"ﺋﯜﭺ ﺧﯩﻞ ﻛﯜﭺ" ﻛﻪ ﺯﻩﺭﺑﻪ ﺑﯧﺮﯨﺶ ﺟﻪﻣﺌﯩﻴﻪﺕ ﻣﯘﻗﯩﻤﻠﯩﻘﯩﻨﯩﯔ ﻛﺎﭘﺎﻟﯩﺘﯩﻤﯘ؟

• ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ ﺋﯧﻴﺘﻘﺎﻧﺪﻩﻙ "ﻛﯚﭖ ﻳﯩﻠﻼﺭﺩﯨﻦ ﺑﯘﻳﺎﻥ ﺷﯩﻨﺠﺎﯓ ﻣﯘﺳﺘﻪﻗﯩﻞ ﺋﯚﺯﯨﮕﻪ ﺋﯚﺯﻯ ﺧﻮﺟﺎ ﺑﻮﻟﯘﺵ ﭘﺮﯨﻨﺴﯩﭙﯩﺪﺍ ﭼﯩﯔ ﺗﯘﺭﺩﻯ" ﻣﯘ؟

1- ﺋﺎﻳﻨﯩﯔ 17-ﻛﯜﻧﻰ ﺋﯚﺗﻜﯜﺯﯛﻟﮕﻪﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ 10-ﻗﯘﺭﯗﻟﺘﯩﻴﯩﻨﯩﯔ 4-ﻗﯧﺘﯩﻤﻠﯩﻖ ﻳﯩﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺗﺎﻟﻼﭖ ﺑﯧﻜﯩﺘﻜﻪﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺭﻩﺋﯩﺴﻰ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ ﻫﯚﻛﯜﻣﻪﺕ ﺧﯩﺰﻣﯩﺘﯩﺪﯨﻦ ﺩﻭﻛﻼﺕ ﺑﻪﺭﮔﻪﻧﺪﻩ "ﺋﯜﭺ ﺧﯩﻞ ﻛﯜﭼﻠﻪﺭ" ﮔﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﺗﻪﻛﯩﺘﻠﯩﮕﻪﻥ ﻫﻪﻡ ﺑﯩﺮ ﻗﺎﺗﺎﺭ ﭼﺎﺭﻩ ﺗﻪﺩﺑﯩﺮﻟﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺗﻪﯕﺮﻯ ﺗﺎﻍ ﺗﻮﺭﯨﻨﯩﯔ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ " ﻛﯚﭖ ﻳﯩﻠﻼﺭﺩﯨﻦ ﺑﯘﻳﺎﻥ ﺷﯩﻨﺠﺎﯓ ﻣﯘﺳﺘﻪﻗﯩﻞ ﺋﯚﺯ-ﺋﯚﺯﯨﮕﻪ ﺧﻮﺟﺎ ﺑﻮﻟﯘﺵ ﭘﺮﯨﻨﺴﯩﭙﯩﺪﺍ ﭼﯩﯔ ﺗﯘﺭﯗﭖ، ﺩﯨﻨﯩﻲ ﺋﯧﺘﯩﻘﺎﺩ ﺳﯩﻴﺎﺳﯩﺘﯩﻨﻰ ﺋﯩﺰﭼﯩﻠﻼﺷﺘﯘﺭﯗﭖ ، ﺩﺍﯞﺍﻣﻠﯩﻖ ﺗﯜﺭﺩﻩ ﻣﯩﻠﻠﯩﻲ ﺋﯩﺘﺘﯩﭙﺎﻗﻠﯩﻖ ﺋﯩﺸﻠﯩﺮﻯ ﺋﯧﻠﯩﭗ ﺑﯧﺮﯨﭗ، ﺑﺎﺭﺍﯞﻩﺭ ، ﺋﯩﺘﺘﯩﭙﺎﻕ ، ﺋﯚﺯ-ﺋﺎﺭﺍ ﻳﺎﺭﺩﻩﻣﺪﻩ ﺑﻮﻟﯩﺪﯨﻐﺎﻥ ﯞﻩ ﻣﺎﺳﻼﺷﻘﺎﻥ ﻳﯧﯖﻰ ﺗﯩﭙﺘﯩﻜﻰ ﻣﯩﻠﻠﻪﺗﻠﻪﺭ ﻣﯘﻧﺎﺳﯩﯟﯨﺘﯩﻨﻰ ﻣﯘﺳﺘﻪﻫﻜﻪﻣﻠﯩﺪﻯ" ﺩﻩﭖ ﺳﯚﺯﻟﯩﮕﻪﻥ.

ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﺑﯘ ﺳﯚﺯﻯ ﺑﻮﻟﯘﭘﻤﯘ، ﺋﯘﻧﯩﯔ "ﺷﯩﻨﺠﺎﯓ ﻣﯘﺳﺘﻪﻗﯩﻞ ﺋﯚﺯﯨﮕﻪ ﺋﯚﺯﻯ ﺧﻮﺟﺎ ﺑﻮﻟﯘﺵ ﭘﺮﯨﻨﺴﯩﭙﯩﺪﺍ ﭼﯩﯔ ﺗﯘﺭﯗﭖ" ﺩﯦﮕﻪﻥ ﺋﯩﺒﺎﺭﯨﺴﻰ ﺋﯘﻳﻐﯘﺭﻻﺭﻧﯩﯔ ﺋﯩﻨﻜﺎﺳﻠﯩﺮﯨﻨﻰ ﻗﻮﺯﻏﯩﺪﻯ. ﺧﻪﻟﻘﺌﺎﺭﺍ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺩﯦﻤﻮﻛﺮﺍﺗﯩﻴﻪ ﻓﻮﻧﺪﻯ ﺟﻪﻣﯩﻴﯩﺘﯩﻨﯩﯔ ﭘﺮﯦﺰﯨﺪﯦﻨﺘﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﯨﻨﯩﯔ ﺳﯚﺯﻯ ﻫﻪﻗﻘﯩﺪﯨﻜﻰ ﺋﯩﻨﻜﺎﺳﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.