ﺗﯜﺭﻛﯩﻴﻪ ﻗﻮﺷﯘﻧﻰ ﻛﯜﺭﺩ ﻗﻮﺭﺍﻟﻠﯩﻖ ﺋﯘﻧﺴﯘﺭﻟﯩﺮﯨﻐﺎ ﻗﺎﺗﺘﯩﻖ ﺯﻩﺭﺑﻪ ﺑﻪﺭﺩﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﺭﻛﯩﻴﻪ ﺋﺎﺭﻣﯩﻴﯩﺴﻰ 2-ﺋﺎﻳﻨﯩﯔ 22-ﻛﯜﻧﻰ ﺷﯩﻤﺎﻟﯩﻲ ﺋﯩﺮﺍﻗﺘﺎ ﺋﯘﯞﺍ ﻗﯘﺭﻏﺎﻥ ﭖ ﻙ ﻙ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﯩﻐﺎ ﻗﺎﺭﺷﻰ ﻛﻪﯓ ﻛﯚﻟﻪﻣﺪﻩ ﺋﻪﺳﻜﯩﺮﻯ ﻫﯘﺟﯘﻡ ﺑﺎﺷﻼﺗﻘﺎﻥ. Erkin Tarim

ﺗﯜﺭﻛﯩﻴﻪ ﺋﺎﺭﻣﯩﻴﯩﺴﻰ 2-ﺋﺎﻳﻨﯩﯔ 22-ﻛﯜﻧﻰ ﺷﯩﻤﺎﻟﯩﻲ ﺋﯩﺮﺍﻗﺘﺎ ﺋﯘﯞﺍ ﻗﯘﺭﻏﺎﻥ ﭖ ﻙ ﻙ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﯩﻐﺎ ﻗﺎﺭﺷﻰ ﻛﻪﯓ ﻛﯚﻟﻪﻣﺪﻩ ﺋﻪﺳﻜﯩﺮﻯ ﻫﯘﺟﯘﻡ ﺑﺎﺷﻼﺗﻘﺎﻥ ﺋﯩﺪﻯ. ﺑﯜﮔﯜﻧﮕﯩﭽﻪ ﺑﻮﻟﻐﺎﻥ 4 ﻛﯜﻧﻠﯜﻙ ﻫﯘﺟﯘﻣﺪﺍ ﺗﯜﺭﻙ ﺋﺎﺭﻣﯩﻴﯩﺴﻰ ﺋﯘﺭﯗﺵ ﺋﺎﻳﺮﻭﭘﯩﻼﻧﻠﯩﺮﻯ ﺑﯩﻠﻪﻥ ﺷﯩﻤﺎﻟﯩﻲ ﺋﯩﺮﺍﻗﻨﯩﯔ ﭼﯧﮕﺮﯨﺴﯩﻨﯩﯔ ﺋﯩﭽﯩﺪﯨﻜﻰ ﭖ ﻙ ﻙ ﺗﯧﺮﺭﻭﺭ ﺗﻪﺷﻜﯩﻼﺗﻰ ﺋﻪﺯﺍﻟﯩﺮﻯ ﺑﺎﺭ ﺩﻩﭖ ﻗﺎﺭﺍﻟﻐﺎﻥ 63 ﻳﻪﺭﻧﻰ ﺑﻮﻣﺒﺎﺭﺩﯨﻤﺎﻥ ﻗﯩﻠﻐﺎﻥ ﺑﻮﻟﯘﭖ، ﺋﯚﻟﺘﯜﺭﯛﻟﮕﻪﻥ ﺗﯧﺮﺭﻭﺭﯨﺴﺘﻼﺭﻧﯩﯔ ﺳﺎﻧﻰ ﺗﯧﺨﻰ ﺋﯧﻨﯩﻖ ﺋﻪﻣﻪﺱ. ﺋﻪﻣﻤﺎ ﻗﯘﺭﯗﻗﻠﯘﻗﺘﺎ ﺗﯜﺭﻙ ﺋﺎﺭﻣﯩﻴﯩﺴﻰ ﺑﯩﻠﻪﻥ ﺋﯧﺘﯩﺸﯩﺸﺘﺎ ﺋﯚﻟﺘﯜﺭﯛﻟﮕﻪﻥ ﺗﯧﺮﺭﻭﺭﯨﺴﺖ ﺳﺎﻧﻰ 153 ﺑﻮﻟﯘﭖ، ﺑﯘ ﺟﻪﺭﻳﺎﻧﺪﺍ ﺷﯧﻬﯩﺖ ﺑﻮﻟﻐﺎﻥ ﺗﯜﺭﻙ ﺋﺎﺭﻣﯩﻴﯩﺴﯩﻨﯩﯔ ﺳﺎﻧﻰ 17. ﻫﯚﺭﯨﻴﻪﺕ ﮔﯧﺰﯨﺘﯩﻨﯩﯔ 2-ﺋﺎﻳﻨﯩﯔ 25-ﻛﯜﻧﯩﺪﯨﻜﻰ ﺧﻪﯞﯨﺮﯨﺪﻩ، ﺗﯜﺭﻛﯩﻴﻪ ﺋﺎﺭﻣﯩﻴﯩﺴﯩﻨﯩﯔ ﺑﯘ ﻫﯘﺟﯘﻣﺪﯨﻦ ﻗﺎﭼﻘﺎﻥ ﭘﻜﻚ ﺗﯧﺮﺭﻭﺭ ﺗﻪﺷﻜﯩﻼﺗﻰ ﺋﻪﺯﺍﻟﯩﺮﯨﻨﯩﯔ ﺋﯩﺮﺍﻥ ﭼﯧﮕﺮﯨﺴﯩﻐﺎ ﻗﺎﺭﺍﭖ ﻗﯧﭽﯩﯟﺍﺗﻘﺎﻧﻠﯩﻘﯩﻐﺎ، ﺗﯜﺭﻛﯩﻴﯩﻨﯩﯔ ﺑﯘ ﻫﻪﻗﺘﻪ ﺋﯩﺮﺍﻥ ﻫﯚﻛﯜﻣﯩﺘﯩﻨﻰ ﺋﺎﮔﺎﻫﻼﻧﺪﯗﺭﻏﺎﻧﻠﯩﻘﯩﻐﺎ، ﺋﯩﺮﺍﻥ ﻫﯚﻛﯜﻣﯩﺘﯩﻨﯩﯔ ﺑﯘ ﻫﻪﻗﺘﻪ ﺗﻪﺩﺑﯩﺮﻧﻰ ﺋﺎﻟﻐﺎﻧﻠﯩﻘﯩﻨﻰ، ﺗﯧﺮﺭﻭﺭﯨﺴﺘﻼﺭﻧﯩﯔ ﺋﯩﺮﺍﻧﻐﺎ ﻛﯩﺮﯨﺸﯩﮕﻪ ﺭﯗﺧﺴﻪﺕ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻧﻠﯩﻜﯩﮕﻪ ﻳﻪﺭ ﺑﯧﺮﯨﻠﮕﻪﻥ.

ﺑﯘ ﻗﯧﺘﯩﻤﻘﻰ ﻛﻪﯓ ﻛﯚﻟﻪﻣﻠﯩﻚ ﻫﯘﺟﯘﻣﻐﺎ ﺑﯩﺮ ﺗﯜﻣﻪﻧﺪﯨﻦ ﺋﺎﺭﺗﯘﻕ ﺗﯜﺭﻙ ﻫﻪﺭﺑﯩﻲ ﺧﺎﺩﯨﻤﻰ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﭘﻜﻚ ﺗﯧﺮﺭﻭﺭ ﺗﻪﺷﻜﯩﻼﺗﯩﻨﯩﯔ ﻣﯘﻫﯩﻢ ﻧﯘﻗﺘﯩﻠﯩﺮﻯ ﺑﻮﻣﺒﺎﺭﺩﯨﻤﺎﻥ ﻗﯩﻠﯩﻨﻐﺎﻥ. ﺷﯩﻤﺎﻟﯩﻲ ﺋﯩﺮﺍﻗﻘﺎ ﺑﯩﺮﯨﻨﭽﻰ ﺑﻮﻟﯘﭖ ﻛﯩﺮﮔﻪﻥ ﻗﻮﺷﯘﻥ ﺑﯜﮔﯜﻥ ﺗﯜﺭﻛﯩﻴﯩﮕﻪ ﻗﺎﻳﺘﺘﻰ. 100 ﻫﻪﺭﺑﯩﻲ ﻣﺎﺷﯩﻨﯩﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﻗﻮﺷﯘﻥ 24-ﻓﯧﯟﺭﺍﻝ ﻛﯜﻧﻰ ﺋﺎﺧﺸﺎﻡ ﻗﺎﺭ ﻛﯩﻴﯩﻤﻠﯩﺮﯨﻨﻰ ﻛﯩﻴﮕﻪﻥ ﻫﺎﻟﺪﺍ، ﺗﯜﺭﻛﯩﻴﻪ ﺋﯩﺮﺍﻕ ﭼﯧﮕﺮﯨﺴﯩﻐﺎ ﺟﺎﻳﻼﺷﻘﺎﻥ ﭼﯘﻗﯘﺭﺟﺎﻧﯩﯔ ﺋﯘﺯﯗﻣﻠﯘ ﻳﯧﺰﯨﺴﯩﺪﯨﻜﻰ ﻫﻪﺭﺑﯩﻲ ﺭﺍﻳﻮﻧﯩﻐﺎ ﻳﯧﺘﯩﭗ ﻛﻪﻟﺪﻯ، ﺗﯜﺭﻙ ﺗﯧﻠﯧﯟﯨﺰﻳﯩﻠﯩﺮﯨﺪﯨﻜﻰ ﻛﯚﺭﯛﻧﯜﺷﻠﻪﺭﮔﻪ ﻗﺎﺭﯨﻐﺎﻧﺪﺍ ﺗﯜﺭﻙ ﺋﺎﺭﻣﯩﻴﯩﺴﯩﻨﯩﯔ ﻛﻪﻳﭙﯩﻴﺎﺗﻰ ﺋﯩﻨﺘﺎﻳﯩﻦ ﻳﯘﻗﯩﺮﻯ ﺋﯩﺪﻯ.

ﺋﯘﺯﯗﻥ ﻳﯩﻠﻼﺭﺩﯨﻦ ﺑﯧﺮﻯ ﺗﯜﺭﻛﯩﻴﻪ ﺋﯩﺮﺍﻕ ﭼﯧﮕﺮﯨﺴﯩﺪﯨﻜﻰ ﭖ ﻙ ﻙ ﺗﯧﺮﺭﻭﺭﯨﺴﺖ ﺑﺎﺯﯨﺴﯩﻐﺎ ﻛﻪﯓ ﻛﯚﻟﻪﻣﺪﻩ ﺋﻪﺳﻜﯩﺮﻯ ﻫﯘﺟﯘﻡ ﺋﯧﻠﯩﭗ ﺑﯧﺮﯨﺸﻘﺎ ﺗﻪﻣﺸﻪﻟﮕﻪﻥ ﺑﻮﻟﺴﯩﻤﯘ، ﺋﺎﻣﯧﺮﯨﻜﺎ ﯞﻩ ﻳﺎﯞﺭﯗﭘﺎ ﺩﯙﻟﻪﺗﻠﯩﺮﻯ ﺑﯩﻠﻪﻥ ﺑﯘ ﻫﻪﻗﺘﻪ ﻫﻪﻡ ﭘﯩﻜﯩﺮ ﺑﻮﻟﻤﯩﻐﺎﭼﻘﺎ ﺋﯧﻠﯩﭗ ﺑﺎﺭﺍﻟﻤﯩﻐﺎﻥ ﺋﯩﺪﻯ. ﺑﯘ ﻗﯧﺘﯩﻤﻘﻰ ﺑﯘ ﺋﻪﺳﻜﯩﺮﻯ ﻫﯘﺟﯘﻣﻐﺎ ﻳﺎﯞﺭﯗﭘﺎ ﺩﯙﻟﻪﺗﻠﯩﺮﻯ ﯞﻩ ﺋﺎﻣﯧﺮﯨﻜﺎ ﻗﯩﺴﻘﺎ ﻣﯘﺩﺩﻩﺗﻠﯩﻚ ﺭﯗﺧﺴﻪﺕ ﻗﯩﻠﻐﺎﻥ ﺑﻮﻟﯘﭖ، ﺗﯜﺭﻙ ﻣﻪﺗﺒﯘﺋﺎﺗﻠﯩﺮﯨﺪﺍ ﻳﻪﺭ ﺋﺎﻟﻐﺎﻥ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ ﺋﺎﻣﯧﺮﯨﻜﺎ ﺗﯜﺭﻙ ﺋﺎﺭﻣﯩﻴﯩﺴﯩﻨﯩﯔ ﺷﯩﻤﺎﻟﻰ ﺋﯩﺮﺍﻗﺘﯩﻦ ﺑﺎﻟﺪﯗﺭﺭﺍﻕ ﭼﯩﻘﯩﭗ ﻛﯧﺘﯩﺸﯩﻨﻰ ﺗﻪﻟﻪﭖ ﻗﯩﻠﯩﯟﺍﺗﻘﺎﻥ.

ﻫﯚﺭﯨﻴﻪﺕ ﮔﯧﺰﯨﺘﯩﻨﯩﯔ 2-ﺋﺎﻳﻨﯩﯔ 25-ﻛﯜﻧﯩﺪﯨﻜﻰ ﺳﺎﻧﯩﺪﺍ ﺋﺎﺩﺍﻟﻪﺕ ﯞﻩ ﺗﻪﺭﻩﻗﻘﯩﻴﺎﺕ ﭘﺎﺭﺗﯩﻴﯩﺴﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺭﻩﻫﺎ ﺩﻩﻧﻪﻣﻪﭺ ﺋﻪﭘﻪﻧﺪﯨﻨﯩﯔ ﺑﯘ ﻫﻪﻗﺘﻪ ﺑﻪﺭﮔﻪﻥ ﺑﺎﻳﺎﻧﺎﺗﯩﻐﺎ ﻳﻪﺭ ﺑﯧﺮﯨﻠﮕﻪﻥ ﺑﻮﻟﯘﭖ، ﺑﺎﻳﺎﻧﺎﺗﺘﺎ ﻣﯘﻧﺪﺍﻕ ﺩﯦﻴﯩﻠﮕﻪﻥ: "ﺗﯜﺭﻛﯩﻴﻪ ﺷﯩﻤﺎﻟﯩﻲ ﺋﯩﺮﺍﻗﻘﺎ ﺋﺎﻣﯧﺮﯨﻜﯩﺪﯨﻦ ﺳﻮﺭﯨﻤﺎﻱ ﺗﯘﺭﯗﭖ ﻫﻪﺭﺑﯩﻲ ﻫﯘﺟﯘﻡ ﺋﯧﻠﯩﭗ ﺑﺎﺭﺳﺎ، ﺋﯩﺮﺍﻕ ﺋﻪﺳﻜﯩﺮﻯ ﺑﯩﻠﻪﻥ ﺋﻪﻣﻪﺱ، ﺋﺎﻣﯧﺮﯨﻜﺎ ﺋﺎﺭﻣﯩﻴﯩﺴﻰ ﺑﯩﻠﻪﻥ ﺗﻮﻗﯘﻧﯘﺷﻘﺎ ﻛﯩﺮﯨﭗ ﻗﯧﻠﯩﺸﻰ ﻣﯘﻣﻜﯩﻦ. ﺋﺎﻣﯧﺮﯨﻜﺎ ﺩﯗﻧﻴﺎﺩﯨﻜﻰ ﻫﻪﺩﺩﯨﺪﯨﻦ ﺗﺎﺷﻘﯩﺮﻯ ﭼﻮﯓ ﺩﯙﻟﻪﺕ، ﺗﯜﺭﻛﯩﻴﯩﻨﯩﯔ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻮﺭﺗﯩﻘﻰ، ﺋﯩﺘﺘﯩﭙﺎﻗﺪﺍﺵ ﺩﯙﻟﯩﺘﯩﻤﯩﺰ. ﺷﯘﯕﺎ ﺋﺎﻣﯧﺮﯨﻜﺎ ﺑﯩﻠﻪﻥ ﺑﯘ ﻫﻪﻗﺘﻪ ﻣﯘﺯﺍﻛﯩﺮﻩ ﺋﯧﻠﯩﭗ ﺑﺎﺭﻏﺎﻧﺪﯨﻦ ﻛﯧﻴﯩﻦ ﻫﻪﺭﺑﯩﻲ ﻫﯘﺟﯘﻡ ﺑﺎﺷﻼﺗﺘﯘﻕ."

ﺋﺎﻣﯧﺮﯨﻜﺎ ﻗﻮﺷﻤﺎ ﺷﺘﺎﺗﻠﯩﺮﻯ ﺗﯜﺭﻛﯩﻴﯩﻨﯩﯔ ﻛﯜﺭﺩ ﻣﻪﺳﯩﻠﯩﺴﯩﻨﻰ ﺳﯩﻴﺎﺳﻰ ﺟﻪﻫﻪﺗﺘﯩﻦ ﻫﻪﻝ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﻪﭖ ﻛﻪﻟﻤﻪﻛﺘﻪ. ﻫﯚﺭﯨﻴﻪﺕ ﮔﯧﺰﯨﺘﯩﻨﯩﯔ 25-ﻓﯧﯟﺭﺍﻝ ﻛﯜﻧﯩﺪﯨﻜﻰ ﺳﺎﻧﯩﺪﺍ ﺋﺎﻣﯧﺮﯨﻜﺎ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻯ ﺭﻭﺑﻪﺭﺕ ﮔﻪﻳﺘﻪﺳﻨﯩﯔ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﻐﺎ ﻳﻪﺭ ﺑﯧﺮﯨﻠﮕﻪﻥ. ﺋﯘ ﺗﯜﺭﻙ ﺋﺎﺭﻣﯩﻴﯩﺴﯩﻨﯩﯔ ﺷﯩﻤﺎﻟﯩﻲ ﺋﯩﺮﺍﻗﻘﺎ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻫﯘﺟﯘﻣﯩﻨﯩﯔ ﻛﯜﺭﺩ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻼﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﺑﯘ ﻫﯘﺟﯘﻣﻨﻰ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﺋﺎﺧﯩﺮﻻﺷﺘﯘﺭﯗﺵ ﻛﯧﺮﻩﻛﻠﯩﻜﯩﻨﻰ، ﺑﯘ ﺋﻪﺳﻜﯩﺮﻯ ﻫﻪﺭﯨﻜﻪﺕ ﺑﯩﻠﻪﻥ ﺑﯩﺮﻟﯩﻜﺘﻪ ﻛﯜﺭﺩ ﻣﻪﺳﯩﻠﯩﺴﯩﻨﻰ ﺳﯩﻴﺎﺳﻰ ﯞﻩ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﻫﻪﻝ ﻗﯩﻠﯩﺸﻘﯩﻤﯘ ﺋﻪﻫﻤﯩﻴﻪﺕ ﺑﯧﺮﯨﺶ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ. ﺋﺎﻣﯧﺮﯨﻜﺎ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻯ ﺭﻭﺑﯧﺮﺕ ﮔﻪﻳﺘﻪﺱ ﻫﺎﺯﯨﺮ ﺋﺎﯞﺳﺘﺮﺍﻟﯩﻴﯩﮕﻪ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ 3 ﻛﯜﻧﻠﯜﻙ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﺑﯘ ﺑﺎﻳﺎﻧﺎﺗﻨﻰ ﺑﻪﺭﮔﻪﻥ ﺑﻮﻟﯘﭖ، ﺑﺎﻳﺎﻧﺎﺗﯩﺪﺍ ﻳﻪﻧﻪ ﺋﺎﻣﯧﺮﯨﻜﯩﻨﯩﯔ ﺗﯜﺭﻙ ﺋﺎﺭﻣﯩﻴﯩﺴﻰ ﺷﯩﻤﺎﻟﯩﻲ ﺋﯩﺮﺍﻗﻘﺎ ﻛﯩﺮﯨﺸﺘﯩﻦ ﺑﯘﺭﯗﻥ، ﺋﯩﺮﺍﻕ ﻫﯚﻛﯜﻣﯩﺘﯩﮕﻪ ﻳﻮﻟﻴﻮﺭﯗﻕ ﺑﻪﺭﮔﻪﻧﻠﯩﻜﯩﻨﻰ، ﺋﺎﻣﯧﺮﯨﻜﯩﻨﯩﯔ ﭘﻜﻚ ﺗﯧﺮﺭﻭﺭ ﺗﻪﺷﻜﯩﻼﺗﻰ ﻫﻪﻗﻘﯩﺪﯨﻜﻰ ﺑﻪﺯﻯ ﻣﻪﻟﯘﻣﺎﺗﻼﺭﻧﻰ ﺗﯜﺭﻙ ﺋﺎﺭﻣﯩﻴﯩﺴﯩﮕﻪ ﺑﻪﺭﮔﻪﻧﻠﯩﻜﯩﻨﯩﻤﯘ ﺋﻪﺳﻜﻪﺭﺗﯩﭗ ﺋﯚﺗﻜﻪﻥ.

ﺋﺎﻣﯧﺮﯨﻜﺎ، ﺋﯩﺮﺍﻕ ﻫﯚﻛﯜﻣﯩﺘﻰ، ﺷﯩﻤﺎﻟﯩﻲ ﺋﯩﺮﺍﻕ ﻛﯜﺭﺩ ﺭﺍﻳﻮﻧﯩﻨﯩﯔ ﺭﻩﻫﺒﻪﺭﻟﯩﺮﻯ ﺗﯜﺭﻙ ﺋﺎﺭﻣﯩﻴﯩﺴﯩﻨﯩﯔ ﺑﯘ ﻫﯘﺟﯘﻣﯩﻨﻰ ﺑﺎﻟﺪﯗﺭﺭﺍﻕ ﺋﺎﺧﯩﺮﻻﺷﺘﯘﺭﯗﭖ ﭼﯩﻘﯩﭗ ﻛﯧﺘﯩﺸﯩﻨﻰ ﺗﻪﻟﻪﭖ ﻗﯩﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺗﯜﺭﻙ ﻫﯚﻛﯜﻣﯩﺘﻰ ﺑﺎﻳﺎﻧﺎﺗﭽﯩﺴﻰ ﺟﯧﻤﯩﻞ ﭼﯩﭽﻪﻙ ﺋﻪﭘﻪﻧﺪﻯ، 24-ﻓﯧﯟﺭﺍﻝ ﻛﯜﻧﻰ ﻣﯘﺧﺒﯩﺮﻻﺭﻏﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺗﯜﺭﻙ ﺋﺎﺭﻣﯩﻴﯩﺴﯩﻨﯩﯔ ﺑﯘ ﻛﻪﯓ ﻛﯚﻟﻪﻣﻠﯩﻚ ﻫﯘﺟﯘﻣﯩﻨﻰ ﻗﺎﻳﺘﺎ ﻗﺎﻳﺘﺎ ﻣﯘﺯﺍﻛﯩﺮﻩ ﻗﯩﻠﯩﺶ ﻧﻪﺗﯩﺠﯩﺴﯩﺪﻩ ﺑﺎﺷﻼﻧﻐﺎﻧﻠﯩﻘﯩﻨﻰ، ﺷﯩﻤﺎﻟﯩﻲ ﺋﯩﺮﺍﻕ ﭼﯧﮕﺮﯨﺴﯩﺪﯨﻜﻰ ﺗﯧﺮﺭﻭﺭﯨﺴﺘﻼﺭﻧﻰ ﺗﻪﻝ ﺗﯚﻛﯜﺱ ﺗﺎﺯﯨﻼﻣﺎﺳﺘﯩﻦ ﺗﯜﺭﻙ ﺋﺎﺭﻣﯩﻴﯩﺴﯩﻨﯩﯔ ﻫﻪﺭﮔﯩﺰ ﺋﯘ ﻳﻪﺭﺩﯨﻦ ﭼﯧﻜﯩﻨﯩﭗ ﭼﯩﻘﻤﺎﻳﺪﯨﻐﺎﻧﻠﯩﻘﯩﻨﻰ، ﺗﯜﺭﻙ ﻫﯚﻛﯜﻣﯩﺘﻰ ﯞﻩ 70 ﻣﯩﻠﻴﻮﻥ ﺗﯜﺭﻙ ﺧﻪﻟﻘﯩﻨﯩﯔ ﺗﯜﺭﻙ ﺋﺎﺭﻣﯩﻴﯩﺴﯩﻨﻰ ﭼﯩﯔ ﻳﯜﺭﻩﻛﺘﯩﻦ ﻗﻮﻟﻼﭖ ﻗﯘﯞﻩﺗﻠﻪﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺑﯜﮔﯜﻥ ﺗﯜﺭﻛﯩﻴﻪ ﺋﺎﺭﻣﯩﻴﯩﺴﻰ ﺑﺎﺵ ﺷﯩﺘﺎﺑﻰ ﻣﯘﺧﺒﯩﺮﻻﺭﻏﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺗﯜﺭﻙ ﺋﺎﺭﻣﯩﻴﯩﺴﯩﻨﯩﯔ ﺷﯩﻤﺎﻟﯩﻲ ﺋﯩﺮﺍﻗﻘﺎ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﻪﺳﻜﯩﺮﻯ ﻫﯘﺟﯘﻣﯩﻨﯩﯔ ﭘﯩﻼﻥ ﺑﻮﻳﯩﭽﻪ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ. (ﺋﻪﺭﻛﯩﻦ ﺗﺎﺭﯨﻢ)