ﯞﺍﻗﯩﺖ ﮔﯧﺰﯨﺘﻰ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﯩﻨﯩﯔ ﻳﺎﺯﻏﺎﻥ ﺧﯧﺘﯩﻨﻰ 7 ‏ - ﺋﺎﻳﻨﯩﯔ 26 ‏ - ﻛﯜﻧﯩﺪﯨﻜﻰ ﺳﺎﻧﯩﺪﺍ ﺋﯧﻼﻥ ﻗﯩﻠﻐﺎﻥ ﺋﯩﺪﻯ.
ﺳﺎﺋﺎﺩﻩﺕ ﭘﺎﺭﺗﯩﻴﯩﺴﻰ ﻳﯧﻘﯩﻨﺪﺍ ﺳﺎﺋﺎﺩﻩﺕ ﭘﺎﺭﺗﯩﻴﯩﺴﯩﻨﯩﯔ ﺋﻪﻧﻘﻪﺭﻩﺩﯨﻜﻰ ﻣﻪﺭﻛﯩﺰﯨﺪﻩ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯧﭽﯩﭗ، ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﯩﻨﯩﯔ ﺧﯧﺘﯩﮕﻪ ﺭﻩﺩﺩﯨﻴﻪ ﺑﯧﺮﯨﭗ ﺑﺎﻳﺎﻧﺎﺕ ﺋﯧﻼﻥ ﻗﯩﻠﺪﻯ.

ﺳﺎﺋﺎﺩﻩﺕ ﭘﺎﺭﺗﯩﻴﯩﺴﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺑﻮﻟﯘﯞﺍﺗﻘﺎﻥ ﺯﯗﻟﯘﻣﻐﺎ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻣﻪﻗﺴﯩﺘﯩﺪﻩ، ﭼﺎﻏﻠﯩﻴﺎﻥ ﻣﻪﻳﺪﺍﻧﯩﺪﺍ ﺋﯚﺗﻜﯜﺯﯛﻟﮕﻪﻥ ﯞﻩ ﻣﯩﯖﻼﺭﭼﻪ ﻛﯩﺸﻰ ﺋﯩﺸﺘﯩﺮﺍﻙ ﻗﯩﻠﻐﺎﻥ ﻳﯩﻐﯩﻨﻐﺎ ﺋﺎﻻﻗﯩﺪﺍﺭ، ﺧﯩﺘﺎﻳﻨﯩﯔ " ﻛﯧﻠﯩﺶ ﻣﻪﻧﺒﻪﺳﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺑﯩﺮ ﺗﯜﺭﻛﯜﻡ ﭘﺎﺭﺗﯩﻴﻪ ﯞﻩ ﺗﻪﺷﻜﯩﻼﺗﻼﺭ ﺧﯩﺘﺎﻳﻐﺎ ﻗﺎﺭﺷﻰ ﻗﺎﻧﯘﻧﺴﯩﺰ ﻳﯩﻐﯩﻦ ﺋﯘﻳﯘﺷﺘﯘﺭﺩﻯ " ﺩﻩﭖ ﺋﯩﭙﺎﺩﯨﻠﯩﮕﻪﻥ ﺧﯧﺘﯩﮕﻪ ﻗﺎﺗﺘﯩﻖ ﺋﯧﺘﯩﺮﺍﺯ ﺑﯩﻠﺪﯛﺭﯛﭖ ﺭﻩﺩﺩﯨﻴﻪ ﻗﺎﻳﺘﯘﺭﺩﻯ ﯞﻩ ﺧﯩﺘﺎﻱ ﺋﻪﻟﭽﯩﻠﯩﺮﯨﻨﯩﯔ ﺧﺎﺗﺎ ﺳﯚﺯﻟﯩﮕﻪﻧﻠﯩﻜﯩﻨﻰ، ﺑﯩﻠﯩﻤﺴﯩﺰﻟﯩﻜﯩﻨﻰ ﯞﻩ ﺳﯩﻴﺎﺳﯩﻲ ﺳﻪﯞﯨﻴﯩﺴﯩﻨﯩﯔ ﺗﯚﯞﻩﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺳﺎﺋﺎﺩﻩﺕ ﭘﺎﺭﺗﯩﻴﯩﺴﻰ ﺗﺎﺷﻘﻰ ﺋﯩﺸﻼﺭ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺩﻭﻛﺘﯘﺭ ﺋﻮﻳﺎ ﺋﺎﻗﮕﯜﻧﻪﻧﭻ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯧﭽﯩﭗ، 12 ‏ - ﺋﯩﻴﯘﻟﺪﺍ ﺗﯜﺭﻛﯩﻴﻪ ﺧﻪﻟﻘﯩﻨﯩﯔ ﺋﯩﺮﺍﺩﯨﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﭼﺎﻏﻠﯩﻴﺎﻥ ﻣﻪﻳﺪﺍﻧﯩﺪﺍ ﺋﯧﭽﯩﻠﻐﺎﻥ ﻳﯩﻐﯩﻨﻨﻰ ﺳﺎﺋﺎﺩﻩﺕ ﭘﺎﺭﺗﯩﻴﯩﺴﯩﻨﯩﯔ ﺋﯘﻳﯘﺷﺘﯘﺭﻏﺎﻧﻠﯩﻘﯩﻨﻰ ﯞﻩ ﺧﻪﻟﻖ ﺋﺎﻣﻤﯩﺴﯩﻨﯩﯔ ﻫﻪﺭ ﻗﺎﻳﺴﻰ ﺳﺎﻫﻪﻟﻪﺭﺩﯨﻦ ﻧﯘﺭﻏﯘﻥ ﻛﯩﺸﯩﻨﯩﯔ ﻗﺎﺗﻨﺎﺷﻘﺎﻧﻠﯩﻘﯩﻨﻰ، ﺭﻩﺳﻤﯩﻲ ﻗﺎﺗﻨﯩﺸﯩﺸﻨﻰ ﺗﻪﻟﻪﭖ ﻗﯩﻠﯩﭗ ﻛﻪﻟﮕﻪﻥ ﻫﻪﺭ ﺗﯜﺭﻟﯜﻙ ﺳﯩﻴﺎﺳﻪﺕ، ﭘﻪﻥ ‏ - ﻣﺎﺋﺎﺭﯨﭗ ﺳﺎﻫﻪﻟﯩﺮﯨﺪﯨﻜﻰ ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻼﺗﻼﺭﺩﯨﻦ 250 ﺗﻪﺷﻜﯩﻼﺕ ﯞﻩ ﺟﻪﻣﺌﯩﻴﻪﺗﻠﻪﺭ، ﺗﻪﻧﺘﻪﺭﺑﯩﻴﻪ ﮔﯘﺭﯗﭘﭙﯩﻠﯩﺮﻯ، ﺋﯩﺸﭽﻰ‏ - ﺧﯩﺰﻣﻪﺗﭽﯩﻠﻪﺭ ﺋﯘﻳﯘﺷﻤﯩﺴﻰ، ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻼﺗﻼﺭ ﺑﻮﻟﯘﭖ ﻧﯘﺭﻏﯘﻥ ﺗﻪﺷﻜﯩﻼﺕ ﻗﻮﻟﻼﭖ ‏ - ﻗﯘﯞﯞﻩﺗﻠﯩﮕﻪﻧﻠﯩﻜﯩﻨﻰ، ﭼﺎﻏﻠﯩﻴﺎﻥ ﻣﻪﻳﺪﺍﻧﯩﺪﯨﻜﻰ 'ﺷﻪﺭﻗﯩﻲ ﺗﯜﺭﻛﯩﺴﺘﺎﻥ' ﻳﯩﻐﯩﻨﻰ ﺗﯜﺭﻙ ﺧﻪﻟﻘﯩﻨﯩﯔ ﻏﻪﺯﻩﭘﻠﯩﻚ ﻫﯧﺲ ﺗﯘﻳﻐﯘﺳﻰ، ﻗﺎﻳﻐﯘﺳﻰ ﺷﯘﻧﺪﺍﻗﻼ ﺯﺍﻟﯩﻤﻐﺎ ﻛﯚﺭﺳﻪﺗﻜﻪﻥ ﻗﺎﺭﺷﯩﻠﯩﻘﻰ ﯞﻩ ﺯﯗﻟﯘﻣﻨﻰ ﺗﻮﺧﺘﯩﺘﯩﺶ ﭼﺎﻗﯩﺮﯨﻘﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺑﯩﺰ ﺑﯘ ﻫﻪﻗﺘﻪ ﺗﯧﺨﯩﻤﯘ ﻛﯚﭖ ﻣﻪﻟﯘﻣﺎﺗﻘﺎ ﺋﯧﺮﯨﺸﯩﺶ ﺋﯜﭼﯜﻥ ﺳﺎﺋﺎﺩﻩﺕ ﭘﺎﺭﺗﯩﻴﯩﺴﻰ ﺋﯩﺴﺘﺎﻧﺒﯘﻝ ﺷﯚﺑﯩﺴﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﯞﻩ ﺗﺎﺷﻘﻰ ﺋﯩﺸﻼﺭ ﻣﻪﺳﺌﯘﻟﻰ ﻣﯘﺳﺘﺎﻓﺎ ﻛﺎﻳﺎ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﺳﻮﺋﺎﻝ: ﻫﯚﺭﻣﻪﺗﻠﯩﻚ ﺭﻩﺋﯩﺲ ﺋﻪﭘﻪﻧﺪﯨﻢ، ﺧﯩﺘﺎﻳﻨﯩﯔ ﺋﻪﻧﻘﻪﺭﻩ ﯞﻩ ﺋﯩﺴﺘﺎﻧﺒﯘﻟﺪﺍ ﺗﯘﺭﯗﺷﻠﯘﻕ ﺋﻪﻟﭽﯩﺴﯩﻨﯩﯔ ﺳﺎﺋﺎﺩﻩﺕ ﭘﺎﺭﺗﯩﻴﯩﺴﯩﻨﯩﯔ 12 ‏ - ﺋﯩﻴﯘﻝ ﻛﯜﻧﻰ ﭼﺎﻏﻠﯩﻴﺎﻥ ﻣﻪﻳﺪﺍﻧﯩﺪﺍ ﺋﯚﺗﻜﯜﺯﮔﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﯩﻐﯩﻨﻰ ﻫﻪﻗﻘﯩﺪﻩ " ﻛﯧﻠﯩﭗ ﭼﯩﻘﯩﺶ ﻣﻪﻧﺒﻪﺳﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺑﯩﺮ ﺗﯜﺭﻛﯜﻡ ﺳﯩﻴﺎﺳﻰ ﭘﺎﺭﺗﯩﻴﻪ ﯞﻩ ﺗﻪﺷﻜﯩﻼﺗﻼﺭ ﺧﯩﺘﺎﻳﻐﺎ ﻗﺎﺭﺷﻰ ﻗﺎﻧﯘﻧﺴﯩﺰ ﻳﯩﻐﯩﻦ ﺋﯘﻳﯘﺷﺘﯘﺭﺩﻯ " ﺩﯦﮕﻪﻥ ﺑﺎﻳﺎﻧﺎﺗﯩﻐﺎ ﻧﯩﺴﺒﻪﺗﻪﻥ ﺳﯩﺰ ﻗﺎﻧﺪﺍﻕ ﻗﺎﺭﺍﻳﺴﯩﺰ؟

-- ﻫﻪﻗﯩﻘﻪﺗﻪﻥ ﻫﻪﺭ ﺯﺍﻣﺎﻥ ﺑﯩﺰﻧﯩﯔ ﻗﻪﻟﺒﯩﻤﯩﺰﻧﯩﯔ ﭼﻮﯕﻘﯘﺭ ﻗﺎﺗﻼﻣﻠﯩﺮﯨﺪﺍ ﺯﯗﻟﯘﻡ ﯞﻩ ﺋﯩﺴﻜﻪﻧﺠﻪ ﺗﺎﺭﺗﯩﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﻗﯧﺮﯨﻨﺪﺍﺷﻠﯩﺮﯨﻤﯩﺰ ﺑﺎﺭ. ﺳﺎﺋﺎﺩﻩﺕ ﭘﺎﺭﺗﯩﻴﯩﺴﻰ ﺑﻮﻟﺴﯘﻥ ﻳﺎﻛﻰ ﻣﯩﻠﻠﯩﻲ ﻛﯜﺭﻩﺵ ﺗﻪﺷﻜﯩﻼﺗﻰ ﺑﻮﻟﺴﯘﻥ ﺑﯩﺰ ﺑﯩﺮ ﻗﯧﺮﯨﻨﺪﺍﺵ، ﺑﯩﺰ ﺳﯩﻴﺎﺳﯩﻲ ﭘﺎﺭﺗﯩﻴﯩﺪﻩ ﺧﯩﺰﻣﻪﺕ ﻗﯩﻠﯩﺶ ﺋﯜﭼﯜﻥ، ﺋﯩﺠﺘﯩﻤﺎﺋﯩﻲ ﺗﯘﺭﻣﯘﺷﺘﺎ ﺧﯩﺰﻣﻪﺕ ﻗﯩﻠﯩﺶ ﺋﯜﭼﯜﻥ ﺗﻪﻳﻴﺎﺭ. ﺋﯘ ﻳﻪﺭﺩﯨﻜﻰ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﻳﺎﺭﺩﻩﻡ ﻗﯩﻠﯩﺶ ﺋﯜﭼﯜﻥ ﺗﯩﺮﯨﺸﯩﯟﺍﺗﯩﻤﯩﺰ، ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺋﺎﻻﻫﯩﺪﻩ ﻗﺎﺭﺍﺵ ﺑﯩﻠﻪﻥ ﺑﯩﺮﮔﻪ، ﺯﯗﻟﯘﻣﻨﻰ ﺗﻮﺧﺘﺎﺕ ﺩﯦﻴﯩﺶ ﭼﺎﻗﺮﯨﻘﯩﺪﺍ ﭼﺎﻏﻠﯩﻴﺎﻥ ﻣﻪﻳﺪﺍﻧﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﯩﻐﯩﻨﻰ ﺋﺎﭼﺘﯘﻕ. ﺑﯘ ﻳﯩﻐﯩﻨﻨﯩﯔ ﺋﯩﻜﻜﻰ ﻣﻪﻗﺴﯩﺘﻰ ﺑﻮﻟﯘﭖ، ﺑﯩﺮﯨﻨﭽﯩﺴﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺯﯗﻟﯘﻡ ﺑﺎﺭﻟﯩﻘﯩﻨﻰ ﺩﯗﻧﻴﺎﻏﺎ ﺋﺎﯕﻠﯩﺘﯩﺶ، ﺩﯗﻧﻴﺎ ﺟﺎﻣﺎﺋﯩﺘﯩﻨﯩﯔ ﺩﯨﻘﻘﯩﺘﯩﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻗﺎﺭﯨﺘﯩﺶ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺯﯗﻟﯘﻡ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ، ﺩﯗﻧﻴﺎﻧﯩﯔ ﺷﻪﺭﻗﯩﻲ ﺗﯜﺭﻛﺴﯩﺘﺎﻧﻐﺎ ﻗﯘﻻﻕ ﺳﺎﻟﻤﺎﻳﯟﺍﺗﻘﺎﻧﻠﯩﻘﯩﻨﻰ، ﺩﯗﻧﻴﺎﻏﺎ ﻫﻪﻕ ‏ - ﻫﻮﻗﯘﻕ، ﺋﺎﺩﺍﻟﻪﺕ ﻫﯧﭽﺒﯩﺮ ﺷﻪﻳﺌﯩﻨﻰ ﻛﯚﺯﮔﻪ ﺋﯩﻠﻤﺎﻱ، ﺑﺎﺳﺘﯘﺭﯗﺵ، ﺷﯩﺪﺩﻩﺕ، ﻗﺎﺗﺘﯩﻖ ﻗﻮﻟﻠﯘﻕ ﯞﻩ ﺋﯚﻟﺘﯜﺭﯛﺵ ﺭﻩﻫﯩﻤﺴﯩﺰﻟﯩﻚ ﺑﯩﻠﻪﻥ ﺋﻪﻣﻪﻟﯩﻴﻠﻪﺷﺘﯜﺭﯛﻟﯜﯞﺍﺗﻘﺎﻥ ﺑﯩﺮ ﺭﺍﻳﻮﻧﻨﯩﯔ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﯛﺵ ﺋﯩﺪﻯ . ﺷﯘ ﺳﻪﯞﻩﺑﺘﯩﻦ ﺧﯩﺘﺎﻱ ﺋﻪﻟﭽﯩﺴﻰ" ﻛﯧﻠﯩﺶ ﻣﻪﻧﺒﻪﺳﻰ ﺋﯧﻨﯩﻖ ﺑﻮﻟﻤﯩﻐﺎﻥ ﭘﺎﺭﺗﯩﻴﻪ ﯞﻩ ﺗﻪﺷﻜﯩﻼﺗﻼﺭ ﻗﺎﻧﯘﻧﺴﯩﺰ ﻳﯩﻐﯩﻦ ﺋﯘﻳﯘﺷﺘﯘﺭﺩﻯ " ﺩﻩﭖ ﺋﯩﭙﺎﺩﯨﻠﻪﭖ ﺋﯘ ﻳﯩﻐﯩﻨﻨﻰ ﻗﻮﻟﻼﭖ ‏ - ﻗﯘﯞﯞﻩﺗﻠﯩﮕﻪﻥ ﺗﻪﺷﻜﯩﻼﺕ ﯞﻩ ﺋﻮﺭﮔﺎﻧﻼﺭﻧﻰ ﻧﯩﺸﺎﻧﻐﺎ ﺋﺎﻟﺪﻯ. ﺧﯩﺘﺎﻳﻨﯩﯔ ﺋﯩﺴﺘﺎﻧﺒﯘﻟﺪﯨﻜﻰ ﻛﻮﻧﺴﯘﻟﻰ ﺳﯩﻴﺎﺳﯩﻲ ﺳﺎﻫﻪﺩﻩ ﺑﯩﻠﯩﻤﺴﯩﺰﻟﯩﻜﯩﻨﻰ ﻳﻪﻧﻰ ﺳﺎﺋﺎﺩﻩﺕ ﭘﺎﺭﺗﯩﻴﯩﺴﯩﻨﯩﯔ ﻛﯧﻠﯩﭗ ﭼﯩﻘﯩﺶ ﻣﻪﻧﺒﻪﺳﯩﻨﻰ ﺑﯩﻠﻤﯩﮕﯜﺩﻩﻙ ﺩﻩﺭﯨﺠﯩﺪﻩ ﺳﯩﻴﺎﺳﯩﻲ ﺑﯩﻠﯩﻤﻰ ﻳﻮﻗﻠﯘﻗﯩﻨﻰ ﺋﺎﺷﻜﺎﺭﯨﻠﯩﺪﻯ. ﺋﻪﮔﻪﺭ 100 ﻛﯩﺸﯩﺪﯨﻦ ﺳﻮﺭﯨﺴﯩﯖﯩﺰ، ﺳﺎﺋﺎﺩﻩﺕ ﭘﺎﺭﺗﯩﻴﯩﺴﻰ ﺗﯜﺭﻛﯩﻴﯩﻨﯩﯔ ﺋﻪﯓ ﭼﻮﯕﻘﯘﺭ ﻳﯩﻠﺘﯩﺰ ﺗﺎﺭﺗﻘﺎﻥ ﺳﯩﻴﺎﺳﯩﻲ ﭘﺎﺭﺗﯩﻴﯩﻠﻪﺭﺩﯨﻦ ﺑﯩﺮﻯ ﺋﯩﻜﻪﻧﻠﯩﻜﯩﻨﻰ ﻫﻪﺭ ﻛﯩﻢ ﺑﯩﻠﯩﺪﯗ. ﻣﯘﺳﺘﺎﻓﺎ ﻛﺎﻳﺎ ﺋﻪﭘﻪﻧﺪﻯ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﯩﻐﺎ ﺧﯩﺘﺎﭖ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ: ﺳﻪﻥ ﺑﯘ ﺧﯩﻠﺪﯨﻜﻰ ﻳﯩﻐﯩﻨﻨﻰ، ﺑﯘ ﺧﯩﻠﺪﯨﻜﻰ ﻫﻪﻕ ﺗﻪﻟﻪﭖ ﻗﯩﻠﯩﺶ ﻛﯜﺭﯨﺸﯩﻨﻰ، ﺑﯘ ﻧﺎﻣﺎﻳﯩﺸﻨﻰ، ﺯﯗﻟﯘﻣﻨﻰ ﺗﻮﺧﺘﺎﺕ ﺩﯦﻴﯩﺶ ﺷﯘﺋﺎﺭﯨﻨﻰ ﻗﺎﻧﯘﻧﺴﯩﺰ ﺩﻩﭘﺴﻪﻥ، ﺑﯘ ﻳﯩﻐﯩﻦ ﭘﯜﺗﻜﯜﻝ ﺋﯩﻠﺘﯩﻤﺎﺱ ﯞﻩ ﺗﻪﻟﻪﭘﻠﻪﺭ ﺳﯘﻧﯘﻟﯘﭖ ﺋﯩﺴﺘﺎﻧﺒﯘﻝ ﯞﺍﻟﯩﻴﯩﻠﯩﻘﯩﺪﯨﻦ ﻣﻪﺭﻛﯩﺰﻯ ﺳﺎﻗﭽﻰ ﺋﯩﺪﺍﺭﯨﺴﯩﻨﯩﯔ ﯞﺍﺳﯩﺘﯩﺴﻰ ﺑﯩﻠﻪﻥ ﺭﯗﺧﺴﻪﺕ ﺋﯧﻠﯩﻨﻐﺎﻥ ﺑﯩﺮ ﻳﯩﻐﯩﻦ. ﻗﺎﻧﯘﻧﺴﯩﺰ ﺩﯦﻴﯩﺶ ﺧﯩﺘﺎﻳﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻳﯜﺭﮔﯜﺯﯛﯞﺍﺗﻘﺎﻥ ﺯﯗﻟﯘﻣﻠﯩﺮﯨﻨﻰ ﻳﻮﺷﯘﺭﯗﺵ ﺋﯜﭼﯜﻥ ﺋﻮﻳﻨﺎﯞﺍﺗﻘﺎﻥ ﺋﻮﻳﯘﻧﻼﺭ.

ﻫﯚﺭﻣﻪﺗﻠﯩﻚ ﻣﯘﺳﺘﺎﻓﺎ ﻛﺎﻳﺎ ﺋﻪﭘﻪﻧﺪﯨﻢ. ﺳﯩﻠﻪﺭ ﺳﺎﺋﺎﺩﻩﺕ ﭘﺎﺭﺗﯩﻴﺴﻰ ﻧﺎﻣﯩﺪﺍ ﺧﯩﺘﺎﻳﻐﺎ ﺑﯩﯟﺍﺳﺘﻪ ﺭﻩﺩﺩﯨﻴﻪ ﺑﯧﺮﯨﭗ ﺭﻩﺳﻤﯩﻲ ﺑﯩﺮ ﺧﻪﺕ ﻳﺎﺯﺩﯨﯖﻼﺭﻣﯘ؟

-- ﺋﻪﻟﯟﻩﺗﺘﻪ ﺑﯩﺰ ﺋﯘﻧﯩﯖﻐﺎ ﺟﺎﯞﺍﺏ ﺑﯧﺮﯨﭗ ﺷﯘﻧﺪﺍﻕ ﺩﯦﺪﯗﻕ: ﺳﯩﻠﻪﺭ ﺑﯩﺰﻧﯩﯔ ﺋﯧﻠﯩﭗ ﺑﺎﺭﻏﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﯩﻐﯩﻨﯩﻤﯩﺰﻧﻰ، ﻗﻪﻟﺒﯩﻤﯩﺰﻧﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻗﯧﺮﯨﻨﺪﺍﺷﻠﯩﺮﯨﻤﯩﺰ ﺑﯩﻠﻪﻥ ﺑﯩﺮﮔﻪ ﺳﻮﻗﯘﺷﯩﻨﻰ ﺋﯩﭙﺎﺩﯨﻠﻪﭖ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻛﯜﺭﻩﺷﻠﯩﺮﯨﻤﯩﺰﻧﻰ، ﺑﯘ ﺑﯩﺮﻟﯩﻚ ﺳﯧﭙﯩﻤﯩﺰﻧﻰ ﺑﻮﺯﺍﻟﻤﺎﻳﺴﯩﻠﻪﺭ. ﺑﯩﺰﻧﯩﯔ ﺋﯘﻻﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻤﯩﺰﻧﻰ ﺋﺎﺟﯩﺰﻻﺷﺘﯘﺭﺍﻟﻤﺎﻳﺴﯩﻠﻪﺭ. ﺑﯩﺰ ﺑﯘﻧﻰ ﺋﻪﻧﻘﻪﺭﻩﺩﯨﻜﻰ ﻣﻪﺭﻛﯩﺰﯨﻤﯩﺰﺩﻩ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯘﻳﯘﺷﺘﯘﺭﯗﭖ ﺭﻩﺳﻤﯩﻲ ﺷﻪﻛﯩﻠﺪﻩ ﺋﯧﻼﻥ ﻗﯩﻠﺪﯗﻕ. ﺋﯘﻻﺭ ﻧﯧﻤﻪ ﺩﯨﺴﻪ ﺩﯦﺴﯘﻥ، ﺑﯩﺰﻧﯩﯔ ﻛﯚﺯ ﻗﺎﺭﯨﺸﯩﻤﯩﺰ ﺋﯚﺯﮔﻪﺭﻣﻪﻳﺪﯗ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺑﯩﺰﻧﯩﯔ ﻣﻪﺳﯩﻠﯩﻤﯩﺰ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺯﯗﻟﯘﻡ ﺗﯜﮔﯩﮕﻪﻧﮕﻪ ﻗﻪﺩﻩﺭ ﺑﯩﺰ ﺋﯜﺳﺘﯩﻤﯩﺰﺩﯨﻜﻰ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﯞﻩﺯﯨﭙﯩﻤﯩﺰﻧﻰ ﺗﻮﺧﺘﺎﺗﻤﺎﻳﻤﯩﺰ. ﺧﯩﺘﺎﻳﻨﯩﯔ ﻫﻪﺭﺑﯩﻲ ﻛﯜﭼﻰ، ﺋﯩﻘﺘﯩﺴﺎﺩﻯ ﻛﯜﭼﻰ ﻗﺎﻧﭽﯩﻠﯩﻚ ﺑﻮﻟﯘﺷﺘﯩﻦ ﻗﻪﺗﺌﯩﻴﻨﻪﺯﻩﺭ، ﺑﯘ ﺯﯗﻟﯘﻣﻨﻰ ﺗﯜﮔﯩﺘﯩﺶ ﺋﯜﭼﯜﻥ ﺳﺎﺋﺎﺩﻩﺕ ﭘﺎﺭﺗﯩﻴﯩﺴﻰ، ﺗﯜﺭﻛﯩﻴﻪ ﺧﻪﻟﻘﻰ ﻗﺎﺭﺷﯩﻠﯩﻖ ﺑﯩﻠﺪﯛﺭﯨﺪﯗ. ﺑﻪﻟﻜﻰ ﭘﯜﺗﻜﯜﻝ ﺩﯗﻧﻴﺎ ﻣﯘﺳﯘﻟﻤﺎﻧﻠﯩﺮﻯ ﺋﻮﺧﺸﺎﺵ ﻗﺎﺭﺷﯩﻠﯩﻖ ﺑﯩﻠﺪﯛﺭﯛﺷﻰ ﻻﺯﯨﻢ ﯞﻩ ﺑﯘ ﺯﯗﻟﯘﻣﻨﻰ ﺗﻮﺧﺘﯩﺘﯩﺶ ﺋﯜﭼﯜﻥ، ﺧﯩﺘﺎﻳﻨﻰ ﺋﯩﻘﺘﯩﺴﺎﺩﻯ، ﺳﯩﻴﺎﺳﻰ ﯞﻩ ﺋﯩﺠﺘﯩﻤﺎﺋﯩﻲ ﺳﺎﻫﻪﻟﻪﺭﺩﻩ ﭼﻪﻣﺒﻪﺭ ﺋﯩﭽﯩﮕﻪ ﺋﯧﻠﯩﺶ ﻻﺯﯨﻢ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﺪﻩ 5 ﻳﯩﻠﻨﯩﯔ ﺋﺎﻟﺪﯨﺪﯨﻜﯩﮕﻪ ﻗﺎﺭﯨﻐﺎﻧﺪﺍ ﺗﯧﺨﯩﻤﯘ ﻛﯚﭖ ﺋﯩﻠﮕﯩﺮﯨﻠﻪﺵ ﺑﻮﻟﺪﻯ. ﺗﯧﺨﯩﻤﯘ ﻛﯚﭖ ﺋﯩﻨﺴﺎﻧﻼﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻗﯘﻻﻕ ﺳﯧﻠﯩﺸﻘﺎ ﺑﺎﺷﻠﯩﺪﻯ.  

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز