ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ "3 ﺧﯩﻞ ﻛﯜﭼﻠﻪﺭﮔﻪ ﺯﻩﺭﺑﻪ ﺑﯧﺮﯨﺶ" ﻧﻰ ﺗﻪﻛﯩﺘﻠﯩﺪﻯ

• ﻣﯘﺧﺒﯩﺮﯨﻤﯩﺰ ﭘﻪﺭﯨﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ ﻳﯩﻐﯩﻨﺪﺍ ﺑﻪﺭﮔﻪﻥ ﻫﯚﻛﯜﻣﻪﺗﻨﯩﯔ ﺧﯩﺰﻣﻪﺕ ﺩﻭﻛﻼﺗﯩﺪﺍ، "3 ﺧﯩﻞ ﻛﯜﭼﻠﻪﺭﮔﻪ ﺯﻩﺭﺑﻪ ﺑﯧﺮﯨﺶ" ﻧﻰ 3 ﻳﻪﺭﺩﻩ ﺗﯩﻠﻐﺎ ﺋﯧﻠﯩﭗ، ﺑﯘ ﺧﯩﺰﻣﻪﺗﻨﻰ ﺋﺎﻟﺪﯨﻨﻘﻰ ﺋﻮﺭﯗﻧﻐﺎ ﻗﻮﻳﯘﭖ ﺋﯩﺠﺮﺍ ﻗﯩﻠﯩﺶ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﺪﻯ.

ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ ﺳﯚﺯﯨﺪﻩ، "ﺗﯧﺮﺭﻭﺭﭼﯩﻠﯩﻖ، ﺑﯚﻟﮕﯜﻧﭽﯩﻠﯩﻚ ﯞﻩ ﺭﺍﺩﯨﻜﺎﻝ ﻛﯜﭼﻠﻪﺭﻧﯩﯔ ﭘﺎﺋﺎﻟﯩﻴﯩﺘﯩﮕﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﭗ، ﻣﯘﻗﯩﻤﻠﯩﻘﻨﻰ ﻗﻮﻏﺪﺍﻳﻠﻰ" ﺩﯦﺪﻯ. ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﺳﺘﻪﻗﯩﻞ ﺋﯚﺯﯨﮕﻪ ﺋﯚﺯﻯ ﺋﯩﮕﻪ ﭘﺮﯨﻨﺴﯩﭙﺘﺎ ﭼﯩﯔ ﺗﯘﺭﯗﭖ ﻛﻪﻟﮕﻪﻧﻠﯩﻜﯩﻨﻰ ﻫﻪﻣﺪﻩ ﺩﯨﻨﯩﻲ ﺋﯧﺘﯩﻘﺎﺩ ﺳﯩﻴﺎﺳﯩﺘﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﭖ، ﻣﯩﻠﻠﻪﺗﻠﻪﺭﻧﯩﯔ ﺑﺎﺭﺍﯞﻩﺭ، ﺋﯩﺘﺘﯩﭙﺎﻕ ﯞﻩ ﺋﯚﺯ-ﺋﺎﺭﺍ ﻳﺎﺭﺩﻩﻣﺪﻩ ﺑﻮﻟﻐﺎﻥ ﻳﯧﯖﻰ ﺧﯩﻠﺪﯨﻜﻰ ﻣﯩﻠﻠﻪﺗﻠﻪﺭ ﻣﯘﻧﺎﺳﯩﯟﯨﺘﯩﻨﻰ ﻳﻮﻟﻐﺎ ﻗﻮﻳﯘﭖ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

"ﺋﯜﭺ ﺧﯩﻞ ﻛﯜﭺ" ﯞﻩ ﻣﯘﻗﯘﻣﺴﯩﺰﻟﯩﻘﻨﯩﯔ ﺋﺎﻣﯩﻠﻰ

ﮔﯧﺮﻣﺎﻧﯩﻴﯩﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ، ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﺳﯚﺯﻟﯩﺮﯨﺪﻩ ﺗﻮﺧﺘﯩﻠﯩﭗ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﻨﻰ ﺑﯧﺴﯩﯟﺍﻟﻐﺎﻧﺪﯨﻦ ﺑﯘﻳﺎﻥ، ﺋﯘﻳﻐﯘﺭﻻﺭﻧﯩﯔ ﺋﯚﺯﯨﮕﻪ-ﺋﯚﺯﻯ ﺧﻮﺟﺎ ﺑﻮﻟﯘﭖ ﺑﺎﻗﻤﯩﻐﺎﻧﻠﯩﻘﯩﻨﻰ، ﺧﯩﺘﺎﻱ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯘ ﻗﯘﺭﯗﻟﺘﺎﻳﻨﯩﯔ ﯞﻩ ﺋﯘﻻﺭ ﺳﺎﻳﻼﭖ ﭼﯩﻘﻘﺎﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺭﻩﻫﺒﻪﺭﻟﻪﺭﻧﯩﯔ ﭘﻪﻗﻪﺕ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﯩﮕﯩﻼ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺩﯨﻠﺸﺎﺕ ﺭﯨﺸﯩﺖ ﻳﻪﻧﻪ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ "3 ﺧﯩﻞ ﻛﯜﭼﻠﻪﺭﮔﻪ ﺯﻩﺭﺑﻪ ﺑﯧﺮﯨﭗ، ﻣﯘﻗﯩﻤﻠﯩﻘﻨﻰ ﻗﻮﻏﺪﺍﺵ" ﺗﻮﻏﺮﯨﺴﯩﺪﯨﻜﻰ ﺑﺎﻳﺎﻧﻠﯩﺮﯨﺪﺍ ﺗﻮﺧﺘﯩﻠﯩﭗ، ﺋﯘﻳﻐﯘﺭ ﺋﯧﻠﯩﺪﻩ ﻣﯘﻗﯩﻤﺴﯩﺰﻟﯩﻖ ﻛﻪﻟﺘﯜﺭﯛﭖ ﭼﯩﻘﯩﺮﯨﯟﺍﺗﻘﺎﻥ ﺩﻩﻝ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﯩﻨﯩﯔ ﺋﯚﺯﻯ ﺋﯩﻜﻪﻧﻠﯩﻜﯩﻨﻰ ﺷﯘﻧﺪﺍﻗﻼ ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻏﺎ ﺑﺎﺭﺍﯞﻩﺭ ﻣﯘﺋﺎﻣﯩﻠﻪ ﻗﯩﻠﻤﺎﺳﻠﯩﻘﻰ ﯞﻩ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﺯﻭﺭ ﻣﯩﻘﺪﺍﺭﺩﺍ ﺋﯘﻳﻐﯘﺭ ﺋﯧﻠﯩﮕﻪ ﻳﯚﺗﻜﯩﺸﯩﻨﯩﯔ، ﻣﯘﻗﯩﻤﺴﯩﺰﻟﯩﻘﻨﻰ ﻛﻪﻟﺘﯜﺭﯨﯟﺍﺗﻘﺎﻥ ﻣﯘﻫﯩﻢ ﺋﺎﻣﯩﻠﻼﺭﻧﯩﯔ ﺑﯩﺮﻯ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻥ ﺭﻩﺋﯩﺴﻰ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ ﺩﻭﻛﻼﺗﯩﺪﺍ، "3 ﺧﯩﻞ ﻛﯜﭼﻠﻪﺭ" ﮔﻪ ﻳﯘﻗﯩﺮﻯ ﺑﯧﺴﯩﻤﺪﺍ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﺗﻪﻛﯩﺘﻠﻪﺵ ﺑﯩﻠﻪﻥ ﺑﯩﺮﮔﻪ، "ﺩﯙﻟﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﻣﯩﻠﻠﯩﻲ ﺑﯚﻟﮕﯜﻧﭽﻰ ﻛﯜﭼﻠﻪﺭﻧﯩﯔ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭ، ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﻠﯩﺮﻯ، ﺋﯩﻨﺘﯧﺮﻧﯧﺖ ﯞﻩ ﺩﯨﻨﺪﯨﻦ ﭘﺎﻳﺪﯨﻠﯩﻨﯩﭗ، ﺳﯩﯖﯩﭗ ﻛﯩﺮﯨﭗ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﺶ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻗﯩﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﯩﻤﯩﺰ ﻛﯧﺮﻩﻙ ﻫﻪﻣﺪﻩ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺷﺘﺎ ﺋﯜﺳﺘﯜﻧﻠﯜﻛﻨﻰ ﺋﯩﮕﯩﻠﯩﺸﯩﻤﯩﺰ ﻛﯧﺮﻩﻙ" ﺩﻩﭖ ﺑﯩﻠﺪﯛﺭﺩﻯ.

ﺗﻪﺗﯩﻠﺪﯨﻤﯘ ﺋﺎﺭﺍﻣﻠﯩﻖ ﻳﻮﻕ

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﻪﺭ ﻗﺎﻳﺴﻰ ﺩﻩﺭﯨﺠﯩﻠﯩﻚ ﺭﻩﻫﺒﻪﺭﻟﯩﺮﻯ "3ﺧﯩﻞ ﻛﯜﭼﻠﻪﺭﮔﻪ ﺯﻩﺭﺑﻪ ﺑﯧﺮﯨﺶ" ﻧﻰ ﺋﺎﻻﻫﯩﺪﻩ ﺗﻪﻛﯩﺘﻠﻪﺵ ﺑﯩﻠﻪﻥ ﻳﻪﻧﻪ، ﺑﯘ ﺳﯩﻴﺎﺳﯩﻲ ﺋﯩﺪﯨﻴﯩﻨﻰ ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭ ﻗﺎﻳﺴﻰ ﺷﻪﻫﻪﺭ-ﻳﯧﺰﯨﻠﯩﺮﯨﻐﯩﭽﻪ ﺋﺎﯕﻼﺗﻤﺎﻗﺘﺎ. ﺑﯩﺰﻧﯩﯔ ﺗﯧﻠﯧﻔﻮﻧﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﻲ ﺭﺍﻳﻮﻧﯩﺪﯨﻜﻰ ﻣﻪﻟﯘﻡ ﺑﯩﺮ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﻰ، ﻫﺎﺯﯨﺮ ﺗﻪﺗﯩﻞ ﻣﻪﺯﮔﯩﻠﯩﺪﯨﻤﯘ ﺋﻮﻗﯘﺗﻘﯘﭼﻰ-ﺋﻮﻗﯘﻏﯘﭼﯩﻼﺭﻧﯩﯔ ﻣﻪﻛﺘﻪﭘﺘﻪ "ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ" ﻗﺎ ﺋﻮﺧﺸﺎﺵ ﺳﯩﻴﺎﺳﯩﻲ ﺋﯚﮔﯩﻨﯩﺸﻜﻪ ﻗﺎﺗﻨﺎﺷﺘﯘﺭﯨﻠﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺑﯘ ﺋﻮﻗﯘﻏﯘﭼﯩﻨﯩﯔ ﺋﯧﻴﺘﯩﺸﯩﭽﻪ، ﻣﻪﻛﺘﻪﭘﺘﯩﻜﻰ ﻛﯚﭖ ﻗﯩﺴﯩﻢ ﺋﻮﻗﯘﻏﯘﭼﯩﻼﺭ ﺑﯘ ﺧﯩﻠﺪﯨﻜﻰ ﺳﯩﻴﺎﺳﯩﻲ ﺋﯚﮔﯩﻨﯩﺸﺘﯩﻦ ﺑﯩﺰﺍﺭ ﺑﻮﻟﻐﺎﻥ، ﻟﯧﻜﯩﻦ ﺋﯘﻻﺭ ﺑﯘﻧﯩﯖﻐﺎ ﺑﻮﻳﺴﯘﻧﻤﺎﻱ ﺋﺎﻣﺎﻝ ﻳﻮﻕ ﺑﻮﻟﻐﺎﭼﻘﺎ، ﺗﻪﺗﯩﻠﻠﯩﻚ ﻣﻪﺯﮔﯩﻠﯩﻨﻰ ﻗﯘﺭﺑﺎﻥ ﻗﯩﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ.

ﺗﻪﯕﺮﯨﺘﺎﻍ ﺧﻪﯞﻩﺭ ﺗﻮﺭﯨﻨﯩﯔ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻥ ﺭﻩﺋﯩﺴﻰ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ ﻳﯩﻐﯩﻨﺪﺍ ﻗﯩﻠﻐﺎﻥ ﺳﯚﺯﯨﻨﯩﯔ ﺋﺎﺧﯩﺮﯨﺪﺍ، ﺋﯘﻳﻐﯘﺭ ﺋﯧﻠﯩﻨﯩﯔ ﺑﯘﻧﯩﯖﺪﯨﻦ ﻛﯧﻴﯩﻨﻤﯘ ﻣﻪﺭﻛﻪﺯ ﭼﯩﻘﺎﺭﻏﺎﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺵ ﻣﻪﻗﺴﯩﺘﯩﺪﯨﻜﻰ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺳﯩﻴﺎﺳﻪﺕ ﺑﻪﻟﮕﯩﻠﯩﻤﯩﺮﯨﻨﻰ ﺩﺍﯞﺍﻣﻠﯩﻖ ﺋﯩﺠﺮﺍ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. (ﭘﻪﺭﯨﺪﻩ)