ﺧﯩﺘﺎﻱ ﺋﺎﺧﺒﺎﺭﺍﺗﻠﯩﺮﻯ ﺑﻮﻟﺴﺎ "ﺋﯜﺭﯛﻣﭽﻰ ﯞﻩﺯﯨﻴﯩﺘﻰ ﺗﯩﻨﭽﻼﻧﺪﻯ"، "ﺋﺎﻣﻤﯩﻨﯩﯔ ﺗﯘﺭﻣﯘﺷﻰ ﯞﻩ ﺧﯩﺰﻣﻪﺗﻠﯩﺮﻯ ﻧﻮﺭﻣﺎﻟﻼﺷﺘﻰ، ﻫﻪﺭ ﻣﯩﻠﻠﻪﺕ ﺋﺎﻣﻤﯩﺴﻰ ﺧﯘﺩﺩﻯ ﺑﯘﺭﯗﻧﻘﯩﺪﻩﻛﻼ ﺋﯩﻨﺎﻕ ﺋﯩﺘﺘﯩﭙﺎﻕ" ﺩﻩﭖ، ﺋﯘﻳﻐﯘﺭ ﺋﯧﻠﻰ ﺋﯩﭽﻰ ﯞﻩ ﺳﯩﺮﺗﯩﻐﺎ ﻛﯜﭼﻠﯜﻙ ﺗﻪﺷﯟﯨﻘﺎﺕ ﺋﯧﻠﯩﭗ ﺑﺎﺭﻣﺎﻗﺘﺎ.

ﻫﺎﻟﺒﯘﻛﻰ، ﺋﯜﺭﯛﻣﭽﯩﺪﯨﻦ ﺋﯩﮕﯩﻠﯩﮕﻪﻥ ﺋﯘﭼﯘﺭﻟﯩﺮﯨﻤﯩﺰﻏﺎ ﻗﺎﺭﯨﻐﺎﻧﺪﺍ، ﮔﻪﺭﭼﻪ ﺋﯜﺭﯛﻣﭽﻰ ﯞﻩﺯﯨﻴﯩﺘﯩﻨﯩﯔ ﻧﯘﺭﻏﯘﻥ ﺗﻪﺭﻩﭘﻠﯩﺮﻯ ﺩﯗﻧﻴﺎ ﻣﻪﺗﺒﯘﺋﺎﺗﻠﯩﺮﯨﺪﺍ ﺧﻪﯞﻩﺭ ﻗﯩﻠﯩﻨﻤﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯜﺭﯛﻣﭽﯩﻨﯩﯔ ﺗﺎ ﻫﺎﺯﯨﺮﻏﺎ ﻗﻪﺩﻩﺭ ﺗﯩﻨﭽﻼﻧﻤﯩﻐﺎﻧﻠﯩﻘﻰ ﻣﻪﻟﯘﻡ.

ﺗﯜﻥ ﺑﺎﺳﻘﺎﻥ ﺷﻪﻫﻪﺭﺩﯨﻜﻰ ﺗﺎﺯﯨﻼﺵ

ﺋﯘﻳﻐﯘﺭ ﺋﯧﻠﯩﻨﯩﯔ ﭘﺎﻳﺘﻪﺧﺘﻰ ﺋﯜﺭﯛﻣﭽﯩﺪﻩ 5 - ﺋﯩﻴﯘﻝ ﻳﯜﺯ ﺑﻪﺭﮔﻪﻥ ﻧﺎﻣﺎﻳﯩﺶ ﺗﻮﺭ ﺑﯧﻜﻪﺗﻠﻪﺭ ﺋﺎﺭﻗﯩﻠﯩﻖ ﺩﯗﻧﻴﺎﻏﺎ ﻣﻪﻟﯘﻡ ﺑﻮﻟﺪﻯ. 6 - ﺋﯩﻴﯘﻟﺪﯨﻦ ﻛﯧﻴﯩﻦ ﺧﻪﻟﻘﺌﺎﺭﺍﻟﯩﻖ ﺋﺎﺧﺒﺎﺭﺍﺗﻼﺭ ﺋﯜﺭﯛﻣﭽﯩﺪﯨﻦ ﻣﻪﻟﯘﻡ ﺋﺎﺧﺒﺎﺭﺍﺗﻼﺭﻧﻰ ﺗﺎﺭﻗﯩﺘﯩﺸﻘﺎ ﺑﺎﺷﻠﯩﺪﻯ، ﺋﻪﻣﻤﺎ ﺑﯘ ﺟﻪﺭﻳﺎﻧﺪﺍ 5 - ﺋﯩﻴﯘﻝ ﻛﯜﻧﻰ ﻛﯧﭽﯩﺪﻩ ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺋﯧﻠﯩﭗ ﺑﺎﺭﻏﺎﻥ ﺗﺎﺯﯨﻼﺵ ﺗﯘﺗﯘﺵ ﻫﻪﺭﯨﻜﯩﺘﯩﻨﯩﯔ ﺗﻪﭘﺴﯩﻼﺗﻰ، ﺯﺍﺩﻯ ﻗﺎﻧﭽﯩﻠﯩﻚ ﺋﯘﻳﻐﯘﺭﻧﯩﯔ ﯞﻩﻗﻪ ﺟﻪﺭﻳﺎﻧﯩﺪﺍ ﯞﻩ ﺋﯘﻧﯩﯖﺪﯨﻦ ﻛﯧﻴﯩﻦ ﺋﯚﻟﺘﯜﺭﯛﻟﮕﻪﻧﻠﯩﻜﻰ ﯞﻩ ﻳﺎﻛﻰ ﺗﯘﺗﯘﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﺋﯘﭼﯘﺭ ﺗﺎﺭﻗﯩﺘﯩﻠﻤﯩﺪﻯ. ﺋﯘﻧﯩﯖﺪﯨﻦ ﻛﯧﻴﯩﻦ ﺧﯩﺘﺎﻳﻼﺭﻧﯩﯔ ﺋﯘﻳﻐﯘﺭ ﻣﻪﻫﻪﻟﻠﯩﻠﯩﺮﯨﮕﻪ ﺑﺎﺳﺘﯘﺭﯗﭖ ﻛﯩﺮﯨﺸﻰ ﻫﻪﻡ ﺑﯘﻧﯩﯖﺪﺍ ﻛﯚﺭﯛﻟﮕﻪﻥ ﺯﯨﻴﺎﻥ، ﻫﺎﺯﯨﺮﻏﺎ ﻗﻪﺩﻩﺭ ﻗﺎﻧﭽﯩﻠﯩﻚ ﺋﯘﻳﻐﯘﺭﻧﯩﯔ ﻳﺎﺭﯨﻼﻧﻐﺎﻧﻠﯩﻘﻰ، ﺋﯚﻟﺘﯜﺭﯛﻟﮕﻪﻧﻠﯩﻜﻰ ﯞﻩ ﺗﯘﺗﻘﯘﻥ ﻗﯩﻠﯩﻨﻐﺎﻧﻠﯩﻘﻰ ﻳﻪﻧﯩﻼ ﺋﯧﻨﯩﻖ ﺋﻪﻣﻪﺱ.

ﺑﻪﺯﻯ ﺋﯘﭼﯘﺭﻻﺭﻏﺎ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻗﻮﺭﺍﻟﻠﯩﻖ ﺳﺎﻗﭽﻰ ﻫﻪﻡ ﻫﻪﺭﺑﯩﻴﻠﯩﺮﻯ ﯞﻩﻗﻪ ﻳﯜﺯ ﺑﻪﺭﮔﻪﻥ 5 - ﺋﯩﻴﯘﻝ ﻛﯜﻧﻰ ﻛﯧﭽﯩﺪﻩ ﺑﯩﺮ ﺗﯘﺗﺎﺵ ﺗﯘﺗﯘﺵ ﺋﺎﺧﺘﯘﺭﯗﺵ ﺋﯧﻠﯩﭗ ﺑﯧﺮﯨﺸﻨﯩﯔ ﺋﺎﻟﺪﯨﺪﺍ ﺋﯜﺭﯛﻣﭽﻰ ﺋﺎﻣﻤﯩﺴﯩﻨﯩﯔ ﺳﯩﺮﺗﻼﺭﻏﺎ ﭼﯩﻘﻤﺎﺳﻠﯩﻘﯩﻨﻰ ﺋﯘﻗﺘﯘﺭﯗﭖ ﻣﻪﻫﻪﻟﻠﻪ ﻣﻪﻫﻪﻟﻠﯩﻠﻪﺭﻧﻰ ﻗﺎﻣﺎﻝ ﻗﯩﻠﻐﺎﻥ، ﻫﻪﻡ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﻰ ﺋﯜﺭﯛﻣﭽﯩﻨﯩﯔ ﭘﯜﺗﯜﻥ ﺋﯧﻠﯧﻜﺘﺮﯨﻨﻰ ﺋﯚﭼﯜﺭﯛﭖ ﺗﺎﺷﻠﯩﻐﺎﻧﺪﯨﻦ ﻛﯧﻴﯩﻦ، ﻛﯧﭽﯩﭽﻪ ﻗﺎﺭﺍﯕﻐﯘ ﻫﺎﻟﻪﺗﺘﻪ ﺋﯧﻠﯩﭗ ﺑﺎﺭﻏﺎﻥ.

ﺑﯘ ﻫﻪﻗﺘﻪ ﺋﯜﺭﯛﻣﭽﯩﺪﯨﻜﻰ ﺑﯩﺮ ﺩﯗﻛﺎﻧﺪﺍﺭ ﺋﯘﻳﻐﯘﺭ، ﺑﯩﺨﻪﺗﻪﺭﻟﯩﻜﯩﻨﻰ ﻛﯜﺯﺩﻩ ﺗﯘﺗﯘﭖ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﻮﻟﺴﯩﻤﯘ، ﻳﻪﻧﯩﻼ 5 - ﺋﯩﻴﯘﻝ ﻛﯜﻧﻰ ﻛﯧﭽﯩﺪﯨﻦ ﺑﺎﺷﻼﭖ ﺋﺎﺕ ﺑﻪﻳﮕﯩﺴﻰ ﻣﻪﻳﺪﺍﻧﯩﺪﯨﻜﻰ ﺋﺎﻫﺎﻟﯩﻠﻪﺭﻧﯩﯔ ﺗﻮﻛﯩﻨﻰ ﺋﯜﭺ ﻛﯜﻥ ﺋﯜﺯﯛﭖ ﺗﺎﺷﻠﯩﻐﺎﻧﻠﯩﻘﯩﻨﻰ، ﺋﺎﺕ ﺑﻪﻳﮕﯩﺴﻰ ﻣﻪﻳﺪﺍﻧﻰ ﺭﺍﻳﻮﻧﯩﻐﺎ ﻛﯩﺮﯨﺶ - ﭼﯩﻘﯩﺸﻨﯩﯔ ﭘﯜﺗﯜﻧﻠﻪﻱ ﺗﻮﺳﯘﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﻪﻟﻘﺌﺎﺭﺍ ﭼﻮﯓ ﺑﺎﺯﺍ ﺋﻪﺗﺮﺍﭘﯩﺪﯨﻜﻰ ﻣﻪﻟﯘﻡ ﺋﯘﻳﻐﯘﺭ ﺭﯦﺴﺘﻮﺭﺍﻧﯩﻨﯩﯔ ﺑﯩﺮ ﻛﯜﺗﻜﯜﭼﯩﺴﻰ، ﯞﻩﻗﻪ ﻳﯜﺯ ﺑﻪﺭﮔﻪﻥ ﻛﯜﻧﻰ ﻛﯧﭽﯩﭽﻪ ﺗﻮﻙ ﺋﯚﭼﯜﺭﯛﻟﮕﻪﻧﻠﯩﻜﯩﻨﻰ ﺋﯧﻴﺘﺘﻰ ﯞﻩ ﻳﻪﻧﻪ، 5 - ﺋﯩﻴﯘﻝ ﻛﯧﻴﯩﻦ ﺋﯜﺭﯛﻣﭽﯩﺪﻩ ﻛﯩﺸﯩﻠﻪﺭﻧﯩﯔ ﺗﻮﭘﻠﯩﻨﯩﭗ ﭘﺎﺋﺎﻟﯩﻴﻪﺕ ﻗﯩﻠﯩﺸﯩﻐﺎ ﻳﻮﻝ ﻗﻮﻳﯘﻟﻤﺎﻳﺪﯨﻐﺎﻧﻠﯩﻘﻰ ﺋﯘﻗﺘﯘﺭﯗﻟﻐﺎﻥ ﺑﻮﻟﯘﭖ، ﺑﯘ ﻫﻪﻗﺘﯩﻜﻰ ﺋﯘﻗﺘﯘﺭﯗﺷﺘﺎ ﺑﺎﺭﻟﯩﻖ ﺭﯦﺴﺘﻮﺭﺍﻥ ﻫﻪﻡ ﺋﺎﺷﺨﺎﻧﯩﻼﺭﻧﯩﯔ ﭘﻪﻗﻪﺕ ﺗﯧﺰ ﺗﺎﻣﺎﻕ ﭼﯩﻘﯩﺮﯨﺸﻘﺎ ﺑﻮﻟﯩﺪﯨﻐﺎﻧﻠﯩﻘﻰ، ﺗﻮﻱ - ﺗﯚﻛﯜﻧﻠﻪﺭﻧﻰ 20 - ﺋﯩﻴﯘﻟﺪﯨﻦ ﻛﯧﻴﯩﻦ ﺋﻮﺭﯗﻧﻼﺷﺘﯘﺭﯗﺷﻘﺎ ﺭﯗﺧﺴﻪﺕ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ 5 - ﺋﯩﻴﯘﻝ ﻛﻪﭺ ﺳﺎﺋﻪﺕ 9 ﻻﺭﺩﺍ ﺋﻮﻕ ﺋﺎﯞﺍﺯﻯ ﺑﺎﺷﻠﯩﻨﯩﭗ، ﺋﻪﺗﯩﺴﻰ ﻛﯜﻧﺪﯛﺯﮔﯩﭽﻪ ﺩﺍﯞﺍﻡ ﻗﯩﻠﻐﺎﻥ ﻫﻪﺗﺘﺎ ﻫﺎﺯﯨﺮﻣﯘ ﺑﻪﺯﯨﺪﻩ ﺋﻮﻕ ﺋﺎﯞﺍﺯﻟﯩﺮﻯ ﺋﺎﯕﻠﯩﻨﯩﭗ ﺗﯘﺭﯗﯞﺍﺗﻘﺎﻥ ﺋﯩﻜﻪﻥ.

ﻳﻮﻗﺎﭖ ﻛﻪﺗﻜﻪﻥ، ﺗﯘﺗﯘﭖ ﻛﯧﺘﯩﻠﮕﻪﻧﻠﻪﺭ ﺑﻪﻙ ﺟﯩﻖ

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ 15 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ ﻫﻪﻗﻘﯩﺪﻩ ﻳﯧﯖﻰ ﺳﺎﻧﻠﯩﻖ ﻣﻪﻟﯘﻣﺎﺕ ﺋﯧﻼﻥ ﻗﯩﻠﺪﻯ. ﻣﯘﻧﺎﺳﯩﯟﻩﺗﻠﯩﻚ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺋﯚﻟﮕﻪﻧﻠﻪﺭﻧﯩﯔ ﺳﺎﻧﻰ 184 ﺩﯨﻦ ﺋﯧﺸﯩﭗ 192 ﮔﻪ ﻳﻪﺗﺘﻰ، ﻳﺎﺭﯨﻼﻧﻐﺎﻥ ﺋﺎﺩﻩﻡ ﺳﺎﻧﻰ 1680 ﺩﯨﻦ ﺋﯧﺸﯩﭗ 1721 ﮔﻪ ﻳﻪﺗﺘﻰ ﺩﻩﭖ ﺋﯧﻼﻥ ﻗﯩﻠﺪﻯ.

ﻫﺎﻟﺒﯘﻛﻰ ﺋﯚﻟﮕﻪﻥ ﻫﻪﻡ ﻳﺎﺭﯨﺪﺍﺭ ﺑﻮﻟﻐﺎﻧﻼﺭ ﺳﺎﻧﯩﻨﯩﯔ ﺋﯧﺸﯩﺶ ﺳﻪﯞﻩﺑﻰ ﻧﯧﻤﻪ؟ ﺋﯘﻻﺭ ﺗﻮﻗﯘﻧﯘﺷﺘﺎ ﺋﯚﻟﮕﻪﻧﻠﻪﺭﻣﯘ ﻳﺎﻛﻰ ﺑﺎﺳﺘﯘﺭﯗﺷﺘﺎ ﺋﯚﻟﮕﻪﻧﻠﻪﺭﻣﯘ؟ ﺋﯚﻟﮕﯜﭼﯩﻠﻪﺭﻧﯩﯔ ﻫﻪﻡ ﻳﺎﺭﯨﻼﻧﻐﯘﭼﯩﻼﺭﻧﯩﯔ ﻣﯩﻠﻠﻪﺕ ﺋﺎﻳﺮﯨﻤﯩﺴﻰ؟ ﺷﯘﻧﭽﻪ ﻛﯚﭖ ﻳﺎﺭﯨﺪﺍﺭ ﻗﺎﻧﺪﺍﻕ ﭘﻪﻳﺪﺍ ﺑﻮﻟﺪﻯ؟ ﺩﯦﮕﻪﻧﮕﻪ ﺋﻮﺧﺸﺎﺵ ﺳﻮﺋﺎﻟﻼﺭ ﺟﺎﯞﺍﺑﺴﯩﺰ ﻗﺎﻟﺪﻯ.

ﯞﻩﻗﻪ ﻳﯜﺯ ﺑﻪﺭﮔﻪﻧﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﯩﺘﻰ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺋﯜﺭﯛﻣﭽﻰ ﯞﻩﻗﻪﺳﯩﺪﻩ ﺋﯚﻟﺘﯜﺭﯛﻟﮕﻪﻥ ﯞﻩ ﻳﺎﺭﯨﻼﻧﺪﯗﺭﯗﻟﻐﺎﻥ ﺋﺎﺩﻩﻣﻠﻪﺭﻧﯩﯔ ﻛﯩﻤﻠﯩﻜﯩﮕﻪ ﺩﺍﺋﯩﺮ ﺗﻪﭘﺴﯩﻠﯩﻲ ﺋﯘﭼﯘﺭﻻﺭﻧﻰ ﺋﺎﺷﻜﺎﺭﯨﻼﺵ ﺗﻮﻏﺮﯨﺴﯩﺪﯨﻜﻰ ﺗﻪﻟﯩﭙﯩﮕﻪ ﺗﯧﺨﯩﭽﻪ ﺟﺎﯞﺍﺏ ﺑﻪﺭﻣﯩﺪﻯ.

5 - ﺋﯩﻴﯘﻝ ﻛﯜﻧﯩﺪﯨﻦ ﺑﺎﺷﻼﭖ، ﺋﯧﺮﯨﻨﯩﯔ ﺋﯩﺰ ﺩﯦﺮﻩﻛﺴﯩﺰ ﻳﻮﻗﺎﭖ ﻛﻪﺗﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﻳﺎﺵ ﺋﺎﻳﺎﻝ، ﺋﯚﺯﯨﻨﯩﯔ ﺋﯧﺮﻯ ﺑﯩﻠﻪﻥ ﺟﻪﻧﯘﺑﺘﯩﻜﻰ ﻳﯘﺭﺗﯩﺪﯨﻦ ﺋﯜﺭﯛﻣﭽﯩﮕﻪ ﺋﯩﺸﻠﻪﺷﻜﻪ ﻛﻪﻟﮕﻪﻧﻠﯩﻜﯩﻨﻰ، ﮔﻪﺭﭼﻪ ﺋﯧﺮﻯ 5 - ﺋﯩﻴﯘﻟﺪﯨﻜﻰ ﯞﻩﻗﻪﮔﻪ ﺋﺎﺭﯨﻼﺷﻤﯩﻐﺎﻥ ﺑﻮﻟﺴﯩﻤﯘ، ﺷﯘ ﻛﯜﻧﻰ ﻛﯧﭽﯩﺪﯨﻦ ﺑﺎﺷﻼﭖ ﺧﻪﯞﯨﺮﻯ ﺑﻮﻟﻤﯩﻐﺎﻧﻠﯩﻘﯩﻨﻰ، ﺳﺎﻗﭽﻰ ﺩﺍﺋﯩﺮﯨﻠﯩﺮﯨﮕﻪ ﺳﯜﺭﯛﺷﺘﻪ ﻗﯩﻠﯩﭗ ﺑﺎﺭﻏﯩﻨﯩﺪﺍ ﺋﻮﻟﺘﯘﺭﯗﺷﻠﯘﻕ ﻣﻪﻫﻪﻟﻠﻪ ﻛﻮﻣﯩﺘﯧﺘﯩﻐﺎ ﺗﯩﺰﯨﻤﻠﯩﺘﯩﺸﻨﻰ ﺑﯘﻳﺮﯗﻏﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
 
ﺋﯜﺭﯛﻣﭽﯩﺪﯨﻜﻰ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺩﯗﻛﺎﻧﺪﺍﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﻫﻪﺭﺑﯩﻲ ﯞﻩ ﺳﺎﻗﭽﯩﻠﯩﺮﻯ ﺋﯘﻳﻐﯘﺭﻻﺭﻧﯩﯔ ﺋﯚﻳﻠﯩﺮﯨﮕﻪ ﺑﺎﺳﺘﯘﺭﯗﭖ ﻛﯩﺮﯨﭗ ﺗﯘﺗﯘﺵ ﻫﻪﺭﯨﻜﯩﺘﯩﻨﻰ ﻳﻪﻧﻪ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﺑﻮﻟﯘﭖ، ﺋﯘﻧﯩﯔ ﭘﻪﺭﯨﺰﯨﭽﻪ، ﺗﯘﺗﯘﭖ ﻛﯧﺘﯩﻠﮕﻪﻥ ﺋﯘﻳﻐﯘﺭﻻﺭ 20، 30 ﻣﯩﯖﻐﺎ ﺑﺎﺭﯨﺪﯨﻜﻪﻥ. ﺋﯘﻧﯩﯔ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻧﻠﯩﺮﯨﻨﻰ ﺑﺎﻳﺎﻥ ﻗﯩﻠﯩﺸﯩﭽﻪ، ﺗﯘﺗﯘﻟﻐﺎﻧﻼﺭﻧﯩﯔ ﻛﯚﭘﯩﻨﭽﯩﺴﻰ ﻳﺎﺵ ﻳﯩﮕﯩﺘﻠﻪﺭ ﺑﻮﻟﯘﭖ، ﺋﺎﺕ ﺑﻪﻳﮕﻪ ﻣﻪﻳﺪﺍﻧﯩﺪﯨﻜﻰ ﺗﯘﺗﯘﺵ ﻫﻪﺭﯨﻜﯩﺘﯩﺪﻩ، ﺧﯩﺘﺎﻱ ﺳﺎﻗﭽﯩﻠﯩﺮﻯ ﺋﯚﻳﻤﯘ ﺋﯚﻱ ﻛﯩﺮﯨﭗ، 12 ﻳﺎﺷﺘﯩﻦ 25 ﻳﺎﺷﻘﯩﭽﻪ ﺑﻮﻟﻐﺎﻥ ﺋﻮﻏﯘﻟﻼﺭﻧﯩﯔ ﻫﻪﻣﻤﯩﻨﻰ ﺑﯩﺮﺩﻩﻙ ﺗﯘﺗﻘﯘﻥ ﻗﯩﻠﻐﺎﻥ ﺷﯘﻧﺪﺍﻗﻼ، ﺗﯘﺗﯘﺵ ﺟﻪﺭﻳﺎﻧﯩﺪﺍ ﺋﯩﻨﺘﺎﻳﯩﻦ ﻗﻪﺑﯩﻬ ﯞﺍﺳﯩﺘﯩﻠﻪﺭ ﺑﯩﻠﻪﻥ ﻫﻪﻣﻤﯩﺴﯩﻨﻰ ﻣﻪﺟﺒﯘﺭﻯ ﻳﺎﻟﯩﯖﺎﭼﻼﭖ ﺗﻪﻛﺸﯜﺭﯛﭖ ﺋﺎﭘﺘﻮﻣﻮﺑﯩﻠﻼﺭﻏﺎ ﺑﯧﺴﯩﭗ ﺋﯧﻠﯩﭗ ﻣﺎﯕﻐﺎﻥ. ﻫﺎﺯﯨﺮﻏﺎ ﻗﻪﺩﻩﺭ ﺑﯘ ﺑﺎﻟﯩﻼﺭﻧﯩﯔ ﻗﻪﻳﻪﺭﺩﻩ ﺋﯩﻜﻪﻧﻠﯩﻜﻰ، ﻧﯧﻤﻪ ﺋﯜﭼﯜﻥ ﺗﯘﺗﯘﻟﻐﺎﻧﻠﯩﻘﻰ، ﻗﺎﭼﺎﻥ ﻗﻮﻳﯘﭖ ﺑﯧﺮﯨﻠﯩﺪﯨﻐﺎﻧﻠﯩﻘﻰ ﯞﻩ ﺳﺎﻻﻣﻪﺗﻠﯩﻜﻰ ﻫﻪﻗﻘﯩﺪﻩ ﺋﺎﺋﯩﻠﯩﻠﯩﺮﯨﮕﻪ ﺧﻪﯞﻩﺭ ﺑﯧﺮﯨﻠﻤﯩﮕﻪﻥ، ﻫﻪﺗﺘﺎ ﺑﺎﻟﯩﻠﯩﺮﯨﻨﯩﯔ ﺋﻪﻫﯟﺍﻟﯩﻨﻰ ﺳﻮﺭﯨﻐﯘﭼﯩﻼﺭﻣﯘ ﺗﻪﻫﺪﯨﺘﻜﻪ ﺋﯘﭼﺮﯨﻤﺎﻗﺘﺎ ﺋﯩﻜﻪﻥ.

ﻣﻪﻟﯘﻡ ﺑﻮﻟﻐﺎﻧﺪﻩﻙ، 7 - ﺋﯩﻴﯘﻝ ﺩﻩﻝ ﺋﺎﺕ ﺑﻪﻳﮕﻪ ﻣﻪﻳﺪﺍﻧﯩﺪﺍ ﺋﯜﭺ ﻳﯜﺯﮔﻪ ﻳﯧﻘﯩﻦ ﺋﯘﻳﻐﯘﺭ ﺋﺎﻳﺎﻝ ﯞﻩ ﺑﺎﻻ، ﺗﯘﺗﯘﻟﻐﺎﻥ ﺋﻪﺭﻟﯩﺮﻯ، ﺋﻮﻏﯘﻟﻠﯩﺮﻯ ﯞﻩ ﻗﯧﺮﯨﻨﺪﺍﺷﻠﯩﺮﯨﻨﯩﯔ ﻗﻮﻳﯘﭖ ﺑﯧﺮﯨﻠﯩﺸﯩﻨﻰ ﺗﻪﻟﻪﭖ ﻗﯩﻠﯩﭗ ﻧﺎﻣﺎﻳﯩﺶ ﻗﯩﻠﻐﺎﻥ ﯞﻩ ﻧﺎﻣﺎﻳﯩﺶ ﺋﻮﺧﺸﺎﺷﻼ ﻣﯩﯖﺪﯨﻦ ﺋﻮﺷﯘﻕ ﺳﺎﻗﭽﻰ ﻫﻪﻡ ﺑﺮﻭﻧﯧﯟﯨﻚ ﺑﯩﻠﻪﻥ ﻛﻪﻟﮕﻪﻥ ﻫﻪﺭﺑﯩﻴﻠﻪﺭ ﺗﻪﺭﯨﭙﯩﺪﯨﻦ ﺗﯧﺰ ﺋﺎﺭﯨﺪﺍ ﺗﯩﻨﭽﯩﺘﯩﻠﻐﺎﻥ ﺋﯩﺪﻯ.

ﻫﻪﺭﺑﯩﻲ ﻫﺎﻟﻪﺗﺘﻪ ﺗﯘﺭﯗﯞﺍﺗﻘﺎﻥ ﺋﯜﺭﯛﻣﭽﯩﺪﻩ، 10 - ﺋﯩﻴﯘﻝ ﺟﯜﻣﻪ ﻧﺎﻣﯩﺰﯨﺪﯨﻦ ﻗﺎﻳﺘﯩﭗ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭ ﺑﯧﺸﯩﻐﺎ ﺗﯩﺮﻩﻟﮕﻪﻥ ﺋﺎﭘﺘﻮﻣﺎﺗﻼﺭﺩﯨﻦ ﻗﻮﺭﻗﻤﺎﻱ ﻳﻪﻧﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﭖ ﭼﯩﻘﻘﺎﻥ ﺑﻮﻟﺴﯩﻤﯘ، ﺋﯘﻣﯘ ﻗﺎﺗﺘﯩﻖ ﺑﺎﺳﺘﯘﺭﯗﻟﺪﻯ.

ﺋﯘﻳﻐﯘﺭﻻﺭﻧﯩﯔ ﺋﯩﻨﻜﺎﺳﯩﻐﺎ ﻗﺎﺭﯨﻐﺎﻧﺪﺍ، ﻫﺎﺯﯨﺮﻣﯘ ﺑﯘ ﺧﯩﻠﺪﯨﻜﻰ ﻗﺎﺭﺷﯩﻠﯩﻖ ﻫﻪﻡ ﻧﺎﺭﺍﺯﯨﻠﯩﻖ ﺗﻮﺧﺘﯩﻤﺎﻱ ﺩﺍﯞﺍﻣﻼﺷﻤﺎﻗﺘﺎ ﺋﯩﻜﻪﻥ.

ﺧﯘﻣﺪﺍﻧﻠﯩﻖ ﻣﻪﺳﭽﯩﺘﻰ ﺧﯩﺘﺎﻱ ﺋﺎﻗﻘﯘﻧﻼﺭﻧﯩﯔ ﻫﯘﺟﯘﻣﯩﺪﺍ ﯞﻩﻳﺮﺍﻥ ﻗﯩﻠﯩﻨﻐﺎﻥ

6 - ﺋﯩﻴﯘﻝ، ﻗﻮﻟﯩﺪﺍ ﻛﺎﻟﺘﻪﻙ - ﺗﻮﻗﻤﺎﻕ، ﻗﯩﯖﺮﺍﻕ - ﭘﯩﭽﺎﻕ ﻛﯚﺗﯜﺭﮔﻪﻥ ﺧﯩﺘﺎﻱ ﺋﺎﻗﻘﯘﻧﻠﯩﺮﻯ ﺋﯘﻳﻐﯘﺭﻻﺭﺩﯨﻦ ﺋﯚﭺ ﺋﯧﻠﯩﺶ ﻫﻪﺭﯨﻜﯩﺘﻰ ﻗﻮﺯﻏﺎﭖ، ﺋﯘﻳﻐﯘﺭ ﻣﻪﻫﻪﻟﻠﯩﻠﯩﺮﯨﮕﻪ، ﺋﯘﻳﻐﯘﺭﻻﺭﻧﯩﯔ ﺩﯗﻛﺎﻥ ﻫﻪﺗﺘﺎ ﻣﻪﺳﭽﯩﺘﻠﻪﺭﮔﯩﻤﯘ ﻫﯘﺟﯘﻡ ﻗﯩﻠﻐﺎﻥ ﺋﯩﺪﻯ.

ﺋﯚﺯ ﺑﯩﺨﻪﺗﻪﺭﻟﯩﻜﯩﺪﯨﻦ ﺋﻪﻧﺴﯩﺮﻩﭖ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺋﯜﺯﯛﻣﭽﯩﻠﯩﻚ ﺑﯩﺮ ﺗﻪﻗﯟﺍﺩﺍﺭ ﻛﯩﺸﻰ، ﺑﻪﺯﻯ ﻣﻪﺳﭽﯩﺘﻠﻪﺭ ﺟﯜﻣﻪ ﻛﯜﻧﻰ ﻣﯘﺳﯘﻟﻤﺎﻧﻼﺭﻏﺎ ﺋﯧﭽﯩﭗ ﺑﯧﺮﯨﻠﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺟﺎﻣﺎﺋﻪﺗﻨﯩﯔ ﺋﯘﻧﭽﻪ ﻛﯚﭖ ﺋﻪﻣﻪﺳﻠﯩﻜﯩﻨﻰ ﺑﯩﻠﺪﯛﺭﺩﻯ. ﺑﯘ ﻛﯩﺸﯩﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ، 5 - ﺋﯩﻴﯘﻝ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﻳﯜﺯ ﺑﯧﺮﯨﭗ ﺋﻪﺗﯩﺴﻰ، ﻧﻴﻪﻧﺰﯨﮕﻮ (ﺧﯘﻣﺪﺍﻧﻠﯩﻖ) ﻣﻪﺳﭽﯩﺘﻰ ﺧﯩﺘﺎﻳﻼﺭﻧﯩﯔ ﻫﯘﺟﯘﻣﻐﺎ ﺋﯘﭼﺮﺍﭖ ﯞﻩﻳﺮﺍﻥ ﻗﯩﻠﯩﻨﻐﺎﻥ.

ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﯩﺪﺍ ﺑﯜﮔﯜﻥ ﺧﻪﯞﻩﺭ ﻗﯩﻠﯩﻨﯩﺸﯩﭽﻪ، ﺩﺍﺋﯩﺮﯨﻠﻪﺭ ﺟﯜﻣﻪ ﻧﺎﻣﯩﺰﻯ ﺋﻮﻗﯘﻟﻐﺎﻥ ﻣﻪﺳﭽﯩﺘﻠﻪﺭﻧﯩﯔ ﺋﻪﺗﺮﺍﭘﯩﻐﺎ ﺗﻮﻟﯘﻕ ﻗﻮﺭﺍﻟﻼﻧﻐﺎﻥ ﺳﺎﻗﭽﯩﻼﺭﻧﻰ ﺋﻮﺭﯗﻧﻼﺷﺘﯘﺭﻏﺎﻥ. ﺋﺎﺩﻩﺗﺘﻪ ﺑﯩﺮ ﺳﺎﺋﻪﺗﻠﻪﺭﭼﻪ ﺩﺍﯞﺍﻡ ﻗﯩﻠﯩﺪﯨﻐﺎﻥ ﺟﯜﻣﻪ ﻧﺎﻣﯩﺰﻯ ﺋﺎﺭﺍﻥ 20 ﻣﯩﻨﯘﺕ ﺩﺍﯞﺍﻣﻼﺷﻘﺎﻥ.

ﻣﯩﻠﻠﯩﻲ ﺗﻮﻗﯘﻧﯘﺵ ﺑﺎﺷﻘﯩﭽﻪ ﺷﻪﻛﯩﻠﻠﻪﺭﺩﻩ

ﭼﻪﺗﺌﻪﻝ ﺋﺎﺧﺒﺎﺭﺍﺗﻠﯩﺮﯨﻨﯩﯔ ﺑﺎﻫﺎﺳﯩﻐﺎ ﻗﺎﺭﯨﻐﺎﻧﺪﺍ، ﺑﯘ ﻧﯚﯞﻩﺕ ﺋﯜﺭﯛﻣﭽﯩﺪﻩ ﻳﯜﺯ ﺑﻪﺭﮔﻪﻥ ﻣﯩﻠﻠﯩﻲ ﺗﻮﻗﯘﻧﯘﺵ، ﺧﯩﺘﺎﻳﺪﺍ 10 ﻧﻪﭼﭽﻪ ﻳﯩﻠﺪﯨﻦ ﺑﯘﻳﺎﻥ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺋﻪﯓ ﺷﯩﺪﺩﻩﺗﻠﯩﻚ ﺗﻮﻗﯘﻧﯘﺵ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ.

ﺋﯜﺭﯛﻣﭽﯩﺪﯨﻜﻰ ﺋﯘﻳﻐﯘﺭﻻﺭ ﺑﯩﻠﻪﻥ ﺧﯩﺘﺎﻳﻼﺭ ﺋﻮﺗﺘﯘﺭﯨﺴﯩﺪﯨﻜﻰ ﺑﯘ ﺋﯚﺗﻜﯜﺭ ﺗﻮﻗﯘﻧﯘﺷﺘﯩﻦ ﻛﯧﻴﯩﻦ، ﺧﯩﺘﺎﻳﻨﯩﯔ ﻗﻮﺭﺍﻟﻠﯩﻖ ﻛﻮﻧﺘﺮﻭﻟﻠﯘﻗﻰ ﺋﺎﺳﺘﯩﺪﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯜﺭﯛﻣﭽﻰ ﯞﻩﺯﯨﻴﯩﺘﯩﮕﻪ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ "ﺷﯘ ﻗﻪﺩﻩﺭ ﻗﺎﻥ ﺗﯚﻛﯜﺷﻜﻪﻥ ﺑﯘ ﺋﯩﻜﻜﻰ ﻣﯩﻠﻠﻪﺕ ﻳﻪﻧﻪ ﺑﯩﺮ ﻳﻪﺭﺩﻩ ﻳﺎﺷﯩﻴﺎﻟﯩﺸﻰ ﻣﯘﻣﻜﯩﻨﻤﯘ؟ "ﺩﯦﮕﻪﻥ ﮔﯘﻣﺎﻧﻠﯩﻖ ﻧﻪﺯﻩﺭﺩﻩ ﺩﯨﻘﻘﻪﺕ ﻗﯩﻠﻤﺎﻗﺘﺎ، ﺋﻪﻣﻪﻟﯩﻴﻪﺗﺘﯩﻤﯘ ﺧﯩﺘﺎﻱ ﺳﺎﻗﭽﻰ ﯞﻩ ﻫﻪﺭﺑﯩﻴﻠﯩﺮﯨﻨﯩﯔ ﻗﺎﺗﺘﯩﻖ ﻛﻮﻧﺘﺮﻭﻟﻠﯘﻗﻰ ﺋﺎﺳﺘﯩﺪﺍ ﺋﯜﺭﯛﻣﭽﯩﺪﯨﻜﻰ ﺋﺎﻣﻤﯩﻨﯩﯔ ﻛﯜﻧﺪﯨﻠﯩﻚ ﭘﺎﺋﺎﻟﯩﻴﯩﺘﻰ ﻧﻮﺭﻣﺎﻟﻠﯩﺸﯩﯟﺍﺗﻘﺎﻧﺪﻩﻙ ﻛﯚﺭﯛﻧﺴﯩﻤﯘ، ﻫﺎﻟﺒﯘﻛﻰ ﻣﯩﻠﻠﻪﺗﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﺋﯩﺨﺘﯩﻼﭖ ﺑﺎﺷﻘﯩﭽﻪ ﺷﻪﻛﯩﻠﻠﻪﺭﺩﻩ ﺋﯚﺯ ﺋﯩﭙﺎﺩﯨﺴﯩﻨﻰ ﺗﺎﭘﻤﺎﻗﺘﺎ ﺋﯩﻜﻪﻥ.

ﺋﯘﻳﻐﯘﺭ ﺩﯗﻛﺎﻧﺪﺍﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﯞﻩﻗﻪﺩﯨﻦ ﻛﯧﻴﯩﻦ ﭘﺎﻳﺘﻪﺧﺖ ﺋﯜﺭﯛﻣﭽﯩﺪﻩ، ﺧﯩﺘﺎﻳﻼﺭ ﺭﺍﻳﻮﻧﻰ ﯞﻩ ﺋﯘﻳﻐﯘﺭﻻﺭ ﺭﺍﻳﻮﻧﻰ ﺋﺎﺭﯨﺴﯩﺪﺍ ﭼﯧﮕﺮﺍ ﻫﺎﺳﯩﻞ ﺑﻮﻟﻐﺎﻥ ﺑﻮﻟﯘﭖ، ﺑﯘ ﻛﯩﺸﯩﻤﯘ ﺋﺎﭘﺘﻮﻣﻮﺑﯩﻠﯩﻐﺎ ﮔﺎﺯ ﻗﺎﭼﯩﻼﺵ ﺋﯜﭼﯜﻥ ﺑﯩﺮ ﮔﺎﺯ ﭘﻮﻧﻜﯩﺘﯩﻐﺎ ﻛﯩﺮﮔﯩﻨﯩﺪﻩ، ﮔﺎﺯ ﭘﻮﻧﻜﯩﺘﯩﺪﯨﻜﻰ ﺧﯩﺘﺎﻳﻨﯩﯔ ﮔﺎﺯ ﻗﺎﭼﯩﻼﭖ ﺑﻪﺭﻣﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺑﯘ ﻛﯩﺸﯩﻨﯩﯔ ﺗﻪﺳﯟﯨﺮﻟﯩﺸﯩﭽﻪ، ﻫﺎﺯﯨﺮ ﺋﯘﻳﻐﯘﺭﻻﺭ ﺧﯩﺘﺎﻳﻼﺭ ﻛﯚﭖ ﺭﺍﻳﻮﻧﻐﺎ ﺑﺎﺭﻣﺎﻳﺪﯨﻜﻪﻥ، ﺧﯩﺘﺎﻳﻼﺭﻣﯘ ﺋﯘﻳﻐﯘﺭﻻﺭﻧﯩﯔ ﺭﺍﻳﻮﻧﯩﻐﺎ ﻛﻪﻟﻤﻪﻳﺪﯨﻜﻪﻥ. ﻣﺎﮔﯩﺰﯨﻨﻼﺭﺩﯨﻜﻰ ﺧﯩﺘﺎﻳﻼﺭ ﻫﻪﺗﺘﺎ ﺋﯘﻳﻐﯘﺭ ﺧﯧﺮﯨﺪﺍﺭﻻﺭﻏﺎ ﻧﻪﺭﺳﻪ ﻛﯧﺮﻩﻙ ﺳﯧﺘﯩﭗ ﺑﯧﺮﯨﺸﻨﯩﻤﯘ ﺭﻩﺕ ﻗﯩﻠﯩﯟﯦﺘﯩﭙﺘﯘ. ﺋﯘ ﻳﻪﻧﻪ، ﻧﯚﯞﻩﺗﺘﻪ ﺧﯩﺘﺎﻱ "ﺋﯜﺭﯛﻣﭽﻰ ﺗﯩﻨﭽﻼﻧﺪﻯ" ﺩﻩﭖ ﻗﺎﻧﭽﻪ ﺗﻪﺷﯟﯨﻖ ﻗﯩﻠﺴﯩﻤﯘ، ﺧﯩﺘﺎﻱ ﺋﺎﻗﻘﯘﻧﻼﺭﻧﯩﯔ ﻫﻪﻣﺪﻩ ﺑﺎﺷﻘﺎ ﻳﯘﺭﺗﻼﺭﺩﯨﻦ ﻛﻪﻟﮕﻪﻥ ﺋﯘﻳﻐﯘﺭﻻﺭﻧﯩﯖﻤﯘ ﻳﯘﺭﺗﻠﯩﺮﯨﻐﺎ ﺑﺎﺱ - ﺑﺎﺳﺘﺎ ﻗﺎﻳﺘﯩﯟﺍﺗﻘﺎﻧﻠﯩﻘﯩﻨﻰ ﺋﻪﻣﻤﺎ، ﺋﯘﻳﻐﯘﺭ ﺋﯧﻠﯩﮕﻪ ﻛﯧﻠﯩﺪﯨﻐﺎﻥ ﺋﺎﻳﺮﻭﭘﯩﻼﻥ، ﭘﻮﻳﯩﺰﻻﺭﻧﯩﯔ ﺑﻮﻟﺴﺎ ﻗﯘﺭﯗﻕ ﻗﺎﺗﻨﺎﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز