ﺧﯩﺘﺎﻱ ﻫﯚﻛﯜﻣﯩﺘﻰ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻏﺎ ﻗﺎﺭﺍﺗﻘﺎﻥ ﺗﻪﻛﺸﯜﺭﯛﺷﯩﻨﻰ ﻛﯜﭼﻪﻳﺘﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯧﻴﺠﯩﯖﺪﺍ ﺗﯘﺭﯗﺷﻠﯘﻕ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺗﻪﻛﯩﺘﻠﯩﺸﯩﭽﻪ، ﭼﻪﺗﺌﻪﻟﻠﯩﻜﻠﻪﺭ ﺑﯩﻠﻪﻥ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺧﯩﺘﺎﻳﺪﺍ ﺑﯩﺮ ﻣﯜﺩﺩﻩﺕ ﺗﯘﺭﯗﺵ ﺭﻩﺳﻤﯩﻴﻪﺗﻠﯩﺮﯨﻨﻰ ﺑﯧﺠﯩﺮﯨﺶ ﺋﯩﺸﻠﯩﺮﻯ ﺋﯩﻨﺘﺎﻳﯩﻦ ﻗﯧﻴﯩﻦ ﯞﻩ ﻣﯘﺭﻩﻛﻜﻪﭘﻠﯩﺸﯩﭗ ﻛﻪﺗﻜﻪﻥ ﺑﻮﻟﯘﭖ، ﺧﯩﺘﺎﻳﻨﯩﯔ ﺳﯩﺮﺗﻘﺎ ﺋﯩﺸﯩﻜﻨﻰ ﻛﻪﯓ ﺋﯧﭽﯩﯟﯨﺘﯩﺶ ﺳﯩﻴﺎﺳﯩﺘﯩﮕﻪ ﻗﯩﻠﭽﻪ ﺋﯘﻳﻐﯘﻥ ﺋﻪﻣﻪﺱ ﺋﯩﻜﻪﻥ. ﺑﯩﺮﺍﻕ ﺑﯘ ﻣﻪﺳﯩﻠﯩﮕﻪ ﻗﺎﺭﯨﺘﺎ ﺋﯩﻨﻜﺎﺱ ﺑﯩﻠﺪﯛﺭﮔﻪﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ، "ﭼﻪﺗﺌﻪﻟﻠﯩﻜﻠﻪﺭﮔﻪ ﻗﺎﺭﯨﺘﺎ ﺗﯩﺰﯨﻤﻼﺵ ﻫﻪﻣﺪﻩ ﺭﻩﺳﻤﯩﻴﻪﺕ ﺗﻪﻛﺸﯜﺭﯛﺵ ﻧﺎﻫﺎﻳﯩﺘﻰ ﻧﻮﺭﻣﺎﻝ ﺑﯩﺮ ﺋﯩﺶ" ﺩﻩﭖ ﺑﯩﻠﺪﯛﺭﻣﻪﻛﺘﻪ.

ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ، ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺋﯚﺯﻟﯩﺮﻯ ﻳﻮﻟﯘﻗﯩﯟﺍﺗﻘﺎﻥ ﻗﯧﻴﯩﻨﭽﯩﻠﯩﻘﻼﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ

25 ‏- ﺩﯦﻜﺎﺑﯩﺮ ﻛﯜﻧﻰ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺑﯩﺮ ﭼﻪﺗﺌﻪﻟﻠﯩﻚ ﻣﯘﺧﺒﯩﺮ، ﻳﯧﻘﯩﻨﺪﯨﻦ ﺑﯘﻳﺎﻥ ﺧﯩﺘﺎﻱ ﺋﻪﺩﯨﻠﯩﻴﻪ ﺳﺎﻗﭽﯩﻠﯩﺮﯨﻨﯩﯔ ﺩﺍﯞﺍﻣﻠﯩﻖ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﺗﯘﺭﯗﺷﻠﯘﻕ ﺟﺎﻳﻼﺭﻏﺎ ﺑﺎﺳﺘﯘﺭﯗﭖ ﺑﯧﺮﯨﭗ، ﺋﯘﻻﺭﻧﯩﯔ ﻛﯩﻤﻠﯩﻚ ﻛﯩﻨﯩﺸﻜﯩﺴﯩﻨﻰ ﺗﻪﻛﺸﯜﺭﯨﺪﯨﻐﺎﻥ ﺷﯘﻧﯩﯖﺪﻩﻙ ﻳﻪﻧﻪ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ، ﭼﻪﺗﺌﻪﻟﻠﯩﻚ ﺳﺎﻳﺎﻫﻪﺗﭽﯩﻠﻪﺭﻧﯩﯔ ﺧﯩﺘﺎﻳﻐﺎ ﻛﯧﻠﯩﭗ 24 ﺳﺎﺋﻪﺕ ﺋﯩﭽﯩﺪﻩ ﻫﻪﺭ ﻗﺎﻳﺴﻰ ﺳﺎﻗﭽﻰ ﭘﻮﻧﻜﯩﺘﻠﯩﺮﯨﺪﺍ ﺗﯩﺰﯨﻤﻠﯩﺘﯩﺶ ﺭﻩﺳﻤﯩﻴﯩﺘﻰ ﺑﯧﺠﯩﺮﯨﺶ ﺋﻪﻫﯟﺍﻟﻠﯩﺮﯨﻨﯩﯔ ﻣﻪﻳﺪﺍﻧﻐﺎ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﯛﭖ، ﻣﯘﺧﺒﯩﺮﻻﺭﻧﯩﯔ ﻛﯚﭖ ﯞﺍﻗﺘﯩﻨﻰ ﺋﺎﻟﯩﺪﯨﻐﺎﻥ ﺑﯘ ﺧﯩﻞ ﺭﻩﺳﻤﯩﻴﻪﺗﻠﻪﺭﻧﻰ ﻗﯩﺴﻘﺎﺭﺗﯩﺸﻨﻰ ﺗﻪﻟﻪﭖ ﻗﯩﻠﺪﻯ.

ﭼﻪﺗﺌﻪﻟﻠﯩﻚ ﻣﯘﺧﺒﯩﺮ ﻳﻪﻧﻪ ﻣﯘﻧﺪﺍﻕ ﺑﯩﺮ ﺳﻮﺋﺎﻟﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ" : ﻛﯧﻠﻪﺭ ﻳﯩﻠﻰ ﺧﯩﺘﺎﻳﻨﯩﯔ ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﭗ ﺋﯩﺸﯩﻜﻨﻰ ﺋﯧﭽﯩﯟﯨﺘﯩﺶ ﺳﯩﻴﺎﺳﯩﺘﯩﻨﻰ ﺋﯩﺠﺮﺍ ﻗﯩﻠﻐﯩﻨﯩﻐﺎ 30 ﻳﯩﻞ ﺗﻮﺷﯩﺪﯗ، ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻤﯘ ﻛﯧﻠﻪﺭ ﻳﯩﻠﻰ ﺋﯚﺗﻜﯜﺯﯛﻟﯩﺪﯗ، ﻧﯧﻤﻪ ﺋﯜﭼﯜﻥ ﺟﯘﯕﮕﻮﺩﺍ ﻣﯘﺷﯘﻧﺪﺍﻕ ﺑﯩﺮ ﺯﻭﺭ ﯞﻩﺯﯨﻴﻪﺕ ﺋﺎﺳﺘﯩﺪﺍ ﭼﻪﺗﺌﻪﻟﻠﯩﻜﻠﻪﺭﮔﻪ ﻗﺎﺭﯨﺘﺎ ﺗﯜﺭﻟﯜﻙ ﻗﺎﺋﯩﺪﻩ ﯞﻩ ﻣﯩﺰﺍﻧﻼﺭﻧﻰ ﻳﻮﻟﻐﺎ ﻗﻮﻳﯩﺪﯗ؟"

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﭼﯩﯔ ﮔﺎﯓ ﺑﯘ ﺳﯘﺋﺎﻟﻐﺎ ﺟﺎﯞﺍﺏ ﺑﯧﺮﯨﭗ" : ﺟﯘﯕﮕﻮﺩﯨﻜﻰ ﺳﺎﻗﭽﻰ ﭘﻮﻧﻜﯩﺘﻠﯩﺮﯨﻨﯩﯔ ﯞﻩ ﺳﺎﻗﭽﯩﻼﺭﻧﯩﯔ ﻧﻮﭘﯘﺳﻘﺎ ﺗﯩﺰﯨﻤﻠﯩﺘﯩﺶ ﺑﯩﻠﻪﻥ ﺭﻩﺳﻤﯩﻴﻪﺕ ﺗﻪﻛﺸﯜﺭﯛﺷﯩﻨﯩﯔ ﻣﻪﻗﺴﯩﺪﻯ ﺟﻪﻣﺌﯩﻴﻪﺕ ﺗﯜﺯﯛﻣﻰ ﺑﯩﻠﻪﻥ ﺟﻪﻣﺌﯩﻴﻪﺕ ﺗﻪﺭﺗﯩﭙﯩﻨﻰ ﻗﻮﻏﺪﺍﺵ ﺋﯜﭼﯜﻥ، ﺟﯘﯕﮕﻮﻧﯩﯔ ﺑﯘ ﻫﻪﺭﯨﻜﯩﺘﻰ ﺋﯩﻨﺘﺎﻳﯩﻦ ' ﻧﻮﺭﻣﺎﻝ ﺑﯩﺮ ﻫﻪﺭﯨﻜﻪﺕ'،" ﺩﯦﮕﻪﻥ.

ﺳﯩﯩﻨﮕﺎﭘﻮﺭﻟﯘﻕ ﺑﯩﺮ ﻣﯘﺧﺒﯩﺮ " : ﻣﯘﺧﺒﯩﺮﻻﺭ، ﺟﯘﯕﮕﯘ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺑﯘ ﻣﻪﺳﯩﻠﻪ ﺋﯜﺳﺘﯩﺪﯨﻜﻰ ﻗﺎﺭﺍﺷﻠﯩﺮﻯ ﻫﻪﻗﻘﯩﺪﻩ ﺳﻮﺋﺎﻟﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺎﻟﯩﻐﺎﻥ ﺋﯩﻜﻪﻥ، ﺋﯘﻧﺪﺍﻗﺘﺎ ﺑﯘ، ﻫﻪﻗﯩﻘﻪﺗﻪﻥ ﻣﯘﺧﺒﯩﺮﻻﺭﻧﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻐﺎﻥ ﺑﯩﺮ ﻣﻪﺳﯩﻠﻪ ﺋﯩﻜﻪﻧﻠﯩﻜﯩﻨﻰ ﺋﯩﺴﭙﺎﺗﻼﻳﺪﯗ،" ﺩﯦﮕﻪﻥ.

ﻳﻪﻧﻪ ﺑﯩﺮ ﻗﯩﺴﯩﻢ ﻣﯘﺧﺒﯩﺮﻻﺭ: "ﻣﯘﺧﺒﯩﺮﻻﺭﻧﻰ ﺗﯩﺰﯨﻤﻼﺵ ﻫﻪﺭﯨﻜﯩﺘﻰ ﺋﻪﻟﯟﻩﺗﺘﻪ ﻧﯘﺭﻏﯘﻧﻠﯩﻐﺎﻥ ﻗﯧﻴﯩﻨﭽﯩﻠﯩﻘﻼﺭﻧﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﯨﺪﯗ،" ﺩﻩﭖ ﻛﯚﺭﺳﻪﺗﻜﻪﻥ.

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﭼﯩﯔ ﮔﺎﯓ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ، ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺧﯩﺘﺎﻳﺪﯨﻜﻰ ﻗﺎﻧﯘﻧﻠﯘﻕ ﻫﻮﻗﯘﻗﻰ، ﻗﺎﻧﯘﻥ ﺑﯘﻳﯩﭽﻪ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﻨﯩﺸﻰ ﻛﯧﺮﻩﻙ، ﺧﯩﺘﺎﻳﺪﯨﻜﻰ ﻫﻪﺭ ﻗﺎﻳﺴﻰ ﺩﻩﺭﯨﺠﯩﻠﯩﻚ ﻫﯚﻛﯜﻣﻪﺗﻠﻪﺭ ﯞﻩ ﺋﯩﺪﺍﺭﻩ ‏- ﺋﻮﺭﮔﺎﻧﻼﺭ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ، ﭼﻪﺗﺌﻪﻟﻠﻪﺭﻧﯩﯔ ﺧﯩﺘﺎﻳﺪﺍ ﻣﯘﻗﯩﻢ ﺗﯘﺭﯗﺷﻠﯘﻕ ﻣﯘﺧﺒﯩﺮﻟﯩﺮﯨﻐﺎ ﺋﻮﯕﯘﺷﻠﯘﻕ ﺷﺎﺭﺍﺋﯩﺖ ﻳﺎﺭﯨﺘﯩﺸﻰ ﯞﻩ ﻣﯘﻻﺯﯨﻤﻪﺕ ﻗﯩﻠﯩﺸﻰ ﻛﯧﺮﻩﻙ ﺩﻩﭖ ﻛﯚﺭﺳﯩﺘﯩﺶ ﺑﯩﻠﻪﻥ ﺑﯩﺮﮔﻪ، ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﯘ ﺟﻪﻫﻪﺗﺘﯩﻜﻰ ﺧﯩﺰﻣﻪﺗﻠﻪﺭﻧﻰ ﺋﯩﺰﭼﯩﻞ ﻳﺎﺧﺸﯩﻼﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺧﯩﺘﺎﻱ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻧﺎﭼﺎﺭ ﺩﯙﻟﻪﺗﻠﻪﺭ ﺗﯩﺰﯨﻤﻠﯩﻜﯩﻨﯩﯔ ﺋﺎﻟﺪﯨﻨﻘﻰ ﺋﻮﺭﻧﯩﺪﺍ ﺗﯘﺭﯨﺪﯗ

ﻣﯘﺧﺒﯩﺮﻻﺭﻧﯩﯔ ﺑﻮﻟﯘﭘﻤﯘ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺧﯩﺘﺎﻳﺪﺍ ﺗﯜﺭﻟﯜﻙ ﻗﯩﻴﯩﻨﭽﯩﻠﯩﻘﻼﺭﻏﺎ ﺩﯗﭺ ﻛﯧﻠﯩﺪﯨﻐﺎﻧﻠﯩﻘﻰ ﺋﻪﻣﻪﻟﯩﻴﻪﺕ ﺑﻮﻟﯘﭖ، ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﻳﯧﻘﯩﻨﺪﺍ "2007 ‏- ﻳﯩﻠﻠﯩﻖ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﺗﯩﺰﯨﻤﻠﯩﻜﻰ" ﻧﻰ ﺋﯧﻼﻥ ﻗﯩﻠﯩﭗ، 169 ﺩﯙﻟﻪﺗﻨﯩﯔ ﺗﯩﺰﯨﻤﻠﯩﻜﻰ ﺗﯘﺭﻏﯘﺯﯗﻟﻐﺎﻥ ﺩﯙﻟﻪﺗﻠﻪﺭ ﺋﯩﭽﯩﺪﻩ ﺧﯩﺘﺎﻳﻨﯩﯔ 163 ‏- ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ ﺋﯩﺪﻯ.

ﻣﻪﺭﻛﯩﺰﻯ ﭘﺎﺭﯨﮋﺩﯨﻜﻰ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﮔﻪﺭﭼﻪ ﺧﯩﺘﺎﻱ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﺵ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺗﯜﺭﻣﻪ ﺋﯩﭽﯩﺪﯨﻜﻰ ﻣﯘﺧﺒﯩﺮﻻﺭﻧﻰ ﻗﻮﻳﯘﭖ ﺑﯧﺮﯨﺶ ﻫﻪﻗﻘﯩﺪﻩ ﻧﯘﺭﻏﯘﻥ ﯞﻩﺩﯨﻠﻪﺭﻧﻰ ﺑﻪﺭﮔﻪﻥ ﺑﻮﻟﺴﯩﻤﯘ، ﻫﺎﺯﯨﺮﻏﺎ ﻗﻪﺩﻩﺭ ﺑﯘ ﯞﻩﺩﯨﻠﻪﺭﻧﯩﯔ ﺑﯩﺮﯨﻤﯘ ﺋﯩﺸﻘﺎ ﺋﺎﺷﯘﺭﯗﻟﻤﯩﻐﺎﻥ.

ﺑﯘﻧﯩﯖﺪﯨﻦ ﺳﯩﺮﺕ، ﭼﻪﺗﺌﻪﻝ ﻣﯘﺧﺒﯩﺮﻟﯩﺮﻯ ﻛﯘﻟﯘﺑﯩﻨﯩﯔ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﺪﯨﻦ ﻗﺎﺭﯨﻐﺎﻧﺪﯨﻤﯘ، ﺧﯩﺘﺎﻳﺪﺍ ﺯﯨﻴﺎﺭﻩﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ 95 ﭘﯩﺮﺳﻪﻧﺖ ﻣﯘﺧﺒﯩﺮﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﺪﺍ ﺯﯨﻴﺎﺭﻩﺕ ﺋﯧﻠﯩﭗ ﺑﯧﺮﯨﺶ ﻣﯘﻫﯩﺘﻰ ﺧﻪﻟﻘﺌﺎﺭﺍ ﺋﯚﻟﭽﻪﻣﺪﯨﻦ ﻧﺎﻫﺎﻳﯩﺘﻰ ﻳﯩﺮﺍﻕ ﺑﻮﻟﯘﭖ، ﺑﯧﻴﺠﯩﯔ ﻫﯚﻛﯜﻣﯩﺘﻰ ﺋﯚﺯﯨﻨﯩﯔ ﺯﯨﻴﺎﺭﻩﺕ ﺋﻪﺭﻛﯩﻨﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﯞﻩﺩﯨﺴﯩﺪﻩ ﺗﯘﺭﻣﯩﻐﺎﻥ.

ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﻳﻪﻧﻪ، ﺋﯚﺯﻟﯩﺮﯨﻨﯩﯔ ﺧﯩﺘﺎﻳﺪﺍ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﻯ ﺗﻪﺭﯨﭙﯩﺪﯨﻦ ﺗﯘﻏﺪﯗﺭﯗﻟﻐﺎﻥ ﻫﻪﺭ ﺧﯩﻞ ﻛﺎﺷﯩﻠﯩﻼﺭﻏﺎ ﻳﻮﻟﯘﻗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ، ﺋﯘﻻﺭﻏﺎ ﺋﯘﭼﯘﺭ ﻳﻪﺗﻜﯜﺯﮔﻪﻥ ﻛﯩﺸﯩﻠﻪﺭﻧﯩﯔ ﺗﻪﻫﺪﯨﺘﻜﻪ ﺋﯘﭼﺮﺍﺵ، ﺋﺎﺭﻗﯩﻐﺎ ﭼﯜﺷﯜﺵ، ﺳﻮﻻﭖ ﻗﻮﻳﯘﺵ، ﻫﻪﺗﺘﺎ ﻫﯘﺟﯘﻣﻐﺎ ﺋﯘﭼﺮﺍﺷﻘﺎ ﺋﻮﺧﺸﺎﺵ ﺧﻪﺗﻪﺭﻟﻪﺭﮔﻪ ﻳﻮﻟﯘﻗﻘﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﺪﻯ. ﭼﻪﺗﺌﻪﻝ ﻣﯘﺧﺒﯩﺮﻟﯩﺮﻯ ﻛﯘﻟﯘﺑﯩﻨﯩﯔ ﺭﻩﺋﯩﺴﯩﻨﯩﯔ ﺋﯧﻴﺘﯩﺸﯩﭽﻪ، ﺧﯩﺘﺎﻳﺪﺍ ﭘﯘﻗﺮﺍﻻﺭ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﺑﯩﻠﻪﻥ ﺳﯚﺯﻟﯩﺸﯩﺸﺘﯩﻨﻤﯘ ﺋﻪﻳﻤﯩﻨﯩﺪﯨﻜﻪﻥ.

ﺋﯘ ﺳﯚﺯﯨﺪﻩ ﻳﻪﻧﻪ " : ﺧﯩﺘﺎﻳﺪﺍ ﻛﯩﺸﯩﻠﻪﺭ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ ﻧﺎﻫﺎﻳﯩﺘﻰ ﺋﻪﻧﺪﯨﻜﯩﺶ ﺋﯩﭽﯩﺪﻩ ﻗﺎﻳﻤﯘﻗﯩﺪﯗ، ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﺑﯩﻠﻪﻥ ﻛﯚﺭﯛﺷﻜﻪﻧﻠﯩﻜﻰ ﺋﯜﭼﯜﻥ ﺗﻪﻫﺪﯨﺘﻜﻪ ﺋﯘﭼﺮﺍﻳﺪﯗ، ﻫﻪﺗﺘﺎ ﺯﯨﻴﺎﻧﻜﻪﺷﻠﯩﻜﻜﻪ ﻳﻮﻟﯘﻗﻘﺎﻥ ﺋﺎﺩﻩﻣﻠﻪﺭﻣﯘ ﺑﺎﺭ، ﺷﯘﯕﺎ ﺑﯩﺰ ﺑﯘ ﺧﯩﻞ ﻣﻪﺳﯩﻠﯩﻠﻪﺭﮔﻪ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯜﯞﺍﺗﯩﻤﯩﺰ،" ﺩﯦﺪﻯ.

ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻻﺭ ﺧﯩﺘﺎﻳﺪﺍ ﺯﯨﻴﺎﺭﻩﺕ ﺋﯧﻠﯩﭗ ﺑﯧﺮﯨﺸﺘﺎ ﺋﻪﺭﻛﯩﻨﻠﯩﻜﺘﯩﻦ ﻣﻪﻫﺮﯗﻡ ﻗﺎﻟﻐﺎﻥ ﺑﻮﻟﯘﭖ، ﻣﻪﺳﯩﻠﻪﻥ 4 ‏- ﺋﯩﻴﯘﻝ ﺗﻴﻪﻧﺌﻪﻧﻤﯩﻦ ﯞﻩﻗﻪﺳﻰ، ﺋﯘﻳﻐﯘﺭ ﯞﻩ ﺗﯩﺒﻪﺗﻠﻪﺭﮔﻪ ﻣﯘﻧﺎﺳﯩﯟﻩﺗﻠﯩﻚ ﻣﯩﻠﻠﯩﻲ ﻣﻪﺳﯩﻠﯩﻠﻪﺭ ﺷﯘﻧﯩﯖﺪﻩﻙ ﺋﯘﻻﺭﻧﻰ ﺯﯨﻴﺎﺭﻩﺕ ﻗﯩﻠﯩﺶ ﭼﻪﻛﻠﯩﻤﯩﺴﯩﮕﻪ ﺋﯘﭼﺮﺍﯞﺍﺗﻘﯩﻨﯩﻐﺎ ﻧﺎﻫﺎﻳﯩﺘﻰ ﺋﯘﺯﯗﻥ ﺑﻮﻟﻐﺎﻥ. ﻣﯘﺧﺒﯩﺮﻻﺭ ﺋﯚﺯﻟﯩﺮﯨﻨﯩﯔ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﯩﺸﺘﯩﻤﯘ ﻧﺎﻫﺎﻳﯩﺘﻰ ﻗﯧﻴﯩﻨﭽﯩﻠﯩﻘﻘﺎ ﺋﯘﭼﺮﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺧﯩﺘﺎﻳﻨﯩﯔ ﺋﯚﺯ ﻣﯘﺧﺒﯩﺮﻟﯩﺮﯨﻐﺎ ﻗﺎﺭﺍﺗﻘﺎﻥ ﻛﻮﻧﺘﺮﻭﻟﻠﯘﻗﯩﻨﻰ ﺑﻮﻟﺴﺎ ﺗﻪﺳﻪﯞﯞﯗﺭ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻜﻪﻥ. (ﺋﻪﻗﯩﺪﻩ)