ﺋﯚﻛﺘﯩﭽﻰ ﭘﺎﺭﺗﯩﻴﻪ ﻣﯘﺋﺎﯞﯨﻦ ﻣﻪﺳﺌﯘﻟﻰ ﺩ ﺋﯘ ﻕ ﻫﻪﻳﺌﯩﺘﯩﻨﻰ ﻗﻮﺑﯘﻝ ﻗﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﻮﻛﺘﺎﻱ ﺋﯘﺭﺍﻝ ﺋﻪﭘﻪﻧﺪﻯ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺗﻪﭘﺘﯩﺶ ﻫﻪﻳﺌﯩﺘﻰ ﺋﻪﺯﺍﺳﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺩﻩﻧﯩﻴﻪﺕ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ ﺋﻪﻧﻘﻪﺭﻩ ﺷﯚﺑﯩﺴﻰ ﺑﺎﺷﻠﯩﻘﻰ ﺧﻪﻳﺮﯗﻟﻼﻫ ﺋﻪﻓﻪﻧﺪﯨﮕﯩﻞ ﺋﻪﭘﻪﻧﺪﻯ، ﺩ ﺋﯘ ﻕ ﻳﺎﺷﻼﺭ ﻛﻮﻣﯩﺘﯧﺘﻰ ﺗﯜﺭﻛﯩﻴﻪ ﯞﻩﻛﯩﻠﻰ ﺋﺎﺑﺪﯗﻟﻼﻫ ﺗﯘﺭﺳﯘﻥ ﺑﺎﺷﭽﯩﻠﯩﻘﯩﺪﯨﻜﻰ ﻫﻪﻳﺌﻪﺗﻠﻪﺭﻧﻰ ﭘﺎﺭﻻﻣﯧﻨﺖ ﺑﯩﻨﺎﺳﯩﺪﯨﻜﻰ ﺋﯩﺸﺨﺎﻧﯩﺴﯩﺪﺍ ﻗﻮﺑﯘﻝ ﻗﯩﻠﯩﭗ، ﺋﯘﻻﺭﻧﯩﯔ ﺩﻩﺭﺩﯨﻨﻰ ﺋﺎﯕﻠﯩﺪﻯ. RFA Photo / Erkin Tarim

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺗﻪﭘﺘﯩﺶ ﻫﻪﻳﺌﯩﺘﻰ ﺋﻪﺯﺍﺳﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺩﻩﻧﯩﻴﻪﺕ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ ﺋﻪﻧﻘﻪﺭﻩ ﺷﯚﺑﯩﺴﻰ ﺑﺎﺷﻠﯩﻘﻰ ﺧﻪﻳﺮﯗﻟﻼﻫ ﺋﻪﻓﻪﻧﺪﯨﮕﯩﻞ ﺋﻪﭘﻪﻧﺪﻯ، ﺩ ﺋﯘ ﻕ ﻳﺎﺷﻼﺭ ﻛﻮﻣﯩﺘﯧﺘﻰ ﺗﯜﺭﻛﯩﻴﻪ ﯞﻩﻛﯩﻠﻰ ﺋﺎﺑﺪﯗﻟﻼﻫ ﺗﯘﺭﺳﯘﻥ ﺑﺎﺷﭽﯩﻠﯩﻘﯩﺪﯨﻜﻰ ﻫﻪﻳﺌﻪﺕ 1-ﺋﺎﻳﻨﯩﯔ 24-ﻛﯜﻧﻰ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﺪﺍ ﻣﯩﻠﻠﻪﺗﭽﻰ ﻫﻪﺭﯨﻜﻪﺕ ﭘﺎﺭﺗﯩﻴﯩﺴﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ، ﺳﺎﺑﯩﻖ ﻗﺎﺗﻨﺎﺵ ﻣﯩﻨﯩﺴﺘﯩﺮﻯ ﺋﻮﻛﺘﺎﻱ ﺋﯘﺭﺍﻝ ﺋﻪﭘﻪﻧﺪﻯ ﺑﯩﻠﻪﻥ ﻛﯚﺭﯛﺷﺘﻰ. ﺋﻮﻛﺘﺎﻱ ﺋﯘﺭﺍﻝ ﺋﻪﭘﻪﻧﺪﻯ ﺋﯘﻻﺭﻧﻰ ﭘﺎﺭﻻﻣﯧﻨﺖ ﺑﯩﻨﺎﺳﯩﺪﯨﻜﻰ ﺋﯩﺸﺨﺎﻧﯩﺴﯩﺪﺍ ﻗﻮﺑﯘﻝ ﻗﯩﻠﯩﭗ، ﺋﯘﻻﺭﻧﯩﯔ ﺩﻩﺭﺩﯨﻨﻰ ﺋﺎﯕﻠﯩﺪﻯ. ﺧﻪﻳﺮﯗﻟﻼﻫ ﺋﻪﻓﻪﻧﺪﯨﮕﯩﻞ ﺋﻪﭘﻪﻧﺪﻯ ﺋﺎﻟﺪﻯ ﺑﯩﻠﻪﻥ ﺳﯚﺯ ﻗﯩﻠﯩﭗ، ﺋﯘﻳﻐﯘﺭﻻﺭﻧﯩﯔ ﺑﯜﮔﯜﻧﻜﻰ ﯞﻩﺯﯨﻴﯩﺘﻰ ﯞﻩ ﭼﻪﺗﺌﻪﻟﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﺍﯞﺍﺳﯩﻨﯩﯔ ﺑﯜﮔﯜﻧﻜﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﻪﺭﺩﻯ.

ﻛﯧﻴﯩﻦ ﭘﺎﺭﻻﻣﯧﻨﺖ ﺋﻪﺯﺍﺳﻰ ﺋﻮﻛﺘﺎﻱ ﺋﯘﺭﺍﻝ ﺋﻪﭘﻪﻧﺪﻯ ﺳﯚﺯ ﺋﯧﻠﯩﭗ ﺗﯜﺭﻛﻠﻪﺭﻧﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﻰ ﺑﯩﻠﻪﻥ ﺑﯩﺮ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﻨﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﮔﻪﺭﭼﻪ ﺗﯜﺭﻙ ﻫﯚﻛﯜﻣﯩﺘﯩﻨﯩﯔ ﻛﯜﻥ ﺗﻪﺭﺗﯩﭙﯩﮕﻪ ﻛﻪﻟﻤﯩﮕﻪﻥ ﺑﻮﻟﺴﯩﻤﯘ، ﺗﯜﺭﻙ ﺧﻪﻟﻘﯩﻨﯩﯔ ﻗﻪﻟﺒﯩﺪﻩ ﻫﻪﺭ ﺩﺍﺋﯩﻢ ﻣﻪﯞﺟﯘﺕ ﺋﯩﻜﻪﻧﻠﯩﻜﯩﻨﻰ ﺩﻩﭖ ﺋﯚﺗﺘﻰ. ﺋﯘ ﺳﯚﺯﯨﺪﻩ ﻳﻪﻧﻪ ﺋﯚﺯﯨﻨﯩﯔ 2001-ﻳﯩﻠﻰ ﻗﺎﺗﻨﺎﺵ ﻣﯩﻨﯩﺴﺘﯩﺮﻯ ﺳﯜﭘﯩﺘﻰ ﺑﯩﻠﻪﻥ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺋﯧﻠﯩﭗ ﺑﺎﺭﻏﺎﻥ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﯨﻜﻰ ﺗﻪﺳﯩﺮﺍﺗﯩﻨﯩﻤﯘ ﺳﯚﺯﻟﻪﭖ ﺋﯚﺗﺘﻰ.

ﺋﻮﻛﺘﺎﻱ ﺋﯘﺭﺍﻝ ﺋﻪﭘﻪﻧﺪﻯ ﻳﺎﯞﺭﯗﭘﺎ ﯞﻩ ﺋﺎﻣﯧﺮﯨﻜﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﻫﻪﻗﻘﯩﺪﯨﻜﻰ ﻫﺎﺩﯨﺴﯩﻠﻪﺭﻧﻰ ﻳﯧﻘﯩﻨﺪﯨﻦ ﺗﻪﻗﯩﭗ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ، ﮔﻪﺭﭼﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺗﯜﺭﻙ ﻫﯚﻛﯜﻣﯩﺘﯩﻨﯩﯔ ﻛﯜﻥ ﺗﻪﺭﺗﯩﭙﯩﮕﻪ ﻛﻪﻟﻤﯩﮕﻪﻥ ﺑﻮﻟﺴﯩﻤﯘ، 70 ﻣﯩﻠﻴﻮﻥ ﺗﯜﺭﻙ ﺧﻪﻟﻘﯩﻨﯩﯔ ﻛﯚﯕﻠﯩﺪﻩ ﺋﺎﻻﻫﯩﺪﻩ ﺋﻮﺭﻧﻰ ﺑﺎﺭﻟﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: " ﺑﯩﺰ ﻳﺎﯞﺭﯗﭘﺎ ﭘﺎﺭﻻﻣﯧﻨﺘﻰ ﯞﻩ ﺋﺎﻣﯧﺮﯨﻜﺎ ﻛﻮﻧﮕﯩﺮﯨﺴﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺗﻮﻏﺮﯨﺴﯩﺪﺍ ﺑﻮﻟﯘﯞﺍﺗﻘﺎﻧﻼﺭﻧﻰ ﻳﯧﻘﯩﻨﺪﯨﻦ ﺗﻪﻗﯩﭗ ﻗﯩﻠﯩﯟﺍﺗﯩﻤﯩﺰ. ﺗﯜﺭﻛﯩﻴﻪ ﻫﻪﺭ ﺩﺍﺋﯩﻢ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﻗﻮﻟﻼﭖ ﻛﻪﻟﺪﻯ. ﺑﯩﺰ ﻣﯩﻠﻠﻪﺗﭽﻰ ﻫﻪﺭﯨﻜﻪﺕ ﭘﺎﺭﺗﯩﻴﯩﺴﻰ ﻫﺎﻛﯩﻤﯩﻴﻪﺕ ﺑﯧﺸﯩﻐﺎ ﻛﻪﻟﮕﻪﻥ ﯞﺍﻗﺘﯩﻤﯩﺰﺩﺍ ﭘﺎﺭﺗﯩﻴﯩﻤﯩﺰﻧﯩﯔ ﺑﺎﺷﻠﯩﻘﻰ، ﺳﺎﺑﯩﻖ ﻣﯘﺋﺎﯞﯨﻦ ﺑﺎﺵ ﻣﯩﻨﯩﺴﺘﯩﺮ ﺩﯙﻟﻪﺕ ﺑﺎﻏﭽﻪﻟﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﺋﯩﺪﻯ. ﻣﻪﻧﻤﯘ ﻗﺎﺗﻨﺎﺵ ﻣﯩﻨﯩﺴﺘﯩﺮﻯ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺑﯧﺮﯨﺶ ﭘﯘﺭﺳﯩﺘﯩﮕﻪ ﺋﯩﮕﻪ ﺑﻮﻟﻐﺎﻥ ﺋﯩﺪﯨﻢ. ﺑﯩﺰ ﺋﻮﻣﯘﻣﻪﻥ ﻗﯩﻠﯩﭗ ﺋﯧﻴﺘﻘﺎﻧﺪﺍ ﺩﺍﯞﺍﻣﻠﯩﻖ ﻫﺎﻟﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﻗﻮﻟﻼﭖ ‏- ﻗﯘﯞﯞﻩﺗﻠﻪﭖ ﻛﻪﻟﺪﯗﻕ. ﻣﻪﻧﭽﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﭼﻮﯓ ﺩﯙﻟﻪﺗﻠﻪﺭﻧﯩﯔ ﺩﯨﻘﻘﻪﺕ ‏- ﺋﯩﺘﯩﺒﺎﺭﯨﻨﻰ ﻗﻮﺯﻏﺎﯞﺍﺗﻘﺎﻧﻠﯩﻘﻰ ﻧﺎﻫﺎﻳﯩﺘﻰ ﻣﯘﻫﯩﻢ ﺑﯩﺮ ﺋﯩﺶ. ﺑﻮﻟﯘﭘﻤﯘ ﺩﯦﻤﻮﻛﺮﺍﺗﯩﻚ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺷﻜﻪ ﺑﺎﺷﻠﯩﺸﻰ ﺋﯩﻨﺘﺎﻳﯩﻦ ﻣﯘﻫﯩﻢ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺩﺍﯞﺍﻣﻠﯩﻖ ﻫﺎﻟﺪﺍ ﺑﯩﺰﻧﯩﯔ ﻛﯜﻥ ﺗﻪﺭﺗﯩﭙﯩﻤﯩﺰﺩﻩ، ﺑﯩﺰ ﻫﻪﺭ ﺩﺍﺋﯩﻢ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺩﯦﻤﻮﻛﺮﺍﺗﯩﻴﯩﻠﯩﺸﯩﺸﯩﻨﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﻨﯩﯔ ﻫﻪﻕ ﯞﻩ ﻫﻮﻗﯘﻗﻠﯩﺮﯨﻐﺎ ﺋﯩﮕﻪ ﺑﻮﻟﯘﺷﯩﻨﻰ ﺗﻪﻟﻪﭖ ﻗﯩﻠﯩﭗ ﻛﯧﻠﯩﯟﺍﺗﯩﻤﯩﺰ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﭘﺎﺭﺗﯩﻴﯩﻤﯩﺰﻧﯩﯔ ﯞﻩ 70 ﻣﯩﻠﻴﻮﻥ ﺗﯜﺭﻙ ﺧﻪﻟﻘﯩﻨﯩﯔ ﺋﻪﯓ ﻣﯘﻫﯩﻢ ﻣﻪﺳﯩﻠﯩﻠﯩﺮﯨﺪﯨﻦ ﺑﯩﺮﯨﺪﯗﺭ. ﺑﯩﺰﻧﯩﯔ ﯞﻩﺯﯨﭙﯩﻤﯩﺰ ﺗﯜﺭﻙ ﺧﻪﻟﻘﯩﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺷﻜﻪ ﺋﯜﻧﺪﻩﺷﺘﯩﻦ ﺋﯩﺒﺎﺭﻩﺕ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﺗﯜﺭﻙ ﻣﯩﻠﻠﯩﺘﯩﻨﯩﯔ ﻛﯚﯕﻠﯩﺪﻩ ﺋﺎﻻﻫﯩﺪﻩ ﻳﯧﺮﻯ ﺑﺎﺭ ﺑﻮﻟﺴﯩﻤﯘ، ﺗﯜﺭﻙ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﻛﯜﻥ ﺗﻪﺭﺗﯩﭙﯩﮕﻪ ﻛﻪﻟﻤﻪﻳﯟﺍﺗﯩﺪﯗ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﻧﺎﻫﺎﻳﯩﺘﻰ ﻧﺎﺯﯗﻙ ﺑﯩﺮ ﻣﻪﺳﯩﻠﻪ، ﺷﯘﯕﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﻐﯩﻤﯘ ﺯﯨﻴﺎﻥ ﻳﻪﺗﻤﻪﻳﺪﯨﻐﺎﻥ ﺑﯩﺮ ﯞﻩﺯﯨﻴﻪﺗﺘﻪ ﺑﯘ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺸﻘﺎ ﺗﯩﺮﯨﺸﯩﺸﯩﻤﯩﺰ ﻛﯧﺮﻩﻙ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﮔﻪﺭﭼﻪ ﺗﯜﺭﻛﯩﻴﯩﻨﯩﯔ ﻛﯜﻥ ﺗﻪﺭﺗﯩﭙﯩﮕﻪ ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﻛﻪﻟﻤﻪﻳﯟﺍﺗﻘﺎﻥ ﺑﻮﻟﺴﯩﻤﯘ، ﺗﯜﺭﻙ ﺧﻪﻟﻘﯩﻨﯩﯔ ﻛﯚﯕﻠﯩﺪﻩ ﺋﺎﻻﻫﯩﺪﻩ ﺋﻮﺭﻧﻰ ﺑﺎﺭ."

ﺋﻮﻛﺘﺎﻱ ﺋﯘﺭﺍﻝ ﺋﻪﭘﻪﻧﺪﻯ ﺋﯚﺯﯨﻨﯩﯖﻤﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺑﺎﺭﻏﺎﻧﻠﯩﻘﯩﻨﻰ، ﺋﯘ ﻳﻪﺭﺩﯨﻜﻰ ﺧﻪﻟﻘﻨﯩﯔ ﻫﻪﻕ ﯞﻩ ﻫﻮﻗﯘﻗﻠﯩﺮﯨﺪﯨﻦ ﻣﻪﻫﺮﯗﻡ ﺋﯩﻜﻪﻧﻠﯩﻜﯩﻨﻰ، ﻛﯧﻠﻪﭼﻪﻛﺘﻪ ﺋﯘﻳﻐﯘﺭﻻﺭﻧﯩﯖﻤﯘ ﺋﯚﺯ ﺑﺎﻳﻠﯩﻘﻠﯩﺮﯨﺪﯨﻦ ﺋﯚﺯﻯ ﭘﺎﻳﺪﯨﻠﯩﻨﺎﻻﻳﺪﯨﻐﺎﻥ ﻛﯜﭼﻜﻪ ﺋﯩﮕﻪ ﺑﻮﻻﻻﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﻣﻪﻧﻤﯘ ﺑﯧﺮﯨﭗ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﻛﯚﺭﺩﯛﻡ، ﻣﻪﻥ ﺷﯘﻧﯩﯖﻐﺎ ﺋﯩﺸﯩﻨﯩﻤﻪﻧﻜﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯚﺯ ﻫﻪﻕ ‏- ﻫﻮﻗﯘﻗﯩﻐﺎ ﺋﯩﮕﻪ، ﺋﯚﺯ ﺑﺎﻳﻠﯩﻘﻠﯩﺮﯨﺪﯨﻦ ﺋﯚﺯﻯ ﭘﺎﻳﺪﯨﻠﯩﻨﺎﻻﻳﺪﯨﻐﺎﻥ، ﻣﺎﺋﺎﺭﯨﭗ ﺳﻪﯞﯨﻴﯩﺴﻰ ﻳﯘﻗﯩﺮﻯ ﺑﯩﺮ ﺭﺍﻳﻮﻧﻐﺎ ﺋﺎﻳﻠﯩﻨﺎﻻﻳﺪﯗ. ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺑﺎﺭﻏﺎﻥ ﯞﺍﻗﺘﯩﻤﯩﺰﺩﺍ ﺋﯘ ﻳﻪﺭﺩﯨﻜﻰ ﺭﻩﻫﺒﻪﺭﻟﻪﺭﮔﻪ ﺗﯜﺭﻙ ﻛﺎﺭﺧﺎﻧﯩﭽﯩﻠﯩﺮﯨﻨﯩﯔ ﺑﯘ ﺭﺍﻳﻮﻧﻐﺎ ﻣﻪﺑﻠﻪﻍ ﺳﯧﻠﯩﺸﻰ ﻛﯧﺮﻩﻛﻠﯩﻜﯩﻨﻰ، ﺗﯜﺭﻛﯩﻴﯩﻨﯩﯔ ﺑﯘ ﺭﺍﻳﻮﻥ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻨﻰ ﻛﯜﭼﻪﻳﺘﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ ﺋﯩﺪﯗﻕ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻠﯩﺮﯨﻐﺎ ﺋﯩﮕﻪ ﺑﯩﺮ ﺭﺍﻳﻮﻥ، ﻫﺎﺯﯨﺮ ﭘﯜﺗﯜﻥ ﺩﯗﻧﻴﺎ ﺩﯙﻟﻪﺗﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﺎﻗﺘﺎ. ﻛﯧﻠﻪﭼﻪﻛﺘﻪ ﺗﯜﺭﻛﯩﻴﻪ ﺋﯩﻘﺘﯩﺴﺎﺩﯨﻨﯩﯔ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﺋﻪﮔﯩﺸﯩﭗ، ﺩﯗﻧﻴﺎ ﺳﯩﻴﺎﺳﯩﺘﯩﮕﻪ ﺗﻪﺳﯩﺮ ﻛﯚﺭﺳﯩﺘﻪﻟﻪﻳﺪﯨﻐﺎﻥ ﺑﯩﺮ ﺩﯙﻟﻪﺕ ﺑﻮﻟﺴﺎ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﻗﻮﻟﯩﺪﯨﻦ ﻛﻪﻟﮕﻪﻧﻨﻰ ﻗﯩﻠﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﻤﻪﻥ. ﺑﯩﺰ ﻣﯩﻠﻠﻪﺗﭽﻰ ﻫﻪﺭﯨﻜﻪﺕ ﭘﺎﺭﺗﯩﻴﯩﺴﻰ ﺑﻮﻟﯘﺵ ﺳﯜﭘﯩﺘﯩﻤﯩﺰ ﺑﯩﻠﻪﻥ ﺋﺎﻟﺪﯨﻤﯩﺰﺩﯨﻜﻰ ﻛﯜﻧﻠﻪﺭﺩﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﻨﯩﯔ ﻛﯜﻥ ﺗﻪﺭﺗﯩﭙﯩﮕﻪ ﺋﯧﻠﯩﭗ ﻛﯧﻠﯩﻤﯩﺰ."

ﻣﯩﻠﻠﻪﺗﭽﻰ ﻫﻪﺭﯨﻜﻪﺕ ﭘﺎﺭﺗﯩﻴﯩﺴﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﭘﺎﺭﻻﻣﯧﻨﺖ ﺋﻪﺯﺍﺳﻰ ﺋﻮﻛﺘﺎﻱ ﺋﯘﺭﺍﻝ ﺋﻪﭘﻪﻧﺪﻯ، 2008-ﻳﯩﻠﻰ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﻪﺭﯨﭙﯩﺪﯨﻦ ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﺋﯧﻼﻥ ﻗﯩﻠﯩﻨﺪﻯ. ﻣﻪﻫﻤﯘﺕ ﻗﻪﺷﻘﯩﺮﻯ ﭘﯜﺗﯜﻥ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺋﯘﻟﯘﻍ ﺋﺎﻟﯩﻤﻰ، ﺳﯩﺰ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻣﺎﺯﯨﺮﯨﻨﻰ ﺯﯨﻴﺎﺭﻩﺕ ﻗﯩﻠﺪﯨﯖﯩﺰﻣﯘ ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: " ﻣﻪﻥ ﻣﻪﻫﻤﯘﺕ ﻗﻪﺷﻘﯩﺮﻯ ﻣﻪﻗﺒﻪﺭﯨﺴﯩﻨﯩﯔ ﻳﯧﯖﯩﺪﯨﻦ ﺳﯧﻠﯩﻨﯩﺸﻰ ﺋﯜﭼﯜﻥ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﻳﺎﺭﺩﻩﻡ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﻛﯜﻥ ﺗﻪﺭﺗﯩﭙﻜﻪ ﺋﯧﻠﯩﭗ ﻛﯧﻠﯩﻤﻪﻥ."

ﺋﻮﻛﺘﺎﻱ ﺋﯘﺭﺍﻝ ﺋﻪﭘﻪﻧﺪﻯ ﺩ ﺋﯘ ﻕ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻐﺎ ﺗﯜﺭﻛﯩﻴﻪ 3 ﻗﯧﺘﯩﻢ ﯞﯨﺰﺍ ﺑﻪﺭﻣﯩﺪﻯ؟ ﺳﯩﺰ ﺑﯩﺮ ﺋﯚﻛﺘﯩﭽﻰ ﭘﺎﺭﺗﯩﻴﯩﻨﯩﯔ ﻣﻪﺳﺌﯘﻟﻰ ﺑﻮﻟﯘﺵ ﺳﯜﭘﯩﺘﯩﯖﯩﺰ ﺑﯩﻠﻪﻥ ﻗﺎﻧﺪﺍﻕ ﻗﺎﺭﺍﻳﺴﯩﺰ؟ ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: " ﺑﯘ ﻣﻪﺳﯩﻠﯩﮕﻪ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺩﯙﻟﯩﺘﯩﻨﯩﯔ ﺑﯩﺮ ﭼﺎﺭﻩ ﺗﯧﭙﯩﺸﯩﻨﻰ ﺗﯩﻠﻪﻳﻤﻪﻥ. ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺩﯙﻟﯩﺘﯩﻤﯩﺰﻧﻰ ﺯﯨﻴﺎﺭﻩﺕ ﻗﯩﻠﯩﺶ ﻫﻪﻗﻘﻰ ﺑﻮﻟﯘﺷﻰ ﻛﯧﺮﻩﻙ. ﺷﯘﻧﻰ ﺩﯦﻤﻪﻛﭽﯩﻤﻪﻧﻜﻰ، ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﻰ ﺑﯩﻠﻪﻥ ﺑﯩﺮ ﻣﯩﻠﻠﻪﺕ، ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﻫﻪﻝ ﺑﻮﻟﯘﺷﯩﻨﻰ ﭼﯩﻦ ﻛﯚﯕﻠﯩﻤﯩﺰﺩﯨﻦ ﺋﺎﺭﺯﯗ ﻗﯩﻠﯩﻤﯩﺰ."

ﺳﯩﺰ 2001 - ﻳﯩﻠﻰ ﺋﯘﻳﻐﯘﺭ ﺩﯨﻴﺎﺭﯨﻨﻰ ﺯﯨﻴﺎﺭﻩﺕ ﻗﯩﻠﺪﯨﯖﯩﺰ، ﺗﻪﺳﯩﺮﺍﺗﯩﯖﯩﺰ ﻗﺎﻧﺪﺍﻕ؟ ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻥ ﺋﻮﻛﺘﺎﻱ ﺋﯘﺭﺍﻝ ﺋﻪﭘﻪﻧﺪﻯ ﻣﯘﻧﺪﺍﻕ ﺩﯦﺪﻯ: "ﻣﻪﻥ ﺋﯘ ﻳﻪﺭﺩﻩ ﺑﺎﺯﺍﺭﻻﺭﻧﻰ ﺋﺎﻳﻼﻧﺪﯨﻢ، ﻣﻪﻧﭽﻪ ﺋﯘﻳﻐﯘﺭﻻﺭ ﺋﯜﻣﯩﺪﯞﺍﺭ. ﺧﻪﻟﻘﻨﯩﯔ ﺗﯘﺭﻣﯘﺷﻰ ﺋﯩﻨﺘﺎﻳﯩﻦ ﺗﯚﯞﻩﻥ ﺋﯩﻜﻪﻥ، ﺗﻪﺭﻩﻗﻘﯩﻴﺎﺕ ﭘﻪﻗﻪﺗﻼ ﻳﻮﻕ. ﺋﻪﻣﻤﺎ ﺋﯘﻳﻐﯘﺭ ﺧﻪﻟﻘﯩﻨﯩﯔ ﻣﯩﻠﻠﯩﻲ ﻏﯘﺭﯗﺭﻏﺎ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﻛﯚﺭﺩﯗﻡ. ﺋﻪﯓ ﻣﯘﻫﯩﻤﻰ ﺋﯘ ﻳﻪﺭﺩﻩ ﻛﯩﺸﯩﻠﻪﺭﻧﯩﯔ ﺋﯚﺯ ﻫﻪﻕ ﯞﻩ ﻫﻮﻗﯘﻗﯩﻨﻰ ﺗﻪﻟﻪﭖ ﻗﯩﻼﻻﻳﺪﯨﻐﺎﻥ، ﺋﯚﺯ ﻣﻪﺩﻩﻧﯩﻴﯩﺘﯩﻨﻰ ﻗﻮﻏﺪﺍﭖ ﻗﺎﻻﻻﻳﺪﯨﻐﺎﻥ، ﺋﯚﺯ ﺑﺎﻳﻠﯩﻘﻠﯩﺮﯨﻨﻰ ﺋﯚﺯ ﻣﻪﻧﭙﻪﺋﻪﺗﻠﯩﺮﻯ ﺋﯜﭼﯜﻥ ﺋﯩﺸﻠﯩﺘﻪﻟﻪﻳﺪﯨﻐﺎﻥ ﺷﻪﺭﺕ ‏- ﺷﺎﺭﺍﺋﯩﺖ ﻫﺎﺯﯨﺮﻟﯩﻨﯩﺸﻰ ﻛﯧﺮﻩﻙ. ﻣﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻥ ﺑﯩﺮ ﺳﯩﻴﺎﺳﻪﺗﭽﻰ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﻣﯧﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻦ ﺋﺎﻟﻐﺎﻥ ﺗﻪﺳﯩﺮﺍﺗﯩﻢ، ﺋﯘﻳﻐﯘﺭﻻﺭ ﺋﯜﻣﯩﺪﯞﺍﺭ ﺋﯩﻜﻪﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﻨﯩﯔ ﺗﯧﺨﯩﻤﯘ ﺋﯜﻣﯩﺪﯞﺍﺭ ﺑﻮﻟﯘﺷﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ." (ﺋﻪﺭﻛﯩﻦ ﺗﺎﺭﯨﻢ)