ﺗﯜﺭﻛﯩﻴﻪ ﯞﻩﺗﻪﻧﺪﯦﺸﻰ ﺑﻮﻟﯘﺵ ﺋﺎﺳﺎﻧﻼﺷﺘﻰ
2008-01-03
ﺗﯜﺭﻛﯩﻴﯩﻨﯩﯔ ﯞﻩﺗﻪﻧﺪﺍﺷﻠﯩﻖ ﻗﺎﻧﯘﻧﯩﻐﺎ ﺗﯜﺯﯨﺘﯩﺶ ﻛﯩﺮﮔﯜﺯﯛﻟﮕﻪﻧﺪﯨﻦ ﻛﯧﻴﯩﻦ ﺗﯜﺭﻙ ﭘﺎﺭﻻﻣﯧﻨﺘﯩﺪﺍ ﻗﻮﺑﯘﻝ ﻗﯩﻠﯩﻨﺪﻯ. ﺑﯘ ﻗﺎﻧﯘﻧﺪﺍ ﭼﻪﺗﺌﻪﻟﻠﯩﻜﻠﻪﺭﻧﯩﯔ ﺗﯜﺭﻙ ﯞﻩﺗﻪﻧﺪﺍﺷﻠﯩﻘﯩﻐﺎ ﻗﻮﺑﯘﻝ ﻗﯩﻠﯩﻨﯩﺸﻰ ﺋﺎﺳﺎﻧﻼﺷﺘﯘﺭﯗﻟﻐﺎﻥ. ﺑﯘ ﻗﺎﻧﯘﻧﻐﺎ ﺋﺎﺳﺎﺳﻼﻧﻐﺎﻧﺪﺍ، ﺗﯜﺭﻛﯩﻴﯩﮕﻪ ﻣﻪﺑﻠﻪﻍ ﺳﯧﻠﯩﭗ ﻛﺎﺭﺧﺎﻧﺎ ﻗﯘﺭﻏﺎﻥ، ﺋﯩﺠﺘﯩﻤﺎﺋﯩﻲ، ﺋﯩﻘﺘﯩﺴﺎﺩﯨﻲ، ﭘﻪﻥ-ﺗﯧﺨﻨﯩﻜﺎ ﯞﻩ ﺳﻪﻧﺌﻪﺕ ﺳﺎﻫﻪﺳﯩﺪﻩ ﺋﺎﻻﻫﯩﺪﻩ ﻣﯘﯞﻩﭘﭙﻪﻗﯩﻴﻪﺗﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﮔﻪﻥ ﻳﺎﻛﻰ ﻳﯘﻗﯩﺮﯨﻘﻰ ﺳﺎﻫﻪﻟﻪﺭﺩﻩ ﻳﺎﺧﺸﻰ ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﻩﻟﻪﻳﺪﯨﻐﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻐﺎﻥ ﻛﯩﺸﯩﻠﻪﺭ ﻣﯘﻧﺎﺳﯩﯟﻩﺗﻠﯩﻚ ﻣﯩﻨﯩﺴﺘﯩﺮﻟﯩﻜﻠﻪﺭﻧﯩﯔ ﺗﻪﻛﻠﯩﭙﻰ ﺑﻮﻳﯩﭽﻪ، ﻫﯚﻛﯜﻣﻪﺕ ﻛﺎﺑﯩﻨﯧﺘﯩﺪﺍ ﻣﯘﺯﺍﻛﯩﺮﻩ ﻗﯩﻠﯩﻨﯩﭗ ﯞﻩﺗﻪﻧﺪﺍﺷﻠﯩﻘﻘﺎ ﻗﻮﺑﯘﻝ ﻗﯩﻠﯩﻨﯩﺪﯨﻜﻪﻥ.
ﺗﯜﺯﯨﺘﯩﺶ ﻛﯩﺮﮔﯜﺯﯛﻟﮕﻪﻥ ﻳﯧﯖﻰ ﻗﺎﻧﯘﻧﻐﺎ ﺋﺎﺳﺎﺳﻼﻧﻐﺎﻧﺪﺍ، 7 ﻳﺎﺷﺘﯩﻦ ﺗﯚﯞﻩﻥ ﻳﺎﺷﺘﯩﻜﻰ ﺑﯧﻘﯩﯟﯦﻠﯩﻨﻐﺎﻥ ﺑﺎﻟﯩﻼﺭ ﺗﯜﺭﻙ ﯞﻩﺗﻪﻧﺪﯦﺸﻰ ﻫﯧﺴﺎﺑﻠﯩﻨﯩﺪﯨﻜﻪﻥ. ﺑﯩﺮ ﺗﯜﺭﻙ ﯞﻩﺗﻪﻧﺪﯦﺸﻰ ﺗﻪﺭﯨﭙﯩﺪﯨﻦ ﺑﯧﻘﯩﯟﯦﻠﯩﻨﻐﺎﻥ، ﺑﺎﻻﻏﻪﺗﻜﻪ ﻳﻪﺗﻤﯩﮕﻪﻥ ﺑﺎﻻ ﺑﯧﻘﯩﯟﯦﻠﯩﻨﻐﺎﻥ ﻛﯜﻧﺪﯨﻦ ﺋﯧﺘﯩﺒﺎﺭﻩﻥ ﺗﯜﺭﻙ ﯞﻩﺗﻪﻧﺪﯦﺸﻰ ﻫﯧﺴﺎﺑﻠﯩﻨﯩﺪﯨﻜﻪﻥ. ﺗﯜﺭﻛﯩﻴﯩﺪﻩ ﺗﯘﻏﯘﻟﻐﺎﻥ ﭼﻪﺗﺌﻪﻟﻠﯩﻜﻨﯩﯔ ﺑﺎﻟﯩﺴﻰ، ﺋﻪﮔﻪﺭ ﺋﺎﺗﺎ-ﺋﺎﻧﯩﺴﻰ ﺋﺎﺭﺯﯗ ﻗﯩﻠﺴﺎ، ﺗﯘﻏﯘﻟﻐﺎﻥ ﺯﺍﻣﺎﻥ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻻﻻﻳﺪﯨﻜﻪﻥ.
ﻳﯘﻗﯩﺮﯨﻘﯩﻼﺭﺩﯨﻦ ﺑﺎﺷﻘﺎ ﺗﯜﺭﻙ ﯞﻩﺗﻪﻧﺪﺍﺷﻠﯩﻘﯩﻐﺎ ﺋﯚﺗﯜﺷﻨﯩﯔ ﺷﻪﺭﺗﻠﯩﺮﻯ ﺋﯩﭽﯩﺪﻩ ﻗﺎﻧﯘﻧﺪﺍ ﺗﯜﺭﻛﯩﻴﯩﺪﻩ ﺋﻪﯓ ﺋﺎﺯ 5 ﻳﯩﻞ ﺗﯘﺭﯗﺵ ﺷﻪﺭﺗﻰ ﻗﻮﻳﯘﻟﻐﺎﻥ. ﺑﯘﻻﺭﺩﯨﻦ ﺑﺎﺷﻘﺎ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻟﯘﺷﻘﺎ ﺋﯩﻠﺘﯩﻤﺎﺱ ﻗﯩﻠﻐﺎﻧﺪﯨﻦ ﻛﯧﻴﯩﻦ ﻫﻪﺭﯨﻜﻪﺗﻠﯩﺮﻯ ﺑﯩﻠﻪﻥ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻟﯘﺵ ﻧﯩﻴﯩﺘﯩﻨﯩﯔ ﺑﺎﺭﻟﯩﻘﯩﻨﻰ ﺋﯩﭙﺎﺩﻩ ﻗﯩﻠﯩﺸﻰ، ﻳﯘﻗﯘﻣﻠﯘﻕ ﻛﯧﺴﯩﻠﻰ ﺑﻮﻟﻤﺎﺳﻠﯩﻘﻰ، ﺋﻪﺧﻼﻗﻠﯩﻖ ﺑﻮﻟﯘﺷﻰ، ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﺗﯜﺭﻛﭽﻪ ﺑﯩﻠﯩﺸﻰ، ﺋﯚﺯﯨﻨﻰ ﺋﯚﺯﻯ ﺑﺎﻗﺎﻻﻳﺪﯨﻐﺎﻥ ﺋﯩﻘﺘﯩﺴﺎﺩﯨﻲ ﻛﯜﭼﻜﻪ ﯞﻩ ﻛﻪﺳﯩﭙﻜﻪ ﺋﯩﮕﻪ ﺑﻮﻟﯘﺷﻰ، ﺗﯜﺭﻛﯩﻴﯩﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﺳﯩﺮ ﻳﻪﺗﻜﯜﺯﯨﻠﯩﺪﯨﻐﺎﻥ ﺑﯩﺮ ﺋﻪﻫﯟﺍﻟﻨﯩﯔ ﺑﻮﻟﻤﺎﺳﻠﯩﻘﻰ ﻛﯧﺮﻩﻙ ﺋﯩﻜﻪﻥ.
ﻳﯧﯖﻰ ﻗﺎﻧﯘﻧﺪﺍ ﻳﻪﻧﻪ ﺗﯜﺭﻙ ﺑﯩﻠﻪﻥ ﺗﻮﻱ ﻗﯩﻠﻐﺎﻥ ﭼﻪﺗﺌﻪﻟﻠﯩﻜﻠﻪﺭ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻟﯘﺵ ﺋﯜﭼﯜﻥ ﺗﻮﻱ ﻗﯩﻠﻐﺎﻥ ﻛﯜﻧﺪﯨﻦ ﺗﺎﺭﺗﯩﭗ 3 ﻳﯩﻞ ﺑﯩﺮﻟﯩﻜﺘﻪ ﺗﯘﺭﻣﯘﺵ ﻛﻪﭼﯜﺭﯛﺷﻰ ﺷﻪﺭﺗﻰ ﻛﯩﺮﮔﯜﺯﯛﻟﮕﻪﻥ. ﺗﯜﺭﻛﯩﻴﻪ ﯞﻩﺗﻪﻧﺪﺍﺷﻠﯩﺮﻯ ﺋﯩﭽﻜﻰ ﺋﯩﺸﻠﯩﺮﻯ ﻣﯩﻨﯩﺴﺘﯩﺮﻟﯩﻜﯩﮕﻪ ﺑﯩﻠﺪﯛﺭﯛﭖ ﻗﻮﻳﯘﺵ ﺷﻪﺭﺗﻰ ﺑﯩﻠﻪﻥ ﺑﺎﺷﻘﺎ ﺩﯙﻟﻪﺕ ﯞﻩﺗﻪﻧﺪﯦﺸﻰ ﺑﻮﻻﻻﻳﺪﯨﻜﻪﻥ.
ﺗﯜﺭﻛﯩﻴﯩﺪﻩ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻟﯘﺷﻨﻰ ﻛﯜﺗﯜﯞﺍﺗﻘﺎﻥ ﻛﯚﭖ ﺳﺎﻧﺪﺍ ﺋﯘﻳﻐﯘﺭ ﻳﺎﺷﯩﻤﺎﻗﺘﺎ. ﺑﯘ ﻳﯧﯖﻰ ﻗﺎﻧﯘﻥ ﺋﯘﻳﻐﯘﺭﻻﺭﻏﺎ ﻧﯧﻤﻪ ﭘﺎﻳﺪﺍ ﺋﯧﻠﯩﭗ ﻛﯧﻠﻪﺭ؟ ﺑﯘ ﻫﻪﻗﺘﻪ ﻛﯚﺯ ﻗﺎﺭﯨﺸﯩﻨﻰ ﺋﯧﻠﯩﺶ ﺋﯜﭼﯜﻥ ﺋﯩﺨﺘﯩﻴﺎﺭﻯ ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻢ، ﮊﯗﺭﻧﺎﻟﯩﺴﺖ ﯞﺍﺭﯨﺴﺠﺎﻥ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﻯ. )ﺋﻪﺭﻛﯩﻦ ﺗﺎﺭﯨﻢ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺗﯜﺭﻙ ﺩﯗﻧﻴﺎﺳﻰ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﻜﻪﻧﻠﻪﺭ ﺋﯧﻼﻥ ﻗﯩﻠﯩﻨﺪﻯ
- ﺋﯩﺴﺘﺎﻧﺒﯘﻟﺪﺍ ﻳﯧﯖﻰ ﻳﯩﻞ ﺧﺎﺗﯩﺮﯨﻠﻪﻧﺪﻯ
- ﺋﯘﻳﻐﯘﺭﻻﺭ 2008 - ﻳﯩﻠﯩﺪﯨﻦ ﻧﯧﻤﯩﻠﻪﺭﻧﻰ ﻛﯜﺗﻤﻪﻛﺘﻪ
- ﺗﯜﺭﻙ ﻣﻪﺗﺒﯘﺋﺎﺗﯩﺪﺍ ﺧﯩﺘﺎﻱ ﻫﻪﻗﻘﯩﺪﻩ ﻣﯘﻧﺎﺯﯨﺮﻩ
- ﺗﯜﺭﻙ ﺩﯗﻧﻴﺎﺳﻰ ﺋﻮﺭﺗﺎﻕ ﺋﯧﻠﯩﭙﺒﻪﺳﻰ ﺗﯜﺯﯛﻟﻤﻪﻛﭽﻰ
- ﺋﯩﺴﺘﺎﻧﺒﯘﻟﻨﯩﯔ ﺟﺎﯞﺍﻫﯧﺮ ﻣﯧﻬﻤﺎﻧﺨﺎﻧﯩﺴﯩﺪﺍ ﺋﯧﭽﯩﻠﻐﺎﻥ ﺧﻪﻟﻘﺌﺎﺭﺍﻟﯩﻖ ﻳﯩﻐﯩﻨﺪﺍ ﺋﯘﻳﻐﯘﺭﻻﺭﻧﯩﯔ ﺋﻪﻫﯟﺍﻟﻰ ﺗﻮﻧﯘﺷﺘﯘﺭﯗﻟﺪﻯ
- ﺩﯦﻤﻮﻛﺮﺍﺗﯩﻴﯩﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﯨﮕﻪ ﺑﻮﻟﻐﺎﻥ ﺗﻪﺳﯩﺮﻯ
- ﺋﯩﺴﺘﺎﻧﺒﯘﻟﺪﯨﻜﻰ ﺋﯘﻳﻐﯘﺭﻻﺭ ﺩﯗﻧﻴﺎ ﺋﯩﻨﺴﺎﻥ ﻫﻪﻗﻠﯩﺮﻯ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻧﺎﻣﺎﻳﯩﺶ ﺋﯚﺗﻜﯜﺯﺩﻯ
- ﺗﯜﺭﻛﯩﻴﯩﻨﯩﯔ ﺭﺍﺩﯨﻜﺎﻝ ﮔﯧﺰﯨﺘﻰ ﺋﯘﻳﻐﯘﺭ ﺩﯨﻴﺎﺭﻯ ﻫﻪﻗﻘﯩﺪﻩ ﻣﺎﻗﺎﻟﻪ ﺋﯧﻼﻥ ﻗﯩﻠﺪﻯ
- ﻗﻪﻳﺴﻪﺭﻯ ﯞﺍﻟﯩﺴﯩﻨﯩﯔ ﺧﻮﺷﻠﯩﺸﯩﺶ ﺯﯨﻴﺎﭘﯩﺘﯩﮕﻪ ﺩ ﺋﯘ ﻕ ﻣﻪﺳﺌﯘﻟﻠﯩﺮﻯ ﻗﺎﺗﻨﺎﺷﺘﻰ
- ﺩ ﺋﯘ ﻕ، ﺗﯜﺭﻛﯩﻴﯩﻨﯩﯔ ﺋﯘﻟﯘﺳﺎﻝ ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺋﻪﻳﯩﺒﻠﯩﺸﯩﮕﻪ ﺭﻩﺩﺩﯨﻴﻪ ﺑﯩﻠﺪﯛﺭﺩﻯ
- ﺋﻪﺯﻩﺭﺑﻪﻳﺠﺎﻥ ﻣﻪﺗﺒﯘﺋﺎﺗﯩﺪﺍ ﺋﯘﻳﻐﯘﺭﻻﺭ
- ﺋﻪﻧﻘﻪﺭﻩﺩﻩ ﺗﯜﺭﻛﻮﻟﻮﮔﯩﻴﻪ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﭼﺎﻗﯩﺮﯨﻠﺪﻯ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
