ﺗﯜﺭﻛﯩﻴﻪ ﺩﯙﻟﻪﺕ ﺗﯧﻠﯧﯟﯨﺰﯨﻴﯩﺴﯩﺪﻩ ﺋﯘﻳﻐﯘﺭﻻﺭ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ

ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﻰ، ﻣﻪﺩﻩﻧﯩﻴﯩﺘﻰ ﯞﻩ ﺑﯜﮔﯜﻧﻜﻰ ﯞﻩﺯﯨﻴﯩﺘﻰ ﺷﯘﻧﺪﺍﻗﻼ ﺗﯜﺭﻛﯩﻴﯩﻨﯩﯔ ﺋﯩﺴﺘﺎﻧﺒﯘﻝ، ﻗﻪﻳﺴﯩﺮﻯ ﯞﻩ ﺋﻪﻧﻘﻪﺭﻩ ﺷﻪﻫﻪﺭﻟﯩﺮﯨﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺗﯘﺭﻣﯘﺷﻰ ﺋﺎﯕﻠﯩﺘﯩﻠﻐﺎﻥ` ﺗﯜﺭﻛﯩﻴﯩﺪﯨﻜﻰ ﺩﯗﻧﻴﺎ `ﻧﺎﻣﻠﯩﻖ ﭘﺮﻭﮔﺮﺍﻣﻤﯩﻨﻰ ﻫﺎﺯﯨﺮﻟﯩﻐﺎﻥ ﻣﯩﻨﻪ ﺋﻪﺭﻗﺎﻥ ﺧﺎﻧﯩﻢ. RFA Photo / Erkin Tarim

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻳﯧﻘﯩﻨﺪﯨﻦ ﺑﯧﺮﻯ ﺗﯜﺭﻛﯩﻴﻪ ﺩﯙﻟﻪﺕ ﺗﯧﻠﯧﯟﯨﺰﯨﻴﯩﺴﻰ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﺋﺎﻻﻫﯩﺪﻩ ﻳﻪﺭ ﺑﻪﺭﻣﻪﻛﺘﻪ. ﻳﯧﻘﯩﻨﻘﻰ ﺑﯩﺮ ﻗﺎﻧﭽﻪ ﻳﯩﻠﺪﯨﻦ ﺑﯧﺮﻯ ﺋﯘﻳﻐﯘﺭ ﺩﯨﻴﺎﺭﯨﺪﯨﻦ ﻛﯧﻠﯩﭗ ﺗﯜﺭﻛﯩﻴﯩﺪﻩ ﺋﻮﻟﺘﯘﺭﺍﻗﻠﯩﺸﯩﭗ ﻗﺎﻟﻐﺎﻥ ﺋﯘﻳﻐﯘﺭ ﯞﻩ ﻗﺎﺯﺍﻗﻼﺭﻧﯩﯔ ﻛﯜﭺ ﺳﻪﺭﮔﯜﺯﻩﺷﺘﯩﻠﯩﺮﯨﻨﻰ، ﺋﯘﻳﻐﯘﺭﻻﺭﻧﯩﯔ ﺷﯘﻧﺪﺍﻗﻼ ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﺗﺎﺭﯨﺨﯩﻨﻰ ﯞﻩ ﻣﻪﺩﻩﻧﯩﻴﯩﺘﯩﻨﻰ ﺋﺎﯕﻼﺗﻘﺎﻥ ﻛﯚﭖ ﺳﺎﻧﺪﺍ ﻫﯚﺟﺠﻪﺗﻠﯩﻚ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻠﯩﺮﻯ ﺋﯩﺸﻠﯩﻨﯩﭗ ﺩﯙﻟﻪﺕ ﺗﯧﻠﯧﯟﯨﺰﯨﻴﯩﺴﻰ ﺑﻮﻟﻐﺎﻥ "ﺕ ﺭﺕ -ﺋﯩﻨﺖ"ﺗﻪ ﺋﯧﻼﻥ ﻗﯩﻠﯩﻨﺪﻯ. ﺑﯘ ﭘﺮﻭﮔﺮﺍﻣﻤﯩﻼﺭ ﺗﯜﺭﻙ ﺗﯧﻠﯧﯟﯨﺰﯨﻴﻪ ﺋﯩﺪﺍﺭﯨﺴﯩﻨﯩﯔ ﺧﻪﻟﻘﺌﺎﺭﺍﻏﺎ ﺗﺎﺭﻗﯩﺘﯩﺪﯨﻐﺎﻥ " ﺕ ﺭﺕ -ﺋﯩﻨﺖ" ﻗﺎﻧﯩﻠﯩﺪﺍ ﻛﯚﭖ ﻗﯧﺘﯩﻢ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، ﺗﺎﻣﺎﺷﯩﺒﯩﻨﻼﺭﻧﯩﯔ ﻗﯩﺰﻏﯩﻦ ﺋﺎﻟﻘﯩﺸﯩﻐﺎ ﺋﯧﺮﯨﺸﻜﻪﻥ.

ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﻰ، ﻣﻪﺩﻩﻧﯩﻴﯩﺘﻰ ﯞﻩ ﺑﯜﮔﯜﻧﻜﻰ ﯞﻩﺯﯨﻴﯩﺘﻰ ﺷﯘﻧﺪﺍﻗﻼ ﺗﯜﺭﻛﯩﻴﯩﻨﯩﯔ ﺋﯩﺴﺘﺎﻧﺒﯘﻝ، ﻗﻪﻳﺴﯩﺮﻯ ﯞﻩ ﺋﻪﻧﻘﻪﺭﻩ ﺷﻪﻫﻪﺭﻟﯩﺮﯨﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺗﯘﺭﻣﯘﺷﻰ ﺋﺎﯕﻠﯩﺘﯩﻠﻐﺎﻥ` ﺗﯜﺭﻛﯩﻴﯩﺪﯨﻜﻰ ﺩﯗﻧﻴﺎ `ﻧﺎﻣﻠﯩﻖ ﭘﺮﻭﮔﺮﺍﻣﻤﯩﻨﻰ ﻫﺎﺯﯨﺮﻟﯩﻐﺎﻥ ﻣﯩﻨﻪ ﺋﻪﺭﻗﺎﻥ ﺧﺎﻧﯩﻢ، 22 ﻳﯩﻠﺪﯨﻦ ﺑﯧﺮﻯ ﺗﯜﺭﻛﯩﻴﻪ ﺩﯙﻟﻪﺕ ﺗﯧﻠﯧﯟﯨﺰﯨﻴﯩﺴﯩﺪﻩ ﯞﻩﺯﯨﭙﻪ ﺋﯚﺗﻪﭖ ﻛﻪﻟﻤﻪﻛﺘﻪ. ﻣﯩﻨﻪ ﺧﺎﻧﯩﻢ ﺑﯩﺰﮔﻪ 2004-ﻳﯩﻠﯩﺪﯨﻦ ﺑﯧﺮﻯ ﺑﯘ ﭘﺮﻭﮔﺮﺍﻣﻤﯩﻨﻰ ﺗﻪﻳﻴﺎﺭﻻﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ، ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻫﺎﺯﯨﺮﻏﯩﭽﻪ 4 ﻫﯚﺟﺠﻪﺗﻠﯩﻚ ﻓﯩﻠﯩﻢ ﺗﻪﻳﻴﺎﺭﻻﭖ ﺗﯧﻠﯧﯟﯨﺰﯨﻴﯩﺪﻩ ﺋﯧﻼﻥ ﻗﯩﻠﻐﺎﻧﻠﯩﻘﯩﻨﻰ، ﺑﯘﻧﯩﯖﺪﯨﻦ ﻛﯧﻴﯩﻨﻤﯘ ﺋﯘﻳﻐﯘﺭﻻﺭﻧﻰ ﺗﻮﻧﯘﺷﺘﯘﺭﯗﺷﻨﻰ ﺩﺍﯞﺍﻡ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺋﯘ ﺳﯚﺯﯨﺪﻩ ﻳﻪﻧﻪ ﺋﯚﺯﯨﻨﯩﯔ ﺑﯩﺮ ﺟﯘﺭﻧﺎﻟﯩﺴﺖ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺋﯘﻳﻐﯘﺭ ﺗﯜﺭﻛﻠﯩﺮﯨﻨﯩﯔ ﺑﯜﮔﯜﻧﻜﻰ ﺋﻪﻫﯟﺍﻟﯩﻐﺎ ﻗﺎﺗﺘﯩﻖ ﺋﯧﭽﯩﻨﯩﺪﯨﻐﺎﻧﻠﯩﻘﯩﻨﻰ، ﺋﯘﻻﺭﻧﯩﯔ ﺑﯩﺮ ﻛﯜﻥ ﻣﯘﺳﺘﻪﻗﯩﻞ ﺩﯙﻟﻪﺗﻠﯩﺮﯨﺪﻩ ﺋﻪﺭﻛﯩﻦ ﻳﺎﺷﯩﺸﯩﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺋﯘ ﺳﯚﺯﯨﺪﻩ ﻳﻪﻧﻪ ﺑﯘ ﻳﯩﻞ ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺑﯩﺮﻗﺎﻧﭽﻪ ﻫﯚﺟﺠﻪﺗﻠﯩﻚ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻰ ﺋﯩﺸﻠﻪﺷﻨﻰ ﺋﻮﻳﻠﯩﺸﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ.

ﻣﯩﻨﻪ ﺋﻪﺭﻗﺎﻥ ﺧﺎﻧﯩﻢ ﺑﯘ ﻫﯚﺟﺠﻪﺗﻠﯩﻚ ﻓﯩﻠﯩﻤﻨﻰ ﺗﯜﺭﻙ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﺷﯘﻧﺪﺍﻗﻼ ﺩﯗﻧﻴﺎﺩﯨﻜﻰ ﻫﻪﺭﻗﺎﻳﺴﻰ ﺩﯙﻟﻪﺗﻠﻪﺭﻧﯩﯔ ﺩﯨﻘﻘﻪﺕ ﺋﯧﺘﯩﺒﺎﺭﯨﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﺗﺎﺭﺗﯩﺶ ﻣﻪﻗﺴﯩﺘﻰ ﺑﯩﻠﻪﻥ ﺋﯩﺸﻠﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ: "ﺋﯘﻳﻐﯘﺭ ﺗﯜﺭﻛﻠﯩﺮﻯ ﻫﺎﺯﯨﺮ ﺑﻪﻛﻼ ﺑﯩﭽﺎﺭﻩ- ﺩﻩﻳﺪﯗ ﻣﯩﻨﻪ ﺋﻪﺭﻗﺎﻥ ﺧﺎﻧﯩﻢ- ﺩﯗﻧﻴﺎﻧﯩﯔ ﺩﯨﻘﻘﯩﺘﯩﻨﻰ ﺋﯘﻳﻐﯘﺭﻻﺭﻏﺎ ﺗﺎﺭﺗﯩﺶ ﻛﯧﺮﻩﻙ. ﺑﯩﺰﻧﯩﯔ ﻗﻮﻟﯩﻤﯩﺰﺩﯨﻦ ﻛﯧﻠﯩﺪﯨﻐﺎﻥ ﺋﯩﺶ ﺑﯘ. ﻣﯧﻨﯩﯔ ﻗﻮﻟﯘﻣﺪﯨﻦ ﺑﯘ ﺧﯩﻞ ﻫﯚﺟﺠﻪﺗﻠﯩﻚ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻠﯩﺮﻯ ﺋﺎﺭﻗﯩﻠﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﻨﯩﯔ ﺗﺮﺍﮔﯧﺪﯨﻴﯩﺴﯩﻨﻰ ﺩﯗﻧﻴﺎﻏﺎ ﺋﺎﯕﻠﯩﺘﯩﺶ ﺋﯜﭼﯜﻥ ﺑﯘ ﻓﯩﻠﯩﻤﻨﻰ ﺗﻪﻳﻴﺎﺭﻟﯩﺪﯨﻢ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﻩﯞﺍﺳﯩﻐﺎ ﻣﯧﻨﯩﯖﻤﯘ ﺋﺎﺯﺭﺍﻕ ﺗﯚﻫﭙﻪﻡ ﺑﻮﻟﺴﯘﻥ ﺩﻩﭖ، ﺋﯩﺴﺘﺎﻧﺒﯘﻝ، ﻗﻪﻳﺴﯩﺮﻯ ﯞﻩ ﺋﻪﻧﻘﻪﺭﻩﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﺗﯘﺭﻣﯘﺷﯩﻨﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺗﺎﺭﯨﺨﯩﻨﻰ ﻣﻪﺩﻩﻧﯩﻴﯩﺘﯩﻨﻰ، ﺑﯜﮔﯜﻧﻜﻰ ﯞﻩﺯﯨﻴﯩﺘﯩﻨﻰ ﯞﻩ ﺋﯘﻳﻐﯘﺭﻻﺭﻧﯩﯔ ﺗﯜﺭﻛﯩﻴﯩﺪﯨﻦ ﻛﯜﺗﯜﯞﺍﺗﻘﺎﻥ ﺋﯜﻣﯩﺪﯨﻨﻰ ﺋﺎﯕﻼﺗﻘﺎﻥ ﻫﯚﺟﺠﻪﺗﻠﯩﻚ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻠﯩﺮﯨﻨﻰ ﺋﯩﺸﻠﻪﭖ ﺋﯧﻼﻥ ﻗﯩﻠﺪﯨﻢ. ﺋﯩﺴﺘﺎﻧﺒﯘﻟﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﯩﺪﻩ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﮔﯧﻨﯧﺮﺍﻝ ﻣﻪﻫﻤﻪﺕ ﺭﯨﺰﺍ ﺑﯧﻜﯩﻦ ﯞﻩ ﺑﺎﺷﻘﺎ ﺋﯘﻳﻐﯘﺭﻻﺭ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ، ﺋﯘﻻﺭﻧﯩﯔ ﺧﯩﺘﺎﻱ ﺯﯗﻟﻤﯩﺪﯨﻦ ﻗﯧﭽﯩﭗ ﺗﯜﺭﻛﯩﻴﯩﺪﻩ ﻛﯧﻠﯩﺶ ﺳﻪﺭﮔﯜﺯﻩﺷﺘﯩﻠﯩﺮﯨﻨﻰ ﺋﺎﯕﻼﺗﺘﯘﻕ، 1960-ﻳﯩﻠﻼﺭﺩﺍ ﭘﺎﻣﯩﺮ ﺗﺎﻏﻠﯩﺮﯨﻨﻰ ﻫﺎﻟﻘﯩﭗ ﺋﯚﺗﯜﭖ، ﺋﺎﻓﻐﺎﻧﯩﺴﺘﺎﻥ ﺋﺎﺭﻗﯩﻠﯩﻖ ﺗﯜﺭﻛﯩﻴﯩﮕﻪ ﻛﯧﻠﯩﭗ ﺋﻮﻟﺘﯘﺭﺍﻗﻼﺷﻘﺎﻥ 200 ﺋﺎﺋﯩﻠﻪ ﺋﻪﺗﺮﺍﭘﯩﺪﺍ ﺋﯘﻳﻐﯘﺭ ﺑﯜﮔﯜﻥ ﺗﯜﺭﻛﯩﻴﯩﻨﯩﯔ ﻗﻪﻳﺴﯩﺮﻯ ﺷﻪﻫﺮﯨﺪﻩ ﻳﺎﺷﺎﯞﺍﺗﯩﺪﯗ، ﺋﯘﻻﺭﻧﯩﯔ ﺗﯜﺭﻛﯩﻴﯩﺪﻩ ﻛﯧﻠﯩﺶ ﻫﯧﻜﺎﻳﯩﺴﯩﻨﻰ، ﺋﯘﻻﺭﻧﯩﯔ ﺗﯜﺭﻛﯩﻴﯩﺪﯨﻜﻰ ﺗﯘﺭﻣﯘﺷﯩﻨﻰ ﯞﻩ ﺋﯚﺭﭖ ﺋﺎﺩﻩﺗﻠﯩﺮﯨﻨﻰ ﻫﯚﺟﺠﻪﺗﻠﯩﻚ ﻓﯩﻠﯩﻢ ﻗﯩﻠﯩﭗ ﺋﯩﺸﻠﻪﭖ ﺋﯧﻼﻥ ﻗﯩﻠﺪﯨﻢ. ﻳﯧﻘﯩﻨﺪﺍ ﺋﻪﻧﻘﻪﺭﻩﺩﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺩﻩﻧﯩﻴﻪﺕ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﻣﻪﺳﺌﯘﻟﻠﯩﺮﻯ ﺑﯩﻠﻪﻥ ﺋﯘﻳﻐﯘﺭ ﺗﺎﺭﯨﺨﯩﻨﻰ، ﻣﻪﺩﻩﻧﯩﻴﯩﺘﯩﻨﻰ، ﻣﻪﻫﻤﯘﺕ ﻗﻪﺷﻘﯩﺮﯨﻨﻰ ﺋﺎﯕﻼﺗﻘﺎﻥ ﺑﯩﺮ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻰ ﺋﯩﺸﻠﻪﭖ ﺋﯧﻼﻥ ﻗﯩﻠﺪﯨﻢ. 21-ﺋﻪﺳﯩﺮﮔﻪ ﻛﯩﺮﮔﻪﻥ ﺑﯜﮔﯜﻧﻜﻰ ﻛﯜﻧﺪﻩ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﯘﻳﻐﯘﺭﻻﺭ ﻗﯧﻴﯩﻦ ﺑﯩﺮ ﯞﻩﺯﯨﻴﻪﺗﺘﻪ ﻳﺎﺷﺎﺵ ﻣﯘﺟﺎﺩﯨﻠﯩﺴﻰ ﺑﯧﺮﯨﯟﺍﺗﯩﺪﯗ، ﺩﯗﻧﻴﺎﺩﯨﻜﻰ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭ ﺑﯘﻧﻰ ﻛﯚﺭﻣﻪﺳﻠﯩﻜﻜﻪ ﺳﯧﻠﯩﯟﺍﺗﯩﺪﯗ. ﻣﻪﻥ ﺩﯗﻧﻴﺎ ﺩﯙﻟﻪﺗﻠﯩﺮﯨﻨﯩﯔ ﺩﯨﻘﻘﻪﺕ ﺋﯧﺘﯩﺒﺎﺭﯨﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﺗﺎﺭﺗﯩﺶ ﺋﯜﭼﯜﻥ ﺑﯘ ﻓﯩﻠﯩﻤﻠﻪﺭﻧﻰ ﺋﯩﺸﻠﻪﭖ ﺋﯧﻼﻥ ﻗﯩﻠﺪﯨﻢ."

ﻣﯩﻨﻪ ﺋﻪﺭﻗﺎﻥ ﺧﺎﻧﯩﻢ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﺑﯘ ﻓﯩﻠﯩﻤﻠﻪﺭﻧﻰ ﺋﯩﺸﻠﻪﺵ ﺟﻪﺭﻳﺎﻧﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﻧﯘﺭﻏﯘﻥ ﻧﻪﺭﺳﯩﻠﻪﺭﻧﻰ ﺑﯩﻠﯩﯟﺍﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﻫﻪﻣﻤﯩﻤﯩﺰ ﺋﯘﻳﻐﯘﺭﻻﺭﻧﻰ ﺑﯩﻠﯩﻤﯩﺰ. ﺋﯘﻳﻐﯘﺭ ﺗﯜﺭﻛﻠﯩﺮﯨﻨﻰ ﺑﯩﻠﻤﻪﻳﺪﯨﻐﺎﻥ ﺗﯜﺭﻙ ﻳﻮﻕ. ﺋﻪﻣﻤﺎ ﺑﯘ ﺧﯩﻞ ﻓﯩﻠﯩﻤﻠﻪﺭﻧﻰ ﺗﻪﻳﻴﺎﺭﻻﺵ ﺟﻪﺭﻳﺎﻧﯩﺪﺍ ﺋﯘﻳﻐﯘﺭﻻﺭﻧﯩﯔ ﻣﻪﺩﻩﻧﯩﻴﯩﺘﯩﻨﻰ ﺗﯧﺨﯩﻤﯘ ﺋﻪﺗﺮﺍﭘﻠﯩﻖ ﺑﯩﻠﯩﯟﺍﻻﻻﻳﺴﯩﺰ. ﻣﻪﻥ ﺋﯘﻳﻐﯘﺭﻻﺭ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﺑﯘ ﻓﯩﻠﯩﻤﻠﻪﺭﻧﻰ ﺋﯩﺸﻠﻪﺵ ﺟﻪﺭﻳﺎﻧﯩﺪﺍ ﺑﯘ ﻫﻪﻗﺘﻪ ﻧﯘﺭﻏﯘﻥ ﻧﻪﺭﺳﯩﻠﻪﺭﻧﻰ ﺋﯚﮔﻪﻧﺪﯨﻢ. ﺋﯘﻳﻐﯘﺭﻻﺭ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺋﯩﭽﯩﺪﻩ ﺑﺎﻱ ﻣﻪﺩﻩﻧﯩﻴﻪﺗﻜﻪ ﺋﯩﮕﻪ ﺑﯩﺮ ﻣﯩﻠﻠﻪﺕ، ﺗﺎﺭﯨﺨﺘﺎ ﻧﯘﺭﻏﯘﻥ ﺩﯙﻟﻪﺗﻠﻪﺭﻧﻰ ﻗﯘﺭﯗﭖ، ﺗﯜﺭﻙ ﻣﻪﺩﻩﻧﯩﻴﯩﺘﯩﮕﻪ ﺋﯚﭼﻤﻪﺱ ﺗﯚﻫﭙﯩﻠﻪﺭﻧﻰ ﻗﻮﺷﻘﺎﻥ. ﺋﻪﭘﺴﯘﺳﻜﻰ ﺑﯜﮔﯜﻥ ﺧﯩﺘﺎﻳﻼﺭﻧﯩﯔ ﺑﻮﻳﯘﻧﺘﯘﺭﯗﻗﻰ ﺋﺎﺳﺘﯩﺪﺍ ﻳﺎﺷﯩﻤﺎﻗﺘﺎ. ﺑﺎﻱ ﺗﺎﻣﺎﻕ ﻣﻪﺩﻩﻧﯩﻴﯩﺘﯩﮕﻪ ﺋﯩﮕﻪ، ﺋﯘﻳﻐﯘﺭﻻﺭﻧﯩﯔ ﭘﯜﺗﯜﻥ ﺗﺎﻣﺎﻗﻠﯩﺮﯨﻨﻰ ﻳﯧﺪﯨﻢ، ﺑﻪﻙ ﻟﻪﺯﺯﻩﺗﻠﯩﻚ ﺋﯩﻜﻪﻥ. ﻣﻪﻥ ﺋﯘﻳﻐﯘﺭﻻﺭﻧﻰ ﺑﻪﻙ ﻳﺎﺧﺸﻰ ﻛﯚﺭﯨﻤﻪﻥ، ﺋﯘﻻﺭﻧﯩﯔ ﺑﻪﺧﺘﻠﯩﻚ ﺑﻮﻟﯘﺷﯩﻨﻰ ﺗﯩﻠﻪﻳﻤﻪﻥ. ﺧﯘﺩﺍﻳﯩﻢ ﺑﯘﻳﺮﯗﺳﺎ ﻛﯧﻠﻪﭼﻪﻛﺘﻪ ﻗﺎﻳﺘﺎ ﻣﯘﺳﺘﻪﻗﯩﻞ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺋﻪﺭﻛﯩﻦ ﺑﻪﺧﯩﺘﻠﯩﻚ ﻫﺎﻟﺪﺍ ﻳﺎﺷﯩﺸﻰ ﺋﺎﺭﺯﯗ ﻗﯩﻠﯩﻤﻪﻥ."

ﺳﯩﺰ ﺋﯘﻳﻐﯘﺭﻻﺭﻧﯩﯔ ﻫﻪﻣﻤﻪ ﺗﺎﻣﯩﻘﯩﻨﻰ ﻳﯧﺪﯨﻢ ﺩﯦﺪﯨﯖﯩﺰ، ﻗﺎﻳﺴﻰ ﺗﺎﻣﺎﻗﻠﯩﺮﯨﻨﻰ ﻳﺎﺧﺸﻰ ﻛﯚﺭﺩﯨﯖﯩﺰ؟ ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻥ ﻣﯩﻨﻪ ﺋﻪﺭﻗﺎﻥ ﺧﺎﻧﯩﻢ ﻣﯘﻧﺪﺍﻕ ﺩﯦﺪﻯ: "ﻫﻪﻣﻤﻪ ﺗﺎﻣﺎﻗﻠﯩﺮﻯ ﻳﺎﺧﺸﻰ. ﺋﻪﯓ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺗﺎﻣﯩﻘﯩﻢ ﭘﻮﻟﻮ. ﻟﻪﻏﻤﻪﻧﻤﯘ ﻳﺎﺧﺸﻰ. ﻣﻪﻥ ﭘﯜﺗﯜﻥ ﺗﯜﺭﻙ ﺩﯗﻧﻴﺎﺳﻰ ﻫﻪﻗﻘﯩﺪﻩ ﺗﯧﻠﯧﯟﯨﺰﯨﻴﻪ ﭘﺮﻭﮔﺮﺍﻣﻤﯩﻠﯩﺮﻯ ﺋﯩﺸﻠﯩﺪﯨﻢ، ﻫﻪﻣﻤﯩﺴﯩﺪﻩ ﺗﺎﻣﺎﻗﻼﺭ ﻫﻪﻗﻘﯩﺪﻩ ﺋﯩﺰﺩﯨﻨﯩﺸﻠﯩﺮﯨﻢ ﺑﻮﻟﺪﻯ. ﺗﯜﺭﻛﯩﻲ ﻣﯩﻠﻠﻪﺗﻠﯩﺮﯨﻨﯩﯔ ﺋﻮﺭﺗﺎﻕ ﺗﻪﺭﻩﭘﻠﯩﺮﻯ ﺋﯩﻨﺘﺎﻳﯩﻦ ﻛﯚﭖ، ﺗﯜﺭﻙ ﺩﯗﻧﻴﺎﺳﻰ ﻫﻪﻗﯩﻘﻪﺗﻪﻥ ﺋﯩﻨﺘﺎﻳﯩﻦ ﺑﺎﻱ ﻣﻪﺩﻩﻧﯩﻴﻪﺗﻜﻪ ﺋﯩﮕﻪ، ﺋﻪﻣﻤﺎ ﺋﯩﻨﺴﺎﻧﻼﺭ ﺑﯘﻻﺭﻧﻰ ﺑﯩﻠﻤﻪﻳﺪﯗ. ﺷﯘﯕﺎ ﺑﯩﺰ ﺟﯘﺭﻧﺎﻟﯩﺴﺘﻼﺭﻧﯩﯔ ﯞﻩﺯﯨﭙﯩﺴﻰ ﺑﯘﻧﻰ ﺩﯗﻧﻴﺎ ﻣﯩﻠﻠﻪﺗﻠﯩﺮﯨﮕﻪ ﺗﻮﻧﯘﺷﺘﯘﺭﯗﺷﺘﯩﻦ ﺋﯩﺒﺎﺭﻩﺕ. ﺑﯩﺰ ﺗﯜﺭﻛﯩﻴﻪ ﺩﯙﻟﻪﺕ ﺗﯧﻠﯧﯟﯨﺰﯨﻴﯩﺴﻰ ﺑﻮﻟﯘﺵ ﺳﯜﭘﯩﺘﯩﻤﯩﺰ ﺑﯩﻠﻪﻥ ﺑﯘ ﯞﻩﺯﯨﭙﯩﻤﯩﺰﻧﻰ ﺋﺎﺩﺍ ﻗﯩﻠﯩﯟﺍﺗﯩﻤﯩﺰ."

ﻣﯩﻨﻪ ﺋﻪﺭﻗﺎﻥ ﺧﺎﻧﯩﻢ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﯨﻜﻰ ﺑﯘ ﻓﯩﻠﯩﻢ ﺗﺎﺭﻗﯩﺘﯩﻠﻐﺎﻧﺪﯨﻦ ﻛﯧﻴﯩﻦ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﺗﻪﺑﺮﯨﻚ ﺋﺎﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﻧﯘﺭﻏﯘﻥ ﻛﯩﺸﯩﻠﻪﺭ ﻣﺎﯕﺎ ﺗﻪﺷﻪﻛﻜﯘﺭ ﺋﯧﻴﺘﺘﻰ. ﻛﯩﺸﯩﻠﻪﺭ ﺑﻪﻛﻼ ﻳﺎﻗﺘﯘﺭﯗﭘﺘﯘ. ﻫﻪﺗﺘﺎ ﺑﯩﺰﻧﯩﯔ ﺋﯩﺪﺍﺭﯨﺪﯨﻜﻰ ﭼﻮﯕﻠﯩﺮﯨﻤﯩﺰﻣﯘ ﻣﺎﯕﺎ ﺑﻪﻙ ﺭﻩﻫﻤﻪﺕ ﺋﯧﻴﺘﺘﻰ، ﺋﯘﻻﺭﻣﯘ ﺑﯘ ﻓﯩﻠﯩﻤﻨﻰ ﺑﻪﻙ ﻳﺎﺧﺸﻰ ﻛﯚﺭﯛﭘﺘﯘ. ﺗﯜﺭﻛﯩﻴﯩﺪﯨﻜﻰ، ﻳﺎﯞﺭﻭﭘﺎﺩﯨﻜﻰ، ﻛﺎﻧﺎﺩﺍﺩﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﻪﺷﻜﯩﻼﺗﻠﯩﺮﯨﻨﯩﯔ ﻣﻪﺳﺌﯘﻟﻠﯩﺮﻯ ﻣﺎﯕﺎ ﺗﯧﻠﯧﻔﻮﻥ ﻗﯩﻠﯩﭗ ﺭﻩﻫﻤﻪﺕ ﺋﯧﻴﺘﺘﻰ. ﺳﯩﺰﮔﯩﻤﯘ ﻣﻪﻟﯘﻡ ﺋﯘﻧﻪﺳﻜﻮ 2008-ﻳﯩﻠﯩﻨﻰ ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﺋﯧﻼﻥ ﻗﯩﻠﺪﻯ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﻳﻪﻧﻪ ﺑﯘ ﻫﻪﻗﺘﻪ ﻫﯚﺟﺠﻪﺗﻠﯩﻚ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻰ ﺋﯩﺸﻠﻪﺷﻨﻰ ﺋﻮﻳﻼﯞﺍﺗﯩﻤﻪﻥ. ﺋﯘﻳﻐﯘﺭ ﺗﯜﺭﻛﻠﯩﺮﻯ ﻫﻪﻗﯩﻘﻪﺗﻪﻥ ﺑﺎﻱ ﻣﻪﺩﻩﻧﯩﻴﻪﺗﻜﻪ ﺋﯩﮕﻪ ﺑﯩﺮ ﻣﯩﻠﻠﻪﺕ ﺋﯩﻜﻪﻥ ﺑﯘﻻﺭﻧﯩﯔ ﻣﻪﺩﻩﻧﯩﻴﯩﺘﯩﻨﻰ ﺩﯗﻧﻴﺎﻏﺎ ﺗﻮﻧﯘﺷﺘﯘﺭﯗﺵ ﻛﯧﺮﻩﻙ. ﻣﻪﻥ ﺋﯘﻳﻐﯘﺭﻻﺭﻧﻰ ﺑﻪﻙ ﻳﺎﺧﺸﻰ ﻛﯚﺭﯨﻤﻪﻥ، ﺋﻪﯓ ﺋﺎﺧﯩﺮﯨﺪﺍ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﻨﯩﯔ ﻛﻪﻟﮕﯜﺳﯩﺪﻩ ﻣﯘﺳﺘﻪﻗﯩﻞ ﺩﯙﻟﻪﺗﻠﯩﺮﯨﺪﻩ ﺋﻪﺭﻛﯩﻦ ﻳﺎﺷﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ." ( ﺋﻪﺭﻛﯩﻦ ﺗﺎﺭﯨﻢ)