ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻣﻪﻫﻤﻪﺕ ﺋﻪﻛﯩﭽﻰ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2-ﺋﺎﻳﻨﯩﯔ 5-ﻛﯜﻧﻰ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﺪﺍ ﻏﯘﻟﺠﺎ ﯞﻩﻗﻪﺳﻰ ﺷﯘﻧﺪﺍﻗﻼ ﺋﯘﻳﻐﯘﺭ ﻣﻪﺳﯩﻠﯩﺴﻰ ﻛﯜﻧﺘﻪﺭﺗﯩﭙﻜﻪ ﻛﻪﻟﮕﻪﻥ ﺋﯩﺪﻯ. ﻣﯩﻠﻠﻪﺗﭽﻰ ﻫﻪﺭﯨﻜﻪﺕ ﭘﺎﺭﺗﯩﻴﯩﺴﻰ ﭘﺎﺭﻻﻣﯧﻨﺖ ﺋﻪﺯﺍﺳﻰ، ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻣﻪﻫﻤﻪﺕ ﺋﻪﻛﯩﭽﻰ ﺋﻪﭘﻪﻧﺪﻯ، ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﺪﯨﻜﻰ ﺋﻮﻣﯘﻣﻰ ﻳﯩﻐﯩﻨﺪﺍ ﺳﯚﺯ ﻗﯩﻠﯩﭗ، 500ﺩﯨﻦ ﻛﯚﭖ ﭘﺎﺭﻻﻣﯧﻨﺖ ﺋﻪﺯﺍﺳﻰ ﯞﻩ ﻣﯩﻨﯩﺴﺘﯩﺮﻻﺭﻏﺎ ﻏﯘﻟﺠﺎ ﯞﻩﻗﻪﺳﻰ ﺷﯘﻧﺪﺍﻗﻼ ﺋﯘﻳﻐﯘﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﻪﺭﮔﻪﻧﺪﯨﻦ ﻛﯧﻴﯩﻦ ﺗﯜﺭﻙ ﻫﯚﻛﯜﻣﯩﺘﯩﻨﻰ ﻗﯧﺮﯨﻨﺪﺍﺵ ﺋﯘﻳﻐﯘﺭ ﺧﻪﻟﻘﯩﻐﻪ ﻛﯚﯕﯜﻝ ﺑﯚﻟﯜﺷﻜﻪ ﭼﺎﻗﯩﺮﻏﺎﻥ ﺋﯩﺪﻯ. ﺑﯩﺰ ﺑﯘ ﻫﻪﻗﺘﻪ ﺗﯧﺨﯩﻤﯘ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺗﯜﺭﻛﯩﻴﻪ ﭘﺎﺭﻻﻣﯧﻨﺖ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻣﻪﻫﻤﻪﺕ ﺋﻪﻛﯩﭽﻰ ﺋﻪﭘﻪﻧﺪﻯ ﺑﯩﻠﻪﻥ ﭘﺎﺭﻻﻣﯧﻨﺖ ﺑﯩﻨﺎﺳﯩﺪﯨﻜﻰ ﺋﯩﺸﺨﺎﻧﯩﺴﯩﺪﺍ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﻣﻪﻫﻤﻪﺕ ﺋﻪﻛﯩﭽﻰ ﺋﻪﭘﻪﻧﺪﻯ، ﺳﯩﺰ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﻗﺎﻧﺪﺍﻕ ﻗﺎﺭﺍﻳﺴﯩﺰ ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺟﺎﯞﺍﭖ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: "ﻣﯧﻨﯩﯔ ﭘﻪﻗﻪﺗﻼ ﺑﯩﺮ ﭘﺎﺭﻻﻣﯧﻨﺖ ﺋﻪﺯﺍﺳﻰ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﺋﻪﻣﻪﺱ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺑﻮﻟﯘﯞﺍﺗﻘﺎﻥ ﯞﻩﻗﻪﻟﻪﺭ ﻣﯧﻨﯩﯔ ﻫﺎﻳﺎﺗﯩﻤﻨﯩﯔ ﻣﯘﻫﯩﻢ ﺑﯩﺮ ﻗﯩﺴﻤﯩﻨﻰ ﺗﻪﺷﻜﯩﻞ ﻗﯩﻠﯩﺪﯗ. ﺑﯜﮔﯜﻥ ﺳﯩﺰﻧﻰ ﮊﯗﺭﻧﺎﻟﯩﺴﺖ ﺩﻩﭖ ﺋﻪﻣﻪﺱ، ﺋﯚﺯ ﻗﯧﺮﯨﻨﺪﯨﺸﯩﻢ ﺩﻩﭖ ﻗﻮﺑﯘﻝ ﻗﯩﻠﯩﭗ ﺳﯩﺰ ﺑﯩﻠﻪﻥ ﺳﯚﺯﻟﯩﺸﯩﭗ ﺋﻮﻟﺘﯘﺭﯗﭘﺘﯩﻤﻪﻥ. ﻣﻪﻥ ﺋﺎﻟﺪﻯ ﺑﯩﻠﻪﻥ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﺋﺎﺭﻗﯩﻠﯩﻖ ﭘﯜﺗﯜﻥ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﻐﺎ ﺳﺎﻻﻡ ﻳﻮﻟﻼﻳﻤﻪﻥ. ﺧﯩﺘﺎﻳﻼﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺋﺎﭘﺘﻮﻧﻮﻣﯩﻴﻪ ﻫﻮﻗﯘﻗﻰ ﺑﻪﺭﮔﻪﻥ ﺑﻮﻟﺴﯩﻤﯘ، ﻫﺎﺯﯨﺮ ﺋﯘﻳﻐﯘﺭ ﺗﯜﺭﻛﻠﯩﺮﯨﮕﻪ ﻗﺎﺭﯨﺘﺎ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﯞﻩ ﻳﻮﻕ ﻗﯩﻠﯩﯟﯦﺘﯩﺶ ﺳﯩﻴﺎﺳﯩﺘﻰ ﺋﯧﻠﯩﭗ ﺑﯧﺮﯨﯟﺍﺗﯩﺪﯗ، ﺑﯩﺰ ﺑﯘﻧﻰ ﻳﯧﻘﯩﻨﺪﯨﻦ ﺗﻪﻗﯩﭗ ﻗﯩﻠﯩﯟﺍﺗﯩﻤﯩﺰ. ﻫﻪﻣﻤﯩﻤﯩﺰﮔﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ ﺑﯜﮔﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﯗﻧﻴﺎﺩﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺋﻪﯓ ﻛﯚﭖ ﺩﻩﭘﺴﻪﻧﺪﻩ ﺑﻮﻟﯩﯟﺍﺗﻘﺎﻥ ﻳﻪﺭﻟﻪﺭﺩﯨﻦ ﺑﯩﺮﻯ.

ﭘﺎﺭﻻﻣﯧﻨﺖ ﺋﻪﺯﺍﺳﻰ ﻣﻪﻫﻤﻪﺕ ﺋﻪﻛﯩﭽﻰ ﺋﻪﭘﻪﻧﺪﻯ ﺧﯩﺘﺎﻳﻼﺭ ﺋﯘﻳﻐﯘﺭﻻﺭﻏﺎ ﺑﯘﻧﺪﺍﻕ ﺑﯩﺮ ﺑﯧﺴﯩﻢ ﺳﯩﻴﺎﺳﯩﺘﻰ ﻳﯜﺭﮔﯜﺯﯛﯞﺍﺗﻘﺎﻥ ﺑﯩﺮ ﯞﻩﺯﯨﻴﻪﺗﺘﻪ ﻧﯧﻤﯩﻠﻪﺭﻧﻰ ﻗﯩﻠﯩﺶ ﻛﯧﺮﻩﻙ ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: "ﻣﻪﻥ ﻣﯩﻠﻠﻪﺗﭽﻰ ﻫﻪﺭﯨﻜﻪﺕ ﭘﺎﺭﺗﯩﻴﯩﺴﯩﮕﻪ ﯞﺍﻛﺎﻟﯩﺘﻪﻥ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﺪﺍ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﯞﻩﺯﯨﭙﯩﺴﯩﻨﻰ ﺋﯚﺗﻪﯞﺍﺗﯩﻤﻪﻥ. ﺑﯘ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﻨﯩﯔ ﻗﯘﺭﯗﻟﯘﺵ ﻧﯩﺰﺍﻣﻨﺎﻣﯩﺴﯩﺪﺍ، ﭘﯜﺗﯜﻥ ﺩﯗﻧﻴﺎﺩﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﯨﻨﻰ ﺗﻪﻗﯩﭗ ﻗﯩﻠﯩﺶ ﯞﻩ ﺑﯘ ﻫﻪﻗﺘﻪ ﻣﯘﻧﺎﺳﯩﯟﻩﺗﻠﯩﻚ ﭘﺎﺭﻻﻣﯧﻨﺘﻼﺭ ﺑﯩﻠﻪﻥ ﺋﺎﻻﻗﻪ ﺋﻮﺭﻧﯩﺘﯩﺸﺘﯘﺭ ﺩﻩﭖ ﺑﻪﻟﮕﯩﻠﻪﻧﮕﻪﻥ. ﺑﺎﺷﻘﺎ ﺩﯙﻟﻪﺗﻠﻪﺭﺩﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﻫﻪﻗﻘﯩﺪﻩ ﻣﺎﺗﯧﺮﯨﻴﺎﻝ ﺗﻮﭘﻼﭖ ﺭﻩﺗﻠﻪﭖ ﺗﻪﻛﺸﯜﺭﯛﭖ ﭼﯩﻘﯩﺪﯨﻐﺎﻥ ﺗﺎﺭﻣﺎﻗﻠﯩﺮﯨﻤﯩﺰﻣﯘ ﺑﺎﺭ. ﻣﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯜﭼﯜﻥ ﻛﻮﻧﻜﯧﺮﺕ ﻧﯧﻤﯩﻠﻪﺭﻧﻰ ﻗﯩﻼﻻﻳﻤﯩﺰ ﺑﯘ ﻫﻪﻗﺘﻪ ﻫﺎﺯﯨﺮﭼﻪ ﺑﯩﺮ ﻧﻪﺭﺳﻪ ﺩﯦﻴﻪﻟﻤﻪﻳﻤﻪﻥ، ﺋﻪﻣﻤﺎ ﻣﻪﻥ ﻣﯩﻠﻠﻪﺗﭽﻰ ﻫﻪﺭﯨﻜﻪﺕ ﭘﺎﺭﺗﯩﻴﯩﺴﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﯞﻩ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ ﻗﻮﻟﯘﻣﺪﯨﻦ ﻛﻪﻟﮕﻪﻧﻨﻰ ﻗﯩﻠﯩﻤﻪﻥ. ﺋﻪﮔﻪﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﻫﻪﻗﻘﯩﺪﻩ ﻣﺎﺗﯧﺮﯨﻴﺎﻟﻼﺭ ﺑﻮﻟﺴﺎ، ﭘﺎﺭﻻﻣﯧﻨﺘﯩﻤﯩﺰﻧﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻐﺎ ﻳﻪﺗﻜﯜﺯﯛﭖ ﺑﻪﺭﺳﻪﯕﻼﺭ، ﺑﯩﺰ ﺑﯘ ﻫﻪﻗﺘﻪ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﺸﻼﺭﻧﻰ ﻗﯩﻠﯩﻤﯩﺰ. ﻣﯧﻨﯩﯔ ﺳﯩﻠﻪﺭﮔﻪ ﺑﻮﻟﻐﺎﻥ ﺗﻪﯞﺳﯩﻴﻪﻡ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﻐﺎ ﺑﯘ ﻣﻪﺳﯩﻠﯩﻠﻪﺭﻧﻰ ﺋﺎﯕﻼﺗﻘﺎﻧﺪﯨﻦ ﺑﺎﺷﻘﺎ، ﺑﯩﺰﻧﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻐﺎ ﺑﯘ ﻫﻪﻗﺘﻪ ﺋﯩﻠﺘﯩﻤﺎﺱ ﺳﯘﻧﺴﺎﯕﻼﺭ ﺑﯩﺰ ﺑﯘ ﻣﻪﺳﯩﻠﯩﻨﻰ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﻨﯩﯔ ﻛﯜﻥ ﺗﻪﺭﺗﯩﭙﯩﮕﻪ ﺋﯧﻠﯩﭗ ﻛﯧﻠﯩﭗ ﺗﯘﺭﯨﻤﯩﺰ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯘﺯﺍﻕ ﺋﯘﻧﯩﯔ ﺋﯜﺳﺘﯩﮕﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻧﻰ ﺩﯗﻧﻴﺎﻏﺎ ﺋﯧﺘﯩﯟﺍﻟﻐﺎﻥ، ﺋﯘ ﻳﻪﺭﺩﻩ ﺑﻮﻟﯩﯟﺍﺗﻘﺎﻥ ﻫﺎﺩﯨﺴﯩﻠﻪﺭﺩﯨﻦ ﺩﯗﻧﻴﺎ ﺧﻪﯞﻩﺭﺩﺍﺭ ﺋﻪﻣﻪﺱ. ﺗﯜﺭﻙ ﺧﻪﻟﻘﯩﻤﯘ ﻳﺎﺧﺸﻰ ﺑﯩﻠﻤﻪﻳﺪﯗ. ﻫﻪﺗﺘﺎ ﺑﻪﺯﻯ ﺳﯩﻴﺎﺳﻪﺗﭽﯩﻠﻪﺭﻧﯩﯖﻤﯘ ﺷﻪﺭﻗﯩﻲ ﺗﯘﺭﻛﯩﺴﺘﺎﻥ ﻣﻪﺳﯩﻠﯩﺴﯩﺪﯨﻦ ﺧﻪﯞﯨﺮﻯ ﻳﻮﻕ. ﺷﯘﯕﺎ ﺋﻪﮔﻪﺭ ﺳﯩﻠﻪﺭ ﺷﻪﺭﻗﯩﻲ ﺗﯘﺭﻛﯩﺴﺘﺎﻧﻨﻰ ﺗﯜﺭﻛﯩﻴﻪﺩﻩ ﻳﺎﺧﺸﻰ ﺋﺎﯕﻼﺗﺴﺎﯕﻼﺭ ﺗﯜﺭﻙ ﺧﻪﻟﻘﻰ ﻫﻪﺭ ﺩﺍﺋﯩﻢ ﺳﯩﻠﻪﺭﻧﻰ ﻗﻮﻟﻼﭖ ﻗﯘﯞﯞﻩﺗﻠﻪﻳﺪﯗ."

ﭘﺎﺭﻻﻣﯧﻨﺖ ﺋﻪﺯﺍﺳﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻣﻪﻫﻤﻪﺕ ﺋﻪﻛﯩﭽﻰ ﺋﻪﭘﻪﻧﺪﻯ، ﺗﯜﺭﻛﯩﻴﻪﻧﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺳﯩﻴﺎﺳﯩﺘﻰ ﻧﯧﻤﻪ؟ ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: "ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﺎ ﺩﯙﻟﻪﺕ ﺳﯩﻴﺎﺳﯩﺘﻰ ﺑﺎﺭ. ﺋﻪﻣﻤﺎ ﺑﯘ ﺋﯚﺯﮔﯩﺮﯨﭗ ﺗﯘﺭﯨﺪﯨﻐﺎﻥ ﺑﯩﺮ ﺳﯩﻴﺎﺳﻪﺕ. ﻳﻪﻧﻰ ﺗﯜﺭﻛﯩﻴﯩﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﺎ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻧﻠﯩﺮﻯ ﺑﺎﺭ، ﺋﯚﺯﮔﻪﺭﻣﻪﺱ ﺑﯩﺮ ﺳﯩﻴﺎﺳﯩﺘﻰ ﻳﻮﻕ. ﺋﻪﮔﻪﺭ ﺑﯩﺮ ﺩﯙﻟﻪﺗﻨﯩﯔ ﺑﺎﺷﻘﺎ ﺑﯩﺮ ﺩﯙﻟﻪﺗﺘﻪ ﻳﺎﺷﺎﯞﺍﺗﻘﺎﻥ ﻗﯧﺮﯨﻨﺪﺍﺷﻠﯩﺮﻯ ﺗﺎﺭﺗﯩﯟﺍﺗﻘﺎﻥ ﺯﯗﻟﯘﻣﺪﯨﻦ ﺧﻪﯞﯨﺮﻯ ﺑﻮﻟﻤﯩﺴﺎ، ﺋﯘ ﺩﯙﻟﻪﺗﻜﻪ ﻗﺎﺭﯨﺘﺎ ﺑﯩﺮ ﺩﯙﻟﻪﺕ ﺳﯩﻴﺎﺳﯩﺘﯩﻨﯩﯔ ﺷﻪﻛﯩﻠﻠﯩﻨﯩﺸﯩﻤﯘ ﻣﯘﻣﻜﯩﻦ ﺋﻪﻣﻪﺱ. ﺑﯘ ﻳﯩﻞ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﻪﺭﯨﭙﯩﺪﯨﻦ 2008-ﻳﯩﻠﯩﻨﯩﯔ ﻣﻪﺧﻤﯘﺕ ﻗﻪﺷﻘﯩﺮﻯ ﻳﯩﻠﻰ ﺋﯧﻼﻥ ﻗﯩﻠﯩﻨﯩﺸﻰ ﻛﯩﺸﯩﻨﻰ ﺧﯘﺭﺳﻪﻥ ﻗﯩﻠﯩﺪﯨﻐﺎﻥ ﺑﯩﺮ ﻫﺎﺩﯨﺴﻪ. ﺑﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺩﯗﻧﻴﺎﻏﺎ ﺋﺎﯕﻠﯩﺘﯩﺶ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺟﺎﺩﯨﻠﯩﺴﻰ ﻗﯧﻴﯩﻦ ﺑﯩﺮ ﻣﯘﺟﺎﺩﯨﻠﻪ، ﻫﺎﺭﻣﺎﻱ ﺗﺎﻟﻤﺎﻱ ﺋﯜﻣﯩﺘﺴﯩﺰﻟﻪﻧﻤﻪﺳﺘﯩﻦ ﺋﯧﻠﯩﭗ ﺑﯧﺮﯨﺶ ﻛﯧﺮﻩﻙ. ﺑﯘ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺳﯩﻴﺎﺳﯩﺘﯩﻨﻰ ﺗﯜﺯﯛﭖ ﭼﯩﻘﯩﺸﻰ ﺋﯜﭼﯜﻥ ﭘﺎﻳﺪﯨﻠﯩﻖ. ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﺑﯩﻠﻪﻥ ﻣﯘﻧﺎﺳﯩﯟﯨﺘﯩﯖﻼﺭﻧﻰ ﻛﯜﭼﻪﻳﺘﯩﯖﻼﺭ ﺩﯦﻴﯩﺸﯩﻤﺪﯨﻜﻰ ﺳﻪﯞﻩﺑﻤﯘ ﺑﯘ. ﺗﯜﺭﻛﯩﻴﻪ ﺋﻪﯓ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﻣﯘﻛﻪﻣﻤﻪﻝ ﺑﯩﺮ ﺷﻪﺭﻗﯩﻲ ﺗﯘﺭﻛﯩﺴﺘﺎﻥ ﺳﯩﻴﺎﺳﯩﺘﯩﻨﻰ ﺗﯜﺯﯛﭖ ﭼﯩﻘﯩﺸﻰ ﻛﯧﺮﻩﻛﻠﯩﻜﯩﮕﻪ ﺋﯩﺸﯩﻨﯩﻤﻪﻥ، ﺧﯘﺩﺍﻳﯩﻢ ﺑﯘﻳﺮﯨﺴﺎ ﻫﻪﻣﻤﯩﻤﯩﺰ ﺑﯩﺮﻟﯩﻜﺘﻪ ﺑﯘ ﺳﯩﻴﺎﺳﻪﺗﻨﻰ ﺗﯜﺯﯛﭖ ﭼﯩﻘﯩﻤﯩﺰ."

ﻣﻪﻫﻤﻪﺕ ﺋﻪﻛﯩﭽﻰ ﺋﻪﭘﻪﻧﺪﻯ ﺳﯚﻫﺒﯩﺘﯩﻤﯩﺰﻧﯩﯔ ﺋﺎﺧﯩﺮﯨﺪﺍ، ﺑﯜﮔﯜﻥ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺗﯜﺭﻛﯩﻴﯩﺪﻩ ﺗﯘﺭﯗﺷﻠﯘﻕ ﺋﻪﻟﭽﯩﺨﺎﻧﯩﺴﯩﻨﯩﯔ ﺋﯘﻳﻐﯘﺭﻻﺭﻧﻰ ﺧﻪﻟﻘﺌﺎﺭﺍ ﺗﯧﺮﺭﻭﺭﯨﺰﻣﻨﯩﯔ ﺑﯩﺮ ﻗﯩﺴﻤﻰ ﻗﯩﻠﯩﭗ ﻛﯚﺭﺳﯩﺘﯩﺸﻜﻪ ﺗﯩﺮﯨﺸﯩﯟﺍﺗﻘﺎﻥ ﺑﻮﻟﺴﯩﻤﯘ ﺗﯜﺭﻛﻠﻪﺭﻧﯩﯔ ﺋﯘﻳﻐﯘﺭﻻﺭﻏﺎ ﺋﯘﻧﺪﺍﻕ ﻗﺎﺭﯨﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺗﯧﺮﺭﻭﺭﯨﺰﻣﻨﯩﯔ ﺑﯩﺮ ﻗﯩﺴﻤﻰ ﺩﻩﭖ ﻗﺎﺭﺍﻳﺪﯨﻐﺎﻧﻼﺭ ﺗﯜﺭﻛﯩﻴﯩﺪﻩ ﺋﯩﻨﺘﺎﻳﯩﻦ ﺋﺎﺯ. ﺑﯘ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻨﯩﯔ ﺗﯜﺭﻛﯩﻴﯩﺪﻩ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯩﺮ ﺗﻪﺷﯟﯨﻘﺎﺗﯩﺪﯗﺭ. ﺋﻪﺭﻛﯩﻨﻠﯩﻚ، ﺩﯦﻤﻮﻛﺮﺍﺗﯩﻴﻪ ﯞﻩ ﺋﻪﻗﻪﻟﻠﻰ ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﺗﻪﻟﻪﭖ ﻗﯩﻠﻐﺎﻥ ﻛﯩﺸﯩﻠﻪﺭﻧﻰ ﺗﯧﺮﺭﻭﺭﯨﺴﺖ ﺩﻩﭖ ﺋﯧﻴﯩﺒﻼﺵ ﺑﻪﺯﻯ ﺩﯙﻟﻪﺗﻠﻪﺭﻧﯩﯔ ﺩﯙﻟﻪﺕ ﺳﯩﻴﺎﺳﯩﺘﯩﮕﻪ ﺋﺎﻳﻠﯩﻨﯩﭗ ﻗﺎﻟﻐﺎﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺋﯘﻳﻐﯘﺭﻻﺭﻧﯩﯔ ﻗﻮﻟﯩﻐﺎ ﻗﻮﺭﺍﻝ ﻳﺎﺭﺍﻕ ﺋﯧﻠﯩﭗ ﭼﯩﻘﯩﭗ ﺧﯩﺘﺎﻳﻼﺭﻧﻰ ﺋﯚﻟﺘﯜﺭﮔﯩﻨﻰ ﻳﻮﻕ. ﺋﻪﺳﻠﯩﺪﻩ ﺧﯩﺘﺎﻳﻼﺭ ﺋﯧﻐﯩﺮ ﺋﺎﻳﺎﻕ ﺋﺎﻳﺎﻟﻼﺭﻧﯩﯔ ﻗﺎﺭﻧﯩﺪﯨﻜﻰ 6-7 ﺋﺎﻳﻠﯩﻖ ﺑﺎﻟﯩﻼﺭﻧﻰ ﺋﺎﻟﻐﺎﻥ ﯞﺍﻗﺘﯩﺪﺍ، ﺋﯘﻻﺭﻧﯩﯔ ﺋﯚﺯﯨﻨﻰ ﻗﻮﻏﺪﺍﺵ ﻫﻪﻗﻘﻰ ﺑﺎﺭ، ﺋﻪﻣﻤﺎ ﺋﯘﻳﻐﯘﺭﻻﺭ ﺋﯘﻧﯩﻤﯘ ﻗﯩﻠﻤﺎﻳﯟﺍﺗﯩﺪﯗ. ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﯨﺴﺖ ﺩﯦﻴﯩﺶ ﭘﻪﻗﻪﺗﻼ ﺋﻪﻣﻪﻟﯩﻴﻪﺗﻜﻪ ﻣﯘﯞﺍﭘﯩﻖ ﺋﻪﻣﻪﺱ." (ﺋﻪﺭﻛﯩﻦ ﺗﺎﺭﯨﻢ)