ﺋﺎﻣﻤﯩﯟﯨﻲ ﺗﻪﺷﻜﯩﻼﺗﻼﺭ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﯩﯔ ﺗﯜﺭﻛﯩﻴﯩﺪﯨﻦ ﺋﯚﺗﯜﺷﯩﮕﻪ ﻗﺎﺗﺘﯩﻖ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﻣﻪﻛﺘﻪ
2008-04-01
ﺋﻮﻟﯩﻤﭙﯩﻚ ﻣﻪﺷﺌﯩﻠﻰ 25 - ﻣﺎﺭﺕ ﻛﯜﻧﻰ ﮔﺮﯦﺘﺴﯩﻴﯩﻨﯩﯔ ﺋﺎﻓﯩﻨﺎ ﺷﻪﻫﯩﺮﯨﺪﻩ ﻳﯧﻘﯩﻠﻐﺎﻥ ﺑﻮﻟﯘﭖ، 31 - ﻣﺎﺭﺕ ﻛﯜﻧﻰ ﺑﯧﻴﺠﯩﯖﻐﺎ ﻳﯧﺘﯩﭗ ﺑﺎﺭﻏﺎﻥ ﺋﯩﺪﻯ. ﺩﯛﺷﻪﻧﺒﻪ ﻛﯜﻧﻰ ﺋﻪﺗﯩﮕﻪﻥ ﺗﻴﻪﻧﺌﻪﻧﻤﯩﻦ ﻣﻪﻳﺪﺍﻧﯩﺪﺍ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻗﺎﺭﺷﻰ ﺋﯧﻠﯩﺶ ﻣﯘﺭﺍﺳﯩﻤﯩﺪﺍ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺳﯚﺯ ﻗﯩﻠﯩﭗ ، ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﻨﯩﯔ ﺭﻩﺳﻤﯩﻲ ﺑﺎﺷﻼﻧﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ ﺋﯩﺪﻯ.
ﻣﻪﺷﺌﻪﻝ 1 - ﺋﺎﭘﺮﯨﻞ ﻛﯜﻧﻰ ﻗﺎﺯﺍﻗﯩﺴﺘﺎﻧﻨﯩﯔ ﺋﺎﻟﻤﺎﺗﺎ ﺷﻪﻫﯩﺮﯨﮕﻪ ﻳﯧﺘﯩﭗ ﻛﻪﻟﮕﻪﻥ ﺑﻮﻟﯘﭖ، ﺗﯜﺭﻙ ﻣﻪﺗﺒﯘﺋﺎﺗﻠﯩﺮﯨﺪﯨﻜﻰ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻥ 3 - ﺋﺎﭘﺮﯨﻞ ﻛﯜﻧﻰ ﺗﯜﺭﻛﯩﻴﯩﻨﯩﯔ ﺋﯩﺴﺘﺎﻧﺒﯘﻝ ﺷﻪﻫﯩﺮﯨﮕﻪ ﻳﯧﺘﯩﭗ ﻛﯧﻠﯩﺪﯨﻜﻪﻥ. ﮔﯧﺮﯨﺘﺴﯩﻴﯩﺪﯨﻜﻰ ﺑﺎﺷﻠﯩﻨﯩﺸﺘﺎ ﺗﯩﺒﻪﺗﻠﻪﺭﻧﯩﯔ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﯩﻐﺎ ﺋﯘﭼﺮﯨﻐﺎﻥ ﺧﯩﺘﺎﻱ ﻫﯚﻛﯜﻣﯩﺘﻰ، ﺗﯜﺭﻛﯩﻴﯩﻨﯩﯔ ﺋﯩﺴﺘﺎﻧﺒﯘﻝ ﺷﻪﻫﯩﺮﯨﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﯨﻲ ﺗﻪﺷﻜﯩﻼﺗﻠﯩﺮﯨﻨﯩﯔ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺷﯩﺪﯨﻦ ﻗﺎﺗﺘﯩﻖ ﺋﻪﻧﺴﯩﺮﯨﻤﻪﻛﺘﻪ. ﺗﯜﺭﻙ ﻣﻪﺗﺒﯘﺋﺎﺗﻠﯩﺮﯨﺪﯨﻤﯘ ﺑﯘ ﻫﻪﻗﺘﯩﻜﻰ ﺧﻪﯞﻩﺭﻟﻪﺭﮔﻪ ﻛﻪﯓ ﻛﯚﻟﻪﻣﺪﻩ ﻳﻪﺭ ﺑﯧﺮﯨﻠﻤﻪﻛﺘﻪ.
ﺑﻪﺯﻯ ﺋﻮﺑﺰﻭﺭﭼﯩﻼﺭ ﺑﯘ ﺧﯩﻞ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺧﯩﺘﺎﻳﻨﯩﯔ ﺩﯦﻤﻮﻛﺮﺍﺗﯩﻴﯩﻠﯩﺸﯩﺸﯩﮕﻪ ﺗﯚﻫﭙﻪ ﻗﻮﺷﯘﺩﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺳﻪ، ﻳﻪﻧﻪ ﺑﻪﺯﻯ ﺋﻮﺑﺰﻭﺭﭼﯩﻼﺭ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺑﯘ ﺧﯩﻞ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺧﯩﺘﺎﻱ ﻣﯩﻠﻠﻪﺗﭽﯩﻠﯩﻜﯩﻨﻰ ﻛﯜﭼﻠﻪﻧﺪﯛﺭﯨﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.
2008 ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺧﯩﺘﺎﻱ ﺳﯩﺮﺗﯩﺪﯨﻜﻰ 21 - ﺷﻪﻫﻪﺭﺩﻩ ﺗﻮﺧﺘﺎﭖ ﺋﯚﺗﯩﺪﯨﻐﺎﻥ ﺑﻮﻟﯘﭖ، ﺗﯜﺭﻙ ﻣﻪﺗﺒﯘﺋﺎﺗﻠﯩﺮﯨﺪﯨﻜﻰ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺑﯘ ﺷﻪﻫﻪﺭﻟﻪﺭﻧﯩﯔ ﻛﯚﭘﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﯨﻲ ﺗﻪﺷﻜﯩﻼﺗﻠﯩﺮﻯ، ﺗﯩﺒﻪﺗﻠﯩﻜﻠﻪﺭ، ﻓﺎﻟﯘﻧﮕﯘﯕﭽﯩﻼﺭ ﯞﻩ ﺩﯦﻤﻮﻛﺮﺍﺕ ﺧﯩﺘﺎﻳﻼﺭ ﺑﯩﺮﻟﯩﻜﺘﻪ ﻧﺎﺭﺍﺯﯨﻠﯩﻖ ﭘﺎﺋﺎﻟﯩﻴﻪﺗﻠﯩﺮﻯ ﺋﯚﺗﻜﯜﺯﯨﺪﯨﻜﻪﻥ. ﺗﯜﺭﻛﯩﻴﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﯨﻲ ﺗﻪﺷﻜﯩﻼﺕ ﻣﻪﺳﺌﯘﻟﻠﯩﺮﻯ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺋﯚﺗﯩﺪﯨﻐﺎﻥ 21 ﺷﻪﻫﻪﺭﺩﻩ ﺧﯩﺘﺎﻳﻼﺭﻏﺎ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﻧﺎﺭﺍﺯﯨﻠﯩﻖ ﭘﺎﺋﺎﻟﯩﻴﯩﺘﯩﻨﯩﯔ ﺗﯩﺒﻪﺕ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﻠﯩﺮﯨﻨﻰ ﺩﯗﻧﻴﺎﻏﺎ ﺋﺎﯕﻠﯩﺘﯩﺶ ﺷﯘﻧﺪﺍﻗﻼ ﺧﯩﺘﺎﻳﻼﺭﻧﯩﯔ ﻫﻪﻗﯩﻘﯩﻲ ﻳﯜﺯﯨﻨﻰ ﺩﯗﻧﻴﺎﻏﺎ ﺋﯧﭽﯩﭗ ﺑﯧﺮﯨﺶ ﺋﯜﭼﯜﻥ ﻳﺎﺧﺸﻰ ﺑﯩﺮ ﭘﯘﺭﺳﻪﺕ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﻤﻪﻛﺘﻪ.
2008 - ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﯩﯔ ﺋﯩﺴﺘﺎﻧﺒﯘﻟﺪﯨﻦ ﺋﯚﺗﯜﺷﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺵ ﻣﻪﻗﺴﯩﺘﻰ ﺑﯩﻠﻪﻥ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺩﻩﻧﯩﻴﻪﺕ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ، ﺗﯜﺭﻙ ﺩﯗﻧﻴﺎﺳﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺟﻪﻣﺌﯩﻴﯩﺘﻰ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻳﺎﺷﻠﯩﺮﻯ ﻣﻪﺩﻩﻧﯩﻴﻪﺕ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ ﺋﻮﺭﺗﺎﻗﻠﯩﺸﯩﭗ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﻣﻪﻛﭽﻰ.
ﺑﯘ ﻳﯩﻐﯩﻦ 2 - ﺋﺎﭘﺮﯨﻞ ﻛﯜﻧﻰ ﺋﻪﺗﯩﮕﻪﻥ ﺳﺎﺋﻪﺕ 9 ﻳﯧﺮﯨﻤﺪﺍ ﺋﯩﺴﺘﺎﻧﺒﯘﻝ ﻓﯩﻨﺪﯨﻜﺰﺍﺩﻩ ﻣﻪﻫﻪﻟﻠﯩﺴﯩﺪﯨﻜﻰ ﮔﻮﻟﺪﻩﻥ ﺧﯩﻠﻞ ﻣﯧﻬﻤﺎﻧﺨﺎﻧﯩﺴﯩﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﺑﻮﻟﯘﭖ، ﻳﯩﻐﯩﻨﻐﺎ ﺗﯜﺭﻛﯩﻴﯩﺪﻩ ﺗﯘﺭﯗﺷﻠﯘﻕ ﺗﯜﺭﻙ ﯞﻩ ﭼﻪﺗﺌﻪﻝ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﻯ ﺗﻪﻛﻠﯩﭗ ﻗﯩﻠﯩﻨﻐﺎﻥ. ﺑﯩﺰ ﻳﯘﻗﯩﺮﯨﺪﯨﻜﻰ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﯧﻠﯩﺶ ﺋﯜﭼﯜﻥ ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭ ﯞﻩ ﺋﺎﻣﻤﯩﯟﯨﻲ ﺗﻪﺷﻜﯩﻼﺕ ﻣﻪﺳﺌﯘﻟﻠﯩﺮﯨﻐﺎ ﻣﯩﻜﺮﻭﻓﻮﻧﯩﻤﯩﺰﻧﻰ ﺋﯘﺯﺍﺗﺘﯘﻕ. (ﺋﻪﺭﻛﯩﻦ ﺗﺎﺭﯨﻢ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﻫﻪﺭﯨﻜﯩﺘﻰ ﻗﺎﺭﺷﯩﻠﯩﻘﻼﺭﻏﺎ ﺩﯗﭺ ﻛﻪﻟﻤﻪﻛﺘﻪ
- ﺑﯧﻴﺠﯩﯖﺪﯨﻜﻰ ﺋﻮﻟﯩﻤﭙﯩﻚ ﺋﯘﻳﻐﯘﺭﻻﺭﻏﺎ ﻫﻪﺳﺴﯩﻠﻪﭖ ﻗﯩﻴﯩﻨﭽﯩﻠﯩﻖ ﺋﯧﻠﯩﭗ ﻛﻪﻟﺪﻯ
- ﺗﯜﺭﻛﯩﻴﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﯨﻲ ﺗﻪﺷﻜﯩﻼﺗﻠﯩﺮﻯ ﯞﯨﻼﻳﻪﺕ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﻛﯚﺭﯛﺷﺘﻰ
- ﻧﺎﻣﺎﻳﯩﺸﭽﯩﻼﺭ ﺋﺎﻓﯧﻨﺎﺩﯨﻜﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﯧﻘﯩﺶ ﻣﯘﺭﺍﺳﯩﻤﯩﺪﺍ ﺧﯩﺘﺎﻳﻐﺎ ﻗﺎﺭﺷﻰ ﻛﺎﺷﯩﻼ ﭼﯩﻘﯩﺮﯨﭗ ﻫﻪﻳﯟﻩ ﻛﯚﺭﺳﻪﺗﺘﻰ
- ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭﻻﺭ ﻧﻮﺭﯗﺯ ﺑﺎﻳﺮﯨﻤﯩﻨﻰ ﺗﻪﻧﺘﻪﻧﯩﻠﯩﻚ ﺗﻪﺑﺮﯨﻜﻠﯩﻤﻪﻛﺘﻪ
- ﺗﯜﺭﻛﯩﻴﻪ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻣﻪﻫﻤﻪﺕ ﺋﺎﻳﺪﯨﻦ ﺧﯩﺘﺎﻳﺪﺍ ﺯﯨﻴﺎﺭﻩﺕ ﺋﯧﻠﭗ ﺑﺎﺭﻣﺎﻗﺘﺎ
- ﺧﯩﺘﺎﻱ، ﺩﯗﻧﻴﺎ ﻣﯩﻘﻴﺎﺳﯩﺪﺍ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﭼﺎﻗﯩﺮﯨﻘﯩﻐﺎ ﺩﯗﭺ ﻛﻪﻟﺪﻯ
- ﺗﯜﺭﻛﯩﻴﻪ ﻛﺎﺑﯘﻟﺪﺍ ﺋﯘﻧﯩﯟﯦﺮﺳﯩﺘﯧﺖ ﻗﯘﺭﻣﺎﻗﭽﻰ
- ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺸﻰ ﻛﯧﺮﻩﻙ
- "ﭘﺎﻧﺘﯜﺭﻛﯩﺰﻣﻨﯩﯔ ﻣﻪﻳﺪﺍﻧﻐﺎ ﭼﯩﻘﯩﺸﻰ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ"
- ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﺪﺍ ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺗﻪﻗﯩﭙﻠﻪﺷﻠﻪﺭ ﺩﺍﯞﺍﻣﻼﺷﻤﺎﻗﺘﺎ
- ﺧﯩﺘﺎﻳﻨﯩﯔ ﺗﯧﺮﺭﻭﺭﻟﯘﻕ ﻫﯘﺟﯘﻡ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﻰ ﺋﯘﻳﻐﯘﺭﻻﺭ ﺗﻮﻏﺮﯨﺴﯩﺪﯨﻜﻰ ﻳﯧﯖﻰ ﻣﯘﻻﻫﯩﺰﯨﻠﻪﺭﮔﻪ ﻳﻮﻝ ﺋﺎﭼﺘﻰ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
