ﯞﺍﯓ ﻟﯧﭽﯜﻩﻥ "‏ﺋﯜﭺ ﺧﯩﻞ ﻛﯜﭺ" ﻛﻪ ﺯﻩﺭﺑﻪ ﺑﯧﺮﯨﺸﻨﻰ ﻗﺎﻳﺘﺎ ﺗﻪﻛﯩﺘﻠﯩﺪﻯ

• ﻣﯘﺧﺒﯩﺮﯨﻤﯩﺰ ﭘﻪﺭﯨﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﻩﻥ ﺷﻪﻧﺒﻪ ﻛﯜﻧﻰ ﺭﺍﻳﻮﻧﺪﯨﻜﻰ ﻫﻪﺭ ﻗﺎﻳﺴﻰ ﺩﻩﺭﯨﺠﯩﻠﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﻠﯩﺮﯨﻨﻰ ﻳﯘﻗﯩﺮﻯ ﻣﻪﺳﺌﯘﻟﯩﻴﻪﺗﭽﺎﻧﻠﯩﻖ ﺑﯩﻠﻪﻥ ﺋﯜﭺ ﺧﯩﻞ ﻛﯜﭼﻜﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻜﻪ ﭼﺎﻗﯩﺮﺩﻯ. ﮔﻪﺭﭼﻪ ﯞﺍﯓ ﻟﯧﭽﯜﻩﻧﻨﯩﯔ ﺑﯘ ﺳﯚﺯﻟﯩﺮﻯ ﻳﯧﯖﯩﻠﯩﻖ ﺑﻮﻟﻤﯩﺴﯩﻤﯘ، ﻟﯧﻜﯩﻦ ﻳﯧﻘﯩﻨﺪﯨﻦ ﺑﯘﻳﺎﻥ ﺋﺎﭘﺘﻮﻧﻮﻡ ﺭﺍﻳﻮﻥ ﺋﻪﻣﻪﻟﺪﺍﺭﻟﯩﺮﯨﻨﯩﯔ ‏ﺋﯜﭺ ﺧﯩﻞ ﻛﯜﭼﻜﻪ ﺯﻩﺭﺑﻪ ﺑﯧﺮﯨﺶ ﺋﺎﯞﺍﺯﻯ ﺑﯩﺮ ﻗﻪﺩﻩﺭ ﻳﯘﻗﯩﺮﻯ ﺑﻮﻟﯘﭖ ﻛﻪﻟﺪﻯ.

ﺋﺎﻣﯧﺮﯨﻜﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺗﻪﺳﯩﺮﻯ ﺧﯩﺘﺎﻳﻨﻰ ﺋﻪﻧﺪﯨﺸﯩﮕﻪ ﺳﯧﻠﯩﯟﺍﺗﯩﺪﯗ

ﯞﺍﯓ ﻟﯧﭽﯜﻩﻥ ﺑﯘ ﻗﯧﺘﯩﻢ ﺳﯚﺯﯨﺪﻩ، ﻧﯚﯞﻩﺗﺘﯩﻜﻰ ﻣﯘﺭﻩﻛﻜﻪﭖ ﺧﻪﻟﻘﺌﺎﺭﺍ ﯞﻩﺯﯨﻴﻪﺕ ﺋﺎﺳﺘﯩﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺋﯜﭺ ﺧﯩﻞ ﻛﯜﭼﻜﻪ ﺯﻩﺭﺑﻪ ﺑﯧﺮﯨﺶ ﺟﻪﻫﻪﺗﺘﻪ ﻳﺎﺧﺸﻰ ﻧﻪﺗﯩﺠﯩﻠﻪﺭﻧﻰ ﻗﺎﺯﯨﻨﯩﭗ ﻛﻪﻟﮕﻪﻧﻠﯩﻜﯩﻨﻰ، ﺷﯘﻧﺪﺍﻗﻼ ﺑﯘﻧﯩﯖﺪﯨﻦ ﻛﯧﻴﯩﻨﻤﯘ ﻳﯘﻗﯩﺮﻯ ﻫﻮﺷﻴﺎﺭﻟﯩﻖ ﺑﯩﻠﻪﻥ ﺩﯙﻟﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺋﯜﭺ ﺧﯩﻞ ﻛﯜﭼﻜﻪ ﺯﻩﺭﺑﻪ ﺑﯧﺮﯨﺶ ﯞﻩ ﺋﯘﻻﺭﻏﺎ ﻗﺎﺭﺷﻰ ﻣﯘﺩﺍﭘﯩﺌﻪ ﺗﻪﺩﺑﯩﺮﯨﻨﻰ ﻛﯜﭼﻪﻳﺘﯩﺸﻨﯩﯔ ﺯﯙﺭﯛﺭﻟﯩﻜﯩﻨﻰ ﺗﻪﻛﯩﺘﻠﯩﺪﻯ.

ﯞﺍﯓ ﻟﯧﭽﯜﻩﻧﻨﯩﯔ "ﻣﯘﺭﻩﻛﻜﻪﭖ ﺧﻪﻟﻘﺌﺎﺭﺍ ﯞﻩﺯﯨﻴﻪﺕ" ﺩﯦﮕﻪﻥ ﺳﯚﺯﻯ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﺳﯩﺪﯨﻘﻬﺎﺟﻰ ﺭﻭﺯﻯ ﺋﻪﭘﻪﻧﺪﻯ، ﺋﺎﻣﯧﺮﯨﻜﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺗﻪﺳﯩﺮﯨﻨﯩﯔ ﺧﯩﺘﺎﻳﻨﻰ ﺋﻪﻧﺪﯨﺸﯩﮕﻪ ﺳﯧﻠﯩﯟﺍﺗﻘﺎﻧﻠﯩﻘﯩﻨﻰ، ﺷﯘ ﺳﻪﯞﻩﺑﺘﯩﻦ ﺋﯘﻻﺭﻧﯩﯔ ﺋﯜﭺ ﺧﯩﻞ ﻛﯜﭼﮕﻪ ﺯﻩﺭﺑﻪ ﺑﯧﺮﯨﺸﻨﻰ ﺗﻪﻛﺮﺍﺭ ﺗﻪﻛﯩﺘﻠﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ.

ﺳﯩﺪﯨﻘﻬﺎﺟﻰ ﺭﻭﺯﻯ ﺋﻪﭘﻪﻧﺪﻯ ﺧﯩﺘﺎﻳﻨﯩﯔ ﻳﻪﻧﻪ، ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻱ ﺳﯩﻴﺎﺳﯩﺘﻰ ﯞﻩ ﺋﯘﻳﻐﯘﺭﻻﺭﻏﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﻰ ﻗﺎﺗﺎﺭﻟﯩﻖ ﺋﺎﻣﺎﻟﻠﯩﻼﺭﻧﯩﯖﻤﯘ ﺗﻪﺳﯩﺮﯨﮕﻪ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ، ﺋﯘﻳﻐﯘﺭ ﻣﻪﺳﯩﻠﯩﺴﻰ ﺑﺎﺭﻏﺎﻧﺴﯧﺮﻯ ﺧﻪﻟﻘﺌﺎﺭﺍﻟﯩﺸﯩﯟﺍﺗﻘﺎﻥ ﻧﯚﯞﻩﺗﺘﯩﻜﻰ ﺑﯘ ﯞﻩﺯﯨﻴﻪﺗﺘﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﯩﻴﺎﺳﯩﺘﯩﻨﻰ ﺗﯧﺨﯩﻤﯘ ﭼﯩﯖﯩﺘﯩﺶ ﺋﺎﺭﻗﯩﻠﯩﻖ ﺋﯘﻳﻐﯘﺭﻻﺭﻧﯩﯔ ﻣﯘﺳﺘﻪﻗﯩﻠﻠﯩﻖ ﺋﺎﺭﺯﯗﺳﯩﻐﺎ ﺯﻩﺭﺑﻪ ﺑﯧﺮﯨﺸﻨﻰ ﻣﻪﻗﺴﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ.

ﮔﯘﻩﻧﺘﺎﻧﺎﻣﻮﺩﯨﻜﻰ ﺑﻪﺵ ﺋﯘﻳﻐﯘﺭﻧﯩﯔ ﺋﺎﻟﺒﺎﻧﯩﻴﯩﮕﻪ ﺋﻮﺭﯗﻧﻼﺷﺘﯘﺭﯗﺷﻰ ﺧﯩﺘﺎﻳﻨﻰ ﺋﻮﻳﻐﺎ ﺳﺎﻟﺪﻯ

ﺗﯧﺨﻰ ﻳﯧﻘﯩﻨﺪﺍ ﮔﯘﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺋﺎﻟﺒﺎﻧﯩﻴﯩﮕﻪ ﺋﻮﺭﯗﻧﻼﺷﺘﯘﺭﯗﻟﯩﺸﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﻗﺎﺗﺘﯩﻖ ﻏﻪﺯﻩﭘﻠﻪﻧﺪﯛﺭﮔﻪﻥ ﺋﯩﺪﻯ. ﺑﯘﻧﯩﯔ ﺋﺎﻟﺪﯨﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﻰ ﺧﻪﻟﻘﺌﺎﺭﺍﺩﺍ ﺗﯧﺮﺭﻭﺭﭼﻰ ﺩﻩﭖ ﻛﯚﺭﺳﯩﺘﯩﺸﻜﻪ ﺗﯩﺮﯨﺸﺘﻰ ﻫﻪﻣﺪﻩ ﺋﯩﺰﭼﯩﻞ ﺗﯜﺭﺩﻩ ﺋﺎﻣﯧﺮﯨﻜﯩﺪﯨﻦ ﮔﯘﻩﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭﻧﻰ ﺧﯩﺘﺎﻳﻐﺎ ﻗﺎﻳﺘﯘﺭﯗﭖ ﺑﯧﺮﯨﺸﻨﻰ ﻛﯜﭼﻠﯜﻙ ﺗﻪﻟﻪﭖ ﻗﯩﻠﯩﭗ ﻛﻪﻟﮕﻪﻥ.

ﺳﯩﺪﯨﻘﻬﺎﺟﻰ ﺭﻭﺯﻯ ﺋﻪﭘﻪﻧﺪﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﺟﻪﻫﻪﺗﺘﯩﻜﻰ ﺗﯩﺮﯨﺸﭽﺎﻧﻠﯩﻘﯩﻨﯩﯔ ﻣﻪﻏﻠﯘﺏ ﺑﻮﻟﯘﺷﯩﻤﯘ، ﺋﯘﻻﺭﻧﯩﯔ ﺋﯜﭺ ﺧﯩﻞ ﻛﯜﭼﮕﻪ ﺯﻩﺭﺑﻪ ﺑﯧﺮﯨﺸﻨﻰ ﻗﺎﻳﺘﺎ ﺗﻪﻛﯩﺘﻠﯩﺸﯩﮕﻪ ﺗﯜﺭﺗﻜﻪ ﺑﻮﻟﻐﺎﻥ ﺋﺎﻣﯩﻞ ﻫﯧﺴﺎﺑﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﯞﺍﯓ ﻟﯧﭽﯜﻩﻥ ﺋﯜﭺ ﺧﯩﻞ ﻛﯜﭼﮕﻪ ﺯﻩﺭﺑﻪ ﺑﯧﺮﯨﺸﻨﻰ ﺗﻪﻛﯩﺘﻠﯩﮕﻪﻥ ﺑﯘ ﻳﯩﻐﯩﻨﺪﺍ ﻳﻪﻧﻪ، ﺋﺎﭘﺘﻮﻧﻮﻡ ﺭﺍﻳﻮﻥ ﺭﻩﺋﯩﺴﻰ ﺋﯩﺴﻤﺎﻳﯩﻞ ﺗﯩﻠﯩﯟﺍﻟﺪﯨﻤﯘ ﺳﯚﺯ ﻗﯩﻠﯩﭗ، "ﺷﯩﻨﺠﺎﯕﺪﺍ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻛﯜﺭﻩﺷﻨﯩﯔ ﺋﯘﺯﯗﻥ - ﻣﯘﺩﺩﻩﺗﻠﯩﻜﻠﯩﻜﻰ ﯞﻩ ﻣﯘﺭﻩﻛﻜﻪﭘﻠﯩﻜﯩﻨﻰ ﭼﻮﯕﻘﯘﺭ ﺗﻮﻧﯘﺵ ﻛﯧﺮﻩﻙ " ﺩﯦﺪﻯ.

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺳﯩﺪﯨﻘﻬﺎﺟﻰ ﺭﻭﺯﻯ ﯞﻩ ﺩﯨﻠﺸﺎﺕ ﺭﯨﺸﯩﺖ ﺋﻪﭘﻪﻧﺪﻯ ﻫﻪﺭ ﺋﯩﻜﻜﯩﻠﯩﺴﻰ، ﻧﯚﯞﻩﺗﺘﻪ ﺧﻪﻟﻘﺌﺎﺭﺍﻧﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﺑﻮﻟﻐﺎﻥ ﻗﯩﺰﯨﻘﯩﺸﻰ ﯞﻩ ﻛﯚﯕﯜﻝ ﺑﯚﻟﯜﺷﯩﻨﯩﯔ ﺑﺎﺭﻏﺎﻧﺴﯧﺮﻯ ﻛﯜﭼﯩﻴﯩﯟﺍﺗﻘﺎﻧﻠﯩﻘﯩﻨﻰ ﯞﻩ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺩﺍﯞﺍﺳﯩﻨﻰ ﻗﯩﻠﯩﯟﺍﺗﻘﺎﻥ ﺗﻪﺷﻜﯩﻼﺗﻼﺭﻧﯩﯖﻤﯘ ﺑﯘ ﺟﻪﻫﻪﺗﺘﯩﻜﻰ ﺗﯩﺮﯨﺸﭽﺎﻧﻠﯩﻘﻠﯩﺮﯨﻨﻰ ﺋﺎﺷﯘﺭﯗﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ. (ﭘﻪﺭﯨﺪﻩ)