﻪ ﯞﻩﻛﯩﻠﻰ ﺋﺎﺑﺪﯗﻟﻼﻫ ﺗﯘﺭﺳﯘﻥ ﻗﺎﺗﺎﺭﻟﯩﻖ ﻛﯩﺸﯩﻠﻪﺭﻧﻰ ﻗﻮﺑﯘﻝ ﻗﯩﻠﺪﻯ. 13 - ﻣﺎﺭﺕ ﭼﯜﺷﺘﯩﻦ ﻛﯧﻴﯩﻦ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯘ ﺋﯘﭼﺮﯨﺸﯩﺸﺘﺎ ﺋﺎﻟﺪﻯ ﺑﯩﻠﻪﻥ ﺳﯧﻴﯩﺖ ﺗﯜﻣﺘﯜﺭﻙ ﺳﯚﺯ ﻗﯩﻠﯩﭗ، ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﻗﯘﺭﯗﻟﻐﺎﻥ ﻳﯩﻠﻼﺭﺩﯨﻦ ﺑﯧﺮﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﻛﯚﭼﻤﻪﻧﻠﻪﺭﮔﻪ ﻳﺎﺭﺩﻩﻡ ﻗﻮﻟﯩﻨﻰ ﺋﯘﺯﯨﺘﯩﭗ ﻛﻪﻟﮕﻪﻧﻠﯩﻜﯩﻨﻰ، ﺑﯘﻧﯩﯔ ﺋﯜﭼﯜﻥ ﺋﯘﻳﻐﯘﺭﻻﺭ ﻧﺎﻣﯩﺪﯨﻦ ﭘﺎﺭﺗﯩﻴﻪ ﺭﻩﻫﺒﻪﺭﻟﯩﺮﯨﮕﻪ ﺭﻩﻫﻤﻪﺕ ﺋﯧﻴﺘﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﮕﻪﻧﺪﯨﻦ ﻛﯧﻴﯩﻦ، ﺋﯘﻳﻐﯘﺭﻻﺭﻧﯩﯔ ﻗﯩﺴﻘﯩﭽﻪ ﺗﺎﺭﯨﺨﻰ، ﺑﯜﮔﯜﻧﻜﻰ ﯞﻩﺯﯨﻴﯩﺘﻰ ﯞﻩ ﺋﯘﻳﻐﯘﺭ ﺩﺍﯞﺍﺳﯩﻨﯩﯔ ﭼﻪﺗﺌﻪﻟﺪﯨﻜﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﻪﺭﺩﻯ.

ﻛﯧﻴﯩﻦ ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﺑﺎﺷﻠﯩﻘﻰ ﭼﯧﺘﯩﻦ ﺋﺎﭼﯩﻘﮕﯚﺯ ﺋﻪﭘﻪﻧﺪﻯ ﺳﯚﺯ ﻗﯩﻠﺪﻯ. ﺋﯘ ﭘﺎﺭﺗﯩﻴﯩﺴﯩﻨﯩﯔ 1946-ﻳﯩﻠﻰ 1-ﺋﺎﻳﻨﯩﯔ 7-ﻛﯜﻧﻰ ﻗﯘﺭﯗﻟﻐﺎﻥ ﺩﯦﻤﻮﻛﺮﺍﺗﯩﻴﻪ ﭘﺎﺭﺗﯩﻴﯩﺴﯩﻨﯩﯔ ﺩﺍﯞﺍﻣﻰ ﺋﯩﻜﻪﻧﻠﯩﻜﯩﻨﻰ، 1983-ﻳﯩﻠﻰ ﺳﯘﻻﻳﻤﺎﻥ ﺩﯦﻤﯩﺮﻩﻟﻨﯩﯔ ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﻧﺎﻣﻰ ﺋﺎﺳﺘﯩﺪﺍ ﻗﯘﺭﻏﺎﻧﻠﯩﻘﯩﻨﻰ، ﭘﺎﺭﺗﯩﻴﯩﺴﻰ ﺗﯜﺭﻛﯩﻴﯩﺪﻩ ﻛﯚﭖ ﻗﯧﺘﯩﻢ ﻫﺎﻛﯩﻤﯩﻴﻪﺕ ﺑﯧﺸﯩﻐﺎ ﻛﻪﻟﮕﻪﻥ ﺑﻮﻟﺴﯩﻤﯘ، 2007-ﻳﯩﻠﯩﺪﯨﻜﻰ ﺳﺎﻳﻼﻣﺪﺍ 5% ﺋﺎﯞﺍﺯ ﺋﯧﻠﯩﭗ، ﭘﺎﺭﻻﻣﯧﻨﺘﻘﺎ ﻛﯩﺮﻩﻟﻤﯩﮕﻪﻧﻠﯩﻜﯩﻨﻰ ﺋﯧﻴﺘﺘﻰ.

ﺗﯜﺭﻛﯩﻴﯩﻨﯩﯔ ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﺑﺎﺷﻠﯩﻘﻰ ﭼﯧﺘﯩﻦ ﺋﻮﺯﺍﭼﯩﻘﮕﯚﺯ ﺋﻪﭘﻪﻧﺪﻯ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺳﯧﻴﯩﺖ ﺗﯜﻣﺘﯜﺭﻙ، ﺗﻪﭘﺘﯩﺶ ﻫﻪﻳﺌﯩﺘﻰ ﺋﻪﺯﺍﺳﻰ ﻫﺎﻳﺮﯗﻟﻼﻫ ﺋﻪﻓﻪﻧﺪﯨﮕﯩﻞ ﺋﻪﭘﻪﻧﺪﻯ ﻗﺎﺗﺎﺭﻟﯩﻖ ﻛﯩﺸﯩﻠﻪﺭﻧﻰ ﻗﻮﺑﯘﻝ ﻗﯩﻠﺪﻯ. RFA Photo / Erkin Tarim

ﭼﯧﺘﯩﻦ ﺋﺎﭼﯩﻘﮕﯚﺯ ﺋﻪﭘﻪﻧﺪﻯ ﺳﯚﺯﯨﻨﻰ ﻣﯘﻧﺪﺍﻕ ﺩﺍﯞﺍﻡ ﻗﯩﻠﺪﻯ: " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﭘﺎﺭﺗﯩﻴﯩﻤﯩﺰ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﺪﯨﻐﺎﻥ ﻳﻪﺭﻟﻪﺭﺩﯨﻦ ﺑﯩﺮﯨﺪﯗﺭ. ﭘﺎﺭﺗﯩﻴﯩﻤﯩﺰ ﺗﯜﺭﻙ ﺩﯗﻧﻴﺎﺳﯩﻐﯩﻤﯘ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﺪﯗ. ﻣﻪﻥ ﺑﯩﺮ ﻧﻪﺭﺳﻪ ﺩﯦﻤﻪﻛﭽﯩﻤﻪﻥ ﺑﻪﻟﻜﻰ ﺑﯘ ﮔﯧﭙﯩﻤﻨﻰ ﺋﺎﯕﻠﯩﻐﺎﻥ ﺑﻪﺯﻯ ﻛﯩﺸﯩﻠﻪﺭ ﺑﯩﺌﺎﺭﺍﻡ ﺑﻮﻟﯘﺷﻰ ﻣﯘﻣﻜﯩﻦ. ﻛﯧﻠﻪﭼﻪﻛﺘﻪ ﭘﯜﺗﯜﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﻰ ﺑﯩﺮ ﻳﻪﺭﮔﻪ ﺟﻪﻡ ﻗﯩﻠﯩﭗ، ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﺮﻟﯩﻜﻰ ﻗﯘﺭﯗﺵ ﻣﯘﻣﻜﯩﻨﻤﯘ؟ ﺑﯩﺰ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺑﯘﻧﺪﺍﻕ ﭼﻮﯓ ﻣﻪﺳﯩﻠﯩﻠﯩﺮﯨﮕﻪ ﺑﺎﺵ ﻗﺎﺗﯘﺭﯨﯟﺍﺗﻘﺎﻥ ﺑﯩﺮ ﺳﯩﻴﺎﺳﻰ ﭘﺎﺭﺗﯩﻴﻪ. ﺑﯩﺰ ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﺑﻮﻟﯘﺵ ﺳﯜﭘﯩﺘﯩﻤﯩﺰ ﺑﯩﻠﻪﻥ ﺗﯜﺭﻙ ﺩﯗﻧﻴﺎﺳﯩﻐﺎ، ﺑﻮﻟﯘﭘﻤﯘ ﺋﯧﺰﯨﻠﯩﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﻐﻪ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯩﻤﯩﺰ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺸﻨﯩﯔ ﻳﻮﻟﻠﯩﺮﯨﻨﻰ ﺋﯩﺰﺩﻩﯞﺍﺗﯩﻤﯩﺰ. ﭘﺎﺭﺗﯩﻴﯩﻤﯩﺰﻧﯩﯔ ﻗﯘﺭﻏﯘﭼﯩﺴﻰ ﺳﯘﻻﻳﻤﺎﻥ ﺩﯦﻤﯩﺮﻩﻟﻤﯘ `ﺋﺎﺩﺭﯨﻴﺎﺗﯩﻚ ﺩﯦﯖﯩﺰﯨﺪﯨﻦ ﺳﻪﺩﺩﯨﭽﯩﻨﻐﯩﭽﻪ ﺗﯜﺭﻙ ﺩﯗﻧﻴﺎﺳﻰ` ﺩﯦﮕﻪﻥ ﺋﯩﺪﻯ، ﻧﯘﺭﻏﯘﻥ ﺩﯙﻟﻪﺗﻠﻪﺭ ﺑﯘ ﺳﯚﺯﺩﯨﻦ ﺑﯩﺌﺎﺭﺍﻡ ﺑﻮﻟﺪﻯ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻤﯘ ﺋﻪﻟﯟﻩﺗﺘﻪ ﺑﯘ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺋﯩﭽﯩﺪﻩ."

ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﺑﺎﺷﻠﯩﻘﻰ ﭼﯧﺘﯩﻦ ﺋﺎﭼﯩﻘﮕﯚﺯ ﺋﻪﭘﻪﻧﺪﻯ، 1991-ﻳﯩﻠﻰ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭ ﻳﯧﯖﻰ ﻣﯘﺳﺘﻪﻗﯩﻞ ﺑﻮﻟﻐﺎﻧﺪﺍ ﺗﯜﺭﻙ ﺩﯗﻧﻴﺎﺳﯩﺪﺍ ﺑﯩﺮ ﺗﻪﻧﺘﻪﻧﻪ ﺑﺎﺭﻟﯩﻘﯩﻨﻰ، ﻫﺎﺯﯨﺮ ﺑﯘ ﺗﻪﻧﺘﻪﻧﯩﻨﯩﯔ ﭘﻪﺳﯩﻴﯩﭗ ﻛﻪﺗﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: " ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺗﯜﺭﻙ ﺩﯗﻧﻴﺎﺳﻰ ﺩﯦﮕﻪﻥ ﯞﺍﻗﺘﯩﻤﯩﺰﺩﯨﻜﻰ ﺋﯘ ﺗﻪﻧﺘﻪﻧﻪ ﺗﯜﺭﻛﯩﻴﻪﺩﯨﻼ ﺋﻪﻣﻪﺱ، ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﯨﺪﯨﻤﯘ ﻗﺎﻟﻤﯩﺪﻯ. ﺗﯜﺭﻙ ﺟﯘﻣﻬﯘﺭﯨﻴﻪﺗﻠﯩﺮﯨﮕﻪ ﺑﻮﻟﻐﺎﻥ ﺑﯘ ﻗﯩﺰﯨﻘﯩﺸﯩﻨﻰ ﻫﺎﻳﺎﺟﺎﻧﻨﻰ ﻗﻮﺯﻏﯩﻐﺎﻥ ﻳﻪﻧﻪ ﺑﯩﺰﻧﯩﯔ ﭘﺎﺭﺗﯩﻴﯩﻤﯩﺰﻧﯩﯔ ﺋﯘ ﻣﻪﺯﮔﯩﻠﺪﯨﻜﻰ ﺗﯜﺭﻙ ﺩﯗﻧﻴﺎﺳﻰ ﺳﯩﻴﺎﺳﯩﺘﻰ ﺋﯩﺪﻯ. ﺑﯩﺰﻧﯩﯔ ﭘﺎﺭﺗﯩﻴﻪ ﻗﺎﻳﺘﺎ ﻫﺎﻛﯩﻤﯩﻴﻪﺕ ﺑﯧﺸﯩﻐﺎ ﻛﻪﻟﺴﻪ، ﺗﯜﺭﻛﯩﻴﯩﻨﯩﯔ ﺗﯜﺭﻙ ﺩﯗﻧﻴﺎﺳﯩﻐﺎ، ﺑﻮﻟﯘﭘﻤﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﺪﻩ ﺗﯜﭘﺘﯩﻦ ﺋﯚﺯﮔﯩﺮﯨﺶ ﺑﻮﻟﯩﺪﯗ. ﻫﺎﺯﯨﺮﻗﻰ ﻫﯚﻛﯜﻣﻪﺗﻨﯩﯔ ﺗﯜﺭﻙ ﺩﯗﻧﻴﺎﺳﻰ ﺳﯩﻴﺎﺳﯩﺘﻰ ﺑﻪﻛﻼ ﭘﺎﺳﺴﯩﭗ، ﺋﺎﻟﺪﯨﻤﯩﺰﺩﯨﻜﻰ ﺳﺎﻳﻼﻣﺪﺍ ﺑﯘ ﻫﯚﻛﯜﻣﻪﺗﻨﻰ ﺧﻪﻟﻘﯩﻤﯩﺰ ﻫﺎﻛﯩﻤﯩﻴﻪﺕ ﺑﯧﺸﯩﺪﯨﻦ ﺋﺎﻏﺪﯗﺭﯗﭖ ﺗﺎﺷﻼﻳﺪﯗ."

ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﺑﺎﺷﻠﯩﻘﻰ ﭼﯧﺘﯩﻦ ﺋﻮﺯﺍﭼﯩﻘﮕﯚﺯ ﺋﻪﭘﻪﻧﺪﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺗﯜﺭﻛﯩﻴﯩﮕﻪ ﻛﯧﻠﯩﺶ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﺑﯩﺮ ﺋﺎﻳﺎﻝ ﯞﻩ ﻗﯧﺮﯨﻨﺪﯨﺸﯩﻤﯩﺰ ﺑﻮﻟﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﭼﻪﺗﻜﻪ ﻗﯧﻘﯩﻠﯩﺸﯩﻐﺎ ﻛﯚﯕﻠﯩﻤﯩﺰ ﺭﺍﺯﻯ ﺑﻮﻟﻤﺎﻳﺪﯗ. ﺋﻪﻣﻤﺎ ﻣﺎﯕﺎ ﺭﺍﺑﯩﻴﻪ ﻗﺎﺩﯨﺮﺧﺎﻧﯩﻤﻨﯩﯔ ﺗﻪﺭﺟﯩﻤﯩﻬﺎﻟﯩﻨﻰ ﺑﻪﺭﺳﻪﯕﻼ، ﺑﯘ ﻫﻪﻗﺘﻪ ﻛﯚﭘﺮﻩﻙ ﻣﻪﻟﯘﻣﺎﺕ ﺑﻪﺭﺳﻪﯕﻼﺭ، ﺑﯘﻧﻰ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﮔﺎﻧﻼﺭﻏﺎ ﻳﻪﺗﻜﯜﺯﯛﺵ ﺋﺎﺭﻗﯩﻠﯩﻖ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺗﯜﺭﻛﯩﻴﯩﮕﻪ ﻛﯧﻠﯩﺸﯩﮕﻪ ﻳﺎﺭﺩﻩﻡ ﻗﯩﻠﯩﻤﯩﺰ. ﻗﺎﻥ ﻗﯧﺮﯨﻨﺪﯨﺸﯩﻤﯩﺰ ﺑﻮﻟﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻐﺎ ﺗﯜﺭﻛﯩﻴﯩﻨﯩﯔ ﯞﯨﺰﺍ ﺑﻪﺭﻣﯩﮕﻪﻧﻠﯩﻜﻰ ﺑﯩﺰﻧﻰ ﺋﻪﭘﺴﯘﺳﻼﻧﺪﯗﺭﺩﻯ."

ﺗﻮﻏﺮﺍ ﻳﻮﻝ ﭘﺎﺭﺗﯩﻴﯩﺴﻰ ﺑﺎﺷﻠﯩﻘﻰ ﭼﯧﺘﯩﻦ ﺋﻮﺯﺍﭼﯩﻘﮕﯚﺯ ﺋﻪﭘﻪﻧﺪﻯ ﺳﯚﻫﺒﯩﺘﯩﻤﯩﺰﻧﯩﯔ ﺋﺎﺧﯩﺮﯨﺪﺍ ﭘﯜﺗﯜﻥ ﺩﯗﻧﻴﺎﺩﯨﻜﻰ ﺋﯘﻳﻐﯘﺭﻻﺭﻏﺎ ﺳﺎﻻﻡ ﻳﻮﻟﻼﭖ ﺷﯘﻧﺪﺍﻕ ﺩﯦﺪﻯ: " ﺋﯘﻳﻐﯘﺭ ﺗﯜﺭﻛﻠﯩﺮﯨﻨﻰ ﺑﺎﺷﻘﺎ ﺗﯜﺭﻛﻠﻪﺭﺩﯨﻦ ﺋﺎﻳﺮﯨﭗ ﻗﺎﺭﺍﺵ ﻣﯘﻣﻜﯩﻦ ﺋﻪﻣﻪﺱ. ﺗﯜﺭﻛﯩﻴﻪ ﺑﻪﺯﻯ ﺟﻪﻫﻪﺗﻠﻪﺭﺩﯨﻦ ﺗﻪﺭﻩﻗﻘﻰ ﻗﯩﻠﻐﺎﻥ ﺑﻪﺯﻯ ﺟﻪﻫﻪﺗﻠﻪﺭﺩﯨﻦ ﺑﻮﻟﺴﺎ ﺗﻪﺭﻩﻗﻘﯩﻲ ﻗﯩﻠﯩﯟﺍﺗﻘﺎﻥ ﺑﯩﺮ ﺩﯙﻟﻪﺕ. ﺗﯜﺭﻛﯩﻴﯩﺪﯨﻜﻰ ﺳﯩﻴﺎﺳﻰ ﻣﯘﻗﯩﻤﺴﯩﺰﻟﯩﻘﻼﺭ ﺗﯜﺭﻛﯩﻴﯩﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺗﻮﺳﯘﭖ ﻗﺎﻟﻐﺎﻥ ﺋﯩﺪﻯ. ﺑﯘ ﺳﯩﻴﺎﺳﯩﻲ ﻗﺎﻻﻳﻤﯩﻘﺎﻧﭽﯩﻠﯩﻘﻼﺭ ﺑﻮﻟﻤﯩﻐﺎﻥ ﺑﻮﻟﺴﺎ، ﻳﺎﯞﺭﯗﭘﺎ ﺑﯩﺮﻟﯩﻜﯩﮕﻪ ﺋﺎﻟﻼ ﺑﯘﺭﯗﻥ ﺋﻪﺯﺍ ﺑﻮﻟﻐﺎﻥ، ﺗﻪﺭﻩﻗﻘﻰ ﻗﯩﻠﻐﺎﻥ ﺑﯩﺮ ﺩﯙﻟﻪﺕ ﺑﻮﻟﯘﺵ ﺳﯜﭘﯩﺘﯩﻤﯩﺰ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﻨﯩﯔ ﺩﻩﯞﺍﺳﯩﻐﺎ ﺗﯧﺨﯩﻤﯘ ﻛﯚﭖ ﻳﺎﺭﺩﻩﻡ ﻗﯩﻠﻐﺎﻥ ﺑﻮﻻﺗﺘﯘﻕ. ﺧﯘﺩﺍﻳﯩﻢ ﺑﯘﻳﺮﯗﺳﺎ ﺗﯜﺭﻛﯩﻴﻪ ﻛﯜﭼﻠﻪﻧﮕﻪﻧﺴﯧﺮﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﺗﯧﺨﯩﻤﯘ ﻛﯚﭖ ﻛﯚﯕﯜﻝ ﺑﯚﻟﯩﺪﯗ." (ﺋﻪﺭﻛﯩﻦ ﺗﺎﺭﯨﻢ)