ﺗﯜﺭﻛﯩﻴﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﯨﻲ ﺗﻪﺷﻜﯩﻼﺗﻠﯩﺮﻯ ﯞﯨﻼﻳﻪﺕ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﻛﯚﺭﯛﺷﺘﻰ
2008-03-26
ﺗﯜﺭﻛﯩﻴﯩﺪﻩ ﺋﺎﻛﺘﯩﭗ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺩﻩﻧﯩﻴﻪﺕ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ ﺋﯩﺠﺮﺍﺋﯩﻴﻪ ﻫﻪﻳﺌﯩﺘﻰ ﺋﻪﺯﺍﻟﯩﺮﻯ ﺗﯜﺭﻛﯩﻴﯩﻨﯩﯔ ﺋﯘﻳﻐﯘﺭﻻﺭ ﺋﻪﯓ ﻛﯚﭖ ﺋﻮﻟﺘﯘﺭﺍﻗﻼﺷﻘﺎﻥ ﯞﯨﻼﻳﻪﺗﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻗﻪﻳﺴﻪﺭﻯ ﯞﯨﻼﻳﯩﺘﯩﻨﯩﯔ ﻳﯧﯖﻰ ﯞﻩﺯﯨﭙﯩﮕﻪ ﺗﻪﻳﯩﻨﻠﻪﻧﮕﻪﻥ ﯞﺍﻟﯩﺴﻰ ﻣﻪﯞﻟﯘﺕ ﺑﯩﻠﯩﺠﻰ ﺋﻪﭘﻪﻧﺪﻯ ﺑﯩﻠﻪﻥ ﻗﻪﻳﺴﻪﺭﻯ ﺷﻪﻫﻪﺭ ﺑﺎﺷﻠﯩﻘﻰ ﻣﻪﻫﻤﻪﺕ ﺋﻮﺯﻫﺎﺳﻪﻛﻰ ﺋﻪﭘﻪﻧﺪﯨﻨﻰ 25 - ﻣﺎﺭﺕ ﻛﯜﻧﻰ ﺯﯨﻴﺎﺭﻩﺕ ﻗﯩﻠﺪﻯ.
ﺑﯘ ﺯﯨﻴﺎﺭﻩﺗﻜﻪ ﺑﺎﺷﻼﻣﭽﯩﻠﯩﻖ ﻗﯩﻠﻐﺎﻥ ﺩ ﺋﯘ ﻕ ﻧﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺳﯧﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ ﺭﺍﺩﯨﺌﻮﻣﯩﺰﻏﺎ ﺑﻪﺭﮔﻪﻥ ﻣﻪﻟﯘﻣﺎﺗﯩﺪﺍ، ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺗﯜﺭﻛﯩﻴﯩﺪﯨﻦ ﺋﯚﺗﯜﺵ ﺋﺎﻟﺪﯨﺪﺍ ﺗﯘﺭﯗﯞﺍﺗﻘﺎﻥ، ﻳﯧﻘﯩﻨﺪﺍ ﺗﯩﺒﻪﺗﺘﻪ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭ ﺗﯜﺭﻛﯩﻴﻪ ﻣﻪﺗﺒﯘﺋﺎﺗﻠﯩﺮﯨﺪﺍ ﻛﻪﯓ ﻛﯚﻟﻪﻣﺪﻩ ﻳﻪﺭ ﺋﯧﻠﯩﯟﺍﺗﻘﺎﻥ، ﺑﯘﻧﯩﯔ ﺑﯩﻠﻪﻥ ﺑﯩﺮﻟﯩﻜﺘﻪ ﺋﯘﻳﻐﯘﺭ ﻣﻪﺳﯩﻠﯩﺴﯩﻤﯘ ﺩﯗﻧﻴﺎ ﻣﻪﺗﺒﯘﺋﺎﺗﻠﯩﺮﯨﺪﺍ ﺩﺍﯞﺍﻣﻠﯩﻖ ﻳﻪﺭ ﺋﯧﻠﯩﯟﺍﺗﻘﺎﻥ ﺑﯩﺮ ﻣﻪﺯﮔﯩﻠﺪﻩ ، ﺑﯘ ﺧﯩﻞ ﺋﯘﭼﺮﯨﺸﯩﺸﻼﺭﻧﯩﯔ ﻣﯘﻫﯩﻢ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﺘﻰ.
ﺳﯧﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺩﯙﻟﻪﺗﻠﯩﺮﯨﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﯨﻲ ﺗﻪﺷﻜﯩﻼﺗﻠﯩﺮﯨﻨﯩﯔ ﺋﯚﺯﻟﯩﺮﻯ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺩﯙﻟﻪﺗﻠﻪﺭﺩﯨﻜﻰ ﻫﻪﺭ ﺩﻩﺭﯨﺠﯩﻠﯩﻚ ﺭﻩﻫﺒﻪﺭﻟﻪﺭﻧﻰ ﺯﯨﻴﺎﺭﻩﺕ ﻗﯩﻠﯩﭗ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ، ﺋﯘﻳﻐﯘﺭﻻﺭﻧﯩﯔ ﺑﯜﮔﯜﻧﻜﻰ ﯞﻩﺯﯨﻴﯩﺘﯩﻨﻰ ﺋﺎﯕﻠﯩﺘﯩﭗ ﺗﯘﺭﻏﺎﻥ ﺗﻪﻗﺪﯨﺮﺩﻩ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﺧﻪﻟﻘﺌﺎﺭﺍ ﻛﯜﻥ ﺗﻪﺭﺗﯩﭙﯩﮕﻪ ﻛﯧﻠﯩﺸﯩﮕﻪ ﺗﯜﺭﺗﻜﻪ ﺑﻮﻟﯩﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﺋﯚﺯﻟﯩﺮﯨﻨﯩﯔ ﺑﯘﺭﯗﻧﺪﯨﻦ ﺗﺎﺭﺗﯩﭗ ﺑﯘ ﺧﯩﻞ ﭘﺎﺋﺎﻟﯩﻴﻪﺗﻠﻪﺭﮔﻪ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﯧﺮﯨﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﯞﻩ ﺑﯘﻧﯩﯔ ﺩﺍﯞﺍ ﺋﯜﭼﯜﻥ ﻛﯚﭖ ﭘﺎﻳﺪﯨﺴﻰ ﺑﻮﻟﻐﺎﻧﻠﯩﻘﯩﻨﻰ ﺋﯧﻴﺘﺘﻰ.
ﺗﻪﺷﻜﯩﻼﺗﻨﯩﯔ ﺋﯩﺠﺮﺍﺋﯩﻴﻪ ﻫﻪﻳﺌﻪﺗﻠﯩﺮﻯ ﯞﻩ ﺋﯘﻳﻐﯘﺭ ﺋﺎﻗﺴﺎﻗﺎﻟﻠﯩﺮﯨﺪﯨﻦ ﺑﻮﻟﯘﭖ 12 ﻛﯩﺸﯩﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﯘ ﻫﻪﻳﺌﻪﺗﺘﯩﻜﯩﻠﻪﺭ ﯞﺍﻟﻰ ﯞﻩ ﺷﻪﻫﻪﺭ ﺑﺎﺷﻠﯩﻘﯩﻐﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﻪﻗﻘﯩﺪﻩ ﻳﯧﺰﯨﻠﻐﺎﻥ ﻛﯩﺘﺎﺏ، ﮊﯗﺭﻧﺎﻝ ﯞﻩ ﮔﯧﺰﯨﺘﻠﻪﺭﻧﻰ ﺑﻪﺭﮔﻪﻧﺪﯨﻦ ﺑﺎﺷﻘﺎ، ﺋﯘﻳﻐﯘﺭ ﻛﯩﻴﯩﻢ - ﻛﯧﭽﻪﻛﻠﯩﺮﯨﻨﯩﻤﯘ ﺳﻮﯞﻏﺎ ﻗﯩﻠﻐﺎﻥ. ﺑﯘ ﺯﯨﻴﺎﺭﻩﺕ ﻗﯩﺰﻏﯩﻦ ﺑﯩﺮ ﻛﻪﻳﭙﯩﻴﺎﺗﺘﺎ ﺋﯚﺗﻜﻪﻥ ﺑﻮﻟﯘﭖ، ﻫﻪﻳﺌﻪﺕ ﺋﯘﻻﺭﻏﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺕ ﯞﻩ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﯧﺴﯩﻢ ﺳﯩﻴﺎﺳﯩﺘﻰ ﯞﻩ ﺋﯘﻳﻐﯘﺭﻻﺭﻧﯩﯔ ﺑﯜﮔﯜﻧﻜﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﯧﺮﯨﭗ ﺋﯚﺗﻜﻪﻥ.
ﺑﯘ ﺋﯘﭼﺮﯨﺸﯩﺶ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ، ﺩ ﺋﯘ ﻕ ﻧﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺳﯧﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ. (ﺋﻪﺭﻛﯩﻦ ﺗﺎﺭﯨﻢ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﻧﺎﻣﺎﻳﯩﺸﭽﯩﻼﺭ ﺋﺎﻓﯧﻨﺎﺩﯨﻜﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﯧﻘﯩﺶ ﻣﯘﺭﺍﺳﯩﻤﯩﺪﺍ ﺧﯩﺘﺎﻳﻐﺎ ﻗﺎﺭﺷﻰ ﻛﺎﺷﯩﻼ ﭼﯩﻘﯩﺮﯨﭗ ﻫﻪﻳﯟﻩ ﻛﯚﺭﺳﻪﺗﺘﻰ
- ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭﻻﺭ ﻧﻮﺭﯗﺯ ﺑﺎﻳﺮﯨﻤﯩﻨﻰ ﺗﻪﻧﺘﻪﻧﯩﻠﯩﻚ ﺗﻪﺑﺮﯨﻜﻠﯩﻤﻪﻛﺘﻪ
- ﺗﯜﺭﻛﯩﻴﻪ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻣﻪﻫﻤﻪﺕ ﺋﺎﻳﺪﯨﻦ ﺧﯩﺘﺎﻳﺪﺍ ﺯﯨﻴﺎﺭﻩﺕ ﺋﯧﻠﭗ ﺑﺎﺭﻣﺎﻗﺘﺎ
- ﺧﯩﺘﺎﻱ، ﺩﯗﻧﻴﺎ ﻣﯩﻘﻴﺎﺳﯩﺪﺍ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﭼﺎﻗﯩﺮﯨﻘﯩﻐﺎ ﺩﯗﭺ ﻛﻪﻟﺪﻯ
- ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﻣﻪﻫﻤﻪﺕ ﺋﻪﻛﯩﭽﻰ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ
- ﺩ ﯗ ﻕ ﻫﻪﻳﺌﯩﺘﻰ ﺗﯜﺭﻛﯩﻴﻪ ﺭﻩﺋﯩﺲ ﺟﯘﻣﻬﯘﺭﻯ ﺑﯩﻠﻪﻥ ﻛﯚﺭﯛﺷﺘﻰ
- ﻗﻪﻳﺴﻪﺭﻯ ﯞﺍﻟﯩﺴﯩﻨﯩﯔ ﺧﻮﺷﻠﯩﺸﯩﺶ ﺯﯨﻴﺎﭘﯩﺘﯩﮕﻪ ﺩ ﺋﯘ ﻕ ﻣﻪﺳﺌﯘﻟﻠﯩﺮﻯ ﻗﺎﺗﻨﺎﺷﺘﻰ
- ﺳﺎﺑﯩﻖ ﻣﯩﻨﯩﺴﺘﯩﺮ ﺋﺎﺑﺪﯗﺧﺎﻟﯩﻖ ﭼﺎﻱ ﺑﯩﻠﻪﻥ ﺳﯚﻫﺒﻪﺕ
- ﺗﯜﺭﻙ ﺩﯗﻧﻴﺎﺳﯩﻨﯩﯔ ﺋﺎﻟﺪﯨﻨﻰ ﻫﯧﭽﻜﯩﻢ ﺗﻮﺳﺎﻟﻤﺎﻳﺪﯗ
- 11 - ﻧﯚﯞﻩﺗﻠﯩﻚ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭ ﯞﻩ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺩﻭﺳﺘﻠﯘﻕ - ﻗﯧﺮﯨﻨﺪﺍﺷﻠﯩﻖ - ﻫﻪﻣﻜﺎﺭﻟﯩﻖ ﻗﯘﺭﯗﻟﺘﯩﻴﻰ
- ﺋﯩﺴﺘﺎﻧﺒﯘﻟﺪﺍ ﺋﯧﭽﯩﻠﻐﺎﻥ ﺧﻪﻟﻘﺌﺎﺭﺍﻟﯩﻖ ﻛﯚﺭﮔﻪﺯﻣﻪ ﭘﺎﺋﺎﻟﯩﻴﯩﺘﯩﮕﻪ ﺋﯘﻳﻐﯘﺭﻻﺭﻣﯘ ﻗﺎﺗﻨﺎﺷﺘﻰ
- ﺗﯜﺭﻛﯩﻴﯩﻨﯩﯔ ﻫﻪﺭ ﻗﺎﻳﺴﻰ ﺷﻪﻫﻪﺭﻟﯩﺮﯨﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﻪﺗﻠﯩﺮﻯ ﺧﺎﺗﯩﺮﯨﻠﻪﻧﺪﻯ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
